هولندية سألوها امنيتك شنو ؟ قالت ابقي مؤذنة ... شوفوا الحصل شنو ( فيديو ) الدعوة عامة .

في احدي البرامج الجماهرية الهولندية سألت احدي الفتيات عن امنيتها
قالت اتعلم الأذان وابقي مؤذنة .. طبعآ برامج زي دي بتحقق ليك كل امنياتك
ودا كان الحصل .. احضار مؤذن وتجسيد جامع لتحقيق رغبتها .. وربنا يحقق
اماني الجميع ,,

يا احبة بتمني منكم تشوفوا الشريط للنهاية ..

وقارنوا بين المتطرفين البطردوا الاخوة المسحيين من العراق
وبين هولاء المتسامحيين .

الاخت منى
لك التحية والاحترام

التسامح مطلوب


وقال تعالى ( قل كل يعمل على شاكلته فربكم اعلم بمن هو اهدى سبيلا )

وقال تعالى (انك لا تهدى من احببت ولكن الله يهدى من يشاء )

وقال تعالى ( لا اكراه فى الدين قد تبين الرشد من الغى )

ديننا الاسلامى جميل ، ومتسامح ، ويقبل الاخرين ، لانه دين فكر ، ودين يحض على استخدام الفكر والتعلم والتامل

ان كان هناك من يسىء اليه بسوء فهم ، يجب ان لا نعممه على كل المسلمين .

ففى داخل المنزل الواحد ومن والدين اثنين ، نجد الابناء من هو العاق ومن هو الصالح من هو الناجح ومن هو غير ذلك

شكرا لقد شاهدت الفيديو الى النهاية

الف شكر وكل عام وانت ومن تحبين بخير وعافية يا رب

لمزيد من التسامح .. ومساحة للانسانية .

فوووووووووووووووووووق

بت عمسيب سلام،
وكل عام وأنت بألف خير

Quote: وقارنوا بين المتطرفين البطردوا الاخوة المسحيين من العراق وبين هولاء المتسامحيين .

حاسي كأنك عندك نية - بعد إزاحة الكيزان عن الحكم - بأن تكوني مؤذنة أو إمامة وخطيبة لمسجد "شهداء النضال" (النيلين سابقا)،
أو عندكم نية تنسونوا عدد من المساجد، لإفساح أكبر احساس وشعور "بالتحرر و التسامح" "التشدد والتطرف" سابقا.
كدي شوفي التسامح بتاعم كيف، فايت حدود و تصور وخيال ما تسميهم المتطرفين.
كدي شوفي إمامة "أخت نضال " سابقا "أخت نسيبة"

يا قصي والله شي عجيب
ربنا يهدي الجميع للاسلام ان شاء الله

تحياتي
وكل سنة وانت طيب

Quote: سألت احدي الفتيات عن امنيتها قالت اتعلم الأذن وابقي مؤذنة .

تحياتى بت عمسيب وكل سنة وانتى طيبة ..

وهل هناك أمنية أسمى من الايمان .. اللهم اهدها وثبتها على الايمان

شكراً على الفيديو الذى اعتبره خير سند لدعوة الداعين وكتابة الكاتبين

وخير مثال على التسامح الدينى .. ليت قومى يعلمون معنى التسامح

الأخ الفاضل \ محمد يوسف ..

تحياتي .. وتقديري .. وشكريات المرور . وكل عام وانت كما تريد .

Quote: ان كان هناك من يسىء اليه بسوء فهم ، يجب ان لا نعممه على كل المسلمين .

يا اخي محمد انا ما عممت لانه مشوهي اي رسالة عقائدية ما بشوهوا الا انفسهم
كلامي كان مجرد مقارنة منعدمة لوجه الشبه بين التعصب والتطرف وبين التسامح
هذه هي رسالتي لا غير . واكرر شكري وتقديري لك .. وسلمت .

ولي قدام .

الأخ العزيز \ قصي ..

السلام عليكم .. وكل عام وانت والاسرة الكريمة بالف خير .

Quote: كدي شوفي إمامة "أخت نضال " سابقا "أخت نسيبة"

هههههههههههه الله يجازي محنك يا قصي بدل تقول لي سابقآ اخت نسيبة ما تقول
بس الاسم الحركي لي نسيبة . يا قصي لو سالتك اسه المشكلة شنو في امامة النساء
او لو بقن مؤذنات ؟ يا قصي المشكلة بتاعت المسلمين ما بجتهدوا عشان يكتشفوا الحقائق
بما انه مليييييون مرة ذكروا ليكم ( الا تتفكرون ) لكن الفاضي منو المسلمين اجتهد كل الطلعوا
بيهو من الاجتهاد التشرذم والحركات المتطرفة دا كل الطلعنا بيهو من الاجتهاد !!
مشكور يا قصي علي المرور وسلمت ..

ولي قدام .

الأح الكريم \ محمد الطيب .

تحياتي .. وكل عام وانت بالف خير .

الأخ العزيز \ علاء ود سيد احمد ..

تحياتي .. وتقديري .. وكل عام وانتم بخير وكما تريدون ..

Quote: وهل هناك أمنية أسمى من الايمان .. اللهم اهدها وثبتها على الايمان شكراً على الفيديو الذى اعتبره خير سند لدعوة الداعين وكتابة الكاتبين وخير مثال على التسامح الدينى .. ليت قومى يعلمون معنى التسامح

مشكور اخي علاء باشادتك علي القيديو الفعلآ بستحق الاشادة من ناس لا يحملون اي
ايمان في بعض الاحيان ولكن يحملون تسامحآ بايمان فطرتهم . وسلمت اخي علاء .

ولي قدام ..

مرحب مرة ثانية:

Quote: يا قصي لو سالتك اسه المشكلة شنو في امامة النساء او لو بقن مؤذنات ؟ يا قصي المشكلة بتاعت المسلمين ما بجتهدوا عشان يكتشفوا الحقائق بما انه مليييييون مرة ذكروا ليكم ( الا تتفكرون ) لكن الفاضي منو المسلمين اجتهد كل الطلعوا بيهو من الاجتهاد التشرذم والحركات المتطرفة دا كل الطلعنا بيهو من الاجتهاد !!

[lred]
إنت ما مسلمة؟ مالذي يمنعك من الإجتهاد؟
إجتهدي واثبتي لينا صحة إمامة المرأة للرجال ،
لا داعي للفيديوهات الإعلامية التي يقوم بتمثيل أدوراها وتوثيقها ونشرها فئة من الناس لبث الفتنة واللبس وسط الأمة المسلمة .
تحياتي وتقديري

لمزيد من التسامح الديني ..



فوووق ,,

العزيزه منى .... سلام


مشهد رائع .. تلك الفتاة وهي تؤذن .. الا انها لم تتاثر كثيرا...

شاهدي هذا المقطع المؤثر . في جده ...

منى عمسيب
تحية طيبة وعيد سعيد عليك وعلى الجميع وشكرا لك على البوست الظريف وشكرا أيضا للأخ قصي والأخ محمد مجيدو..


ياسر

سلام يا منى
لسبب ما يبدو أن للمغاربة موهبة خاصة في قراءة القرأن و في الأذان. عندنا شاب مغربي هنا صوته جميل لأقصى درجة
تماما زي مواطنه خليل الذي بالفيديو

شكرا استاذة منى عمسيب
واعيادك سعيدة

العزيز \ جد الكلس مجيدو ..

تحياتي .. وتحياتي المعطرة بالحب للكلس يوسف .

Quote: شاهدي هذا المقطع المؤثر . في جده ...

مشكور علي الفيديو وفعلآ في مواقف ومشاهد كتيرة بخصوص الموضوع
دا . وبالمناسبة يا مجيد الناس ديل ناس في قمة السهولة يعني لو داير اسلم مافي
اي شئ بمنعه ناس عايشين في حريات وديمقراطيات مريحة جدآ . وتسلم يا جد الكلس

ودمتم .. ولي قدام .

الأخ الحبيب \ ود شريف ..

كل عام وانت بالاف الخيرات واسرتك السمحة ..

Quote: تحية طيبة وعيد سعيد عليك وعلى الجميع وشكرا لك على البوست الظريف وشكرا أيضا للأخ قصي والأخ محمد مجيدو..

مشكور علي المرور والاضافة الرقيقة .. وفعلآ يا ياسر بوست في قمة الظرافة
ولو لاحظت لذاذت مقدم البرنامج والجمهور والتعاطي والتفاعل مع الموضوع بمنتهي
الانضباط وخفة الظل من تصفيق وضحك محتشم ومراعاة شعور جميلة . تسلم يا صديقي
العزيز ياسر .. ودمت .

ولي قدام .

الأخ العزيز \ سيف النصر .

حبابك يا خيي . ومشكور علي المرور .

Quote: سلام يا منى لسبب ما يبدو أن للمغاربة موهبة خاصة في قراءة القرأن و في الأذان.

طبعآ يا سيف المغاربة من اول الناس الجوا استوطنوا في هولندا عندهم علاقة خاصة
جدآ بالهولنديين لدرجة التعامل معهم باولوية خاصة ولو شفت ناشريين ثقافتهم بصورة
لدرجة الاقناع وبقوا ركن اساسي في تشكيلة المجتمع الهولندي . سلمت اخي سيف ,

ولي قدام ..

الأخ العزيز \ سيد احمد ..

تحياتي وتقديري .. واعيادك اسعد بدوام الصحة والعافية .

ومشكور علي المرور والاضافة المضيفة .

ودمت ,,

ولي قدام ..

هسي البت دي نطقت الشهادة وقالت لا إله إلا الله محمدا رسول الله
حقو يا منى تتبنيها وتثبتيها على الإسلام وتنالي الثواب،
وبما أنك مسلمة بالفطرة بس، ممكن تخليك مسلمة بالعقل والإرادة كمان
بس ما تستقطبيها للمعارضة عشان ما ترتدّ

المشكلة يامني انو سماحة الدين ومحبتو
ضربوها شتتوها الظلاميين والزبديين
لا يعرفون جوهر ولاغاية للدين
طبول فارغة ملئية بالضجيج
سرقوا سماحته
حتي غاب عن العالم
ان مئات الملايين في انحاء العالم
مسلمين طيبين عاملين
متعايشين مع كل العالم بمحبة وسلام...
وان هذه الطبول التكفيرية الجوفاء
ان هي الا اكذوبة

ود الزبير ... حبيبنا سلام يغشاك ..

Quote: حقو يا منى تتبنيها وتثبتيها على الإسلام وتنالي الثواب،

يا ود الزبير والله احسن ليها تكون كدا بالانتساب . لما نستقر من ناحية اسلامية
ويشوفوا لينا طريقة مع بوكو حرام عليكم وبقية المتطرفين ههههههه الاسلام ملحوق ,
سلمت يا صديق ..

ولي قدام .

الحبيب العزيز \ عبد العزيز ..

والله يا عبد العزيز لو سالتني انا دي بقول ليك ربنا يجمع لينا بالاسلام البنعرفو
لكن الشايفنو دا الحكاية جايطة كلو كلو . تسلم يا عزو .

Quote: المشكلة يامني انو سماحة الدين ومحبتو ضربوها شتتوها الظلاميين والزبديين لا يعرفون جوهر ولاغاية للدين طبول فارغة ملئية بالضجيج سرقوا سماحته حتي غاب عن العالم ان مئات الملايين في انحاء العالم مسلمين طيبين عاملين متعايشين مع كل العالم بمحبة وسلام... وان هذه الطبول التكفيرية الجوفاء ان هي الا اكذوبة

ولي قدام .

طفلة أمريكية وردة فعل غريبة عند سماعها الآذان في برج خليفة !

حبابك اخي ود الفاروق ..

ومشكور علي المرور والاضافة اللطيفة .

هسه كان ما نخاف السلبطة ..
الخواجية دي ما بقت مسلمة ..
وقلبت الشهادة عديل ...

العزيز \ ود القوز ..

لك التحية وروعة المشاركة هههههههه .

Quote: الخواجية دي ما بقت مسلمة .. وقلبت الشهادة عديل ...

واسمع نصيحتي من اليوم ناديها بشقيقة نسيبة .

تسلم يا خيي .

ولي قدام ..