شيخى و سنيرى معاوية ود المدير .. مع شكرى و تقديرى

سعدت كثيرا بالاتصال التلفونى من اخونامعاوية و اكتملت سعادتى بمقترحه حول بوست .. و من هنا مروا ..
و ملخصة تناول مشاركات كل راحل فى بوست منفصل تسهيلا لعملية المتابعة و المشاركة ..
--------------
بصدر رحب اتقبل توجيهك وارشاداتك و ساعمل بها و لك كل شكرى و تقديرى
اخوك جلال

Quote: بصدر رحب اتقبل توجيهك وارشاداتك و ساعمل بها و لك كل شكرى و تقديرى اخوك جلال

شكراً جزيلاً أخي جلال،
وقطعاً سيكون هذا توثيق لمن رحلوا عنا،
ولمسة وفاء تستحق عليها تقبيل راسك
يا حبيب.
شكراً...

الشيوعي دا اتشيخن متيــن


تسلمو يا حبان مجهود مقدر جلال ..
ورحم الله كل من رحل عنا وتقبله قبولا حسنا ..

Quote: الشيوعي دا اتشيخن متيــن

غايتو كان ما شيوعي بيكون تبع جماعة عباس الخضر عشان كدة اخير ليهو الشوعنة
التحية لك أستاذ جلال و لهذا الفهم الراقي في التوثيق
لكن نصيحة لله و الرسول
أبعد من نصايح ود المدير ده بتغتس حجرك
أصلو الشيوعيين ديل ماعندم أمان
و كان ما مصدقني أسأل ود الزين
و يا حيدر أخونا جلال ده ببالغ عديل سنير ما عندنا عليها اعتراض لكن شيخ دي قوية خلاس
غايتو يمكن يكون شيخ .....
التحية لك مرة أخرى أخي جلال و معليش ما ممكن أكتب أكتر من كدة عشان البوست ما يمشي الخور.
لك التحية و الاحترام مجدداً و كونوا جميعاً بخير

Quote: سعدت كثيرا بالاتصال التلفونى من اخونامعاوية و اكتملت سعادتى بمقترحه حول بوست .. و من هنا مروا .. و ملخصة تناول مشاركات كل راحل فى بوست منفصل تسهيلا لعملية المتابعة و المشاركة .. بصدر رحب اتقبل توجيهك وارشاداتك و ساعمل بها و لك كل شكرى و تقديرى اخوك جلال

الاخ جلال
اصلو ما بنعلق عشان ما بنريد ضررك، لكن نصيحو لوجه الله تعالى، الزول المقطع المفلس دا ما بتلقى عنده نصيحة نافعة
الزول دا عايش عالة على ود الفحل

Quote: شكراً جزيلاً أخي جلال، وقطعاً سيكون هذا توثيق لمن رحلوا عنا، ولمسة وفاء تستحق عليها تقبيل راسك يا حبيب. شكراً...

و يا ريت نكون عند حسن الظن
و تسلم يا حبيب

الواحد يغيب يومين يجي يلقي بشه غير ركبتو و عبدالعزيز بكتب في موضوع رومانسي ؟؟؟
ود المدير من بتين كان عندو نصايح ؟؟؟ و ينفتح ليهو بوست كامل و شكري و تقديري كمان؟

يا جلالدونا ياخي حبابك في الحوش.

Quote: التلفونات بقت ، تطاقش ساكت معاك ، من الجماعة ، تحت الهواء ، خلاص صافية لبن ، بعد ما رفعت الراية البيضاء ، يا زول بعد دا ، إتكرعت تب ، بموية زمزم ، بعدين زول حمامة مسجد ، وبيمشي صلاة الصبح حاضر ، يتهموهو بالشيوعية ، والله محن ، ،،،،، ... عزالدين عباس الفحل ابوظبي ...

منقول.
والله صحي...

Quote: الشيوعي دا اتشيخن متيــن تسلمو يا حبان مجهود مقدر جلال .. ورحم الله كل من رحل عنا وتقبله قبولا حسنا

اللهم اّمين
ود الزين .. حبابك الف يالمبروك .
من زمنن ما حال عليهو الحول كتب زميلن ليكم هنا
مكتوب زعلان فيهو عشان ورود بعض مفردات اسلامية فى الخطاب الشيوعى و جاب امثلة تدعم كلامو
اها شالتنى الهاشمية و كتبت ليهو من النفاج .. ات معترض على ورود مفردات اسلامية فى الخطاب الشيوعى
و اسم الحزب ذاتو ماخود من فقه التركات .. الشيوع ..وهى الارض المملوكة على الشيوع .. اها وحاتك جلانى جلييت السنين ..
اها شياخة ود المدير فى شيوعية الارض دى
ارقد عوافى

Quote: بيكون تبع جماعة عباس الخضر

إتحصبت الله مِنهم ...

وإتعوذوا وإتحصنوا .. ما تعاينو لا تحت الشباك التحتاني.. دمِسو بالتراب واقروا وجعلنا من بين ايديهم سدا ..

باقي مرات الشباك بيجيبلو هبايب وشيويطينات معفرتة .. والله صحي

غايتو كان ما شيوعي بيكون تبع جماعة عباس الخضر عشان كدة اخير ليهو الشوعنة
التحية لك أستاذ جلال و لهذا الفهم الراقي في التوثيق
لكن نصيحة لله و الرسول
أبعد من نصايح ود المدير ده بتغتس حجرك
أصلو الشيوعيين ديل ماعندم أمان
و كان ما مصدقني أسأل ود الزين
و يا حيدر أخونا جلال ده ببالغ عديل سنير ما عندنا عليها اعتراض لكن شيخ دي قوية خلاس
غايتو يمكن يكون شيخ .....
التحية لك مرة أخرى أخي جلال و معليش ما ممكن أكتب أكتر من كدة عشان البوست ما يمشي الخور.
لك التحية و الاحترام مجدداً و كونوا جميعاً بخيرالوليد حبابك و مرحب بيك
____________________________________
الشغلة ماها توثيقية بقدر ما هى استذكار لى مرورن من هنا و الدعاء بالرحمة و المغفرة لهم ..
اها شيخى المدير ده ما برضى الغلت فيهو حتى لو كان المبارك شيخ الظهر

يا غرق يا جيت حازما .. هلا هلا شيخى ود المدير
وليك منى كل التقدير و الاحترام حبيبنا وليج

Quote: وإتعوذوا وإتحصنوا .. ما تعاينو لا تحت الشباك التحتاني.. دمِسو بالتراب واقروا وجعلنا من بين ايديهم سدا .. باقي مرات الشباك بيجيبلو هبايب وشيويطينات معفرتة .. والله صحي

محمد معانا ما تغشانا...

Quote: Abdalaziz Hussain بالله ود المدير شيوعي انا كنت حاسي بيه من مطاعنتة ... أمانة ما وقعت صلعة ... حا نمعط شنبة صوفه صوفه

الليلة يا سمرا و يا سمارة الليلة يا اب صلعة
عبد العزيز .. مرحب بيك

Quote: Quote: Mohamed Hassen Abdallah · الأكثر تعليقا · Gamal Abdel Nasser High School Khartoum (بس ما تسالني تاني ؟ عن الكافيار الإيراني) أيوآآآآآآ جيت يا عباس ..... الكافيار ماني سآآألك منو ههههههههه، يا محمد قالوا، الملك عبد العزيز في زيارة للصين وآحد من الوفد المرافق قالو، طال عمرك دا الكفيار. الملك عبد العزيز، قالوا الكافيار شنو ؟؟؟ قال ليهو، طال عمرك بيض السمك، ويبساعد علي العملية الجنسية. الملك قالو، يا ولدي العملية الجنسية دي كان ما ساعدك عليها بيضك، بيض السمك ما بيساعدك...

الأخ الحبيب جلال
لك التحية
هذه واحدة من مشاركات شيخك الشيوعي في بوست مجاور
أنا قبيل قلت ليك أنا ماعايز أزيد عشان البوست الجميل ده ما يمشي الخور
فدحين يا أخوي الله يرضى عليك أبعد من شيخك و نصايحو المتل كلامو الفوق ده
و مرة تانية التحية ليك و لضيوفك الكرام

ناصر يا جميل

Quote: الواحد يغيب يومين يجي يلقي بشه غير ركبتو و عبدالعزيز بكتب في موضوع رومانسي ؟؟؟ ود المدير من بتين كان عندو نصايح ؟؟؟ و ينفتح ليهو بوست كامل و شكري و تقديري كمان؟ يا جلالدونا ياخي حبابك في الحوش.

أت الوداك تغيب شنو .. اربعة من الكنبة الورا يشدو الزول ده
يا ود المدير اجلد بغير حساب
ممنون كتير لحفاوة الترحاب

حبابك ومرحب بيك عضو في المنبر بس النصيحة لله اسمك دا كل ما اشوفو بقراهو (جلدونا) فاسال بكري في طريقة يغيرو ليك؟ ثم من جهة اخرى انت اخو مارادونا؟
اسمع
ود المدير اداك منفلتك ولا لسه؟ الكع شيلها سريع فضلت ليهو فرد واحدة

يا معاوية أخير تعترف أنك شيوعي تأكد بعد أعترافك وتدخل عزالدين الفحل ممكن نخفف ليك المعط شوية

النكران ما بفيدك بل بعقد القضية أعترف يا ماركسي يا أصلع

أكبر دليل على شيوعيتك قعدت تتلحلف وتكورك لمن جيت الإمارات ما كلفت نفسك تديني تلفون مع أنه عندك تلفوني ودقيت لي أكتر من مره

شوف أنا هنا عشان البوست سمح وعشان أخونا جلال دا برخيك لكن أول دقسة تحسس شنبك جيداً قبل المعط

فتكم بي معطه

ود الفكى

Quote: الاخ جلال اصلو ما بنعلق عشان ما بنريد ضررك، لكن نصيحو لوجه الله تعالى، الزول المقطع المفلس دا ما بتلقى عنده نصيحة نافعة الزول دا عايش عالة على ود الفحل

اولا سعيد بالجد بالطلة... و وين الحى بيك .. شيخى جاب الكرسى الدوار بس ما لقى السفرجل قام استعاض عنو بالحرجل
هلا هلا شيخى كمان بيلعب والاى فون 9 قادر الله
ود الفكى .. امشى ألعب بعيد شان ما تنسخط

Quote: برخيك لكن أول دقسة تحسس شنبك جيداً قبل المعط

هههههههههههههههههههههه،

لا ياااااااااا عزوز...

Quote: ود الفكى .. امشى ألعب بعيد شان ما تنسخط

عندك حق يا جلال، ود الفحل البكتب المداخلة الاولى من السودان والوراها طوالي من ابوظبي في خلال دقائق دا قطع شك بسخطنا

Quote: يا محمد قالوا، الملك عبد العزيز في زيارة للصين وآحد من الوفد المرافق قالو، طال عمرك دا الكفيار. الملك عبد العزيز، قالوا الكافيار شنو ؟؟؟ قال ليهو، طال عمرك بيض السمك، ويبساعد علي العملية الجنسية. الملك قالو، يا ولدي العملية الجنسية دي كان ما ساعدك عليها بيضك، بيض السمك ما بيساعدك...

الوليد .. دحين دى ما ياها الحكمة ضالة الحاكم
شن جاب بيض السمك لى بيض الملك

Quote: عندك حق يا جلال، ود الفحل البكتب المداخلة الاولى من السودان والوراها طوالي من ابوظبي في خلال دقائق دا قطع شك بسخطنا

و العجب لو مناك بى دولارات ... حكمة الله اصلو ماب تصل ,, تصل المداخلة اما الدولار نهيييييييى .. ما قلت ليك بتنسخط

يبب .. :)

ههههههههههههههههههههههههههههه،

حيدر الزين يا مجرم
قفشتك. والله صحي...

يآخي والله بقيت ما عندك اي موضوع..

كلو من الفحل اكان رسلك اكان هسع اتموضعت في الحجر الاسود..
انا بقرأ لك في كلام كدي قمت اتذكرت القصة دي قلت اهديها ليك :)


قال عمر الورّاق:‏ ‏رأيتُ كلثوم بن عمرو العتّابي الشاعر يأكل خبزاً على الطريق بباب الشام. فقلت له:‏ ويحك! أما تستحي من الناس؟‏ ‏ فقال:‏ ‏ أرأيت لو كنا في مكان فيه بقر، أكنت تحتشم أن تأكل والبقر يراك؟‏ ‏ فقلت: لا.‏ ‏ فقال:‏ ‏ فاصبر حتى أريكَ أن هؤلاء الناس بقر.‏ ثم قام فوعظ وقصّ ودعا حتى كثر الزحام عليه، فقال لهم:‏ ‏ رُوي لنا من غير وجه أنه من بَلَغَ لسانُه أرنبةَ أنفه لم يدخل النار!‏ ‏ فما بقى أحد منهم إلا أخرج لسانه نحو أرنبة أنفه ليرى هل يبلغها أولاً. فلما تفرقوا قال لي العتابي:‏ ‏ ألم أخبرك أنهم بقر!

إذاً
نرجع لقواعدنا سالمين،
وكان الله يحب المحسنين...

معاوية المدير
...



يا زول ها ،
إنت طلعت شيخ عدييييل كدا ،
غايتو بقيت من ناس الخطوة ،
الشافك في الأمارات ما كذب ،
بعدين عبدالعزيز اللذيذ دا ،
ياخي قومت ليهو نفسو ساكت ،
عملت ليهو أزمة في التنفس ،
عصرت عليهو شديد ،
،،،،،
خارج النص :-
ود المدير دا ،
ما شيوعي يا شباب ،
دا كلما إضرب ليهو بالهاتف،
بلقاهو خارج من صلاة الفجر في جماعة ،
يعني خارج من المسجد ،
مدد ،
،،،،،،،
سلام لصاحب البوست ،
جلالدونا ،
( جلال الدين عيسي عثمان عمر ) ،
والرواد الكرام ،

...





عزالدين عباس الفحل
ابوظبي
...