**قصة زول عذبو رويحتو - وبالوثائق **

سأسرد القصة هنا بتفاصيلها وحذافيرها فقط ليحتاط كل من تسول له نفسه بأن يرتدي جلابية فضفاضة ويكدس جيوبها
بكل ماهو ثمين من موبايلات فاخرة ماركات (جلاكسي و آيفون5) ودولارات ولو كانت أمانات ، ويدخل في سوق الله أكبر ولا يقيف
في كاونتر إحدي المراكز الطبية الحديثة كما فعل صاحبنا ، المغدور به في هذه الواقعة

وبما أننا مقبلون على موسم الإجازات والسفر
فلابد من الحيطة والحذر ، فهناكـ بعض ضعاف النفوس ، أقول بعض

يستغلون عدم المبالاة من بعض المغتربين لتنفيذ خططهم

نجي لقصة صاحبنا وزميلنا

سافر فجأة خلال أبريل من العام 2014 الحالي للخرطوم لمرض والده وبعد ابلاغه بانه يرقد حالياً بمركز طبي(--------) الخاص في قلب الخرطوم
مستقلاً الرحلة الأولى الصباحية لشركة الخطوط القطرية والتي تصل في العاشرة والنصف صباحا ، وصل صاحبنا والظاهر كعادة المستشقيات الخاصة
كانت أول مهمة له بعد الإطمئنان على والدة هي سداد بعض الرسوم المستعجلة لخزينة المركز الطبي

يقول نزلت للدور الفيهو الريسيبشن والخزنة وفي جيبي اليمين جوالاتي (جلاكسي 4 وآيفون 5)
والجيب اليسار مبلغ (7000) دولار أمانات لناس وعملة محلية لدفع رسوم المستشفى المستحقة ،

تحياتى أخى عوض جاه الله

وأصل وربنا يعوضك صاحبك فى فقده

ويعلمنا الحيطة والحذر أصلنا نوينا النزول

بايظه بايظه

مرحب نجم
يومكـ سعيد ، ياخي ان شاءالله ماتقع وقعتو
أخونا فقد جوالين في آن واحد يقدر سعرهم بحوالي كم تاشر مليون جنيه
وربكـ ستر على دولارات الناس
وجرى يمين ويسار وجابو التسجيل (سأورده هنا ولم يتوصلوا على الجناة حتى تاريخه.

يظهر هنا صاحبنا وقوفاً أمام الاستقبال ودي بالتحديد اللحظة الفقد فيها الجوالين

النفرين اللابسين جلاليب وطواقي الكانوا واقفين خلفه
هم المشتبه فيهم
انسحبوا في وقت واحد واتفرقوا ، كل واحد طلع بي باب
ودا أسلوب نشالين وقريبك شكلو كان مغري جداً
تابعوه لامن لقوا فيه الفرصة دي ..
والزول دا كان ما اتنشل في الحتة دي كان حيتنشل في حتة تانية لأنو شكلهم مراقبينه مظبوط
لو أدى ناس المباحث مليونين تلاتة بجيبوهم ليه في خمسة دقايق

غايتو الله يعوضو

Quote: النفرين اللابسين جلاليب وطواقي الكانوا واقفين خلفه هم المشتبه فيهم انسحبوا في وقت واحد واتفرقوا ، كل واحد طلع بي باب ودا أسلوب نشالين وقريبك شكلو كان مغري جداً تابعوه لامن لقوا فيه الفرصة دي .. والزول دا كان ما اتنشل في الحتة دي كان حيتنشل في حتة تانية لأنو شكلهم مراقبينه مظبوط لو أدى ناس المباحث مليونين تلاتة بجيبوهم ليه في خمسة دقايق غايتو الله يعوضو

بالضبط كما ذكرت أخى بدر الدين

لان النفرين الجمبوا يظهر من خلال الفيديو ما ليهم علاقة بالمستشفى أو أن لديهم مريض

كانو بعاينوا فى جيب الغنيمة

ربنا يعوضه خيراً من ما كان يقتنى

هههههههههههه
والله فعلا زولي مغري يابدر

ناس مابتخاف الله




بجيكم بالفيديوهات الباقية

وهنا يجري آآآخر مكالمة من الجوال