Post: #1
Title: الزوجه بت معالي الوزير
Author: عباس الدسيس
Date: 07-03-2014, 09:24 AM
كاس العالم أدانا جمه يومين الاحوال عادت مؤقتا لطبيعتها بالمنزل تلفزيون مع الاولاد العبو (( بالاكس بوكس)) والريموت التاني مع المدام في المسلسلات ، لمحته بالصدفه مسلسل رمضاني مصري وزير الداخليه كلم السكرتاريه للاتصال بزوج بنتو وحضوره عاجلا الراجل المسكين من سمع الخبر جاء جاري جري عرقو اتخلط ويدينو ارجفن قصبه.
دخل للوزير اول سؤال ... ايه العملتو مع البت دا يا غبي ؟؟؟
الزوج راجل مسكين رد ليهو خلاف زوجي بسيط عشان ما استفحل عقلي هداني اهجرا كم يوم حسب الشرع ((والله حسب شرع الله)) عشان الامور تستعدل.
معالي الوزير دخل في السؤال التاني مباشر متجاوز مشكلة بتو مع زوجها...
قلتا لي حسب شرع الله انت تبع ياتو جماعه في الجماعات ؟؟؟
الزوج المسكين دقه الجرسة وحلف بي دينو وايمانو هو غلطان وحا امشي ابوس رجلها...
الحمد لله الما اتزوجنا لينا بت وزير وخاصة لو كانو من بتاعين الانقاذ سنتك كلها تكون رمضان تشرب ما تروي وخاصة لو وقعته في زول شبه ((اللمبي)) تكون شبكتك كما قال المثل السوداني (( لا تشاكل العوير لا العوير اشاكلك)).
وتبقي عليك حكاية الجماعه الكبس عليهم رمضان في سنة سخانتها الحجر اوالع السجارة والشمس لما تضربك في جبهتك تعكس الاناره في الاتجاه المعاكس من شدة السخانه.. الناس وقت اخش المغرب أي زول تلقاهو لسانو بره وحاضن ليهو زير مويه.... الجماعه كانو بتحرو رؤية هلال رمضان ليلا مع التعب كان في صعوبة في الشوف الناس تداقس وينو الهلال ، وللامانه الجماعه متكاسلين يعني مافي اجتهاد مع الحر القاعدين فيهو كانت امنياتهم ما اشوفو الشهر....
اجمع الناس لم يتم رؤية الهلال في هذا اليوم قررو الذهاب للنوم.
فجأة ظهر ليهم واحد قال ليهم اهو الهلال انتو يا ناس ما بتشوفو خلاص عيونكم طششن....
اتوكلو علي الله وصامو رمضان.
بعد تسعة وعشرون يوم الناس خلاص عايزه العيد لسؤ حظهم لا شافو شهر لاشافو غيرو الليل كلو قاعدين اعاينو في السماء اخونا الشاف ليهم شهر رمضان جاء ماشي الجماعه كلهم جرو وراهو مسكو من جلابيتو قالو ليهو يا خونا شوف لينا مخرج من الشهر الدخلتنا فيهو دا.
ربنا اشوف لينا حل من شهور ناس المؤتمر اللاوطني الدخلنا فيها ولي حسي نكابس في العيد ما لاقيين طريقه ... اللهم امين.
يا مواطن بلدي ليك الله من جهجهة الكهرباء وصيام رمضان في الصيف... وحكامك اختفو اللقمه من خشم الضيف ..
إحنا هنا مع كندشة المكتب والبيت والعربية رمضان مجهجهنا خلي انتو بالله قبل شويه بقلب في الواتساب واحد بتكلم عن الزوجه الاجنبيه ...
تمسكت بأضعف الايمان وقلته بي قلبي... اعوذ بالله معقوله في رمضان كلام زي ده !!!!
اقول الواتساب...
واحد اتزوج ليهو مره اجنبيه ما بتعرف الالف من الباء دقش بيها القريه ينشد الاستقرار الاسري.
الزوجه الاجنبيه مشت السوق تشتري ليها لحم الجزار ما فهم كلامها وقت زهجت منو دقت بي يدها فخدها عرف الجزار عايزه ليها لحمه
اها تاني يوم الزوجه عايزة ليها بيض مسكت زوجها من يدو ومشت بيهو السوق.
غايتو لو ما الزول نواياهو كويسه ما بسرح مع عطشة رمضان ممكن اتجهجه
اقول الواتساب... الزوجه ساقت الراجل عشان اترجم ليها بالعربي
إحنا هنا كده انتو هناك كيف
|
Post: #2
Title: Re: الزوجه بت معالي الوزير
Author: عبدالحفيظ ابوسن
Date: 07-03-2014, 10:01 AM
Parent: #1
تم القصة
اها
البيض كيف
اللهم اني صايم
بركة المادايره فواكهه
رمضان عندنا اصلي مش زي لعبكم ده
|
Post: #3
Title: Re: الزوجه بت معالي الوزير
Author: Ayman Khalifa
Date: 07-03-2014, 10:49 AM
Parent: #2
عباس الدسيس
كل سنة وانتا طيب يا رائع ....
|
Post: #4
Title: Re: الزوجه بت معالي الوزير
Author: Yousif A Abusinina
Date: 07-03-2014, 10:53 AM
Parent: #2
الزوجه الاجنبيه مشت السوق تشتري ليها لحم الجزار ما فهم كلامها وقت زهجت منو دقت بي يدها فخدها عرف الجزار عايزه ليها لحمه اها تاني يوم الزوجه عايزة ليها بيض مسكت زوجها من يدو ومشت بيهو السوق. غايتو لو ما الزول نواياهو كويسه ما بسرح مع عطشة رمضان ممكن اتجهجه اقول الواتساب... الزوجه ساقت الراجل عشان اترجم ليها بالعربي إحنا هنا كده انتو هناك كيف
اهااااا رد لينا على ود عمى ود ابوسن شنو كبيت الزوقة
هههههههههههههههههههه انتو اللتنين اجتمعتوا سوا الله استر نحن واحد فيكم بقول يا الله تجو سواااااااا
ها البيض كيف اللهم اني صايم بركة المادايره فواكهه رمضان عندنا اصلي مش زي لعبكم ده
ههههههههههههههههههههرايك شنو فى الشغل دا
|
Post: #5
Title: Re: الزوجه بت معالي الوزير
Author: عباس الدسيس
Date: 07-03-2014, 11:15 AM
Parent: #4
Quote: تم القصة
اها
البيض كيف
اللهم اني صايم
بركة المادايره فواكهه
رمضان عندنا اصلي مش زي لعبكم ده |
اووووووووووو الوجيه شيخ العرب ودابوسن
حبابك واخبارك
رمضان كريم
حكاية البيضه وتمامت القصة قالو الديك زعلان من الجداده قال ليها بتستفيدي شنو تبيضي والناس تاكل البيض
قالت ليهو ما أحسن من البأذن وما بصلي...شوفتا نهايتها بريئة كيفة ... رمضان كريم
رمضان يا شيخ العرب في السودان حقو اعملو فيهو وقت مستقطع زي قرارت الفيفيا الجديدة في كاس العالم
كل عام وانت طيب يا حبيبنا
|
Post: #6
Title: Re: الزوجه بت معالي الوزير
Author: ياسر السر
Date: 07-03-2014, 11:37 AM
Parent: #5
حبيبناااااااااااااااااااااا عباس الدسيس ويييييييين يا حبيب رمضان كريم وتصوم وتفطر على خير يعني هسة يا عباس بت والوزير دي لو شبفتها لي اخوك ما اخير علشان نرطب ونرطبك معانا ،،، والله كلام ..
غايتو يا عبس ليك مده ما بنت وهسة في رمضان ده ظهرت لينا زي الهلال الهله وانت تغيب وتجيب المحن غايتو الله يسترنا معاك ..
تحياتي : ياسر العيلفون
|
Post: #8
Title: Re: الزوجه بت معالي الوزير
Author: عباس الدسيس
Date: 07-03-2014, 11:44 AM
Parent: #6
Quote: عباس الدسيس
كل سنة وانتا طيب يا رائع .... |
ايمن خليفه
ليك سلامي يحوي شوقي وكل احترامي
اخبارك يا حبيبنا
رمضان كريم
|
Post: #7
Title: Re: الزوجه بت معالي الوزير
Author: الزبير بشير
Date: 07-03-2014, 11:42 AM
Parent: #5
الحبيب الدسيس
رمضان كريم
ما شايفينك
قريبي ود اب سن
رمضان كريم
اخبار بتنا كيف ؟ يا شافي تعافي في الشهر الكريم .
شيخي يوسف اب شرا العركي
رمضان كريم
سلام حار زي رمضان لي شيخي قاسم
قالو الفيل جا ماشي لقي الفار نايم قدام الحجر و مغطي و اترقط من الصقط ، قال ليه قوم في راجل بترقط زيك من الصقط . الفار رفع طرف البطانيه و قال ليه امشي علي بالطلاق لو ما الهلس و السكر كنت بقيت اكبر منك .
الزبير الختمي
|
Post: #9
Title: Re: الزوجه بت معالي الوزير
Author: عباس الدسيس
Date: 07-03-2014, 11:58 AM
Parent: #7
Quote: اهااااا رد لينا على ود عمى ود ابوسن شنو كبيت الزوقة
هههههههههههههههههههه انتو اللتنين اجتمعتوا سوا الله استر نحن واحد فيكم بقول يا الله تجو سواااااااا
ها البيض كيف اللهم اني صايم بركة المادايره فواكهه رمضان عندنا اصلي مش زي لعبكم ده
ههههههههههههههههههههرايك شنو فى الشغل دا |
حبيبنا يوسف سلام وتحية
كل عام وانت بخير
ود عمك زي نيمار الغدار لو حاورك بجيب فيك قون عشان كده ما تلعب معاهو الكوره واطه اشتغل تطفش
حسي شوف حكاية الفواكه جابها ليك كيف ...شغل نضيف والله
تحياتي وتقدرير
|
Post: #10
Title: Re: الزوجه بت معالي الوزير
Author: Yousif A Abusinina
Date: 07-03-2014, 12:10 PM
Parent: #9
الحبيب الدسيس رمضان كريم ما شايفينك قريبي ود اب سن رمضان كريم اخبار بتنا كيف ؟ يا شافي تعافي في الشهر الكريم . شيخي يوسف اب شرا العركي رمضان كريم سلام حار زي رمضان لي شيخي قاسم قالو الفيل جا ماشي لقي الفار نايم قدام الحجر و مغطي و اترقط من الصقط ، قال ليه قوم في راجل بترقط زيك من الصقط . الفار رفع طرف البطانيه و قال ليه امشي علي بالطلاق لو ما الهلس و السكر كنت بقيت اكبر منك . الزبير الختمي
الحبيب الغالى الزبير الختمى
كل سنة وانت طيب
تصوم وتفطر على خير
وخسمتك بالسادة والاسياد وانت بتفطر ما تنسانا من صالح الدعوات
على فكرة شيخنا شيخنا الطيب ود شيقوق شيخ البردانة فى بوست اسمووو حيران اناااا
د عمك زي نيمار الغدار لو حاورك بجيب فيك قون عشان كده ما تلعب معاهو الكوره واطه اشتغل تطفش حسي شوف حكاية الفواكه جابها ليك كيف ...شغل نضيف والله تحياتي وتقدرير
ههههههههههههههههههههههه ود عمى شايفك نسيت التحلية ذكرك بالفواكهة
شنو ليك ختتتتتتتتتتتتتتتير شديد او على قول اهلنا خترى والله
|
Post: #11
Title: Re: الزوجه بت معالي الوزير
Author: عباس الدسيس
Date: 07-03-2014, 12:11 PM
Parent: #7
Quote: حبيبناااااااااااااااااااااا عباس الدسيس ويييييييين يا حبيب رمضان كريم وتصوم وتفطر على خير يعني هسة يا عباس بت والوزير دي لو شبفتها لي اخوك ما اخير علشان نرطب ونرطبك معانا ،،، والله كلام ..
غايتو يا عبس ليك مده ما بنت وهسة في رمضان ده ظهرت لينا زي الهلال الهله وانت تغيب وتجيب المحن غايتو الله يسترنا معاك ..
تحياتي : ياسر العيلفون |
حبيبنا الرائع دوما ياسر الفنان
اخبارك يا وجيه تصدق وتأمن بالله امس كنا في سيرتكم العطره
مشتاقين لي جلسه قمريه
يا زول مالك عايز تجيب لينا المشاكل انت الجماعه ما بخشو سودانيز
اعمل حسابك بقو اعملو بحث بقوقل اقبضو الكلام كلو
تحياتي وتقديري وتقديري يا وجيه
|
Post: #12
Title: Re: الزوجه بت معالي الوزير
Author: عباس الدسيس
Date: 07-03-2014, 12:18 PM
Parent: #11
Quote: الحبيب الدسيس
رمضان كريم
ما شايفينك
قريبي ود اب سن
رمضان كريم
اخبار بتنا كيف ؟ يا شافي تعافي في الشهر الكريم .
شيخي يوسف اب شرا العركي
رمضان كريم
سلام حار زي رمضان لي شيخي قاسم
قالو الفيل جا ماشي لقي الفار نايم قدام الحجر و مغطي و اترقط من الصقط ، قال ليه قوم في راجل بترقط زيك من الصقط . الفار رفع طرف البطانيه و قال ليه امشي علي بالطلاق لو ما الهلس و السكر كنت بقيت اكبر منك .
الزبير الختمي |
الزبير الختمي
سلام يا حبيبنا
رمضان كريم ... كل عام وانت بخير
سعيد والله بي طلتك الرمضانيه وانشاءالله ربنا اهون لينا نتلاقي فيهو
المدارس قفلت واختفي ضلع من المثلث قلنا نرتاح شويه ونظهر طلع لينا رمضان
مشتاقين ليكم والله
تحياتي وتقديري
|
|