Post: #1 Title: فيديو أب ينصح ابنه بعدم العودة: طالما البشير دة قاعد والله الخير ينزل في اسرائيل ما ينزل هنا Author: عبدالله عثمان Date: 05-25-2014, 09:47 PM
Post: #2 Title: هو الخير ده شنو؟ Author: قصي محمد عبدالله Date: 05-26-2014, 01:51 AM Parent: #1
ياخي ده ما ابوه، يكون قريبو، أو اتصل مباركا أو معزيا.! من الثانية 14 قال ليهو أنا أديتك النصيحة وبكلم أبوك كدي!
Post: #3 Title: Re: هو الخير ده شنو؟ Author: معتصم مصطفي الجبلابي Date: 05-26-2014, 01:53 AM Parent: #2
خالو والخال والد ..وما بقوم بنصيحة زي جدي الا زول في مقام الاب
Post: #4 Title: Re: هو الخير ده شنو؟ Author: عبدالله عثمان Date: 05-26-2014, 04:09 AM Parent: #3
في السودان (الطيب) - قبل اللوثة - اعتاد الناس ان يوقروا كل كبير بصفة أب شكرا يا معتصم على التوضيح المهم الرسالة وصلت
Post: #5 Title: Re: هو الخير ده شنو؟ Author: عبد الحي علي موسى Date: 05-26-2014, 09:35 AM Parent: #4
تعرف يا عبد الله أخونا محمد علي موسى، بتاع الحادث، عندو هوس إنو إرجع السودان. قمت سمعتو الشريط دا قبل شهر كِدا. قام اتراجع.... ما تسمع لي الله أكبر والكلام ....دا. خال لذيذ جدا.
Post: #6 Title: Re: هو الخير ده شنو؟ Author: فرح الطاهر ابو روضة Date: 05-26-2014, 09:43 AM Parent: #5
المهم في البوست وصية الراجل لابن اخيه او ابن اخته وده لسان حال كل اسر ابناء المغتريبن ناهيك من ان يكون المغترب قد صرح بخروج نهائي وفكرة استقرار لو قلت عاوز تمشي السودان اجازة بقولوا ليك الوضع كعب جداً ولو ما معاك قروش كتييييييييييييييرة ما تجي ومافي شي سمح بجيبك والله البلد في اسواء حالة وووووو تسلم على الفيديو
Post: #7 Title: Re: هو الخير ده شنو؟ Author: عبدالله عثمان Date: 05-26-2014, 02:59 PM Parent: #5
شكرا يا استاذ فرح فعلا الرسالة وصلت و دة المهم
Post: #8 Title: Re: هو الخير ده شنو؟ Author: عباس الدسيس Date: 05-26-2014, 03:36 PM Parent: #7
Post: #9 Title: Re: فيديو أب ينصح ابنه بعدم العودة: طالما البشير دة قاعد والله الخير ينزل في اسرائيل ما ينزل هنا Author: عمر السلمة Date: 05-26-2014, 04:15 PM Parent: #1
عمنا إسماعيل ربنا يديهو الصحة والعافية ... معروف من زماااااااااااااان ببغضه لنظام الإنقاذ وما الطيب براهو السمع النصيح في كم واحد نفسو حدثتو بالرجوع النهائي ، شاف الفيديو دا غير رايو
فعلاً يا قصي ما ولدو .. لكن الرسالة وصلت ودا المطلوب
تحياتي
Post: #10 Title: Re: فيديو أب ينصح ابنه بعدم العودة: طالما البشير دة قاعد والله الخير ينزل في اسرائيل ما ينزل هنا Author: مهدي صلاح Date: 05-26-2014, 10:08 PM Parent: #9
صدق في كل كلمة السودان وبسبب الكيزان تحول لقطعة من الجحيم والناس بتفتش لطريقة مخارجة كوادر الكيزان على مختلف المستويات اتخارجوا وطلعوا برة ساحة العمل العام او برة السودان خلاصا عاجلا غير آجل للوطن من تنظيم الاخوان الارهابي تجار الدين