Post: #1
Title: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: عبدالعزيز عثمان
Date: 05-29-2014, 08:45 PM
القت الشرطة القبض على «لص» قام بسرقة ملابس غريق أثناء انتشال جثته من النيل قرب كوبري الإنقاذ بالخرطوم.
و كان المتهم يقف بالقرب من مكان وفاة أحد الأشخاص غرق بالنيل الأبيض قبالة غابة السنط وخلال محاولات انتشال الجثة من النيل من قبل قوات الإنقاذ النهري قام اللص بسرقة ملابس المتوفي ولاذ بالفرار إلا أن الشرطة تمكنت من توقيفه بعد مطاردة عنيفة وتم اقتياده إلى قسم الشرطة ودونت بلاغاً في مواجهته تحت المادة «471» من القانون الجنائي تمهيداً لتقديمه للمحاكمة.
اخر لحظة
|
Post: #2
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: Abu Baker Ahmed Abdel Rahman
Date: 05-29-2014, 09:03 PM
Parent: #1
دا غريق ومات ليهو الرحمة
واحد سرق البوتجاز والانبوبة بقينا نسخن لبن الشفع بى الفحم فى ام درمان
يكون الحرامى قايلنى كوز عشان عندنا بوتوجاز
دا شعب غريب: ويجوك ناس هسة يقيفو فى صفو
|
Post: #3
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: عبدالعزيز عثمان
Date: 05-29-2014, 09:16 PM
Parent: #2
بس رغم الفظاعة والقبح،،،
علي ماذا يدل هذا ؟
الا يعطي الاحساس بانهيار في قيم هذا الشعب
وبهذه الصورة فلابد ان هذا زلزال غشيم..
هذه ليست حوادث منعزلة
انما خراب جوهري في منظومة اخلاقنا..
هناك حدود لكل شئ
اللصوص كانو يعرفونها
لا تدفنوا الرؤوس في الرمال
لنتدارس الامر
قبل ان ننتهي كامة جبلت علي الفضائل.
شكرا ابوبكر
هل سالنا انفسنا لم يحدث ذلك
انسان غريق ،،مشغولون الناس بموته
يموت الاحساس ولا ينشغل احدهم الا بثيابه
عجبستان حبلي بكل عجيب
|
Post: #4
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: نجم الدين سعدابى
Date: 05-29-2014, 09:29 PM
Parent: #2
| Quote: دا شعب غريب: ويجوك ناس هسة يقيفو فى صفو |
لعن الله الحوجة التى جعلته يفكر مثل هذا التفكير
مودتى
|
Post: #5
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: عبدالعزيز عثمان
Date: 05-29-2014, 11:08 PM
Parent: #4
والله يا نجم اخوي،،،صحي في...
quote
حليلك بتسرق سفنجة وملاية
وغيرك بيسرق خروف السماية
تصور في ناس بتسرق ولاية!
بس ناس تسرق هدوم ميت غريق...
انها بلاد عجبستان،،فاقت فانتازيا ماركيز،،،اجمل رجل غريق في العالم.
|
Post: #6
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: alsngaq
Date: 05-30-2014, 09:15 AM
Parent: #5
ياخ الناس بتقيف فى صف عمر البشير وصف والي الخرطوم عديل !!!!!
السنجك
|
Post: #7
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: Nasruddin Al Basheer
Date: 05-30-2014, 01:51 PM
Parent: #6
يا له من لص بائس
السودان بقى بلد العجائب فعلاً..
|
Post: #8
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: اميرة السيد
Date: 05-30-2014, 02:03 PM
Parent: #7
والله فعلا زي ما قلتو السودان بقى بلد العجائب.. معقولة وصل بنا الحال المائل حتى بدأ الناس يسرقون ملابس ميت.. وان شاء الله ما نسمع بعد كده انه في ناس بيحفروا في قبر عشان يسرقوا كفن الميت...
الله المستعان... يعني حقو الحكومة دي تخجل شوية وتغادر بكرامة لمن تسمع بالفضائح دي..
والله يديكم العافية
|
Post: #9
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: Idris Logma
Date: 05-30-2014, 06:04 PM
Parent: #8
الناس جائعة والجوع كفر
من اوصل المواطن الي هذا الدرك من اللانسانية ؟؟؟ انها السلطة الحاكمة ورئيسه
عمر البشير واخوته ومدير اعمالهم جمال الوالي يدورون مليارات الدولارات من اموال الشعب والصحافة الصفراء لم تقل بغم
فوجدوا ضالتهم في بائس سرق بقية ملابس شهيد غرق في النيل !!!
كيف يستقيم الامر اذا كان وزير خارجية النظام المدعو علي كرتي متزوج 3 وله 3 امارات وفي كل سطوح عمارة فيها حوض سباحة كلهم في منطقة بري
ويهلل ويكبر كذبا ونفاقا والصحافة نائم نوم اهل الكهف
يجيب تغير النظام قبل فقد ما تبقي من الوطن
|
Post: #10
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: عبدالعزيز عثمان
Date: 05-30-2014, 09:40 PM
Parent: #9
Taj M Ibrahim · الاهلية الخيرية
إنما الأمم الأخلاق ما بقيت … فإن همو ذهبت أخلاقهم ذهبوا
صلاح أمرك للأخلاق مرجعه … فقوّم النفس بالأخلاق تستقم
إذا أصيب القوم في أخلاقهم … فأقم عليهم مأتماً وعويلاً
رد · أعجبني · متابعة المنشور · منذ 9 من الساعات
Aati Badri · كلية الهندسة جامعة عين شمس
في الغالب الاعم يقوم اهل المتوفي بالتصدق بهذه الملابس
لذلك لا اجد داعي لمطاردة هذا المسكين وفتح بلاغ في مواجهته
لعله يريد ان يكسي ابنه او اخوه رهين مجبسين
البيت والعرى
نعم انا من الذين في صفه شفقة ومؤازرة
|
Post: #11
Title: Re: في بلاد عجبستان،،،لص يسرق ملابس غريق بالخرطوم.اثناء انقاذه.ويهرب..
Author: عبدالعزيز عثمان
Date: 05-30-2014, 10:03 PM
Parent: #10
والله يا السنجك اخوي صف الغبش ده اياهو صفنا...
بس ،،ده حريموني رخيس,,
ياخ اللابسلها شنو..
مايقدل عريان
وله ابره الجثمان لي بيتو ،،،
اشيل الفاتحة
وبعد الصدقة اشحد كل الهديمات...
قد نجد عذرا لمن اهلكه الجوع،،المرض
خبز ودواء
وعجز بالعديلة ورفض طلب سعيه
اقول قد...
اما من يسرق جلباب الميت
فانا اولا نلعن من الجئه لذلك
ونلوم المجتمع الذي سكت عن اوجاع الناس
ثم نقول له لا تسرق
لكننا دوما نلعن كبار اللصوص من هزموا فضائل القيم عند شعب فضيل.
|
|