تهنئة لسعادة السفير محمود فضل عبدالرسول القائم بالاعمال السوداني بكندا

التهاني الحارة مقرونة بأعذب الاماني لسعادة السفير
محمود فضل عبدالرسول القنصل العام السابق بقنصلية
السودان بجده الذي تم اختياره مؤخرا (قائم بالاعمال
السوداني بكندا) .. فهو اهل لهذا الاختيار ويستحقة و
جدير به فالرجل يتمتع بكريم خصال من امانة ونظافة
اليد واللسان وحصافة ورصانة وسديد رأي يقبل الرأي
الاخر بكل رحابة صدر .. دبلوماسي بحق وحقيقة شفيف
وعفيف يراعي كل كلمة او تصرف في تعامله مع
الاخرين ويقيسها ويوزنها تماما ..فالرجل عرفناه عن
قرب خلال فترة عمله بجدة ويا لها من ايام جميله و فترة
شهدت فيه قنصليتنا قمة الانسجام بين الدبلوماسية الرسمية
والشعبية بفضل سعادته من بعد الله سبحانه وتعالى بتعامله
مع كل الملفات بحكمة بالغة فلم يقحم نفسه يوما في اعمال
الدبلوماسية الشعبيه ولم يتجنى على احد من قياداته بكلمة
نابيه ولا سخرية كان يحترمهم جميعا ويحترمونه جميعا
وخير دليل على ذلك الكرنفال الكبير الذي شهده فندق الكعكي
ليلة وداعه والذي حضره القاصي والداني بجده وشرفه
بالحضور الدكتور عصام احمد البشير .. لم يجعل يوما
اعمال الدبلوماسية الشعبية شغله الشاغل..تعفف وترفع عن
النظر الى اموالهم وكان يحرص على النأي بنفسه
عن هذه الاموال .. كان يكلف بكل ما يتعلق بشئون العمل
الشعبي الوزير المفوض نائبه طيب الذكر سعادة السفير
محمد صغيرون..كل هذا يحسب للرجل ويحمد له ويؤكد
انه كان دبلوماسيا فريدا من نوعه حقا كل تركيزه على
عمله المناط به لم ينصرف عنها لا لأهواء ولا اطماع
شخصية ..كان داره فعلا بيت السودان بمعناه الواسع
يستقبل السودانيين جميعا في المناسبات والاعياد وكان
يستضيف كل المسئولين ويهيء لهم لقاء السودانيين في
بيت السودان العامر بكل الكرم السوداني الاصيل والذي
اصبح من بعده ...... فأكرر ان اختياره لهذه الوظيفة
اختيار موفق صادف اهله فهنيئا له ولك اخوتنا السودانيين
المغتربين بكندا فأبرشروا بأخوكم السفير محمود فضل فهو
فاضل مفضال والايام كفيله بحول الله ان تثبت لكم حقيقة
هذه البشريات ..
أسأل الله لي وله وللجميع التوفيق وسداد الخطى في
الدنيا والفوز الصلاح وان يجمعنا جميعا في الفردوس
الاعلى في الاخرة انه ولي ذلك والقادر عليه..

حافظ فتحي

الف مبروك سعادة السفير محمود فضل عبد الرسول

رجل مناسب فى مكان مناسب قدرا ومقدارا

نسال الله لك التوفيق والسداد والى الامام

شكرا ا لسياف

يا كافى البلاء ...هو الوجود بالسعودية عنده إرتباط بالإنتماء للمؤتمر الوطنى ؟؟؟
وهل هى نوع من الجودية والكرم الغريب أن تكرموا وتهنئو سفراء وقناصل ومسوليئ الحكومة العسكرية؟
يا ناس كندا إستوصوا بمندوب نظام الحرامية والقتلة والضياع الوطنى شرا.....

السلام عليكم ،، اخونا حافظ ،،،
نتفهم وجهة نظرك في قنصلك دا ،،
باعتبارك احد اعضاء حزب المؤتمر الوطني ،،
يعني عضو مؤتمر وطني ،،، بيمدح في عضو آخر (عادي ) ،،
أما كلامك عن عفة يدو ولسانو ،،
دي ما بنقول فيها شي ،،،
لانو ما بنعرف عنها حاجة ،،،
اما حكاية بيتو ،، المفتوح للسودانيين كلهم !!!!.
وانو الزول دا ،، كان بمثل كل السودانيين !!!!.
دي بنقيف ليك فيها ،،
فانا التقيته اكثر من مرة ،،، في شئون عامة ،،
وشفت ،، فعايلو ،،
يعني ما ،، قول قائل ،،
وانا ،، كواحد من السودانيين الساي ،، ديل ،،
الزول دا ما كان بمثلني ابداً ،،
بل كان بمثل حزبو ،،
وناس حزبو ،،
وواقف معاهم ،،، ألف احمر ،، برضو (عادي) في عهد الانقاذ ،،
ولعلمك ،،، انو معظم التشققات ،، والتصدعات ،،
في بعض الروابط المهنية والجغرافية ،، بدأت في عهدو ،،
ودونك ارشيف المنبر عام 2009م،،
واذا اردت الاستزادة ،، ففي جعبتنا الكثير ،،،،،