أهـا، أكـلآتـكُـم الـبـتـريـدُوهـا فـي رمـضـان شـنـو ؟. غـايـتُـو أنـا بـريـد الـلُـقـمـة ...

الناس تالآ الصعيد بيقولُولا العصيدة، ونحن لآ سافل
بنقولها اللُقمة. وكِت القاها بملآح الويكة اللحمر تاني
ما بقبِل علي شي.

عندنا لآ سافل برضو المديدة، ومنها أنواع مديدة الحلبة
ودي بيسوها للمرا النفسا، ومديدة الدُخُن ودي بنسويها
في الصقط الشديد، وكذلك مديدة التمر، وبرضو عندنا
النشا بتتعمل من نفس المواد بتكون رقيقة شوية، يعني
نظام إسموسي كدا...

،،،

وكمان بريد البليلة،
وكان لقيت لي تمراً قاصع ما بقبل علي شئ.


زمان في البلد من يبدأ موسم التمر لآمن ينتهي
أنا ما بقبل علي شي غيرو...

الفووول

حباب ودالمدير وتصوم وتفطر علي خير
تعرف البليلة دي انا عندي معاها
عشق غريب خاصة بي زيت
السمسم وفيها تمر بي فوق
وياها افطاري المفضل مع
العصيدة بي التقلية
العشاء فيهو وجبة الفول طبق
اساسي متل اخوي ودقباني
دا
تسلم ياحبيب

Quote: العشاء فيهو وجبة الفول طبق اساسي متل اخوي ودقباني

ود القرشي يا حبيب ...

الفول رغم انو من ( السُنن ) السودانية ...

لكنوا عندى ( فرِض) عديل ...

صيام دون صحن الفول ما ببقي غايتو ...

و ازيدك من الشعر بيت ...

في بقالة قريبة مننا صاحبها عراقي بجيب زيت سمسم من السودان ...

و شمارنا سوداني صرف ...

يعني زيتنا و شمارنا في فولنا ... و الجبنة البيضا اسكت خليها ساكت ...

بالهناء والشفاء ياودقباني
وان شاء الله فولك دائما مظبط هههه
تسلم ياحبيب

Quote: بالهناء والشفاء ياودقباني وان شاء الله فولك دائما مظبط هههه تسلم ياحبيب

ههههههههههه

شكلو كلام جوع ما كده؟

فطورنا باقي لي نص ساعه ...

لكن صايمين لينا 18 ساعة الليله ...

Quote: الفووول

يا قباني دا الطعام الوحيد اليُفترض الزول يحيّهو
تحية عسكرية قبل أن يقدم عليه.
أحب الفول أنا ياخ.


رمضان كريم...

Quote: العشاء فيهو وجبة الفول طبق اساسي متل اخوي ودقباني دا

رمضان كريم يا ود القرشي.

ما شاء الله، عشاك بفول !.

عارف، أنا من بعد الفطور لآعِن وكت الإمساك
ببقى زول قش سااااكت، يعني خضروات وفواكه...

قاليك يا ود القرشي بيسبب السعادة،
تلقاكم إنت وود قباني تقرقرو سااااكت...

قباني ،مدير،قرشي...
عمنا امتحنه الله بفقد البصر،،مشي عمره عملولو عزومو،،قام سعل الزول الجنبو،،قال لي دلني علي صحن الفول،،الجنا قال لي الفول ملحوق مالك شفقان علي شوف المطايب ،،رد عليه ياولدي ما تشفق انت ،،سعلتك من الفول بدور اختاهو...
انتو الله ماليكم ،يمين نحن لم تنبت لنا مزعة لحم طوال عمرنا الا من فول او كسرة وويكة...
علي اليمين اكان لقيتن في الجنة اختاهن...
لغمة قال،،ان شاء الله يابا ما تخنقك،،،ده طرفنا منهن.رمضان كريم

رمضان مبارك ود المدير
3 تمرات
شوربة ضأن بلحمها
عصيدة غرباوية بدقيق دامرقة ( ملاح روب أو تقلية أو بقبق أو شرموط بكول )
سلطة روب
كباية آبري
كباية عصير طازج
كباية موية
كباية شاي

بموووووووووووت في البيض بالسمن البلدي .


رمضانكم كريم .

Quote: قباني ،مدير،قرشي... عمنا امتحنه الله بفقد البصر،،مشي عمره عملولو عزومو،،قام سعل الزول الجنبو،،قال لي دلني علي صحن الفول،،الجنا قال لي الفول ملحوق مالك شفقان علي شوف المطايب ،،رد عليه ياولدي ما تشفق انت ،،سعلتك من الفول بدور اختاهو... انتو الله ماليكم ،يمين نحن لم تنبت لنا مزعة لحم طوال عمرنا الا من فول او كسرة وويكة... علي اليمين اكان لقيتن في الجنة اختاهن... لغمة قال،،ان شاء الله يابا ما تخنقك،،،ده طرفنا منهن.رمضان كريم

ههههههههههههههههههههههههه،

عبد العزيز يا قريبي،
كلوووووووووو والآ اللُقمة والفول ديل كان مشينا الجنة
ما بنبقى بلآهن.
دحين البيقولوا كلآم اليعقلو.

Quote: رمضان مبارك ود المدير 3 تمرات شوربة ضأن بلحمها عصيدة غرباوية بدقيق دامرقة ( ملاح روب أو تقلية أو بقبق أو شرموط بكول ) سلطة روب كباية آبري كباية عصير طازج كباية موية كباية شاي

ههههههههههههههه،
يا سفيان دا فطور واللآ عزومة ؟.

يا زول يا سمح نسأل الله أن يتقبل منا ومنكم
الصيام والقيام.
يا سفيان ما قنالك نحن ناس سافل، شوف لينا
الكلمة ومعناها بالله...

ودالمدير سلامات
الواقف ليك شنو ونحن نشرح
اوعي بس تقول ام بقبق
مابتعرفا تبقي عوجة كبيرة هههه

تصدق يا ودالمدير أنا من بدأ رمضان لقمة ما مشيت عليها
شوية بليلة بالتمر وبعداك انعدل للشراب
لكن اكتشفت لي عصير سوبر
القنقليس الواحد دا
والله يدوهو شوية حليب وليمون يطلع حاجة ما تخلص

رمضان كريم
وتحياتي مثنى وثلاث ورباع

سلام يا صاحبي .

العصيدة الأسم الحركي ( لقمة ) ..

غايتو نحن واقعين الدناقلة ديل
راشننا قراريص لمن قلنا الروب
اشكال والوان من حيث لا تدري


كسرة :
منى يا حبيبة شنو الاسم الحركة لقمة
اسمها لقمة عديل يا عصيدة انت :)

Quote: Bomedian Mohamed إضافة تعليق...الرائـع ود الـمـدير .. رمضان مبارك عـليك ، وكـل اهـلي الـغـبش الـغـلابه .. والله .. انا فـي بـلـد طـيرا عـجــم .. نفســـي فـي حــرف قـراصــه بالـدمـعـه .. جمبهـا ( سـرويس ) بصــل أخـضـر .. بس !!. رد ·

بومدين يا صاحب.
يا اخي تصدق نحن البارح القريبة دي في براري كندا
فاطرين بقراصة بويكة حمرا. قراريص ساااكت القمح
في البراري ما يديك الدرب، بس لكن ختينا سرويس
البصل اللخدر والشطة والليمون عشان الحكاية فيها
جامع وتراويح.
رمضان كريم يا سمح يا زين،
ونسأل الله ببركة هذا الشهر العظيم ان يرد غربتنا
ونتلآقى في رحاب وطن ترفرف اعلآم الحرية في
قِبلو اللربعة...

Quote: بموووووووووووت في البيض بالسمن البلدي . رمضانكم كريم .

رمضان كريم يا بت عمسيب.

البيض بالسمن البلدي مع الصيام بيتوِر
فوقك النحّار، دا أكل فطُُر ما صيام...

Quote: ودالمدير سلامات الواقف ليك شنو ونحن نشرح اوعي بس تقول ام بقبق مابتعرفا تبقي عوجة كبيرة هههه

ومعاها الدامرقة يا ود القرشي،
قُتلكم أنا زول من لا سافل...

Quote: تصدق يا ودالمدير أنا من بدأ رمضان لقمة ما مشيت عليها شوية بليلة بالتمر وبعداك انعدل للشراب لكن اكتشفت لي عصير سوبر القنقليس الواحد دا والله يدوهو شوية حليب وليمون يطلع حاجة ما تخلص رمضان كريم وتحياتي مثنى وثلاث ورباع

بدر الدين يا زولاً لينا،
ليك تحايا وسلآم ورمضان كريم.

يا زول اللُقمة ما بتمشي عليها كيفِن في رمضان، جاك دا ؟!.

القنقليز دا قالوا بينتهي من الكلسترول في الجسم.
أنا بخلط نصف ملعقة قنقليز ونص ملعقة صمغ عربي ونص ملعقة
بدرة دوم، ونص ملعقة شعير، ونص ملعقة شاي أخدر في اللبن
وبشربن. الليلة اضفت ليهن الليمون، آ زول علي اليمين إلا تسارقن
مسارقة في الشراب، كان إستعجلت بب يرمنك في الوآطة دي...

رمضان كريم و تصوم و تفطر و تقوم على خير أخونا ود المدير

عزيزي عبد الله شم .... سلام وكيفك مع الرمضنة ؟

Quote: كسرة : منى يا حبيبة شنو الاسم الحركة لقمة اسمها لقمة عديل يا عصيدة انت :)

اها داير تنكر كمان ؟ معروف الاسم الحركي للعصيدة ( لقمة )
والاسم الحركي للزلابية ( اللقيامات ) يا قراصة انت هههههههههه .

قلنا نفك رمضان فيكم يا احلي ناس .

ولي قدام .

Quote: غايتو نحن واقعين الدناقلة ديل راشننا قراريص لمن قلنا الروب اشكال والوان من حيث لا تدري

عبد الله شم،
سلآم ورمضان كريم.

أوّع الملوحة بتغتِس حجرك مع الصيام،
لكن القرآصة زين بتسند...

Quote: رمضان كريم و تصوم و تفطر و تقوم على خير أخونا ود المدير

علي خير واللآ علي فول يا طاهر ؟، خاتيها
لي تحت صحن الفول مباشرة، أحب الفول أنا.

جزيل الشكر علي المرور أخي طاهر،
ونسأل الله ان يتقبل منا ومنكم...

رمضان كمل يا معاوية و انت ما خليت التِشِهِّي ؟

يا حليلو باقي لي عِشيرة و سبيعة ...

البمشي على الملوحة غلتان وسافي الواطة دي
كان في صيام كان في فطر

بالنسبة للعصيدة ملاح التقلية تقيل شوية
يعني ممكن تاكلا عشا
لكن في فطور صعبة شوية، لحدي الآن أنا صامد أعاين فيها واتمالك نفسي

بعدين يا ود المدير
القنقليز والدوم والصمغ العربي كلهن مفهومات ومبلوعات
الشاي اللخدر مع شنو ؟؟؟
بعدين الشاي اللخدر دا ني ولا بتنجضو ؟؟


تحياتي مثنى وثلاث ورباع

Quote: رمضان كمل يا معاوية و انت ما خليت التِشِهِّي ؟ يا حليلو باقي لي عِشيرة و سبيعة ...

دا اسمو تِمِطِق يا قباني،
يعني بي نِتمطّق وكدا.

تعال إتمطق معانا،،،


البيّف بتاع البرتا هلكنا، عايزين الخراف
السودانية المدعولة...

ماك مشتاقليك لي ملاح رز ؟
..
الله يقطع ملاح الرز ورمضانك تصومو عافية يا حبيب

Quote: البيّف بتاع البرتا هلكنا، عايزين الخراف السودانية المدعولة...

ضحكتني لامن وقعته يا مِعَا ...

لكن كمان و الله حننتني بي دورتك للخرفان المدوعله ...

و الله البيف اكلو زى البتاكل في حزامات جلد ...

و ين الضاني حقنا لامن ( تقلبوا ) في الصاج كده ...

يطلع زى الخُشاف ... و بعد تاكل و تخلصوا لحم علي عضم ...

تقوووول كده تعجن ليك كم طرقة كسرة فوق ( الرُترُت ) الباقي في الصاج

و عينك ما تشوف الا النور يا حبيب ...

حقنة كلسترول في القلب ....

ود المدير رمضان كريم



يا زول لقمه بي ملاح ويكاب

لقمه بي ملاح لوبه

ملاح رووووووب


وحات الله بفطر وبتعشي بيهم وتاني ما بقبل علي اي شيء

وشوف اللقمه دي لو ما اكلتها بي يدك ولا بتنفعك زاتو

اسي بقو ياكلوها بي المعالق وشنو ما عارف تدخل يدك للكوع كده وتلحسها حتين تحس بي طعم الاكل

ود المدير رمضان كريم



يا زول لقمه بي ملاح ويكاب

لقمه بي ملاح لوبه

ملاح رووووووب


وحات الله بفطر وبتعشي بيهم وتاني ما بقبل علي اي شيء

وشوف اللقمه دي لو ما اكلتها بي يدك ولا بتنفعك زاتو

اسي بقو ياكلوها بي المعالق وشنو ما عارف تدخل يدك للكوع كده وتلحسها حتين تحس بي طعم الاكل

Quote: Mohamed Eisa Abaker · الأكثر تعليقا · يعمل لدى ‏‎Najran University‎‏ تصوموا وتفطروا على خير- حاجات سليمان القرشي دي بس كوبي بيست بالنسبة لي- ناس تجمعهم العصيدة القراصة والتقلية والدمعة والهلال والمريخ وتفرقهم السياسة لحد الفجور والحقد البودي للقبور- انشاء الله دايما لامين وتامين وسالمين نعيش حياتنا الحلوة بهناك - لك التحية يا صاحب البوست والمعاه

حياك الله أخي محمد،
ورمضان كريم.
نسأل الله أن يجتمع أهل السودان علي ما ينفع البلد وأهلها،
ونسأله ببركة هذا الشهر الكريم أن يرفع البلاء عن أهلنا.
مشكور علي التعليق وإن شاء الله نجتمع في دار ود القرشي
ناكل وننبسط في رحاب وطن يسع الجميع...

سلامات يامدير والاخوة المتداخلين

الدامرقة يامدير دخن مقشور ممكن
يكون عصيدة وممكن مديدة زي ام
جنقر لو سمعت بيها
ام بقبق مفروكة البامية الخضرة
واحلي حاجة تكون خالية لحمة
والله تلقاها في الخلاء بي بني
كربو ياسلاااااام حاجة عجيبة
تسلمو

Quote: بعدين يا ود المدير القنقليز والدوم والصمغ العربي كلهن مفهومات ومبلوعات الشاي اللخدر مع شنو ؟؟؟ بعدين الشاي اللخدر دا ني ولا بتنجضو ؟؟

سِرِي ود بابكر.

الشاي اللخدر بودرة، كوووووولهن ينضربن بالخلآطة
ويلزمن التلآجة وتقعد تجغِم فيهِن بين العشا والسحور...

Quote: ماك مشتاقليك لي ملاح رز ؟ .. الله يقطع ملاح الرز ورمضانك تصومو عافية يا حبيب

ملآح الرز القبحة فوقو يا عثمان، وحات الله
اثقل من أمين حسن عمر.

يا زول رمضان كريم. أها، صايم في
امريكا الشمالية واللآ كُتُر ؟...

Quote: ضحكتني لامن وقعته يا مِعَا ... لكن كمان و الله حننتني بي دورتك للخرفان المدوعله ... و الله البيف اكلو زى البتاكل في حزامات جلد ... و ين الضاني حقنا لامن ( تقلبوا ) في الصاج كده ... يطلع زى الخُشاف ... و بعد تاكل و تخلصوا لحم علي عضم ... تقوووول كده تعجن ليك كم طرقة كسرة فوق ( الرُترُت ) الباقي في الصاج و عينك ما تشوف الا النور يا حبيب ... حقنة كلسترول في القلب ....

هههههههههه،
يا قباني حزامات الجلد دي قدُر ما حاولوا يطعموها ابت،
عليك امان الله خرافنا المدوعلة دي بس تديها مِلح وتبقى
دآيس، وابشرك يا اخوي اللحمة آخر تقرير طلع عنها
ما بتزيد الكلسترول في الجسم. يعني ممكن تضرب
الدنس بمزاج، وأنا من سمعت الكلآم دا إتململ لروحة
السودان...

Quote: ود المدير رمضان كريم يا زول لقمه بي ملاح ويكاب لقمه بي ملاح لوبه ملاح رووووووب وحات الله بفطر وبتعشي بيهم وتاني ما بقبل علي اي شيء وشوف اللقمه دي لو ما اكلتها بي يدك ولا بتنفعك زاتو اسي بقو ياكلوها بي المعالق وشنو ما عارف تدخل يدك للكوع كده وتلحسها حتين تحس بي طعم الاكل

هههههههههههههههههههه،

بالرآحة يا عِبس، شكلك كدا مِتقريِف.
قلت لي إما فجختها بإيدك فايدة مافي ؟، حرام
عليك يا عِبس معانا جنون من البندر هنا...