Post: #1
Title: بوست موفق ؟ ... بوست غير موفق !! .. اما اجمل بوست ؟ ... الرجاء مسح البوست !!
Author: يحي قباني
Date: 08-03-2014, 08:16 PM
علي اي أساس مثلاً ؟
المعايير دى مع ناس منو ؟
و ليه في ناس احساسها انو عليهم مسئولية التقييم ؟
او انو ( العالم ) منتظر منهم ( النجيضة ) ...
ما حقو نخلي اليكتب يكتب ...
و اليكذب يكذب ...
و البفتي يفتي ...
هو الكلام بقروش ؟
غايتو نضحك بس ...
|
Post: #2
Title: Re: بوست موفق ؟ ... بوست غير موفق !! .. اما اجمل بوست ؟ ... الرجاء مسح البوست !!
Author: يحي قباني
Date: 08-03-2014, 09:35 PM
Parent: #1
لا ... وغالباً بيكون المسأله داخل فيها
البتريدو بتسموه بخيت !!!
علي قولة صاحبي عبد الحفيظ ...
|
Post: #3
Title: Re: بوست موفق ؟ ... بوست غير موفق !! .. اما اجمل بوست ؟ ... الرجاء مسح البوست !!
Author: يحي قباني
Date: 08-03-2014, 09:49 PM
Parent: #2
لأ و يجي عضو ( مولود ) منبرياً سنة 2002 او 2003
مثلاً يعني ...
يكون مختفي ليهو كم سنة ...
يجي يقول ( ياآك ) ...
يقولوا ليك و عادت للمنبر عافيته ؟
________________________
مريم فخر الدين عندها قوله مشهورة ...
مرة سمعتها في مقابله ...
سألوها رأيك شنو في ( سيدة الشاشة ) العربية فاتن حمامة ...؟
قالت ليهم ... انتو مين البيوزع الالقاب دى ؟
و اشمعني فاتن حمامة ( سيدة ) الشاشة العربية؟
امال احنا نبقي إيه ؟ ...( خدامات ) الشاشة العربية مثلاً ؟
|
Post: #4
Title: Re: بوست موفق ؟ ... بوست غير موفق !! .. اما اجمل بوست ؟ ... الرجاء مسح البوست !!
Author: عبدالحفيظ ابوسن
Date: 08-04-2014, 06:02 AM
Parent: #3
يا صاحب
كيفك
انا ضد حذف البوستات التقعد تذكير لصاحبها ولنا ,, نتحمل اخطاءنا وتظل ماثلة امامنا لتجعلنا لا نكررها
قداسة الاسماء ليست عندي ,, وحتي وإن كان رأي فطيرا سأقوله إلا أن يثبت عكسه ,, ومستعد للتراجع عنه متي تبين خطاه دون احساس بكبرياء زائف
كلنا نكتب لنتعلم , ونكتب لنظهر قناعاتنا امام التجريب والاختبار ,,
لا يوجد خطأ مطلقا او صوابا مطلقا ,, فالأمر نسبي بينهما ,, ففي داخل الخطأ يوجد جزءا من الصواب احيانا
فلندع الناس يقولون ليدعونا نقول
القلم الاحمر ده ممكن يكون عند اي زول
|
|