إلى بورداب دون ال30عام

نحن معشر مواليد الإنقاذ ما عندنا ذنب باننا نشانا و ترعرنا و عشنا طفولتنا ايام سطوتهم و اعراس شهدائهم المزعومه و تعلمنا تعليمهم بتاع مسكننا و ملبسنا و الانسان و الكون .
لماذا نعير باننا مواليد هذا العهد . نعم قد ينظر لنا باننا حديثي تجربه و لكن سنقلب الموازين على الكل و المستقبل لنا بكل تاكيد.

مع كل الاحترام لي (ناس زمااااااان)
مللنا من حكاويكم عن ماضيكم الجميل كما تطلقون عليه.

الى كل من يعتقد باننا بتاعين فلفيل شعر و سيستم و سماع أغاني هابطه

وينكم يا دفعه
على فكره مواليد عهد الأحزاب برضو معانا.

سلام ورمضان كريم

فوق

الله أكرم
حبابك أخي حامد
اها إنت معانا والا مع الخيانه

ههههههه

خيانة لا معاكم معاكم ولو ما معاكم برضو معاكم يا راجل انا مشكلتي التصنيف بتاع هابط وتاريخ و عصر ذهبي وعصر فضي والصف الاول وووووو وما شاكله.
وبفتكر اكبر مصايبنا دي واحدة من اسبابها، التشكيك في مقدرات الاجيال الشابة وتدميرها بحجة حداثة التجربة وغيره، وتصنيفها لهابط ودون المستوي .


والمصنفاتي البفتكر انه الحق الذي لا ياتيه الباطل واحقيته بوظيفة التصيف الابدية وان كره الجيل الشاب .

لك الود والورد وكل ما هو جميل

ما دمت من فئة (دون الـ30 عام) ..... أسمح بي أن أقول لك يا إبني .....

كلامك فيه شئ من الغرابة، من الذي يعيركم بأنكم مواليد هذه الحقبة؟
على العكس ... نحن نعوّل عليكم كثيراً .. فمن يغفل عن دور الشباب، إختار أن يكون خاسر.

كما أختلف معك في كلامك عن (زمننا)، لأن كل شئ يبدأ بما قبله ويستدل به. مثلاً عن نفسي، كنت صغيراً أيام أكتوبر ولم يكن لدي وعي. عندما شاركت في أبريل، كانت أكتوبر أمام عيني أنا ومن معي.

أخطأت ........ نحن ننظر لكم وندعمكم.

عزيزي حامد
حتى وسائل الإعلام تروج و ترسخ لافضلية كل ما هو قديم و تفرضه علينا.
شكرا على مرورك

الأستاذ أبو الريش
تحية و احتراما

كلامك فيه شئ من الغرابة، من الذي يعيركم بأنكم مواليد هذه الحقبة؟


كلامي ليس غريبا ، يوجد الكثير ممن يشكك في مقدراتنا و البعض يمارس علينا الوصايا خاصة داخل الاحزاب السياسية.
انا اتكلم عن أحداث عايشتها ، و عايشها أيضا شباب جيلي.
و يا ريت البقيه ينظروا لينا بإنصاف زيك.

تحياتي و تقديري

لو فعلآ انت دون ال 30 اذن انت ضمن ال 3% من البورداب الشباب , فتحت قبل هذا بوست عن اعمار = كوكب سودانيز ونلاين = وبنفس مضمون بوستك وطلبت ان نحاول جذب الشباب للبورد لان المستقبل لكم
مرحب ب = سكان الكوكب الجديد - مرحب بالمستقبل = ويا باشمهندس بكري افتح الابواب عسي ولعل يتجدد شباب البورد ويفكر بصورة تعكس واقع السودان

الاخت إخلاص
لكي الشكر
الشباب يجي كيف لي المنبر. ما دام يوجد أشخاص في أعمار آبائهم يبثون سموم الجهويه و القبليه و النظره الضيقة.
أشعر بالإحباط عندما اقرأ بوستات أشخاص من المفترض أن يكونوا رسل محبه و اخاء في مثل سنهم هذه.

املأ البوست بهواياتك اكلاتك اغانيك = سوداني - عربي - غربي = افلامك= انيميشن - اكشن -عربي - غربي = وما تسأل في زول ولا تناقش صاح وخطأ ولو ناس فوق ما عجبوك نادي ناسك يحتلو الفيس من تحت و سوو الدايرينو وما تهتم بالعجائز = المدرسين والاباء والامهات = سوو الدايرنو وما تسمعو اي كلام وبكري واحد من اتنين اما يكون ديمقراطي ويدي اصحابك ال ح يتواصلو معاك فرصة والا يقفلها علي الكبار
يلا دي خطة لثورة عجبتك زيد عليها ما عجبتك طنش

لكي التحيه مره اخرى
اتفق معاك في كلامك . لكن العجائز ديل برضو بتلمنا بيهم قضايا و أشياء مشتركه كثيره و بالأخص هموم الوطن. و لا تنسي لازم نستفيد من تجاربهم و خبراتهم.
مودتي

هذا طرح غير - شبابي - هل انت دون ال 30 فعلآ
ديل يا زول عندهم منظومه كامله متكامله , شفناها ايام المطر والانتفاضه لا بتلفتو ولا راجين طرح الاباء , عائشين واقعهم والمطلوب يجو ويستلمو اما ما تطرحه فهو طرح ناس دايرين يعرفوهم

الموضوع فتح بوست ليس الا ....!!!!!

مللنا من حكاويكم عن ماضيكم الجميل كما تطلقون عليه.



الهم اني صائم

كرر أو أعـــــد يوجد خطاء !