كنيش مطر وعيش

كنيش كنيس تجيب المطر والعيش
كانت تقال عندما يشح المطر
وتبدا الانعام في النفوق يتجمع
الاطفال خارج البلدة وكل طفل
يحمل كورة صغيرة بها
هين عيش او لوبة حمراء
توقد النار في قدر كبير ويكب
فيها كل العيش وتوزع بعد نضوجها
علي الاطفال وهم يصدحون كنيش
كنيش تجيب المطر والعيش اي
انها صلاة استسقاء طفولية جميلة
نحن نحتاجها الان لان الخريف
تاخر ونخاف علي اهلنا البسطاء
لان قوتهم في سلوكتهم والجراية
همو منذ شهور في تجهيز اراضيهم
سندو التروس وقلعو التباس
وراجين الكريم شديد الباس
يارب لطفك ويتبلن اليباس
ويقوقي القمري طربان فوق روؤس الناس
ويارب خريفا مويتو تسيل وتبقي اساس
ونشوف مسورنا يهبهب ويعجب الفراس

امين ،،،امين...
في رجا،،من فضلو ما قنعنا...
ادفق فوقنا رحمتو ،،
تتنزل امطار السماح
لارعد لا رياح
امطار الخير الخاتية جنسي شرسر
نزرع بلداتنا
نكدب قشها
وداك يا المطر السمح
افرح السعية
وتطرب السهول
مافي ياود القرشي اخوي غير رحمتو...
فيارب ،،
اغثنا،،،اغثنا..