Post: #1
Title: البناضورة تتدلل،،،30 الف الكيلو،،جنون الاسعار ياكل الناس بالعيون....
Author: عبدالعزيز عثمان
Date: 07-06-2014, 01:54 AM
البناضورة تتدلل،،،30 الف الكيلو،،جنون الاسعار ياكل الناس بالعيون....
لا حول ولاقوة الا بالله...
اختي قالت لي يازول نحن قنعن من الاكل بي خشومنا...
مهما كان ماعندك،،،فالسوق كلامو براهو...
الكسرة وملاحها صرن بشق الانفس..
اللحم ب 60
ك الطماطم 30
رطل اللبن 4
وجائي العيد...
ويبدو خلف الافق ازمة غذاء...
ذلك بان الدولة مشغولة بكل شئ الا معركتها...
ويا لطيف لطفا بالمساكين..
كيلة العيش اليوم 60 الف.
|
Post: #2
Title: Re: البناضورة تتدلل،،،30 الف الكيلو،،جنون الاسعار ياكل الناس بالعيون....
Author: سليمان القرشي
Date: 07-06-2014, 02:24 AM
Parent: #1
سلامات عزيز
شوف معاي الحسبة دي
ربع كيلو لحمة بي 15 جنية
ربع كيلو طماطم 8جنية
بصل 5جنية
ويكة الفنجان 5جنية
بهارات 3جنية
فحم 4 جنية
دقيق 8جنية
سكر 4جنية
شاي 5جنية
دي ياعبد العزيز 57 جنيةاقل تكلفة
لي حلة ملاح الفطور + الشاي ان وجد
خلي الغداء والعشاء واتخيل معاي
عامل بسيط باليومية لديه اسرة صغيرة
واليومية كلها بي 40 جنية وفيها مواصلات
دا يعمل شنو عليك الله اكل ساي مالافقة
ناهيك عن علاجات ومدارس ووو
ربنا يلطف بالحال وينزل الغيث الغيث
منتظرين الفرج من رب العالمين
الفي الحكومة انعرفت تب
تسلم ياحبيب
|
Post: #3
Title: Re: البناضورة تتدلل،،،30 الف الكيلو،،جنون الاسعار ياكل الناس بالعيون....
Author: عبدالعزيز عثمان
Date: 07-06-2014, 03:06 AM
Parent: #2
صديقي ودالقرشي ،الانسان النبيل المسكون بحب المساكين واوجاع الموجوعين،،كل يوم احبك اكثر،،حاشا لله لم اجدك الا خلوقا وودودا،،دائما حيث اهلنا الغبش،،ما قصدت الترعة اليابسة الا وجدتك قبل مهندسها مهموم كيف توصل لها المياه،،ما جلبو لنا تيرابا فاسدا الا وجدتك مشمرا في خضم الكارثة تبحث عن مخرج،،ما عسل العيش اوعطش ماكرمت القطن او اصابه اب دم او الغينية،،ما قل منسوب الكنار،،،يا ايها المرابط حيث الجرح والوجع،،،المشكلة في ان لا احد يهتم،،لا احد يشعر بجوع الملايين،،لا احد مستعد لطرح الاسئلة الحارقه...
اين اين،،،اين ذهبت المليارات
لماذا عجزت ان تحل مشكلة واحده
الجوع
هذا الذي يتربص بنا الان
ويا مغيث اغثنا
اغثنا،،،لا نريد ان نفكر في غير ان الله سيقثنا
فهو اعلم بالحال ورجالنا البلهاء,
|
|