توبه

آسف كان بتكفي يقولها ...
مليون آسف يا المحبوبه ..
وحاجه بتجرح خاطر الغالي ..
لازم ابعد واعلن توبه ..
ياخ بريدك وأحمد سيدك ...
كونك كون من خلطه عجيبه . .
رقه وزوق ومآثر طبعك ...
ولي عينيك الدنيا بسيبا ...
يامه زرعت الريد في دربك ...
والاشواق نبتت يادوبه ...
فيكي جمال ببكفي الدنيا ..
.وكل حنان الدنيا وطيبه ...
وكوني انا اول ريد في قلبك ...
وكونك واحه نديه رطيبه ...
في وجدانك عامره محبه ...
وجوز احداقك أسكت سيبا ...
وين ما اروح بتكوني معايا ...
جوه حنايا الروح ماشيبه ...
ويوم صادفتك كان يوم سعدي ...
والأحزان بدأت تذويبه ...
وبيكي عرفتا انا طعم الفرحه ..
وين ما تاهت نمشي نجيبه ...
بس ما تزعل وانتا الغالي ..ي
ا أنفاس الروح ولهيبه ...
لو شغلتني مشاغل عنك ..
ما ينتابك شك او ريبه ..
انك فيني دوام اغنيه ..
في خفقات الروح مكتوبه ...
وانتي الأغلى دوام يا روحي ..
وانك ديمه أعز حبيبه ..
ياخ لقيتك في تكويني ..
وجوه مسام الروح منصوبه ...
شايلك للأحزان تعويذه ..
وبسمه تزيل مني التقطيبه ..
وآسف جدا تاني بقولها ..
ومليون آسف يا المحبوبه ..
وحاجه بتجرح خاطر الغالي ..ب
قلع عنها واعلن توبه ..



* ملحوظه : اختيار اسم النص كان بواسطة أساسي الأساسي ..فله مني كل الشكر ...وعلي فكره انا اكتشفت في السماني ده مواهب مضيعه ..وهو زول ما ساهل بس دقس دقسة عمرو لامن اختار يشجع الدلاقين ... وغلطة الكر بي عشره ...ههههه