Post: #1
Title: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-26-2014, 06:32 AM
Parent: #0
هاشم صديق في احدث قصيدة ( ساخرة ساخطة )
هضربات قسرية
كتبها لاستاذ هاشم صديق في 24 يونيو 2014
تلقي (خرابة )
ما تلقي ( الوطني )
تلقي ( الوطني )
ما تلقي ( خرابة )
تتلفت حاير
تلقي ( الشعبي )
جادع إيدو
ويقلّب صُلبو
تقول لي روحك
أريت ( الشعبي )
( ده ود التابا ) .
.................
البلد إتلحست
محل ما تقبّل
تلقي ( النقة )
محل ما تعاين
تلقي حرابة
ومسطول في الشارع
يهتف ويصرخ
- فكيتو الصادق
فكو الموية .
فكيتو الصادق
إعتقلو السوق
ماعندو ( فرامل )
أو طايوق
جاري عجاجو
تقول كترابة .
أدونا رغيفة
أو تعريفة
أو خلونا
نخش الغابة
نصبح نحنا
( نوير ) أو (دينكا)
وانتو تكونو
ديوش جلاّبة
للوصول للنص الكامل علي صفحات موقع الاستاذ هاشم صديق
http://hashimsiddik.com/portal/
او علي مكتبته بمكتبة الأغنية السودانية
http://www.sudanesesongs.net/index.php?act=idx
|
Post: #2
Title: Re: نصبح نحنا ( نوير ) أو (دينكا) وانتو تكونو ديوش جلاّبة - هاشم صديق
Author: يحي قباني
Date: 06-26-2014, 06:45 AM
Parent: #1
قصيدة من واقع الحال المُرْ
|
Post: #3
Title: Re: نصبح نحنا ( نوير ) أو (دينكا) وانتو تكونو ديوش جلاّبة - هاشم صديق
Author: يحي قباني
Date: 06-26-2014, 06:48 AM
Parent: #2
فكيتو الصادق
فكو إيدينا
مما جيتو
لعبتو وجُطو
و ( بشبش ) ( جوكر)
في الكوتشينة
محل ما نقبلّ
نلقي حرامي
محل ما نعاين
نلقي إضينة
حرقتو قَمِحْنَا
شلتو سَمِحْنَا
وجبتو الشينة
إسلامكم كافر
فضايح جُملة
بتملا دفاتر
سويتو بلدنا
مجاعة ومِحنْة .
كلام عجيـــــــــــــــــــــــــــــــــــــــــــــــــــــــــــــــــب
|
Post: #4
Title: Re: نصبح نحنا ( نوير ) أو (دينكا) وانتو تكونو ديوش جلاّبة - هاشم صديق
Author: يحي قباني
Date: 06-26-2014, 07:07 AM
Parent: #3
تتلفت حاير
تلقي ( الشعبي )
جادع إيدو
ويقلّب صُلبو
تقول لي روحك
أريت ( الشعبي )
( ده ود التابا ) .
بس ياهو !!!
|
Post: #5
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: Osman M Salih
Date: 06-26-2014, 07:28 AM
Parent: #1
الأستاذ الفاضل يحى قباني،
السلام عليك.
لا أحسب أن العارفين بشعر الأستاذ هاشم صديق بحاجة إلى كثير من التمحيص لهذه الكتابة المنسوبة إليه للارتياب في صحة هذه النسبة.
الراجح عندي أنها مدسوسة لغرض خبيث. وإذا صحت النسبة وهو مالا أتمناه فهي الطامة الكبرى أن يختم الأستاذ هاشم صديق مسيرته
الشعرية بمثل هذه الكتابة. وشكراً.
|
Post: #6
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: محمد مدني
Date: 06-26-2014, 12:54 PM
Parent: #5
تحية طيبة أستاذ قباني:
Quote: تلقي خرابة
ما تلقي الوطني
تلقي الوطني
ما تلقي خرابة
تتلفت حاير
تلقي الشعبي
جادع إيدو
ويقلّب صُلبو
.............
نصبح نحنا
نوير أو دينكا
وانتو تكونو
ديوش جلاّبة
|
هاشم صديق الواحد ده؟؟؟؟؟؟؟؟!!!!!!!!
|
Post: #7
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-26-2014, 01:44 PM
Parent: #6
Quote: الأستاذ الفاضل يحى قباني،
السلام عليك.
لا أحسب أن العارفين بشعر الأستاذ هاشم صديق بحاجة إلى كثير من التمحيص لهذه الكتابة المنسوبة إليه للارتياب في صحة هذه النسبة.
الراجح عندي أنها مدسوسة لغرض خبيث. وإذا صحت النسبة وهو مالا أتمناه فهي الطامة الكبرى أن يختم الأستاذ هاشم صديق مسيرته
الشعرية بمثل هذه الكتابة. وشكراً. |
و عليك السلام اخي محمد صالح ...
افترضت يا عزيزي ان القصيده منسوبه الي استاذنا هاشم ...
لان من وجهة نظرك انها الطامة الكبري ان يختم بها مسيرته ؟
تُري لماذا صادرت حقه في السخط و الإحباط من واقع الحال في البلد؟
اليس هاشم صديق بشر ... وفرد من افراد الشعب يعاني و يُحبط و يسخط؟
و افترضت انه يختم مسيرته؟
من قال ذلك؟ ...هاشم صديق ما زال يعطي و يكتب ...
و كتم انفاسه لا يعني و لن يعني نهايته ...
___________________________
نقطة اخيره ...
انت ايضاً بما اتيت به وضعتني في مصاف من ( يغرف ) من النت و يأتي ( جارياً ) بشئ لا يعرف صحته !!!
اجحفت في حكمك علي ... فأنا يا سيدي تأتيني القصائد من الاستاذ هاشم مباشرة و انا من يقوم بنشرها علي موقعه
و موقع الاستاذ هاشم صديق ترعاه مكتبة الاغنية السودانية و نحن من انشأناه حباً و عرفانا بما قدمه و سيقدمه استاذنا هاشم صديق ...
|
Post: #8
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-26-2014, 01:49 PM
Parent: #7
| Quote: هاشم صديق الواحد ده؟؟؟؟؟؟؟؟!!!!!!!! |
سلامات محمد مدني ...
نعم الوااااحد ده ... :)
هاشم مافي منه اتنين ...
يعني يا محمد نقول ليهو بالله القي ليك برج عاجي بعيد من الواقع ....
و انسي التقتيل و البطش و الارهاب ...
و ما تكون مُحبط او ساخط او حزين من واقع الحال ...
و ما تكتب لينا الا جنس
ياريتني لو اقدر اقول فيك الكلام الما انكتب ...
|
Post: #9
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: خالد العبيد
Date: 06-26-2014, 02:09 PM
Parent: #8
فكيتو الصادق
فكو إيدينا
مما جيتو
لعبتو وجُطو
و ( بشبش ) ( جوكر)
في الكوتشينة
محل ما نقبلّ
نلقي حرامي
محل ما نعاين
نلقي إضينة
حرقتو قَمِحْنَا
شلتو سَمِحْنَا
وجبتو الشينة
إسلامكم كافر
فضايح جُملة
بتملا دفاتر
سويتو بلدنا
مجاعة ومِحنْة .
--------------------------------------
شكرا قباني على جديد هاشم المبدع انيق العبارة
|
Post: #10
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-26-2014, 02:39 PM
Parent: #9
| Quote: شكرا قباني على جديد هاشم المبدع انيق العبارة |
تحياتي يا ود العبيد ...
و الله يدي استاذنا الجميل الصحة و العافية ...
كلمات كتبها يا خالد هاشم صديق ...
و كتبها في اهداءه لي المجموعة الشعرية الكاملة الاولي و قال :
أطول من السور القلم
تعظيم سلام للكلمة لي ابل القصايد
للحروف الما تسبّح للمكوك
لي كل و الي أكان ظلم
تلك الكلمات يا خالد لا تفارقني ابداً ...
|
Post: #11
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: احمد الامين احمد
Date: 06-26-2014, 02:47 PM
Parent: #10
أجمل وأعمق مافى قصيدة هاشم هو أنه ( خت ) ( الوطنى ) و ( الشعبى ) فى (حتة واحدة )
خاصة أن الكثير جدا من (المعاردين ) ظنوا أن ( الوطنى ) و ( الشعبى ( فى حتتين مختلفتين ) حين إنخدعوا بتحول ( الشعبى ) إلى ( المعاردة ) بعد أن (زعل) الترابى من ناس على عثمان وفرز كومو
هاشم صديق شاعر عميق جدا يكتب بذاكرة ثورية شفافة ودقيقة جدا لذا لا (ينغش ) بإختلاف مسمين هما فى الأصل ( بطيخة مفقوشة ) هما (الوطنى ) و ( الشعبى )
وصدق هاشم حين قال :
لقي (خرابة )
ما تلقي ( الوطني )
تلقي ( الوطني )
ما تلقي ( خرابة )
تتلفت حاير
تلقي ( الشعبي )
جادع إيدو
ويقلّب صُلبو
تقول لي روحك
أريت ( الشعبي )
( ده ود التابا )
***
سلام قبانى .
والفين سلام لهاشم صديق.
ولنخل الفريق .
|
Post: #12
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: muntasir
Date: 06-26-2014, 02:50 PM
Parent: #11
هضربات قسرية
هاشم صديق
****
تلقي (خرابة )
ما تلقي ( الوطني )
تلقي ( الوطني )
ما تلقي ( خرابة )
تتلفت حاير
تلقي ( الشعبي )
جادع إيدو
ويقلّب صُلبو
تقول لي روحك
أريت ( الشعبي )
( ده ود التابا ) .
.................
البلد إتلحست
محل ما تقبّل
تلقي ( النقة )
محل ما تعاين
تلقي حرابة
ومسطول في الشارع
يهتف ويصرخ
- فكيتو الصادق
فكو الموية .
فكيتو الصادق
إعتقلو السوق
ماعندو ( فرامل )
أو طايوق
جاري عجاجو
تقول كترابة .
أدونا رغيفة
أو تعريفة
أو خلونا
نخش الغابة
نصبح نحنا
( نوير ) أو (دينكا)
وانتو تكونو
ديوش جلاّبة
..............
فكيتو الصادق
فكو إيدينا
مما جيتو
لعبتو وجُطو
و ( بشبش ) ( جوكر)
في الكوتشينة
محل ما نقبلّ
نلقي حرامي
محل ما نعاين
نلقي إضينة
حرقتو قَمِحْنَا
شلتو سَمِحْنَا
وجبتو الشينة
إسلامكم كافر
فضايح جُملة
بتملا دفاتر
سويتو بلدنا
مجاعة ومِحنْة .
...............
البلد إتلحست
جنت وبركت
سياسة نخاسة
الثروة انبرشت
دخلت وسكنت
جيب الخاصة
والشعب تعيس
يجري يناهد
ما وصل الميس
ماهية حول
ما فاتت فول
أو ( عيش )
في كيس
أحلامنا بهية
نصحا نلاقي
عروس الثورة
هي ( بت ابليس )
...............
الدنيا إتماصت
جنت وطشت
( الفن إتلجن )
الوطن إتمحن
لا فن
لا كورة
( فنان الثورة )
صِبِح ( ماسورة )
والحرية
قصية عصية
ريحة شية
لا تضوق لا تشوفها
لا تحلف صادق
شفت خروفها
( حوار الوثبة )
شمار في مرقة
وعجين
لي ( كِسرة )
ما بعمل طَرقة .
..................
فكيتو الصادق
فكو حصارنا
أدونا إذن
لهتاف
أو مرْقة
كفاية كضب
وغباش ولعب
( الوثبة ) وهم
سيفا خشب
( حصانها حمار )
ووعدوها شمار
وغباشها الدرقة .
.................
مليون شاعر
وما مرقت زفة
مليون خُطبة
ولا خاطر رفّ
جوادنا يبرطع
وما شاف اللفة
السُلطة عقيمة
ربع القرن
وما جاتا ( الدورة )
الفين ( جيفارا )
ولا كبر شارع
لا انفجرت حارة
لا ( هبت ثورة )
...............
مليون ( لبوة )
رافعات كرعينن
للمال والسُلطة
والليل متمحن
في ( (.........) )
أُسطي
دعارة شطارة
وعريانة ( الضروة )
سبحان الدايم
شعار الدولة
الدين والتقوي
و ( لباس ) الوالي
ما غطي العورة .
................
البلد اتلحست
طشت وجنت
محصولنا الرسمي
الغُنا و ( الرَهَزي )
وفي رمضان .
لو ترفع طوبة
أو تدخل فجأة
حصير راكوبة
تلقي مقنقن
( ود فنان ) .
.............
محصولنا الرسمي
غُنا رمضان
( قناة كاكومة )
( قناة كركوبة )
( قناة كتلونا )
( قناة مرضونا )
غُنا وألحان
بالكوم وأطنان
برامج تهرج
والكل تيمان .
...............
و( قناة برجوبة )
مذيعة السهرة
( حاجة عجّوبة )
وضيف الحلقة
دكتور ( راكوبة )
معاهو مُغني
( لؤي ود هوبة ) .
دراما الشاشة
مسيخة عواره
بعد ما مشينا
وقلنا وصلنا
رجعنا نترتر
وقعدنا بركنا
لا فن
لا بصاره
دراما غبية
لا بتهبش هم
لا بتروي قضية
تورجِق وتشخُر
تقول حنفية .
يا حليل المسرح
والحرية
هموم الأمة
والثورية .
..............
تلقي ( خرابة )
ما تلقي ( الوطني )
تلقي ( الوطني )
ما تلقي ( خرابة )
تتلفت حاير
تلقي ( الشعبي )
جادع ءايدو
ويقلّب صُلبو
تقول لي روحك
أريت ( الشعبي )
( ده ود التابا ) .
..................
البلد اتلحست
محل ما تقبلّ
تلقي ( النقة )
محل ما تعاين
تلقي حرابة .
ومسطول في الشارع
يهتف ويصرخ
- فكيتو الصادق
فكو الموية
فكيتو الصادق
إعتقلو السوق
ما عندو ( فرامل )
أو طايوق
جاري عجاجو
تقول كترابة .
................
أدونا رغيفة
أو تعريفة
أو خلونا
نخش الغابة
نصبح نحنا
( نوير ) أو( دينكا )
وانتو تكونو
ديوش جلابة .
______________________
24 يونيو 2014
|
Post: #17
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-27-2014, 04:21 AM
Parent: #11
Quote: أجمل وأعمق مافى قصيدة هاشم هو أنه ( خت ) ( الوطنى ) و ( الشعبى ) فى (حتة واحدة )
خاصة أن الكثير جدا من (المعاردين ) ظنوا أن ( الوطنى ) و ( الشعبى ( فى حتتين مختلفتين ) حين إنخدعوا بتحول ( الشعبى ) إلى ( المعاردة ) بعد أن (زعل) الترابى من ناس على عثمان وفرز كومو
هاشم صديق شاعر عميق جدا يكتب بذاكرة ثورية شفافة ودقيقة جدا لذا لا (ينغش ) بإختلاف مسمين هما فى الأصل ( بطيخة مفقوشة ) هما (الوطنى ) و ( الشعبى )
سلام قبانى .
والفين سلام لهاشم صديق.
ولنخل الفريق .
|
صديقي الجميل احمد الامين ...
هاشم صديق يحس بنبض الوطن ...
ترك اغاراءات البعد عن السودان و الهَمْ ...
و فضل عليها ضُل شجرة النيمة و تربيزة الحديد و فروخ الفلوسكاب في بيتهم في بانت ...
التحية له في صبحه و مساه ...
|
Post: #13
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: Osman M Salih
Date: 06-26-2014, 05:53 PM
Parent: #7
الأستاذ الفاضل يحى قبّاني،
أحيّيك مجدّداًً. وأرجو أن تجد لي العذر إن مسّك تعليقي الأول بضر لم أتعمّده، فحتّى الساعة التي وقفت فيها على توضيحك، لم يكن لي علم بأنّك من يقوم ببسط أعمال الأستاذ هاشم صديق في موقعه على الإنترنت
أمّا فيما يتصل بالعمل مثار التعليق ، فقد هالتني منه صور يصعب الإشارة إليها إلّا تلميحاً تدركه بلاشك فطنة القرّاء، حتّى خامرتني الشكوك في صحة نسبته هذا "الشعر" الذي يحطّ بنا على ماهو أدنى من السفح، بدلاً من أن "يطلقنا في صحو الآفاق " في عبارة موفقة للدكتور عبد الله علي إبراهيم، لهاشم صديق بجماناته الشعرية الخالدة .
|
Post: #14
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: عبدالرحمن عزّاز
Date: 06-26-2014, 07:00 PM
Parent: #13
باشمهندس قبانى و ضيوفك الكرام
تحياتى ..
أجد نفسى متفقاً مع تعليق الأستاذ عثمان محمد صالح لحد كبير جداً
Quote: تلقي ( خرابة )
ما تلقي ( الوطني )
تلقي ( الوطني )
ما تلقي ( خرابة ) |
الكلام فى المقتبس أعلاه ذكرنى ببوست شهير للأديب محسن خالد بعنوان
الأمثال السرية ..
فبعد ما علق بالذاكرة الجمعية للناس عن الأستاذ هاشم صديق و شعره المحفور فى الوجدان
القصيدة لا تشبهه و لو أنّه كاتبها ..
مع الوّد و التقدير
|
Post: #15
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: Abu Baker Ahmed Abdel Rahman
Date: 06-26-2014, 08:45 PM
Parent: #14
Quote: تلقي (خرابة )
ما تلقي ( الوطني )
تلقي ( الوطني )
ما تلقي ( خرابة ) |
| Quote: القصيدة لا تشبهه و لو أنّه كاتبها .. |
|
Post: #18
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-27-2014, 04:28 AM
Parent: #14
Quote: اشمهندس قبانى و ضيوفك الكرام
تحياتى ..
أجد نفسى متفقاً مع تعليق الأستاذ عثمان محمد صالح لحد كبير جداً |
كامل احترامي أخي عبدالرحمن عزّاز ...
Quote: فبعد ما علق بالذاكرة الجمعية للناس عن الأستاذ هاشم صديق و شعره المحفور فى الوجدان
القصيدة لا تشبهه و لو أنّه كاتبها .. |
و مازال عالقاً بالذاكرة ذلك الزمن الجميل و الذي بتنا نتحسر علي ضياعه في زمننا الموْحِل هذا ...
|
Post: #16
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-27-2014, 04:14 AM
Parent: #13
Quote: لأستاذ الفاضل يحى قبّاني،
أحيّيك مجدّداًً. وأرجو أن تجد لي العذر إن مسّك تعليقي الأول بضر لم أتعمّده، فحتّى الساعة التي وقفت فيها على توضيحك، لم يكن لي علم بأنّك من يقوم ببسط أعمال الأستاذ هاشم صديق في موقعه على الإنترنت
أمّا فيما يتصل بالعمل مثار التعليق ، فقد هالتني منه صور يصعب الإشارة إليها إلّا تلميحاً تدركه بلاشك فطنة القرّاء، حتّى خامرتني الشكوك في صحة نسبته هذا "الشعر" الذي يحطّ بنا على ماهو أدنى من السفح، بدلاً من أن "يطلقنا في صحو الآفاق " في عبارة موفقة للدكتور عبد الله علي إبراهيم، لهاشم صديق بجماناته الشعرية الخالدة . |
ليس ما يستدعي العذر و الاعتذار يا عزيزي ... فلم يترك اهل الكوبي و البيست و الواتسآب مجال للناس لتصدق او تكذب ...
لك رأيك بلا شك احترمه في نص القصيدة ... و لكني اعتقد ان القصيدة اعمق في معناها من مجرد كلمات قد لاتشبة شاعر الملحمة ...
ولكن هاشم يخاطب مواطن اليوم و ليس مواطن اكتوبر ...
و هي لغة اليوم يا صديقي ... و ليست لغة اكتوبر ...
|
Post: #19
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: Tragie Mustafa
Date: 06-27-2014, 04:37 AM
Parent: #16
الفاصل يحي قباني
التحيه لك وللمبدع هاشم صديق
وفعلا صدق في كل كلمه كتبها وهي انه :
وفعلا البلد اتلحست لم تعد هنالك بلد !!
وقد وفقت انت ايضا جدا في هذا الرد
Quote:
هاشم يخاطب مواطن اليوم و ليس مواطن اكتوبر ...
و هي لغة اليوم يا صديقي ... و ليست لغة اكتوبر ... |
وكثر خيره فعلا المبدع هاشم صديق انه طور لغته بحيث يفهمها شباب هذأ الجيل.
والذي حقيقة يتحدث لغة اخري لا نجيدها ولا نفهمها.
التحيه له ولي عوده للتعليق علي مقاطع اخري هبش فيها الواقع المر بامانه يحسد عليها.
|
Post: #20
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-27-2014, 06:15 AM
Parent: #19
Quote: وكثر خيره فعلا المبدع هاشم صديق انه طور لغته بحيث يفهمها شباب هذأ الجيل.
والذي حقيقة يتحدث لغة اخري لا نجيدها ولا نفهمها.
التحيه له ولي عوده للتعليق علي مقاطع اخري هبش فيها الواقع المر بامانه يحسد عليها. |
تحياتي تراجي ...
حقيقة اصبح هناك قاموس لغوي جديد في السودان
نحن بعيدين منه و لا نفهمه ... وكأنها خطة مدروسة ضمن المشروع الحضاري ...
في انتظارك للتعليق علي بقية القصيدة ...
|
Post: #21
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: صلاح عباس فقير
Date: 06-27-2014, 07:10 AM
Parent: #19
قباني جمعة مباركة! هه
غايتو دي اتقطّع فيها:
التحايا لك وللأستاذ هاشم صديق!
|
Post: #23
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-27-2014, 02:40 PM
Parent: #21
Quote: قباني جمعة مباركة! هه
|
Likewise يا ود فقير هههه
Quote: غايتو دي اتقطّع فيها:
Quote: إسلامكم كافر
التحايا لك وللأستاذ هاشم صديق! |
بالجد كافر ... ما عندهم دين عديل كده !!!
|
Post: #22
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: محمد مجيدو
Date: 06-27-2014, 11:34 AM
Parent: #1
Quote: ولكن هاشم يخاطب مواطن اليوم و ليس مواطن اكتوبر ...
و هي لغة اليوم يا صديقي ... و ليست لغة اكتوبر ...
-----------------------------------------------------------------------------------------
فبعد ما علق بالذاكرة الجمعية للناس عن الأستاذ هاشم صديق و شعره المحفور فى الوجدان
القصيدة لا تشبهه و لو أنّه كاتبها ..
|
العزيز الاخ الفنان يحي قباني .. التحية لك ولضيوفك الكرام ..
من وجهة نظري الضيقة فان القصيده
في مجملها جيده ومعبره ....
واحس انها تعكس احباط شديد ينتاب الشاعر الرقيق لما آلت اليه الامور ..
الا انني اتحفظ على بعض المفردات التي لم نعتادها من الاستاذ هاشم صديق على مر تاريخه الطويل
مثل :---
عروس الثورة
هي ( بت ابليس )
مليون ( لبوه) )
رافعات كرعينن
للمال والسُلطة
والليل متمحن
في ( (.........) )
أُسطي
دعارة شطارة
وعريانة ( الضروة )
وبالذات مليون لبوة دي ما عجبتني .....
تقبل تحياتي التي تعرفها ......
|
Post: #24
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 06-28-2014, 05:17 PM
Parent: #22
تحياتي استاذي البديع هاشم صديق
|
Post: #25
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: Mohamed Yassin Khalifa
Date: 06-30-2014, 03:56 AM
Parent: #24
الشاعر (الحق) هو مراية المجتمع
هو المترجم لنبض الوجدان الإنساني
نحن في عهد السقوط الأخلاقي
نحن في زمن العهر السياسي
بل نحن لسنا بنحن
لكل زمان شاعر
ولكل أوان شعر
في عهد الوتسأب
نعبر بالتكست
ونلطم بالواي فاي
نعيب زماننا والعيب راكبنا
كلام ما محترم؟
في زمن لا يرحم؟
لا والله ده الكلام
وده الواقع بلا غتغتة
ده القالو لينا هاشم
فلعلنا نسمع
وإن سمعنا...
لعلنا نتحرك!
|
Post: #26
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: خالد العبيد
Date: 06-30-2014, 05:04 AM
Parent: #25
يا ناس انتو قريتو المتنبي !
ايوه المتنبي الوااااحد ده الاسمو احمد بن الحسين بن الحسن بن عبدالصمد الجعني ابوالطيب الكندي .. الكوفي المولد
علي اليمين يا يحي قباني عندي ليه قصيدة افكها هنا الا اخليهم ليك يعرفوا حاجة
على أي حال انتظروني بعد رمضان عشان تشوفو البذاءة شوف العين !!
ولو عايزنها هسة بفكها اصلو ما فارقه معاي .. بكري في اسبوعين جادع لي بوستين
واحد في مكتبتي والتاني في الخور
قصيدة المتنبي ما حا يعرف يوديها وين ..
وخليكم قراب
|
Post: #27
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: Siddig Elghali
Date: 06-30-2014, 05:25 AM
Parent: #26
يا قباني السلام عليك
شكرا لعرض قصائد هاشم صديق
أعتقد أن الناس الذين يحتجون عليه قصيدته بسبب هذا البيت
"أدونا رغيفة
أو تعريفة
أو خلونا
نخش الغابة
نصبح نحنا
( نوير ) أو( دينكا )
وانتو تكونو
ديوش جلابة ."
وأنتو تكونو ديوش جلابة هي سبب احتجاج بعض مناصري نظام الأبارتيد السوداني وكما أعلن فرفور انتمائه وحمله رتبة ضابط بجهاز الأمن والمخابرات الوطني ، أتمني من كثير من ضباط أمن المخابرات الوطني بالمنبر أن يكشفوا عن رتبهم العسكرية .
|
Post: #28
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: Tragie Mustafa
Date: 07-01-2014, 05:18 AM
Parent: #27
الفاضل يحي قباني
الجزء ده بالذات عجبني جدا….لانه مالم نقول الحقائق ما بنقدر نلقي العلاج!
Quote:
مليون ( لبوه) )
رافعات كرعينن
للمال والسُلطة
والليل متمحن
في ( (.........) )
أُسطي
دعارة شطارة
وعريانة ( الضروة )
|
ويا مجيدو تعدادنا السكاني قالوا 40 مليون
له لو اشار الشاعر لمليون….(لبوة) البزعلنا….شنو؟! فاكرها نسبه عاليه؟!
يبقي انتو الما عارفين حاجه عن حقيقة الحاصل.
والتحيه مره آخري للشاعر هاشم صديق.
وتذكروا بانه:
البلد اتلحست
فيها تحلقوها او ما تلحقوها
حنفضل ننظر عن مليون لبوة ولا هم ربع مليون؟!
|
Post: #29
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: Tragie Mustafa
Date: 07-01-2014, 05:39 AM
Parent: #28
حبيبنا المبدع قباني
عارف
ضحكته كثير حيث يبدو اني كامراه لا اعرف لغة (مصاطب استادات الكورة السودانيه ) و عالم الرجال لم افهم ماذا يعني في المقطع الاول
بس نقة الزملاء جعلتني افهم هههههههههههههههه !!
المهم
تحيه ثانيه لهاشم صديق بعد ما فهمنا
وما اعجبني بهذا المقطع ليس الاشاره لمثليتهم وانما وضعهم في سرج واحد ( الشعبي ) و (الوطني) سرج الخيانه الوطنيه
Quote:
تلقي (خرابة )
ما تلقي ( الوطني )
تلقي ( الوطني )
ما تلقي ( خرابة )
تتلفت حاير
تلقي ( الشعبي )
جادع إيدو
ويقلّب صُلبو
تقول لي روحك
أريت ( الشعبي )
( ده ود التابا ) . |
وفعلا اريته الشعبي ده ود التابا.
|
Post: #30
Title: Re: نصبح نحنا ( نوير ) أو ( دينكا ) وانتو تكونو ديوش جلاّبة - هاشم صديق
Author: يحي قباني
Date: 07-01-2014, 09:11 AM
Parent: #29
| Quote: ضحكته كثير حيث يبدو اني كامراه لا اعرف لغة (مصاطب استادات الكورة السودانيه ) و عالم الرجال لم افهم ماذا يعني في المقطع الاول |
تحياتي تراجي ...
هي ليست لغة استادات الكورة فحسب
بل هي لغة ذكورية سودانية بحتة موجودة منذ عهد الإنجليز
و الذين أتوا بتلك الأفعال للسودان ...
المشكل يا تراجي ان الأخوة نقاد القصيده مازالوا يصرون علي انها لا تشبه هاشم
و نسوا ان هاشم يمتلك ناصية أدواته الشعرية تماماً يعرف ماذا و متي يكتب
و القصيدة ان كانت تشبهه ام لا فلا يهمه ... ما يهمه هل هي تشبه الإنقاذ و عهده ام لا ؟
في اعتقادي انه نجح نجاحا كبيرا في ذلك
بدليل صداها ( الموجع ) ...
|
|