الإمام لم يخطئ وأحد المصلين خلفه مصر على تصويبه وبقت غلاط .. فيديو

الراجل ده كره الامام حياتو .. الآية الامام يقراها صاح وهو مصر على آية أخرى
وفي النهاية لما الإمام غلب حيلة ركع .. لما قام للركعة التانية انتو قايلين خلاهو؟؟
بدأ ليهو بي نفس الآية بالطريقة العايز الامام يقرا بيها!!
حد يفهم الراجل ده انو في حاجة اسمها متشابه القرآن

غايتو ده لو أنا كان ممكن أخنقو

السلام عليكم ورحمة الله
ياخى الزول دُرعة وعكليتة عديل كدا :
مرة حصل لى موقف زى دا فى الصلاة فقد قرأت الاية من سورة الاحقاف : إن الذين قالوا ربنا الله ثم استقاموا فلا خوف عليهم ولا هم يحزنون .
واحد من المصلين استدرك علىّ بآية سورة فصلت : إن الذين قالوا ربنا الله ثم استقاموا تتنزل عليهم الملائكة ، وهى مشابهة لآية الاحقاف لكن
والحق يقال زولى ما كان لايوق زى الزول دا مرة واحدة وعدى الموضوع ولما خرجنا من المسجد وضحت ليه

هيييييييييييييييييييييييييييع،
يا اخي دي عكلتة ما حصلت.

كمان جاتنا العكلتة في كتاب رب العالمين !!!؟...

الاخ محمد جلال
رمضان كريم
كيف الاهل اتمني ان يكونوا طيبين .

عندي قصه جميله حدثت في التصويب في الصلاه

بعد ما فطرنا ، اقيمت الصلاه ، تقدم واحد اخونا و قريبنا

بعد الفاتحه قرا الحاقه

قال الحاقه ( ووقف وقفه طويله )

صاحبه في الصف الخلفي باعلي صوته قال ليه : القارعه

عمك واصل علي طول في القارعه .

بعد السلام اتلفت لينا و قال لي صاحبه عليك الله عرفتني كيف انا قاصد القارعه

صاحبه قال ليه انا عارفك انت ما زول الحاقه .


الزبير
سقادي غرب