بسأل بس ! مسيره عربات

غايتو انا بعرف اننا عندنا سيرة بالعربات للعريس ,, وتشييع بالعربات يشيلو الجنازة في بوكس كشف وباقي الناس يركبوا في العربات وراء بوكس الجنازة
والسيرة والتشييع الناس بتفضلها كداري إلا ولو بعد المكان , وحتي بعد المكان الناس بتجليهو وتضرب الكدر كما حدث مؤخرا في وفاة محجوب شريف وحاجة آمنة زوجة الاستاذ سار الناس ساعات يحملون النعش فوق رؤوسهم
اها سمعت الحكومة عاملة مسيرة عربات دعم لفلسطين
واحد فاهم يفهمني
يستفيدوا شنو ناس فلسطين من التقليعة دي
وبعدينك بهتفوا ولا بضربوا بوري
وطيب دي بفرتكوها كيف يي بمبان بوليس حركة?
وشوكران

المسيرة طالعين بيها اولاد الكيزان المحنفلين .. بسبب ضغوطات من باباتهم بضرورة الخروج في مسيرة

بعدينك كم كيلو الفلم ده وبستهلك كم جالون بنزين مضروب في كم وعشرين جنيه ,, ولا قول مضروب في 2 دولار وزقة
لازمتو شنو هسه الكلام ده ,,مش كان حق البنزين ده يغمتو ليهم في يدهم بدل الجوطه والصرعه الحديثه دي
علي بالطلاق حكومتنا دي بتخرج افلام افضل من اجعص جعيص في هوليود

لكن يا ايمن التأييد عندهم
والشباب بمرقوا
العربات حقات ابهاتهم
البنزين ده اشك في امرو حسب التجارب
لكن الفكره خطيره وغير مسبوقه وتعكس عبثيه الواقع السوداني وسبهلليه السواقين
بجد فكره مجنونه تخرج من عقل طفل صغير في اهاب شاب كبير
منها فسحه ومسيره ,, حجه وتجره

ابتذلوا فكرة التآزر والتعاضد ,, واخرجوها من معناها ,, فصارت مظهرا مسرحيا سطحيا ,,
تركوا الفكره وعملوا علي القشره ( لو كسرت القاف ولا فتحتها كلو صاح

الدنيا حر عليهم يا صاحبي ...

خلاص بس يضربوا البوري تضامنا ...

زى المارقين من كورة ...

هههه
قلت لي : "تيت تيت غاازة" "تيت تيت غاازة"

فوق

جهاد موديل 2014 فول اوبشن يا ابوسن
احيييييييييييييييييييييييييييييييييييييييي
اللهم اني صايم

تعرف يا قباني كنت داير اعرف شروط المزاد ,,, آسف اقصد شروط المسيرة
يعني
هل في موديل محدد للعربات
لون محدد
هل يشترط التكيف
هل البوري رنه ولا رنتين
ولا نظام الهواستن والسفنجات زمان ,,, السواق يربط الكوز للوري ومع الابنصات وعزف البوري يطلع مقطوعات موسيقية
وناس الشارع كلهم مع ابنص الجاز للغيار من ترس لي ترس والعربيه تئن ! يكوركو بي صوت واحد
ارفع ,, ارررررفففففففع
هسه ممكن اقيف في شارع الزلط وارجي السيره
واهتف ملء صوتي تضامنا
ارررررررففففففففففع

ودور بينا البلد داك
احرق الجازولين يا الوابرجاز
و
سواقنا زينه
وحالف ما يدلينا
اها
قلتو لي
بترفعو معاكم الناس البآزروكم كدرلي

شبكاااااا

ود اب سن ،
إت ياخوي مالك حاكيها كدا؟؟
والحسادة عليك شنو...؟؟
إت الظاهر ما عندك عربية
او عندك عربية وما عندك ليها حق البنزيم
الدنيا حر والناس صايمة
المهم الناس طلعت تعبر
والعالم كله عرف إننا بنعز غزة أكتر من حلايب !!
عاد انحنا مانا ناساً أنانيين
وبنقدم الناس علي نفسنا.
والناس كانت بتطلع كداري
عشان ما عندها عربات
أها دحين الناس ديل عندهم عربيات
إت دايرهم يمشوا كداري زيك ويخلوها؟؟
إت مالك...... ما بتعرف التطور؟؟

كل سنة وات والمعاك طيبين.


تحياتي

فوق
شبكه

غايتو أتوقع انو اسرائيل لما تشوف كمية العربات المشاركة في المسيرة المباركة
و تسمع هدير الماكينات و ترى دخان العوادم سيصيبها الخوف و الهلع و ستعيد
حساباتها، أتوقع بعد المسيرة العرباتية المباركة دي اسرائيل لن تنسحب من غزة
فقط بل من جميع أراضي فلسطين التاريخية من يافا و حيفا و من عكا
لله دركم يا كيزان
و لله ذر لاندكروزاتكم و لله در همراتكم
و كامرياتكم و كورولاتكم
و الله إن اسرائيل قد دنت نهايتها على ايديكم

ههههه تعرف يا معاوية الهتاف ل غزة بجيب فحش ,, ف عشان كده اخير ليهم البوري
كما قال عادل في مسرحية الزعيم حول غزة واريحا
اللهم اني صايم

من المتوقع في حالة خروج الأمور عن السيطرة أن تستخدم الشرطة الغاز المسيل للزيوت.

ههههه
دكتور محمد
غايتو
مش قالو
وريتنا جديد ما كان ع البال

يا درديري
وينك ياخ
وقت هم راكبين عربات ومرتاحين وغزة دي موجعاهم شان الموت ,,, طيب الدم ما واحد ,,, الدم الانساني واحد ,,, في دارفور ولا المناصير ولا الشرق ولا غزة
اليبيعو عرباتهم تأسيا ب سيدنا ابوبكر الصديق وجيش العسرة وعبدالرحمن بن عوف
دي حركات ميتة ساي منهم

ود أبو سن كل عام وانتم بخير

أقترح يكون الهتاف مشترك ما بين الفواره وراكبيها بمعنى :

تيت تيت غزة حديد .

فوق
لحين
شبكة

ههههه سيف النصر
يا مطوع الحديد لي داؤود
بس بدور اسأل
هل يجوز التظاهر بالعربات
غايتو زمااااان قبل الانقاذ كنا اسرائيل دي بنسمع بيها سمع في الرادي , يقول ليك الكيان الصهيوني طوالي تعرف دي اسرائيل
هسه نحمدو بقت تجينا في بلدنا عينك عينك