سياحة مع الشفيع الدويحي وسمية الحسن طلحة في فراديس الكرام

انتظروا احبتي لاجراء بعض اللمسات الفنية ، ما استطعت الى ذلك سبيلا ، او اتصل بود المرتضى للدعم الفني

هيييييييييييييييييييييييييييييع

Quote: انتظروا احبتي لاجراء بعض اللمسات الفنية ، ما استطعت الى ذلك سبيلا ، او اتصل بود المرتضى للدعم الفني هيييييييييييييييييييييييييييييع

ويكفي أنك أتحت لنا سياحة في فراديس الكرام
الشفيع الدويحي وسمية بت الحسن ود طلحة
والزين ما بدور يزين
مزان ويزين زينة
أسماء إن رنت في طبلة أذنك تبادر لذهنك الكرم في ظل الكرام
وقول بسم الله وأبدأ
شهراً كريم في صحبة كرام سمية والشفيع الدويحي

ويكفي أنك أتحت لنا سياحة في فراديس الكرام
الشفيع الدويحي وسمية بت الحسن ود طلحة
والزين ما بدور يزين
مزان ويزين زينة
أسماء إنرنت في طبلة أذنك تبادر لذهنك الكرم في ظل الكرام
وقول بسم الله وأبدأ
شهراً كريم في صحبة كرام سمية والشفيع الدويحي


اصبر اصبر اصبر عشان تشوف حاجة

في انتظار الدعم الفني

كتب الأخ الشفيع الدويحي ، من أبناء قرية شبشة ، عن الأخ الأستاذ محمد الطيب السعيد المحامي بسلطنة عمان قائلا:


سفير الانسانية...
مثلما لشبشة رجال داخلها يشرفونها ويعلون من شأنها ويتبارون في التبتل في محرابها لها ايضا
رجال خارجها وخارج حدود الوطن الكبير لها ابناء وزعتهم بين الدول والاقطار مثل الازاهر ينثرون الرياحيين حيثما قطنوا، رجال حملوا شبشة معهم في حلهم وترحالهم حتي جعلوا من شبشة دولة لها علم ونشيد وطبعوا لها خريطة وضعوها في اطلس خاص مكانه القلوب..
اليوم بصدد الكتابة عن احد ابناء شبشة البررة في الخارج..
اليوم سوف نخصص الحروف ونشرفها بالحكي عن ابن شبشة البار: محمد الطيب ابوشنيب...
اي رجل واي انسان هذا المترع عظمة وسموا
ود ابوشنيب هو رجل يمنحك كل راحة الدنيا عندما تنظر اليه لانك تجد فيه هدوء ووسكينة ووقار واتزان وابتسامة ثغر وبشاشة وجه ولطافه وحسن معاملة .
محمد ابوشنيب هو الابن الذي تتمناه كل المدن ولكنه كان لشبشة وكانت شبشة له ..
كانت له اما حنون وكان لها ابنا بار، فبادلها حبا بوفاء وحنانا بعطاء ..
فكان لايشبه احد ولا يشبهه احد نسيج وحده..
انظروا جلال شبابه
انظروا صدقه وعفته
انظروا تواضعه وتقاه
انظروا فيه كل رائعة من روائع الحسن والفضيلة والعظمة وخبروني هل امثاله متوفرين في البشر
ام هو مثل الاساطير التي لن تتكرر..
هو رجل محب للناس ولشبشة ولفعل الخير بطريقة لاتصدق فهو ينفق بيمينه دون ان تعلم يساره وان كنت متاكد ان محمد لايملك يدا يسار فكلتا يديه يمين من كثرة انفاقة وعظيم عطاءه ..
هو الشلال الوحيد في الدنيا الذي لايتقيد بوجود انحدار فهو ينهمر من والي كل الاتجاهات حتي من اسفل الي اعلي فهو رجل لاتعنييه التضارييس ولكن يعنيه ان يكون هناك محتاج..
محمد هو الحضور الذي لا يؤمن بالغياب في كل المشاريع التي تخص شبشة بفكره وقبل فكره ماله
فهو لم يتخلف عن اي دعم يخص حبيبته شبشة واسمه دوما موجود مثل ترويسة المشاريع نفسها..
وعندما يحضر محمد في الاجازات من سلطنة عمان الي مدينة شبشة يجعلها اكثر فرحا وينشر السعادة بين اهله الشباشة وجيرانه واخرين يتفقدهم ويصلهم ويبرهم بعطاياه حتي صار حضوره عيد ثالث يحتفلون به بجانب عيدي الفطر والاضحي..
هو رجل غير كيمياء الحياة بقدرته النفسبة التي جعلته يري المال وسيلة لا غاية فسعي الناس بحسن خلقة لا بماله لانه كان ينفق دون رياء ويعطي دون حرمان .. فكانت تنطبق عليه ابيات ابوتمام
تراه اذا جئته متهللا كانك تعطيه الذي انت سائله
تعود بسط الكف حتي لو انه اراد انقباضا لم تطعه انامله..
ومحمد ابوشنيب بجانب عطاءه الثر فهو رجل مهذب وعلي خلق وقدر من التواضع فهو انسان متواضع خافض جناحه للناس برقة ولين للجميع دون تمييز
وهو ايضا سليل اسرة كريمة ومعروفه بطيب فعالها والشئ من معدنه لا يستغرب..
اخيرا...
انما الامم الاخلاق مابقيت فان هم ذهبت اخلاقهم ذهبوا
لذلك ستبقي امة شبشة خالدة عبر الازمان لان هذه اخلاق رجالها ، والامة التي تنجب مثل محمد لن تذهب ابدا لانها امة اخلاقها القراءان وشيمتها العطاء وسجيتها الوفاء..
شكرا محمد ايها الانسان المتميز الفريد..
شكرا ايها النجم المضئ والقمر المنير..
وفقك الله واعانك علي فعل الخير.الشفيع

الأخ محمد الطيب السعيد المحامي

من أبناء قرية شبشة بالنيل الأبيض

من اشهر المحامين السودانيين بسلطنة عمان

بدا حياته المهنية في سلطنة عمان عام 1987 م تقريبا وعمل في مكتب العلوي ومنصور جمال مع رفيق دربه الأخ محمد المرتضى حامد العضو المعروف في سودانيز اونلاين

تمددت شهرته المهنية لتشمل جميع دول الخليج محاميا ومحكما في اغلب القضايا

اما عن جوانب الخير التي جبل عليها فذاك موضوع اترك الحديث فيه للاخ الشفيع الدويحي من أبناء قرية شبشة بالنيل الأبيض و أيضا للاخت الفاضلة سمية الحسن طلحة التي تعرفت عليه وعلى افراد اسرته الميامين ثناء إقامة اسرتها مع زوجها الأخ الصديق الزبير الطيب الشيخ عبد الباقي

للاخت سمية الحسن طلحة مقالا انبرت فيه للرد على ما قاله الشفيع الدويحي

فاصل و نواصل لتصفح مقال الأخت سمية

غدا نواصل باذن الله تعالى

ولحين ميسرة

Quote: اما عن جوانب الخير التي جبل عليها فذاك موضوع اترك الحديث فيه للاخ الشفيع الدويحي من أبناء قرية شبشة بالنيل الأبيض و أيضا للاخت الفاضلة سمية الحسن طلحة التي تعرفت عليه وعلى افراد اسرته الميامين ثناء إقامة اسرتها مع زوجها الأخ الصديق الزبير الطيب الشيخ عبد الباقي للاخت سمية الحسن طلحة مقالا انبرت فيه للرد على ما قاله الشفيع الدويحي فاصل و نواصل لتصفح مقال الأخت سمية

يعني يا ود شيقوق إستخدمت معنا نظام الشحتفة ( وسهر الجداد ولا نومو )
فاصل ونواصل لتصفح مقالات الأخت سمية طلحة
وخليتنا مساهرين نتظر حرف غاب عنا زمناً طويل صرنا نتجرع هموم الحرف هنا وهناك
عليك الله لو وصلت المقالات في الأميل نزل لينا ولو واحد
القليل من رائحة البطانة وريحانة البطانة بت الحسن ود طلحة
لكن بنقول برضو منتظرين
وتحياتنا عبرك يا مسنوح للزبير الطيب

Quote: يعني يا ود شيقوق إستخدمت معنا نظام الشحتفة ( وسهر الجداد ولا نومو ) فاصل ونواصل لتصفح مقالات الأخت سمية طلحة وخليتنا مساهرين نتظر حرف غاب عنا زمناً طويل صرنا نتجرع هموم الحرف هنا وهناك عليك الله لو وصلت المقالات في الأميل نزل لينا ولو واحد القليل من رائحة البطانة وريحانة البطانة بت الحسن ود طلحة لكن بنقول برضو منتظرين وتحياتنا عبرك يا مسنوح للزبير الطيب

حاشا يا اب احمد ايمين ما قاصد بس كان معاي ضيوف ما لقيت معاهم فرقة لتنزيل الحديث الذي الذى سنتنسم منه شذى برم البطانة ونال البطانة وتبر البطانة وانيس البطانة ودمبلاب البطانة وحنتوت البطانة من ريحانة البطانة

تصل تحاياك العطرة للاخ الشيخ الزبير الطيب ود الشيخ عبد الباقي باذن الله

اصبر جاييك الحديث العلا تشوف ليهو مترجم جمبك عشان تفك شفراتو

طبعا زاد الشعراء زى مطر السحابة الراحلة ببدأ بالنقاع حبة حبة . فلا غرو فقد طالعتنا الاخت سمية بت طلحة بهذه الابيات بنفس هادئي وبارد وهي تقول تعقيبا على كلام الاخ الدويحي ما يلي :-

Quote: ابن شبشة محمدالطيب محمد السعيد ابوشنيب... من باب الوفاء لأهل العطاء ; الأستاذ محمد الطيب محمد السعيد; هو فعلا سفير الإنسانية كما وصفه أهل شبشة; وها نحن لسنا من أهل شبشة ولكن سبقت إلينا أنباؤه قبل أن نراه; فوجدناه أهل لكل ماقيل عنه بل أكثر من ذلك فهنيئا لكم أهل شبشة فهو مفخرة لكل أهل السودان وكما في المقولة : ( يتغرّب خيارنا ويستر حالنا ); وقدر ما اقول مابقدر أوصف كرمو; ياحاتم زمانو ومؤنة الأصطرموا; كم لله طافت أفواج الضّيوف بحرمو; يزيد خيرك يعم يافرحة الأنحرموا

ثم انتقلت بنا الاخت سمية الشيخ الحسن طلحة لتلج بنا فراديس الكلم لتمطرنا بطوالع سعد الهواطل حين قالت :

Quote: قرأتُ ماكتبه الأبن الكريم إبن الكرام – الشفيع آدم الدويحي – في كتابه الفخيم; عن الأستاد محمد الطيب محمد السعيد إبن شبشة البار فأمطرنا بطوالع سعد هواطل; وها نحن اليوم من خارج حدود شبشة ومن خارج حدود الوطن نود أن نلج فراديساً يضوع منها الطيب نستقي منها الينع ونضرة النعيم لنقرأ من نبوءة المحبة ولوحها المحفوظ ولنتصفح سويّاً تاريخاً جديراً بالمآثر ولنهز جزع شمائل باسقات; لرجل يرتقي به التاريخ حيث يجد فيه مايرفده بالتدفق عبر المدى ليرسم وجهته على جبين المعالي;

وتواصل الاخت سمية الشيخ الحسن طلحة لتقول في شأن هذا الرجل الصنديد ما يلي :

Quote: رجل تسكن كل الفضائل في رباه ومن ينعه تخضر الحقب; رجل تعود به المروءات من منافيها لتعتكف ببابه; رجل هاش باش متبسّم متوسّم من صوادح الدهر التي ينصلح بها العطب وتجتمع بها الآمال; رجل هو العشم الذي يتسنّم الكل ذراه ويرتقون مدارج فضله.; صاحب إرادة لا تشيخ ولا تمرض في شباب متجدد ربيعيّ المواسم; رجل صاعد في مراقي العروج بدماثة الخلق الى مصاف ورثة الأنبياء; رجل يشفّ عن جوهر بديع يمتلك حواس سليمة تكسر قوانين الكون; رجل نبيل يطلّ من علٍ كالغيث يتوّج كل أرضٍ قفر; رجل مقدام غير هيّاب ولا متردد . لوأنك صافحته لأصابتك عدوى المروءة والنجدة والكرم; رجل هذه صفاته فمهما وصفه الواصفون لاتزال أرض نعوته بكر ( وهل يغزل خيوط ضوء الشمس كف ) ; فلنكتب بالمسك وماء الندى : كل الوصفوك ماقرّبوا منك ( محمد الطيب محمد السعيد ); جزوة من الشهامة يشتعل لها الرأس فخراً ورفعةً; تنحطّ دونه النجوم الثواقب ولافوق إلا تحته; صاحب نفس أبيّة وهميمٌ أسرعُ نجدةً من البرق وأجودُ من الغيث الهطول; كرمُه جمّام غير زمّام كلما سبرت غوره زادك عطاءاً; بحر يخرج من اللآلي والمباهج مايُذهب الحزن إلى الأبد; فياسيّدي زدني سماءاً فهذا رجل بغير اُفق وإنّي لأجد كل الحروف قد تأنّقت; لتحف صفاته الراقية; من كرم أخجل هتّان الخريف الباكيا; وتواضع أدمى أزاهير الرياض القانية; وكبرياء أخضع شم الجبال الرواسيا; شمائل وفضائل لستُ لها الدهر حاصية; فبماذا نصفه : بالبدر الذي يُذهب نوره كل غيهب أم بالشمس التي يمحو ضوءها; ظلال الأحزان : تجده بجانب كل محتاج في وقت الشدّة فمرحباً بشدّة تأتي بالفتح وظلام يأتي بالصبح فماذا نسميه الصبح أم الفتح; { ولننال شرف محاولة تنضيد حروف اسمه { محمد }; م : مبتدأ لخبر إبداع سفير الإنسانية; ح : حُب عمل الخير لكل الناس ; م : مفتاح كل الرموز للوصول الى الوجهة المطلوبة د : داني إلى أيدي العُفاة وشاسع ***عن كل ندّ في الندى وضريب ); اسمك وافر العروض; البحل شبك المقبوض; عندك مقضاة الغروض; واجب زي الفروض; **** ; سديد الرّاي والفهم; مابتخيّب العشم; النجدة والمروءة والكرم ; حرّاسك وليك خدم; * *** ; إيدك وابل الخريف; بيتك مأوى الضعيف; مركز لكل ضيف; عندك حد القول يقيف; فلنقف إجلالا وإكبارا لهذا الرجل الشامل والولي الصالح الكامل; سمية الحسن محمد طلحة ; دبي الأمارات العربية المتحدة 9 رمضان 1435; 7 يوليو

يا الطيب مضوي،،،عبرت علي الساحة المضوية بانوار المحبة،ومزندانة بجمال النفوس،،فوقفت اسير جمالها وجلالها...وعن لي ان اصمت تادبا امام هذه الحروف البهية،والنفوس المشرقة الذكية...
احييها،،واحييه،،،واحييهم،،كل من عبر بهذا الوادي المبارك،الملئ بالقبس والضيا...واحييك يا امير السماحة،،وعاشق الكرام.

Quote: صاحب نفس أبيّة وهميمٌ أسرعُ نجدةً من البرق وأجودُ من الغيث الهطول كرمُه جمّام غير زمّام كلما سبرت غوره زادك عطاءاً بحر يخرج من اللآلي والمباهج مايُذهب الحزن إلى الأبد فياسيّدي زدني سماءاً فهذا رجل بغير اُفق وإنّي لأجد كل الحروف قد تأنّقت لتحف صفاته الراقية من كرم أخجل هتّان الخريف الباكيا وتواضع أدمى أزاهير الرياض القانية وكبرياء أخضع شم الجبال الرواسياشمائل وفضائل لستُ لها الدهر حاصية

يا سلاااااام وقفت إجلالا لهذا الرجل الخريف
وطأطأت رأسي تقديرا لهذه المرأة "أم عروض "
شكرا لسماحة هذا الرجل الطيب محمد السعيد
فهو شايل نفلو من إسمو....
وشكرا لوهاطة بت الشيخ طلحة فهي لعمري "وزينة الدِّقون"
فإبن شبشة الطيب فهو "مُشرع شراب الواردة"
وبت الشيخ طلحة هي "حوض الضَّايحة"
ديل يا وهيط الزينين بهم زانة البوادي والقري والحضر
إنت زاتك يا أبوي الطيِّب هميم
ولهم جميعا نقول
أبوك يا الدُّخري ما بِطُرد البتجفل شاردة
وأمَّك أُم نَفَل توب العروض لي زاردة
وحوض الضَّايحة أخوك مُشرع شراب الواردة
وأُختك زعرودتا تِسِن القلوب مي باردة
معزتي لك أبوي الطيب وللدويحي وللجميع

الاخ عبد العزيز عثمان

Quote: يا الطيب مضوي،،،عبرت علي الساحة المضوية بانوار المحبة،ومزندانة بجمال النفوس،،فوقفت اسير جمالها وجلالها...وعن لي ان اصمت تادبا امام هذه الحروف البهية،والنفوس المشرقة الذكية... احييها،،واحييه،،،واحييهم،،كل من عبر بهذا الوادي المبارك،الملئ بالقبس والضيا...واحييك يا امير السماحة،،وعاشق الكرام.

شكرا اخي وصديقي عبد العزيز عثمان فقد عرفتك اديبا اريبا منذ ان كنا رفقاء واصدقاء وزملاء في كلية الحقوق جامعة الخرطوم في نهايات سبعينات القرن الماضي

اخي العبيد ود ابوي الطيب

Quote: يا سلاااااام وقفت إجلالا لهذا الرجل الخريف وطأطأت رأسي تقديرا لهذه المرأة "أم عروض " شكرا لسماحة هذا الرجل الطيب محمد السعيد فهو شايل نفلو من إسمو.... وشكرا لوهاطة بت الشيخ طلحة فهي لعمري "وزينة الدِّقون" فإبن شبشة الطيب فهو "مُشرع شراب الواردة" وبت الشيخ طلحة هي "حوض الضَّايحة" ديل يا وهيط الزينين بهم زانة البوادي والقري والحضر إنت زاتك يا أبوي الطيِّب هميم ولهم جميعا نقول أبوك يا الدُّخري ما بِطُرد البتجفل شاردة وأمَّك أُم نَفَل توب العروض لي زاردة وحوض الضَّايحة أخوك مُشرع شراب الواردة وأُختك زعرودتا تِسِن القلوب مي باردة معزتي لك أبوي الطيب وللدويحي وللجميع

الله يا العبيد اخوى ما قيل عن الاخ محمد الطيب السعيد يستحق اكتر منو
والله استحي جدا ان احكي عن فضائله واعماله الخيرية

يكفي اخي العبيد عندما يتم تكليفي لجمع تبرعات لعمل انساني في مدينة مسقط واذهب اليه فكان دايما بقول لي شوف مروة الناس وخلي لي الباقي يا الطيب اخوي

Quote: قرأتُ ماكتبه الأبن الكريم إبن الكرام – الشفيع آدم الدويحي – في كتابه الفخيم; عن الأستاد محمد الطيب محمد السعيد إبن شبشة البار فأمطرنا بطوالع سعد هواطل; وها نحن اليوم من خارج حدود شبشة ومن خارج حدود الوطن نود أن نلج فراديساً يضوع منها الطيب نستقي منها الينع ونضرة النعيم لنقرأ من نبوءة المحبة ولوحها المحفوظ ولنتصفح سويّاً تاريخاً جديراً بالمآثر ولنهز جزع شمائل باسقات; لرجل يرتقي به التاريخ حيث يجد فيه مايرفده بالتدفق عبر المدى ليرسم وجهته على جبين المعالي;

والله والله والله
حرام عليك يا ريحانة البطانة
سنين تحرمي القرائي تلك الدرر
لقرائك عليك حق يا ريحانة البطانة
مازلت مشدوه .. كنت افتكرها من مكايد ود شيقوق ظللت أحدث نفسي هل يا رب
يعود المغرد لدوحته
هل يكتب لنا البصير في عُلوه .... أن نقرأ حروف ملكة الحديث ومالكته مرة أخرى
مازلت الإنشداه تعم جسدي كله سوفاعود على بعد أن أقرأ وأحتر حديث ريحانة البطانة

كنت افتكرها من مكايد ود شيقوق ظللت أحدث نفسي هل يا رب


منسي


انت ود شيقوق دا كان جاب ليك الماس تقول دا لالوب عاد اسوى ليك شنو ؟

الشبشة احدى مشاريع الاعاشة
---------------------
الظاهر اولاد شبشة كلهم جدعين
عندنا واحد منهم بجاي في المانيا اسمو
دكتور موسى البرير دا من اجدع الناس
راجل طيب و خدوم وكريم في نفس الوقت
يديك اخر تعريفة في جيبو . التحية للمحتفين بهم
والتحية لدكتور البرير و التحية للمسنوح شيقا

Quote: أبوك يا الدُّخري ما بِطُرد البتجفل شاردة وأمَّك أُم نَفَل توب العروض لي زاردة وحوض الضَّايحة أخوك مُشرع شراب الواردة وأُختك زعرودتا تِسِن القلوب مي باردة

وسمح القول يا ود المقدم
هييييييييييييع

بعد التحية
ليك وللشفيع وسمية بت حاج طلحة .
والله يا ود شيقوق
عيال شبشة حتي البيناتنا في أمريكا دي تب ماهن ساهلين .
ناس يقدوا عين الشمس فلاحة وفرسنة وفهم وصبر وعزيمة .
ياخ لهم جميعا القومة

فيصل


الظاهر اولاد شبشة كلهم جدعين
عندنا واحد منهم بجاي في المانيا اسمو
دكتور موسى البرير دا من اجدع الناس
راجل طيب و خدوم وكريم في نفس الوقت
يديك اخر تعريفة في جيبو . التحية للمحتفين بهم
والتحية لدكتور البرير و التحية للمسنوح شيقا


والله الا كان عايز تموت - اول مرة تكون جادي

وسمح القول يا ود المقدم


ود المقدم هو ذاتو مقدم يا اب احمد

ود موسى



والله يا ود شيقوق
عيال شبشة حتي البيناتنا في أمريكا دي تب ماهن ساهلين .
ناس يقدوا عين الشمس فلاحة وفرسنة وفهم وصبر وعزيمة .
ياخ لهم جميعا القومة


والله انتم يا اهلي ناس الزيداب برضكم ماكم ساهلين ربنا يحفظكم

Quote: والله يا ود شيقوق عيال شبشة حتي البيناتنا في أمريكا دي تب ماهن ساهلين . ناس يقدوا عين الشمس فلاحة وفرسنة وفهم وصبر وعزيمة . ياخ لهم جميعا القومة

وهل ننسى عنبر جودة ووقفت الرجال فيه
هم أحفاد أولئك الرجال
اللذين ماتوا في عنبر جودة في ليلة واحدة

سلام يا شيقا وتحية عبرك للمحتفى بهم الافاضل.

محبتي

ود الميرغني

Quote: سلام يا شيقا وتحية عبرك للمحتفى بهم الافاضل.

الف مرحب والف شكر على المرور

تحـــــــــــــياتي يا ود شيقوق

ياخي والله انا مبسوط منك حرم بسطا يدفق ..

مع انني لا اعرفك الا من خلال كتاباتك وبعض حكاوي من صديقي واخي عماد الشبلي ..

ولكنني والله ما تخيلتك الا "مكربتا" فوق عنافي حر على تخوم الدندر ومسارات البطانة..

بخصوص الشفيع آدم الدويحي.. هل هو ابن الشاعر الفذ ادم الدويحي ؟



تحياتي واحترامي

لحين ميسرة

اخي عادل إبراهيم

ياخي والله انا مبسوط منك حرم بسطا يدفق ..

مع انني لا اعرفك الا من خلال كتاباتك وبعض حكاوي من صديقي واخي عماد الشبلي ..

ولكنني والله ما تخيلتك الا "مكربتا" فوق عنافي حر على تخوم الدندر ومسارات البطانة..

بخصوص الشفيع آدم الدويحي.. هل هو ابن الشاعر الفذ ادم الدويحي ؟


الله يخليك ويحفظك يا العشاء اب لبن

اما صديقك المسنوووووووووح ود الشبلي فما اظن قال ليك عني كلاما خير ههههههها

اما عن استفسارك عن علاقة الأخ الشفيع الدويحي بالشاعر ادم الدويحي فوالله لا علم لي بها لكن اصبر لي وخليك متابع هسه بجيب ليك النجيضة من الشفيع نفسه


عميق مودتي

Quote: اما عن استفسارك عن علاقة الأخ الشفيع الدويحي بالشاعر ادم الدويحي فوالله لا علم لي بها لكن اصبر لي وخليك متابع هسه بجيب ليك النجيضة من الشفيع نفسه عميق مودتي

ههههههههههههههههه
عافي منك

Quote: ههههههههههههههههه عافي منك

اااااااااي النيي للنار - انت فاكر ساي؟

استراحة يا اخوانا

Quote: أستراحة يا أخوانا

استراحتك بي الجملة حليل أبوسنينة
يا أخوي صحي لينا ريحانة البطانة نحن في شةق كبير وكتير لحروفها
وأدب وجمال الحديث بقلمها
وتحياتي ومودتي يا ود شيقوق

يا زول الريحانة قالت ليكم تاني كتاباتي تشموها قدحة

Quote: يا زول الريحانة قالت ليكم تاني كتاباتي تشموها قدحة

كان كدي فراق الطريف لي جملو
أفتح ليك بوست حت
البوست الجاد أنتهى

كان كدي فراق الطريف لي جملو
أفتح ليك بوست حت
البوست الجاد أنتهى

لا لا اصبر الريحانة بجيبا دوبيت ود الشيرقاني وود الشلهمة اصبر لي اعمل ليها بوست بالجماعة ديل هسه بتجيك متلبة

ات نسيت يا اب احمد

الأيام دي ناس الريحانة عندهم البهلة حقت البهم بتكون مشغووووووووووووووووولة بالحيل

Quote: لا لا اصبر الريحانة بجيبا دوبيت ود الشيرقاني وود الشلهمة اصبر لي اعمل ليها بوست بالجماعة ديل هسه بتجيك متلبة

يا الدعجَّى الجمالك جلَّ فيهو الصانع
ولهجّك عامل في جنايني مصانع


أريتو يجيب حق مريسة ام زين
وتجينا الريحانة متقنعة تتحفنا من جمال الحرف نغماً

هذا بوست يبعث في النفس الأمل على أن السودان بخير طالما يوجد به رجال مثل سعادة المستشار محمد الطيب السعيد، وهكذا أهل شبشة، وأهل بحر أبيض عموماً، سماحة ونخوة وشهامة.

مترع حد الدهشة يا ود شيقوق من جمال الحكي، التحية للأخ الشفيع وللأخت سمية الحسن طلحة.

Quote: بخصوص الشفيع آدم الدويحي.. هل هو ابن الشاعر الفذ ادم الدويحي ؟

هو المهندس الشفيع آدم خليفة آدم قوي الدويحي، والده حاج آدم خليفة من أعيان محلية الدويم، وعمه المرحوم محمد خليفة الدويحي من أساطين الكرم والجود بالسودان، كتبه عنه الشاعر أحمد الفرجوني اشعار كثيرة احتفاء بكرمه وجوده.

اخي العزيز اسماعيل وراق

ياخ الف مرحب بيك ورمضان كريم واكرر شكري لكلامك الطيب الذى يبعث فينا الامل لمستقبل مشرق

لك عميق امتناني لهذه الاضاءة في شخص الباشمهندس الشفيع وتلكم الخلفية عن يد والده الندية التي تغنى بها مغنى في قامة الفرجوني

أهلا ود شيقوق خريف الراتعة
شبشة هي اقرب المدن إلى قريتي الحبيبة عريك
وأهلها كرماء وأهل دين
وتجار من قديم والتجارة زمان كان لا يمارسها إلا أصدق الناس وأكثرهم أمانة وأجودهم
وتجار شبشة كان لهم القدح المعلى في التجارة في جنوب السودان
ابناءها نعم الرجال والأخوان تفرقت ببعضهم الدنيا كحال معظم مدن وقرى السودان
ولكنهم حملوا معهم كريم الخصال وصادق الأفعال

الحبيب جعفر ود محي الدين

كيفك وكيف الاهل والاهل ورمضان كريم

Quote: شبشة هي اقرب المدن إلى قريتي الحبيبة عريك وأهلها كرماء وأهل دين وتجار من قديم والتجارة زمان كان لا يمارسها إلا أصدق الناس وأكثرهم أمانة وأجودهم وتجار شبشة كان لهم القدح المعلى في التجارة في جنوب السودان ابناءها نعم الرجال والأخوان تفرقت ببعضهم الدنيا كحال معظم مدن وقرى السودان ولكنهم حملوا معهم كريم الخصال وصادق الأفعال

والله يا جعفر اخوى اخونا محمد الطيب دا عنوان لكل اهل شبشة - والله عايز اقول عنو الكتير بحكم علاقتي القريبة منو خالص هذا فضلا عن تكليفي شبه الدائم لتجميع مساهمات الاخوان والاخوات للعمل الخيري في قطاع القانونيين العاملين في القطاع الحكومي .

المهم وباختصار كدا كان محمد الطيب دعاك لمناسبة في بيتو تعال لابس تموت تخليها بس .

Quote: هو المهندس الشفيع آدم خليفة آدم قوي الدويحي، والده حاج آدم خليفة من أعيان محلية الدويم، وعمه المرحوم محمد خليفة الدويحي من أساطين الكرم والجود بالسودان، كتبه عنه [/QUOTE تحياتي لك أخي اسماعيل وراق ولصــــــــــاحب الديوان الطيب شيقوق ولضيوفه اذن الباشهندس الشفيع ادم الدويحي من منطقة النيل الابيض ووالده طيب الذكر الحاج آدم خليفة الدويحي.. الشاعر الذي قصدته هو الشاعر الفذ آدم ود سند الدويحي من البطانة .. ولا تثريب فكلها ارومة طيبة المحتد .. ارومة الدويحية البديرية الذين منهم قاضي قضاة المهدية الشيخ البدوي .. الذي قال عنه الخليفة انه "يخاف من الله ولا يخاف من الخليفة".. والتحية ايضا لعموم بحر كيوات من الجبل وحتى الجبلين.. احترامي

---

Post: #46 Title: Re: سياحة مع الشفيع الدويحي وسمية الحسن طلحة في فراديس الكرام Author: الطيب شيقوق Date: 07-23-2014, 09:45 AM Parent: #45 الاخ عادل ابراهيم احمد كيفك يا الحبيب التشابه في الاسماء فعلا يسبب الدوشة هسه انت دا ذاتك - يا عادل اخوي - من اسمك دا يبدو ان هنالك الكثيرين الذين يلتقوك و يسألونك عن علاقتك شنو بالمناضلة سعاد إبراهيم احمد مش صاح؟. Quote: تحياتي لك أخي اسماعيل وراق ولصــــــــــاحب الديوان الطيب شيقوق ولضيوفه اذن الباشهندس الشفيع ادم الدويحي من منطقة النيل الابيض ووالده طيب الذكر الحاج آدم خليفة الدويحي.. الشاعر الذي قصدته هو الشاعر الفذ آدم ود سند الدويحي من البطانة .. ولا تثريب فكلها ارومة طيبة المحتد .. ارومة الدويحية البديرية الذين منهم قاضي قضاة المهدية الشيخ البدوي .. الذي قال عنه الخليفة انه "يخاف من الله ولا يخاف من الخليفة".. والتحية ايضا لعموم بحر كيوات من الجبل وحتى الجبلين.. والف شكر للرد على المستفسر عن علاقة الاخ الشفيع الدويحي بالشاعر الفذ آدم الدويحي .

---

Post: #47 Title: Re: سياحة مع الشفيع الدويحي وسمية الحسن طلحة في فراديس الكرام Author: محمد المرتضى حامد Date: 07-23-2014, 06:28 PM Parent: #46 بعد 33 عاما من مرافقة محمد الطيب محمد السعيد بعضها أيام الطلب وأخرى في السودان ثم السلطنة أظنك ستجد لي العذر في الصمت. تحاياي وسلامي للأخت العزيزة سميه التي افتقدتها ليالي مسقط الثقافية حفظها المولى في حلها وترحالها هي وأسرتها الكريمة.. تحية للدويحي وجزاه المولى كل خير

---

Post: #48 Title: Re: سياحة مع الشفيع الدويحي وسمية الحسن طلحة في فراديس الكرام Author: الطيب شيقوق Date: 07-23-2014, 09:18 PM Parent: #47 and#1576;and#1593;and#1583; 33 and#1593;and#1575;and#1605;and#1575; and#1605;and#1606; and#1605;and#1585;and#1575;and#1601;and#1602;and#1577; and#1605;and#1581;and#1605;and#1583; and#1575;and#1604;and#1591;and#1610;and#1576; and#1605;and#1581;and#1605;and#1583; and#1575;and#1604;and#1587;and#1593;and#1610;and#1583; and#1576;and#1593;and#1590;and#1607;and#1575; and#1571;and#1610;and#1575;and#1605; and#1575;and#1604;and#1591;and#1604;and#1576; and#1608;and#1571;and#1582;and#1585;and#1609; and#1601;and#1610; and#1575;and#1604;and#1587;and#1608;and#1583;and#1575;and#1606; and#1579;and#1605; and#1575;and#1604;and#1587;and#1604;and#1591;and#1606;and#1577; and#1571;and#1592;and#1606;and#1603; and#1587;and#1578;and#1580;and#1583; and#1604;and#1610; and#1575;and#1604;and#1593;and#1584;and#1585; and#1601;and#1610; and#1575;and#1604;and#1589;and#1605;and#1578;. and#1578;and#1581;and#1575;and#1610;and#1575;and#1610; and#1608;and#1587;and#1604;and#1575;and#1605;and#1610; and#1604;and#1604;and#1571;and#1582;and#1578; and#1575;and#1604;and#1593;and#1586;and#1610;and#1586;and#1577; and#1587;and#1605;and#1610;and#1607; and#1575;and#1604;and#1578;and#1610; and#1575;and#1601;and#1578;and#1602;and#1583;and#1578;and#1607;and#1575; and#1604;and#1610;and#1575;and#1604;and#1610; and#1605;and#1587;and#1602;and#1591; and#1575;and#1604;and#1579;and#1602;and#1575;and#1601;and#1610;and#1577; and#1581;and#1601;and#1592;and#1607;and#1575; and#1575;and#1604;and#1605;and#1608;and#1604;and#1609; and#1601;and#1610; and#1581;and#1604;and#1607;and#1575; and#1608;and#1578;and#1585;and#1581;and#1575;and#1604;and#1607;and#1575; and#1607;and#1610; and#1608;and#1571;and#1587;and#1585;and#1578;and#1607;and#1575; and#1575;and#1604;and#1603;and#1585;and#1610;and#1605;and#1577;..[ and#1575;and#1607;and#1604;and#1610;and#1606; and#1575;and#1604;and#1605;and#1585;and#1578;and#1590;and#1609; and#1603;and#1610;and#1601;and#1603; and#1575;and#1606;and#1578; and#1567; and#1608;and#1575;and#1604;and#1604;and#1607; and#1589;and#1583;and#1602;and#1578; - and#1610;and#1575; and#1575;and#1576;and#1575; and#1575;and#1603;and#1585;and#1605; - and#1575;and#1610; and#1588;and#1607;and#1575;and#1583;and#1577; and#1605;and#1606;and#1603; and#1601;and#1610; and#1575;and#1576; and#1575;and#1581;and#1605;and#1583; and#1602;and#1591;and#1593; and#1588;and#1603; and#1605;and#1580;and#1585;and#1608;and#1581;and#1577;

---

Post: #49 Title: Re: سياحة مع الشفيع الدويحي وسمية الحسن طلحة في فراديس الكرام Author: الطيب شيقوق Date: 07-23-2014, 09:24 PM Parent: #48 المرتضى مساؤك خير عندي مشكلة فنية كدى عاين للمداخلة السابقة اتخيل كلها كانت كلام للرد عليك لكن جات بلغة غير - معليش الكمبيوتر اصلو بيعملها زى ما عملها زي زمان ياخ بالجد كدا - صمتك احسن لانو اي شهادة منك في حق اب احمد قطع شك مجروحة

---

Post: #50 Title: Re: سياحة مع الشفيع الدويحي وسمية الحسن طلحة في فراديس الكرام Author: خالد علي محجوب المنسي Date: 07-23-2014, 09:24 PM Parent: #48 يا ودشيقوق بقيت تكتب محايات الفكي ود شيقوق قلب في نهاية رمضان هيييييييع مايرنو بدت تظهر إعجازاتها

---

Post: #51 Title: Re: سياحة مع الشفيع الدويحي وسمية الحسن طلحة في فراديس الكرام Author: الطيب شيقوق Date: 07-23-2014, 09:27 PM Parent: #50 يا ودشيقوق بقيت تكتب محايات الفكي ود شيقوق قلب في نهاية رمضان هيييييييع مايرنو بدت تظهر إعجازاتها رمادك ما بتعرف العين

---

Post: #52 Title: Re: سياحة مع الشفيع الدويحي وسمية الحسن طلحة في فراديس الكرام Author: خالد علي محجوب المنسي Date: 07-23-2014, 09:37 PM Parent: #51 Quote: رمادك ما بتعرف العين هههههههههههههه المشكلة مافي جهازك ههههههههههههههههه المشكلة في بكري ومنبره مرات تتكرر المداخلة عندما ترسلها ومرات كل الإيكونات تغليظ واقتباس لا تعمل هههههههههههههههههه العين بي حسين يا سجم

---

Post: #53 Title: Re: سياحة مع الشفيع الدويحي وسمية الحسن طلحة في فراديس الكرام Author: الطيب شيقوق Date: 07-23-2014, 10:00 PM Parent: #52 مرات تتكرر المداخلة عندما ترسلها ومرات كل الإيكونات تغليظ واقتباس لا تعمل دا كلو ساهل خايف يوم تقول تنزل ليك حاجة تقوم بالغلط ينزل ليك ............ل