Post: #1
Title: الراكوبة تتميز بوضع ابلغ صورة مع خبر اهتمام الحكومة بالمغتربين
Author: Amjad ibrahim
Date: 05-25-2014, 09:13 PM
وزير الدولة بمجلس الوزراء يؤكد اهتمام الدولة بشريحة السودانيين العاملين بالخارج
الخرطوم (سونا) -أكد الأستاذ جمال محمود إبراهيم وزير الدولة بمجلس الوزراء اهتمام الدولة بشريحة السودانيين العاملين بالخارج وتطوير البرامج والمشروعات المقدمة إليهم. ج
اء ذلك لدى ترؤسه اليوم اجتماع مجلس إدارة جهاز تنظيم شؤون السودانيين العاملين بالخارج .
ودعا ابراهيم إلى ابتكار المزيد من المشروعات لتلبية احتياجات العاملين بالخارج وترسيخ مبدأ التطور والحداثة وتوظيف التقانة في إدارة جهاز السودانيين العاملين بالخارج والاستفادة من موقع الجهاز الالكتروني لإيصال رسالته ، مشيرا إلى أهمية الحصر الدقيق والمواكب والمتطور والسعي إلى مشاركتهم في البرامج التي تنتظم البلاد من مشاريع إصلاح الدولة والحوار الوطني للإسهام في رفعة الوطن .
واستعرض الاجتماع تقرير أداء جهاز السودانيين العاملين بالخارج للعام 2013 م قدمه الأمين العام للجهاز والذي تناول تطوير قاعدة البيانات الخاصة بالجاليات السودانية ومتابعة إجراءات توفيق أوضاع السودانيين بالمملكة العربية السعودية والجهود التي يبذلها في تعليم أبناء العاملين بالخارج .
كما قدم خطة العام 2014 م والتي تهدف إلى توسيع سوق العمل للسودانيين بالخارج والإعداد الجيد للمهاجر السوداني وربط أبناء المغتربين بالوطن وتوظيف الكفاءات والخبرات للعاملين بالخارج دعما للتنمية بالبلاد
|
Post: #2
Title: Re: الراكوبة تتميز بوضع ابلغ صورة مع خبر اهتمام الحكومة بالمغتربين
Author: Kostawi
Date: 05-25-2014, 09:49 PM
Parent: #1
جمال محمود إبراهيم
كان معانا عضو في سودانيز قبل ما يليسوا ليه وزارة
|
Post: #3
Title: Re: الراكوبة تتميز بوضع ابلغ صورة مع خبر اهتمام الحكومة بالمغتربين
Author: مني عمسيب
Date: 05-26-2014, 11:51 AM
Parent: #2
الأخ الحبيب دكتور أمجد .
كيفكم يا د والله مشتاقون وسالين عنكم ..
اما بخصوص الراكوبة دي يمكن عشان مفتوحة من الاربعة جهات مجهجهة كتير من الناس
وهواها مشتت كل الاوراق وكاشفها هههههههههههههه . يالله يا حبيب لي قدام وسلام لعقابك السمح .
|
Post: #4
Title: Re: الراكوبة تتميز بوضع ابلغ صورة مع خبر اهتمام الحكومة بالمغتربين
Author: Amjad ibrahim
Date: 05-26-2014, 09:21 PM
Parent: #1
سلام شباب
يا كوستاوي خليهم يليسوا زي ما عايزين، الجماعة ديل القربة بتاعتهم انبهلت و ما بتنسد
الباقي شحتفة رووح ساكت
بت عمسيب كيفنك
و الله مفتقدين ناس هولندا شديد
الأمور تمام، لكن زي ما شايفة
الحكومة بقت تدخل يدها حتى
في جيوب الناس الاكثر حوجة
غايتو الله يهون القواسي
و يجعل نهايتهم وبالا عليهم
من غير جهجهة للناس
تحياتي
|
Post: #5
Title: Re: الراكوبة تتميز بوضع ابلغ صورة مع خبر اهتمام الحكومة بالمغتربين
Author: عبد الوهاب المليك
Date: 05-26-2014, 09:49 PM
Parent: #4
| Quote: اهتمام الدولة بشريحة السودانيين العاملين بالخارج وتطوير البرامج والمشروعات المقدمة إليهم. |
أموت وأعرف برنامج أو مشروع واااحد تم تقديمه للمغتربين ..
يا ربي يكونوا قاصدين برنامج مرافيء الغربة ولا شنو ما عارف ؟؟
ويا مثبت العقل والدين ..
|
Post: #6
Title: Re: الراكوبة تتميز بوضع ابلغ صورة مع خبر اهتمام الحكومة بالمغتربين
Author: Amjad ibrahim
Date: 05-26-2014, 10:08 PM
Parent: #1
عزيزي عبد الوهاب
و الله الواحد مغترب و أبن مغترب، لم نرى من
معظم الحكومات غير المماحكة و الاستهبال
و إن كانت حكومة الكيزان اتت بما لم تأتي به الاوائل
من الامتصاص و افقار المغتربين
بزيادة افقار الشعب و الذي يقوم المغترب
بدعمه بصورة تتناسب طرديا مع نسب
افقار الحكومة له، حتى اضحى الاغتراب
عبارة عن ساقية جحا تشيل من البحر و تدي البحر
و زي ما قلت يا مثبت العقل و الدين
|
|