يا Ridhaa الله يرضى عليك !

يا اخي انت مش قلت ماشي من البورد وما راجع تاني، وفعلاً مشيت وتمنينا لك التوفيق ؟!

الرجعك شنو ياخ؟!

أخى أيمن السلا م عليكم.....أترك مساحة لغيرك أن يمارس حاجاته ..المكان يسع الجميع... لك وللجميع التحية والتقدير...

الاخ اسماعيل تحياتي واحتراماتي

Quote: .أترك مساحة لغيرك أن يمارس حاجاته ..المكان يسع الجميع

من الذي تدعوه ليترك للآخرين مساحة ليمارسوا حاجاتهم أنا أم الاخ رضا ؟
في الحقيقة أنا ادعو الاخ رضا ليترك مساحة للآخرين ليمارسوا حاجاتهم !
انا شخصياً في هذا المكان كقارئ أولاً، جئت لأقرأ ما تكتبه الاطياف المختلفة،
والمسألة عندي وجهة نظر عايز اقولها (حرية تعبير وكده) !
كالاتي:
العديد من الأعضاء والكتاب زهدوا في الكتابة في هذا المكان بسبب (الدفسيبة) بتاعة البوستات، وانو الواحد خلال ساعة واحدة ممكن يلقى البوست بتاعوا (الوحيد) مشى الصفحة الثانية !
في حين انو مثلاً الاخ رضا ممكن في ساعة واحدة يفتح خمس ست بوستات - والغريبة حتى انو لا يرد على الاخرين فيها، وكأنه في خطة مرسومة الهدف منها (اغراق) البورد بالبوستات والتسبب باكبر قدر من اللاموضوعية - ولا أكذب عليك أخي اسماعيل فانني أعتقد ان هناك هدف من وراء ذلك غير الرغبة في الكتابة ومشاركة الآخرين !
وجهة نظري ما ليها علاقة بمحتوى بوستات الأخ رضا - فهو حر يفتح بوستات بالذي يراه مناسباً ويكتب ما يشاء فذلك مكفول له - والحمد لله
ولكن فليترك مساحة للآخرين ايضاً فالكل له الحق في فرص عادلة للكتابة

أيمن سلام،
أسعدتنا عودة رضا،
ونتمنى عودة الأقلام الأخرى التي آثرت القراءة،
فعندما تبحث في "الحضور بالمنتدى" ستقرأ أسماء لأعضاء سجلوا وقُبلوا ولكنهم آثروا القراءة!
المهم:
قصة رضا وأمثاله ذكرتني الراجل العمل فيها ميت، وكلم أعز أصدقائه أن يضعه في تابوت في حجرة صغيرة،
وأن ينتظر بالتابوت فترة من الوقت ليسمع تعليقات زملائه ومعارفه من مدح وذم من أجل معرفة محبيه من مبغضيه!
حباب عودة رضا ،
ونتمنى عودة الآخرين.
تحياتي وتقديري

نشكر ايمن لفتحه بوست خاص باسم رضا
ونستغل هذه النافذة لنرحب بسيد البيت رضا وليس عودته انما امتنانه علينا بهذه الاطلالة الكريمة
على الاقل رضا لم يؤذى احد فكان الاولى منك ان تناشد من يؤذون الخلق والخالق فهم اولى بالمناشدة والصد والحجر عليهم ولكن ياسمينة المنتدى رضا شخصيا فمقامه عندى كبير
لك الود اجزله













وخلى المناكفات ياباشا

مع احترامي لشعورك اخ أيمن

لكن و كما تفضل الاخوة البورد للجميع و لا ينبغي ان نصادر مشاركات البعض او نمنعها بحجة انها لاتروق لنا
للاخ راضي معجبون كثر و انا واحد منهم فهو كثيرا ما يخرج بنا من هذا الروتين ببوستاته المنوعة القصيرة الموضوعية جدا فهو لا يصب عليها لا توم و لاشمار

مع محبتي

من هو رضا ؟ !

تحياتى اخ ايمن وضيوفه
ياايمن وجهه نظرى الخاصة
انا شايف انو عنوانك ده غلط فى حق عضو ليهو حق زى ماليك
والاخ رضا ده تقريبا من 2002 بكتب فى البورد ده وانتا جيت السنة الفاتت
بصرف النظر عن كتابات الاخ رضا سواء كانت غث او سمين او ماليه الصفحة الاولى ده حق هو اكتسبو قبلك كتير...

التحية والتجلة لكل من اختلف او اتفق اسابقين واللاحقين

الاخ سليمان آدم

Quote: انا شايف انو عنوانك ده غلط فى حق عضو ليهو حق زى ماليك

لو سمحت وين الغلط في العنوان ؟

Quote: والاخ رضا ده تقريبا من 2002 بكتب فى البورد ده وانتا جيت السنة الفاتت بصرف النظر عن كتابات الاخ رضا سواء كانت غث او سمين او ماليه الصفحة الاولى ده حق هو اكتسبو قبلك كتير...

بالله الشغلة بالاقدمية في المكان ده ؟!
كلام عجيب !!!

يا ايمن سلامات
ياخي من يوم انت كتبت بأنك تتذكر اول مليون دولار اكتمل في حسابك انا متابع بوستاتك بإستمتاع
و قبله لما استفسرت عن شخص مرتاح و اموره مظبطة و ما محتاج للجهرة لكن وقع له لوتري اها يعمل شنو

قلت في نفسي احسن احاول مصادقة الزول التقيل دا
بس حبا في الفلوس و اهله
ياخي قيس على ذلك معجبي رضا -يعني تتعدد الاسباب و الاعجاب واحد
مش برضو (منتق)؟

وانت غفير البورد!!
ايش يخصك فيه ما يكتب العاوز يكتبوا سيد المنتدى راضى انت حارققك مالك
قوم لف كده

أنا من ضمن من يتابع بوستات رضا وأطالب بوجوده في البورد

لا يا أيمن ليس لك الحق فى مصادرة وتكميم أفواه الآخرين

دع رضا يكتب فهو من الأقلام التى نتابعها بشدة

كتب ايمن محمود:

Quote: في الحقيقة أنا ادعو الاخ رضا ليترك مساحة للآخرين ليمارسوا حاجاتهم !

يعني رضا شاغل المساحه كلها وملفي طريقه لي زول تاني عشان يكتب؟؟

Quote: والمسألة عندي وجهة نظر عايز اقولها (حرية تعبير وكده) ! كالاتي:

طيب "رضا" ما عندو حق في حرية التعبير "وكده" ؟؟

Quote: العديد من الأعضاء والكتاب زهدوا في الكتابة في هذا المكان بسبب (الدفسيبة) بتاعة البوستات،

إنت مابتعرف الزهد ....كدي حاول أزهد انت برضو.

طبعآ الإقتباس الأخير هذا ..يقرأ مع الذي يليه:

الإقتباس الاول:

Quote: وكأنه في خطة مرسومة الهدف منها (اغراق) البورد بالبوستات والتسبب باكبر قدر من اللاموضوعية

الإقتباس الثاني:

Quote: وجهة نظري ما ليها علاقة بمحتوى بوستات الأخ رضا

الإقتباسين الأخيرين فيهما تناقض يا ايمن...كيف تكون وجهة نظرك ليس لها علاقه بما تحويه بوستات "رضا" وفي الإقتباس الذي يسبق تؤكد أنه لا موضوعيه في ما يتناوله.

إلا أن الغرابه بالفعل في إستنكارك لعودة "رضا" مره أخرى للبورد....يبدو أنه لم يزهد من الكتابه هنا...فهل أنت زاهد أو سوف تزهد في الكتابه هنا.

والسلام ختام.

Quote: وانت غفير البورد!! ايش يخصك فيه ما يكتب العاوز يكتبوا سيد المنتدى راضى انت حارققك مالك قوم لف كده

مستوى بيئة خالص

Quote: مستوى بيئة خالص

بيئة انا مسوى كضومك
والله فعلا النور بلم الحشرات

دينق عبد الله

Quote: قلت في نفسي احسن احاول مصادقة الزول التقيل دا

صداقتك تشرفنا يا دينق - بس دولاراتنا تشمها قدحة

Quote: يا ايمن الزول دة شغله تشتيت كورة واضح لكن مادام الجمهور عاوز كدة خليه قاعد

يا نادر كلامك ده الزبدة
انا مقتنع تماماً انو رضا شغال في البورد تشتيت كورة واغراق للبورد بفيدوهات واخبار مبذولة في اليوتيوب والانترنت، ومن يرى عكس ذلك فله مطلق الحرية
ودي فكرة البوست بالتحديد: مافي أي وصاية ولا حجر على انسان مهماً كان (ليس من حقي ولا من قناعاتي) ، والبوست ده تنبيه للاخ رضا بصورة خاصة

والله يا ايمن كتير من فيديوهات رضا دى انا بتابعها
الواحد بقى ما عندو وقت يدور فى اليوتيوب
واهو رضا بجيب من هنا وهناك ...


التحية ليكم الاتنين

Quote: يا اخي انت مش قلت ماشي من البورد وما راجع تاني، وفعلاً مشيت وتمنينا لك التوفيق ؟! الرجعك شنو ياخ؟!

انت لست بصاحب المنبر وضيف عنده كبقية الآخرين فلماذا تطالب من هو مثلك بالمغادرة


---------
التحية للأخ رضا حيث ماكان

الأخ / أيمن

لكم التحية

رضا من قدامى الزملاء في المنابر السودانية وقبل 2002م كنا مع بعض في سودان.نت مع مجموعة طيبة من الزملاء والزميلات ساد الاحترام بيننا وما زال ونعتز بهم فرداً فرداً ونكن لم الاعتزاز في أنفسنا ، وعلى نفس النهج نكن التقدير والاحترام لكافة زملاء المنبر العام

مشكلة رضا وافراد آخرين هنا لا ينتمون للشلليات ، الذين إن ارادوا لبوست أن يطلع السماء (طلع) وإن يغرقوه فما أسهله ( التجاهل) فرضا على الأقل نصنفه من عفيفي اللسان ولم يأتي ببذاءة ولا شتيمة قط .

نأمل أن يكون سؤالك بحسن نية وأنك لم تعني الحجر عليه .

ورضا أيضاً من القلائل الذين يذكرون مأساة بلدنا (وادي حلفا) وكثير ما يكتب عن إغراق وادي حلفا بالرغم من عدم إنتماءه لمنطقتنا وهو محب للسودان عموماً .

وفي ذلك البوست الذي نوه بمغادرته ناشدته بشدة ألا يترك المكان ، وقد إستجاب ,,, ونعم لاستمراية رضأ .