نيـويــورك تتصـــدق - صـــور

هـذه هي الديمقراطيـة في أمريكا.. ومع الأسف الســــودان كان مثل هـذا قبل عقود قليلـة.. متسامح متعدد الثقافات التي تتعايش في سلام واخوة وامن..

بالأمس نشرت صورا من ميدان تايمز إسكويـر.. فيه نساء كما ولدتهن امهاتهن. والشرطـة تأخذ مع بعضهن صورا تذكاريـة..

اليوم بالصدفـة وفى ذات الشارع، وجدت مجموعـة من المسلمين يوزعون الطعام الجاهز للمحتاجين بدون مقابل.. وسيارتهم واقفـة في عرض الشارع.. وما ادراك
ما إيقاف السيارة في عرض الشارع في نيويورك.. والشرطة تحترم عملهم وتتغاضى عن مخالفـة السيارة.. أترككم مع الصـور.

شكرا يا أبو الريش
هذه تجبُّ تلك
خليك مرِح يا حبيب ناثنغ بيرسونال

Quote: هذه تجبُّ تلك

شكرا يا معاوية للطلة والتعليق.. وتقصـد شنو بمافى شيء خاص؟ أنا قلت ليك في شيء خاص؟

وهـذه تجب تلك، عبارة لا أتفق معك فيها وإنت غلطان في الرأي دا، ولو رسلت ليك بلطجية ضربوك الأخت نائبة رئيس البرلمان حتلقى لى عذر رغم ان عملى حتعتبره (قيسح)..
هـذه لا تجب تلك ولكنها تكمل صورة صادقـة لما عليه المجتمع الأمريكي.. أستعرضـه كما هو..
دايرين ســودان زمان.. سودان الطهر والعفاف والصدق والأمانة والنوبة والدرويش والمسيــد والإندايـة.. والعرقى والمريسـة.. كل فئات الشعب كانت تمارس الصدق والشجاعـة والأمانة.
اليوم بتاع العرقى تلقاه لابس دقن مكنسـة ، والصوفى معسكـر قدام باب السلطان.. وست المريسـة من الخوف خرجت من محميتها المعروفة للجميع، التي كان يغشاها من يغشاها
ويخشاها ومن يخشاها.. أهن ديك ست المريسـة وأهن داك السكران.. لكن اليوم مافى طريقـة فقد خرجت من تلك المحميـة وذابت في بيوت الاحرار (الجد جد) واختلط الحابل بالنابل.
القهـر يولـد الخوف، والخوف يولـد النفاق.

ياخ ختينا ليك وجه ضاحك، تقولي أرسل ليك بلطجية

بعدين يا حبيب بمناسبة بيوت أحرار دي، هم أحرار من شنو؟! أوعى يكون أحرار من العبودية.
أنا غايتو ما حضرت الزمن داك عشان أحكم

Quote: ياخ ختينا ليك وجه ضاحك، تقولي أرسل ليك بلطجية

عالم جبــا نـ ـات.

يا عزيزى انا قلت بيوت الاحرار _(الجد جد) وليس أحرار فقط.. لأن بيوت احرار زمان كان المقصود بها بيوت الدعارة..
والله زمان كلما مر الباص الجاى من الخرطوم ماشى المهدية، وجا مار ببيت أزهرى، بطنى تصل قريب من الحلق والطمام للسمــا ، من رؤيـة الصفوف ام جلاليب وانت عارف واقفين لشنو..
ورغم ذلك كانت هـذه تعتبر مثل الكرنتينـة.. هؤلاء المرضى كانوا معزولين تماما عن المجتمع.. والان لم تتوقف وإنما إنتشرت داخل المجتمع..

والله يا أبو الريش الظاهر انت الما حضرت الزمن داك
لأنو بيوت الأحرار تطلق على البيوت التي تتوسط بيوت الدعارة وليس العكس
بعدين البيوت دي ما كانت كرنتينة ولا ناس الطابور ديل كانوا مرضانين
هذا ما وجدوا عليه آباءهم
وبرضو الناس كانت بتستر وجوهها والبنات ديك زاتن كانن بنسَتْرَن والحياء كاسيهن
إنما هي الحاجة والظروف الأسرية والاجتماعية وتاريخ الوطن إتسيلف
وناس الصفوف ديل زاتهم بظروفهم ، كما بينهم مراهقون وبالغون جدد، لكن أبداً ما مرضانين

Quote: والله يا أبو الريش الظاهر انت الما حضرت الزمن داك لأنو بيوت الأحرار تطلق على البيوت التي تتوسط بيوت الدعارة وليس العكس

لك أجر المجتهـد..
لكن رأيك هذا خطأ يحتمل الصواب فقط في بداية هـذه التسميـة.. لكن في النهاية صارت تطلق على البيوت التانية والناس عارفين المعنى..
ثم ان هذه كانت، وأى عمل في الدعارة ظاهرة مرضيـة ولا يتناطح عنزان في ذلك.

تحية ابوالريش ومعاوية كوستي فرقا له من ود المدير
ما زمان خالص ولكن قبل سبتمبر 83 ,, كانت بيوت الدعارة وسط الاحياء ولكنها معزولة جزئيا ,, وشغاله نهار و ليل ,, البيوت الرخيصة لها صفوف ,, والاخري يرتادها الاغنياء نسيبيا ,,, يستتر الناس دخولا وخروجا بإسدال العمه
ولأنها وسط الاحياء فقد تسكن قربهم اسره اضطرتها الظروف لرخص الايجار ,, ف بكتبوا في الباب في كرتونه كيافطه
منزل احرار
ويكفي جيران البيوت تلك ايقاد لمبه في خشم الباب ليخجلوا الرواد