Post: #1
Title: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-29-2014, 06:22 AM
قدر ما اسمع ...
ومع كل الاصوات البديعة في سوداننا الحبيب ...
الف و أرجع لعمنا عبد الله الماحي ...
صوته و كانه عزف موسيقي ...
و الله انا بقول أجمل صوت سوداني ... و عليك يا الله ...
خاصة في أداء درة عمنا العمرابي ... العيلفون جنة عدن ...
|
Post: #2
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-29-2014, 06:25 AM
Parent: #1
شاهدنا حور اتقلدن *** البابنا وِشْحَات فوقْ لَــــــدن
لينا العيون كم هددن *** و الشادى يسكر غيــــر دن
_______________________________________
هو العمرابي ده الوداهو العيلفون شنو ؟
و لقي شنو خلاهو يجيب آخرو ؟؟؟
|
Post: #3
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-29-2014, 06:30 AM
Parent: #2
الكله من عنصر ولى *** كنزى العليه معولــــــــــــى
صاحب المقام الاولِ *** ابو فركه مين يساوى لــــــى
_________________________________________
مدد يا شيخي الأرباب ...!!!
|
Post: #4
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-29-2014, 06:35 AM
Parent: #3
الغنا الزى ده آخر الليل بودّر بالزول ...
اخير اتخارج ...
|
Post: #5
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-29-2014, 03:15 PM
Parent: #4
معليش يا ود الماحي ...
الناس قايلاهو بوست مديح امكن !!!
|
Post: #6
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: سامى عبد المطلب
Date: 07-29-2014, 03:29 PM
Parent: #5
الله الله ياخي ده شئ عجيب ....
صوت يسكر لم يدر بخلدي أن هنالك من يمكن أن يجيدها أكثر من سلطان الطرب بداي حتي سمعتها هنا
عيدية روعة يا باش وكل سنة وانت طيب
|
Post: #8
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-29-2014, 03:54 PM
Parent: #6
Quote: الله الله ياخي ده شئ عجيب ....
صوت يسكر لم يدر بخلدي أن هنالك من يمكن أن يجيدها أكثر من سلطان الطرب بداي حتي سمعتها هنا
عيدية روعة يا باش وكل سنة وانت طيب |
سامي يا حبيب ...
عمك عبد الله الماحي ده اسطورة سودانية براها ...
مرات اقول برنا ما رزقه بالذرية لحكمة ...
انو وليداته ما يتاجروا بي عظمته ...
|
Post: #7
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: احمد الامين احمد
Date: 07-29-2014, 03:30 PM
Parent: #5
ود ماحى دا يا قبانى أكبر من (ذوقنا ) نحن معشر الناشئة من (السميعة)
يكفى ود ماحى فخرأ أن الشيخ عبدالله الطيب نفسه ( رغم وصفه بالرجعية من قبل بكسر القاف التقدميين ) توقف كثيرا عند ودماحى كفنان راقى جدا عصر ( المغنيين الصعاليك ( حسب قاموس ذاك العصر
ذاك حين خصص له عبدالله الطيب شخصيا صفحات عديدة فى مذكراته ( عبدالله الطيب ضنين جدا بالشهادات الموجبة ) وذكر أن أقدم غنا حقيبة سمعه فى طفولته حين كان مرافقا لوالده المدرس بكسلا
ربما نهاية عشرين القرن الماضى وسمع والده وصديقه يترنمان بأغنية حقيبة لود ماحى كانت (قهاوى السودان تملأ وتفضى به )
وقد تذكر عبدالله الطيب ذاك عقب سنوات طويلة جدا حين شب عوده وإشتهر وصادف ود ماحى فى (قهوة ) خاصة به فتحها فى البجراوية حين إعتكف وإعتزال أم در وقد عزم ود ماحى
عبدالله الطيب وخواجات مرافقين له فى زيارة أثار البجراوية وقتها عندها إنفتحت ذاكرة عبدالله الطيب وتحدث عن غُناء الحقيبة فذكر زنقار وعروس الروض التى لحنها عبدالمعين وملأ بها عصفور السودان إبراهيم عبدالجليل
إسطوانة مشروخة عند الخواجة بمصر ..
معاوية يس أفرد له صفحات فى الجزء الأول من كتابه ذاك وذكر أن من أفضال حكومة عبود ! هو قيام إثنان من مجلس الثورة بإقناع ود ماحى ليعود برهة قليلة (حسب مصطلح عبيد عبدالرحمن ) من معتكفه فى البجراوية ليغنى فى المسرح القومى
وقد قاما بتحيته خلال الفاصل و الحديث معه وفى تلك الزيارة الأخيرة لودماحى قام بتسجيل حلقات لحقيبة الفن أشهرها حلقة مخصصة للرميات التقيلة والخفيفة ومنها بالطبع (صدفة قابلتو فى ود أرو )
ود ماحى كتير جدا على هذا الفضاء .
عيد سعيد قبانى وأسرته الكريمة .
|
Post: #9
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-29-2014, 04:03 PM
Parent: #7
Quote: ود ماحى دا يا قبانى أكبر من (ذوقنا ) نحن معشر الناشئة من (السميعة)
يكفى ود ماحى فخرأ أن الشيخ عبدالله الطيب نفسه ( رغم وصفه بالرجعية من قبل بكسر القاف التقدميين ) توقف كثيرا عند ودماحى كفنان راقى جدا عصر ( المغنيين الصعاليك ( حسب قاموس ذاك العصر
ذاك حين خصص له عبدالله الطيب شخصيا صفحات عديدة فى مذكراته ( عبدالله الطيب ضنين جدا بالشهادات الموجبة ) وذكر أن أقدم غنا حقيبة سمعه فى طفولته حين كان مرافقا لوالده المدرس بكسلا
ربما نهاية عشرين القرن الماضى وسمع والده وصديقه يترنمان بأغنية حقيبة لود ماحى كانت (قهاوى السودان تملأ وتفضى به )
وقد تذكر عبدالله الطيب ذاك عقب سنوات طويلة جدا حين شب عوده وإشتهر وصادف ود ماحى فى (قهوة ) خاصة به فتحها فى البجراوية حين إعتكف وإعتزال أم در وقد عزم ود ماحى
عبدالله الطيب وخواجات مرافقين له فى زيارة أثار البجراوية وقتها عندها إنفتحت ذاكرة عبدالله الطيب وتحدث عن غُناء الحقيبة فذكر زنقار وعروس الروض التى لحنها عبدالمعين وملأ بها عصفور السودان إبراهيم عبدالجليل
إسطوانة مشروخة عند الخواجة بمصر ..
معاوية يس أفرد له صفحات فى الجزء الأول من كتابه ذاك وذكر أن من أفضال حكومة عبود ! هو قيام إثنان من مجلس الثورة بإقناع ود ماحى ليعود برهة قليلة (حسب مصطلح عبيد عبدالرحمن ) من معتكفه فى البجراوية ليغنى فى المسرح القومى
وقد قاما بتحيته خلال الفاصل و الحديث معه وفى تلك الزيارة الأخيرة لودماحى قام بتسجيل حلقات لحقيبة الفن أشهرها حلقة مخصصة للرميات التقيلة والخفيفة ومنها بالطبع (صدفة قابلتو فى ود أرو )
ود ماحى كتير جدا على هذا الفضاء .
عيد سعيد قبانى وأسرته الكريمة . |
و انت بخير يابو حميد ...
و الله صدقت ... ود ماحي كتير علينا ...
قريت كلام معاوية حسن يس عن ود ماحي في آخر الجزء الاول
و حكاية تسجيل الاسطوانات ... و غناؤه بدون الات فقط بمصاحبة إدريس العجيل و الياس بشير...
كنت اتمني انو يمشي في تفاصيل اكتر ... و ما بعرف ليه المعلومات شحيحة و هو عاش زمن طويل ...
المحير يا احمد انو اعتزل الغناء في التلاتينات ...
ما بعرف لو كان استمر في تلك الفترة الانجبت عمالقة الفن في السودان ...
كان ( سووا ) فينا شنو اكتر من السووهوا اصلاً !!
تسلم يا جميل ...
|
Post: #10
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: د.محمد بابكر
Date: 07-29-2014, 05:19 PM
Parent: #9
Quote: هو العمرابي ده الوداهو العيلفون شنو ؟
و لقي شنو خلاهو يجيب آخرو ؟؟؟ |
ههههههههههههههههههه كل سنه وانت طيب يا قبانى انت وضيوفك..
|
Post: #11
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: Osman Musa
Date: 07-29-2014, 06:04 PM
Parent: #10
يديك العافية يا القباني
الخال العمرابي يا د / محمد بابكر ديك الليلة ساقوهو الربع الي حيث السكر
غير بستكولا . السكر همبريب صافي . وده الخلاهو يطمبر ويجر الجابودي
|
Post: #12
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-29-2014, 10:04 PM
Parent: #10
Quote:
Quote: هو العمرابي ده الوداهو العيلفون شنو ؟
و لقي شنو خلاهو يجيب آخرو ؟؟؟
|
| Quote: ههههههههههههههههههه كل سنه وانت طيب يا قبانى انت وضيوفك.. |
يا دكتور ... كل عام و انت بخير ...
عليك الله ( بُكا ) العمرابي ده ...بُكا زيارة و سلام ...
و لا بُكا زول متوّك و مكتول في ارض الجمال العيلفون ؟
زمان سألت اولاد العيلفون يا دكتور قلت ليهم ورونا عيلفونكم دى سرها شنو ؟
http://www.sudaneseonline.com/board/460/msg/1393253635.html
|
Post: #13
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: خالد العبيد
Date: 07-29-2014, 10:55 PM
Parent: #12
|
Post: #15
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: خالد العبيد
Date: 07-29-2014, 11:21 PM
Parent: #13
الاستاذ يحي
تحياتي
عبد الله الماحى من اهلنا ومنطقتنا قرية البجراوية
تزوج مرتين ولم يرزق باولاد
وهو من اقطاب الختمية في كبوشية
كان يعمل سائقا لمفتش الصجة في الخرطوم
اول من سجل اغاني في اسطوانة عام 1927 في القاهرة
سافر اليها مرتين وسجل 33 اغنية
اعتزل الغناء في اوائل الثلاثينيات وعاد إلى البجراوية ولقد كان له مقهى في سوق كبوشية
عاد إلى الخرطوم عام 89 وأستقر مع ابن أخته الدكتور عثمان عبدالكريم اخصائي امراض الكلى
|
Post: #16
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: خالد العبيد
Date: 07-29-2014, 11:30 PM
Parent: #15
الخرطوم في 16/8/1931
حضرة المحترم عبد الله الماحى مطرب السودان الوحيد – كبوشية
بعد التحية..
نعرفكم أن لاسطوانات الجديدة و صلتنا و هي "مرة مرة يا نسيم السحر" و "منظر شئ بديع" وهى اسطوانات جميلة جدا و قد ابدعت فيها كل الابداع و صحيح ليس في الامكان ابدع مما كان و نحن نرى أن تعمل انت من جهتكم على اذاعتها في بلدكم.
ثم مرسل لحضرتكم حوالة بمبلغ 15 جـ خمسة عشر جنيها حتى لاتظن اننا كنا نبخل عليك بشئ بل كان عذرنا صحيح من قلة نقدية معنا. و تأكد انه كلما وجدنا نقدية معنا نرسل لك بدون أن تطلب لان ذلك واجب علينا.
و لعلك تتمتع بصحة جيدة في الكبوشية.
المخلص
نقولا ديمترى كاتيفانيدس
-----------------------------------
اول حوالة مالية للمطرب عبد الله الماحى وتعتبر هذه الحوالة اول اجر موثق
و بما أن المعلومات الموثقة أن هذه الرحلة تمت في العام 1929
فالارجح أن هذه الحوالة هي ثانى اجر يتلقاه مطرب سودانى
حيث سبق ود ماحى المطرب بشير الرباطابى.
+ المعلومة اعلاه من موقع عروس النيل
|
Post: #19
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-30-2014, 05:11 AM
Parent: #15
Quote: الاستاذ يحي
تحياتي
عبد الله الماحى من اهلنا ومنطقتنا قرية البجراوية
تزوج مرتين ولم يرزق باولاد
وهو من اقطاب الختمية في كبوشية
كان يعمل سائقا لمفتش الصجة في الخرطوم
اول من سجل اغاني في اسطوانة عام 1927 في القاهرة
سافر اليها مرتين وسجل 33 اغنية
اعتزل الغناء في اوائل الثلاثينيات وعاد إلى البجراوية ولقد كان له مقهى في سوق كبوشية
عاد إلى الخرطوم عام 89 وأستقر مع ابن أخته الدكتور عثمان عبدالكريم اخصائي امراض الكلى |
سلامات يا ود العبيد ...
ود حلتكم امانة ما عمل شغل يا خالد ...
بس حسب رواية معاوية حسن يس ود ماحي سجل اول اسطوانة سنة 29 من ضمن 13 اسطوانة وكان المتعهد ديميتري البازار ...
و انو اول اسطوانة اتسجلت لفنان سوداني كانت لعمك بشير الرباطابي سنة 27 ...
ايضاً عودته الي الخرطوم كانت في الستينات بزياره له من محمد الحويج بايعاز من الوزراء آنذاك احمد خير و محمد احمد عروة و البحاري
تحياتي و لينا كلام كتير في ذلك الاسطورة ... ود ماحي ...
|
Post: #14
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: محمد مجيدو
Date: 07-29-2014, 11:17 PM
Parent: #1
قباني ....
اسمع دي .... كلام راقي ..
صوت جميل ...و مريح ...
|
Post: #17
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: صديق الموج
Date: 07-30-2014, 00:22 AM
Parent: #14
ود قلبا كل سنة وانت طيب
الكلام عن عبد الله الماحى بدور وقت طويل وهسه نحن بين معايدات
مسنقبلين ومسنقبلين بضم ميم الاولى وكسر ميم التانية فاديها صنة
وكلام ود عمى خالد ده ماترميه واطه لامن اجيك، فكلنا من تلك المناحى
وسمعنا قصص كثيرة عن ود ماحى ساتيك بها ريثما اعود كما اثمن ايضا
مداخة احمد الامين ففيها الكثير من الافادات ويبقى الؤد،،،
|
Post: #18
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-30-2014, 04:59 AM
Parent: #17
Quote: Mohamed Hassan · يعمل لدى M-I SWACO A Schlumberger Company
يا باش انا بفتح المنبر وبعاين ف العمود بتاع الكاتب وليس عنوان البوست والله لمن اشوف اسمك بخش البوست من غير اقرا العنوان وكلي ثقة انو انا داخل علي المتعه والامتاع والحكي اللذيذ والليله جيتني عندي اهلي ناس كبوشيه والبجراويه اهل الفن والطرب ياخ متعك الله بالصحه والعافيه وانزل شابيب رحمته علي عمنا ود ماحي |
تسلم يا ملك ... كلك ذوق ... وكلامك كلام زول لازم يكون من منطقة اهل الطرب و الجمال و الحنية ...
كتر خيرك ياخي ... و ربنا يرحم عمنا ود ماحي ...
ود الماحي ( فلتة ) من فلتات هذا الزمان يا هندسة ...
|
Post: #22
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-30-2014, 06:16 AM
Parent: #17
Quote: ود قلبا كل سنة وانت طيب
الكلام عن عبد الله الماحى بدور وقت طويل وهسه نحن بين معايدات
مسنقبلين ومسنقبلين بضم ميم الاولى وكسر ميم التانية فاديها صنة
وكلام ود عمى خالد ده ماترميه واطه لامن اجيك، فكلنا من تلك المناحى
وسمعنا قصص كثيرة عن ود ماحى ساتيك بها ريثما اعود كما اثمن ايضا
مداخة احمد الامين ففيها الكثير من الافادات ويبقى الؤد،،، |
موج يا صديق الزمن الجميل ...
دائماً في الانتظار يا حبيب ... وكل عيد و انت طيب انشاءلله و بت القبايل و الوليدات بألف خير ...
كلام ود العبيد يعجب بالحيل و ماني راميه اي مكان انشاء الله ...
ناس ود ماحي ديل ينطبق عليهم كلام عمك سيد عبد العزيز
ديل يا موج ...
النجوم في سماها مدريه
بنور فوق نورها مطليه
و( ود العبيد ) يمشي و يجيب ليا
من روائح الورد والريحان
|
Post: #20
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-30-2014, 05:14 AM
Parent: #14
Quote: قباني ....
اسمع دي .... كلام راقي ..
صوت جميل ...و مريح ... |
كلام راقي الشوية دى يا مجيدو ...
عمك ود الرضي لامن تجمعه في محله واحده مع ود ماحي ...
نكتف يدينا و نربع ... و نسمع بس ...
|
Post: #21
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: خالد العبيد
Date: 07-30-2014, 06:00 AM
Parent: #20
Quote: فالارجح أن هذه الحوالة هي ثانى اجر يتلقاه مطرب سودانى
حيث سبق ود ماحى المطرب بشير الرباطابى. |
سلام يا باني
اظنك لم تنتبه للكوتيشن اعلاه
فقد اعطيت عمنا بشير حقه كاملا بانه اول من سجل اسطوانة غنائية
ودالماحي ذهب للقاهرة مرتين المرة الاولى سجل 13 اسطوانة والثانية 20
على اي حال علينا التحقق اكثر
واحد فيهم يا الرباطابي او ودالماحي عندو نكتة بت لذينا لمن مشو القاهرة
بحكيها ليك بكرة في الخاص .. عشان ما اترفد !!!
بس ذكرني
|
Post: #23
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: خالد العبيد
Date: 07-30-2014, 09:29 AM
Parent: #21
|
Post: #24
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: خالد العبيد
Date: 07-30-2014, 09:36 AM
Parent: #23
ولا لقيت لي مغيثا !
اداء بلحن غير الذي ينشده خلف الله حمد..
|
Post: #25
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: خالد العبيد
Date: 07-30-2014, 09:42 AM
Parent: #24
|
Post: #26
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: خالد العبيد
Date: 07-30-2014, 09:45 AM
Parent: #25
|
Post: #27
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 07-30-2014, 02:43 PM
Parent: #21
Quote: سلام يا باني
اظنك لم تنتبه للكوتيشن اعلاه
فقد اعطيت عمنا بشير حقه كاملا بانه اول من سجل اسطوانة غنائية
ودالماحي ذهب للقاهرة مرتين المرة الاولى سجل 13 اسطوانة والثانية 20
على اي حال علينا التحقق اكثر |
تمام يا خالد ...
و عليك الله واصل في كلامك عن ود ماحي و جيب من الاهل لو كباركم ما زالوا حافظين ...
التوثيق يا حبيب داير شوية تعب ...:)
|
Post: #28
Title: Re: يا ناس عبد الله الماحي ده أجمل صوت سوداني ... ( و الشادى يسكر غيــــر دن )
Author: يحي قباني
Date: 08-02-2014, 03:54 AM
Parent: #27
Quote: يديك العافية يا القباني
الخال العمرابي يا د / محمد بابكر ديك الليلة ساقوهو الربع الي حيث السكر
غير بستكولا . السكر همبريب صافي . وده الخلاهو يطمبر ويجر الجابودي |
يا عثمان موسي يا حبيب
و حياتك ما شفت مداخلتك دى الا الان فقط ...
لكن سبحان الله بقرأ عن عمك العمرابي و بسمع في العيلفون
وقعت عيني علي المداخلة ... السماح يا اهل السماح ...
خالك العمرابي عجيب يا عثمان ...
و يعتبر من اهم شعراء الحقيبة و ابرزهم ...
و اذا قلنا المسألة بالكيف ما بالكم ... لتبوأ دون منازع مرتبة عليا ...
حسب ما اورد معاوية يس ...
سرور غنا للعمرابي القماري الغردن
وود ماحي العيلفون و عزة يكفي البي ... و زينة البها و معني الجمال ...
و كرومة هي النسيم جاب لي طيب ...
و من اشهر قصائده اندب حظي ام امال ...
|
|