شوف المصور ده لحق ماريا شارابوفا لاحدي وين

بالغ

الصوره خلها بعد الفطور اااالمبروك

Maria Sharapova and TeamUN - Happy Dancing!

طيب يا عثمان كرار يا أخوي
حاول أنقل لينا فديو العنوان الفوق ده لاحدي ما نباصر ليك الصور بعد شراب الموية .

هههههههه
وعنونو : شرابوفا بعد شراب الموية !
ياخ رمضان باقي ليهو يومين بس !

هلا بي عبدالله
دقايق بس . الحاجة الباردة في النار

عبدالمنعم الزول الفنان لحاق بعيد
فديوك الجبتو ده مؤونة مية سنة للبفتش للجمال .
هسع الزول يتفرج في لقطات ال EURO SPORT ولا فيها وهي بتتسوق
ولا هي بترقص ؟
غايتو الله يجيب شراب الموية .

غايتو يا عثمان موسى زى ما قال عمك على ود يسن ود كرار:
كاسى ديسك كفلك شعرك برعه مو راريب
وملان جسمك مو مخجلو السليب
مهرة خيول دنقلا وحقة بكار درديب
منك وا شقا الصبوة و وا خيابة الشيب
والله وا خيابة الشيب ....وا خيابة الشيب
حاشية:
برعه وراريب كلمتان بيحاويتان البرعه الاكمه الغابة الظليلة والراريب الشجر المتفرق،،،

سريع سريع حللنا وصيامنا وجينا جارين نفتح البوست
ما لقينا الحبة دي
غايتو يا حليل قراصتنا البردت

أها يا عبدالله شم

بعد السلام
حاول أتفسح في اليورو ده لا حدي ما نبهل ليك شغل المصور المشاكس

عزيزنا أستاذ صديق
سلامات
أبشر بي الخير
شعر عمك ده أكيد كتبو بي اللغة الروسية
الزول عديل قاصد مضارب الشارابوفاب .

ابوعفان ...

كدى اسمع عمك الحاج ده قال شنو في غنيتو دى ....

اتخيلتوا قاعد في عنقريب مع ناس بت مجدوب ...

بس مافي زول يجيبوا هنا بالله ... اسمعوا بيغادي هههه

http://www.tastefullyoffensive.com/2014/07/84-year-old-man-s...es-americas-got.html

او ممكن هنا كمان

https://www.youtube.com/watch?v=h6uq4OCla2c

عزيزنا قباني
سلامات
قبل ما ننضم عن الفات الكبار والقدرو .
عليك الله يا قباني حاول عرج تاني علي الفديو الختاو عبدالمنعم
وأمسك الفديو وأكحلو و فلفلو فديو فديو . وصفحة صفحة .
حتقابلك ليها مقابلة عجيبة أسمع حلاوة اللغة الأنجليزية المجلبطة بي عسل الأكسنت الروسي .
أكيد يا قباني في شعراء كتيرين ندمانين الكبرو وطعنو في السن زي ما قال : صديق الموج .
حتشوف صورة المصور المتهور الجاهو هارت أتاك بعد فك الفلاش .
خليك يا قباني قريب .. خليك علي حافة كنبة التشجيع . تحياتي

Quote: الحاجة الباردة في النار

الـ CEO عثمان.
ياخ فضل يومين بس. بعدين بوست زي ده بكون عيدية ياخ!
كل عام وانتم بخير وكل سنة وشاربوفا اكثر تألقا.

محبتي

عزيزنا أستاذ الفاتح
سلامات
عندنا صديق كان في ليبيا 9 سنوات وجاتو اللوتري
كان محظوظ في يوم في عمرو حضر تدريبات الشارابوفا في ميادين أكوادوك المفتوحة .
شاف الوعلة في التدريبات تضحك للمشجعين : والنجيلة متكيفة .
قام قال لي : والله في حياتي ما ندمان الا علي التشجيع الشجعتو لفريق الأهل الليبي زمان . هههههههها .

Quote: عزيزنا أستاذ الفاتح سلامات عندنا صديق كان في ليبيا 9 سنوات وجاتو اللوتري كان محظوظ في يوم في عمرو حضر تدريبات الشارابوفا في ميادين أكوادوك المفتوحة . شاف الوعلة في التدريبات تضحك للمشجعين : والنجيلة متكيفة . قام قال لي : والله في حياتي ما ندمان الا علي التشجيع الشجعتو لفريق الأهل الليبي زمان . هههههههها .

الـCEOعثمان ياخ خليتني اضحك زي الزول المهستر.
ياخ انا تاني ما بجي بوستاتك دي ولا حاجة. مخاصمك عديل كدة.
قلت لي الزول ندم على تشجيع الأهل الليبي؟
اوووووووووووووووووووسكار!

محبتي

عزيزنا الفاتح
نعم .
الزول يشيل ويشكر في كولمبس مكتشف الدنيا الجديدة .
قال : ما كان فاكر بي جاي لي ضفة المحيط في متل ده .
تابع المقابلة الفي الفديو

عزيزنا صديق الموج
ياخ عيدك مبارك
وخبارك أبيت الطلة علي مضارب عمنا ود كرار .
جر النم يا زول

صدفة عجيبة يصادف تالت يوم لي عيد الأمة
هو نفس اليوم المحدد لي الخطوبة الرسمية لماريا شارابوفا

هههههههههههه

اتا يا حاج عوسمان

الصورة دى خبر ؟

زى ما قال ابوداود

قاعد تحندك فى العالمين من امس
والناس ديل كلهم متحيلين وعلى الهبشة

وعلى العليها كمان جابت ليها صيام


اتحرك اتحرك

فى أمل قبل السحور ؟

ههههههه

هههههه
صاحبك بالغ يا عثمان ..!!
أنا مع الفاتح ; مقاطعين بوستاتك حتي منتهي العيد
لكن والله يا جماعة عثمان ده درويش في ساحات الجمال والمحبة
يأسـره جمال مخلوقات الله فتلقاه حيثما كان الجمال متأملاً ، بسام
الثنايا .... كده شوفو الزول ده غرقان كيف ? كتب عنها واصفاَ :
(أسمع حلاوة اللغة الأنجليزية المجلبطة بي عسل الأكسنت الروسي).
لو قــَرَأتْ منك هـذا ، لأحْبـَبتكَ في الله يا عثمان ! ...
كم هـو جمــيلٌ ونبيلٌ أن نبذل المحبة دون مقابل ..

عزيزنا عبدالله
سلامات
تقاطع شنو ياخ ؟
هو البوست ده أتفتح لي منو ؟
تعال شوف لمان عبدالمنعم يدرع ليك صورة جكة التدريب بي رحط الجينز .

Quote: بس مافي زول يجيبوا هنا بالله ... اسمعوا بيغادي هههه

يا هندسة كل سنة وانت طيب
ياخ مرقت لينا رمضانا شمار في مرقة

ياخ ما تخلينا مع هاشم صديق وغنانا الحلو أحسن

عزيزنا وشاعرنا أبوذر
ياخ السلام يبراك محل تقبل
ياخ لآبد وكيف ما كيف وبي أي طريقة كانت تحاول تكتبليك فيها أغنية .
الزولة بتشعلل ال CARPETS حق الميادين كل ما تدخل تبق بق ضو .
الرشاقة دي يا أب ذر من الجكة ولا من نوع دقيق العصيدة ؟ هههههههههها .
قتلي وكت السحور فات ؟
والله يوم بتكتل ليك صايم ,

مرحبتين عزيزنا أبوطالب

Maria Sharapova! NYC, 8/20/2013 - At Henri Bendel, Suparpova Anniversary (2)





يا عبدالمنعم
كان لقيتليك أي طريقة بعد تشرب الموية تحاول تدرع الخط الفوق ده

غايتو اتعلقت ذنبى تب يا عوسمان

لكين احسن شى فى الموضوع
انه الواحد اتسحر حاااااضر

ههههههههههه

ما قاعد استنى مواعيد السحور
لكين كل مره اقول خلاس الصورة بتكون جات لى هسه

لا وشنو
الدنيا آخر رمضان وآخر رمق وآخر شهر "شهروفا"
كله علينا

هههههههه

طيب فى طريقة قبل الوقفة ؟

كمان دايرنى اكتب لى أغنية

يا زول موافق

لكين انت اول شى

تكتب لى حجاب

عزيزنا أب ذر
ياخ عيدك مبارك
عارفك متحرق بي شوق تصاوير الجميلة ومستحيلة .
بس تقول شنو مع قوانين شيخنا بكري ابوبكر . وأحد قال لي الصورة دي صعبة وممكن تعرضك لي جن . وفصل
وقال : في حالة درعك للصورة دي : عادي بكري ممكن يرفدك و بعد ما يرفدك من الخدمة يجردك من المكتبة ويشلح نياشينك .

يا أبوذر ياخ البنية جد تعبت من سك المصورين .
الناس خايفين من الحصل علي الأميرة ديانا .... قوليهم خلوها .

أكيد بتكتلليك صايم يا عبدالمنعم .
عليك الله شوف الرشاقة في الكلام والمشي والتلفت والضحك
ده فستان يستاهل مليار دولار

حبيبنا أبوعفان

يا زول الله ما أمر بالهلاك

خليها خلاس طالما فيها بشتنة زى دى

بنشوفها فى الجنة كان الله هون

ههههههههه

انت بس ذكرنى بعد نمش

عزيزنا أب ذر
الدنيا عيد وأنا ما دايرك تزعل والعيد يمسخ عليك
وتقوم تمشي تسويلك شكلة في سوق تمبول . و كعك العيد يبقالك زي الحميض .
لكن ياخ لازم أكلمك بي الحقيقة .. ضروري تعرف
ياخ شارابوفا خطبوها قبال العيد ده بي شوية .
غايتو صاحبك زول بروكلن القال : بس أمنيتو في الدنيا يلقط ليها الكور حيقوم ينتحر
حيكتم نفسو براو بي لبدة حمار قدأم اليونايتد نيشن .

أقعد سوي لي في محنك دي والله بعد دا بنكتفك ونوديك لاهلك في
المجاذيب
ويبراك الجنزير ( طبعاً ماعندك شعبةإت )

عزيزنا ود المنسي
سلامات وعيدك مبارك
وعل العقاب بي جهاتك عافية ؟
وكيفك مع عكلتات الشغل ومطباتو .
خايف علي أخوك أب ذر لحظة تنزيل الصورة

يا عثمان في واحد من اهلك الليل العوينات اندرع ليهو في المراكب البيقطعن البحر اللبيض والمركب جبدتو الريح واتدرع واحده من جزر المصايف حقت الاروبيين وزولنا غمران من الجوع والتعب وفجاة شاف واحدة زي شربوفا دي متدرعاهو وتسقي فيهو الموية والعصير ... زولنا افتكر روحو في الجنة وانعصر علي علي الارض وكورك بطول حسو انو ندمان علي زمنو القضاهو بلا صلاة

قريبنا السنوسي
سلامات
وعيدك مبارك
هسع برضو يا السنوسي وكت نخت الصور الجاية دي الكواريك بتضرب .
لا تبعد كتير .

( لحظة سقوط الحسناء ماريا شارابوفا )


عزيزنا عبدالمنعم ضروري تجيب الفديو الفوق ده
ياخ عين الحسود فيها عوووووووووود

أسرع يا عبدالمنعم
جيب الفديو
بتاع ( لحظة سقوط الحسناء ماريا شارابوفا )

ده السقوط الكان داير يجيب خبر مستقبل الشارابوفا لو لا لطف الكريم .
جيبو .
جيبو ياخ عشان الناس كلهم قالوا الصورة أحسن تكون يوم العيد ومع الشعيرية وكدي .

الاخ عثمان موسى

عيدك مبارك وكل سنة وانت طيب

لكن النقولك شي

لي متين نقعد نباري فيك انت ومنعم كدي ؟؟؟؟ يا منعم جيب يا منعم جيب

عزيزنا الصادق
سلامات والعيد مبارك عليك
يا الصادق شوف الحزن الفي عيون المعجبين قدر شنو يوم البت فركت أنكل رجلها .

نتابع

عثمان موسي يا جميل
كان واجب عليك انت واخوك عبد المنعم قبل فتح البوست ده ونشر المواد المشعه
الفي الصور والفيديوهات الفوق دي تسألوا لينا مفتي الجزائر بتاع كاس العالم اذا
كانت الشرابوفا بتفطّر في رمضان والله لا ..

عمر علي حسن

عزيزنا الرئيس عمر
عيدك مبارك
ياخ يعود عليك وأنت أكتر عافية من أسكلاتشي في زمنو .
وينك يا أستاذ أرجو أن لا تكون قد صادقت جردل الكعك العطبراوي أب كمون ؟
قالوا كعكنا ده وبي حلاوتو دي ينقط كلسترول .
وده حسب كلام مدرب الشارابوفا الرشيقة .
يا أستاذ عمر يا ريت لو كان بعرف أدرع الفديوهات والصور .
كان دأير أدرع ليكم فديو سقوط شاربوفا .. وقعت يا أستاذ عمر .. طقوها عين .. وأنت عارف طقة عيون اليانكي
عين اليانكي تكسر القطر بين شندي وكبوشية .
يا أستاذ عمر
في تدريب من تدريبا ت الشارابوفا في بارك أكوادوك المفتوح .
كان في شاعر أرجنتيني عندو الجنسية السودانية حاضر التدريب .
قام طوالي قطع فيها بيتين وقال :
ما أظن يحصوا حسنك ... لو يحصوا عدد الرمال
بي ايه يقدروك يا ... ملك ملوك عصر الجمال .
من عطبرة ولا الشارقة ولا من روسيا جيت .. يا الصيد أب دلال ؟
ياخ قالوا البموت جمب التنس الموت حلال .

....

Quote: عثمان موسي يا جميل كان واجب عليك انت واخوك عبد المنعم قبل فتح البوست ده ونشر المواد المشعه الفي الصور والفيديوهات الفوق دي تسألوا لينا مفتي الجزائر بتاع كاس العالم اذا كانت الشرابوفا بتفطّر في رمضان والله لا ..

فى الاول ياريسنا ...ماكانت بتفطر
لكين بعد الشوفناه ده ...بتفطر تب
الكويس انو لمينا فى الفيديو ده
تانى يوم فى العيد
عيد سعيد ..عليكم جميعا
وانشاء الله من عوادو....
وشاربوفا ...دى يوم بتعوق ليها
زول اسمه عثمان .

والبحيرني يا أستاذ عمر
زي عمك المشجع المتيم الطلب شارابوفا ترقص معاو قبل بداية المعركة .
شوف المجاملة دي ردت روح المشجع ده كيف .
هسع دي رقصه وحقت عمر البشير ديك رقصه ..
المشجع المتيم يا أستاذ عمر ما خاف من المواد المشعه البتقلب الطوب الحيمور دهب .

سحروها يا عبدالمنعم
العين دي نتشوها ليها في موقعة اليورو أسبورت .
المتيمين الحضروها قالوا ولا موقعة أم دبيكرات زأتو .
النتشة النتشوها ليها دي هي سبب الانشتاحة التاريخية . وأحد يا عبدالمنعم من جماعة ال تي أم Z الناقشوا الشتحة
في البرنامج التلفزيوني الشهير .. حلف بي الشيخ حسن ود حيسونة طباب المجنونة أنو البت دي ما بت نصاح .
سلامتك يا شوشو .
...
يا عبدالمنعم وأحد مسطول قال : سقوط شارابوفا ده لو ما اليايات صناعة روسية كان دقشت الخور هههههههههها

شايف يا عبدالمنعم وبعد خربشة الكاربت التحت لي الكتف
وبعد التربط .. عادي مشت أخدت بقتين من عصير ال APPLE JUICE وصدت للعراك .
بس في التانية ناشوها النيشة الانشطارية . عليك الله يا عمر كان عرفتليك أي زول مسافر جهات كدباس ديك
ضروري تحاول موضوع حجاب البنية دي .
ههههههها ياخ عين الالمان فيها عوووود .

وبعد العز و الحلاوة دي كلها والشهرة والمال
ومشغولية الاعمال والتدريبات . الزولة دي عادي تضحك مع المعجبين وتعمل ليهم التوقيعات
وتديهم بي سهولة ال ADDRESS حقها وال EMAIL ADDRESS وتلفونات المكتب .. الزولة طيبة وحلاوة وحمار .
قادر الله .

وينك يا أستاذ أب ذر
العيد شغلك ؟
الحاجات في أنتظارك .
وفي أنتظار الأغنية دأيرنك تهجو فيها السحار السحر الوعلة .
السحار ود ( ك ل ب ) .

Quote: عليك الله يا عمر كان عرفتليك أي زول مسافر جهات كدباس ديك ضروري تحاول موضوع حجاب البنية دي

يا شيخي عثمان ويا عبد المنعم
رحم الله شيخنا احمد الجعلي شيخ الغبش بكدباس
ما كان سيكتب حجابا للشرابوفا الا اذا علم باسلامها .. وهي كافره تب ..

لعل شيخا آخر كان سينظر في هذا الامر بعد مشاهده فيديو وقعتها الذي عرضه عبد المنعم ..
مستعينا بالله وحماية للمسلمين من وقعة اخري ترمي من يراها من امة الحبيب المصطفي
في سقر ..

وكنت اريد التشاور مع خالي في كتابة حجاب مشترك لا تلبسه هي فيستر منها موضعا ولكن
يوضع في المضرب وتكون له قوة ريموتية لمنعها من السقوط .. ومثل هذا الحجاب قد يعترض
عليه ال WTA .. اتحاد التنس الدولي .. خوفا من احتجاج اللاعبات الاخريات من التعرض
للهزيمة عن طريق السحر .. خصوصا بنات ويليامز اللتين يمكن ان تثيرا الامم المتحدة بواسطة
دولتهما الموغلة في العلمانيه ..

وكذلك لخشيتي من ان يطلب الخال مني ان نلبس الحجاب بالتناوب انا وهو حتي لا نسقط في
قبضة من معنا من المراقبات المتشددات

اما الكعك .. فلا علم لي بمكان ذهابه .. وقد كنت اتفرج علي الفيديو وامامي جردل الكعك اب
كمون وبعد الانتهاء من الفرجه وجدت الجردل ولم اجد الكعك ..

ويا عبد للمنعم .. شكيتك علي ظابط المركز البدق ما بيسجن

عمر علي حسن

مرحبتين و سلامات أستاذ عمر
عليك الله عان باب الشهرة والمحبة الانفتح علي الشارابوفا ده
ومن كل الجهات وفي يوم وأحد بي كل اللغات .
الحصل ده سببو شنو يا أستاذ عمر ؟
يكون من شنو ؟ يمكن يكون ( من صفاء الطيبة والكلمة الحبيبة والطلاقة ) زي ما قال أصدق حكام الجمال ( عمنا بازرعه ) ؟
باب الشهرة ما انفتح ساكت .
الزولة خلاف الفاشن البقت ستو . قاليك يا أستاذ عمر هي الرياضية الوحيدة في الدنيا كلها
الما بتستعمل POWDER .
لا لي FOOT لا لي البشرة يعني منقة الكتياب بس .
..
أها يا أستاذ عمر بعدين بعد عمك عبدالمنعم يجيب صورة المشية في الشو بتاع ال N Y C
بقوم أتكلم ليك عن اليايات .
والكلام عن اليايات والدريكسون حيطول .

( من صفاء الطيبة والكلمة الحبيبة والطلاقة )
..
يا أب ذر
أرجعليك تاني : هو عمك زمن كتب كلامو ده قبل 54 سنة كان عارف ؟
كان عارف شتلة قرير الروسية الفي الفجر نبحن بوابيرا . حتفرهد بعد دي السنين في مكانات تانية ؟
وط ؟
صدق عمك بازرعه .. محبة العالمين ما بتجي ساكت .
أنظر الي صمود تمثال عازف الساكسفون في نيواورليانز حتي بعد الطوفان . وأقف يتلتل
وعان لي شارع التحدي حقنا هههههها من مطرة نهارية وأحدة . كان هنا ردمية .
الصاح صاح يا أب ذر أخوي والاصلي لا يحتاج الي ( باودر ) كلوكلو .

Sharapova's success took a notch higher when it generated buzz at the 2014 Wimbledon Championships after Sharapova and her partners opened Sugarpova Candy lounge shop in London on Wimbledon High Street. According to reports, the Russian shelled out $500,000 in her new business venture.

However, Sugarpova's strong upward momentum could be halted by an emerging threat from the UK Parliament, which is reportedly looking to get rid of the tennis star's sweets because it doesn't promote healthy living.

Keith Vaz, chair of the home affairs select committee and Labour MP, believed athletes like Sharapova should have been promoting the other way around instead of catering the market with calories-loaded candies.

"All sportsmen and women are supposed to promote a healthy life style. A brand like Sugarpova encourages a large and excessive consumption of sugar," Vaz told the Guardian via Tennis Earth.

London King's College professor Tom Sanders also joined the Anti-Sugarpova movement by calling out athletes to start becoming a role model for healthy lifestyle.

"Athletes haven't been allowed to endorse and promote cigarettes 30 years ago. It's time to take action towards those who try to promote an unhealthy food consumption and therefore unhealthy life style."

If the UK Parliament continues to gain backers, Sharapova's Sugarpova business could be in a big jeopardy in the United Kingdom, where it recorded strong market sales.

For now, Sharapova has to put her focus in the upcoming North American hard court season after a disappointing result last year. Bothered with a shoulder injury, the Russian decided to skip the 2013 US Open championship in Flushing Meadows, New York.

Prior to his 2013 absence, Sharapova had a string of early round eliminations in the hard-court Grand Slam tourney before she reached the semis of the 2012 US Open.

Sharapova is expected to be among the favourites to win the Grand Slam tourney along with reigning champion and world's no.1 Serena Williams, rising star Eugenie Bouchard, Simona Halep and Li Na.

For more Maria Sharapova news, read more at IBT Sports

نتابع

عثمان وكل عشاق الجمال
عيدكم مبارك
البنية يا اخوي مي مهرة نصاح
دي ياها ذاته في ظني المقصودة بالكلام دا
يحفظك الله من ناساً وجوهن عابسة
يا مهيرة المحفل المدرعة ولابسة
بيك اتنورت كرري ام حجاراً يابسة
علينا الدنيا بالحيل من فراقك كابسة

ــــــ
اخونا عبد المنعم 5 اغسطس يقترب ومنتظرين التغطية الحية
لي مونديال اللطيفات

عزيزنا ود الفكي
سلامات
وعيدك مبارك
دي القال فيها عمك :
دركسونك مخرطة .... وقايم على بولاد
وغير ست التنس .... الليلة مافى رقاد
الشرابوفا دي ....... الروسية بي الميلاد
بكوسو البسحرك .... وبتشو بي المرواد
....
شايف تش المراويد دي ؟

نجهتوها فى هذه اللحظات مزنوقة لايف متأخر فى المجموعة الأولى 2 - 5

++++++

نتابع

شفت يا عثمان السودانيين ديل بحسو بالجمال دا كيف وبتذوقوهو وبقدسوهو
الجمال سوداني يا اخ
عشان كده بقول
مين أحلى من حبيبتي.
تشبه الريله ومايله للغزلان
والهوي يميله زي فريع البان
الخدود ديله حبة الرماااااان
في الضحي الضاحك كم سرح انسان
اها يا عثمان جمال زي دا عندو تاني شبيه اكيد لا
دي خلقوها واحدة فريدة
ويا اخ وشرابوفا دي تقول مننا دمها دمنا لكن اللغة غريبة

ياعثمان ود موسى
بلغ بنا الشوق مبلغاً
وصبرنا خلاص
رغم محاولات عبد المنعم يبل ريقنا
لكن ما بروينا الا غرضنا الجابنا

نجهتوها فى هذه اللحظات مزنوقة لايف متأخر فى المجموعة الأولى 2 - 5

بطولة التنس بتورينتو كندا
فى دو ال 16 الأن
ماريا فقدت المجموعة الأولى 2 - 6
وبصعوبة كسبت المجموعة الثانية 6 ـ 4
ومجهجهة فى الثالثة الحاسمىة متأخرة 2 ـ 4

لاعب ليها ضد إسبانيه ألوق من نضال

يا عثمان ويا منعم ألحقوا زولتكم

عزيزنا نادر
سلامات
شغالين .. بس بعدين حنتابع الأعادة أنشاء الله نص الليل .
طبعن الشارابوفا في كل الاحوال هي ربحانة .
تحياتي

غايتو فضلت لينا سرينا ويليمز .. ما تقوم كمان تتجهجه لينا زى ما فعلت فى ويمبلدون فى يونيو الفات دا
هى وأختها كانتا أصغر لاعبتى تنس بدأتا فى سن ال 16 اليوم هما أكبر لاعبتين سناً، سرينا عمرها 32 سنة
رغم ثقتها بنفسها فى صغرها .. فى ويمبلدون مسكتا الرجفة خوفاً من الخسارة لأن المستقبل ليس لها .. فخسرت ..
وفى الزوجى مع أختها أشفقت على صحتها .. ربنا ستر فى لندن .. برضو مشفق عليها فى البطولة الآن بكندا

يا ود الفكي
خيلنا عودننا يجن في اللفة .
ولو ما جات برضو جات