الموقع المعجزة...AMAZON.COM

OKRA POWDER الويكة الكيلو ب60 دولار و الSHIPPING FEES بكلف 9 دولار
دقيق الدخن 7 دولار وحاجة مع الSHIPPING AND HANDLINGبكلف 11 دولار
دقيق الذرة أو الفيتريتة موجود
أي شئ بالبحث في الكارثة الإسمها أمازون دي موجودة
لي قرابة الشهر بشتري منو ..وكلها يوم يومين يجيبو لي الحاجة من أقاصي الدنيا
و يطرق طارقهم جرس الشقة و أستلمها في أمن و أمان
و لمن أكون مافيش ألقي الكرتونة راجياني جنب مكان البريد بتاعنا في البناية التي أسكن بها
يعني تاني حكاية أنتظر حاجة زينب ترسل لي ويكة ولا أبري لرمضان من الكلاكلة ما أظنها تحصل
أنا متأكد أنو ناس أمازون ديل عندهم أبري بس ما عارف أبحث عنو كيف؟؟؟ههههه
بالمناسبة توجد به حنة من شتي الأنواع وسعوط يعني الناس الكييفين يشتري التباكو و يمطروا طواالي

كل ما أمشي السوق هنا أسمع الزبائن يسألوا البياعين بسؤال متكرر DO YOU PRICE MATCH AMAZON DOT COM???
ياخي أمازون ده أذي ناس السوق أذية هنا
أنا متأكد الشركة دي كلها بتكون عبارة عن مخازن وهناكر و أمين مخزن بستخدم الكومبيوتر
يجيه الORDER بعرف الحاجة في ياتو جحر أو ياتو AISLE
و يطبعها بالطابعة بتاعتو و يختها في السير عشان تمشي محل التغليف
و أكيد منها للSHIPMENT
البتاع ده حيلحق الRETAILERS أمات طه

السرعة و BEST PRICES
COMPARE DIFFERENT COMPANIES
و بعدين لمن تشتري منو حاجة بجيك إعلان بحاجات بتشبها
مثلا لو إشتريت PRODUCTبجيبو ليك خاجات RELATED للمنتج
يعني مثلا إشتريت زيوت عطرية
يقوموا يجيبوا ليك عرض لمباخر و أنواع مختلفة من أنواع البخور
شوف عيني اللبان الجاوي والمرةMERRAH
و الصندل و بخورنا السوداني
بتخيل لي لو الواحد دقق كل أنواع الكبرتة والدلكة ممكن تتلقي
الناس ديل ما شاء الله أخطبوط و عندهم لبن الطير

سيف اليزل برعي البدوي سلام،
ياخي ده موضوع جد جميل ولو أنه جاء متأخرا،
يعني على بال الآبري ما يصل تكون العشر الأواخر دخلت،
هههههههه
المهم ناس الموقع ديل فعلا سريعين و اسعارهم رخيصة،
قبل سنة طلبت كتاب منهم وجاءني في حوالي ال 10 أيام أو اقل.
حاول نزل لينا مسميات البيت السوداني الموجودة في الموقع هنا،
وكدي شوف لينا مراكيب نيالا عندهم بكم!
هههههه
على فكرة ، و للجادين فقط...
ممكن تعمل حساب كبائع...
تشتري وتبيع في ذات الموقع
تحياتي وتقديري

و عليكم السلام أخونا قصي نورت البوست و رمضان كريم
تعرف يا قصي هنا الشحن بصلنا سريع ما شاء الله
يعني الآبري ده يوم تلاتة رمضان بإذن الله بكون هنا هههه
أثناء بحثي وجدت Sudanese Perfumes
ما قدرت أرزها شئ بخاخات وحاجات تانية
البتاع ده داير حفر I NEED TO DIG DEEP
بالنسبة للمراكيب جاري البحث و الله الجلابية موجودة والدنيا صيف هنا
المركوب مع الجلابية يوم العيد بيكون روعة

Quote: على فكرة ، و للجادين فقط... ممكن تعمل حساب كبائع... تشتري وتبيع في ذات الموقع

عشان كده عندهم المعدوم في سوق الخرطوم
تعرف أنا جيت للموقع بالصدفة بحثا عن حروف عربية شفافة ولاصقة
للكيبورد بتاعي
ومنها دلفت لهذا العالم الغريب الملئ بالسلع والبضائع
و الذي أظنه حيقد جيبي قريبا هههه
لك كل التقدير ونواصل البحث في مجاهل غابات الأمازون
رئة العالم

رمضان كريم على الجميع،
وما تنسى تزور معاك ديل:
http://www.ebay.com/
سوق منافس بقوة.

epay ده فكرتي عنو بسيطة ما عارف بتخيل لي امازون more reliable than epay
يا زول الحكاية فيها تدخل رقم بطاقتك الائتمانية و كل خوفنا من الهكر
كل مافي امازون عايز الزول يمحص في المنتج العايز يشتريه كويس و يقارن ويقرا
امازون فكرة عبقرية وبزنس قوي جدا وفيه اي شئ
مفروض نلج هذا العالم ونعرض منتجاتنا السودانية و نتعلم
كيف نعمل فلوس من المنزل how to make bucks from home
العالم يتغير بسرعة و تسود التجارة الاليكترونية الآن e-commerce
فلابد من التفكير و البدء في العمل

المسألة دي ممكنة:

Quote: كيف نعمل فلوس من المنزل how to make bucks from home

ولكن كل شركة حقيقة لها شركات نصب عديدة وهمية موازية لها في كل شئ، سوى الواقع،
والشقي من يقع في الوهمية!

Quote: شركة أمازون دوت كوم (بالإنجليزية: amazon.com) المحدودة هي شركة أمريكية متعددة الجنسيات متخصصة في تجارة الإلكترونيات. مقرها يقع في سياتل في ولاية واشنطن، وهي تعتبر أكبر شركة للبيع على الإنترنت, مع ما يقرب من ثلاثة أضعاف عائدات المبيعات على الأنترنت بالمقارنة مع منافستها "ستابلز", وهي شركة محدودة جيف بيزوس أسس شركة Amazon.com المحدودة في عام 1994 وأطلقها على الإنترنت في عام 1995. كما أنها بدأت على الإنترنت لبيع الكتب ولكن سرعان ما وسعت نشاطها لخطوط إنتاج VHS، وقرص الفيديو الرقمي واسطوانات الموسيقى ال(MP3)، وبرامج الحاسوب، والعاب الفيديو, والإلكترونيات, والملابس, والأثاث, والطعام والالعاب والمستندات،والمواد الغذائية,وقطع غيار السيارات , والكماليات ... الخ. وأنشأت الأمازون مواقع إلكترونية مستقلة في كندا، والمملكة المتحدة ،و ألمانيا، وفرنسا، والصين، واليابان. وتمد أيضا العديد من البلاد ببعض منتجاتها عن طريق الشحن الدولي

http://www.youtube.com/watch?v=KpOWH2soyGI

شكرا سيف
يعني لو عاوزين اي شي بجيبو لينا .. تركين مثلا

بخصوص الهواتف المحمولة المعروضة هل تتوافق مع مؤسسات الاتصالات خارج امريكا

ورمضان كريم

سيف اليزل لك كل التحايا
الغريبة الاسعار في الامازون ارخص من المولات الكبيرة امثال may'cs و Sears وبتذكر في السنة الفاتت اوصاني احد الاخوة بشراء عطر اسمه boucher وجدته في maycs ب 125 دولار وفي الانازون ب 37 دولار وانصح اي زول عايز قطع غيار جديد او مستعمل او عطر او ملابس او اي شئ يتجه لامازون دون تردد وايضا عندهم فرصة ارجاع المشتروات واسترداد القيمة وحتي الادوية موجودة

زبون دائم منذ بداية تآسيسه
وشعار امزون بديك فكرة كامله من غير شرح
Amazon
حيث هناك سهم من حرف A الي z
يعني زي ما بنقول عندنا كل شي من الألف للياء
هنا هم بقولو عندهم كل شي من الأي الي الزد
......
الموقع تطور جدا وكلو في اتجاه توصيل البضاعة بسرعة وذلك عن طريق مراكز التخزين القريبة من المشتري
...
عند الشراء بتجد اختلاف في السعر ودايما بعتمد علي مكان البضاعة ودائما بتحاشا البضاعة الالكترونية من الدول الشرقية بالرغم اسعارا رخيصة
......
ممكن تعرف مكان البائع او المكان البتتشحن منو البضاعة
.....
اما سرعة التوصيل اذا كان البضاعة تبع امزون او مدعومة بامزون فهنا بتصلنا تاني يوم


امزون عالم جميل
وبين امزون وايبي لا ازكر اخر مرة مشيت السوق اشتري لي حاجة غير اكل

ولكم التحية

تعرف يا ابو السيوف امزون عالم عجيب ممكن تشتري صابون الحمام من كريستين ديور فى فرنسا والغريبة حتى الشاف والطلح عندهم وطبعآ التجارة عبر النت تطورت كثير ويمكن لاي حد يفتح دكان مع امزون وهم بياتو ويشيلو منك البضاعة ويوسوقوها بطريقتهم الخاصة

أولا أشكركم لمداخلاتكم التي وسعت الرؤية كثيرا و رمضان كريم
يا أبو السيوف ما بنسي إنو الحروف العربية الأولي رسلتها لي انت من كالفورنيا و كانت بها بداياتي في هذا المنبر
و الوكت دااك كنت برلوم جديد في امريكا لا بعرف امازون ولا اتجاهو بوين ؟
بعدين بصراحة عندي فكرة افتح لي معاهم كنتين هههه
نجيب مراكيب و عصايان ابنوس وسعوط و دلكة و اباريق
عايزين نلحق مولدهم ده
بديك تلفون لمعرفة تفاصيل اكتر

تحياتي سيف اليزل

دهشت لأنك أوردت موضوع الويكة، أنا أكتشفتها قبل زمن طويل ولم يتح لي تجربتها لأنه في كل مرة ينفذ فيها مخزوني وقبل أن ألجأ للأمازون يأتيني مدد غير متوقع، فهل جربتها أنت ؟ حسبما أذكر مصدرها إحدى دول أمريكا الجنوبية! ويخيل لي إنو كيلو ويكة كمية ضخمة لأن الويكة خفيفة الوزن جدا! أرجو أن تفيدنا بالتفاصيل!

سيف سلامات كتااار
كل عام وانت بخير تصوم وتفطر على خير
والله امزون موقع ممتاز كتير بتعامل معاهم كتير والله


خارج النص



قبل كم يوم فى موقع فى الفيس بتعرض فيه الحاجات العاوز تبيعها فادخل سوداني بسال عن اطباق رومى وجوليت هههههههه
وعرض الصورة دى





قلت ليه الاطباق دى عندنا فى البيت كتاااار امى جابوهم ليها هداية فى عرسها ومحتفظبيها فى 3 اوليونت التقول حا تفتح مطعم هههههه

قال لى خلاص جيبهم السودان بشرى الطبق الواحد بى 3 الف اى 3 مليون قديم
قلت ليه بتعمل بيهم شنو رفض يورينى

عندك فكرة عن الموضوع دا

حقيقة هذه الايام هناك سوق خفية لهذه الأطباق التي بها صورة ( روميو وجوليت )
بالإضافة للمكواة ماركة ( أبو ديك)
وكذلك ماكينة خياطة ماركة (سينجر) والرتينة أيضا ...

Quote: والغريبة حتى الشاف والطلح عندهم

دي جديدة علي يا ابو السيوف ديل رهيبين

يا ود الحاج سلام و رمضان كريم
معليش الويكة أنا ما جربتها للآن لأن مخزوني من الويكة السودانية ما زال موجودا..
و فعلا الكيلو حاجة كبيرة و شكرا للتنبيه لذلك.

لك خالص الود

أمازون تدرس الbehavior بتاع الزبائن..
سهولة التعامل مع موقعهم له فعل السحر إذ أن الثانية تخسرهم زبونا
ناس أمازون عايزين يعملوا طائرات drone الطائرة بدون طيار للتوزيع في المناطق النائية
و عشان السرعة في التوصيل
أمازون أيضا أطلقت تلفونها الذكي كما رأيتها في الدعاية
تقريبا سعره 199 تقريبا
أمازون تسوق و تبيع للشركات أكثر من ما تبيعه الشركات نفسها
اليوم فتحت قناة الcnbc وشفت مقارهم العملاقة فدهشت
عمالهم شغالين مثل الروبوتات ..
البرنامج إسمه Amazon Rising
الرابط أدناه عن الاسمارت فون بتاعهم:
http://www.amazon.com/gp/product/ref=pe_942290_120050020_pe_a_hero/B00EOE0WKQ

http://www.youtube.com/watch?v=Le46ERPMlWU

http://www.youtube.com/watch?v=WRrxOfgwFyw