ده عيد ولا حرب

الشفع كرهونا البيوت
تل تلل
بووووووم
ولا بهدو

كل عام وانت بخير
ود ابسن
دي ثقافة تنمية المواهب الدفاعية لدي الجيل الجديد حتي تعتاد اذانهم علي اصوات المدافع والرصاص من اي هجوم محتمل .
والله كرهونا النوم لكن برضو بذكرونا اخواناً لنا يعيشون علي اصوات الرصاص الحي .
انا ما عارف المستورد للنصايب الزي دي منو ! تجار اخر زمن .

والله يا مكاوي كرهونا الغمضه ,,, اشكال وانواع , ولو نضمت يعملو ليك شغل المكاواه
وفي كناتين الحله ,,, الشفع اي قرش جري للمفرقعات

كل سنه وانت طيب ..وربنا يوقف تل تل دي في كل بقاع الوطن والعالم
ويسلم الوطن من كل بلا

كل علم وانتم بخير الاستاذ ابوسن وعيد سعيد
لو مسدسات تصدر اصوات ما مشكلة كبيرة ، الكلام المفرقعات والالعاب النارية والتي قد تتسبب لا قدر في إصابات خطيرة للاطفال تطال لا سمح الله العيون والراس وقد تكون مميتة

انت عارف أنا أمس لما بسمع في طاخ طيخ بوم جاني إحساس إنو ديل فريق ناشئي داعش.
ههههههههههه
كل عام وأنت بخير

سلام يا شباب كل عام وانتم بخير

يبدو أن الجيل الحالي يريد ان يورث الاجيال القادمة ثقافة الحروب والموت فلا تنقطع ابدا

الالعاب النارية والعاب الكمبيوتر كلها حروب حتى تخريج شفع الروضة يبلسوهم زي عسكري ويغنوا ويرقصوا بالعاب في شكل اسلحة ..

هذا غير الاطفال الذين يعشون هذه الحروب بحقيقتها وواقعيتها في مكانها

من يكون واعي ويقول للناس اصلا زمنا دا باظ وانتهى رفقا بالمستقبل والاجيال القادمة حاربوا هذه الثقافة .

Quote: انت عارف أنا أمس لما بسمع في طاخ طيخ بوم جاني إحساس إنو ديل فريق ناشئي داعش. ههههههههههه كل عام وأنت بخير

الله يجازيك ياقصى
عيد سعيد

اللهم آمين يا هجو يا اخوي
بدل الطلقة عصفوره
وميري كلمينا
عشه ذكرينا
اي سونكي
احسن يبقي مسطرينا

مرحبا مهدي
ممكن لو فتشنا نلقي في حوادث ,, في شرار وفي مفرقعات بتطير ومستورده من اردأ الصناعات التي لا تراعي الامان ,, اضف استردها تجار جشعين لا اخلاق لهم يدعمهم الفساد

ههههههه
قصي
وانت طيب ياخ
يعني تاني لو جات طامة نقول احتفال

مرحب درديري
كل العالم يبحث عن تمدين اوطانهم ونحن نهرول نحو عسكرة المواطن ,, حتي اصبحت العلوم العسكرية جزءا من منهج الدراسة ,,
الرأسمال لا اخلاق له ولكننا نملك الخيار في بث القيم المدنية رغما عن مسلسلات عنف برامج الاطفال
غير هذا كيف تسمح لطفلك ان يتعدي علي حريات آذان الآخرين ثم تطالب بالحرية
الآباء مسؤولون عن لعب اطفالهم

عيد سعيد ابوبكر