Post: #1
Title: اتصال مباشر عبر الهاتف مع( جعفورى)
Author: معاوية عبيد الصائم
Date: 05-18-2014, 05:23 PM
الووو.......... .سيدى جعفورى
جعفورى ......اى معاك جعفورى
الووو .......سيدى جعفورى ممكن ناخد من زمنك ساعة
جعفورى.....تفضل معاى منو لو تكرمت
الووو......معاك جريدة (خبرك شنو)
جعفورى ..خبرى انا؟
الوو.....لا ياجعفورى الجريدة اسمها خبرك شنو
جعفورى ...جريدة منو ؟
الوو....الجريدة الصحيفة اسمها كده
جعفورى..اى كده فهمتك
الوووو....سيدى جعفورى عندك فكرة سيد صادق اعتقلو؟
جعفورى..سيد صاقد ده منو ؟
الووو...سيد صادق الجدو الامام المهدى
جعفورى.....اى المهدى بعرفو ده مش بتاع حرب كررى..
الوووو...اى ياجعفورى ياهو...مشاء الله عليك بتعرف كررى
جعفورى.. كيف مابعرفا مش فيها الكلية حقت الديش
الوووو....اى ياها ..قلت ليك بتعرف الصادق ابو عبدالرحمن
جعفورى ...قصدك عبد الرحمن ود عمى احمد وللا عبد الرجمن ود سر الختم؟
الوووو...عبد الرحمن مساعد الريس
جعفورى ... الريس منو
الووووو.... عمر البشير
جعفورى... ايووووووو عرفتو لامن مشيت مع ابوى القصر الجنب البحر شان اعمل معاينة للشغل فى القصر الجنب البحر شفت واحد غليد عندو دبورات كتار فى كتفو اسمو عبد الرحمن بلعب بوكس
الوووو..اىى ياهو
جعفورى..وللا انت قصدك عبد الرحمن البصلح البلاستشين
الوو...قصدى اب دبورات
نتابع المكالمة انقطع الخط مع جعفورى
|
Post: #2
Title: Re: اتصال مباشر عبر الهاتف مع( جعفورى)
Author: معاوية عبيد الصائم
Date: 05-18-2014, 09:01 PM
Parent: #1
الوووو..جعفورى انت ضارب شنو
جعفورى........ ضارب رز ب لبن
نتابع
|
Post: #3
Title: Re: اتصال مباشر عبر الهاتف مع( جعفورى)
Author: cantona_1
Date: 05-18-2014, 09:37 PM
Parent: #2
الأخ معاوية بعد السلام
يا زول قلنا ليك أبعد من الأسياد ديل بسختوك يقلبوك ....ز
قناتي في اليوتيوب
http://www.youtube.com/user/KabbashiSudan
https://www.youtube.com/user/KabbashiSudan
تحياتي.
كبـّاشي الصافي
|
Post: #4
Title: Re: اتصال مباشر عبر الهاتف مع( جعفورى)
Author: قريب المصري
Date: 05-18-2014, 11:36 PM
Parent: #3
يا معاوية السيد جعفر دا صديق عمري
كفاية كل عيد عندي جلابية فاخرة منو
معليش يا ود سيدي ما تزعل منو
با معاوية الاتحاديين زعلانيين جدا
أعتذر للسيد جعفر يا خي
|
Post: #5
Title: Re: اتصال مباشر عبر الهاتف مع( جعفورى)
Author: ناصر حسين محمد
Date: 05-22-2014, 09:56 AM
Parent: #4
جعفوري الضرب البوري
اعمل حسابك مولانا بقلبك " غطاء سيرمسة "
|
Post: #6
Title: Re: اتصال مباشر عبر الهاتف مع( جعفورى)
Author: معاوية عبيد الصائم
Date: 06-22-2014, 11:27 AM
Parent: #5
الووو..جعفورى
ايوة معاك جعفورى ..جعفورى تتطير عيشتو معاكم
الووو..اسفين سيد جعفورى للازعاج
اها قول انت منو وعايز منى شنو
الوو..سيد جعفورى عندك فكرة حميدتى بسال منك ؟
لاحولالالا حميدتى ده منو ؟
الوو.. مابتعرف حميدتى معقووولة؟
لاحولا ما بعرفو .شغال وين هو .
الوو.. شغال فى الخرطوم معاكم فى الحكومة
لاحولا يطرشنى والله ..شغال فى ياتو بكان ؟ قصدى ماسك شنو
الوو.. ماسك قوات الدعم السريع
سريع شنو ووين ..والشغلو منو ؟
الوو. شغلو محمد عطا
محمد عطا منو ؟
الوو..معقول مابتعرف محمد عطا ياجعفورى؟
وحاتك انت ما بعرفو ...بلعب وين
الوو.. يلعب شنو يا جعفورى ده مدير الملعب كولووووو
ياتو ملعب ..
الووو ...سيد جعفورى
يازول ممكن تتضرب لى بعد شوية ..عندى مشوار
الوو.. معليش ممكن 10 دقائق من وكتك
بخصوص السلتنى منو .حميدتى وللا كلام تانى
الو.. جعفورى انت شغال شنو
الله يشغلك فى روحك مالك ومالى ..انت صارف على يصرفك الصريف شقاق المصاريف
الو الو الو الو .........قطع الخط ..نحاول مرة اخرى
|
Post: #7
Title: Re: اتصال مباشر عبر الهاتف مع( جعفورى)
Author: ناصر حسين محمد
Date: 06-22-2014, 09:05 PM
Parent: #6
ههههههههههههههه
لت لي جعفوري ضارب رز بلبن
|
|