أيها السلفيون: هربت أبرار وهل تفتحون بلاغ؟

في وزير الخارجية الإيطالي بالتآمر مع الفاتيكان وشركة طيران سمّمّمّحة ... اظنها سودانير ...






... المهم ...

لا لا كان كدي الله يستر على سودانير من جماعة حمزة






... المهم ....

يا تبارك الصحيح بارك الله فيك:
و هل البلاغ تفتحون.
هدانا الله و إياك

ما يقدرون



هؤلاء هم الإيطاليون

ماذا أدراك أنت يا هذا بلغة القرآن العربية وتصححني؟

آى سي ميلان يتعادل مع إشراقة القضارف تلاتة صفر ...





... المهم ....

او تتكبر على التصحيح أيها العليماني الاخيضر
إنما العلم ثني للركب عند العلماء الربانيين و جهاد و مجاهدات لا يقدر عليها الا القلة
----------
تقول و الله يا تبارك القضارف فيها فريق اسمو اشراقة؟

عن ابن عقيل الحنبلي رحمه الله: " إذا أردت أن تنظر إلى محل الإسلام من أهل الزمان فلا تنظر إلى زحامهم في أبواب الجوامع، ولا ضجيجهم في الموقف بلبيك، وإنما انظر إلى مواطأتهم أعداء الشريعة "

قال تعالى : " مَا يَوَدُّ الَّذِينَ كَفَرُوا مِنْ أَهْلِ الْكِتَابِ وَلا الْمُشْرِكِينَ أَنْ يُنَزَّلَ عَلَيْكُمْ مِنْ خَيْرٍ مِنْ رَبِّكُمْ وَاللَّهُ يَخْتَصُّ بِرَحْمَتِهِ مَنْ يَشَاءُ وَاللَّهُ ذُو الْفَضْلِ الْعَظِيمِ ".

سلام تبارك,

الاحظ ان السلفين محدقين فى مظهرها الخارجى و يتحدثون عن الاحتشام و ما ادراك ما الاحتشام. تتخيلوا ان كانت حشمة المراة فى مظهرها و ليست فى انسانيتها و كرامتها و عزتها فى سلوكها فيجب ان تراجعوا ما تعتقدون.

شكرًا يا أحمدونا ... فقد اختص الله مريم يحي برحمته ... بعد أن أضمر لها المشركون كل سوء ... فنزل عليها الخير من رب العالمين ...

بعدين انا - كأعداء الشريعة - مواطأتي ما داخلة في الموضوع ... لاكين ابن عقيل بتاعك دا لو داير مواطأة مافي مشكلة ..

أما راجل لغتو ضحلة بصحيح ....





... المهم ....

الاخ احمدونا هاك اقرأ كلام الله دا برضو

لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُوا الْيَهُودَ وَالَّذِينَ أَشْرَكُوا وَلَتَجِدَنَّ أَقْرَبَهُم مَّوَدَّةً لِّلَّذِينَ آمَنُوا الَّذِينَ قَالُوا إِنَّا نَصَارَىand#1648; ذَand#1648;لِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ المائدة (82) -

بوست هدية إلي المحترم ( محمد المسلمي) بصورة للسادة (علماء السلطان) - وسري جدا ( للقضاء السوداني)
شكرا تبارك
الشفيع

يحشر المرء مع من احب ...

Quote: يحشر المرء مع من احب ...

كُر عليّ ... لأني - يشهد الله - احبك لوجه الله ... ولا أذوق حلاوة لحوار في هذا المنبر لا تكون طرفًا فيه ... رغم جهلك ...

(اتخيل ليّ المشكلة في صحة الحديث )





... المهم ....

في تسوية نتنة وقذرة تدل علي ضعف النظام لن نسال منها وزير الخارجية او الداخلية او مدير الأمن او مدير عام الشرطة
المسؤول عنها رئيس القضاء وطاقمه المعاون والرئيس عمر البشير مسؤولية مباشرة هنا في الدنيا امام أهلها وعشيرتها
كيف تم ذلك وأين ومتي ومن الضحية القادمة ومسؤول عنها يوم القيامة امام الله عز وجل يوم الحساب

Quote: ومسؤول عنها يوم القيامة امام الله عز وجل يوم الحساب

المسلمي
سلام
يا زول ما عندك عوجة تب إن شاء الله يوم القيامة ربنا حيدخلكم ليك النار وتكون إنت قاعد في الجنة وطاشم طشمة عدوك سكرة تمامن وحاضن ليك حور عيناية كدا وصحن المزة قدامك، وتجيك ريحة الشية الما خمج لمن تتلمظ وتقول ليهم (أولاد ام زقدة تاني أمشوا اتوطأوا وفكوا أبرار) ويكون هذا لعمري أكبر انتصار لشرع الله

بالمناسبة لو داير تعرف موعد شويهم بالنار واشتمامكم لرائحة الشواء الآدمي إقرأ بوست محسن خالد ففيه خبر موعد القيامة

المسلمي
سلام
يا زول ما عندك عوجة تب إن شاء الله يوم القيامة ربنا حيدخلكم ليك النار وتكون إنت قاعد في الجنة وطاشم طشمة عدوك سكرة تمامن وحاضن ليك حور عيناية كدا وصحن المزة قدامك، وتجيك ريحة الشية الما خمج لمن تتلمظ وتقول ليهم (أولاد ام زقدة تاني أمشوا اتوطأوا وفكوا أبرار) ويكون هذا لعمري أكبر انتصار لشرع الله

بالمناسبة لو داير تعرف موعد شويهم بالنار واشتمامكم لرائحة الشواء الآدمي إقرأ بوست محسن خالد ففيه خبر موعد القيامة



You have made my day.

بعدين يا المسيلمي اسمع كلام اخوك الصادق اسماعيل دا ... وانا احتمال - بعد اخش النار - يفكوني بى ضمان أو شفاعة أو واسطة ... ما بداقرك في الحوراية العيناية ... لاكين خلّي ليّ كم كاس كدا ... باقي اخوك الفودكا خربت طبعو





... المهم ....

Quote: في تسوية نتنة وقذرة

طعنوك من الخلف

هذا هو لحس الكوع الما خمج
وهي ضربة اعلامية ومعنوية كبيرة جدا للنظام ويمكن للاسلام .. لانه المشهد الأن يقول أن البابا والمسيحين انقذوا أمرأة محكومة بالاعدام من براثن المسلمين . لكن النظام والذي يبدو انه فقد المفكرين الاستراتيجيين تماما الذين يحسبون أي قضية بجميع إبعادها قبل البت فيها ..
في بداية القضية تدخل علماء كثر وقالوا أن حد الردة الأحاديث فيه ضعيفة والنص يقول داروا الحدود بالشبهات .. وخاصة ولو ثبت انه البنت ارتدت فعلا غير اثبات هويتها في أنها أصلا لم تكن مسلمة وهذه شبهة اخرى لوحدها كان ممكن ان تعفيها من الردة .. كان ممكن من الاول الاستناد على تلك الفتاوي بدلا عن هذا التركيع المذل .. ومن الصور البنت لم تهرب بل خرجت بالباب عديل ولا حد عارف يثبتها .

Quote: .. ومن الصور البنت لم تهرب بل خرجت بالباب عديل ولا حد عارف يثبتها .

مريم يحي خرجت عن طريق المطار في رابعة النهار ... ولا يملك أحد حق إيقافها في المطار ...

نحن نتحدث عن المجرمة الهاربة أبرار ... (عشان المسيلمي ما تجيهو سكتة قلبية )




... المهم ....

Quote: في تسوية نتنة وقذرة تدل علي ضعف النظام لن نسال منها وزير الخارجية او الداخلية او مدير الأمن او مدير عام الشرطة المسؤول عنها رئيس القضاء وطاقمه المعاون والرئيس عمر البشير مسؤولية مباشرة هنا في الدنيا امام أهلها وعشيرتها كيف تم ذلك وأين ومتي ومن الضحية القادمة ومسؤول عنها يوم القيامة امام الله عز وجل يوم الحساب

يا مسلمي
انتو عاوزين تحاسبو الناس ال الله اهداهم السبيلين
وقال ليهم من شاء فليومن ومن شاء فليكفر ....
لو عاوزين تحاسبوهم في الدنيا ..الله بعدين يعمل شنو؟
انتو صدقتو انو الدين ده حقكم ولا شنو ..
اما مهاويس فعلا ...

تسلم تبارك

كتلتوني بالضحك كلكم

ختصه بتارك لما قال لاحمدونا كر علي حيحشروني معاك ؟! يعلم الله بحبك ههههههههههههه اوسكار عديل!!



عارف يا دريري يا اخوي
مش طلعت بالباب عديل وبس

ونهزوهم كمان نصل الليل قاموا يتخابوا عملوا ليها الجواز و الجنسيه

والبابا خلاهم ينهزوا لك الامريكيان ذاتهم

باقي السفاره هناك موظفيها الله اعلم الخرطوم رابطهم عند ياتو فكي
لكن البابا لقي لك دواهم و اجبروا ان ينجزوا اقامة دانيال كامريكي وزوجته في فت ليلية!!


عيال ام زقده!!

تقول لي شنو؟!

يا زول اتاري الباحه كانت ليلة ليلاء عليهم في الخرطوم
الراجل الطلياني ده وقف لك الخرطوم كلها علي فت رجل!!

Quote: في تسوية نتنة وقذرة تدل علي ضعف النظام لن نسال منها وزير الخارجية او الداخلية او مدير الأمن او مدير عام الشرطة المسؤول عنها رئيس القضاء وطاقمه المعاون والرئيس عمر البشير مسؤولية مباشرة هنا في الدنيا امام أهلها وعشيرتها كيف تم ذلك وأين ومتي ومن الضحية القادمة ومسؤول عنها يوم القيامة امام الله عز وجل يوم الحساب

الحـبيب محمد المسـلمى
أتبع درب أبوك الشـيخ إبراهـيم الكـباشـى ,أنا متأكـد رأيك بيتغـير فى مسألة هـؤلاء الأطفال الأبرياء وأمـهم والتى
لا حول ولا قوة لها غـير تمسكها بدينها الذى إعـتنقته وفوضـت أمرها إلى القـوى الجـبار والذى ســخـر لها من عـباده
من يقف إلى جانبها لإنقاذها مع أطفالها.
God bless Mama America

Quote: يا تبارك الصحيح بارك الله فيك: و هل البلاغ تفتحون. هدانا الله و إياك

بل الصحيح يا هداك الله
أيها السلفيون جاء هروب مريم و هل للبلاغ تفتحون

انا ما بغيّر العنوان دا ... إلاّ الدومة العوير يقول انو فيهة غلط ...

(فيهة ولا نفسّيهة)





... المهم ....

المهم والله مشتاقووووووووون ..

يا مهم مريم ما هربت طلعت عديل اسأل المسلمي دا

ههههههههههههههههه .

Quote: كُر عليّ ... لأني - يشهد الله - احبك لوجه الله ... ولا أذوق حلاوة لحوار في هذا المنبر لا تكون طرفًا فيه ... رغم جهلك ...

تبارك شيخ الدين --- هدانا الله وإياك .....

Quote: يحشر المرء مع من احب ...

يعني الزول ما يحب اي زول ما مسلم ولا شنوا :)

هسي يا شيخ أحمدونا إذا في زول مسلم متزوج مسيحية ويحبها حباً جما
وهي ماعازوة تبقى مسلمة الحل شنوا؟؟ أنا جادي في السؤال دا بالمناسبة

عزيزي احمدون

Quote: كُر عليّ ... لأني - يشهد الله - احبك لوجه الله ... ولا أذوق حلاوة لحوار في هذا المنبر لا تكون طرفًا فيه ... رغم جهلك ...

تبارك اداك راس الخيت البدخلوا النار جت ,,,
ما عليك الا تعمل جمبلغ في النار , وتبارك بجي وراك على طول


نجانا الله وايكم من حر النيران ,,

Quote: إذا في زول مسلم متزوج مسيحية ويحبها حباً جما وهي ماعازوة تبقى مسلمة الحل شنوا؟؟ أنا جادي في السؤال دا بالمناسبة

أخ / أحمد --- رمضان كريم ...
قال تعالى : " الْيَوْمَ أُحِلَّ لَكُمْ الطَّيِّبَاتُ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ وَالْمُحْصَنَاتُ مِنْ الْمُؤْمِنَاتِ وَالْمُحْصَنَاتُ مِنْ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ وَمَنْ يَكْفُرْ بِالْإِيمَانِ فَقَدْ حَبِطَ عَمَلُهُ وَهُوَ فِي الْآخِرَةِ مِنْ الْخَاسِرِينَ " [ المائدة : 5]

* يجوز الزواج من الكتابية ( اليهودية والنصرانية ) كما ورد في الآية الكريم -- ولكن بشرط أن تكون عفيفة .

مبروك مريم الوصول لمرفأ الانسانية السمحة،
................................................................
والنسبة للناس الكانوا فرحانين لحكم الردة، ودايرين مريم دي تقتل باي طريقة
والان نقول ليهم كلمة بقولوها ناس الكورة في حالات كهذه،
الكلمة اعيتني ولكن مؤكد انكم فهمتوا الاشارة....
................................................................
ويا تبارك انت كاتبي المفضل لهذا الربع،
وكمان صورك، صور السرور العظمة ام دور*
............

* العظمة ام دور دي بغادي جهجهت جادات؛

هههههههههههههههههههه

سلفتوت اخدو سيك في قبولهم ......
لكن لسع هؤلاء السلفتوت عند فتوتهم القائلة حرمة الخروج على الحاكم المسلم

----------
شمتان فيكم يا سلفية

Quote: أخ / عادل --- رمضان كريم ... قال تعالى : " الْيَوْمَ أُحِلَّ لَكُمْ الطَّيِّبَاتُ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ وَالْمُحْصَنَاتُ مِنْ الْمُؤْمِنَاتِ وَالْمُحْصَنَاتُ مِنْ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ وَمَنْ يَكْفُرْ بِالْإِيمَانِ فَقَدْ حَبِطَ عَمَلُهُ وَهُوَ فِي الْآخِرَةِ مِنْ الْخَاسِرِينَ " [ المائدة : 5] * يجوز الزواج من الكتابية ( اليهودية والنصرانية ) كما ورد في الآية الكريم -- ولكن بشرط أن تكون عفيفة .

ياشيخ أحمدونا رمضان كريم وكل سنة وأسرتك الكريمة طيبين وشكرا على ردك.
بعدين انت صايم وين في السودان ولا شنوا؟؟

لأنوا أنا إسمي أحمد ما عارف عادل دا إنت جبتوا من وين :)

أنا عارف إنوا مافي مشكلة نعرس كتابية لكن سؤالي عن (يحشر المرء مع من احب ...)
فطوالي شعرت بورطة أنوا الزول يحب ليهوا مسيحية ويتزوجها وما تسلم بعدين يحشروه معاه محل ما بتمشي هي :) ودا محل الإستفسار

Quote: أما راجل لغتو ضحلة بصحيح ....

تبارك دا فعلا فات بهناك ، تاني مابتحصلو هههههههه

كتب الأخ / عمر (عمار )

Quote: نجانا الله وايكم من حر النيران

آمين يا رب العالمين هدانا الله وإياك ....

Quote: لأنوا أنا إسمي أحمد ما عارف عادل دا إنت جبتوا من وين :)

لك العتبى يا أحمد حتى ترضى ....

انت يا احمدونا التزمت الصمت ... ولم تعبّر عن موقفك من اعتناق مريم يحي للمسيحية وزواجها من مسيحي وإنجابها منه وذهابها وأطفالها للفاتيكان ...

إذا كانت هي في الأصل مسلمة، فهل سيعتبر أطفالها مسلمين؟

(عشان فيديوك بتاع العراقي الجايي يغنى من ضهر المديفر دا برة الموضوع)




... المهم ....

ما هربت يا تبارك ....... ما هربت.

مرقت حُمرة عين بالدرب عديييل

قضية تبرئية وسفر مريم علي عينك ياتاجر أثبتت
** أن الإنقاذ كمنظومة- تخشي عين الخارج الحمراء وتستجيب للضغوط بل وتضع شريعتها وحدوها في الرف متي ما إقتضت المصالح ذلك!
** الشريعة الإنقاذية عبارة عن فزاعة لإرهاب البسطاء ومن لاظهر لهم!
* جهاز الامن مشارك في التخطيط والإخراج - مسرحية سفر مريم !
** وزراة الداخلية مشاركة هي الاخري في هذه المسرحية
** والطاغية البشير علي علم بكل هذه الخطوات !
** أما وزارة الخارجية فقد ركعت كعادتها للضغوط والتهديدات الخارجية !
** وتطعن القضية في إستقلال القضاء وحيادته والتزامه بالقانون
** كان الأسلم للنظام والأحفظ لماء وجهه أن يقوم بتعديل القانون الجنائي ليتماشي مع الدستور الذي يكفل الردة علي أستحياء !
** الخاسر الأكبر في هذه الحادثة هم كوادر الإنقاذ - الذي توهموا أن تحت قبة التهديدات والعنتريات فكي ! فتمخض الجبل فولد فارا- ,هل تملك أبواق الكيزان الذين هللوا للحكم بإعدام مريم والتصفيق لتمسك الإنقاذ بالشريعة-هل يملكوا الشجاعة ويعلنوا عن إدانة تفريط الانقاذ في الشريعة وإستهانته بالقانون وخنوعها للخارج ! هل يملك شجاعة تمكنهم من نفض اليد من تأييد هذا النظام المرتجف ?
** والخاسر أيضا هو تلك الكوادر "السلفية المتكوزنة "التي - شرخت حناجرها هتافا ضد العلمانيين وكل من طالب بعدم إعدام مريم أو المساس بها والسماح لها بمغادرة السودان ! ولكن وما أن تخلت الانقاذ عن إعدام الفتاة وسمحت لها بالسفر رغما عن القضايا المرفوعة- "والتزوير "في المستندات- وحينما حدثت كل هذه التنازلات المهينة بلعت السلفية المتكوزنة السنتها ولعقوا هتافتهم ولم يجرؤ وا علي مهاجمة الإنقاذ وإدانتها- مما يوضح أنهم
مجرد دمي وكومبارس باهت للإنقاذ! يصمون حينما تركلالإنقاذ الشريعة ويفطرون صراخا وضجيجا حينما ترفع الإنقاذ شعار وسلاح الدين ! ,أين الإتساق والمبدئية وأين الوقوف في وجه السلطان الجائر ! وأين حماسكم وغيرتكم علي الحدود والشريعة ? ** واهم من يظن ا لإنقاذ يهمهما أمر الإسلام أو صيانة الوطن وسيادته وإستقلال قرار.. واهم وخاسر من يراهن علي جواد الإنقاذ الاعرج ! ** مزيدا من الضغوط ومزيدا الفضح الإعلامي ومواجهة القوانين القمعية
سيفرز مزيدا من التنازلات !!

الأخت: زينب محمد عبد الله
كما تذكرتي آية مودة "النصارى" للمسلمين (وعلى فكرة النصارى ديل انقرضوا هسي) تذكري أيضًا قول الله تعالى، أكثر من مرَّة:
1- {لقد كفر الذين قالوا إن الله هو المسيح ابن مريم}(المائدة:17)
2- {لقد كفر الذين قالوا إن الله هو المسيح ابن مريم}(المائدة:72}
3- {لقد كفر الذين قالوا إن الله ثالث ثلاثة}(المائدة:73)


-----------------------------------------

ويا أخ: أحمد عالم
ردًا على سؤالك:
يعني الزول ما يحب اي زول ما مسلم ولا شنوا :)

فالقرآن يُجيبك بوضح:
{لا يتخذ المؤمنون الكافرين أولياء من دون المؤمنين ومن يفعل ذلك فليس من الله في شيء}(آل عمران:28)
{ يا أيها الذين آمنوا لا تتخذوا عدوي وعدوكم أولياء تلقون إليهم بالمودة وقد كفروا بما جاءكم من الحق }(الممتحنة:1)

غايتو القرآن دا عجيب؛ أي حاجة تلاقي :-)

غايتو القرآن دا أنا أعتبره مُعجِز فعلًا، أصلو ما بيخلي المسلم يفرفر .. إلا كان ينجر ليهو إسلام براهو زي إسلام تبارك :-)

وسبحان الذي آمنها من خوف ..

Quote: وسبحان الذي آمنها من خوف

يا محمد حيدر المشرف
أنا قريت ليك العبارة دي أكتر من مرَّة في أكتر من حتَّة وكان نفسي أسألك من العبارة دي:
يعني مريم دي ربنا لمن حبَّ يآمنها من خوف على قولتك، ما لقى إلا الفاتيكان عُبَّاد الصليب؟ ولا في أرض الله الواسعة ما في أمان لمريم دي في أي دولة مسلمة؟ ما كان ممكن يآمنها من خوف بإنه يشرح صدرها وصدر زوجها للإسلام مثلًا بدون ضغوط وبدون تخويف من السلطة ولا الأسرة؟ ما كان ممكن يآمنها من خوف وهي جوَّا السودان عشان نعرف قدرته حجمها شنو ذاته؟ ما كان ممكن يآمنها من خوف إلا عن طريق مقايضة سياسية رخيصة و########ة؟ ما تحترموا عقولنا بقى ياخوانا وبطِّلوا شغل الدراويش البتعملوا فيهو دا !!!!

هشام سلامات ..

يستدعي المؤمنون المشيئة الالهية كثيرا .. وهي حاضرة عندهم في الكثير من المناسبات .. فلا تنزعج لذلك يا صديقي ..

كن بخير ..

Quote: تقول و الله يا تبارك القضارف فيها فريق اسمو اشراقة؟

فريق الهوسا المنافس الأساسي لفريق السهم ...

تنطق (إيشيراكا) ... وهو بالحق إشراقةُ القضارف ...





... المهم ...

الأخ أحمدونا ..

تحية طيبة ..

* يجوز الزواج من الكتابية ( اليهودية والنصرانية ) كما ورد في الآية الكريم -- ولكن بشرط أن تكون عفيفة .

ممكن تفهمنا لو أمكن ما هو المقصود بالشرط المشار إليه أعلاه.
بعدين إذا تحقق هذا الشرط، هل ستحشر هذه الكتابية مع ذلك المسلم الذي أحبها، أم أن كل شاة معلقة من عصبتها؟

الكفار ومن شائعهم من ملحدون وعبدة الصليب وعبدة الثالوث
وعلمانيون فرحون لارتداد أبرار قول موتوا بغيظكم كل يوم أمة
الاسلام تزداد بآلاف من المسلمون الصادقون


--------
وأبشروا بسودان مسلم ان سقط الكيزان السلفيون موجودون الوريث الشرعي
ناس زعيط ومعيط مكانهم. المنافي روما. أمريكا ودول المهجر عامة وأما المسلمون
فقد وطنوا أنفسهم عليكم الإفاقة من الغيبوبة حقتكم دي في السودان فاتكم القطار
فاتكم القطار فاتكم القطار

يا أحمد عالم هاك الفتوي العلمانية دي في الحشر مع من تحب....
من الله خلقك شفت ليك راجل يحشر مع زوجته..
..طيب والحور العين ديل يمشن وين...
.يحشر الرجل مع سبعون من الحور العين وتحشر المرأة وحيدة متعففة والله أعلم....

يا مسلمي نحن موضوعنا الحرية.
موضوعنا ما الاسلام و لا المسيحية.
موضوعنا انو اي شخص عاقل بالغ راشد يحدد مصيره بنفسه
بدون وصاية من الآخرين و خصوصا في أمر الأفكار و المعتقدات.
اذا كانت مريم مسلمة تحولت للمسيحية و وجوهت بنفس الأسلوب
أيضاً كنا سندعمها و نفرح لخلاصها من مضطهديها.

الأخ هشام آدم ......

أحترم جداً خياراتك وقناعاتك.

أرجو أن لا تستهزئ بقناعات غيرك.

Quote: يا مسلمي نحن موضوعنا الحرية. موضوعنا ما الاسلام و لا المسيحية. موضوعنا انو اي شخص عاقل بالغ راشد يحدد مصيره بنفسه بدون وصاية من الآخرين و خصوصا في أمر الأفكار و المعتقدات. اذا كانت مريم مسلمة تحولت للمسيحية و وجوهت بنفس الأسلوب أيضاً كنا سندعمها و نفرح لخلاصها من مضطهديها.

سلام للجميع
يقول ودالمسلمي ويوصي:

Quote: ان سقط الكيزان السلفيون موجودون الوريث الشرعي

إنت عارف أخوي محمد أنا الملحدين ديل مرات بحس كده عنده إنفصام في شخصياتهم:
الواحد يجادلك في الدين لمن تسكت،
ويناقشك في الفلسفة لمن تندهش،
لكن ميولهم لفقه الفلسفة ، وعباداتهم في مساجد المسلمين!
المهم:
ناسك ديل (ناس زعيط ومعيط) بكرة يجيهم حكم السلفية ،
يشحدوا الله يرجع ليهم الكيزان،
لأن الكيزان عندهم ساعة مع نفسهم وساعة مع ناس زعيط ومعيط،
والسلفية ساعتهم واحدة، ما تقيف إلا عند قيام الساعة الواحدة ديك.

Quote: إنت عارف أخوي محمد أنا الملحدين ديل مرات بحس كده عنده إنفصام في شخصياتهم: الواحد يجادلك في الدين لمن تسكت، ويناقشك في الفلسفة لمن تندهش، لكن ميولهم لفقه الفلسفة ، وعباداتهم في مساجد المسلمين! المهم: ناسك ديل (ناس زعيط ومعيط) بكرة يجيهم حكم السلفية ، يشحدوا الله يرجع ليهم الكيزان، لأن الكيزان عندهم ساعة مع نفسهم وساعة مع ناس زعيط ومعيط، والسلفية ساعتهم واحدة، ما تقيف إلا عند قيام الساعة

ياقصي اخوي سلام تقبل الله منكم القيام والصيام الجماعة ديل هاجروا وهم في غيبوبة عن السودان وما عارفين ان كل البلد تحول الي السلفية وحدثني احد الأخوة انه في مؤتمر لا.حد الجماعات السلفية كان حضور النساء المنقبات اكثر من 3000 اضرب العدد في كم أسرة وعددها كم دي دنقلا بس وهم شغالين وهم وغيبوبة

و كم عدد النساء اللائي يحضرن حولية ستي مريم كل عام؟
و كم عدد النساء اللائي خرجن لتشييع محمود عبد العزيز؟
و كم و كم.
3000 الف دي يعني شنو؟
الغيبوبة دي والله عايشها براك يا مسلمي.

لو القصة بالعدد كان الصينيين قلبوا العالم كلو شيوعي ...






... المهم ....

عدلنا العنوان بإيعاذ من العوير الدومة حنظلة ...

هو لم يصرح به ولكنه أسر به في قلبه ...






... المهم ....

ايها العلمانيون والليبراليون والشيوعيون وكل الفرق الضالة قا ل تعالى ((وَكَأَيِّنْ مِنْ آيَةٍ فِي السَّماواتِ وَالْأَرْضِ يَمُرُّونَ عَلَيْها وَهُمْ عَنْها مُعْرِضُونَ))

Quote: انت يا احمدونا التزمت الصمت ... ولم تعبّر عن موقفك من اعتناق مريم يحي للمسيحية وزواجها من مسيحي وإنجابها منه وذهابها وأطفالها للفاتيكان ... إذا كانت هي في الأصل مسلمة، فهل سيعتبر أطفالها مسلمين؟

تبارك --- المعلومات المتضاربه حول تلك القضية ما يجعلني أتريس وأن لا أرهف من أجل الرهف - مثلكم .....

لأنه الكلمة مسئولية أمام الله ما لم تتبين الحقيقة .... كما قال رسول الله -صلى الله عليه وسلم: ((إِنَّ العبد ليتكلّم بالكلمة -مِنْ رضوان الله- لا يُلْقِي لها بالاً، يرفعه الله بها في الجنة, وإن العبد ليتكلم بالكلمة -من سَخَط الله- لا يُلْقِي لها بالاً، يهوي بها في جهنم))
[أخرجه البخاري ومسلم في الصحيح, والترمذي في سننه, ومالك في الموطأ]

** هاهي الإنقاذ ترفض تطبيق حد الردة وتعمل علي سفر مريم رغما عن أنف القانون والقضاء هاهي تنفذ وبالحرف مطالب العلمانين الذين هاجمتومهم في المنبر- عدم قتل مريم والسماح لها بالسفر - فماهو موقفكم منها ?

نسأل ا لسلفية الذين يطرحون من أنفسهم بديلا - يحكم السودان -
ماهو خطابكم البديل - الذي تستمدوه من أصول الدين ?
ماهي مؤسسات صيغة أهل الحل والعقد وكيف يتم إختيار أهل الحل والعقد ?
- ماهي مؤسسات الشوري وماهي وسائلها والياتها ?
-وبخلاف تحريم الربا والزكاة ماهو بديلكم للنظام الاقتصادي - وميزان المدفوعات والميزان التجاري ? وماهي رؤيتكم لنظام الضريبة والجمارك وبديل هذه الصيغ الغربية ?
- كيف يتم إختيار الحاكم وكيف يعزل ? وماهي رؤيتكم لنظام الحكم :- ملكي وراثي أم جمهوري?برلماني أم رئاسي ?
** نريد رؤية واضحة نريد بدائل علمية ! فبدون خطاب وبرنامج بديل فأنتم تحرثون في البحر ! * هذه محاور النقاش العلمي والموضوعي والإشكالات التي تستدعي إجابات فهل تملك إجابات وحلول ? إذا هاتها ?
- ماهو بديلكم للديموقراطية? وأعني مؤسسات الديموقراطية ونظام فصل السلطات واليات وأدوات الديموقراطية ?

(هذه الجماعة تقتحم حوارات الأسافير والتي أساسها الديموقراطية- من دون أن تطرح بدائل فكرية ولارؤي نظرية تشكل معادلا في موائد الحوار! , يتغافل هولاء عن كلمة السر في الحوار والمناظرات هو تقديم البديل والإجابة علي إسئلة وإشكالات العصر ) في هذا السياق قلنا
: (يرفض الديموقراطية ولايطرح بديلا لها ويوضح ماهية مؤسسات واليات الشوري وكيف يتم إختيار أهل الحل والعقد وكيف يتم إختيار الحاكم وماهي صلاحياته وماهو طبيعة النظام الحكم - عندكم- جمهوري -ملكي - وماهو تصوركم لنظام فصل السلطات* الإقتصاد ( مع إقتصاد الدولة/ الأقتصاد الفردي / أم المختلط)? وماهي رؤيتكم للاقتصاد والدخل القومي وميزان المدفوعاتوالميزان التجاري ! - لايمكن أن تملأ الدنيا عن الحكم والحاكم ورفض الديموقراطية وأنت لاتملك بديلا!, بل ولاتملك حتي منهج لتحليل الواقع الإقتصادي والإجتماعي!! أصحي يا بريش فقد إنتهي عهد هتافيات سوق عكاظ والخطب والشعارات! نحن الان في عهد المنهج والبدائل وممارسة السياسة الإيجابية- رفض نقد وطرح بديل!)
.............

كتب السيد قصي محمد عبد الله
.........

Quote: ]ناسك ديل (ناس زعيط ومعيط) بكرة يجيهم حكم السلفية ، يشحدوا الله يرجع ليهم الكيزان، لأن الكيزان عندهم ساعة مع نفسهم وساعة مع ناس زعيط ومعيط، والسلفية ساعتهم واحدة، ما تقيف إلا عند قيام الساعة الواحدة ديك.

.. وهكذا ومن دون قراءة للواقع يتوهم السيد قصي أن السلفية قوي إجتماعية وسياسية ستصعد لدفة الحكم ! لا نملك سوي ترك الرد لشيخ السلفيين في السودان أبوزيد محمد حمزة ليحدثنا حجم وقدرات جماعته

..

Quote: أنصار السنة غير مؤهلين لحكم البلد .

..

Quote: وصل الإسلاميون في تركيا للسلطة، عن طريق الديمقراطية والانتخابات الحرة النزيهة، ووصلت طالبان عن طريق الحرب، أما في السودان فقد وصل ـ جماعتنا ديل ـ عن طريق انقلاب عسكري ، كيف تقيم هذه التجارب؟ وما هي الوسيلة المثلى للوصول الى السلطة برأيكم ؟ كلهم ما نافعين وين طبقوا الشريعة؟ لا في تركيا لا في تونس، وفي مصر الآن مستشار رئيس قبطي، هؤلاء الناس لم يربوا المجتمع ولم يهيئوه لتقبل الشريعة، الشرك في مصر في كل مكان وهل تنفع شريعة بدون عقيدة؟ لئن أشركت ليحبطن عملك ولتكونن من الخاسرين، أي عمل داير عقيدة (إن الله لا يغفر أن يشرك به ويغفر ما دون ذلك لمن يشاء)، وكان ديل ولا ديل ولا ديل، العقيدة أولا، ولا أنا غلطان؟!!! ...........

..

Quote: سكت برهة) ثم قال: الحكومة ما مؤهلة لتطبيق الشريعة ولا أظن ان الشريعة يمكن أن تطبق عندنا، أقول ليك حاجة ما تنشرها (أنا خليت الموضوع دا ذاتو) بقيت ما بتكلم عنها. ...............

http://alhidaya.net/node/573
أبوزيد محمد حمزة لصحيفة الأحداث
..

Quote: واليوم لو جمعنا سكان الخرطوم ثلثي العاصمة سيقولون ما عايزين شريعة. والملتزمون أقلية، الأغلبية لا تريد ذلك والأكثرية لا تريد لكن من يخافون الله يريدون الشريعة، النفوس لا يعلم بها إلا الله.....

Quote: [IMG]لو القصة بالعدد كان الصينيين قلبوا العالم كلو شيوعي ... [/IMG]

يا تبارك مرة واحد قال لما ألقا لي علبة تونة مكتوب فيها made in china بعتبر نفسي محظوظ جدا لأنها فلتت من مليار خشم وجاتني أنا

Quote: يا أحمد عالم هاك الفتوي العلمانية دي في الحشر مع من تحب.... من الله خلقك شفت ليك راجل يحشر مع زوجته.. ..طيب والحور العين ديل يمشن وين... .يحشر الرجل مع سبعون من الحور العين وتحشر المرأة وحيدة متعففة والله أعلم....

كتر خيرك يا عفراء على الفتوى المريحة وجزاك الله عنا كل خير في الدنيا والآخرة.
شيخ أحمدونا شيلني هم قال يحشر المرء مع من يحب وسألته عن حالة الزوجة وإقتصر
رده بأن تكون عفيفة لكن ماجاب سيرة بنمشي وين بعدين

فطالما أنوا ما جاب حاجة تطمئن فلضمان كدا حنمشي بالفتاوي العلمانية
طيب في حالة إنوا انا داير مرتي في الجنة وما عاوز الحور العين ديل.
بالله لو عندكم فتوى في الحتة دي ادونا ليها وإن شاء الله في ميزان حسناتكم :)

Quote: ويا أخ: أحمد عالم ردًا على سؤالك: يعني الزول ما يحب اي زول ما مسلم ولا شنوا :) فالقرآن يُجيبك بوضح: {لا يتخذ المؤمنون الكافرين أولياء من دون المؤمنين ومن يفعل ذلك فليس من الله في شيء}(آل عمران:28) { يا أيها الذين آمنوا لا تتخذوا عدوي وعدوكم أولياء تلقون إليهم بالمودة وقد كفروا بما جاءكم من الحق }(الممتحنة:1)

يا هشام إنت عشان زول كافر كفر بائن وضااامن النار عشان كدا عاوز تكتر قبيلك وتدخلنا معاك جهنم :)
الآيات الكريمة الفوق دي في آيات كريمة تانية برضو بتخليني اعرس مسيحية أو يهودية كافرة ، بعدين ياخي
أنا مخير أشيل من الحتة البتعجبني انت الحسادة العليك شنوا؟؟ هسي مش ناس داعش عندهم آيات يكتلوا
بينها والصوفية ماشين بآيات الإسماح إنت مالك داير تضيق الواسعة

Quote: طيب في حالة إنوا انا داير مرتي في الجنة وما عاوز الحور العين ديل.

يا راااجل

Quote: يا راااجل

وليه مستغربة كدا!!

شكلك يا عفراء ما متذكرة كلام ترباس:

حب الناس مذاهب
في جمالك في دلالك
في عفافك انت راهب
في الجمال كلك مواهب
الا فيك حبيت عنادك
اصلو حب الناس مذاهب


أو بالحديث الشريف:
"أن رجلا من أهل الجنة استأذن ربه في الزرع فقال له ألست فيما شئت قال بلى ولكني أحب أن أزرع قال فبذر فبادر الطرف نباته واستواؤه واستحصاده فكان أمثال الجبال فيقول الله دونك يا ابن آدم فإنه لا يشبعك شيء فقال الأعرابي والله لا تجده إلا قرشيا أو أنصاريا فإنهم أصحاب زرع وأما نحن فلسنا بأصحاب زرع فضحك النبي صلى الله عليه وسلم"

لتقريب الفكرة هسي أنا بحب جداً المعمار الفيكتوري ويشعرني بالأصالة والعراقة
أكثر من المعمار الحديث! فدبي برغم حداثتها وجمال معمارها المعروف ولكني أراها
مجسم أرتيفيشال بلاروح! وهكذا تتراءى في مخيلتي صورة الحور العين .. شن قولك؟ :)