لعناية خبراء السفر بالسيارة تربتيك (triptyque) هل هو مُجدي (مادياً) أم نركب الجو؟

هل فعلا تم فرض رسوم اضافية فاصبح السفر بالسيارة تربتيك غير مجدي وافضل منه الطيران؟

أرجو الأفادة.. بالنجيضة

تحياتي،،

52/0
حتى الان

تحياتي اخي ابراهيم فرح؛؛؛

شوف التذكرة ودفتر التربتك للذهاب فقط 1950 شامل تذكرتك درجة اولي
في سواكن خت 1000ريال ..وح يفضّل فيها باقي ..بنزين +اكل شراب ...فندق ليوم واحد ..وتدي منها الجماعة في البيت
يستحسن تدفع من جدة تذكرة ذهاب فقط ليك وللسيارة..لانو تذكرة العودة من السودان ارخص..
مجموع الحساب لحدي البيت..3الف ريال..
العودة 600ريال كافية للعودة..
واجازة سعيدة ...ح نتلاقا في البابور يا ابراهيم..
توكل علي الله ..والحديدة مفروض تكون لضيضة ..عدا الزيت والبنزين

وعربيتك حقتك تقعد تقوم علي كيفك في البلد..


كفاية ايجار..

تحياتي يا بشير
كلامك ده ما صح في جزئية 1000 ريال تكفي وتزيد في سواكن
أنا معي الإيصالات سنة 2010م
كانت التكاليف كالآتي
150 ريال رسوم تسليم بوليصة (داخل الباخرة قبيل الرسو على مرفأ سواكن
600 ألف تأمين ثلاثة أشهر
المغتربين
المرور
المواني
ولاية البحر الأحمر
محلية سواكن
أتعاب معقب
زائدا سعر تذكرة السيارة وتذكرتك
حاجات تانية
عموما بعد الرجعة وحساب الخسائر وجدتها باهظة والطيران أرخص بكثير
غايتو توبة من البحر بسيارة
تحياتي لصاحب البوست وأحسبها كويس
الشفيع إبراهيم

سلام صاحب البوست اضم صوتى للدكتور والافضل عربيتك فى يدك مع السخانة والحر وجشع اصحاب ايجار السيارات وياريت لو تستاهل عربات الايجار معظمها هونداى فيستو واكسنت واتوز ....مايتعلق بسواكن كل الرسوم 150 ريال اذن تسليم من الباخرة وايصال موحد موانى مالية محلية 500 ريال الجمارك 30 ريال فقط المرور مجانا المغتربين مجانا التامين لاتتعدى اعلى موديل وافخم سيارة مليون ونصف وشامل كامل اى مايعادل 700 ريال للاعلى ويمكن ان لاتتعدى 300 ريال حسب السيارة والموديل جملة الرسوم لاتتعدى 1000 ريال المتابع للاجراءات عمولته رمزية حسب موقفك المالى وذوقك الشخصى ومسئوليته استخراج الاوراق والاشراف على خروج العربة مكتملة الاجراءات من الجمارك والمرور ويديك الدرب عديل الافضل السفر نهارا للسلامة وعدم تجاوز سرعة 100 ك فى احسن الظروف لانو احتمال تتفاجاء بمطب او حيوان او سيارة متعطلة والخط م. الاجرات فى جدة معروفة لديكم عبر الوكالات من استخراج الدفتر والحجز وخلافه ..هنالك رسوم جمركية للاجهزة الكهربية الشاشات خصوصا ..الافضل السفر مع الجماعة لتباعد محطات الخدمة الوقود متوفر حتى هيا ومن ثم عطبرة وشندى . اتمنى لك اجازة سعيدة وتصل بالسلامة ..ملحوظة العودة الافضل شراء التذكرة من سواكن والحجز لك وللعربة لاتتعدى بكل المصاريف 500 ريال ومصاريف الجيب 100 ريال .عند العودة لا رسوم للعربة شخصك الكريم فقط 22 جنيه

UP

انا جيت راجع بالباخره
فعلا التذاكر من سواكن رخيصه جدا
سياره + شخصي و ثلاثه من ابنائي اعمارهم فوق 18 سنه = 1200 ريال سعودي

بالمناسبه مافي حاجه اسمها تذكره درجه اولي ، كل التذاكر واحد

بس لما تركب جوه الباخره امشي اجر ليك قمره من 100 الي 300 ريال ( حسب جشع مدير الصاله ) بتشيل 4 اشخاص .

مافي اي فرق بينها وبين الطياره الا في الزمن 3 ساعات في الجو بتساوي 2 يوم في البحر

رحله موفقه ، اتوكل علي البحر ، و اصلا كل السفر قطعه من جهنم ، برا وبحرا وجوا .

تخريمه : ما تنسي في سواكن تزور السيد تاج السر الميرغني و في سنكات تزور الشريفه مريم الميرغنيه .

الزبير الختمي

مرحبا أخي فرح..
سفرك بالسيارة يعتمد على عدة أشياء منها مدة الاجازة..
لا تنسى أن السفر بالسيارة سيستهلك منك ستة أيام في الذهاب والإياب..
مع ما يصاحب ذلك من سهر وإرهاق وتحميل وتنزيل العفش..
أنا سافرت قبل شهرين والاجازة كانت لمدة شهر واحد
مصاريف ايجار السيارة مع البنزين كانت في حدود 4500 جنيه سوداني
وفعلاً اتفق مع البعض أن سيارات الايجار في السودان متهالكة جدا.. ومستهلكة..
ما عدا الوكالات التي تستأجر السيارة الاكسنت آخر موديل 250 ألف جنيه
والالنترا في حدود 300 ألف جنيه

ابراهيم كيفك
النجيضة خليك زول جو ساكت
ولو ما عندك حق الجو اكل باسطة

تحياتي ،،،

أبو كريم

Quote: مرحبا أخي فرح.. سفرك بالسيارة يعتمد على عدة أشياء منها مدة الاجازة.. لا تنسى أن السفر بالسيارة سيستهلك منك ستة أيام في الذهاب والإياب.. مع ما يصاحب ذلك من سهر وإرهاق وتحميل وتنزيل العفش..

كلام أيمن ده هو عين العقل ... النزول بالعربية غير مجدي من جميع النواحي الا لو اجازتك شهرين وأكتر

Quote: Quote: كلام أيمن ده هو عين العقل ... النزول بالعربية غير مجدي من جميع النواحي الا لو اجازتك شهرين وأكتر بس كمان يا أيمن لامن تحسبا بأسعار تذاكر الطيران لعدد(8) أفراد ذهاباً وإياب والشحن والتفريغ.. يتختلف الحسبه ... مودتي

أنا سافرت بالعربية مرة واحدة وناوي تاني ما انزل الا بي العربية لعدة اسباب

اول حاجة الرحلة في حد ذاتها ممتعة شديد لمن تنزل في بورتسودان وتستلم عربيتك رغم التفاهات والمشاكل والتأخير التي سوف تواجهك في الميناء
متعة الرحلة تبدأ بعد ما تستلم عربيتك وتمشي في بلدك بين اهلك وتشوف كل الشرق حتى تصل الى الخرطوم (انا كنت ماشي مدني)
العربية والتذاكر غرف وكدا كلفتني حوالي 4200 ريال ماشي وجايي للعربية وشخصي الضعيف فقط
لمن تصل العربية بتكون في يدك والبنزين راقد لكن غالي
اي وقت تدور عربيتك وتمشي محل ما ماشي

لكن رحلة العودة لو راجع براك مملة شوية

Quote: ضروري نرجو لمن عنده المعلومة أن يفيدنا: نحن نعبر السعودية مرورا من قطر و بيدونا ثلاثة أيام للعبور. السؤال هو إذا الواحد اخذ يومين أو ثلاثة زيادة هل هناك مشكلة و لا لأ؟ و كيف تتحل المشكلة؟

الأخ محمد عبدالله الحسين
تقريبا هناك غرامة يومية 500 ريال سعودي عن كل يوم تأخير
يرجى التأكيد
=-=
الأخ عوض جاه الرسول
بالنسبة للغرف بالاضافة لحديث الاخوان .. عليك بعمل حجوزات عادية وبعد الدخول للباخرة تطلب غرفة والتكلفة من 100 ريال الى 200 ريال الى 50 ريال حسب شطارتك .
=-=
عند الوصول باذن الله الى سواكن وبعد اجراءات الجوازات عليك بالتوجه بالاسرة الى صالات مخصصة للأسر ومن ثم صف السيارات للتفتيش الالكتروني وبعد اجراءات الجمارك والمرور والموانئ ترجع الصالة تأخذ اسرتك.
=-=
انتبه ؛ غالباً نفس موظف التأمين يكون نفسه هو المخلص .. عليك بالاتفاق معه على الاتعاب مسبقاً حتى لا تضطر الى جدال ونقاش عند الانتهاء من الاجراءات .
انتبه ؛ عليك كتابة كل محتويات من أغراض بكل دقة خاصة الاجهزة الكهربائية .. لأنه عند وجود أي اختلاف مع جهاز الكشف الالكتروني يتم منك تنزيل كل ما في السيارة أرضاً.
انتبه ؛ في حال حمولة زايدة في السيارة عليك ان تسلمها لمكاتب الشحن برسوم قليلة الكرتونة أو الشنطة الكبيرة بـ يعادل الـ عشرين ريال فقط وتصل نفس اليوم معاك بمكاتبهم بالخرطوم مثالاً مكاتب الاسكلة بسواكن والخرطوم .
انتبه ؛ لا تسافر ليلاً مهما كنت من أمرك .
* مدمن سفر عبر التربتك .
=-=
تصلوا بالسلامة

نسأل الله ان يجعل التوفيق حليفكم فى الحل والترحال.

http://www.sudaneseonline.com/board/460/msg/1397498497.html
فى الخيط اعلاه ستجد بعض النصائح من الاخوة عسى ان تجد فيها ضالتك

السلام عليكم
السفر بالبحر دي مرحلة لسة ما وصلناها
بس بنسأل عن إيجارا السيارات في السودان
أتوس أو فيستو هسي بي كم؟
وفي عيد الفطر يتوقع يصل كم؟

ابراهيم سلام
انا مرتين سافرت بالعربية من جدة وناوى على التالتة بعد اسبوع باذن الله رغم تفاهةالاجراءاات والجبايات الفى سواكن وذلك لسبب بسيط هو ان العربية بتريحك فى السودان وبتختصر ليك الزمن والمشاوير بقت هناك صعبة والاهل بقو مفرقين يعنى لو ماشى الكلاكلة وانت فى ام درمان وماعندك عربية خاصة مشكلة بالنسبة ليك ولوماشى الحاج يوسف وانت فى الفتيحاب مثلا برضو نفس الكذا لك
وبعدين عربات الايجار هناك ########ة جدا وبتبنشر سريع عندى معاها تجارب فظيعة مرة فطرت فطور رمضان فى الشارع بسببها ... يازول داير نصيحتى هين قرشك ولاتهين نفسك ملعون ابو القروش سوق عربيتك وريح نفسك اصلو اهلنا قالو اخرتا كوم تراب
طريقك اخضر ونتمنى لك السلامة حلا وترحالا بس خلى بالك الطرق تعبانة جدا وعادى ممكن تلقى واحد سايق ترتكتر ولا ترلا قدامك وماعندو خطرات انتبه فى السواقة وخاصة لو سافرت الدغش او باليل

ود عمي محمد جلال

ياخي انت المفروض تسافر بالبحر ، شندي تكله من بورتسودان

ايجر السيارات

الاتوس : نوبه حاره في مسيد الشيخ الجعلي
الالنترا : تبروقه و سبحه لالوب
الاكسنت : طار و ذكلر حار في مسجد سيدك علي


الزبير الختمي

تحية للجميع
الموضوع جا فى الجرح لنى السنة دى مسافر بالبر من الامارات والنية الاولى هى العمرة والطواف بالبيت العتيق فى رمضان انشا الله ،،، طبعا التربتكت حيكون من الامارات وعازيزن اصاحب التجارب يضيفو لينا الاجاراءات بتتم كيف فى ميناء جدة و سواكن
طبعا فكرت فى الموضوع ده لأنه التذاكر بالطيارة مع الاسرة مكلفة جدا ونية العمرة هى التى شجعتنى للسفر بالبر صح يمكن المشوار طويل بالنسبة لناس الامارات لكن فى النهاية فى هدف
ده غير انه فى السودان الموصلات مكلفة جدا بالاضافة الى انك تكب بنزين فى عربية اخوك ولا ابن عمك عشان تقضى ليك مشوار والناس مشغولة احسن الواحد يكون بعربيته

كل سنة أفكر في الموضوع دة، عدد تذاكري 8 ، كسور وبواقي ألقى برضو الحجز بالطيارة من بدري أرخص، أرحم وأكرم لي ولأسرتي
جربت ركن سيارة في السودان للإجازات وكانت تجربة فاشلة
سيارات الإيجار على علاتها أهون من........والاصدقاء

*********
تخريمة مرتبطة ...
ديل حراس رزق زي التكنو أمانة زي إبل الرحيل شايلة السقا وعطشااااانة

قللوا الهدايا، وخلوها رمزية، وحق الهدايا ريحو بيه انفسكم وأولادكم

بشير أحمد
الشفيع إبراهيم
هادى جعفر محمود
عوض جاه الرسول
الزبير بشير
أيمن دياب
الفاتح خليل الفكي
أيمن محمود
الصادق صديق سلمان
يوسف أبو صالح
محمد جلال عبدالله
عادل عبدالعزيز عبد الرحيم
الزبير بشير
مصطفى توفيق
حسن فؤاد

الله يديكم العافية شكرا لإثراء هذا البوست ونتمنى أنه يكون مرجع لكل شخص ناوي السفر بالبر في الفترة الجاية

Quote: تحياتي اخي ابراهيم فرح؛؛؛ شوف التذكرة ودفتر التربتك للذهاب فقط 1950 شامل تذكرتك درجة اولي في سواكن خت 1000ريال ..وح يفضّل فيها باقي ..بنزين +اكل شراب ...فندق ليوم واحد ..وتدي منها الجماعة في البيت يستحسن تدفع من جدة تذكرة ذهاب فقط ليك وللسيارة..لانو تذكرة العودة من السودان ارخص.. مجموع الحساب لحدي البيت..3الف ريال.. العودة 600ريال كافية للعودة.. واجازة سعيدة ...ح نتلاقا في البابور يا ابراهيم.. توكل علي الله ..والحديدة مفروض تكون لضيضة ..عدا الزيت والبنزين

أخي بشير..
الأسعار دي جديدة ولا حقت السنة الفاتت؟

الاسعار دي بتاريخ اليوم الخميس 5/6/2014م

المشى السنة الفاتت الى السودان بالبر او مشى قريب يورينا كيف تجربته فى ميناء سواكن والرسوم لنى مسافر منتصف رمضان انشا الله

اذا كان اجازتك شهر واحد لاتفكر نهائيا بالسفر بالسيارة الى السودان
غالبا كما ذكر الأخوة ان الموضوع يستحق في حال الاجازة شهرين وما فوق
الرسوم التي ذكرها الدكتور بشير تكاد تكون هي المعروفة
ولكن كلما قطعت من وكالة لاتعرف صاحبها وليس بينكم قرابة يكون افضل
فهذا الأخير على حس القرابة هذه يمكن ان يضاعف لك الأسعار
لا اعني جميعهم 00 بل كثيرون منهم
لو كنت لحالك أو معك عائلة فلاتفكر نهائيا أن تنزل مع عائلة
اي فندق بـ 100 ريال
او شقة بـ 200 ريال وكفى الله المؤمنين شر القتال
بيوتهم ضيقة 00 وضيوفهم كثيرون جدا 00 بعضهم عمرة وبعضهم زيارة
عشان كده الجو ما حايكون مريح
وبعضهم يرسل معاك صندوقين { عدة } لو نزلت معهم
السفر في الأيام الأخيرة من رمضان متعب جدا
زحمة بطريقة غير عادية
وهناك آلية في توزيع التذاكر بالميناء لم تتغير منذ عشرات الأعوام
وهي طريقة متخلفة ومتحجرة حيث يجلس اصحاب الوكالات مجمعين معهم ثلاث اكوام من البشر
ولاتعرف انت اين تذهب
ومن اي مكان تستلم تذكرتك 00
ويمكن ان تمر على الأكوام الثلاثة ولاتجد ضالتك

المخلصين بسواكن يتشابهون مثل الأرانب
ولاتعرف من الذي اخذ اوراقك هل هو السيسي ام المرسي
طول بالك ودقق جيدا في وجهه
خذ معك بعض المأكولات وانت داخل الباخرة لأن أكل الباخرة سيء جدا
خذ معك كشاف { بطارية } بواجي 00 تاكد من الاسبير جيدا
لاتندهش حينما تجد الأسماء الاسلامية على الفنادق مثل حماس المؤمنون الذاكرين
لن تجد ذاكرين ولاذاكرات
بل ستجد رجال زهجانين من الحر وهم بالفنايل الداخلية
ونسوان بالأقمصة 00 الكل زهجان
نزلت في فندق الذاكرين واول ما قرات الاسم اشتريت { سبحة } ودخلت الفندق !!!!
توجد فنادق مكيفة وجميلة
والافضل ان تسافر بعد صلاة الصبح مباشرة
واول ماتصل هيا على يمينك توجد محطة بنزين تزود منها وانطلق الى عطبرة
ناك حجارة كبيرة يتركها بعض اصحاب الشاحنات المتعطلة اعمل حسابك منها
لاتندهش سيوقفك الكثير من العساكر بالطريق دون وجود مايثبت ان هناك نقاط تفتيش
احتاط لذلك جيدا
واذا شحدك حاجة خذ معاك شرائط وكتب بن عثيمين وابن تيمية واعطيه خمشة منها
عشان تاني يتوب ليوم الدين وما يشحد
خذ معك مياه صحية قوارير ما امكن ذلك
ستجد بعضهم ظامئا في الشارع 00 اروي عطشه وواصل رحلتك
لاتنس تجديد تصريح المرور
مع امنياتي لك بالتوفيق

شكرا ابوحراز للمعلومات القيمة
اولا انا قادم من الامارات عبورا بالسعودية يعنى انشا الله بعمل العمرة وطوالى بواصل السيرة
كلمنى احد اقربائى بالسعودة ان شكرة الاسكلة هى التى تحتكر ايجار البواخر للسودان هل هذا صحيح ؟
بالنسبة لتامين شكرة شيكان كيف تقييم العربية هل توججد رسوم ثابتة ام الشغلانة تقدير بالمزاج

سفر البحر من وجهة نظرى كمدمن لسفر البحر منذ 4 سنوات ممتع جدا وخصوصا كمجموعة ومجدى ماديا لو لديك عفش او مواد سباكة او كهرباء او شبابيك المونيوم . والمتعة تجى لو ختيت انك ماشى اجازة وتجهز نفسك وتجهز عربيتك زائد بعض المعينات من ماء واكل داخل الباخرة ومخارجة من سواكن وتبدأ اجازتك بالسفر بالمهلة والاستمتاع بالرحلة بداية بالعشاء فى سواكن والشية الممتعة . والسفر بالليل مريح والوصول لعطبرة مع الفجر وفى فنادق محترمة جدا مع الشارع مكيفة ومجهزة تاخد فيها نومة واخر النهار تتوكل وتسوق مرتاح وتستمتع بالرحلة وتشوف اهرامات البجراوية وتلقط برتقالك ومنقتك من شندى والجوافة من التفتيش وتصل بيتكم مرتاح قبل فطور رمضان بى شوية تستمتع باجازتك والمتعة الجد جد فى الرجعة تغشى السبلوقة وتدخل لحدى اهرامات البجراوية الجيت مارى بيها وتدخل سوق الدامر وتلف شوية فى عطبرة وتصل بعد العشاء هيا وتبيت لوحبيت سنكات ولوعندك يومين من سنكات ترتاح من الاجازة فى اركويت تاخد يومين على بورتسودان تاخد شقة مفروشة فى هدل الجديدة رخيصة هاملة وابعد من فندق بلص وامثالة اخد يومين فى بورتسودان نوم النهار وحوم بالليل ومتعتها لومعاك عيالك ومنتزهات بورتسودان ما اكثرها ويوم الجمعة من الصباح على سواكن ومنها على جدة ومن سواكن تجيك كضمة ماتكون طايق تتكلم لحدى ماتصل محل شغلك واسبوع كامل يكون اسبوع الم ومعاناة لحدى ماتدخل الفورمة.

الناس الجاية من الامارات عشان ماتتعلقوا البواخر فى اخر رمضان فيها مقالب فى الحجز تعالوا من نصف رمضان ولا نجضوا حجزكم قبل ما تتحركوا

البنزين من جدة لازم يكون التانك فل وتتموا فى هيا لانو من هيا لحدى عطبرة توجد بعض المحطات التعبانة جدا ولربما لاتجد بنزين اهم شئ الموية والبطارية وخصوصا معظم السفر بالليل . للامانة عساكر المرور متعاونين جدا جدا مع المغتربين وانت داخل البلد وانت خارج حاول خارج نفسك خصوصا لو تصريحك ولا التامين منتهى . فى سواكن ساعد روحك بالصبر وبعد التفتيش الالى ورى المعقب انت وين قفل العربية وشغل المكيف واخد النومة البتساعدك على المشوار الراجيك حاول القى مجموعة كويسة وعرباتهم كويسة تسافر معاهم كا كونفى .وتمشى وتجى بالسلامة .

شكرا يا محمد على المعلومات القيمة
بالنسبة لتحويل الريالات الى قروش سودانية فى سواكن بيتم كيف وهل فى صرافات ولا فى جلابة بتاعين سوق اسود لافين فى الصالة ؟
هل يوجد مكان تنتظر فيه العائلة الى ان تنتهى من الاجراءات ؟

الاخ توفيق
تحية وتقدير
الاجراءات فى جدة ساهلة هى تسليم العربية للوكالة بالنهار وبيسلموك التذاكر وبياخدو العربية بدوك مواعيد تجى الميناء فيها بتلقى ناس بنادوا على الناس تاخد كرت الدخول تدخل الصالة تكمل اجراءاتك تدخل الباخرة.
عند الوصول لسواكن تنزل من الباخرة بسرعة والذهاب لصالة الجوازات واحسن تخلى عفشك مع العيال على جنب لو الدنيا ليل ولا عصر تعمل تاشيرة الدخول وترجع بسرعة لو العربات كتيرة عشان تكون جاهز بمجرد استلام العربية تلحق تقيف فى الصف لاجراءات الجمارك والتامين والتربتيك لو فى عربات كثيرة محتاج لى 4 الى 8 ساعات لو مافى عربات ساعتين بتركب الزلط.
بخصوص الصرافات فى صرافة فى الصالة لكن اسعارها دائما متدنية فى تجار عملة لكن بسرية شديد واحيانا لايوجدون وتكون مضطر للبيع لصرافة المغتربين بعض البواخر كباعبود بها صرافة واسعارهم مجزية وافضل شئ تكون جايب ليك مبلغ من السودان مرسلنوا ليك فى حدود 2 مليون تتخارج بيهو لحدى تصل سوق سواكن وهنا كل شئ فى وبعد ربنا يسهل عليك.

تعليقات قراء سودانيز اونلاين من الفيس

Quote: Taha Ali · جامعة الخرطوم السفر بالبحر ممتع في الذهاب لكن في العودة قمة الإحباط أسألوا مجرب منذ العام 2004 توقفت عن السفر جوا للسودان...على المدى القصير-يعني للإجازة القليلة -التكلفة أعلى في حالة السفر بالبحر لكن عربات السودان دي ما مضمونة أحسن تسوق معاك عربيتك لو جاهزة 100 ال 100

Quote: Sharafuddin Modhawi · الأكثر تعليقا · ‏‎Head of Internal Audit‎‏ في ‏‎Raysut Cement Company‎‏ اذا اجازتك طويلة وعندك مشاوير كتيرة امشي بسيارة غير كدي اركب الطيارة

Quote: Mohamed Eisa Abaker · الأكثر تعليقا · يعمل لدى ‏‎Najran University‎‏ اللنصيحة البحر أفضل كتير العربية بتريحك في السودان حتى لوالبنزين غالي- عربات الايجار ما بنصحك بيها - عندي واحد صديقي أجر عربية أخوهو من مكتب ايجار ب 3000000 في الشهر دي عشان حقت اخوهو - عربات الايجار ورطة حتقضي اجازتك كلها مع العربات - والبحر ممتع

الاخ ابراهيم فرح .. السلام عليكم
زي ما قالو ليك الشباب .. لو اجازتك اكتر من شهرين ومعاك عائله كبيره
بكون السفر بالبحر اجى واقل تكلفة ماديه ..
وبالمقابل يمكن ان تواجهك بعض المخاطر والمشاكل..
مثل تعرضك للسرقة في الباخره
او لا سمح الله حادث في الطريق
او تعطلت بك السياره ..
.فكل هذه المشاكل ستعرضك لخسائر كبيره ...
بالنسبة لسيارات الايجار في الخرطوم معقوله ...
وهي تتفاوت بين متوسطه ومقبوله
ويتوقف ذلك حسب علاقاتك الاجتماعيه ...
بره الموضوع ..
بالمناسبة هنالك اجراء يمكن كتير من المغتربين السودانين يجهلونه وانا كنت واحد منهم ...
وهو يمكنك ادخال سيارتك ذات اللوحات السودانيه بفراج مؤقت للسعوديه بغرض الصيانه
وكذلك يمكن للمعتمرين والحجاج السفر بسيارتهم للسعوديه ( بغرض السياحه )
( يتطلب دفتر تربتك من السودان وبعض التصاديق من جمرك ميناء جده )
هذا الاجراء حصل مع نسيبي ( لديه اقامه نظاميه الا انه لا يعمل بالسعوديه )
الان هو موجود في جده وادخل سيارته البرادو موديل 2006
تم تقييم سيارته على اساس 60 الف ريال ( يؤخذ 5% تامين )
وتم استيفاء تامين عند جمرك جده قدره 3000 ريال ترد عند مغادرة السياره ....
ولقد تم عمل صيانه كامله للسيارة من تغيير للكفارات والاكسسورات وعمل دهان جديد ..
والان السياره اصبحت كالجديده . وهو مغادر يوم الجمعه القادم ..
هذه المعلومه احببت انبهكم لها للاستفاده من هذه الخدمه ... وادعو لي ....

شكرا على المعلومات القيمة يا محمد
يا مجيدو ده معناهانه ممكن الواحد ي
خل بالعربية السودانية دول الخليج بافراج موؤقت ؟ زى ما السودانيين بيمشو بعرباتهم السودان ؟
وهل القصة القلتها دى للسعودية بس ؟
انا شفت فى الامارات عربات بتجى من الادرن وسوريا ولبنان بالارقام بتاعتها

ضروري نرجو لمن عنده المعلومة أن يفيدنا:
نحن نعبر السعودية مرورا من قطر و بيدونا ثلاثة أيام للعبور.
السؤال هو إذا الواحد اخذ يومين أو ثلاثة زيادة هل هناك مشكلة و لا لأ؟ و كيف تتحل المشكلة؟

نفس الشئ برضه نحن بيدونا 3 يوم عبور

الاخ مصطفى ... سلام

المعلومه العندي فقط داخل السعودية .....
اما بقية دول الخليج الاخرى .. لا علم لدي ...

تحياتي ,,,

مجيدو مسكاقنا

شكرا للعملومات القيمة

Quote: ضروري نرجو لمن عنده المعلومة أن يفيدنا: نحن نعبر السعودية مرورا من قطر و بيدونا ثلاثة أيام للعبور. السؤال هو إذا الواحد اخذ يومين أو ثلاثة زيادة هل هناك مشكلة و لا لأ؟ و كيف تتحل المشكلة؟

*تأشيرة المرور
لن يتم التأشير بالدخول لأي غرض كان لمن ثبت تخلفه عن المغادرة بعد إنتهاء مدة الإقامة لمحددة في تأشيرة سابقة .

المعلومة من موقع وزارة الخارجية.

وضح اكتر يا ابرهيم فرح لم نفهم كلامك ؟؟؟؟

سؤال:-

بالنسبة للباخرة من جده

لو معاي اولادي ومجموعنا 8 اشخاص
احسن احجز غرفة درجة اولى - ولا صالة - ولا سطوووح

الاخ عوض
تحية وتقدير

افضل شئ للعوائل هى الغرف وحسب تجربتى فى بواخر فيها غرف 4 افراد وفى حالتك غرفتين متجاورات افضل شئ. طبعا فى صالة وفى سطوح ولكن تفقد الخصوصية تماما .
وكذلك الحمامات مشتركة لكن الغرف هى المريحة جدا فى كل شئ عفشك معاك تنوم مرتاح وعندك حمام فى كل غرفة . زائد الصالات ليست بها سرائر وتظل مصنقر لمن تصل والحريم بعانو جدا فى الصالة لافتقاد الخصوصية .

بالمناسبة هنالك بواخر بدون غرف كلها صالات فانتبة لهذة النقطة

Quote: وضح اكتر يا ابرهيم فرح لم نفهم كلامك ؟؟؟؟

يعني إذا ما غادرت في الوقت المحدد ليك في تأشيرة المرور لن تُمنح تأشيرة مرة أخرى.. يعني في الرجعة الا تجي بدرب الأربعين :)

Quote: ضروري نرجو لمن عنده المعلومة أن يفيدنا:
نحن نعبر السعودية مرورا من قطر و بيدونا ثلاثة أيام للعبور.
السؤال هو إذا الواحد اخذ يومين أو ثلاثة زيادة هل هناك مشكلة و لا لأ؟ و كيف تتحل المشكلة؟
الأخ محمد عبدالله الحسين
تقريبا هناك غرامة يومية 500 ريال سعودي عن كل يوم تأخير
يرجى التأكيد
=-=
الأخ عوض جاه الرسول
بالنسبة للغرف بالاضافة لحديث الاخوان .. عليك بعمل حجوزات عادية وبعد الدخول للباخرة تطلب غرفة والتكلفة من 100 ريال الى 200 ريال الى 50 ريال حسب شطارتك .
=-=
عند الوصول باذن الله الى سواكن وبعد اجراءات الجوازات عليك بالتوجه بالاسرة الى صالات مخصصة للأسر ومن ثم صف السيارات للتفتيش الالكتروني وبعد اجراءات الجمارك والمرور والموانئ ترجع الصالة تأخذ اسرتك.
=-=
انتبه ؛ غالباً نفس موظف التأمين يكون نفسه هو المخلص .. عليك بالاتفاق معه على الاتعاب مسبقاً حتى لا تضطر الى جدال ونقاش عند الانتهاء من الاجراءات .
انتبه ؛ عليك كتابة كل محتويات من أغراض بكل دقة خاصة الاجهزة الكهربائية .. لأنه عند وجود أي اختلاف مع جهاز الكشف الالكتروني يتم منك تنزيل كل ما في السيارة أرضاً.
انتبه ؛ في حال حمولة زايدة في السيارة عليك ان تسلمها لمكاتب الشحن برسوم قليلة الكرتونة أو الشنطة الكبيرة بـ يعادل الـ عشرين ريال فقط وتصل نفس اليوم معاك بمكاتبهم بالخرطوم مثالاً مكاتب الاسكلة بسواكن والخرطوم .
انتبه ؛ لا تسافر ليلاً مهما كنت من أمرك .
* مدمن سفر عبر التربتك .
=-=
تصلوا بالسلامة

ياخي كتر الف خيرك اخونا
محمد فضل ابراهيم. على التوضيح
وبرضوا لي تجربة سفر في العامand#1641;and#1641;م
وكانت ممتعة ومع الاولاد
لكن الرجعة زي ماقال واحد اخونا
صادمة و ممله...

Quote: ياخي كتر الف خيرك اخونا محمد فضل ابراهيم. على التوضيح وبرضوا لي تجربة سفر في العامand#1641;and#1641;م وكانت ممتعة ومع الاولاد لكن الرجعة زي ماقال واحد اخونا صادمة و ممله...

الأخ عوض
لا شكر على واجب
بل الشكر للأخ ابراهيم فرح صاحب البوست
وجميل جداً رفع هذا البوست كل ما جدّ جديد لأنه كل شهر كل سنة قرارات وأشياء جديدة
ونرجو من سافر قريبا ان يمد البوست بالجديد من اجراءات ورسومات
=-=
رسوم السنة العام 2013م كالآتي
ـ رسوم التربتك =800ريال
ـ تذكرة السيارة =900ريال
ـ تذكرة الكبار =400ريال
ـ تذكرة الصغار =200ريال (ومرات 250)
ـ تذكرة الرضيع =100ريال (ومرات مجانا)
ـ للسيارة بالباخرة =150 ريال (دي جديدة من العام الماضي)
ـ بسواكن رسوم م =550ريال (تقريبا)
ـ تأمين سيارة =200 جنيه سوداني للشهر الواحد (تقريباً)
ـ اتعاب تخليص =200 جنيه وانت طالع (حسب شطارتهم وشطارتك) مع ان هناك قرار بأن يقوم كل مغترب بتخليص اجراءاته ولكنه يا ويلك وسواد يومك لو فكرت في ذلك تعقيدات وبلاوي انت في غناً عنها

شكرا يا محمد فضل على المعلومات القيمة
هل الدفع فى سواكن بالريال ولا ممكن تدفع بالسودانى ؟
معليش حاكرر سوؤال كيف ممكن الواحد يحول الريالات الى جنيه هل يتم داخل الباخرة حسب ما عرفت ام هناك سماسرة بيحولو القروش داخل المينا ام تشترى بسعر الحكومة اجبارى
طبعا الواحد عايز يحول قدر المصاريف البتخلص ليه اموره داخل المينا بس

Quote: شكرا يا محمد فضل على المعلومات القيمة هل الدفع فى سواكن بالريال ولا ممكن تدفع بالسودانى ؟ معليش حاكرر سوؤال كيف ممكن الواحد يحول الريالات الى جنيه هل يتم داخل الباخرة حسب ما عرفت ام هناك سماسرة بيحولو القروش داخل المينا ام تشترى بسعر الحكومة اجبارى طبعا الواحد عايز يحول قدر المصاريف البتخلص ليه اموره داخل المينا بس

الأخ مصطفى
الرسوم بعضها بالريال السعودي في حدود 550 ريال
بالنسبة للرسوم الأخرى بالجنيه السوداني

في الباخرة الفلبينين العاملين بالباخرة يقومون ببيع العملة واستبدالها لاتشتري منهم
داخل الصالة توجد صرافات لاستبدال العملة
حاول استبدل مايكفيك داخل الميناء مبلغ لايزيد عن 2 مليون او مليون واحد
حينما تدخل الى سواكن قم باستبدال مايكفي رحلتك حتى وصولك

أحيانا يمر عليك بعض الأشخاص بالمطاعم والفنادق لاستبدال العملة لاتستبدل منهم
لو فعلتها ستجد القروش ناقصة
طبعا لايوجد زمن { لعد النقود }
يعني لو حولت ليك 4 آلاف ريال سعودي مثلا عاوز ليك 3 ساعات عشان تحسب القروش
سعر الحكومة اجبار ي غير معمول به
الحكومة نفسها لو لقت سوق اسود بتبدل بيهو قروشها
المهم عبر قنوات معروفة في سواكن حول ما يكفيك واحذر السماسرة
مع أمنياتي لك رحلة سعيدة وان شاء الله نلتقي في باخرة واحدة

السلام عليكم أجمعين
الأخ مصطفى توفيق
ـ نعم وكما قال الأخ الكريم أبوحراز جزاه الله خير بالنسبة للرسوم في حدود 600/550 ريال تدفع بالريال منها بعض الايصالات بالريال والبعض بالجنيه + رسوم التأمين بالجنيه السوداني حسب قيمة السيارة والمدة المطلوبة حسب المفاهمة مع موظف التأمين .
ـ لتبديل العملة ممكن تسأل داخل الباخرة (الفلبيينين ـ المصريين ـ السودانيين) لتعرف السعر ومن ثم تبديل القليل حسب الحاجة بالصالة ومن ثم بالفندق لأن الأسعار كلما تبعد من البحر بتكون أفضل

اشكر كل من افادنا بالعملومات الجميلة والقيمة وربك يسهل السفر

السلام عليكم أجمعين
شهر مبارك عليكم وعيدكم مبارك
عساكم من عواده أعوام وأعوام
كل سنة والجميع بخير وعافية
=-=
يا جماعة الجديد شنو ؟؟
ـ جديد الاجراءات بسواكن .
ـ حجوزات على البواخر بمدينة جدة مافي .
ـ أمطار وسيول وقطع طريق بسودان الخير .
لو وصلتوا بالسلامة قول لينا
تأخرنا لبعد العيد لعدم وجود حجز بواخر
وكل عام وأنتم بخير