فضيحة في مطار الخرطوم الدولي ... ( صور + فيديو )

قال دولي قال

اتخيلوا ده صالة المغادرة في مطار الخرطوم الدولي
وحالتو دي مطرة واحدة فقط وفي بداية الخريف

البلمع في الارضية ده موية مطر

ما عملو سبلوقات ... :D

الاخ عماد
الظاهر المعلم ضرب قروش السبلوقات

الدفاع بالدعاء ( اقطع سوالفكم ياكيزان )

Quote: الاخ عماد الظاهر المعلم ضرب قروش السبلوقات

وانت الصادق ( المعلمة ) وليس المعلم
سلام صلاح ولي ضيوفك

لا حول ولا قوة الا بالله العلى العظيم

الاخ عز الدين سلام
المعلمة حنينة ماضربت كتير .. عاشن كده مافي انهيار حتي الان زي ماحدث في مطار الجنينة

Quote: وانت الصادق ( المعلمة ) وليس المعلم سلام صلاح ولي ضيوفك

المصيبة انو الفضائح دي بتحصل سنوي
والمسئولين لا يهمهم الامر
لانو ما في محاسبة
ومافي محاسبة لانو النظام كيزاني

يا صلاح ، الإنقاذ مهمومه بغزّه
وليس بـ"موقف الخرطوم الدولي" !!.

Who care?0
فاليغرق كل السودان!.


البلد دي ليها اولويات !.
.

سلام جادات ورمضان كريم
المزيد من الفشل يعني مزيدا من النهب من المال العام يعني مزيدا من معناة دافع الضرائب الذي يقطتع من دمة لهذه المباني الزائفة.
وقبل كم يوم مطار الشهيد مين كدا في الضعين (على ما أعتقد) مش وقع عدييييل في الواطة بعد افتتاحه ببضعة شهور؟
والحكومة بدون خجل معينة زير للبنى التحتية!!!!!!
الله لاكسبكم ياكيزان ولا جعل فيكم بركة ببركة هذا الشهر العظيم.


شكراً صلاح جادات لتوثيق هذه الفضائح التى تزيد من تخريب سمعة السودان الخربة أصلاً بفضل نظام اللصوص والقتلة.

واضح جداً ان المطار يفتقد لمشروع { تصريف مياه السيول والأمطار }
وهو من المشاريع الأساسية التي يجب اقامتها قبل اقامة المطار نفسه
ويمكن الآن تدارك ذلك وعمل شبكة لتصريف المياه
والاستفادة من هذه المياه الفائضة
وتوجيهها نحو مزروعات وحدائق المطار
من خلال الصور التي رايتها هنا خرجت باستنتاجين :
فإما لاتوجد شبكة تصريف مياه اصلا 00 وهذه كارثة وتدل على فوضى عارمة
واما ان الشبكة موجودة ولكنها مقفولة وبرضو هذا شيء مؤسف جداً

تحياتي ياجادات
يعني من الليلة ستكون هناك رسوم (مطر) على الوصول والمغادر مش هم سبب الغرق ...
أما الولاية وما جاورها من لجان وموفوضيات ووزارات وغرف طواريء خريف 2013م ديل كمان عندهم رأي عجيب ... أولا كيفن خريف 2014م يأتي وهم شغالين في حصر ومعالجة آثار خريف 2013م ؟؟؟ الشفقة والعجلة في شنو يالمطر مافي صبرا يكمُل الآبري ؟؟؟ مطر آخر زمن ؟؟؟
عيدكم مبارك
الشفيع ابراهيم

ياأخوانا موش كانت فى "أزمة" مياه ومظاهرات قبل اسابيع وهسع بقت فى "زحمة" مياه... إحتمال يكونوا كتروا فى صلاة الإستسقا عشان كدة جاتم مطرة تقيلة ... حقو يعملوا توازن شوية... المشكلة انو البشير يعتذر عن السفر لأمريكا ويقول المطرة أجلت سفريتو لمؤتمر القمة الأمريكى الإفريقى!!!!!!! أنا لو منو اتهم ناس داعش بالإستعجال فى قيام دولة الخلافة عشان الناس تنشغل من السفر عبر المطار وعبر طريق التحدى

عجائب العجب العجيب ما بتغيب ...ومريض مارضو الكوز ما بطيب

Quote: فضيحة في مطار الخرطوم الدولي ...

* ود جادات **
** سلام **
## فضيحة شنو ........!!!!!! دى الوضع الطبيعة فى دولة الفساد والإفساد ... وهسه مُمكن المُفسدين والميم نون من المُطبلين يبرروا الموضوع بأنو :-
** إبتلاءات من الله..
**إنها أمطار خير وبركه ببركة دعواتهم فى العشره الأواخر..
**سوف يتم إرسال وفدين لمعاينة طلمبات شفط المياه الى دبى والصين..
** الخريف فجأتن وصل من دون مواعيد مُسبقه ..
**الحكومه طافيه النور ومقيمه الليل وماشافو السحاب الشايل..

## وبفقه الضروره خلوها مستوره ##
(اللهم أنقذنا مِمن أتوا لإنقاذنا)

الشي دا معروش بلدي ولا شنوووو؟
هههههههههه

Quote: ما عملو سبلوقات ...

تقول النكتة بان الرئيس الامريكى
أوباما داير يضرب البيت الأبيض بوهية .
جاب 3 مقاولين
الأول صينى قال الشغلانة بتكلف 3 مليون دولار
والثاني ألماني طالب بـ 7 مليون دولار
والثالث كوز قال بى 10 مليون دولار ..
الصينى قال : 1مليون مواد ومليون للعمال ومليون أرباح لي
الألماني قال : 3 مليون مواد و 2 مليون للعمال و2 مليون أرباح
الكوز قال: 4 مليون ليك يا اوباما...و 3 لي انا
وندي 3 للصينى عشان يقوم بالشغلانة .

هو حالنا البشكي حالنا
بيت نفيسة بت علي ود إبراهيم ما صبّا
سبلوقاتو سوّن جو
وكتين دمعيع السحاب
نوّح
ظلَّ صامداً وكتين
معز اللبن دغّن
كانت تنام متلحفا
وكتين البقر الطلق
بوّح جفل
الزيفة ديك روّح
توفت نفيسة بت علي سنة 1979
ورثت هذا البيت عن أبيها مبني من الجالوط توجود عليه قبل الخريف بزبالة
مرات كاملة ومرات ( رويسية )
مزبل لي الخريف عمة
الله يكون في عون السودان
سألهم ماذا فعلت تلك الأمطار بقصورهم في المنشية والرياض ؟
ولا نملك إلا أن نقول
أللهم حوالينا ولا علينا
لإن المتأثر الأول الأخير سوف يكون المواطن المسكين
سوف ترمم ما أتلف المطر جباية تؤخذ منه وزكاة من مال عمرو ما بلغ النصاب ولن يبلغ
ولحين ميسرة

Quote: Who care?0

and#1587;and#1604;and#1601;and#1575;

الاخوة المتداخلين سلام
ولكم التحية