دا قالوا ولد!!

يلد في يدو ان شاء الله بركة العيد ده

معذرة ..

اول شيء سيد البوست واخوي عباس واختنا منى كل عام وانتم بخير
ياجماعة انتوا الثلاثة شاربين ليكم حاجة وللا شنو ؟؟؟ دي بت !!!!!!


التعديل لاضافة حرف التاء في الكلمة الرابعة من السطر الأول
نسيناها كيف 00 ماعارف والله
لكن الحمد لله لحقناها بي سرعة قبل ناس امريكا والسويد مايصحو من النوم

سو وت ؟

ههههههههه
والله ياعبد اللطيف صورتك دي جابتني من الفيس بوك
نعم ولد
وبالمناسبة الصورة مقطوعه وكانو اتنين وداك الروج بتاعو اصلي كمان ههههههههه

انا شفتها قبل فترة


كان الله في العون

اها يا ابوحراز قالو ولد


كل سنة وانتم طيبيين


الله يحفظ بس

Quote: اها يا ابوحراز قالو ولد كل سنة وانتم طيبيين الله يحفظ بس

يعني طلعت انا شاااااااااااااااارب حاجة

والله دي مشكلة 00 عشان كده كل يوم الدولار زايد

ابو حراز اخوي ..

كل عام وانت والاسرة الكريمة بالف خير يا الحبيب .

اسمعني ود امي ما مستغربة من اي شئ بحصل ولا بكذب لي زول
والله ما شاربة اي شئ بس كل الشارباهو مجتمعنا البقي ما ياهو .

والله احفظ ..

ولي قدام .

يا اخوانا كل سنة وانتم طيبين و ينعاد بالخير و مزيد من الليبرالية الجد جد :)

عندي مزاج كرسي في كلوب حفلتكم دي و تغريدة خارج سربها
حاجتين :
الأولى كلّكم - وأولكم صاحب البوست - ما شاء الله مؤمنين بالليبرالية و الديمقراطية وحرية الإختيارفي أي شي بما فيها الإيمان بالله او الإلحاد
طيّب شنو البوست ابو نكهة سلفية دا؟ يعني من حق الواحد ينكر وجود الخالق ودا يسمى إعمال عقل و تفكير وحرية تعبير
نموت في سبيل انو يتمتّع بيها وبتاع لكن يومو اليشيل حواجبه ولاّ يعمل ليه روج نقوم عليه ونستنكر !!!

و التانية, وين إحترام الخصوصية هنا, صاحب الصورة ما ظنيتو شخصية عامة ولا نشرها في مواقع عامة برغبته في الغالب أحد أصدقاؤه شالها من صفحته على الفيس ومن إيد لي أيد ومن تلفون لواتساب لبلوتوث انتشرت, لكن كحملة مشاعل الوعي و الإستنارة وهناي لم اتوقع ان تنشر هنا ويتم التعليق عليها سواء سلبا أو إيجابا

حبّة إتّساق مع المبادئ و الشعارات لا تضير الله يهدينا ويهديكم :)

الصديق العزيز \ ود البشري ..

كل عام وانتم بالف خير والاسرة الكريمة .

Quote: طيّب شنو البوست ابو نكهة سلفية دا؟

غايتو يا ود البشري لو ما كان النظام سلفي والله ما ادخل في الموضوع دا
لانه فعلآ مؤمنيين بكل الحريات والحريات الشخصية لكن في بلد عامليين لينا
فيها انبياء ورسل لازم نوريهم افرازات نظامهم دي .

ولي قدام ..

شكرا لجميع البورداب

يا ود البشري المنقطة !

انا ديمقراطي علماني لكن سوات الجنا دا لسه ما ادونا ليها ههههههههه

الزول/ة الفي الصورة ، كسر قوانين الجمال ....

غايتو دا ما جمال ذاتي يعتمد علي ادراك حواسنا له ...
دا جمال موضوعي موجود خارج وعينا ، ومستقل بذاته ههههههههه



ـــــــــــــــــــــــــــ
الكلام الفوق دا لاينفي ان الجنا سلوكه مرفوض (اذا فعلا جنا !) بقيت علماني ول سلفي
في دي نحن سوادانيين اقحاح !

اي صورة تنتشر في وسائل التواصل تصبح مادة للتداول حولها (اذا كانت تستحق ) !!
( يعني زول شين يعمل الدايرو)!!

يا عبد اللطيف قطر الليبرالية ده باقي لي محطتك فيهو قبل الأخيرة بي زي تلاتة محطات كده .

سلام
يا عبد اللطيف صورة بروفايلك ناقصه نقطه

Quote: يا عبد اللطيف قطر الليبرالية ده باقي لي محطتك فيهو قبل الأخيرة بي زي تلاتة محطات كده .

باقي لي يا سيف النصر، قطر العلمانية والليبرالية دا، بعد نزلنا منو عادل عبد العاطي بمحطة ميادة، وآل البيت بمحطة صورة مريم، وتليب عبد اللطيف أخوي السريع دا في المحطة دي؛ باقي لي يصل المحطة الأخيرة بي أنا وهشام آدم!!
الدين والعرف والثقافة ديل سور حديدي قوي جداً.

لا تمام
المشكلة شنو

وانت و الأسرة بخير يا منى

Quote: غايتو يا ود البشري لو ما كان النظام سلفي والله ما ادخل في الموضوع دا لانه فعلآ مؤمنيين بكل الحريات والحريات الشخصية لكن في بلد عامليين لينا فيها انبياء ورسل لازم نوريهم افرازات نظامهم دي .

بداية يا منى الصورة و التعليق عليها لا علاقة له بالنظام ولن يفت في عضد الإنقاذ أو يدعم جهود معارضتها, بل بالعكس ممكن يجي من يقول ليك عشان كدا وعشان الظواهر دي يجب أن تستمر الإنقاذ في مشاريعها الفاشلة بتاعة إعادة صياغة الإنسان و المشروع الحضاري و النظام العام وهلم الدجل بتاعهم دا
دا أولا ومن ناحية تانية وهو الأهم أن الإيمان بالحقوق الشخصية وحرية الفرد وخصوصيته دي مسائل مبدئية لا يجب المتاجرة بها أو تشكيلها حسب الطلب و الظروف, كما الإيمان بالعدل و المساواة ورفع الظلم وإلى آخر ما يعارض الناس الإنقاذ ويرفضوها لأجله, وإلاّ ما الفرق بيننا وبينهم.

يا عبد اللطيف ما تكابر ساي, بوستك السلفي دا هزم علمانيتك وديمقراطيتك بل وحتى إلحادك المُدّعى.

Quote: يا ود البشري المنقطة ! انا ديمقراطي علماني لكن سوات الجنا دا لسه ما ادونا ليها ههههههههه

Quote: الكلام الفوق دا لاينفي ان الجنا سلوكه مرفوض (اذا فعلا جنا !) بقيت علماني ول سلفي في دي نحن سوادانيين اقحاح !

مرفوض كيفن يعني يا عبد اللطيف, الحواجبين حواجبينه و كذلك إضنينه و شفايفه, تعدّى على حقوقك أو حقوق المجتمع بي ياتو وسيلة عشان ترفض سلوكه دا؟ أها و الرفض دا بتم كيفن, ح تمسك سوطك و تديه عشرة جلدات تعزيرا ولا ح تحكم بحبسه خشية الفتنة ههههههههههه
ثم السوادانية القحّة دي ما ياها زاتها كانت حجة العسكري القال للمهندسة البسي الطرحة و التاني الإحتج على بنطلون لبنى ثم قوّى حجته باللسلطة و القانون وهو البتفتقدو انت اسّي يعني يوم تبقى عندك السلطة وقانون زي قانون النظام العام ما يفرقوك من قدو قدو , سنة يا العلمانية :)

Quote: اي صورة تنتشر في وسائل التواصل تصبح مادة للتداول حولها (اذا كانت تستحق ) !! ( يعني زول شين يعمل الدايرو)!!

ههههههههههه لا تعليق على دي كفاك الشرشحة السويتها في رقبتك وفي شعاراتك فوق :)

يعني يا ابوبكر عبّاس إلاّ الواحد يعمل بروفايل ويقعد ينبح اليوم كلّو أنا ديمقراطي انا ليبرالي أو يلحد عديل كدا حتى يركب معاكم قطركم دا :)
الإيمان بالمبادئ و حقوق الآخرين والإلتزام بهذا الإيمان ما عايز ليه تسميات وأحزاب وتصانيف وقومة وقعدة يكفي الواحد يكون متسّق مع ما يؤمن به

ود البشرى

ياخي كل سنة وانت طيب

كل ما تكتب حرف في المنبر دا بتعبر عني

الفطرة التي فطرنا الله عليها وااااضحة ولن تتحول

هسي العلمانيين ديل زعلوا لمن شافو انو الولد اصبح بنت لأنه بدل الفطرة التي فطرنا الله عليها
وبرضو الفطرة هي الدين الاسلامي واي حاجة غير ذلك تكون شاذة وناشزة (هسي يجو يقولو ليك كوووز)

الدين ما حق الكيزان قبحهم الله - الدين حق الله وحق الرسول صلى الله عليه وسلم والما عاجبوا يشرب من المحيط الهندي

يعود عليك و الأسرة بالصحة و السلامة يا الصادق
عذرا لم أنتبه في حينه

Quote: Re: دا قالوا ولد!!

The used to say, let them say; Saying what's SAY

عزيزنا أبو اللطف، كل عام والجميع بخير ..

يازول اتّا بي صِــحَّك ...؟

ياخي تأوّلوا ..! في ها الضــَّــيْــقات! فهناك فوتو شوبات، وأعطيات وحلاوات شربات ..! كما هناك انمساخات، وتمثيلات عولاقات.

هناك صَــغار، وَ وَدار وخسار قدُر موية أمطار..! بل هناك افتشار وخوار وبوبار خلف الكثير من الأبواب والوضار ..!


هذا إن كنتم تقصدون أن صاحب الصورة، ولد بــي حق وحقيق! وســـوداني كمان ها ..؟ معقولا ..............؟!!



..........
غايتو، أو نهايتو، في هذه الحالة المصوّراتية، فأنا على "دِين" أبي حراز ...! (الأوّلاني بالذات!) ، وأعني قبل إقراره بالشــَّرْبة وإلّا اضّطررتُ أن أقول لصاحب الصورة وأسوَتِـــِــ ــه/ــها ..!: (الشِّربيتا) ...!

يا حيدرونا، لك سلامي والأشواق، والتهنيئات ..

وبالله مغروض في رد منّك! فراجِع ماسنجرك الخاص، وجاوِب وُ بس!

ود البُشرى، سلام

سؤالك في التنك، لكنّه بعد إجابة عبداللطيف، راح ترنك! ومَرقْ في الرّنك؛ وبالتالي وجب عليك التعقيب على الإجابة، حتى نُلمم بالفولة التي " تســـــــــــــــــــــــــــووووم" !!



.........................

ود ابو جودة كل سنة وانت طيّب, ما عرفتك تقصد أي رد لعبد اللطيف عايزني أعقّب عليه, فأنا علّقت على كلامه كلّه ما عدا الحتة بتاعة الخصوصية وما أدراك ما أمر الصور المنشورة على وسائل التواصل الإجتماعي
فإن كنت تقصدها فيا سيدي رايي في المسالة دي كالتالي, وسائل التواصل الإجتماعي كالفيس بووك و الواتساب وسائل لها خصوصية وتختلف عن المدونات و المنتديات ومواقع النت المفتوحة على العامة
فالصور المنشورة على الفيس و الواتساب معني بها أصدقاء صاحب الصورة فقط وهو سمح لهم بالإطلاع عليها لكنه لم يسمح بنسخها وحفظها ترويجها وإطلاع آخرين عليها, طبعا ممكن يقوم جدل قانوني في الحتة دي لكن في النهاية المسالة وعي بحقوق و خصوصية الآخرين وإيمان بحقّهم, حتى لو وصلتني صورة لشخص ما بطريقة لا غبار عليها - بشكل قانوني - لنقل وجدتها على صفحة أحد أصدقائي مثلا, هل لي حق نشرها في منبر عام ومفتوح !!
القانون مليان ثغرات يمكن النفاذ منها و التحايل عليه لكن الوعي و الأخلاق وإتساقنا مع المبادئ التي نؤمن بها وندعو إليها يحكمنا ولن نخدع أحدا عير أنفسنا إن تحايلنا عليها
ولاّ كيف يا أبوجودة

قبل أيام اتنشرت صور بنات شبه عريانات.. البورد دا كلو قام وما قعد.. ما عايزين يشوفوا الصور.. ويا مشاعر المسلمين وأحاسيس المسلمين.. التقول المسلمين ديل ضاربين حاجـة
واليوم تنشر صور أولاد مثليين، وهاك التغزل من جهة والنقاش (الموضوعى للمشكلة)!! من جهات تانية.. وتكلست مشاعـر المسلمين المزعومـة..

الله يكضب الشينة لكن حبوبة صلاح غريبة قالت بعض السودانيين امخاخهم مركبة بالقلبـة.


زوروا صفحــة كنتونا1 على الفيسبوك

يعنى لو اديناها حقها فى قص شعره مافى موضوع يبقى

وين باقى الصورة؟

الشي المحيرني االناس تقوم تقعد ولد ولد
الفتشو منو فيكم؟

ده ولد ده !! ..
في هكذا حالات انصح الاستعانه بخبير ..

عزيزي ود البــُشرى، لكم التحايا الطيبة وكل عام وانتم طيبين طيبين ..

بداية لابد لي من القول: العَتَب على سُرعة النِّت بنواحينا ..! إذ لا تظهر عندنا المداخلات إلا بعد مرور ما يُقارب من تأخيرات سودان آير "والله يطراها بالخير".. فأنا لم أرَ مداخلتك التانية ولا مداخلتي إلا بعد مرور ستّ ساعات، فتأمّل ..!

تقول يا ود البُشرى:

Quote: فإن كنت تقصدها فيا سيدي رايي في المسالة دي كالتالي, وسائل التواصل الإجتماعي كالفيس بووك و الواتساب وسائل لها خصوصية وتختلف عن المدونات و المنتديات ومواقع النت المفتوحة على العامة

، وأنا معاك أن هناك " زعم " خصوصية، لكن واقع الحال العولمي بكامله هو: الفــَتْ فتَّاً لأي ذرة معلومة معرفية؛ فلا خصوصية - باعتقادي - عن سِــر زاد عن اثنين ..! وبالتالي، فالمدوّنات والمنتديات بطرائقها التشغيلية والتواصلية،
مُطَبــَّقة على الواتساب والفيس وال وال وال ..!

....
أودّ أن أقول لك، إنّ رفضك لعبداللطيف، في نشره هذه الصورة؛ يأتي - باعتقادي - كــ ــحُجــّة سياسية أكثر من كونه حُجّة موضوعية! لا سيما وأنك ربطتَّ النشر للصورة وباعتبارها خصوصية، بــما يُمكِن أن نُسمِّيه الــ"غرض السياسي" أن هذا النشر
لن يضرّ الحكومة سياسياً ....!!! وتلك في تصوّري، حُجّة غير لاجمة، باعتبار النشر (للصورة وغيرها) عمل متماشي مع بثّ الوعي وتعريف المجتمع بما يجري من خيرات وشرور، فيتصّدّى المُتصدّون، ويُنظّـر المفكِّرون ويعمل الناشطون .. ولاّ شـــنو!

ألا تعتقد بأن نشر الصورة - بصرف النظر عن دوافع الأخ عبداللطيف!- قد يؤثّر إيجاباً في صاحب الصورة العاهة ...؟

ذاك يا عزيزي، هو الوعي الذي لن يتأتّى بلا نشر وحرية تعبير

ودمتَ بكل خير

الواحد بقي مشغول ومداخلاته محدوده مجاملة من بكري ابوبكر للمدعو محمد المرتضي.


المهم

هذا البوست انا لم اطلع عليه

الا الان بعد ان رعت صاحبة الصورة قضيه علي صاحب الموقع

وقام محمد البشر نزل هذا اللينك.



اولا عميق اعتذرنا للاخت صاحبة الصوره

والتي يبدو انه فبركات الجداد الارلكتروني ليشغولي الراي العام بحاجات فارغه.

وانا باسم كتبا الاون الخيرين بعتذر لها بانه تم امام بصرنا يفترض ولم ننصفها لكن صديقين يا اختي لا زمن لنا لمطالعة كل ما يكتب هنا.

الامنجيه يسرقون صور بنات الناس من الفيس بوك و يفبركون القصص وربنا يعين الشعب علي انتهاكاتهم لخصوصياتهم و تعديهم عليهم

ولنري ماذا سيفعل القضائ الانقاذي السجمان لجبر الضرر لهذه الشابه المتضرره.






ــــــــــــــــــــــــــــــــــــــــــــ
اما مداخلات الاعضاء فاغلبها تدل علي انتقائية الوعي.

المهم اشكر من اثبتو اتساق

مثل د.سيف وشخص اخر لا اذكر الاسم الان وود البشري الذي حاول يحرج التقدمي عبد اللطيف او يندرج في باقي تحرشاته بالعلمانين

لكن اضطر ان يكتب كلام متسق مع المباديء الليبراليه.



اما البحير صحيح

هو ود ابو جوده هذا موظف مركز الباقر العفيف

يا زول كدي راجع الممولين البتصرفوا قروشهم وقول لهم كلامك ده مترجم وموثق بالانجليزيه و شوفو لو تلقوا ثاني تعريفه كااااااااااااااك و كمان ههههههههههههه!

انتو وقت محافظين قدر ده مالكم بالعين اموال الخواجات الليرالين ههههههههههههههههههههه

وديمقراطيتك البتدعي ليها من خلال ندواتك الكنت مسؤل عن التحضير ليها يا تري كانت بتقدر تفصل الديمقراطيه بقيمك هذه ( وجه غمز وشمتان شماته كبيره ) ههههههههههه!

ــــــــــــــــــــــــــــ

ام حيدر الزين و اقحامه لصورة عضو المنبر خضر الطيب

فان خضر الطيب لو لجأ للقضاء برضو بيوقفكم بصحاب المنبر بين اايدي الله.

من ما يجري لصوره هنا باساءه متعمده وكتابه ايحايئه قميئه.

ومداخلتك يا حيدر اوف بوينت كالعاده

ولو انت عامل ضد نعومة الرجال السودانين فلعلمك كلكم ناعمين

اقلب البورد ده ل( جيم) و ريحنا…ووقتها نشوف كي العضلات بتتكرب.

هيئة خضر الطيب دي هي هيئى معظم السودانين المنعمين اسياد الشيء ذاتا!!

ولونه هو لون السودانين لما يلقوا الكندشه و الضلله و التحول من مهن مزارع و راعي لمهن موظفين ما بيهتموا بالرياضه , مالك عليه

لكن للاسف الغرض مرض.



لجبر الضرر تجاه هذه الاخت

انا اطالب الناس النجيضه في الانترنت انهم يحولوا الامر لرساله لنصرتها مره اخري

وننشرها كما فعلوا باضرارها ,وساحاول ان افعل هذا ايضا.



علي البلد السلام طالما صرنا نضر بعضنا البعض بهذه البساطه دون ان يرف لنا جفنا!!

أبو جودة .. ههههههه
ما عارف هل في فائدة للرد على تعليقك بعد دا أم لا , خاصة في مسألة نشر الوعي دي هههه
لكن احب اقول كويس انك قلت في (اعتقادي) هنا

Quote: أودّ أن أقول لك، إنّ رفضك لعبداللطيف، في نشره هذه الصورة؛ يأتي - باعتقادي - كــ ــحُجــّة سياسية أكثر من كونه حُجّة موضوعية! لا سيما وأنك ربطتَّ النشر للصورة وباعتبارها خصوصية، بــما يُمكِن أن نُسمِّيه الــ"غرض السياسي" أن هذا النشر

عشان اقول ليك اعتقادك خاطئ, ومسالة ربط نقدي بالغرض السياسي كان ردا على تعليق منى ورؤيتها أن انتهاك الخصوصية يسهم في النيل من الحكومة, حديثي لعبد اللطيف عن انتهاك الخصوصية جينوين :)

تراجي...
يا ولية تحرشات شنو وإضطرار شنو, ما تقريني بعين طبعك وتحسبيني مثلك, إنتقائي ولا مبدئي و مكاييلي متعددة وألبس لكل حالة الرداء المناسب ليها, الخصوصية الجاية تتباكي عليها ياما انتهكتيها هنا
قومي كدا ولا كدا بلاش نفاق معاك.

والله لكن ....!!

تراجي تستاهلي يردو عليك في شان جبتي سيرة النعومة والتنعيــم :)

ابسط وانبسط يا خدركة أهو طلعت سِنة ناعمة كمان ..ولونك ياعين تراجي البااااردة نفعت فيهو البوخات .. ما خسارة .. هههههههههههههههههه

تراجي أيتها الناشطة المهمومة .. ركزي شوية .. المداخلة الكانت مكتوبة من قبلي هنا وحذفها بكري مراعاة لحساسية خضر الطيب المرهفة..

أقول .. المداخلة تركزت في توضيح المشوار الطويييييييييييييييل الذي ساره خضر الطيب للتحول من سوداني أغبش ليهو شنب لي احد مدعيي انهم اسياد الشئ ومنعمين وماعطين شنبهم ..معط ؟؟ معط شنو.!! دا زعط لمن وشو بقى " عجيـزة " قرد مع الحشمة طبعاً ..

المداخلة كانت لإعطاء خضر الطيب حق جهده وايفاءه تقديره في انه فعلاً عمل له حاجة ناااعمة واسموزية لدرجة انه مجهوده لفت نظر ابي جودة وفعل فيهو فعل الدهشة .. فهمتي.. ؟؟

وللشرح مرة تانية بنقول .. هل تتخيلي انه الزول الدشن اب جلحات نص صلعة دا والشنبو مغتي نص قدوم دا :
عايني ليهو :) :)





أصبح بقدرة قااادر وتوفيق من الله تعالى هذا المخلوق الأمعط الاجلط الناااعم

عايني ليهو :/




والتحول حصل من متين يا استاذة تراجي؟
اقولك ..لانك تستاهلي
حصل التحول للنعومة واللون البارد يا ستي متزامناً مع ومن رمرمة هذا الناعم على موائد سفارات الكيزان وحفلاتها مسترزق هناك ..
وجاء تماها هسع بالشغل في قناة الكيزان والاخوان المسلمين المدعوة بالجزيــرة القطريـة ..

اها المشكلة وين زي ما قلتي انتي انه (((ولونه هو لون السودانين لما يلقوا الكندشه و الضلله و التحول من مهن مزارع و راعي لمهن موظفين ))) وخضر بعد ان توظف توظف بالجزيرة الكيزانية لقى الكندشة والكبسة والمفطح .. لكن المشكلة في انه المفصوم دا مدعي انه مناضل لا يشق له غبار وبيقف ضد الكيزان اللي هو فعلياً مترمم على موائد سفاراتهم وشغال اجير في قنواتهم

غايتو بيني وبينك الشغل اخير ليهو من حكاية استلام المصروف



..
ـــــــــــــــــــــــــــــــ
بكري .. خلي تراجي تتمعن في الصور مرة تانية حتى بعدين تعال احذف خجلة خدركة ؛)

بعدين انتو وقت كارهين ذاتكم وهيئتكم وخجلانيين من وشوشكم بتتصورو ليييييييه ؟؟؟؟؟؟؟؟؟؟؟؟؟

تسلمي يا ام حزام

Quote: تراجي... يا ولية...

يا ود البشرى، صباح الخير،
مناداتك لزميلات الحوار بالولايا؛ بنزلك من قطار الوعي في أقرب محطة، وقيل: نجدعك بالشباك والقطار ماشي.

لو قلت لي وليّة تعني امرأة؛ بزعل منك!
لكن لو بتهزر معاها؛ بعتذر عن التحشر.

Quote: الفتشو منو فيكم؟

ها ها ها ها !!!!!
ذكرتني أستاذنا "السنجك" عثمان كرار،
عليه السلام كيفما كان .
كان بيدرس ، في المسائي ، وهي فصول تجمع بين الجنسين ،
كان بيدرس موضوع المؤنث الحقيقي والمجازي ،
قامت ليهو واحدة في موضوع تأنيث الشمس :_ ""وما أصله ياأستاذ
مما قامت الدنيا الشمس دي ماعروف إنها إسم مؤنث...!! وما عارف إيه.
تعرف لمن حرقت روحه سألها سؤال أخير منه سؤالك دا .
أنقر يكون قال ليها شنو؟؟؟

تحياتي


تحياتي

Quote: تعرف لمن حرقت روحه سألها سؤال أخير منه سؤالك دا .

هههههها يا درديري نقشتو

لكن بالجد مش هيصة فارغة ؟ طلع ولد, بت ,خمس ضكر, جنس رابع

مالنا ومالو

لك تحياتي

صباح النور يا بكور

Quote: يا ود البشرى، صباح الخير، مناداتك لزميلات الحوار بالولايا؛ بنزلك من قطار الوعي في أقرب محطة، وقيل: نجدعك بالشباك والقطار ماشي. لو قلت لي وليّة تعني امرأة؛ بزعل منك! لكن لو بتهزر معاها؛ بعتذر عن التحشر.

كويس انك قلت مناداة زميلات حوار, كدا عذرتني فأنا لا و لم أنادي زميلات الحوار بهذا الشكل
لكن الولية دي الأمر مختلف معها فهي لم تأت لحوار ... إلخ - الحقوق محفوظة :)

ثم نعم ولية تعني مرة واديني خاترك وما تزعل مني, وبقطركم دا اصلو شنو - مختلط؟ مرة ليبرالية مرة علمانية اسي ليّست فوقو وعي كمان :)

مشكلتك يا ود البشرى، ما قدرت تتعلم من تبارك والصادق (قبل مساككتو لجادات) ان كل شيء بدربو، والتعامل مع المحاور بردود أفعال قديمة ؛ دا أكبر عدو للوعي أحد أضلاع حزمة الليبرالية، الديمقراطية و العلمانية

مشكلتك يا ود البشرى، ما قدرت تتعلم من تبارك والصادق (قبل مساككتو لجادات) ان كل شيء بدربو، والتعامل مع المحاور بردود أفعال قديمة ؛ دا أكبر عدو للوعي أحد أضلاع حزمة الليبرالية، الديمقراطية و العلمانية

لا اتفق معك يا بكّور في قراءتك للامر هنا وإن كنت اوافقك على مسألة ان هناك ردود افعال قديمة لكنّها لا تنطبق هنا
معقول ما قريت كلام الولية دي هنا وهي تعتبر حديثي و موقفي إحراج و تحرش و إضطرار ؟

بالنسبة للوعي فأ الوعي نبيلٌ وقويمٌ بأصله قبل طَبْعِ الواعين وليس ضلعا في أي مضلّعٍ ما :)

_____________________

رايك شنو في الهدية دي بالله :)

Quote: (قبل مساككتو لجادات

.
البوست دا بقى جميل جداً بعد ما ظهرت الحقيقة

الناس الفوق منظرهم بقى بايخ جداً بعد الماسورة دي ..

يعني تقرا التعليقات و تحتار في الناس اللي بتجي تأكد كمان ...
سودانيز أون لاين فعلاً عالم جمييييييييييييييييييييييييييييييييييييييل

شكرا يا ود البشرى على الرابط الجميل، تابعت تنظيرات المثقفين الكبار؛ مُحسن خالد، قُصي همرور والمثقف الكبير جداً محمّد حسبو حول محاولتهم لتعريف: الوعي.
أنا كمثقف أقل درجة أُعرف الوعي بأنه: هو الوعي

بالمناسبة: قبل أيام كنت بتكلم مع محمّد حسبو وحنستو يجي يتونس معانا هنا سودانيز أون لاين، قال لي صعب عليهو العودة لمنبر العوام وسيكتفي بالكتابة بمنبر الصفّوة.

موضوع الوليّة ما تقول ناسيهو.

يالاسمك منو الخدر مش قالوا ليك في بوست عن البت المقصودة بالفاشر
وهي البت الورد موضوعها في صحيفة السوداني حسب بوست مزمل خيري
ماعجبك الا البوست بتاعي الاتنسي زمان دا!
قالوا ليك عاجبك قطار الليبرالية دا طيب ماتركب عديل ...

بالمناسبة ح اجيب ليك الرابط بتاع البوست التاني

وانا جيت المنبر بالصدفة ومافاضي من ناحية شغل
وقبل كدا من ناحية ظروف قوية منعتني
منها وفاة شقيقي الاكبر وشقيق عضو المنبر بدرالدين الكاتب الصحفي والمخرج المسرحي
مافي زول عمل نعي وقبل النعي لم نري بوستات الدعاء
كل ذلك لايعنينا ولايمثل اي شئ وانا ارفضه لو حدث
ومن الظروف تهدم جزء من منزل الاسرة وكاد ان يلقي احد العمال مصرعه فيه فاضطروا
للرحيل!!
اقوم اجي بجاي القاك انت ارجعت البوست دا للواجهة وفاكر دي بتساعد علي
القبض علي بكري ويقوم بكري لالالا دا ما انا , دا عبداللطيف ههههههه
ويقوم عبداللطيف يجيب عشرات المواقع في النت ويرشد عن ملايين
التلفونات التي تداولت صورة البت ولد دي وعييييك وانت فرحان وشمتان
فيني عشان قلت ليك ياخي ذاكر شوية ، انعل ابو القراية لو كانت صعبة كدا

يخس عليك وعلي نوعك الماعندو نخوة ، تفوا ....
ورحيل الاسرة بعد ذلك

,ويا إسمك عب لطيف مين كدا, ما يقولوا البقولوا انت فاكرني زيك بباري قالوا ووقالوا و بلغي عقلي وخلاص
لا ياخوي ما حزرت
بوستك ما عاجبني لكن دا الأنا شاركت فيه ومتذكره, وقطار الليبرالية ما عاجبني عشان أركب فيه طالما نوعك المتناقض و البنافق حتى في مبادؤه الرافعه و قادي بيها الناس مسطح فوقه
خليتو ليكم
رحم الله شقيقك وغفر له و أحسن عزاءكم, تقبلها ترفضها دا خيارك, نحن واجبنا الدعاء للميت طالما عرفنا
و البوست ما أنا الرجعته للواجهة,حاول شغّل مخك شوية أقرأ التواريخ, قصة فاكر وما فاكر دي ما تتذاكى - على الأصح تتغابى - وتفترض الناس بتفكر بطريقتك ونواياك
ثم شماتة شنو و فرح شنو البشمتو فيك, لو القصة شماتة فشماتي اخدتها زماااان من لحظة عريت نفاقك وحملك شعارات لا تؤمن أو تعمل بها
وحتخليني اعيدها تاني بسذاجتك الأبديتها دي بظنك اني جبت البوست ليقبض عليك.. كم أووون ياخ قرو أب شوية
ما فهمت قصة المذاكرة و القراية عشان اكيّل ليك ما يناسبها
يخس و تفوو عليك انت وعلى نوعك البنافق بشعارات لا يفهمها

أي سؤال... :)

Quote: ,ويا إسمك عب لطيف مين كدا, ما يقولوا البقولوا انت فاكرني زيك بباري قالوا ووقالوا و بلغي عقلي وخلاص لا ياخوي ما حزرت بوستك ما عاجبني لكن دا الأنا شاركت فيه ومتذكره, وقطار الليبرالية ما عاجبني عشان أركب فيه طالما نوعك المتناقض و البنافق حتى في مبادؤه الرافعه و قادي بيها الناس مسطح فوقه خليتو ليكم رحم الله شقيقك وغفر له و أحسن عزاءكم, تقبلها ترفضها دا خيارك, نحن واجبنا الدعاء للميت طالما عرفنا و البوست ما أنا الرجعته للواجهة,حاول شغّل مخك شوية أقرأ التواريخ, قصة فاكر وما فاكر دي ما تتذاكى - على الأصح تتغابى - وتفترض الناس بتفكر بطريقتك ونواياك ثم شماتة شنو و فرح شنو البشمتو فيك, لو القصة شماتة فشماتي اخدتها زماااان من لحظة عريت نفاقك وحملك شعارات لا تؤمن أو تعمل بها وحتخليني اعيدها تاني بسذاجتك الأبديتها دي بظنك اني جبت البوست ليقبض عليك.. كم أووون ياخ قرو أب شوية ما فهمت قصة المذاكرة و القراية عشان اكيّل ليك ما يناسبها يخس و تفوو عليك انت وعلى نوعك البنافق بشعارات لا يفهمها

مافارغ زيك عشان اجاريك رد برد ،انت رجعت البوست ونزلت الرابط في بوست مزمل خيري
وعلاقة الصورة شنو بالمبادئ البتتكلم عليها ، انا ماحددت هي ولد ام بنت وماع########ي لو كانت لولد
لاني سوداني من غمار الناس البرفضو التشبه بالاولاد ،خليني من العلمانية(ليست الليبرالية) الانت
مافاهم هي شنو اصلا ...

البروفايل بتاعي لاديمقراطية دون علمانية ...ياتو مبادئ اتناقضت معها اوع تكون الحرية الشخصية
للتشبه للجنسين لا يافالح دي مابتحل مشكلة بلد اهلوا عايزين يعيشوا حرية الحقوق المتساوية في المواطنة
وحقوق الانسان الخ دا خلط كيزان ووهابية لتنفير الناس السطحيين في فهمهم ...

باختصار ماعندي رغبة اتداخل معاك في اي مكان ...

كفى انت الفاهمها - او البتدعي فهمها
ومنو العندو الرغبة في الرد عليك أو حتى قراءة نفاقك و سذاجتك دي, كلّنا هذا الرجل

سلام يا عبد اللطيف،
التعازي لك والأسرة.
ود البشرى لم يقم برفع البوست، أختنا تراجي هي التي رفعته.

سلام تاني يا ع اللطيف،
هجومك على ود البشرى، ورفعك لبوستات تتحدث عن نفس الموضوع؛ يقرأ بأنه تشتيت كورة، وهروب من مداخلة أخلاقية تثبت فيها على حقك من فتح البوست، أو تعتذر فيها، وفي الحالتين عشمانين في الصدق مع النفس.

أحر التعازي للأخ عبداللطيف وإخوانه في وفاة الفقيد، شقيقه، تقبله الله بواسع الرحمة، وجعل البركة فيكم..
.......
إننا، ولا شك!، في زمانات البلبلة والمطوحة نتعايش!! فكيف سادت هذه الصورة (النشاز) حينما تُنسَب لـ " قالوا عليها ولد!" على الMedia السودانية ثم تغيب ويغيب صاحب/ــة الصورة ويعمل فيها حِميل!/ــة..؟ في نفس الآن الذي يطل الميديا السودانية "خبر عجيب" !! أنو دي "سهام" بس! وأن النيابة ح تشوف شـُـغُلها ..! وكأن النيابة "شايفة" الشغل ال شاغلها ..! على كل حال، فقد سـُررنا والله صحي! أن الصورة طلعت لـ "واحدة" من حسناوات السودان في رونق الصبح البديع! ولم تكن الحكاية فيها "الفاشر" و " نارجيلة" ومسؤول صقيل يقول للشرطات والنيابات، كما قالت تلك البنت العربية الفصيحة: يا أبتي أدرك فاها، غلبــني فـــوها و لا طاقة لي بـِ فــيها ..
.....
أما انت أيتها ال "فاضلة" فيهم، تراجي
فقد سعدتُّ لـِ حيرَتِك! وسعدتُّ أكثر لتضامنك مع الجمال السودانيعروبي، تتساءلين:
Quote: ---- اما البحير صحيح هو ود ابو جوده هذا موظف مركز الباقر العفيف يا زول كدي راجع الممولين البتصرفوا قروشهم وقول لهم كلامك ده مترجم وموثق بالانجليزيه و شوفو لو تلقوا ثاني تعريفه كااااااااااااااك و كمان ههههههههههههه! انتو وقت محافظين قدر ده مالكم بالعين اموال الخواجات الليرالين ههههههههههههههههههههه وديمقراطيتك البتدعي ليها من خلال ندواتك الكنت مسؤل عن التحضير ليها يا تري كانت بتقدر تفصل الديمقراطيه بقيمك هذه ( وجه غمز وشمتان شماته كبيره ) ههههههههههه!
----
وتقهقهين!
وربما لا ااااا لا .. لا تفهمين!
وعلى كل حال، نحنا ناس "محافظين" جد جد، للدرجة التي تضطرنا أن نصبر عليك الـ "عَشرة" ونزيدك بأيام التشريق
وكل عام وأنت بخير .. وأقول لكِ:

هنيئاً مريئاً غير داءٍ مُخامرٍ ..! xxx لـ تراجي من مقالنا ما استخفـَّتِ ..!

...............