Post: #1
Title: سيدي الرئيس ياخ بصراحة داير اعرس ...
Author: عبداللطيف حسن علي
Date: 07-25-2014, 09:09 AM
الزول الفي الصورة دا عندو فيديو في الواتس اب
يخاطب فيه الرئيس ، قال خلاس زهج وعايز يعرس !
قال اشتغل في اي حاجة ومانفع ، حتي بورتسودان
وناس الدهب ....
قال ياخ البنات يعملوا في الكريمات وابونجمة وشنو ماعارف
ونحن مالاقين عرس
لحمة الشرموط المعلقة دي لمنو ، مش لينا نحن ؟!
وفي النهاية ذكر رقم التلفون مرتين ....
|
Post: #2
Title: Re: سيدي الرئيس ياخ بصراحة داير اعرس ...
Author: عبدالعزيز عثمان
Date: 07-25-2014, 09:18 AM
Parent: #1
عليك الله يا ع اللطيف باصر طريقة
نزل فديو الزول التحفة ده...
ياخي ده زول ظريف خالص...
ذكرني واحد اخونا لطيف عليه الرحمة
كان زول الله نضيييف...
ياخد فرصة نقاش في ركن دالي
اقول ليهو
بنات الجامعة ديل زادن حلا
ونحن الحلاوة دي ما بنقدر عليها
دحين وقفوها....
رحمك الله اخي عمر فقد كنت طيبا مسالما ولطيفا...عمر الجامعه.
|
Post: #3
Title: Re: سيدي الرئيس ياخ بصراحة داير اعرس ...
Author: Tragie Mustafa
Date: 07-25-2014, 11:06 AM
Parent: #2
شاهدت الفيديو يا عبد اللطيف وحزنت علي هذا الشاب.
اولا هو رجل تلقي لانه شكله ما بيعرف للحرام.
ومجتهد لانه يتزوج لانه الطريقه الوحيده لاشباع رغباته الطبيبعه.
حزنت عليه لانه لازال يعتقد انه البشير رئيسا لمن هو مثله
البشير الذي يقتل اهله بجال النوبه لو بيديه يخصي امثاله ولا يسمح لهم بالزواج.
فقد كتبها من قب لاحساق فضل الله معتاظ من خصوبة زنوج السودان كما ادعي.
كلامي الحار ده حيخلي اذناب البشير يبحثوا عن هذا الفتي ليدعموهوا ماليا و يثبتوا عكس كلامي.
وقتها ساكون سعيده لاني ساهمت بحل مشكلته بمجرد نقدمهم.
لكن نحن بنقول ليه
يا ابني يا غالي لو كان امثالك يهمونا البشير لما فعلا تاخرت بك سن الزواج للان
ولانك مجتهد ولم تترك بابا الا طرقته فكان طبيعي ان تجمع ما يكفي لزواجك.
ربنا يفتحها بوجهك يا غالي و يحقق امنيتك بان تجد زوجه صالحه ويهبك ذريه مباركه.
ــــــــــــــــــــــــــــــــــــــ
يا عبد اللطيف ما تسخر من الرجل
فالرجل ماكل نيم و مقطعها في حنانه و ساكت.
وانت اعلم انه القابض علي دينيه حاليا بحق كلاقباض علي الجمر في ظل الانحلال الحاصل.
|
Post: #4
Title: Re: سيدي الرئيس ياخ بصراحة داير اعرس ...
Author: عبداللطيف حسن علي
Date: 07-25-2014, 04:08 PM
Parent: #3
Quote: عليك الله يا ع اللطيف باصر طريقة
نزل فديو الزول التحفة ده...
ياخي ده زول ظريف خالص...
ذكرني واحد اخونا لطيف عليه الرحمة
كان زول الله نضيييف...
ياخد فرصة نقاش في ركن دالي
اقول ليهو
بنات الجامعة ديل زادن حلا
ونحن الحلاوة دي ما بنقدر عليها
دحين وقفوها....
رحمك الله اخي عمر فقد كنت طيبا مسالما ولطيفا...عمر الجامعه. |
شكرا عبدالعزيز ، فعلا الزول دا حقيقي ونضيف وكلامو يدل
علي العفة والبراءة ، قدر ماحاولت ياعبداااااااالعزيز مالقيت طريقة
لتنزيل الفيديو ، اتمني انو يجد طريقه الي هنا ، لان الرجل لم يجد
طريقا اخر رغم كده وتعبه من اجل الزواج ، ما اعتقد الابالسة فيهم
زول ح يلتفت له رغم الانتشار الواسع للفيديو علي وسائل التواصل
شكرا مرة اخري
|
Post: #5
Title: Re: سيدي الرئيس ياخ بصراحة داير اعرس ...
Author: عبداللطيف حسن علي
Date: 07-25-2014, 04:33 PM
Parent: #4
Quote:
شاهدت الفيديو يا عبد اللطيف وحزنت علي هذا الشاب.
اولا هو رجل تلقي لانه شكله ما بيعرف للحرام.
ومجتهد لانه يتزوج لانه الطريقه الوحيده لاشباع رغباته الطبيبعه.
حزنت عليه لانه لازال يعتقد انه البشير رئيسا لمن هو مثله
البشير الذي يقتل اهله بجال النوبه لو بيديه يخصي امثاله ولا يسمح لهم بالزواج.
فقد كتبها من قب لاحساق فضل الله معتاظ من خصوبة زنوج السودان كما ادعي.
كلامي الحار ده حيخلي اذناب البشير يبحثوا عن هذا الفتي ليدعموهوا ماليا و يثبتوا عكس كلامي.
وقتها ساكون سعيده لاني ساهمت بحل مشكلته بمجرد نقدمهم.
لكن نحن بنقول ليه
يا ابني يا غالي لو كان امثالك يهمونا البشير لما فعلا تاخرت بك سن الزواج للان
ولانك مجتهد ولم تترك بابا الا طرقته فكان طبيعي ان تجمع ما يكفي لزواجك.
ربنا يفتحها بوجهك يا غالي و يحقق امنيتك بان تجد زوجه صالحه ويهبك ذريه مباركه.
ــــــــــــــــــــــــــــــــــــــ
يا عبد اللطيف ما تسخر من الرجل
فالرجل ماكل نيم و مقطعها في حنانه و ساكت.
وانت اعلم انه القابض علي دينيه حاليا بحق كلاقباض علي الجمر في ظل الانحلال الحاصل. |
مداخلتك جميلة ياتراجي من اولها الي اخرها
الزول النضيف ما ظاهر ، لو ما كدا ماكان بكل براءة قال كلامو دا كلوا
وذكر رقم تلفونوا مرتين !
الزول دا (لم يذكر اسموا) اشتغل في مهن عديدة حتي الجيش ذكره
في قائمة تقلبه في المهن ، وهذا دليل علي طلبه العيش بكرامة
اسخر شنو ياتراجي ، انا ذاتي عشت كادح زيو ، عشان كدا عاجبني!!
مداخلتك فيها جوانب تحتاج رجعة بمهلة
لك ودي ....
|
Post: #6
Title: Re: سيدي الرئيس ياخ بصراحة داير اعرس ...
Author: عبداللطيف حسن علي
Date: 07-27-2014, 09:33 AM
Parent: #5
0914555053
سيدي الرئيس والله انا فترت عديييييل كدا !!
والله تكون ماقصرت كلو كلو لو شفت لي الموضوع دا والرقم اهو فوق
ياجماعة وصلو الرقم دا للسيد الرئيس
ــــــــــــــــــــــــ
الكلام دا كلو ماحقي ، حق الزول الفي الفيديو ، ياخ حرام عليكم
شوفو ليهو حل ....
انا شخصيا ماعارف هو ليه اتجاوز كل السبل وخاطب الرئيس طوالي ؟!
|
|