Post: #1
Title: بالله تعالوا شوفوا و اسمعوا امام حلتنا قال شنو لما ودر خطبة العيد..فديو مافي..
Author: عبدالعزيز عثمان
Date: 08-02-2014, 04:49 AM
بالله تعالوا شوفوا و اسمعوا امام حلتنا قال شنو لما ودر خطبة العيد.....
الجماعة رسلوها لي،،،بس انزلا كيفن ....
ياخي منذ خطبة الوداع لم اسمع خطبة مثلها....
اهلنا ديل لما اختوا الورق امانا ما بميزوا النضمي..
|
Post: #2
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-02-2014, 05:07 AM
Parent: #1
وعمنا الفكي ده،،سبعيني ،بالنسبة له الدين تلاتة شعب،،،
اولاها الصلاة...
وثانيها الزراعة...
وتالتها ان لقيت فرقه الاذكار...
واي نضمي زيادة قلت شغلة...
ولقد كانت خطب جمعته واعياده ،حلوووه وخفيفة،،ورشا من جده الاول...لذلك كان حضور الصلاة معه دائما مرغوبا،،خاصة وانه لطالما ختمها بمدحة شجية ثم طرفة ذكية،،،،ثم مناداته للناس...
اتغدوا قوام يافقرا امرقوا علي الزرع قيل ان الصلاة لا تقبل الا تعقب بعمل شريف..
ثم انه في صلاة العيد الفات ،تبن جيبوبه ذات اليمين والشمال،بحث عنها في العراقي،،ادرك انه قد تمغلب ،كانت كل القرية امامه في الانتظار...
|
Post: #3
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-02-2014, 05:20 AM
Parent: #2
بعدين حاجة عجيبة جدا ،،هذا الرجل لا يقبل اعانة الامامة ابدا...
يعطيها لمن يحتاجها...
ثم قيل بان مجرد وجوده بغير ما كلام،،يصطلح الخصوم....
ستين عام،،مانام عن صبح،،او مصابحة زرع...
|
Post: #4
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-02-2014, 05:46 AM
Parent: #3
ناس الزمن ده بقوا شكاكين...
الفديو اهو معاي..
الفريق الفني المعاي ناس حلال ،،قالوا الفديو ده مابنزل...
قلنا ننتظر صباحات الله بي خيرن...
جارتنا الخواجية دي شيطان كمبيوتر مصرم،،بتنزلو
بس ان فشلنا عشان ما تترفع ضد قضية ضمير
انني ما صدقت مع عزيزي وسيدي القارئ...
لاني اتقاسم معهم الكلمة والطرفة والحكوة...
واعلم بيقين ان ما عندهم من حكي اجمل واروع
وياليتنا نسمع بعضنا بعض بمحبة
ليستعيد بلدنا عافيته ومحبته...
التي ضاعت في غفلة...
لذلك فشوفوا الزول ده اختصر المسالة كيف...
شوفوا الروعة والتصالح...
|
Post: #5
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: Muhib
Date: 08-02-2014, 05:50 AM
Parent: #3
عبد العزيز .. استخدام الطرف او النكات قبل القاء الخطب والاحاديث المهمه بيدع المستمع يفهم الخطبه ويعطي اهتمام اكبر للمتكلم وهذا علي حسب علم النفس .. ..
الطرف دليل علي حريه وتلقائيه المتكلم وعدم تكلفه ..
|
Post: #6
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالله ود البوش
Date: 08-02-2014, 07:07 AM
Parent: #5
امام جامع بلعب معانا الحريق في الميز بالدس وطوالي حارقنا ومطلع زيتنا
ولكنا اكتشفناه في خطبة من خطبه يوم الجمعة انو ما كان حريف ..... كان بسرق الجوكر ...
في اليوم داك جانا بدررري قبل صلاة الجمعة بكتير وقال يلا عشرة عشرتين قبل الصلاة
عشان ابكيكن هنا ولبعدين عندي خطبة حارة ابكيكن في الجامع ...
.
.
وطوالي مسك الكشتينة التلاتة سبعات ديك .. اها
وزع الستة كروت ... كنا ستة وسابعنا اب تكة العولاق
هذا الخائن كان بجيب معاها تلاتة اربعة جواكر في جيبو ( من خارج مفوضية اللعبة )
وطوالي افك تكتين من التوزيع وعشان اضلل الفي يسارو اجدع سمبهار سمبهارين
وانتظروا في التالتة جوكر على المخاواة ......
والغايظنا ومورم فشفاشنا لمن اجوا جنبوا سليمان العولاق
واكورك جر الكيشة يا عمر ....
اها عشان ربنا افضح اخونا عمر ود عمي حاج عباس دا في يوم الجمعة وامام كل المصلين
اقول ليكن الحصل شنو .....
.
.
الله يمهل ولا يهمل ......
زي ما قلت ليكن الزول دا بجيب معاهو تلاتة اربعة جواكر في جيبو
في اليوم داك اللهو يوم الجمعة جايب معاهو خطبتو في جيبو سوا سوا مع الجواكر
اها بعد ما حرقنا في العشرة اللولى قلنا ليهو لسع الصلاة بدري ناخد عشرة تانية
والعشرة التانية جرت اها في نصها كدا وقبل ما ادخل جواكرو في الورق الاذان اذن
فووووووو فك الورق وقام جاري على الجامع وقال الحقوني هناك برضو ببكيكن
.
.
وطلع المنبر العام ..... دخل ايدو في جيبو عشان اطلع ورقة الخطبة
وتلاتة جواكر متعنكشة في الورقة وكف جنن ناطات مع ورقة الخطبة ومنهن اتنين واحدة وقعت فوق راس
الموذن والتانية وقعت فوق راس جدي حاج ملود .....
.
.
قام طوالي دنقر عليهن وقال ليهن ارفعوا لي الجواكر دي بالله
ورفع التلاتة جواكر فووووووووووووق
وقال اوتدرون ما هذا
قال المصلين انها جواكر
قال انها سبب دمار شبااااااااابنا
انها سبب دمار اقتصادنا
انها سبب تخلف طلابنا
انها سبب غتاس حجرنا
وتموا الباقي خيال
وسير سير يا عمي عمر ود عمي حاج عباس
ويا ابو السيف ات كيف ؟
والباقي هنا دا
http://www.sudaneseonline.com/board/290/msg/1270626876.html
|
Post: #7
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-02-2014, 09:14 AM
Parent: #6
مهيب يا حبيب،،،ياخي جوامع حلالنا دي كانت تعيش جوهر الدين،،الفة،،ومحبة،،نفير وتعاون علي السراء والضراء،،هسع جونا ناس داهش الله يكفينا شرهم احمر ليك في الجامع ،،،وليد مطيميس قال لي ياخال ات عقيدتك ما صحيحة،،قلتو كيف اعشاي،،قال لي تؤيد التصوف،،واها قلت لي رايك،،قال لي ديل ناس عقيدتم فاسده وحطب لجهنم،،،قتلو يعني هسع ناس ابوي وعمي واهلي السمحين ديل بنو المدرسة والشفخانة وربوا وسبوا امشوا جهنم وداهش الجنة...
قلتلو ياجني هوي انا داير نار ابواتي ديل...
اها ركزت علي الوليد...
عليك امان الله بقي زولنا مبيريك في امان الله بتخرج السنة طبيب،،قال لي الحمدلله من فكيت دربن الله نور بصيرتي...
الدين محبة وسماحة،،ولن يشاد احدا الا غلبه..
|
Post: #8
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-02-2014, 12:57 PM
Parent: #7
عارف يا ود البوش امام حلة مجتهد مع الجماعة تمام،،،تلاوة وتهجد،،والجماعة كل صلاة ادينا الفاتحة اسيدنا ان شاء الله العيش اصح ما بنقصر معاك،،تقوم زوجتو تضع وحكايتو معرجه خالص،اتكامل جماعتو ناس جامعوا اتبلكتو يمين شمال حق ديك ما مرق، اها طلع من المسجد اسب واسخط علي ناسو التلفانين ديل،،وهو في الطريق مر فوقو واحد مقندل من شباب الحلة زول انبساطة مع عندو شغلة بالجامع،،وقف ليهو ركبو معاهو وسالو مالو زهجان حكي له الحكاية،،،لمن نزلو علي بيتو فتح شنطتو اداهو دقشة غليده وقال ليهو بس ياشيخنا اسال لينا الله الهداية،،،،فقال له اهديك،،اهديك شان تبقي لي ذي البجم ديل،،امش شوف شغلتك علي بي الطلاق جنة ماتدخلا ات فرد ود مقنعا في الحلة دي ما اصلا.
|
Post: #9
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: معاوية الزبير
Date: 08-02-2014, 01:09 PM
Parent: #8
عبد العزيز و ود البوش
قوموا إلى صلاتكم أسعدكم الله دنيا وآخرة
|
Post: #10
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-02-2014, 05:43 PM
Parent: #9
اها وكتين هبش جيوبو مالقه الكتاب ...
طنطن ،،،وقال التبقي البخيته...هو الكتاب شن نفعو...
ثم قبل علي الناس مهللا ومكبرا...
ثم اردف....
هوي يافقرا ،،كترة النضمي ما فيها بركة..
صروا الكلمتين ديل بي خيت...
عملا بلا نية،،بندق في بحر....
النية السمحة عكاز سيده...
وعبادة بلا زراعة ،،،دي ملعبة ساي..
دحين ،،رمضان وصمتو..
العيد وعيدتو...
بطلوا الخمالة..
امرقو علي حواشاتكم...
ثم جلس ...
وقام ،،،لخطبته الثانية...
وهنا.....
|
Post: #11
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: Abdelslam Malik Ali Elhag
Date: 08-02-2014, 07:32 PM
Parent: #10
هوي يافقرا ،،كترة النضمي ما فيها بركة..
مصداقا لقوله تعالى لا خير في كثير من نجواهم الا من امر بصدقة او معروف او اصلاح بين الناس
والرسول صلي الله عليه وسلم قال اوتيت جوامع الكلم
عملا بلا نية،،بندق في بحر....
الحديث النبوي انماالاعمال بالنيات وانما لكل امرئ ما نوى
وده باب كبير
امامنا ده اختصره بفهم اهلنا البساط
وعبادة بلا زراعة ،،،دي ملعبة ساي..
مصداق قوله: فاذا قضيت الصلاة فانتشروا في الارض وابتغوا من فضل الله
زولك ده ممكن يالفوا كتب في خطبته دي
سلام وتحية لسيد البوست على الكلام السمح ده
|
Post: #12
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-02-2014, 08:52 PM
Parent: #11
يظن بعض الجامدين ان اهلنا ناس الحلال ديل علي غباهن،،قضيت عمري كله اراقب علاقتهم بالحياة،،ثم بالابعاد غير المرئية،لم اعرف اكثر منهم التزاما بالجانب العملي من المسالة،،الزراعة عندهم تقوم علي منهج صارم من الفعل الايجابي المنظم،،كل شئ بقانونه،زمانا ومكانا ومقدارا،،ثم بعد تجويد كل ذا ،يرتاحون بالاذكار،ويقولون سوينا العلينا،الباقي علي الله.
حتي مسائل الخوارق بالمناسبة،،يفرقون تماما بين حدوشا كاشواق،يتسامرون بها،وبين واقعها المادي..
قلت لابي ،،كيف استطاع الخليفة احمد ان يبلع مية،،،فسمي بلاع المية،،قال بذهم كرما وفضلا،فغطي عليهم...
ثم اني سالته مرة،كيف طار عنقريب جنازة بميت ،،،تورمني،،لمسافة ساعات...قال ابي كان الناس محزونون،،مشوا ساعاتا لم يحسوا بها...
ولكنهم في الحكي والمسامرة لهم لغة اخري...
علمتني صحبتهم انهم بنيتهم الطيبة،،عرفوا جوهر الاشياء،تعاملوا مع كل الابعاد بذكاء نادر،وذوق سليم...
ود الزبير ايها المحترم اتشرف دوما باطلالتك،،ماتبعد جايي للخطبة التانية ،نكمل الاحتفاء بالمحترمين.
|
Post: #13
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالحفيظ ابوسن
Date: 08-02-2014, 09:09 PM
Parent: #12
هوي ها
حرم حلتنا الصغيره دي بقا فيها جامعين
وهاك يا شبك
ديل ماعندهم عزا
ديل عندهم
تجي تسلم علي بيت خالك تسالم واحده والتانيه يقول ليك ما بتصافح
دخلنا اللعب
|
Post: #14
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-03-2014, 01:26 AM
Parent: #13
مرحبا بكم...
malhassan Bashir Abujaib · الأكثر تعليقا · Zagazig University
يا سلام يا استاذنا الزي امام حلتكم دا ..هو البنفع الناس و بهدي للطريق المستقيم ... شوف كيف كلامه بتطابق مع القران و خطبه الوداع .. بكلام بسيط و مليان معاني سمحه .. فيها كل السماحه و السلام و العباده و الامان .. دا اسلامنا السمح البودي البلد دي لقدام .. الله يكتر من امثاله .. و يكفينا شر علماء السلطان و ائمه اخر زمن ..
رد · أعجبني · متابعة المنشور · منذ حوالي ساعة
Aati Badri · كلية الهندسة جامعة عين شمس
ياخي منذ خطبة الوداع لم اسمع خطبة مثلها....
شايف يا بوش بهناك عامل فيها سغير
وهو طلع حاضر خطبة الوداع ما قتلك لا تصدقوا
قول لى شيقوق يديهو واحد مسنوووووووووح
|
Post: #15
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-03-2014, 02:00 AM
Parent: #14
اخي المحترم عبدالسلام الحاج...
كل عام وانت والاهل بخير...
كما قلت انت،،شئ ما..
جميل وخاص..في طبع الانسان السوداني النبيل..
النفير،،للتعاضد،،
القدح المارق بره..
اغاثة الملهوف،واكرام الضيوف..
ياخي نص الليل،،برد وزيفه،،يشق بطن الحلة
بكاء...
تجد الاباء والاعمام،،
متعبين،،مسنين
ولكنهم بكل جلد هناك..
يقومون بالواجب...
مواساة وستر...
انه جوهر الدين...
التعاضد،،الشهامة،الصدق...
من غير ما حفظ نضمي كتير لا يعمل به...
|
Post: #16
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-03-2014, 02:07 AM
Parent: #15
صاحبي اب سن...
ان شاء الله السنة تكون زارعلك فديدينات سمحات...
العيش ،،العيش
البزيل الكرميش...
المساكين ما ببقوا براها يا عبده...
جبارة الكسور الكسرة
برادة القبور الكسرة
البدي الكسره
فوقو الخلق منكسره..
هكذا كان يهزج جدنا حاج الكسره،،الصوفي البهي..
|
Post: #17
Title: Re: بالله تعالوا شوفوا و اسمعوا امام حلتنا قال شنو لما ودر خطبة العيد.....
Author: عبدالعزيز عثمان
Date: 08-03-2014, 02:07 AM
Parent: #15
صاحبي اب سن...
ان شاء الله السنة تكون زارعلك فديدينات سمحات...
العيش ،،العيش
البزيل الكرميش...
المساكين ما ببقوا براها يا عبده...
جبارة الكسور الكسرة
برادة القبور الكسرة
البدي الكسره
فوقو الخلق منكسره..
هكذا كان يهزج جدنا حاج الكسره،،الصوفي البهي..
|
|