أجمل شلكاوي في تاريخ الوأدي

أرجو التكرم بوضع أغنية غصن الرياض المايد
بصوت الفنان الراحل رمضان زايد .

العيد يتبارك عليك يا عثمان
أخوي...

بارك الله فيك يا معاوية
وعيدك يتبارك .
أجمل عيال الشلك فنان يطول عنو الحديث ويتمدد الاعجاب وتنشر الدعوات عليه بي الرحمة .

فعلا اجمل شلكاوى فى الوادى..
صوت فريد من نوعه...
ينساب كما الجدول الرقراق..
ويتغلغل فى الوجدان..
فيطلق العنان لكل ما هو جميل..


وعيد سعيد للجميع..

آخخخ يا عثمان موسي ...

هبشت عصب ... مازال بينتح ...

لن أنسي تلك السهرة التي جمعت بينه و بين الراحل خوجلي عثمان في تلفزيون الجزيره

وكانت علي الهواء مباشرة من تقديم امير التلب ...

(رغم ظهور شعار تلفزيون امدرمان ... ولكنها مجرد اعادة للحلقة ...) ...

تلك السهرة يا عثمان كانت آخر ما قدمه لنا رمضان زايد ...

حتي ذاع الخبر في اليوم التالي برحيل الفنان رمضان زايد

و بات كل اهل السودان بين مصدق و غير مصدق ...

ليتني زهر ... مبارك المغربي ... و المبدع رمضان زايد ...

عزيزنا قباني
عيدك مبارك
ويلا أرحكاك النرش بعض الماء وبعض الورود علي قبر ذلك الدرويش النبيل

عزيزتنا تاور
العيد مبارك عليك
وخليك وأقفة معانا نترحم علي قبر أجمل مبدعين الوأدي

والله يا عثمان كتر خيرك

اول مرة اعرف المبدع الأستاذ رمضان من أهلنا الشلك

عزيزنا الفنان عبدالمنعم
سلامات
والعيد يتبارك عليك يا ملك .
رمضان هو ملك التطريب وملك العود مافي كلام

عزيزنا أستاذ الطيب شيقوق
عيدك مبارك
وزي ما قالو صاحبو الطيب محمد الطيب
قالو : يا ود الشلك العود دردحتو علي طريقتك والغناء طوعتو وفصلتو علي مقاس وجدان أهلك السودانيين .
تابع يا الطيب حركة أصابع الراحل في العود .

عزيزنا عثمان موسى

كل عام وأنتم بخير

ياخ دى عيدية ما حصلت .. الله يديك العافية

المبدع رمضان زايد .. زايد فن وإبداع متفرد
أبدع وأشجى فى التغنى بأغنية ليتنى زهر
الزول الجميل دا بصوته الأجمل عندما يفتح
ويطرب ..
" يحلو تلاقينا من غير أكدار .. ويرف وادينا ويغنى مزمارى "..
ياخ حاجة ما حصلت وتطريب ما بعده تطريب

البعجبنى فى رمضان زايد الله يرحمه
ما بس أنه فنان متمكن، ولكن كمان عارف
إنه متمكن .. فيغنى من دواخله فى مستوى
ودرجة عالية للتطريب لا يصلها إلا عباقرة
الغناء من أصحاب المواهب المتفردة .. وبنفس
التمكن ومعرفة تمكنه تعزف أنامله على أوتار
العود فتطرب هى قبل أن تنثر الطرب على الآخرين
إلى جانب عذوبة الصوت والعزف عرف بلطفه
وخفة ظله كان يتمتع بقدر عالى من
ال sense of humor

فى هذه الأيام المباركة نسأل الله له المغفرة والرحمة وأن يسكنه فسيح جناته

ليتنى زهر
كلمات \ أ. مبارك المغربى

أنا ليتني زهر في خده الزاهي
أنا ليتني طير في روضه لاهي
أنا ليتني نهر تنساب أمواهي
يحلو تلاقينا من غير أكدار
ويرف وادينا ويغني مزماري
أنا ليتني عود في صدرك الحاني
دنياي تغريد من عذب ألحاني
والفن محفوظ بقلب فنان
في خفقة القلب
تنساب أوتاري
بالشعر والحب
بالشهد والنار
أنا ليتني أنتي
في عالم الحس
أشتاق في صمت
وأحب في همس
وأعود ان عدتي
للمعبد القدس
حيث الهوى السامي
يسمو بأفكاري
وتطيب أيامي
من نبعه الجاري

عزيزنا أستاذ نادر
سلامات وعيدك مبارك
رمضان عليهو الرحمة فنان نادر يتكرر زيو في كل العالم
عليك الله في العيد ده تحاول تتابعو .
ده الفنان السوداني الوحيد القلب العود جيتار
محاولاتو كلها قمة التطريب قمة الجمال
ليك التحية أخي نادر

نتابع الاستماع الي ملك التطريب وشيخ مشايخ الضاربين علي العود .