أكارثة في نتيجة الشهادة السودانية ؟ ... ( صورة + مستند )

اذا ثبتت هذه الاخطأ تكون الشهادة السودانية راحت في حق الله

هذا الطالب مظلوم ارجو الوقف خلفو ونتمناها قضية رائ عام سوداني .انا الاخ الاكبر ل محمد صبحي اسماعيل .
كل القصة انو محمد اخوي كان ممتحن الشهادة سودانية( علمي)السنة دي .وهو من اولي اساس عمرو ما طلع من خمسة الاوئل .
كان بدرس في الشمالية ب عبري الثانوية .قرر انو يدرس في الخرطوم والاسرة وافقت نسبة لمستواه وعشان نحن كنا واثقين منو ودخل نادر عطا الخاصة وامتحن التجريبي وجاب 85.
اصرت ادارة ثانوية عبري بضرورة رجوع محمد والجلوس علي امتحان الشهادة من عبري لرفع مستوي المدرسة نسبة لمعرفتهم التامة بمستوي الطالب محمد اسماعيل .وامتحن من عبري الثانوية بالولاية الشمالية .والاسرة تنتظر فرحة النجاح الباهر .ولكن جاءت النتيجة كما ترونه في الصورة .
كاد اخي ان يجن من الصدمة وفور سماع خبر الرسوب جري اخد كتاب الاحياء وهو يبكي ويقول دة ما نتيجتي .لحد الان محمد بيحلف انو ما نتيجتو .وقامت الاسرة بالاتصال الهاتفي ب مدير المدرسة .وكانت المفاجاءة انو بقول نفس كلام محمد اخوي .وقال دة ما نتيجة محمد واكيد في غلط ولازم تمشو الوزارة وانا كنت براجع معاهو الامتحانات اول ما يطلع من امتحان .وانا واثق انو في شئ غلط .وفعلا اليوم مشينا الوزارة انا ووالدتي الاستاذة احلام .وتفاءجانا .ب اسرة كاملة بنفس المشكلة ومعهم مدير مدرسة الابن .وهو برضو مدنو 5 في الانجليزي ودة من عمروي ما سقط انجليزي بشهادات من الاساس لحد الثانوي .دخلونا من مكتب لي مكتب حتي وصلنا السيد مدير الامتحانات .وقال انا ما عندي حل ومابراجع الورق لو دايرين تشتكو اشتكو واشار ب اصبعو لمكتب السيدة سعادة وزيرة التربية والتعليم وقال بالفم المليان لو عمر البشير قال راجع الورق ما براجع .زرفت دموع الام المسكينة وجعا علي ابنها .وفعلا قررت امشي للوزيرة وعند الاستقبال تم ايقافي من قبل حرس الوزيرة ورفضو انا اقابل الوزيرة .وهكذا سوداننا ..صاحب حق مابيقدر يطالب حقوو .اصبحت لااثق في مؤسسات بلادي لا وزارة التربية والتعليم لا غيره ..هذا نموزج واحد فكم من اسرة سودانية مضررة ولاتدري ..وملخوظة .كان في اجتماع مغلق قبل نقابل المدير مع الوزيرة سعاد بنفس الخصوص مراجعة الامتحانات ..بتمني انو تكون قضية رائ عام.واي حد ينشر الكلام دة في القروبات ..والله دة ما نتيجة اخوي ..


ارائكم ومقترحاتكم لهذه الاسرة لمقابلة اميرة المؤمنين السيدة وزيرة التربية والتعليم ....

ده نموذج فقط
وهناك حالات كثيرة جدا سوف نعرض بعضها

ده حتي الان منتظر يدوهو النتيجة الحقيقة ( ده اذا كان هناك نتيجة حقيقية )

Quote: ولد اختي حتى الان ما عارف نتيجته !! اتصل بجوال زين وطلعت نتيجة واتصل بسوداني وطلعت نتيجة مختلفة بفارق كبير عن الاولى 00000مشى الوزارة قالوا ليه طلع الرقم الوطني ! وطلع الرقم 0000وهو برضو شاطر شديد 0000المهم برضو قريبتنا شغالة في الوزارة قالت ليه في اخطاء كتيرة

Quote: عادى يا مان عندى بتى من الابتدائى لحدى الامتحانات التجربيه ما طلعه من الثلاثه الاوئل نهائى ولمن تجى التالته بكون فى ماتم فى البيت جات نتيجتها 79.5% وكانت صدمه للكل وكنت واثق انو ما نتيجتها وعملت نفس الشى بتاعكم وفى الاخر دخلتها اسنان التقانه وهسى دى نتيجتها

واحد في ولاية الجزيرة في الانجليزي اخذ 5 فقط وهو شاطر جدا في الانجليزي بالذات
وبعد الضغوط وبواسطة مديرة المدرسة الذي اكد انها لا يمكن ان تكون نتيجته تمت مراجعة اوراقه
والمفاجأة انه حصل علي الدرجة الكاملة في الانجليزي

يا هو دا سودان الكيزان
لخ وخرمجة في كل مجالات الحياة
تفووووووووووووووووووو على اي كوز
--------------
بس نحن نستاهل

صلاح ازيك يا اخي

الاخ علي سلام
ورمضان كريم
- تعرف الخرمجة وصلت كل شيء حتي الشهادة السودانية
ولا تستبعد ان يتلاعب الكيزان بالنتيجة

Quote: يا هو دا سودان الكيزان لخ وخرمجة في كل مجالات الحياة تفووووووووووووووووووو على اي كوز -------------- بس نحن نستاهل صلاح ازيك يا اخي

Quote: حصل علي الدرجة الكاملة في الانجليزي

وهذا دليل آخر على
الكارثة والخرمجة في مجال التعليم!!!!!

تحياتي

الاخ درديري لك التحية
فعلا ده دليل علي الخرمجة في كل التعليم
- زمان ما في زول بياخد الدرجة الكاملة الا في الرياضيات فقط
- الان لو رجعت لنتيجة الاساس 100% حتي في العربي ( الظاهر الزمن ده مافي انشاء )

Quote: وهذا دليل آخر على الكارثة والخرمجة في مجال التعليم!!!!! تحياتي

اهو ده رسوب عديل يعني لو كان ناجح بنسبة ضعيفة ممكن الامر يتأول

Quote: اناوالله ابني من اوله اساس وحتاءمرحلت الشهاده السودانيه ماخرج من الخمسة الاويل رسوب في الشهاده كانت صدمه لي ولي الاسره والمدرسه الله يجازي الكان السبب

ما دام دا الفهم والقصه رجاله علي القسم لو انا والد الطالب دا اشيل لي فاس وسكين وأخش لي مدير الإمتحانات دا في مكتبوا وأقطعوا قطيع السمك وبعد داك الحشاش اليملأ شبكتوا .. اصلو البلد هامله ومطلوقه ساي ما فيها قانون ولا حق بني آدمين!!!
منعول ابو دي حكومه من ساسها لي راسها
يا صلاح جادات والله الموضوع زعلني شديد ياخ وفقدني المنطق لأنه رد الأهبل مدير الإمتحانات دا مستفز .. شنو كان جاء عمر البشير ول جاءا أوكامبو !!! قلة أدب فايته الحد والله

دوسان الدهشة

مافي حاجة ما خربت و مافي مرفق او قطاع ما اتدمر
السكوت لمتين يا ناس

بالصدفة -ايام التصحيح - كنت اتابع برنامج
المنكتاتي -بتاع الشروق مرت من هنا -
وكان يتجول في قاعة الكنترول لامتحانات
الشهادة ويطرح سؤالا واحدا :

كم نسبة افراد الكنترول القدامي الي الجدد ؟!

المدهش ، ان الاجابة الصحيحة (الاخدت جائزة البوتاجاز!) هي:

نسبة 50 : 50 !!!!!!!!!!!!!!!!!!!!!!!!!!!!!!!!!!!!!!!!!!!!!!

تخيلوا ان يكون اصعب مافي مراحل الامتحانات ، معلمين جدد بنسبة 50%
يعني الاخطاء ممكن تكون بالكوم !!!!!!!!!!

التهاني لكل الذين احرزوا درجات عالية ونجاحات

شكراً لهذا الطرح والذي جاء في وقته وصادف عندي هوى

دلوني كيييييييييف نراجع الورق ونحن بعيدين من السودان

ولدي زي القلتوهم فوق ديل من الاول للأول للتاني للتالت
علمي أحياء
كنت متوقعو وكل العائلة متوقعاهو اقل شيء 90 في المائة

المفادأة عصرناها في قلبنا رغم حرارتها وثقلها لكن كنا
أقوى من الهزيمة وابتسمنا قدامها على الاقل أفقدناها متعة
الإنتصار علينا وقررنا وقرر هو أن يعيد السنة

أفيدونا كيف نراجع حتى لو نفهم بس وبطنا تبرد شوييييييية ؟؟؟

الاخت مشاعر لك التحية
- حايفش غبينتو بس بكون خرب بيتو
- عندما تخرج مظاهرات لاسقاط هذا النظام يجب علي هولاء ان يشاركوا فيها
لوضع افضل

Quote: ما دام دا الفهم والقصه رجاله علي القسم لو انا والد الطالب دا اشيل لي فاس وسكين وأخش لي مدير الإمتحانات دا في مكتبوا وأقطعوا قطيع السمك وبعد داك الحشاش اليملأ شبكتوا .. اصلو البلد هامله ومطلوقه ساي ما فيها قانون ولا حق بني آدمين!!! منعول ابو دي حكومه من ساسها لي راسها يا صلاح جادات والله الموضوع زعلني شديد ياخ وفقدني المنطق لأنه رد الأهبل مدير الإمتحانات دا مستفز .. شنو كان جاء عمر البشير ول جاءا أوكامبو !!! قلة أدب فايته الحد والله

الاخ سيف فعلا السكوت لمتين ؟

Quote: مافي حاجة ما خربت و مافي مرفق او قطاع ما اتدمر السكوت لمتين يا ناس

الاخ عبد اللطيف
شكرا للمعلومة وياريت الوزارة تنتبه لها
علي الاقل تزيد نسبة القدامي

Quote: بالصدفة -ايام التصحيح - كنت اتابع برنامج المنكتاتي -بتاع الشروق مرت من هنا - وكان يتجول في قاعة الكنترول لامتحانات الشهادة ويطرح سؤالا واحدا : كم نسبة افراد الكنترول القدامي الي الجدد ؟! المدهش ، ان الاجابة الصحيحة (الاخدت جائزة البوتاجاز!) هي: نسبة 50 : 50 !!!!!!!!!!!!!!!!!!!!!!!!!!!!!!!!!!!!!!!!!!!!!! تخيلوا ان يكون اصعب مافي مراحل الامتحانات ، معلمين جدد بنسبة 50% يعني الاخطاء ممكن تكون بالكوم !!!!!!!!!!

زمان كان في مبلغ بيدفع للمراجعة مقدما
ماعارف الان النظام كيف ؟ ياريت الناس العارفين يوضحوا الامر بيتم كيف

Quote: التهاني لكل الذين احرزوا درجات عالية ونجاحات شكراً لهذا الطرح والذي جاء في وقته وصادف عندي هوى دلوني كيييييييييف نراجع الورق ونحن بعيدين من السودان ولدي زي القلتوهم فوق ديل من الاول للأول للتاني للتالت علمي أحياء كنت متوقعو وكل العائلة متوقعاهو اقل شيء 90 في المائة المفادأة عصرناها في قلبنا رغم حرارتها وثقلها لكن كنا أقوى من الهزيمة وابتسمنا قدامها على الاقل أفقدناها متعة الإنتصار علينا وقررنا وقرر هو أن يعيد السنة أفيدونا كيف نراجع حتى لو نفهم بس وبطنا تبرد شوييييييية ؟؟؟

في زمن الكيزان لاتجد سوي
الدهشة
والدوسان

Quote: دوسان الدهشة