الحرايه والنقعه

مكتوب ل حمدان ود حميدتي
اول شئ حمدالله سلامة الوصول , اها لقيت الخرطوم كيف ~؟ نبدآ من درجة الحراره 43 الصباح والمويه في محلات قاطعه ناس وشهم ما غسلو بس في واحدين ما شاء الله حالن زين -- امسك فيهم قوي وابعد من ناس الكلاكلات والسجانات = واياك ومبارات الموظفين بس فطورهم سمح = صحن المونيوم كبير مطقع وملان فول وزيت سمسم وفيهو طعمية وكمين عيشه المدراء فسيلين واحدين بياكلو وحدن سمك اوعاك تتابعهم الفول الذ = المواصلات البصات مدافرة شديدة وبنوت المدارس غايتو اولاد الحله وهن ماشيات ما بتلومو الا الرجوع يقفن لمن الزحمة تخف كان 7 المساء كان 7 ونص وبرضو خليك شاطر العربات السمحة والسياديه امات صفافير اقعن والزحمة الشديدة مرات الصفافير بتنفع ومرات لا احسن شئ تسوي لك مواتر قدامك ينهرو لك الشارع ده جنس نهر , الناس ماشي ساي لا سلاح لا غيرو الا في واحدين من ناس الضهاري خاتين لهم سكاكين في ضرعاتهم الله يكفي الناس شرهم , المكاتب مدفسه بنات سمحااااااات واحدات شاطرات وطيبات ووحدات لئيمات امسك في اللئمات ديل قوي تدفع امورك تمشي وفيفتي فيفتي هي والراس الكبير - ديلاك بسون لك الورق كلو الا امضت المدير = وبعدين اتعلم تقراي الاثيوبيين والاريتريين مالين البلد وزي ما قالت واحدة منهم مليناها سماحة بس ما بعرف رأيك شنو في الحمرا الابأها المهدي ؟ كتر مصريين وشوام قالو ناس رابعة وحماس وبرضو في اتراك ==غايتو المهديه دي ال تقول ما جاءت = ناس الدكاكين غشاشين وبوصيك لو مشيت جزارة ساي ماتطلب لحمه كيلويين ثلاثه والا ح تكتل لك زول قول مس كول بس ال نكلمك في سرك امش نمرة اتنين وهناك بتلقي = الطيب وبشري بجيهوك شديد = شارع المطار اوعاك تختاه والطيارات كان درت تسافر السودانيه حتي بتاعت رئاسة الجمهوريه ما بتلقاها كلموم يستأجرو لك واحده واياك والرحلات الداخيله جوا بي كرعينك , واقول لك سر الاسرار الماشيين برجليهم وبناتهم في المواصلات وزيتهم طالع ديل السودانيين والتانيين دوك هم المؤتمر الوطني وناس النافع == المجمجه دي ما تزعل منها = والله قلت لك الحقيقه الضاربين البارد والراحات وفاكينكم في الحرايه تكاتلو في اهلكم هم النافع وعصبته و الخرطوم ترحب بك يا حمدان ود حمتي