لماذا طارد اللاعبون حكم المباراة بعد صافرة النهاية؟ فيديو

كل عام والجميع بخير نسأل الله أن يتقبل الصيام و القيام و الطاعات و يعيده علينا بالخير و البركات
خلاص رمضان ولّى عايزين نرجع لبوستات الخستكة و تشتيت الكورة وصرف الأنظار عن الهم الوطني العام خخخخخخخ
نبدا بموضوع الساعة وهو مطاردة اللاعبين لحكم المباراة بعد صافرة النهاية, هل كان بغرض الإعتداء عليه أم ماذا؟ وما هي الفائدة التي ستعود على الناديج, بل قل ما هو الضرر الذي تسببوا فيه بهذا التصرف الأخرق!
متى يرتفع وعي اللاعب السوداني و يدرك أن مقولة قرار الحكم نهائي ليست فض مجالس او مجرد كلام ساي بل هي حقيقة واقعة واي إحتجاج يتجاوز الحدود يُقابل بحسم شديد من الإتحاد الدولي و الإتحادات الإقليمية التابعة له واولها الكاف

نتابع الفيديو في المداخلة الجاية ونواصل

والله ما عارف لكن يادوب حضرت آخر ربع ساعة في الاعادة ..
ياخي الموضوع ده حار جدا ولذيذ بشكل لا يوصف ..
ياااااه ..
يادوب الواحد يعيد بي مزاج ..

الفيديو







زوووووووووووووووووط وكل سنة وانتو طيبين

عجبني للمرقوت
بلع ناشف حار حرورية
محمد البشرى دمك تقيل يا اخ

هلا يا دكتور وكل سنة وانت طيب
بركة الطلاشة سامي و بكري ونزار وكياشة الباك الشمال ومن قبلهم كامبوس و الراكوبة الجابو من البرازيل طعّمت ليكم العيد الحنضلوه عليكم - كوصيفاب - الطيران المن قولة هه ثم المساسقة بين حواري سيكافا و البطولات الوهمية مثل أن مباراتكم مع البايرن هي أحد اسباب فوز المانيا بكأس العالم!! أي والله دا كان عنوان مين شيت إحدى صحفكم التي تبيعكم الوهم في قناني فاخرة "عالمية"

وشماتة خاصة فيك بالزرّة الزاريكم ليها عثمان محمد صالح :) ولسّة عويقة هاشم صديق ما بردت, بالجد كنت محتاج للبنالتي دي عشان تعيّد :)


هلا حسين وكل سنة وانت طيب
الوصيفاب من أمس قايمين قاعدين في موضوع سكة الحكم وناسين أنها فضلة خيرهم :)

جلالدونا شنو؟ حنّيت ولا شنو مالك نزلت الليق :) كل سنة وانت طيب يا قريبك
معاك حق اللاعبين جايين من نفس بيئة الصحفي الكتب عنوان سبب فوز ألمانيا و ونفس بيئة الإدارة السجلت مهاجم عمرو خمسة وتلتين سنة المشي غالبو و نفس بيئة الإتحاد و نفس بيئة الوزارة وانت ماشي حتى رئاسة الدولة
نتوقع منهم سلوك مقبول و راقي كيف ؟


الوصيفاب البتنطّطو من امس بي قصة سكّة الحكم, اها إن شا الله رُقتو شوية :)

ودالبشري تقبل الله الصيام والقيام
قلنا ليكم اقلبوه الهلال اللحمر السوداني

هههههههههههههههههههههه ..
عثمان وهاشم ديل ناس زعلانين ساي يا ود البشرى ..
وهاشم زعلان بلا غبينة كمان ..
كلام فارغ ساي..
او كمن يتش البحر في صرتو !!


الحقيقة الواضحة جدا ان المشاعر السلبية كما الايجابية دليل نحو الحياة !!
الا انو بلنتي في الثانية الاولي بعد الزمن الاضافي دي اول مرة تسعدنا وتسر بالنا :)

..\
كل سنة وانت واولادك بخير ياخي ..

كل سنة وانت طيب يا فاضلابي
الهلال الأحمر ياخوي عندكم, من لدن كابتنكم أسّي مرورا بقائمة طويلة من اللاعبين و الإداريين المرّوا عليكم
ما يحلا ليكم الواحد إلاّ يا يكون لعب في الهلال او الهلال قال عايزو

ود المشرف ..
أذكر ليك قول ذات مرة - في ما معناه - أنو الهلال عندك بمثّل السلطة الغاشمة و المريخ المعارضة الوطنية المخلصة أو ما شابه, تخيّل لو تمعّنا في كلامك دا فيه مشابهه للواقع كدي شوف موضوع مريم / أبرار شوف كيف احتفينا بيه ورأينا في سفرها نصرا عظيما وهزيمة للنظام في حين أن الكل يعلم استحالة اعدامها فرحنا بتراجع النظام قدام أمريكا و اوروبا مش أشبه بمنظركم على الرصيف اليوم بتكوسوا ليكم سيكافا هينة كدي ما يكون في تيم يوغندي مشارك فيها :) و تحتفون بهزيمة الهلال في دوري المجموعات في بطولة أبطال إفريقيا - الدور الذي قال عليه الإتحاد الإفريقي بعد اكتمال عقد الفرق الثمانية : الآن اتفرزوا الرجال من الوليدات :)

وهبة يا حبيب كل سنة وانت طيب, الحماضة و الطعمية دي قريبك أمتع ما فيها أنو الوصيفاب بدردقوا روحهم ويعجنوها ليك ما عليك إلاّ بس ترمي في الصاج وتناول :)

يا محمد عبد الله كل سنة وانت طيب, مع التأمين على الفكرة العامة في كلامك لكن النصيحة ليك يا الله أربعة نقاط مهمة شبه مستحيلة مع وجود فريق مثل مازمبي وحتى لو تحققت لازلنا سننتظر نتائج الآخرين
الأمر الواقع يقول أننا فرّطنا فيها بأيدينا و بأقدام لاعبينا و إدارة كامبوس الخاطئة, لكن دائما يبقى الأمل وثقتنا في أولادنا و حرارة قلبهم

الواطي الفاقد التربوي والأخلاقي خضر الواطي تربية الأزقة و الشوارع...
أححححححح.. الواحد رمضان كلو ماسك روحه بركة الجيتني أديك الفيها النصيب كعادتك يا واطي يا حقير :)

ود البشرى ومشاركوه كل سنة وانتم طيبون

بصراحة
قلة أدب من لعيبة دوليين
وجهل من الآخرين
بصراحة حليل البرنس
الكاميرا في الملعب
وعندك ماتش بعد اسبوعين (مع بعض الأمل )
معقول تنسى كل ذلك وتعمل حركات لا توديولا تجيب ؟؟؟؟؟
و السؤال ليس لماذا طارد ..............
ولكن
ماذا إذا لم يستخد الحكم ساقيه ؟؟؟؟؟؟؟؟

وانت طيب وبخير يا السندا, مع الضغوط و الإنفعال و الإحساس بالظلم شي طبيعي تنفيس الإنفعال دا وهنا يظهر الوعي و التهيئة النفسية و التنوير الذي يُوفّر للاعبين وشرح خطورة الأمر وأن الكاف لا يتسامح أبدا مع تصرفات مثل هذه
لكن جاء في الخبار ان كامبوس زاتو شارك إن لم يكن قاد اللاعبين لهذا التهوّر !!

Quote: الواطي الفاقد التربوي والأخلاقي خضر الواطي تربية الأزقة و الشوارع... أححححححح.. الواحد رمضان كلو ماسك روحه بركة الجيتني أديك الفيها النصيب كعادتك يا واطي يا حقير :)

ياهندسة سلام ــــ اولاً فتشت لي الطيب ده لا لقيتو متداخل في البوست ده من جوه ولا من الفيسبوك.
اياً كان الامر واياً كان الذي قاله وخلاك تخرج عن سماحتك الـ عِرفناك بيها هنا ـ
فانا عاتب عليك وزعلان ليك مش زعلان منك لأن ناس الكورة غير.
وده الخلاني اختار التداخل فقط مع ناس الكورة (لأن اخلاقهم رياضية) وتركت تِكِبِّس البوستات غير الرياضية خاصة السياسية.
وحصرت نفسي معاكن وبعض الاخوان والاخوات اولي الادب امثال المك ودالمنسي والصديق شيقوق وآخرين وأخريات.
لذلك عزمت عليك ان تراجع نفسك وتغير هذه المداخلة بعد ان تلعن الشيطان.
فود البشري عندنا زول نعتز بمعرفته ومابنرضي ليهو الكلمة الطافرة ـ
وتفضل بقبول فائق الإحترام

الفاضلابي يا حبيب دا خضر الواطي البكتب من الفيس تحت إسم مستعار sudan rebel كان بستر بيه عجزه وجبنه وكان بنكر القصة دي لغاية ما يوم ببلادته المعتادة كشف روحه
هذا الواطي يستحق أكثر ممّا كتبت له فهو من أحقر وأتفه من مر على البورد هنا ملوّثا إيّاه بسوء تربيته و ساقط نشاته, إنت شكلك ما متابع يا الفاضلابي
شوف الرابط دا مثلا بورّيك من إي زقاق خرج هذا الواطي عديم الأصل

http://www.sudaneseonline.com/board/355/msg/1395942753.html

سلام ياهندسة
اطلعت علي ماجاء في الرابط
كلام ــ مقرف وانت دفعت عن
زوجك سؤ القول وحق لك لانك
ظُلمت وما جاء في مداخلته
ادناه كان يجب اهمالها والسكوت عنها
كما قال الشافعي:

إذا نطق السفيه فلا تجبه .. فخير من إجابته السكوت
فإن كلمته فرجت عنه .. وإن خليته كمدا يموت

إذا سبني نذل تزايدت رفعة و ما العيب إلا أن أكون مساببه
و لو لم تكننفسي علي عزيزة لمكنتها من كل نذل تحاربه

قالوا سكت وقد خوصمت قلت لهم .. إن الجواب لباب الشر مفتاح
والصمت عن جاهلأو أحمق شرف .. وفيه أيضا لصون العرض إصلاح
أما ترى الأسْد تُخشى وهي صامته؟.. والـ كـ لب يـُخسَا لعمري وهو نباح

يخاطبني السفيه بكل قبح فأكره أن أكون له مجيبا
يزيد سفاهة فأزيد حلما كعود زاده الاحراق طيبا

إذا نطق السفيه فلا تجبه .. فخير من إجابته السكوت
فإن كلمته فرجت عنه .. وإن خليته كمدا يموت

إذا سبني نذل تزايدت رفعة و ما العيب إلا أن أكون مساببه
و لو لم تكننفسي علي عزيزة لمكنتها من كل نذل تحاربه

كلامك سليم يا فاضلابي
لكن برضو لا ضير من "جر" أو إتنين بين حين و آخر لزجر كلـــب نجس عقور استمرأ النباح في الناس ظانا ان حلمهم و صمتهم خوفا من نباحه ونجاسة لسانه

Quote: زوووووووووووووووووط وكل سنة وانتو طيبين

ود البشرى وإتّا طيب
بطريقتك دي صعب تركب القطار معانا

يا بكّور قطركم دا شال الإلحاد بالله عز و جل و الإستهزاء بالرسول عليه الصلاة و السلام بقت على الـ "زووووط" الهوينة دي, سمح شوف لينا طريقة في عربية الفرملة AKA الإتسّاق :)