أجمل تعليق عن مساككة الهلالاب للحكم

كتبه اخونا ميرغني تيتاوي في بوست دكتور ياسر

الحكم لو كان صائم كان قبضوه!!!.

الواحد بعد شاف كاس العالم
كورة افريقيا بِقَت زي ملاح ام شِعِيفة

وين الصفوة ـ ماتفوتو الفرصة

زكرونا لعبة كمبلت. الحكام ديل بقو تعبانيين من اخوانا الصفراب ديل مرة بنيه ومره سكه والجايه شنكله.

Quote: زكرونا لعبة كمبلت. الحكام ديل بقو تعبانيين من اخوانا الصفراب ديل مرة بنيه ومره سكه والجايه شنكله.

يا مكاوي كل عام وأنتم بخير
ياخي ما تخليها مستورة
فاروق جبرة قبل كده كان موقف مالو؟؟
يا ربي أدى الحكم وردة؟؟

الاخ عثمان كل عام وانت بخير
ههههههههه اضحكتني باداهو وردة.
وبعدين فاروق كان لاعب ليس الا
مااااااا كان رئيس
مااااااا كان مدرب
يعني قدوة.
وانتو الدور الجاي اكيد بيسكو مدرب اللياقة
وارتيييتو بعد دا يحصل
وهو كان عندكم لياقة ليكم كم زمن بتترشوووو في الربع الساعة الاخيرة.

وين ودعمي خليل
معليش ياخ عارفين قون الثواني
الاخيرة ده زي الزول الـ بني قصر رملة
فوق الساحل ـ ـ تجي الفيتا ـ اقصد الموجة
لكن اتذكروا غنية ترباس :
طبيعة الكورة زي الموج تجيب وتودر ماتهتموا للجايات
وقالوا الموج الازرق بشيل عَوَّامو.
مكاوي ـ غير اسمك علي الاقل في البروفايل
عشان الناس ديل قايلين اسمك ده عملتو ليهن مخسوس

ياخوانا انتو صحيفة الصدي دي غيرو عنوانها؟
لي زمان شايفها واقفة في محل واحد ومافي Update
الحاصل شنو؟ دايرين نشوف شماتة ناس مزمل
غايتو الهلالاب محظوظين جنس حظ.

ود العم أستاذ الفاضلابي
سلامات والعيد مبروك عليك والأسرة الكريمة يا أخوي
والله صاح الكورة في نواحينا أمسخ من ملاح أم دقوقة البايت .
السك ده حدو وين يا الفاضلابي ؟
. .
تحياتي

بعد رصاصة سيو اسبورت السنة الماضية ده احرّ غلب إمر علي.. مسخ علينا العيد والله..وشمّت ابله ظاظا فينا.

عيد سعيد يا فاضلابي برغم اي حاجة في اي حتة ياخ..

Quote: ود العم أستاذ الفاضلابي سلامات والعيد مبروك عليك والأسرة الكريمة يا أخوي والله صاح الكورة في نواحينا أمسخ من ملاح أم دقوقة البايت . السك ده حدو وين يا الفاضلابي ؟ . .تحياتي

مرحبا ودالعم العزيز الساكن جنبنا وما لامين فيهو
وين اراضيك يازول افي الامارات انت ام في بلاد اليانكي
نفسي في ملاح سبروق ياعثمان مابتعرف القاهو وين؟

Quote: عيد سعيد يا فاضلابي برغم اي حاجة في اي حتة ياخ..

محمد خليل ياخليل الخلاء الاسفيري
قلت لي الـ فيني اتعرفت ياخليل
ياخ دي فرصة تاني بنلقاها قريب
والـ شجعنا علي التطاول علي اسيادنا
هو بالهم الطويل وصبرهم علي الصفر

تحياتي يا فضلابي
الموج الازرق بقي بركة موية راكدة ينقع فيها القعوي.
الصفيراب ديل حيرونا في سك الحكم يعني الواحد يشوف صورة سكهم للحكم بيتخيل ليهو دي كورة قدم امريكية.
وين بكري القرية اقصد المدينة
وين كاريكا معقولة ماسبقو الحكم قبل مدربم.

سلامات عزيزي الفاضلابي
كل سنة وانت طيب

الجماعة ماشين يحتلوا مقعد طيش المجموعة..
يعني فضيحة في فضيحة
وقالوا الانبلل يعوم..

ديل عيال البرير.. لو مسكوه كان شالوه بالنقالة..

مودتي

سلامات ياعزو وين اراضيك
الحكم انا قايلو ابوبكر كاكي

Quote: طبيعة الكورة زي الموج تجيب وتودر ماتهتموا للجايات

لا بالغت فيها دي
ياخي طبيعة الكورة زي بربار
تسوق وتودي في الاخبار

Quote: الواحد بعد شاف كاس العالم كورة افريقيا بِقَت زي ملاح ام شِعِيفة

شن جاب العنكوليب للعدار ؟

ات مولع بجاي وانا مع مباركات العيد؟

وأنا تعليقي زي ماقال الرشيد بدوي عبيد وحُسب عليها
لما أفتكر أن البث أنتهى وكان مازال البث مستمر

Quote: ياخي طبيعة الكورة زي بربار

سلام محمد العيد يتبارك عليك
تصدق بربار ده ودعمي علا مسنوح
شكلك صفوة ـ ـ الفين وخمستاشر حقتنا باذن الله
الكاس ده لو المريخ ما جابو في الاول الرشاشات
ديل عشمن فيهو زي عشم الثعلب في موية الابريق

Quote: شن جاب العنكوليب للعدار ؟

كل عام وانت بخير ياسجم الرماد ـ اوع تكون هلالابي
بتعرف ملاح السبروق ياشيقا
ات شن عَرَّك بهيو ـ خليك في عنكوليبك ـ وملاحكُن الطعمو
زي الجردقة داك البتسووهو بي رماد القصب نسيت اسمو

Quote: وأنا تعليقي زي ماقال الرشيد بدوي عبيد وحُسب عليها لما أفتكر أن البث أنتهى وكان مازال البث مستمر

هههههههههههه ـ الرشيد ياهو الشقي الـ عَتَّرلو بيـ ....و
عمنا عبدالقادر قالوا ليهو المثل ده قال نحن عَتَّر لنا نامن فَقَهْنا.

Quote: ديل عشمن فيهو زي عشم الثعلب في موية الابريق

الفاضلابي

يعني ما داير تقول عشم ابليس في الجنة

عيد سعيد

Quote: يعني ما داير تقول عشم ابليس في الجنة

سلام ياعمدة ـ تقبل الله
ياعمدة الهلالاب ديل اخوانا
عشان كدي بنعاملن بروح (ريادية)