رسالة عتاب من أمين محمّد سليمان الشهير ببروف أمين نوتة

وصلتني مع بزوغ فجر العيد رسالة من صديقي بروف أمين نوتة، بعد المعايدة والمطايبة تحدث عن عتابه الكبير للزملاء بسودانيز أون لاين ونسيانهم للعشرة!!
المهم، الرسالة تقطع القلب، وفهمت منها انو شوية تحنيس وكلام حلو في حق البروف ممكن ترجعو للكتابة هنا.
أيدكم معايا يا شباب وخلونا نتجاوز بكري أبوبكر، وبرانا نبث برسائل رقيقة عبر هذا البوست للبروف العظيم
الناس الجافين وما بعرفوا الكتابة الرقيقة؛ ينأطونا بالسكات*.

ـــــــــــــــــــــ
* ينأطونا بالسكات = ينقطونا بالسكات (مثل مصري)
أي مشاركة الناس الغير مرغوب بهم في النقطة (الكشف) مقبولة لو كانت مجرد السكات

الاستاذ ابوبكر عباس عيد مبارك عليك وعلي الخال البروف امين
غياب الخال من هنا أصاب المنبر بلوعة كأنه مصاب بالمس من
غيابه كتاباته كانت تعني لنا الكثير والكثير من العلم والمعرفة
وهو كاتب ذو ذوق عالي ورفيع وانا هنا افتقده كثير واطالبه
ان يعود حتي لايحرمنا من المتعة من كتاباته الجميلة والراقية

-----------
لكن يا خال الفيك اتعرفت

أبو بكر إن شاء الله من العائدين ..
وعبرك للبروف تهانينا وأشوااقنا ..
بعدين البروف دا ما ياكلنا حنك ساكت ..
نحن اللايمنو لإنو تمرد على قرائه بأسباب ما عندهم يد فيهو ..
المهم يا بروف غيابك طال وامسحا في وشنا لو سهينا..
راجنك في البوست دا.

من دواعي الحزن العميق.
بكل لمسة حزن لقد تالمت .
من غياب البروفيسور آمين محمد سليمان.
عرفته عبر الاسفير.
الرجل الخلوق المهذب.
المتواضع الجم.
ضل الضحي.
مقداف المراكب.
شعبة السقف الواقفة بكل شموخ وسط الأوضة.
نسيم الصباح.
ودعاش الخريف.
البروفيسور آمين.
ترك الأثر الجميل في نفسي.
إلا ليت ايام البروف امين تعود.
من يعرف رقم هاتف البروفيسور فلا يبخل علينا به.


***
مداخلة من الايفون.
علي عجل.




عزالدين عباس الفحل
ابوظبي

الأستاذ ابوبكر عباس
عيد مبارك وكل عام وانتم بخير وعافية
تقبل عميق شكري على لفت انتباهنا بهذا البوست الهام .
افتقدت البروف أمين كثيرا وافتقدت كتابته الطاعمة ولغته المهذبة الرقيقة وما كنت أدري أنه حردان الكتابة ، فقد اعتقدت ربما يكون مشغول
وسيعود لنا حال انتهاء مشغولياته .بصفتي من المعجبين جدا بمساهماته الثرة في المنبر أرجو مخلصا أن يعود لنا البروف أمين بأسرع ما يمكن فقد افتقدته وغيري كثيرا

مع تحياتي ووافر احترامي

المسلمي والملك
كل سنة انتو طيبين
أها يا بروف، الرسائل بدت بإتنين من فطاحلة المنبر!
أكيد ح نشوف البروف بعد الرسالة المائة
أو بعد الرسالة الخمسين في حالة كانت رسائل الجنس اللطيف كثيرة بالبوست

الأخ أبوبكر سلام الله عليك وعلى البروف أمين،
وكل عام وأنتم بخير!
وحقّاً المنبر يفتقد البروف ومواقفه وتحليلاته!
فأرجو أن يتجاوز كل الظروف ويعود من جديد
إلى قرائه في المنبر وخارجه!

التحية لكل من مر من هنا وكل سنة وانتو طيبين .
وايضا التحية للاخ العزيز امين الزميل في ّحزب الصلع والجلحات الصغيرة " وبالجد نتمنى عودتك وسامحنا لو ما سألنا عنك .



مودتي
اسامة محمد

بروف امين اخر رسل الاستنارة في البورد عليه من الله ما يستحق
غايتو بعد الشكر ده كلو كان ما جيت تكون اتلومت تب

عيدكم مبارك
الزول دا مش الراجل النبذ المرا ديك ولحقها سوق الحمير
ما تخلوا العواطف وخليكم عديلين .. عاوزنوا يجي تاني ينبذ ليهو واحدة تانية
لو كانت الست النبذها دي قريبة واحد فيكم كنتوا حترضوا
يا بكري خلي حوشك نضيف ومادام الزول دا مشي بخيره وشره ارجوك خليهو برا
حيشان ام درمان مليانة موية .. فخلي حوشك ناشف
ارجاع الزول دا يعتبر رخصة من بكري للجميع لينبذوا الجميع ومافي زول يشتكي من زول
لا دخل للعواطف في العمل
المسلمي تداخلك عوج باقي الناس بصراحة ما بعرفهم
العفو لله والرسول
عيد سعيد. زر قناتي في اليوتيوب من فضلك واشترك فيها
http://www.youtube.com/user/KabbashiSudan

كبـّاشي الصافي

(العوج راي والعديل راي)

كانتونا صلي على النبي عليه افضل الصلاة و السلام وروق ياخ
بروف أمين آخر من يسيئ لأي كان سواء رجل أو إمراة, هو صاحب المكتبة على الرابط التالي
http://www.sudaneseonline.com/cgi-bin/sdb/2bb.cgi?board=468

أظنك ملخبط مع شخص آخر


بكور كل سنة وانت طيب و التهاني موصولة للبروف.

الفحيل، صلاح فقير، أسامة محمد، جعفر أسماعيل وسامي عبد المطلب،
كل سنة إنتو طيبين وكمان عيد مبارك لكنتونا
مشكورين على الرسائل الرقيقة وبرضو مشكور يا كنتونا على المشاركة

Quote: الناس الجافين وما بعرفوا الكتابة الرقيقة؛ ينأطونا بالسكات*

الفكرة يا كنتونا، لو أمين حردان من نفسو يجي راجع
لو ملاحظ، ما في زول قال لبكري رجع لينا البروف والحقيقة لحد الآن أنا ما عارف أمين غائب ليش؟؟
والرسالة موضوع البوست غير حقيقية وإنما عملتها من باب المداعبة والود لصديقي البروف

أها يا ود البشرى، عشان خاطر المداخلة دي، بنركبك معانا
لكن متأكد، ما بتنستر، وبتلب بتلب
عيدك مبارك يا رفيق (رفقة غربة)

أمين .... أمين... اميييين
هل تسمعني؟

عزيزنا ابوبكر عباس كل سنه وانت طيب...
اخونا البروف امين ليهو مكانه خاصة في دواخلي وهو رجل ذو طابع فريد... يديك انطباع انو الدنيا لسه بخير في مجالاتها كافة معك نطالب بعودته

نفتقد البروف وكثير من الجميلين والجميلات ..

نفتقده

وانا كنت متيقن انو مكنة الرسالة ناجرة ومقطعها من جضومك يا عباس

عامك وعامه مبارك وسعيد

ول ابا كباشي
عيد مبارك وكل عام وانت والأسرة الكريمة بخير
لم أقرأ للبروف امين أي إساءة او شتيمة لأحد وما عندي فكرة عن موضوع الست الذي ورد في مداخلتك
والدنيا عيد ويشيع جو التسامح في مثل هذه المناسبة .
وبالمناسبة لو أن بكري يوقف كل من يشتم او يسيئ للناس لن يبقى بهذا المنبر غير عدد قليل.
لذا اكرر الرجاء للبروف أمين أن يعود ويترك ما مضى وراءه .

مع تحياتي ووافر احترامي

Quote: المستنير وهبة · الأكثر تعليقا · Khartoum, Sudan لا لعودة المدعو امين محمد سليمان مجددا للبورد ... خخخخخ رد · أعجبني · متابعة المنشور · منذ ‏3‏ ساعات

البروف ارجع لينا تاني
رجع كل الاماني ,,


قالوا جربت الهير كنترول
ودعت عالم الصلع ,, صحي ولا اخبار واتساب ساكت

كل عام والجميع بخير
انا ما بعرف الكابشرات والكوبي والحفظ لان لا غرض لي مع زول ولكن هنالك بروف وكتب كلام كتير عن ست اسمها احلام منو مش عارف وقال فيها مالم يقله مالك في الخمر
كان ياهو دا الزول القاصدنو .. نحن مابنقبل يرجع البورد وكتر خير بكري الطرده
كان بقى زولا كتر ممكن يرجع لو طلع براهو ولكن لو طردوه خلاص خلو الموضوع لصاحب المنبر
وكدي المتذكرين الزول البروف النبذ احلام يورونا ياهو ذاتو ولا زولا غير؟
العفو لله والرسول
عيد سعيد. زر قناتي في اليوتيوب من فضلك واشترك فيها
http://www.youtube.com/user/KabbashiSudan

كبـّاشي الصافي

(العوج راي والعديل راي)

ول أبا كباشي الصافي العيد مبروك عليك
انت تقصد شص اخر بتاع شقة القاهرة
وقصته مع المرأة التي حولتها الي كلام كتير
حسب وصفه لا كن البروف أمين حقنا ده شخص
جميل يحاسب نفسه من كلام الناس الشين خلي يقوله
هو ده شخص من عالم اخر وصاحب مبدأ ورأي سديد


----------
ول أبا تسلم اها فهمت. والاً ازيدك

كل عام والجميع بخير
ول ابا المسلمي فهمت انهم زولين ولكن لم توضح لي لماذا زولكم خلى المنبر؟
هل تركه بارادته ام طرده بكري؟
كان خلاه بارادته فقد دخل بارادته وخرج بارادته فالناس دخلها شنو
كان طرده سيد المنبر يبقى الامر متروك للاخ بكري
العفو لله والرسول
عيد سعيد. زر قناتي في اليوتيوب من فضلك واشترك فيها
http://www.youtube.com/user/KabbashiSudan

كبـّاشي الصافي

(العوج راي والعديل راي)

مطلوب حضورك يا بروف
مطلوب حضورك يا أمين

يلا يا بروف أرجع ..
هو أمين ده دايرلو تحنيس قدر ده مااالو ...
ياهن ده سألنا عليكـ يأخ ..
سيب الدلال قرّب تعااال ...

Quote: كان طرده سيد المنبر يبقى الامر متروك للاخ بكري

يا كانتونا عيدك سعيد إن شاء الله
يا أخي يقولوا ليك الزول دا ما بجيب الأعوج في لسانو، وزول راقي وذوقو عالي، تجئ تقول كان طردوهو!!
أصلا كان في طرد، تكون طردتو المساككة ولا نهائية الغلاط، أو الناس ما قادره تستوعب طرحو فأصابه اليأس
أو ربما تكون نصيحة طبية غالية فاستجاب لها مؤثرا سلامة القلب والعقل على متاع المنبر

بعدين يا دكتور أبوبكر عباس، متابعة سودانيز محض إدمان فإذا استطاع الواحد التحكم في نفسو
بالامتناع عن تعاطيه لشهور أو سنوات (واكتفى بالمناسبات) يكون كويس، هي الدنيا طايره؟
أهو المنبر قاعد والإنقاذ قاعدة
وبكري ربنا يطول عمرو

تحياتي يا بروف

أها يا بروف شوف الأعجاب والحب ديل كيفنهن؟
سيف النصر، السنوسي بدر، الشفيع، أمجد الجميعابي، فتحي الصديق، عمار عبد الرحمن، أحمد أبكر، جمال ود القوز،
ومعاهم أمير قطر معاوية الزبير كلهم جابوا عمدانهم وجوك وحتى مداخلة المستنير وهبة من الفيس بوك يبدو أنها تبطن خلاف ما تُظهر.

يا كنتونا 1، إتّا (القناة) بتاعتك دي ما بنفع تتكي عليها؟ لازم لازم تركب فوقها السنان!!
رحم الله المتنبي

Quote: بعدين يا دكتور أبوبكر عباس، متابعة سودانيز محض إدمان فإذا استطاع الواحد التحكم في نفسو بالامتناع عن تعاطيه لشهور أو سنوات (واكتفى بالمناسبات) يكون كويس، هي الدنيا طايره؟ أهو المنبر قاعد والإنقاذ قاعدة وبكري ربنا يطول عمرو

آمين
آمين دي لطول عمر بكري
لكن يا معاوية، نحن ما زي الثعلب الإنقطع ضنبو كايسين ضنب البروف
يا أخي، إتّا ما عارف أهمية البروف دا؟؟
مرّة كنت منتظر لي واحدة قريبتنا بمطار دبي جاية من لندن، البت قبل تسلم علي كويس قالت لي: الليلة حصلت لي صدفة عظيمة
قلت ليها خير؟
- صادفت بروف أمين نوتة بمطار هيثرو
- وأمين بتعرفيهو من وين؟
- من سودانيز
- فلت بسري بكري ربنا يطول عمرو

Quote: يا كنتونا 1، إتّا (القناة) بتاعتك دي ما بنفع تتكي عليها؟ لازم لازم تركب فوقها السنان!! رحم الله المتنبي

يا بكوري نوع كلامك الكبار كبار دا تمشي تقولو في بوست هشام، نحن هنا التوريات دي ما بتخارج معانا
ثم إنو وحسب زيارة إلى هناك لا توجد أي أسنة في قناة كانتونا، كل ما في الأمر ريش نعام لنفض الغبار

بعدين يا حكيم المعيز،، شنو ضنب وما ضنب، لكل مقام ألفاظ ياخ

يا بروف أمين
هل تسمعنا ؟

مع تحياتي ودعواتي بعود سريع للمنبر

عيدكم مبارك
رغم انو البروف يستاهل كل الكلام السمح الاتقال فوقو
لكن انا مع المستنير

غايتوا عمك كانتونا يوم بجلط ليهو زول وفي الدافنة يجيك كبر يقول فهمتوا غلط ده‎ تراث بقارة

كل عام والجميع بخير
الإخوة الكرام إن شاء الله تكونوا عيدتو طيبين وأكلتو اللحمة .. ما تقولوا لي دا رمضان زي ما يقول السودانيون.. دا اسمه عيد الفطر... وطبعاً من عجايب السودانيين طبعاً عندنا يوم الوقفة في عيد الفطر... ممكن تورونا وقفة شنو الفي عيد رمضان دي؟
المعروف يوم الوقفة في عيد الفداء هي الوقوف بعرفة .. لكن عندنا مِحن برانا كما يقول الاستاذ شوقي بدري
نعتذر بمساهمتنا المتواضعة في بوست البروف نوتة ... لقد تشابهت علينا الأسماء
لكن فيكم زول سأل نفسه البروف دا ترك المنبر ليش؟ في حاجات كتيرة تكون ما عجبته .. إمكن مشغول في الرزق وإمكن وإمكن وهلم جرا كما يقول سيدي.
ويا منتصر عندنا في تراث البقارة بقولوا: الزول دا بركب حمير الضيفان (الضيوف). أها انا المرة دي رِكِب حمير الضيفان .. فعليك الله عديها لي عوفة .. يعني بالعربي Pardon me please
العفو لله والرسول
عيد سعيد. زر قناتي في اليوتيوب من فضلك واشترك فيها
http://www.youtube.com/user/KabbashiSudan

كبـّاشي الصافي

(العوج راي والعديل راي)

خلاص يا كانتونا عديناها بس نكون طالبنك ضبيحة مافي قناتك في اليوتوب دايرنها في ابوجبيهة

ياهو ذاتو يا كنتونة زولك القاصدو، ما يضللوك ساكت أصحابو ديل..
____
معك أدعوا بأن لا يعود، عليه اللعنه..

يا طيفور انت لا عايز تجئ لا داير الناس تجئ، دي شنو الحسادة دي !بعدين بيني بينك البروف هو المستفيد
تلقاهو في فترة الغياب دي قرأ كمين كتاب وازداد معرفة فوق معرفة
وننتظر عودته للاستفادة من نتاج تلك القراءات

مودتي وعيد سعيدد

لم الشمل سمح
والاصلاح لاهل الفضل
ما بعرفو والله
لكن اجبر ب خاطر الناس
كان انت كان بكري

ود الزبير معاوية يا صديقي
الأشواق الشديدة، زولك ده الخواجة رضي الله عنه ما مديهو فرقة يقرأ فيها.

غايتو بي صلعتو ديكـ ما يجينا راجع

لكن لو عمل زراعة شعر أو ركب باروكة أو خلافو ممكن نعيد النظر

بس (بكسر الباء)

Quote: غايتوا عمك كانتونا يوم بجلط ليهو زول وفي الدافنة يجيك كبر يقول فهمتوا غلط ده‎ تراث بقارة

يا منتصر يا أخي،
جيّت كبر شوية بتكون مقبولة وكبر في النهاية مننا وفينا وهو زول متبحر (إندمج في ثقافة البحر)، لكن المشكلة يجينا صديق الغالي يقول لينا:
هسع لو زول من الغرب حرد، ما كان حنستوهو يا جلابة يا ....

من دواعي الحزن العميق.
و بكل لمسة حزن لقد تالمت .
من غياب البروفيسور أمين محمد سليمان.
عرفته عبر الاسفير.
الرجل الخلوق المهذب.
المتواضع الجم.
ضل الضحي.
مقداف المراكب.
شعبة السقف الواقفة بكل شموخ وسط الأوضة.
نسيم الصباح.
ودعاش الخريف.
البروفيسور أمين
ترك الأثر الجميل في نفسي.
إلا ليت ايام البروف امين تعود.
من يعرف رقم هاتف البروفيسور فلا يبخل علينا به.
،،،،،

...



***
مداخلة من الايفون.
علي عجل.


عزالدين عباس الفحل
ابوظبي
...

سلام للجميع

بوست ظريف جدا وممتع بحق يا أبا بكر بن عباس، والتحية لأمين ونقول ليهو بالله لمن تجي قول لينا رايك في مسألة مريم التي تدعى أبرار. فـ العزا لي حولو بجيب زولو.

ياسر

سلامات أخ أبوبكر

شكرا على البوست والمناشدة ونناشد معكم مطالبين بعودة البروف.

ياسر طيفور، خالد عبد الله، بله، ياسر الشريف، أبوالقاسم، قريبي أبوسن والفحيل،
إن شاء الله نجاملكم في الأفراح، ولو البروف ما جبر بخاطركم؛ بحنس ليكم شخصية أهم منو في بوست لاحق!!

Quote: ونقول ليهو بالله لمن تجي قول لينا رايك في مسألة مريم التي تدعى أبرار. فـ العزا لي حولو بجيب زولو.

هسع تلقاهو يا ياسر، قاعد في البلكونة وشايل النوتة يدون كل حرف إنكتب عن "صورة مريم"، وزي ما قال المستنير وهبة ذات زعلة من البروف: إتّا بس أقعد في البلكونة وشيل نوتك وتجي في النهاية تنظر لينا..
عن المستنير وهبة بتصرف
المهم يا ياسر، البروف شخصية مهمة جداً في المنتدى دا، وواحد من نجوم الأسافير، وأنا -بالرغم من حداثة وجودي بالمنبر- بعد بكري أبوبكر أوكل لي المهمة الإجتماعية التحنيسية بالمنبر، إصطفيتو وبديت بيهو التحنيس، وبعدو طوالي ح تكون الأميرة داليا حافظ
داليا طبعا صعب نعمل ليها بوست منفرد بإعتبار للذكر نصف حظ الأنثيين