(الوتساب)سيكشف الكثير عن عنصرية السودانين و (نفاق المناضلين)!

الوتساب و ما ادراك ما الوتساب

مجموعات تتكون و اخري تنفض

بعضها

اسري

فكري

سياسي

عقائدي

عشائري

جهوي

……الخ

البعض متفسح حاليا

وقريبا باذن الله سيكون هنالك رقابه اكثر عليه عالميه و مجال للتقاضي و للتحقيق

لوقتها نقول لكل المتكتلين عرقيا

وعشائرين

وقبليا شدو حليكم وقتها الفضائح حتكون كبيره لكل المدعين بانهم مخلصين لبلادنا ….وهم ينحرونها خلف ابواب الوتساب.

تراجي يا اختي كتير من الناس الـ بنتقدوا العنصرية بزيدوها تمدداً دون ان يشعروا.
الناس عشان تعالج العنصرية يجب ان تسعي بصورة منهجية ـ لكن المناهرة فوق حيطان الخلا الاسفيري ده غير تزيدها مابتنقصها.
إنحسار مد العنصرية يبدأ بالمدرسة ثم تعود به المدرسة علي البيت
لإن الجيل الناشئ متمرد علي الاجيال التي تسبقه .
ولان جيل الاباء هو الجيل الذي تعتريه العنصرية فيجب ان يستغل في جيل الابناء خاصية التمرد هذه وتوجيهها في المدرسة,,
ثم جعل نبذ العنصرية شئ يبين مدي صفوية الانسان من ضمن قيم اخري ـ
وذلك بنشرها كثقافة عبر كل الوسائط حتي يستقر في وجدان الناس (خاصة الشباب) ان من ينبذ العنصرية ذو برستيج خاص.
وان من يمارسها يجب ان يخجل وان لم يخجل يُقاطع في محيطه --
وقبل ذلك تأتي التشريعات وتصاغ بحيث تستصحب مايردع وما يحفز علي التخلي دون اللجوء الي ردع.

Quote: وقبليا شدو حليكم وقتها الفضائح حتكون كبيره لكل المدعين بانهم مخلصين لبلادنا ….وهم ينحرونها خلف ابواب الوتساب.

أكثر إختراع لاقي قبولا وسط الشعب السودانى المستهلِك..

حتى الآن يسيطر المساطيل وإحدي قبائل السودان علي موضوع النكات، بوعي او بدون وعي..

الغريبة نكات بااااايخة جدا...

صراحة لو في ناس مفروض يحتجوا علي الواتساب هم أهلنا الشوايقة أغلب النكت والرسوم عنهم
لكن لأنهم يتمتعون بروح مرحة وبال واسع وهم أهل علم وفن فما أظن الموضوع بالنسبة ليهم أكتر من مزحة

تراجي . . .
اوعى تقول لي ديل قروبات الواتساب الشجعتيها عليها دون الاسافير

هي بالله كدي
غايتو لو دا حالا انا عودي فيها (عود مرا)

Quote: هي بالله كدي غايتو لو دا حالا انا عودي فيها (عود مرا)

يا ود عمي تراجي دي يهدوها من الطشيش تبيت كُتُرْ
هسع نحن نهدي فيها من العنصرية الـشايتاها ضفَّاري دي تجي ياود عمي تقولها عود مرة ؟
ياود عمي زي تراجي دي تقولها عود ند, عود صندل , فريع البان,,,عِرِفْتَ كيف؟
لكن تقولها عود مرة يمين تلملم ليك المرافعين بقيادة صبري الشريف
مداخلاتك تروح شمار في ندم,, علي الزمن الـ قضيتو معاهن

Quote: يا ود عمي تراجي دي يهدوها من الطشيش تبيت كُتُرْ هسع نحن نهدي فيها من العنصرية الـشايتاها ضفَّاري دي تجي ياود عمي تقولها عود مرة ؟ ياود عمي زي تراجي دي تقولها عود ند, عود صندل , فريع البان,,,عِرِفْتَ كيف؟ لكن تقولها عود مرة يمين تلملم ليك المرافعين بقيادة صبري الشريف مداخلاتك تروح شمار في ندم,, علي الزمن الـ قضيتو معاهن

الفاضلابي يا قريبي كل سنة وانت طيب
عارف انا موعود الليلة بدقة ال###### في الخمارة من تراجي في عود مرا دي
( ذكوري ومش عارف ايه ) اشوف لي كركاسه من بدري ساهي
بس برضو عشمان في مزاجا الايام دي شايفو رايق شديد يمكن تتجاوزا لي

تحياتي لك وليها وكل سنة وانتم في اتم صحة وعافية

يا جماعه انتو مساكين و بريئين خلاص

الوضوع لا النكات بتاعت الشايقه ولا الجعلين ولا الجنوبين ولا…الخ


المواضيع الانا هابشاها هنا اخطر كثير.

انا هابشه المستهبلين بتوع المعارضه

الكل زول عامل ليه قروب ويقولو لك زحوا لينا من ديل و ابعدوا ديل!!

وكله بناء علي العرق!!!


واشماتي في دراويش الحركات المتابعنهم

ما عارفين انه ديل لهم مجموعات خاصه داخل مجموعاتهم هههههههههه. قادر الله.

الفاضل اسامه

رمضان كريم

يا غالي و حاتك نحن زمن للنكت ما لاقين شغالين سياسه بس

Quote: صراحة لو في ناس مفروض يحتجوا علي الواتساب هم أهلنا الشوايقة أغلب النكت والرسوم عنهم لكن لأنهم يتمتعون بروح مرحة وبال واسع وهم أهل علم وفن فما أظن الموضوع بالنسبة ليهم أكتر من مزحة

اكيد اخوتنا…الشايقيه متعلمين لذا طبيعي يمشوا كمية النكات التمت بحقهم .

ولكن هذا لم اعنيه….


الكلام اخطر من ذلك يا اسامه.

المهم تحياتنا لك ولاهلنا الشايقيه.

الفاضل سيف اليزل

هو اختراق خرافي و انا حبيبته بالمناسبه اكثر من الفيس بوك لانه ليه خاصية الاقتحام يعني علا المعلومه لما تفكها بتصل للبشير غصبا عنه لو عايزها تصل انت.

Quote: أكثر إختراع لاقي قبولا وسط الشعب السودانى المستهلِك.. حتى الآن يسيطر المساطيل وإحدي قبائل السودان علي موضوع النكات، بوعي او بدون وعي.. الغريبة نكات بااااايخة جدا...

ابد ما قصدي نكات الشعب المقهور

وبالعكس كمان لمحت ليهم تجليات جيدا و ذكاء شديد لشعبنا.

الوستاب وسيله فعاله جدا مع شعبنا

عارف بالذات الفديوهات اغلب شعبنا لسه هم اميون

لذا الفيديو له مقدره لمخاطبة الفئات الاقل حظا تعليميا من الصفوات البتخاطبها المقالات.

الوتساب خطير و مفروض نستغله للاخر.

التحايا لك.

ود الفاضلابي سلام
ورمضان مبارك عليك
وكلامك سمح و زين

Quote: الناس عشان تعالج العنصرية يجب ان تسعي بصورة منهجية ـ لكن المناهرة فوق حيطان الخلا الاسفيري ده غير تزيدها مابتنقصها. إنحسار مد العنصرية يبدأ بالمدرسة ثم تعود به المدرسة علي البيت لإن الجيل الناشئ متمرد علي الاجيال التي تسبقه . ولان جيل الاباء هو الجيل الذي تعتريه العنصرية فيجب ان يستغل في جيل الابناء خاصية التمرد هذه وتوجيهها في المدرسة,, ثم جعل نبذ العنصرية شئ يبين مدي صفوية الانسان من ضمن قيم اخري ـ وذلك بنشرها كثقافة عبر كل الوسائط حتي يستقر في وجدان الناس (خاصة الشباب) ان من ينبذ العنصرية ذو برستيج خاص. وان من يمارسها يجب ان يخجل وان لم يخجل يُقاطع في محيطه -- وقبل ذلك تأتي التشريعات وتصاغ بحيث تستصحب مايردع وما يحفز علي التخلي دون اللجوء الي ردع.

لو لم تبدأه بهذه:

Quote: تراجي يا اختي كتير من الناس الـ بنتقدوا العنصرية بزيدوها تمدداً دون ان يشعروا.

طيب با غالي السطر الاول ده فيه اتهام انت عديل عايز تقول انا بمدد في العنصريه,نمرر لك.

انت طيب افكارك السمحه دي السطرتها ا فوق في المداخله المختصره دي تنفع منفستو عديل لمحاربة العنصريه.

اه بتنتطرامثال تراجي و غيرها حتي تكتبها ليه؟!

ياريتك تفترع بوستاتك الخاصه وتحارب العنصريه بالطريقه المنهجيه دي صدقني وقتها حندعم بوستاتك

و الحمد لله ماشاء الله عليك لا ناقصك علم ولا منطق ولا لغه ولا افكار و صدقني بتكلم جاده

الكم سطر الفوق ديل مبالغه ماشاء الله تبارك الله.

فيا الفضلابي البلد دي دخلت في جحر ضرب

وخليك من الدخلها في الجحر ده منو ….السؤال كيفية انتشالها؟!

ودي يفترض مهمتنا جميعا.

تحياتي لك ومنتظرين كتاباتك المتخصصه.وعارف لو ما انصفك اي زول التاريخ بينصفك

يكفي انه ارشيفك حتكون فيه مقالات مثل ذلك.

الاستاذة تراجى
الان الوتساب يتبع للفيس بوك و الرقابة دى من جكومة البشير ممكن و قفل الوتساب زى ما قفلوا باب الهجرة ...
لك التحية

Quote: طيب با غالي السطر الاول ده فيه اتهام انت عديل عايز تقول انا بمدد في العنصريه

تراجي انا مابقصدك انت ولا اتهم احد تحديدا أنا قصدي اقول ان الناس لما تجي تعالج
موضوع زي ده بدل يكَحلوها يعموها لانهم فقط عاوزين ينتصروا لأنفسهم ولو انتصروا للمجموع
لعادت الفائدة عليهم بصورة مباشرة ـ المجتمع ياتراجي مثل الشركة إن كثر فيها الفساد تفلس
وتخرج من السوق ويتضرر جميع اعضائها حتي الذين افسدوا فيها.
انا بتكلم عن ماتشاهدينه في الوسائط الاعلامية اجمالا ـ وليس عن هذا البوست تحديداً

يكفي العنصرية سوءاَ أن ذهبت باكثر من ثلث الجغرافيا
وكما اشرت في المداخلة السابقة الم يشمل الضرر الجميع؟
لا الحاكمين طاب لهم الحكم ولا المحكومين هَنِؤا بالانشطار!!

تسلم يا فاضلابي

وبرضو انا مصره انك تملك ادوات مواجتها

فشمر معنا عن سواعد الجد.

ياتراجي اماكن زي المنبر ده تصلح فقط للتنبيه للموضوع
لإن عنصر المواجهة مفقود فكثيرون يكتبون في هذا المنبر
من وراء حجاب ـ لانعلم من هم. لذلك يجدون جرأة لايملكونها
حقيقة فيشتمون هذا ويسبون هذا ويسخرون من هذا وكل ذلك
لأنهم يكتبون تحت ستار اسماء لانعرف إن كانت حقيقية ام لا.
وعلي سبيل المثال هذا البوست يمكن ان يُحرَف عما اريد منه
سواء كان ذلك عمداً اوجهلاً وذلك عندما يتداخل العنصريون
لتشتيت الكورة او الذين يرغبون في إغاظة تراجي مثلاً .
ومع ذلك دعينا نبدأ بالإشارة لما يمكن ان يشار اليه,, وانا لا احيط بكل
جوانب الموضوع لذا يرجي من الجميع المشاركة الموضوعية بمبدأ ايد علي ايد تجدع بعيد.
ونبدأ بالفورمات التي يملأها السودانيون في مجالات شتي ويطلق عليها ارانيك. او المحاضر الرسمية.
فهناك ارانيك تسأل عن القبيلة مثلا والاجابة عليها إجبارية.
وعندما تتقدم بشكوي لدي المحكمة اوالنيابة او الشرطة تُسأل عن القبيلة
يجب مراجعة هذه الممارسة ولو اقتضي الامر بالذهاب الي الانجليز وسؤالهم عن الغرض من وضع هذه الاسئلة.
وهل ما كان يخدم الانجليز يخدم السودان المستقل؟
توجد نماذج مثل هذه في امريكا لكن الغرض منها يختلف تماما عن ماهو في السودان اضافة الي انه غالباً مايجئ اختياراً لاجبراً وسنوضحه لاحقاً ـ
وإن الله هوَّن بنرجع للنقطة دي هسه ختيناها تصبيرة نامن تجي السفرة. مداخلة زول جعان ياتراجي نزلي لينا كورة شوربة.

.

سلام تراجى
وصلت "الفكرة ". واسمحى لى باضافة
التداعى لها ، وفتح (الحوار من غير وثبة)
وفك الاشتباك بين (الفكرة وادوات نقلها)
وهى الازمة التى يعانى منها الانسان
منذ الخليقة ، ودوما ما يكون ( الصفوة )
الذين خبروا هذة الادوات ( لغة، سلاح،
معرفة، بئية ..... الخ ) يسعون للسيطرة على (الوعى ) الجمعى لاى مجموعة بواسطة هذا الادوات . ومقولة اهلنا( الغبش )
النية زاملة سيدا
تعبر وعى فطرى بهذا الاشكال ، لذا
اتفق معك فى النتيجة التى وصلت لها
وهذة ليس وجة نظر شخصية ، وانما
عن معايشة وتجربة م ن قبل ( The Internet )وادواتها . وهى من خلال
اهتمام بعادة (شرب القهوة فى شرق
السودان ) والذى اكتشفت منها كلمة
( سكناب ) ، وهو العمود الفقرى
لهذة العادة بل هى اهم (اداة) فى
هذا العادة ، بل هى سبب البقاء وعدم
الانقراض لانسان الشرق عبر التاريخ .

ادناة مقتبس من موضوع كتبتة فى
(منتدى كسلا الجمال ) يدور
(حول الفكرة والاداة وهو ترجمة
لملخص ورقة عن (السكناب) :

Quote: إدناة ملخص ورقة علمية كتبها بروفسور بريطاني متخصص فى " علم الاجتماع " نشرها فى 1988 تحت عنوان : "Sakanab" Greetings and information among the Beja people ". المهم مرفق مها ترجمة من شخصى الضعيف بمساعدة " الانترنت " ، الأحيان يرودانى الخاطر ان نظام " السكناب " هو اول نظام " معلوماتي "قبل ظهور التكنولوجيا الحديثة ( تلغراف ، تلفون ، راديو ....والمحمول .... و ... وما يخفيه المستقبل .) "Sakanab" Greetings and information among the Beja people . by Professor John Morton, Natural Resources Institute, University of Greenwich The article describes the ritual greetings Beja of the Red Sea Hills in Sudan. He suggested that the transmission of economically useful information could be a more important function of greetings in various societies that would have previously thought. The Beja are a people of shepherds, but the groups described are not overly mobile, tending to remain on the territory of lineage until they learn that there are rains, which are not only rare but also highly unpredictable and often highly localized. These news are transmitted during greetings are particularly prominent a feature of the lives of Beja, which typically take place when the shepherds will buy in small shopping centers. Greetings are based on a rapid alternation of short rhetorical questions and subsequent requests for new data or news. Greetings and news are not considered as two separate things, but intertwined in the ceremony and terminologically identified. The result is a new transmission remarkably fast, reliable and open a 'generalized reciprocity'* information. Greetings are first lieu regarded as a dramatic representation of the predominant features of society and culture Beja: the Muslim religion, the obligations of hospitality, the rhythms of the Beja language itself and common difficulties shepherds in an insecure environment. Invoking these themes, Beja remember their mutual obligations to help each other to survive. ( السكناب ) التحايا والمعلومات بين البجا توضح هذه المقالة طقوس التحايا بين البجا "تلال البحر الأحمر" في السودان. وقترح وجهة نظر ، الى أن نقل المعلومات المفيدة اقتصاديا ذات أهمية وظيفية ومحورية فى طقوس التحايا بينهم ، عكس ماكان يظن سابقا في عدد من المجتمعات المشابة . والبجا هم شعب من الرعاة، ولكن هذا الوصف لا يجعلهم من المتنقلين بشكل واسع ، ويميلون إلى البقاء في منطقة الموطن المنسوبة لهم ، حتى يعلمون أن هناك أمطار ، والتى هي ليست نادرة فحسب، بل أيضا لا يمكن التنبؤ بها فى معظم الأحيان وغالبا ما تكون تتركز فى مناطق محددة . وانتقال هذه الأخبار خلال التحيات هي سمة بارزة بشكل خاص فى حياة البجا ، وهى تتداول عند تسوق الرعاة في مراكز التسوق الصغيرة. وتستند هذا التحيات على التناوب السريع فى شكل أسئلة بلاغية قصيرة وطلبات لاحقة لمعلومات جديدة أو اخبار ، ولا تعتبر التحايا والأخبار شيئين منفصلين، ولكن تتشابك في طقوسية و مصطلحات محددة . والنتيجة هي انتقال سريع ملحوظ وموثوقة فى إطار تبادل معلومات مفتوح يقوم على مبدأ "المعاملة بالمثل المعمم"*. التحيات يمكن اعتبارها أولى السمات المسيطرة التى تعكس وتمثيل السمات الغالبة للمجتمع والثقافة البجاوية بجانب الدين الإسلامي ، واجبات الضيافة ، ايقاعات اللغة البجاوية ، وصعوبات الحياة الراعويه فى بيئة غير مستقره ، وباستدعاء هذا الأبعاد تشكل وعى البجا حول الالتزامات المتبادلة لمساعدة بعضهم البعض من اجل البقاء. * تعريف وترجمة مصطلح :(Generalized Reciprocity ) generalized reciprocity - an exchange where a person gives a good or a service to someone else but does not receive anything back at that time. There is the expectation that in the future should the person receiving the good or service have something that it will be given at a later time. المعاملة بالمثل المعمم - هى تبادل بان يعطى شخص سلعة أو خدمة لشخص آخر ولكن لا يتلقى أي شيء فى المقابل فى وقتها. وهناك توقع في المستقبل يلزم الشخص الملتقى للسلعة او الخدمة ان يردها في وقت لاحق . ولنواصل التداعي والتواصل ، حتى أن كان مع ( الذات ) .

واتمنى ان اكون " ما شت ضفارى "
ومعاك لى قدام وبى بركت الشهر الكريم
ربنا يخدر ضراع "الوتساب" ، ويعمر
بيت ( سيد الحوش ) الذى بناة وكان
عدد متصفحى الانترت فى كل العالم
لا يتجاوز الملاييين .


وبين ناس الشتات مافى ملامة ا

الحبيبة \ تراجي ..

تحياتي .. وشوقي .

Quote: وقريبا باذن الله سيكون هنالك رقابه اكثر

يا تراجي يا حبيبة رقابة شنو وقت معظم البعمل الاشانة دي من ملشيات النظام
ولو هم اساسآ براقبوا اللراقبوا نفسهم ناس الحكومة والمجتمع البقي بدون تعليق
وطبعآ دي كلها افرازاتهم . والله يا تراجي الله يديني قدر ما بكرة الشئ دا قدر ما
حنسوني واغروني اشتريهو قلبي اباهو ههههههههههه . تسلمي يا حبيبة

ولي قدام ..

تراجى بنت مصطفى لك التحية وللجميع

Quote: (الوتساب)سيكشف الكثير عن عنصرية السودانين و (نفاق المناضلين)!

كلنا يا عزيرتى نمار س العنصرية من حيث ندرى اولاندرى لان الإستعلاء العرقى والثقافى مازال جزءأصيل من ثقافتنا كسودانين بل تطور نتجية للإفرازات السالبة للنظام الحاكم فى السودان

لذلك تظل العنصرية سدا منعيا أمام إعادة بناء الهوية السودانية ورغم ذلك كل أمل فى ان ينهض الشباب السودانى ويهدم صوامع دعاة العنصرية حتى تصبح الهوية انا سودانى

Quote: وخليك من الدخلها في الجحر ده منو ….السؤال كيفية انتشالها؟!

عليك نوووور ياتراجي ـ ـ لو الناس ركزوا علي اجابة سؤالك ده كان
خلصنا زمان ــ ــ ان شاء الله بعد العيد نحاول نفتح لينا بوست
يتناول الموضوع بصورة علمية عسي ولعل.

سلام Elhussein ود Ahmed

استنادا

Quote: وللجميع

اسمح لى بالتعليق
على مداخلتك :

Quote: الإستعلاء العرقى والثقافى مازال جزء أصيل من ثقافتنا كسودانين.

;100 %خطأ ( والسبب لان الاستعلاء هو
اداة وليس جزءأصيل فى اى ثقافة )

Quote: بل تطور نتجية للإفرازات السالبة للنظام الحاكم فى السودان.

100%; صح ( بوضع كلمة الايجابية مكان
السالبة ، وذلك لكشفة هذة الاداة ) .

Quote: لذلك تظل العنصرية سدا منعيا أمام إعادة بناء الهوية السودانية.

100 %خطأ ; صح ( مع حذف كلمة اعادة ) .

Quote: ورغم ذلك كل أمل فى ان ينهض الشباب السودانى ويهدم صوامع دعاة العنصرية حتى تصبح الهوية انا سودانى .

100%; خطأ ( لاختلال التركيبة الدمغرافية
والمفاهيم الاجتماعية والاقتصادية والمعرفية فى السودان الفضل ) .



واختم
بين الناس الشتات ما فى ملامة

هاشم احمد ادم

Quote: استنادا Quote: وللجميع اسمح لى بالتعليق على مداخلتك : Quote: الإستعلاء العرقى والثقافى مازال جزء أصيل من ثقافتنا كسودانين. ;100 %خطأ ( والسبب لان الاستعلاء هو اداة وليس جزءأصيل فى اى ثقافة ) Quote: بل تطور نتجية للإفرازات السالبة للنظام الحاكم فى السودان. 100%; صح ( بوضع كلمة الايجابية مكان السالبة ، وذلك لكشفة هذة الاداة ) . Quote: لذلك تظل العنصرية سدا منعيا أمام إعادة بناء الهوية السودانية. 100 %خطأ ; صح ( مع حذف كلمة اعادة ) . Quote: ورغم ذلك كل أمل فى ان ينهض الشباب السودانى ويهدم صوامع دعاة العنصرية حتى تصبح الهوية انا سودانى . 100%; خطأ ( لاختلال التركيبة الدمغرافية والمفاهيم الاجتماعية والاقتصادية والمعرفية فى السودان الفضل ) .

عزيزى بعيد اعن ضبط المصطلحات وتحديد نوع تلك العنصرية الإستعلاء قبل يكون أداة وهو ثقافة موروثة ومكتسبة فى مجتمعنا ولاتنسى لكل مفهوم إطار ثقافى
وزاد هذة الصفة الذميمة نتجية التوجة العام للنظام الحاكم الذى يقوم على أساس عرقى وجهوى وتظل العنصرية سدا منعيا أمام إعادة بناء الهوية السودانية وليس بناء الهوية كما تفضل انت لان هناك هوية أصلا قائمة تحتاج للتقويم من جديد ومازال الأمل موجود فى ابناء هذاالبلد للنبذ العنصرية وتحقيق الهوية المطلوبة رغم الأختلال الذى زكرت الذى ليس بأسواء من ما كان سائدا فى بعض الدول التى نهضت بعض حروب أهلية طاحنة

دمتم بعافية وملاء الله قبلك بالتفاؤل

هاشم احمد ادم

Quote: استنادا Quote: وللجميع اسمح لى بالتعليق على مداخلتك : Quote: الإستعلاء العرقى والثقافى مازال جزء أصيل من ثقافتنا كسودانين. ;100 %خطأ ( والسبب لان الاستعلاء هو اداة وليس جزءأصيل فى اى ثقافة ) Quote: بل تطور نتجية للإفرازات السالبة للنظام الحاكم فى السودان. 100%; صح ( بوضع كلمة الايجابية مكان السالبة ، وذلك لكشفة هذة الاداة ) . Quote: لذلك تظل العنصرية سدا منعيا أمام إعادة بناء الهوية السودانية. 100 %خطأ ; صح ( مع حذف كلمة اعادة ) . Quote: ورغم ذلك كل أمل فى ان ينهض الشباب السودانى ويهدم صوامع دعاة العنصرية حتى تصبح الهوية انا سودانى . 100%; خطأ ( لاختلال التركيبة الدمغرافية والمفاهيم الاجتماعية والاقتصادية والمعرفية فى السودان الفضل ) .

عزيزى بعيد اعن ضبط المصطلحات وتحديد نوع تلك العنصرية إن الإستعلاء قبل يكون أداة وهو ثقافة موروثة ومكتسبة فى مجتمعنا ولاتنسى لكل مفهوم إطار ثقافى
وزاد هذة الصفة الذميمة نتجية التوجة العام للنظام الحاكم الذى يقوم على أساس عرقى وجهوى فى إدارته للسودان.
وتظل العنصرية سدا منعيا أمام إعادة بناء الهوية السودانية وليس بناء الهوية كما تفضل انت لان هناك هوية أصلا قائمة تحتاج للتقويم من جديد ومازال الأمل موجود فى ابناء هذاالبلد للنبذ العنصرية وتحقيق الهوية المطلوبة رغم الأختلال الذى زكرت الذى ليس بأسواء من ما كان سائدا فى بعض الدول التى نهضت بعض حروب أهلية طاحنة

دمتم بعافية وملاء الله قبلك بالتفاؤل