أجمل 100 أمرأة سودانية . . .

Post: #1
Title: أجمل 100 أمرأة سودانية . . .
Author: توفيق عيسى مكي
Date: 06-20-2014, 08:02 AM

المرأة السودانية جميلة بمعايير كثيرة جدا وطاعمة ومهضومة وذكية وواقعية وواعية جدا وتتمتع بالقيم الوسطية للجمال العام هذا سر تفردها

Post: #2
Title: Re: أجمل 100 أمرأة سودانية . . .
Author: توفيق عيسى مكي
Date: 06-20-2014, 08:05 AM
Parent: #1

تاجوج لحمل الرقم واحد

Post: #5
Title: Re: أجمل 100 أمرأة سودانية . . .
Author: توفيق عيسى مكي
Date: 06-20-2014, 08:12 AM
Parent: #2

وداد بابكر للرقم 2

Post: #3
Title: Re: أجمل 100 أمرأة سودانية . . .
Author: معاوية عبيد الصائم
Date: 06-20-2014, 08:08 AM
Parent: #1

هل سترد اسماء نساء من الضهارى والقرى وللا اعمل ليهم بوست منفصل ..طال عمرك ..
برضك الشورة مهمة

شكرا يا مواطن المركز

اخوكم فى السودان (الدرجات)
معاوية عبيد من نواحى ام الطيور غرب اتبرا ...

الا ب المناسبة ناس ام الطيور فى خرتومك رجعوا ...فضل واحد بس كايس ليهو ايسكريم يشترى ويرجع
ناسف لازعاجكم فى البندر

Post: #6
Title: Re: أجمل 100 أمرأة سودانية . . .
Author: توفيق عيسى مكي
Date: 06-20-2014, 08:23 AM
Parent: #3

يا معاوية بنات البنادر جمالهم مصنوع صناعة شئ عمليات وشئ حبوب وكريمات وحقن بت الضهاري القاعدة في البلد جمالها فطري واصلي وحلو

Post: #4
Title: Re: أجمل 100 أمرأة سودانية . . .
Author: Tragie Mustafa
Date: 06-20-2014, 08:10 AM
Parent: #1

LOL

يا توفيق بطل استهبال و هات من الاخر

هههههههههههههههه

حبوبتك صافيناز ما عارفه منو كده مش كده؟! هههههههه

وثاني؟!

اه نبدي من ناس الضهاري ولا انت انت حالق لينا اصلا؟!

بعدين بالمناسبه ما حنقدر ندلي بشهادات حقيقه لانه ده موضوع حساس

وعارف انه المرأه في نظر الكثيرين هي بعض ممتلكاتهم

ا
لكن نتابع معاك….ونشوف ناس الما ضهاري .ههههههههههه

Post: #7
Title: Re: أجمل 100 أمرأة سودانية . . .
Author: توفيق عيسى مكي
Date: 06-20-2014, 08:31 AM
Parent: #4

صافيناز هانم ملكة جمال الخرطوم زمان طبعا يا تراجي دي ما دايرة كلام يكفي انها انجبت السارة ام مؤسس الحركة الاسلامية ومؤسسة الحركة النسوية السودانية وأول يسارية سودانية

Post: #8
Title: Re: أجمل 100 أمرأة سودانية . . .
Author: Tragie Mustafa
Date: 06-20-2014, 08:47 AM
Parent: #4

وداد بابكر الله يسالك؟!

كدي جيب لينا تفاصيل اكثر

نحن ما ناس الكيس بالفيس !! ههههههههههه

ورينا الكوارع كيف عشان نحكم.

وبالمناسبه بثينه زوجة نميري كانت نخله ما ساهله.

Post: #9
Title: Re: أجمل 100 أمرأة سودانية . . .
Author: Tragie Mustafa
Date: 06-20-2014, 08:50 AM
Parent: #8

يا زول نبدأ بسيده حسن علي كرار
التي غنوا ليها ايام فصلها من جامعة الخرطوم

يا السيده لا فايتنا وين مستعجله

وماله العميد ماله ############ لو لخي ست الناس تعيد

و الجامعه بعدك كوم تراب ..و….و…..الخ.

عارف كان بحتنا حقيقي قد يتضح انه (سيده ذاتها)ست الاسم امراة متوسطة الجمال

لكن اولاد الضهاري مقطوعين الطاري ههههههه المتعودين علي الغبشه لقوا لك سيده بنت الخرطوم دي و قطعوا فيها القائد التاريخيه دي.

نحن غايتو لو تحدثنا عن ما نعرفه عن الشرق واهله المنبر ده بتقوم قيامته اخير نسكت.ههههههههههه.

Post: #10
Title: Re: أجمل 100 أمرأة سودانية . . .
Author: توفيق عيسى مكي
Date: 06-20-2014, 04:51 PM
Parent: #9

أوكي يا تراجي بثينة وسيده حسن

Post: #11
Title: Re: أجمل 100 أمرأة سودانية . . .
Author: توفيق عيسى مكي
Date: 06-20-2014, 04:55 PM
Parent: #10

الأستاذة الجميلة ليلى المغربي لها الرحمة

Post: #12
Title: Re: أجمل 100 أمرأة سودانية . . .
Author: اخلاص عبدالرحمن المشرف
Date: 06-20-2014, 06:38 PM
Parent: #11

السلام عليكم وما بنرجعك فاضي
....توفيق
...ذهب
...حامد شاش
....سوار. وقيل فيها تبت يد الحب وتب كلما قيل ...قلبي وثب
اختها وحبوبتها
بنات المغربي
حوش العمده كرم الله
حوش احمد الزبير
بنات السودان

Post: #13
Title: Re: أجمل 100 أمرأة سودانية . . .
Author: Halema2
Date: 06-20-2014, 06:52 PM
Parent: #12

Post: #14
Title: Re: أجمل 100 أمرأة سودانية . . .
Author: Deng
Date: 06-20-2014, 06:53 PM
Parent: #12

توفيق عيسى مكي

أختشي

بالمناسبة يعني شنو "طاعمة" ؟؟

Post: #15
Title: Re: أجمل 100 أمرأة سودانية . . .
Author: nour tawir
Date: 06-20-2014, 07:22 PM
Parent: #14

هاتوا مقاييسكم للجمال..
عشان ما يبقى بوست غربال ساكت..

Post: #16
Title: Re: دكتور عمر القراي و(التشتشة)
Author: اخلاص عبدالرحمن المشرف
Date: 06-20-2014, 07:53 PM
Parent: #15

الجمال شئ نسبي واجمل النساء جمال روحهن وقد يكون ذكاؤهن هما سبب شهرتهن , كم من امرأه عاديه في كل شئ الا انها تمتاز بالذكاء الانيق تتفوق علي كثيرات

Post: #17
Title: Re: دكتور عمر القراي و(التشتشة)
Author: اخلاص عبدالرحمن المشرف
Date: 06-20-2014, 09:23 PM
Parent: #16

البوست ده الظاهر ح يدوهو عين

Post: #18
Title: Re: دكتور عمر القراي و(التشتشة)
Author: Abu Baker Ahmed Abdel Rahman
Date: 06-20-2014, 09:24 PM
Parent: #16

النتقل ليك بوستيك شويه بى رائعة ابو امنة حامد

بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..

في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة..

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية..

عاشت في شعوري أحلى هدندوية
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة ..

لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو

Post: #20
Title: أجمل 100 امرأة سودانية
Author: خالد المبارك
Date: 06-20-2014, 09:50 PM
Parent: #18

ماهو مقياس الجمال عنوان البوست المقصود ؟
هل الجمال هو جمال الصورة ام جمال السيرة و السريرة
و هل اذا كان المقياس هو جمال الصورة فهل نحتكم الى مقاييس الجمال المتداولة في الاعلانات العالمية و مسابقات الجمال المابنعرف ليها راس من قعر دي ام ماذا

و هل جمال الصورة المقصود هو الجمال المسنود بالباتشات و التجيير و التلوين و التسمين و التنحيف و السيليكون و لا الجمال المالمس بدرة
و هل يصح لنا ان نميز ما بين صور الناس باعتبارهم مخلوقين و لا دخل لهم في ما ظهرت عليهم صورهم و هذا نوع من الاجحاف
اذا جاز لنا ان نوصف احداهن بان صورتها جميلة فهذا بالضرورة يجعل هناك واحد صورتها غير جميلة اي معيوبة و عندما نعايرها بعدم الجمال هل في هذه اللحظة نعيب الخالق ام المخلوق ؟؟؟
الجمال شئ نسبي
كل شخص جميل صورة و جميل لون و ما يميزهم هو اعمالهم و دواخلهم
فما تراه جميل ياه غيرك غير جميل لذلك لايمكن ان نميز الناس بصورهم
و كل ما يسمى بمسابقات الجمال تستند الى معايير غير اخلاقية و ليست كما تبدو لنا من الوهلة الاولى

كسرة

سمحة وسمرية
محبوبتي و لفتاته غزال
مستورة حال
بت سودانية
و لفتاته غزال

..

Post: #19
Title: Re: دكتور عمر القراي و(التشتشة)
Author: كمال الطيب الجميعابي
Date: 06-20-2014, 09:36 PM
Parent: #16

البطلات اللاتي أوردتم لاينطبق عليهن الطعومية والإنهضامة (من وجهة نظرى الشخصية)

Post: #21
Title: Re: دكتور عمر القراي و(التشتشة)
Author: اخلاص عبدالرحمن المشرف
Date: 06-20-2014, 09:51 PM
Parent: #19

اطلب مساعدة خبراء التكنولوجيا و ناس sameer Kokomo لماذا يظهر اسمي في كل العناوين الداخلين ومعه عمر القرائن والتشتشه

Post: #22
Title: Re: دكتور عمر القراي و(التشتشة)
Author: اخلاص عبدالرحمن المشرف
Date: 06-20-2014, 09:51 PM
Parent: #19

اطلب مساعدة خبراء التكنولوجيا و ناس sameer Kokomo لماذا يظهر اسمي في كل العناوين الداخلين ومعه عمر القرائن والتشتشه

Post: #23
Title: Re: دكتور عمر القراي و(التشتشة)
Author: توفيق عيسى مكي
Date: 06-20-2014, 11:18 PM
Parent: #22

يا صديقي دينق ....
بطل مساخة ...
وخليك حلو ...

Post: #24
Title: Re: دكتور عمر القراي و(التشتشة)
Author: توفيق عيسى مكي
Date: 06-20-2014, 11:29 PM
Parent: #23

شكرا يا اخلاص لانك فعلا مش ما رجعتيني فاضي بل احييتي البوست

Post: #25
Title: Re: دكتور عمر القراي و(التشتشة)
Author: توفيق عيسى مكي
Date: 06-20-2014, 11:39 PM
Parent: #24

يا Halema2 بارك الله فيك فعلا انهم من اجمل نساء بلادي

Post: #26
Title: إعتذار
Author: كمال الطيب الجميعابي
Date: 06-21-2014, 00:01 AM
Parent: #25

الأخت الكريمة إخلاص
لا أدرى كيف جاء هذا البوست في مداخلتي...
خالص إعتذارى يبدو أن أحدهم تلاعب بمداخلتي
لك التحية مرة أخرى.
أخوك الجميعابي

Post: #27
Title: Re: دكتور عمر القراي و(التشتشة)
Author: توفيق عيسى مكي
Date: 06-21-2014, 00:04 AM
Parent: #25

نواصل ....
امنا واستاذتنا الجميلة نفيسة احمد الامين
الرقم 14
هي الاجمل والارقى والاقيم والتي تذداد بريقا كلما تقدم بها العمر
من خلالها احي تلك العشرة نسوة اللائي كون الاتحاد النسائي في منتصف القرن الماضي
فجميعهم نجمات في سماء بلادي

Post: #28
Title: Re: دكتور عمر القراي و(التشتشة)
Author: كمال الطيب الجميعابي
Date: 06-21-2014, 00:13 AM
Parent: #27

الأخ الكريم صاحب البوست لماذا تغيير أسم البوست لهذا الإسم غير اللائق؟

Post: #29
Title: Re: دكتور عمر القراي و(التشتشة)
Author: توفيق عيسى مكي
Date: 06-21-2014, 00:15 AM
Parent: #27

في خلال هذه السنين اي بعد مطلع الالفية الثالثة شع نور كثير من زهرات بلادنا
خارج السودان وداخله
وان الجمال كما يتم تقيمه في اختيار ملكات الجمال
فكرا ... وتلقائية ... وثقافة ... ومضمون ...وبالقطع شكلا
فمن من ذهرات بلادي اليوم تستحق ان تدرج في القائمة لنكون اجمل 100 امراة سودانية على مر العصور
وفي ذلك تكريم لها وللمراة عموما

Post: #30
Title: Re: دكتور عمر القراي و(التشتشة)
Author: توفيق عيسى مكي
Date: 06-21-2014, 00:25 AM
Parent: #29

لا ادري كيف يحدث هذا
ولكني على ثقة ويقين بان مشرفين المنبر قادرون على التصحيح
المهم ...
الا نسيئ للاجمل ما في بلادنا
وهن نساء بلادنا
وهو بوست تكريم ومحبة واجلال لا اكثر

Post: #31
Title: Re: اجمل ‏100‏ إمرأة سودانية
Author: عبدالحفيظ ابوسن
Date: 06-21-2014, 06:14 AM
Parent: #30

سلام
لست مشرفا بالتأكيد ولكن تغيير العنوان سهل
و
اتحفظ علي مضمون البوست

Post: #32
Title: Re: اجمل ‏100‏ إمرأة سودانية
Author: اخلاص عبدالرحمن المشرف
Date: 06-21-2014, 06:40 AM
Parent: #31

الدوغري ود أب سن تحفظك مفهوم وحال البلد جنن نصنا والباقين في المقابر ، ويعجبني صبرك انت ساكيهم من الشارع الخربو التحيه لك

Post: #33
Title: Re: اجمل ‏100‏ إمرأة سودانية
Author: othman mohmmadien
Date: 06-21-2014, 06:42 AM
Parent: #31

خلقنا الإنسان في أحسن تقويم ...
لا يوجد إنسان غير جميل
كل نساء الدنيا جميلات بما فيهن نساء السودان

Post: #34
Title: Re: اجمل ‏100‏ إمرأة سودانية
Author: توفيق عيسى مكي
Date: 06-22-2014, 00:28 AM
Parent: #33

ناس الضهاري اهم ميزه فيهم الخشانة وقلة الزوق (طبعا فيهم ناس اتأثروا بينا وبقو حلوين زينا)
وده شيئ في طبيعتهم ودي ما مشكلة ....
الشيئ البيغيظ ...
بعض اولادنا بدل ما يرتقو بالناس ديل بقو اكعب منهم
خووووف ساكت منهم
يجاملوهم ..
هسي في زول بيصدق ان الناس ما قادرة تكتب 100 ولا 200 من اجمل نساء بلادي
مع اني من زوقي الرفيع بديت ب تاجوج واديتها الرقم واحد مع انها من ضهاري الضهاري
لكن ...
غايتو ...
الله يجازي الكان السبب في البهدلة البنتبهدلها
وما بهدي البوست لواحد منهم عشان يكمل عشان يجيب لي اسامي مش الواحد ما سمع بيها بس بل ما بيقدر انطقها
وانا كده ...
لاني صاحب قضية الكل عارفها
وبعتذر على الاسلوب واللغة في ناس ما بتستاهل الا اللغة دي
ويا اولادنا وبناتنا شدو حيلكم معانا شوية

Post: #37
Title: Re: اجمل ‏100‏ إمرأة سودانية
Author: سليمان القرشي
Date: 06-22-2014, 07:26 AM
Parent: #34

والله الحمد لله الخشونة مابعيبو بيها
راجل الا حلاوة الرجال دي مابخبرها
تب
ودالقرشي
ضهاري الجزيرة وعديم زوق

Post: #38
Title: Re: اجمل ‏100‏ إمرأة سودانية
Author: سليمان القرشي
Date: 06-22-2014, 11:01 AM
Parent: #34

الخشونة حرم حقت الرجال
الا الحلاوة دي ترا ماعندنا
فيها راي .
انت ياتوفيق ناس الضهاري ديل
قصتك معاهم شنو اي بوست
معلق فيهو ناس الضهاري
قال حلوين زينا قال

Post: #36
Title: Re: اجمل ‏100‏ إمرأة سودانية
Author: عبد الله شم
Date: 06-22-2014, 06:54 AM
Parent: #33

مانويلا مدونق موجا ضمن المراتب العشر الأولى في مسابقة ملكة جمال العالم لعام - 2013

Post: #35
Title: Re: أجمل 100 أمرأة سودانية . . .
Author: عبد الله شم
Date: 06-22-2014, 06:50 AM
Parent: #8

Quote: ورينا الكوارع كيف عشان نحكم.

ايوا دا الكلام يا تراجي :)

Post: #39
Title: Re: أجمل 100 أمرأة سودانية . . .
Author: محمد عمر الفكي
Date: 06-22-2014, 11:31 AM
Parent: #35

Quote: يا توفيق بطل استهبال و هات من الاخر

هههههههههههههههه

حبوبتك صافيناز ما عارفه منو كده مش كده؟! هههههههه

خطيرة والله يا ام حازم
توفيق ابن عم صاحبي، دا شهراً ما عندنا فيهو نفقة

Post: #40
Title: Re: أجمل 100 أمرأة سودانية . . .
Author: توفيق عيسى مكي
Date: 06-22-2014, 05:00 PM
Parent: #39

من الفيسبوك شكرا تاج محمد
وهذه مداخلته :

Quote: بمقاييس ناس دار صباح والبحر أجمل امرأة سودانية هي زروي سركسيان وشقيقتها تكوي سركسيان( من اصل ارمني اثيوبي وسودانيتان بالتجنيس) أما جمل النساء في السودان فهن بلا شك نساء قبيلة الدينكا بمقاييس زنوجة اهل السودان الجنوبي والشمالي- السودانيون

Post: #41
Title: Re: أجمل 100 أمرأة سودانية . . .
Author: اخلاص عبدالرحمن المشرف
Date: 06-22-2014, 07:33 PM
Parent: #40

زروي اول طبيبه سودانيه م مع السامقه خالده زاهر
وفيها نظمت الاغنيه الشهيرة ل احمد المصطفي ليه يا زازا تزيدي ال بي وهبتك روحي ونور عيني

Post: #42
Title: Re: أجمل 100 أمرأة سودانية . . .
Author: توفيق عيسى مكي
Date: 06-23-2014, 10:52 PM
Parent: #41

شكرا يا اخلاص يا راقية وفاهمة ولو تاملنا في كثير من اغنياتنا القديمة والحديثة لوجدنا اشارات لجمال بعض نساءنا تحديدا مهما واكراما جميل وتعظيما لادوار في مسيرة درب المراة السودانية الجميلة

Post: #43
Title: Re: أجمل 100 أمرأة سودانية . . .
Author: توفيق عيسى مكي
Date: 06-24-2014, 12:06 PM
Parent: #42

رقم 27 . . .

Post: #44
Title: Re: أجمل 100 أمرأة سودانية . . .
Author: اسماعيل عبد الله محمد
Date: 06-24-2014, 01:03 PM
Parent: #43

هيا انظر يا شعب السودان هؤلاء هم ابنائك وبناتك الذين عقدت عليهم العزم في ازالة الطاغوت

هذا هو اخر همهم

ابشر بطول بقاء يا نظام البشير

لقد قلناها من قبل ولكن لا حياة لمن تنادي

انهم لا يقدرون على الصد و المواجهة و الحسم

كل همهم الرقص و الطرب و البحث عن المائة امرأة سودانية اللائي يتميزن بالجمال و انتفاخ الكوارع

Post: #45
Title: Re: أجمل 100 أمرأة سودانية . . .
Author: اخلاص عبدالرحمن المشرف
Date: 06-24-2014, 02:53 PM
Parent: #44

المحترم اسماعيل عبدالله محمد اطمئن ليس ما ذكرت اكبر همنا. -
اقسم بالله كلما انظر لوضع البلد - من اعتقالات مفهومه وغير مفهومه ومحاكم رده وما تلاها وسوف يتلوها و قصف مدنيين وانسداد أفق وانسداد سياسي - ارجع للبوست ده الناس واضحين

Post: #46
Title: Re: أجمل 100 أمرأة سودانية . . .
Author: توفيق عيسى مكي
Date: 06-25-2014, 05:27 PM
Parent: #45

الأخ سماعين يفتقد الروح الحلوة واللمسة الجميلة دنيتو اتجاه واحد
اتجاه الثورة وأحمد شرفي
اهدى وروق يا سماعيين . . .

Post: #47
Title: Re: أجمل 100 أمرأة سودانية . . .
Author: ALWALEED ALSHEIKH
Date: 06-25-2014, 06:33 PM
Parent: #46

Quote: السلام عليكم وما بنرجعك فاضي
....توفيق
...ذهب
...حامد شاش

الترتيب مهم يا أخت اخلاص و بالمناسبة الأسماء الكتبتيها دي بتأكد إنك بت خرطوم ما بت ضهاري
و بضيف على الجماعة الفوق ديل
....... السنّي
....... صغيرون
فاطمة السمحة جامعة الخرطوم 1982
طبعاً ده تقييم اواخر السبعينات و بداية الثمانينات

Post: #62
Title: Re: أجمل 100 أمرأة سودانية . . .
Author: عبد الباقي الجيلي
Date: 06-29-2014, 02:21 PM
Parent: #45

حبيبة قلبي يا سودانية

يا أسمى معاني في زول بيعاني

يا ود ضكران ...

يا بت دوغرية ...

وكفى ....

Post: #48
Title: Re: أجمل 100 أمرأة سودانية . . .
Author: الصادق البديري
Date: 06-25-2014, 06:40 PM
Parent: #1

Post: #49
Title: Re: أجمل 100 أمرأة سودانية . . .
Author: توفيق عيسى مكي
Date: 06-26-2014, 05:32 PM
Parent: #48

سعيد بحضورك اخوي الصادق البديري

Post: #50
Title: Re: أجمل 100 أمرأة سودانية . . .
Author: توفيق عيسى مكي
Date: 06-27-2014, 11:54 AM
Parent: #49

امال
حياة
هادية . . .طلسم
لحمل الأرقام حتى 25

Post: #51
Title: Re: أجمل 100 أمرأة سودانية . . .
Author: تبارك شيخ الدين جبريل
Date: 06-27-2014, 12:08 PM
Parent: #50

قول 26

... المهم ....

Post: #52
Title: Re: أجمل 100 أمرأة سودانية . . .
Author: ABUHUSSEIN
Date: 06-27-2014, 12:52 PM
Parent: #51

دا شنو يا تبارك .........................

Post: #53
Title: Re: أجمل 100 أمرأة سودانية . . .
Author: تبارك شيخ الدين جبريل
Date: 06-27-2014, 01:09 PM
Parent: #52

شنو دي بتتقال لغير العاقل يا ابو حسين (اثناء استعداد "غير العاقل" لسماع "شنو" ) ....

الصيغة الصحيحة: دي منو يا تبارك ...............

... المهم .....

Post: #54
Title: Re: أجمل 100 أمرأة سودانية . . .
Author: محمد عبد الله الحسين
Date: 06-27-2014, 01:19 PM
Parent: #52

بوست جميل والله.أولاً أدى لمشاركات متنوعة .وظهر فيه إختلاف الآراء كل حسب فهمه ‏للجمال. و بالتالي ظهرت فيه تعريفات مختلفة للجمال.‏
بشكل عام الرجل بتعجبه المرأة الجميلة من أول نظرة. لكن البيحكم الاستمرار في ‏الإعجاب أو عدم الإعجاب هو الذوق و الأدب و حسن التصرف.‏
ثانيا بيكون في جمال داخلي و ده بيكون آسر و مؤثر بشكل أقوى من الجمال الخارجي ‏لأنه بيسري ببطْء و بعمق لذلك بيكون تأثيره أكبر.‏
هناك شيء آخر بيتدخل في الإعجاب و هو الإلفة فالألفة بتقرب الناس لبعضها و بتختفي ‏شروط الجمال الخارجي و تتساقط الواحدة تلو الأخرى.‏
نحن زمن المراهقة كان بيختلط عندنا نموذج الجمال الخارجي مع نموذج المرأة الرمز ‏السياسيةو الأدبي و الفني الغنائي و الصحفي فعشقنا من على البعد البلابل و فاطمة عبد ‏المحمود و نفيسة أحمد الأمين و ليلي المغربي و أم بلينة السنوسي و آمال عباس و ‏آخريات.‏

Post: #55
Title: Re: أجمل 100 أمرأة سودانية . . .
Author: ABUHUSSEIN
Date: 06-27-2014, 01:24 PM
Parent: #54

فعلا بسال عن شئ غير عاقل يا تبارك ....

Post: #56
Title: Re: أجمل 100 أمرأة سودانية . . .
Author: تبارك شيخ الدين جبريل
Date: 06-27-2014, 01:42 PM
Parent: #55

Quote: فعلا بسال عن شئ غير عاقل يا تبارك ....

إنه سروال داخلي حريمي يا أبوحسين ... يقال له في العامية "لِباس" ... ويشير إليه ابناء وبنات المدن بلفظ "نِكس" و "نِكسي" و الجمع "أنكسة" ...

(اعتقدت أن سؤالك الأول عن من تلبسه وحده لا شريك له)

... المهم ...

Post: #57
Title: Re: أجمل 100 أمرأة سودانية . . .
Author: توفيق عيسى مكي
Date: 06-27-2014, 03:37 PM
Parent: #56

شوف يا تبارك يا تجري تلعب بعيد
يا نيران جهنم حا تتفتح ليك وقد اعذر من انذر
وانا ما بلعب
====
وخلونا في موضوعنا لان الهطلة ده ما بيحترم كتير من رموزنا وامهاتنا من نسوة سطروا تاريخنا المجيد
خلونا في الرقم 27 حا يكون منو

Post: #58
Title: Re: أجمل 100 أمرأة سودانية . . .
Author: توفيق عيسى مكي
Date: 06-27-2014, 03:52 PM
Parent: #57

نساء السودان جميلات يستحقن ان نرسل لهم اشارة حب واحترام وموده من داخل ظروق صعبة يعيشها الشعب السوداني هذه الايام
علنا نخفف عليهم او نصنع فيهن قوة تساعدهن فيما هو قادم من ايام هذه البلاد
.
.
غايتو ..
.
ناس الضهاري عشان ما مرتبين ومخلوعين حبه ما ناخد بكلامهم وتصرفاتهم الما مسؤولة هم كده نعمل شنو ربنا ختاهم في راسنا اها نعمل شنو

Post: #59
Title: Re: أجمل 100 أمرأة سودانية . . .
Author: تبارك شيخ الدين جبريل
Date: 06-28-2014, 02:05 AM
Parent: #58

Quote: شوف يا تبارك يا تجري تلعب بعيد
يا نيران جهنم حا تتفتح ليك وقد اعذر من انذر
وانا ما بلعب
====
وخلونا في موضوعنا لان الهطلة ده ما بيحترم كتير من رموزنا وامهاتنا من نسوة سطروا تاريخنا المجيد

والله فجّرت في دماغي الاسئلة يا توفيق ....

1- القال ليك منو انا بلعب؟
2- القال ليك منو انا بخاف من جهنم؟
3- نيران جهنم تتفتح علي بى ياتو سبب؟
4- بتتكلم عن ياتو إنذار؟ يعني إنذارك انو لو شنو حا يحصل شنو؟
5- الهطلة الما بيحترم رموزكم وامهاتكم والنسوة السطروا تاريخكم دا منو؟
6- إنتو منو؟ (البتتكلم بصيغة الجمع نيابةً عنهم ديل)

بالله تفتح بوست عن أجمل 100 "أمرأة" [والخطأ في العنوان] سودانية . . .

وأول صورة امرأة سودانية نختها تضرب الرووري؟

طيب لو كان بوستيك دا عن أجمل 100 امرأة برازيلية أو سويدية أو سانيغالية أو يابانية كنت حا تطير وين؟

انشالله تجاوب على الاسئلة دي عشان نعرفك داير تصل لى شنو انت حبوبتك صافيناز ...

... المهم ....

Post: #60
Title: Re: أجمل 100 أمرأة سودانية . . .
Author: توفيق عيسى مكي
Date: 06-28-2014, 05:17 PM
Parent: #59

أها واقفين وين . .
رقم 26
أم
رقم 27
دي بوستات الرجال والنساء الصاح وحا نكمل

Post: #61
Title: Re: أجمل 100 أمرأة سودانية . . .
Author: HAIDER ALZAIN
Date: 06-29-2014, 01:44 PM
Parent: #60

توفيــق .. رمضان كريم وتقبل الله ..
انت كتبت :/

Quote: في خلال هذه السنين اي بعد مطلع الالفية الثالثة شع نور كثير من زهرات بلادنا
خارج السودان وداخله
وان الجمال كما يتم تقيمه في اختيار ملكات الجمال
فكرا ... وتلقائية ... وثقافة ... ومضمون ...وبالقطع شكلا
فمن من ذهرات بلادي اليوم تستحق ان تدرج في القائمة لنكون اجمل 100 امراة سودانية على مر العصور

وجمالك كان عن النعومة والخشونة والسماحة الواحدة القستها بمقياس اهل المدن والحضر ...
وما اظن انه قائمة زي دي بمقاييسك دي مفروض تخلو عنها الجميلة ناتالي سليمان .. والعزاك بصورتها اخونا تبارك .. دي من جميلات بلادي الشع نورهن خارج البلاد ..

فخلي روحك رياضية وعد من الرقم البعدها ..

اللهم اني صائم .. :)

Post: #63
Title: Re: أجمل 100 أمرأة سودانية . . .
Author: توفيق عيسى مكي
Date: 06-29-2014, 05:03 PM
Parent: #61

أوكي يا حيدر الزين لكن تبارك لو جاب لينا بت سليمان دي لابسة ماكان أحسن من يجيبها أمفكو ونحن قبايل رمضان

Post: #64
Title: Re: أجمل 100 أمرأة سودانية . . .
Author: توفيق عيسى مكي
Date: 06-29-2014, 05:08 PM
Parent: #63

يا سلام أخوي عبد الباقي الجيلي كلامك بردا وسلاما على البوست يا زوق يا فاهم

Post: #65
Title: Re: أجمل 100 أمرأة سودانية . . .
Author: nour tawir
Date: 06-29-2014, 07:14 PM
Parent: #64

فاطمة الزين..
عواطف شرفى..

من طالبات جامعة الخرطوم اللائى نظم فيهن شعرا..
وقد كّن بحق آية فى الجمال..

Post: #66
Title: Re: أجمل 100 أمرأة سودانية . . .
Author: توفيق عيسى مكي
Date: 07-01-2014, 01:05 AM
Parent: #65

شكرا استاذة nour tawir ...
اها قربنا نصل للتلت الاول من ال 100

==
اتوقع في كل مدينة من مدننا الحبيبة شجرة ظليلة جميلة استظل بها الكثيرين فابدعو من بعدها او من خلال ظلالها عليهم

Post: #67
Title: Re: أجمل 100 أمرأة سودانية . . .
Author: توفيق عيسى مكي
Date: 07-01-2014, 11:53 PM
Parent: #66

د. فاطمة عبد المحمود للرقم 30
اول وزيرة سودانية ويكفي هذا

Post: #68
Title: رد
Author: محمد عمر الفكي
Date: 07-02-2014, 00:37 AM
Parent: #67

يا جماعة سلام عليكم ورمضان كربم
والله سؤال من زمان محيرني وخجلان اسالو لتبارك
انت يا تبارك بتاع خدرا هههههههه
توفيق دا الخلعة الدخلتها فيهو بنتالي دي الله اعلم تمرق باخوي واخوك، غايتو عرفنا انه ابو حسين بكاي وانه حيدر الزين يتمتع بثقافة واسعة هههههههه
قال نتالي قال هههههههه
اللهم اني صائم

Post: #69
Title: Re: رد
Author: nour tawir
Date: 07-02-2014, 00:55 AM
Parent: #68

سلام توفيق..
ورمضان كريم..

بالطبع هناك جمال خرافى فى اقاليم السودان المختلفة..
وفى كل العصور...
ولكن نحن لا نعرفهن ولا نعرف اسمائهن...
المهم فى الامر جمال المرأة السودانية..
سواء كان قوة الروح وجمالها..
حدة الذكاء وخفة الدم ..
أو الهدوء والذكاء والحنكة..
وقوة الارادة..
والصبر..

ثم اخيرا الشكل الخارجى..
وبما للجمال من مقاييس مختلفة..
فجميع المقاييس موجودة فى المرأة السودانية..
لما للسودان من اثنيات وجنسيات واعراق مختلفة..

Post: #70
Title: Re: رد
Author: تبارك شيخ الدين جبريل
Date: 07-02-2014, 03:33 AM
Parent: #69

Quote: انت يا تبارك بتاع خدرا هههههههه

بتاع فكرة خدرا يا محمد عمر ...

الشغلة دي بتكتل خلايا المخ وعندي موقف مبدئي منها ... لكنني اعتبرها خيار شخصي وضد الإتجار بها خارج إطار القانون ... لما تجرّه التجارة غير القانونية من مشاكل جنائية وصحية واجتماعية ... يعني انا من المنادين بتقنين "الخدرا" رغم عدم تعاطيها ... ولي مشاركات في حملات تقنينها ... ونجحنا في تقنينها في ولاية ميريلاند التي أقطنها فصارت الولاية أكثر أمنًا وازدهر اقتصادها بشكل ملحوظ ...

شكرًا على السؤال الصريح والمباشر ... وأتمنى أن تكون الإجابة وافية ...

(خصوصًا انا من النوع البقول لو كنت بتاع شدايد )

... المهم ...

Post: #71
Title: Re: رد
Author: شهاب الفاتح عثمان
Date: 07-02-2014, 04:20 AM
Parent: #70

اجمل امراءة اعرف والدتي المعلمة ع بنت على حسن حجازي

اما الجمال الحسي فالسودان عامر بكل رقي وخير وذوق ,,

اما صورة العابث تبارك , فبعيدا عن عرضه الصادم هي صورة تستحق بوستات اجتماعية وونسة وفكر واكثر..
فالظاهرة في الصورة هي Natalie Suliman
و القادم منقول :

Natalie Suliman is a British model of Sudanese heritage and has modeled for MandS and ASOS
She has said in an interview that she is hoping to go to the states to model for the VS catalogue.

She is with Elite models and Quintessential models.

وهي متخصصة كموديل ملابس داخلية فقط !..

ومن طلب تعريف الجمال عليه ان يطلب تعريف العواطف فهذا هو السهل الممتنع ,,
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

Post: #72
Title: Re: رد
Author: شهاب الفاتح عثمان
Date: 07-02-2014, 04:27 AM
Parent: #71

Post: #73
Title: Re: رد
Author: محمد عمر الفكي
Date: 07-02-2014, 07:12 AM
Parent: #72

مشكور يا تبارك على الاجابة الشافية والوافية وان كان عصرت على شديد واخدت الموضوع جادي
المهم كما يقول احدهم
ناتالي دي ما عدوها من ضمن اقوى 100 شخصية سودانية مؤثرة بالخارج لشنو؟ تراجي ومنو ما عارف متشكلين لي في بروفيسور وما بروفيسور ومخلين الجامعة كلها برة الشغلانية في حين انها ممكن تاثر على شعب بكامله
المهم تاني
زي ما بقول اهلناالعرب لما يشوفو صواقع زي دي (نسال الله السلامة).
اخونا دكتور شهاب
نصيحة لوجه الله تعالى
ما تمشي تهبش في صور ناتالي دي عشان ما تقرص
يا حيدر
واحد صاحبي قال لي ود الزين دا قول له الشئ دي مطلقة ولا عندها راجل؟ لانه قاطع شكها انها مي فتاة
اللهم اني صائم مع انه الواحد لما يخش بوستات فيها تبارك او اب تفة او طارق جبرين بطلع مزلط هو وصيامه

Post: #74
Title: Re: رد
Author: محمد عمر الفكي
Date: 07-02-2014, 09:19 AM
Parent: #73

Quote: أَلا أَيُّها الباغي البِرازَ تَقَرَّبَن أُساقِكَ بِالمَوتِ الذُعافَ المُقَشَّبا
فَما في تَساقي المَوتِ في الحَربِ سُبَّةٌ عَلى شارِبَيهِ فَاِسقِني مِنهُ وَاِشرَبا

يا قرحطب
كلام ناس عنترة خليهو، لكن انا جاي ومعاي راجمات صواريخ ومدافع ومن هسي قطعت لي تذكرة على بريطانيا وقايم وكان راجل لاقيني هناك عند قهوة ناتالي زي ما بقول همباتتنا وشعراء بطانتنا الكانو بطلعو ميتين ام الجمل عشان يتونسو مع ست عرقي في انداية
المثل مش بقول (جحا اولى بلحم تورو؟)
على العموم عرفت من المبجل حيدر الزين انها سودانية ومن جوجل عرفت ان امها اسمها ليلى سودانية وابوها خواجة والبنت مصاحبة ليها لاعب كورة قرد في نادي سندرلاند اسمه كيران ريشاردسون الذي تم اختياره بدون منازع كاقبح لاعب في الدوري الانجليزي للعام الماضي!!!!! ؟
الله يرحمك يا عادل امام
وللــــــــــــــــــــــــــــــــــــــــــــكــــــــــــــــــــــــــــــلاب حظوظ
اؤكد لكم ان هذا الموضوع لن يمر باخوي واخوك بس بعد رمضان ان الله حيانا. وسوف نستعين ب (خبراء) الاسكايب وبرامج التواصل الاجتماعي من اجل لم شمل المذكورة باهلها وناسها السودانيين ممثلين بشخصي الضعيف وكلي ثقة من خير تمثيلي لكم
متمنى من ربنا دا يجيني واحد يقول لي عيب يا ود الفكي البتسوي فيهو للبت دي فهي في النهاية سودانية وعندها اهل واحتمال يكونو بشوفو في البوست دا واحتمال يكونو اعضاء في المنبر ذاتو، في تلك الحالة الرد صور بس
يشهد الله لحدي هسي مخلوع
كسرة
شكراً تبارك لصنعك للشربات من الفسيخ
رسالة للناس الشابكننا ست النفر وست ابوها وام حقين وغيرهن من مقتنيات المتاحف
عليكم الله من هنا ولقدام يا نوع ناس ناتالي دي يا اختونا

Post: #75
Title: Re: رد
Author: HAIDER ALZAIN
Date: 07-02-2014, 09:28 AM
Parent: #73

Quote: أوكي يا حيدر الزين لكن تبارك لو جاب لينا بت سليمان دي لابسة ماكان أحسن من يجيبها أمفكو ونحن قبايل رمضان

لو جابها ليك لابسة يا توفيق كنت حا تتاكد من نعومتها كيف او حا تثق انها ما خشنة زي بنات الضهاري كيفن ؟
ترشيح تبارك دا هو الوحيد المعتمد هنا لانه جاب اثبات صحته في طيات لباسه و نكسه

هسع بالله شوف مرشحين ليكم حوالي 30 واحدة من نواعم المدن زول سأل منهن مافي.. ترشيح واحد بصورة صغنونة كدة ود الفكي انبهل بهلة السنين.. وكمان بيسأل من وضع المبروكة الإجتماعي.. تقول لي شنو :)

ود الفكي للأسف الاخت محصنة

Post: #76
Title: Re: رد
Author: محمد عمر الفكي
Date: 07-02-2014, 09:34 AM
Parent: #75

Quote: ود الفكي للأسف الاخت محصنة

ونعم الحصان (هي قصدي الاحصان)
بالله يا ابو حسين يا القاعد تتاوق ممكن خدمة؟ ما تعمل نائم شايفك
عدد المشاهدات 11983 مشاهدة للبوست (لا تعليق ) وهي نسبة لم يكن يحلم بها او يتخيلها توفيق في احلامه
فممكن
احصائية للمشاهدة قبل وبعد ظهور الاخت المحصنة ناتالي؟

Post: #77
Title: Re: رد
Author: HAIDER ALZAIN
Date: 07-02-2014, 10:04 AM
Parent: #76

ابو حسين بيكون لي هسع بيفتش لي ريقو.. :)

Post: #78
Title: Re: رد
Author: محمد عمر الفكي
Date: 07-02-2014, 10:14 AM
Parent: #77

Quote: ابو حسين بيكون لي هسع بيفتش لي ريقو.. :)

المرة الفاتت الكسر كان في اصبع الكُراع، لومك علي يكتر يقلل اكان يسلموهو اصابع الايدين العشرة في عِبو

Post: #79
Title: Re: رد
Author: توفيق عيسى مكي
Date: 07-12-2014, 00:06 AM
Parent: #78

رمضان كريم
اها وصلنا وين - الرقم كم

Post: #80
Title: Re: رد
Author: محمد حمزة الحسين
Date: 07-15-2014, 09:43 PM
Parent: #79

يا توفيق عيسي مكي
بارك الله في اخلاص المشرف ونور تاور العدلن ليك البوست لكن بداية البوست نيتك ماكان سليمة
تصوموا وتفطروا علي خير
:
:
:
:
:

مع التحيات لله الزاكيات

Post: #81
Title: Re: رد
Author: توفيق عيسى مكي
Date: 07-31-2014, 01:05 PM
Parent: #80

نواصل ...
.
اها كنا واقفين في رقم كم ؟

Post: #82
Title: Re: رد
Author: توفيق عيسى مكي
Date: 08-01-2014, 07:25 PM
Parent: #81

الرقم 35 تحمله :

الاستاذة مونيكا روبرت

المسألة ما جمال شكل وبس فالاستاذة تعدت حدود كثيرة للجمال اهلهتها لتكون من ضمن اجمل 100 امرأة سودانية