لعناية حيدر الزين، معاوية المدير والفحل

Post: #1
Title: لعناية حيدر الزين، معاوية المدير والفحل
Author: محمد عمر الفكي
Date: 03-25-2014, 02:53 PM
Parent: #0

والله الواحد بقى عالمي عديل
شوفو زهير دا متوسم فيني الخير كيف؟
انا رديت عليهو وقلت له عندي صاحب مليونيرات حلالين للعقد
Good Day,

Sorry for any inconvenience, but I'm in a terrible situation. I came down here to Ukraine for a program, last night on my way back to my hotel room I was robbed at gunpoint, my wallet and other valuables were stolen off me, leaving my passport and life safe. My luggage is still in custody of the hotel management pending when I make payment on outstanding bills I owe. I called my bank for a wire transfer but it has proven almost Impossible to operate my account from here as they made me understand international transactions take 7 working days to be effective which i can't wait. I need you to help me with a loan of ($2,350 USD) to pay my hotel bills and get my self home. I will reimburse you soon as I get back Home. I will appreciate whatever you can assist me with.

Let me know if you can be of help.

All hopes on you.
الاخ اسمه زهير عبدالمجيد وعنوانه بطرفنا لمن يهمه الامر
صورة للإخوان: الوليد الشيخ وحسين ديجول

Thanks

Zoheir

Post: #2
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 03-26-2014, 06:05 AM
Parent: #1

ياااا الله ... دا محتاج فزعة .. وبالحيل جاء محل ناس المروءة ..

بلد فيها الارباب الفحل ما بيكوسوا فيها لود المدير وود الشيــخ وديجول..

قوله غرضك انقضى تب مسافة الفحل ينزل من كرسيه الدوار..

ــــــــــــــــــ..
بعد تفزعو اللخو زهير انا عندي موضوع سمـك داير اسأل منه وقته والا مو وقته .. والا شنو؟

Post: #3
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-26-2014, 06:14 AM
Parent: #2

هـلا هـلا ،
( $2,350 )
يـفـتـحـوا ليها ،
بـوسـت يا ناس السعودية ،
بخ بخ ،
،،،،،،

...

عزالدين عباس الفحل
ابوظبي
...

Post: #4
Title: Re: لعناية حيدر الزين، معاوية المدير والفحل
Author: محمد عمر الفكي
Date: 03-26-2014, 06:48 AM
Parent: #3

يا حيدروف
والله ود الفحل مو مختوت لها
لكن ان حل مشكلة اخونا زهير دا بكون في ميزان حسانتو وان لم يفعل فما على زهير الا ان يقيف في الصف
حباب ود الفحل وزهير في انتظارك
علا يا حيدر زهير دا وكت ناس الفندق زاردينو كدا لقى قروش وين يخش بيها النت؟

Post: #5
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 03-26-2014, 07:34 AM
Parent: #4

انت في قروش النت والا هو عرفك كيفن صاحب عز الدين الفحل وممكن تحل ليهو مشكلته دي بكبسة زر ؟؟!

Post: #6
Title: Re: لعناية حيدر الزين، معاوية المدير والفحل
Author: cantona_1
Date: 03-26-2014, 07:40 AM
Parent: #5

يا محمد عمر الفكي سلام
أعمل حسابك دي رسائل نصب واحتيال فقد استلمت رسالة من هذا الزهير طبق الأصل لرسالتك.. فما تنخدع .
تحياتي

كبـّاشي الصـّـافي
(العوج راي والعديل راي) .

Post: #7
Title: Re: لعناية حيدر الزين، معاوية المدير والفحل
Author: cantona_1
Date: 03-26-2014, 07:46 AM
Parent: #3

Quote: بخ بخ ،

يا عز الدين الفحل سلام
يا الفحل بخ بخ دي معناها عاوز تحوِّل للزول؟ يا زول أنا ذاتي عايز مصاريف، لوعاوز أرسل ليك ال PayPal بتاعي عشان تحوِّل لي.
قبل شهر استلمت رسالة من واحدة تدعي أنها سعودية تعمل مديرة لبنك أبو ظبي في العين وعندها 12 مليون دولار عاوزة تحولها لي وأنا أشيل 6 ملايين وأديها 6 ملايين دولار. بس عشان المحامي وكدا يجب أن أحول لها 1500 دولار لزوم المستندات!!
حد يشتري يا جماعة 6 ملايين دولار ب 1500 دولار؟ قلت لها: ما عندي ال1500 دولار. أخصميها من المبلغ وحولي الباقي.
نصب على مستوى دولي ساذج ولكن الطمع ودّر ما جمع. والطمع فحل العيوب.
تحياتي

كبـّاشي الصـّـافي
(العوج راي والعديل راي) .

Post: #8
Title: Re: لعناية حيدر الزين، معاوية المدير والفحل
Author: محمد عمر الفكي
Date: 03-26-2014, 08:26 AM
Parent: #7

يا حيدر
بكون قاعد يخش سودانيز
يا عم كباشي
ما توصي حريصاً اكتر من من ودالفحل الليلة قلت جواب
اها ان شاء الله تكون قضيت لزهير دا موضوعه

Post: #9
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-26-2014, 08:37 AM
Parent: #8

cantona_1

...

يا عم كباشي ،
عرفنا النصب والإحتيال ،
لكن زهير دا ،
عرف بعلاقتي مع ،
محمد عمر الفكي كيف ؟
كان كدا الطيارة الماليزية ،
هم عارفين وين قاعدة ،
غايتو ،
يا ما في النت مـحـن ،
،،،،،،

...

عزالدين عباس الفحل
ابوظبي
...

Post: #10
Title: Re: لعناية حيدر الزين، معاوية المدير والفحل
Author: ALWALEED ALSHEIKH
Date: 03-26-2014, 08:37 AM
Parent: #7

Quote:
ياااا الله ... دا محتاج فزعة .. وبالحيل جاء محل ناس المروءة ..

بلد فيها الارباب الفحل ما بيكوسوا فيها لود المدير وود الشيــخ وديجول..

قوله غرضك انقضى تب مسافة الفحل ينزل من كرسيه الدوار..

لايك شديد جداً جداً
المحتاجين ديل كووولهم و جهوهم لناس بخ بخ
يا ود الزين و ود الفكي أظن بخ بخ دي جاية من البخ زى الملابس لما يجوا يكوها بدوها بخة و كدة يا ربي المك الفحل قصدوا إنو نقوم نكوي زهير ده و لا كيف.

Post: #11
Title: Re: لعناية حيدر الزين، معاوية المدير والفحل
Author: معاوية المدير
Date: 03-26-2014, 09:16 AM
Parent: #10

Post: #12
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-26-2014, 09:37 AM
Parent: #11

معاوية المدير

...

وصلتني هذه الرسالة ،
تـواً في الإيـمـيـل ،
يا جماغة هـووووي ،
وقفوا البوست دا ؟
،،،،،،

...

عزالدين عباس الفحل
ابوظبي
...

Post: #14
Title: Re: لعناية حيدر الزين، معاوية المدير والفحل
Author: محمد عمر الفكي
Date: 03-26-2014, 09:46 AM
Parent: #12

Quote: الفحل قصدوا إنو نقوم نكوي زهير ده و لا كيف.

عاد يا وليد انت عندك مثقال ذرة من شك في ذلك؟
Quote:
وصلتني هذه الرسالة ،
تـواً في الإيـمـيـل ،
يا جماغة هـووووي ،
وقفوا البوست دا ؟

والله ما انا
يا زول خت الرحمن في قلبك اسمها يا جماعة وليس يا جماغة
بالتقطع قلبك قطعة

Post: #13
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-26-2014, 09:39 AM
Parent: #11

نـص الرســـالـة ،
،،،،،،

...

Quote:

Yannick Hamoda
To
Mar 25 at 10:27 PM
Good day,

I need your assistance to validate your name in our Bank System to enable the Bank transfer the sum of $10.5Million unclaimed fund into your nominated bank account to your account for onward investment ( Hotel industries and Estate building management) or any profitable business in your country and I will give you 40%, for your assistance.

My questions are?

1. Can you handle this project?
2. Can I give you this trust?

If Yes Then Send Me Your Informations;

To commence this transaction, I require you to immediately indicate your interest by a return mail for more details.

Yours faithfully,

Mr. Yannick Hamoda
Executive Director, Africa Development Bank,
Ouagadougou, Burkina Faso

.

عزالدين عباس الفحل
ابوظبي
...

Post: #15
Title: Re: لعناية حيدر الزين، معاوية المدير والفحل
Author: محمد عمر الفكي
Date: 03-26-2014, 09:48 AM
Parent: #13

الاخ الفحل
والله زولك دا اسمو شين خلاص

Post: #16
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 03-26-2014, 09:51 AM
Parent: #15

Quote: والله زولك دا اسمو شين خلاص

ههههههههههههههههههههههههههههههههههه

Post: #17
Title: Re: لعناية حيدر الزين، معاوية المدير والفحل
Author: معاوية المدير
Date: 03-26-2014, 09:53 AM
Parent: #15

Quote:
الاخ الفحل
والله زولك دا اسمو شين خلاص

كمان قال مِستر !!!،
يهووووون الله...

Post: #18
Title: Re: لعناية حيدر الزين، معاوية المدير والفحل
Author: محمد عمر الفكي
Date: 03-26-2014, 10:03 AM
Parent: #17

Quote: كمان قال مِستر !!!،

قااااادر المو عجزان
هي الشغلة دي دايرة مسترة يا مدير؟
الزول دا احتمال يطلع اخو مطرب شعبي مصري اسمه عبدالباسط حمودة

Post: #19
Title: Re: لعناية حيدر الزين، معاوية المدير والفحل
Author: معاوية المدير
Date: 03-26-2014, 10:09 AM
Parent: #18

Quote: I will appreciate whatever you can assist me with.

يقع فيك العدو يا ود الفكي.

عليك الله شوف الزول دا قنوع كيف !!! قنوع يا اخ. والله صحي.
قالك اكان ماك قادر علي المبلغ كُلو رسل لي الفي النصيب، ما
كان ترسلوا البتقدر عليها وتسكت بدل تنجهو النجيهة دي كولها...

Post: #20
Title: Re: لعناية حيدر الزين، معاوية المدير والفحل
Author: معاوية المدير
Date: 03-26-2014, 10:19 AM
Parent: #19

Quote:
يا محمد عمر الفكي سلام
أعمل حسابك دي رسائل نصب واحتيال فقد استلمت
رسالة من هذا الزهير طبق الأصل لرسالتك.. فما تنخدع .
تحياتي

كبـّاشي الصـّـافي

يا خال إنت ما تبالغ كمان.
يا اخي أنا فكرت أمشي عُمرة ساكت، ود الفكي دا
شال شنطتو ومرق من البلد، تقول لي زهير !!!...

Post: #24
Title: Re: لعناية حيدر الزين، معاوية المدير والفحل
Author: جعفر محي الدين
Date: 03-26-2014, 10:34 AM
Parent: #20

أفو يا ود الفكي
شيخ عرب مثلك المفروض يحول من سكات دون أن تعلم يساره ما أعطت يمينه

المهم قبل كم سنة زمن يا دوب التواصل عبر النت بالمسنجر
كتابة بس ما في مكالمات
واحد سرق إيميل واحد سوداني في ماليزيا
وبقي يتنونس مع صاحبنا وهو صديق بالطبع للسوداني وتربطه به علاقة أسرية
والمنتحل حكى قصة طويلة إنه من ماليزيا مش نيجيريا في رحلة عمل
وهناك سرقوا جوازه ومحفظته وكل شيء وطلب تحويل عاجل من أخونا الفي جدة
وكتب له تفاصيل البنك المفروض يحول عليه
أخونا هم بالتحويل ولكن ربك رب الخير ألهمه أن يتصل على قريبه بالهاتف أولا
وكان الرد سريعا من الطرف الآخر والسلام والسؤال
يا زول أنت وين ؟
أنا في المكتب
ما سافرت نيجيريا ؟
البوديني نيجيريا شنو يا زول
كان كدي ألحق إيميلك شكلوا سبقك لنيجيريا

Post: #21
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-26-2014, 10:23 AM
Parent: #19

مـعـذرة يا جماعة ،
معاي ود الباوقة ،
من السعودية ،
ع الخـط ،
،،،،،،

...

عزالدين عباس الفحل
ابوظبي
...

Post: #22
Title: Re: لعناية حيدر الزين، معاوية المدير والفحل
Author: معاوية المدير
Date: 03-26-2014, 10:27 AM
Parent: #21

Quote: مغذرة

متغزز من ود الباوقة دا في شنو،
يا ود الفحل ؟؟؟...

Post: #23
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-26-2014, 10:32 AM
Parent: #22

ود الباوقة ،
راجل وناس وحبوب ،
كان بيحكي عن ،
رحلتة الي شركة المراعي ،
مع سفير السودان بالسعودية ،
وأنا زرتها كم مرة ،( شركة المراعي )،
عند زيارتي للسعودية ،
وحكيت ليهوا ،
نكتة ،
،،،،،،

...

عزالدين عباس الفحل
ابوظبي
...

Post: #25
Title: Re: لعناية حيدر الزين، معاوية المدير والفحل
Author: محمد عمر الفكي
Date: 03-26-2014, 11:07 AM
Parent: #23

Quote: أفو يا ود الفكي
شيخ عرب مثلك المفروض يحول من سكات دون أن تعلم يساره ما أعطت يمينه

يا شيخ جعفر قايلني ود الفحل ولا شنو؟
يا مدير
ياخي ما تشوه سمعتنا، انت كدي ربنا يهون لك امر العمرة وشوف البنسويهو فيك، مطار ابوظبي بس
يا ود الفحل
اخونا ود الباوقة دا وبحسب مصادر اخونا معاوية عبيد لايقل شاناً عن ناسك بتاعين مكة، فشنو كلمو بموضوع زهير دا

Post: #28
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 03-26-2014, 12:50 PM
Parent: #25

Quote: ياخي ما تشوه سمعتنا، انت كدي ربنا يهون لك امر العمرة وشوف البنسويهو فيك، مطار ابوظبي بس

ههههههههههه

الفحل عاين جاي..
انت بس اعمل فيها حميل ميت :)

ــــــــــــــــــــــ
ان عصرت لي يا الفحل.. أمانة ما تلقاني محامي شيطان ليهو قرن :)

Post: #26
Title: Re: لعناية حيدر الزين، معاوية المدير والفحل
Author: abas
Date: 03-26-2014, 11:27 AM
Parent: #23

يا عز الدين الفحل سلام
يا الفحل بخ بخ دي معناها عاوز تحوِّل للزول؟ يا زول أنا ذاتي عايز مصاريف، لوعاوز أرسل ليك ال PayPal بتاعي عشان تحوِّل لي.
قبل شهر استلمت رسالة من واحدة تدعي أنها سعودية تعمل مديرة لبنك أبو ظبي في العين وعندها 12 مليون دولار عاوزة تحولها لي وأنا أشيل 6 ملايين وأديها 6 ملايين دولار. بس عشان المحامي وكدا يجب أن أحول لها 1500 دولار لزوم المستندات!!
حد يشتري يا جماعة 6 ملايين دولار ب 1500 دولار؟ قلت لها: ما عندي ال1500 دولار. أخصميها من المبلغ وحولي الباقي.
نصب على مستوى دولي ساذج ولكن الطمع ودّر ما جمع. والطمع فحل العيوب.
تحياتي

الكباشي

الرسول فوقك اديني ليها بمشي ليها اسي بي كرعي

باقي البنك ده جنبي تب دقيقتين بس بصلو

كدي اكسب فيني الاجر بقول ليها انا محامي في شنو تاني

Post: #27
Title: Re: لعناية حيدر الزين، معاوية المدير والفحل
Author: محمد عمر الفكي
Date: 03-26-2014, 12:49 PM
Parent: #26

Quote: يا عز الدين الفحل سلام
يا الفحل بخ بخ دي معناها عاوز تحوِّل للزول؟ يا زول أنا ذاتي عايز مصاريف، لوعاوز أرسل ليك ال PayPal بتاعي عشان تحوِّل لي.

الاخ حسين ديجول
قسم الضحايا الجدد
هاك استلم
ازيك يا عبس
والله ماك هين جاي اخر واحد وداير تقيف في اول الصف؟ نحن شغالين بال FIFO يا اخو ما بال LIFO

Post: #29
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-27-2014, 05:53 AM
Parent: #27

HAIDER ALZAIN

...

الفيها النصيب ،
بتصلك ،
إنت عارف رمضان قرب ،
وزكاة الأموال السنة دي ،
باليورو ،
صدق ،
،،،،،،

...

عزالدين عباس الفحل
ابوظبي
...

Post: #30
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 03-27-2014, 07:56 AM
Parent: #27

محمد عمر الفكي..

هل اتصل عليــك الاخ عز الدين الفحل ؟؟؟

طمننا بالله :)

ـــــــــــــــــــــــ

الفحل كويس انك سمعت نصيحتي ودفنت دقن

Post: #31
Title: Re: لعناية حيدر الزين، معاوية المدير والفحل
Author: محمد عمر الفكي
Date: 03-27-2014, 08:50 AM
Parent: #30

علي بالطلاق يا حيدر مس كول والمس كول ذاتو ما شهدني لمن امسك التلفون .
ابوي موصيني يا حيدر قال لي اوعك ترجع لزول بعمل مس كول، اصلو ما بكون وراه خير
لو وراهو خير كان بدا بنفسه وشحن رصيد في تلفونه
الاخ الفحل
لاذا غايز تتصل ارجو الاتصال بعد ساعات الدوام الرسمية، ناسي ديل ما بريدو القرقرة والضحك بصوت عالي في المكاتب.
مسعول من الخير يا حيدر
انت ود الفحل الليلة قلت جواب دا داير بي شنو؟

Post: #32
Title: Re: لعناية حيدر الزين، معاوية المدير والفحل
Author: معاوية المدير
Date: 03-27-2014, 01:27 PM
Parent: #31

Quote: يا عم كباشي ،
عرفنا النصب والإحتيال ،
لكن زهير دا ،
عرف بعلاقتي مع ،
محمد عمر الفكي كيف ؟

ادركوا أخوكم عباس،
اثابنا وإياكم رب العباد...

Post: #33
Title: Re: لعناية حيدر الزين، معاوية المدير والفحل
Author: معاوية المدير
Date: 03-27-2014, 01:32 PM
Parent: #32

Quote:
الفحل عاين جاي..
انت بس اعمل فيها حميل ميت :)
ــــــــــــــــــــــ
ان عصرت لي يا الفحل.. أمانة ما تلقاني محامي شيطان ليهو قرن :)

اللهُمّ أجعل كيدهم في نحرهم،
واجعل بأسهم بينهم شديد.

أمانة يا ود الزين عملية الزول دا ما كاوياني وموجعاني.
تصدق نزلت في دبي مرتين، لآمن ماشي ولآمن جاي،
وزولك لا حِس لا خبر!!!...

Post: #34
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 03-27-2014, 01:49 PM
Parent: #33

ود الفحل.. تعال اضحد لود المدير المستهبل دا كلامو

Post: #35
Title: Re: لعناية حيدر الزين، معاوية المدير والفحل
Author: معاوية المدير
Date: 03-27-2014, 02:08 PM
Parent: #34

Quote: ود الفحل.. تعال اضحد لود المدير المستهبل دا كلامو

علي القسم يا ود الزين ركبوا معاي إتنين من بورداب الخرتوم
في الطيارة، ونزلنا في ابوظبي في فندق وآحد، ناس عدول،
وفي المشية كان معاي وآحد من بورداب كندا.
أها، خليهو اليجي يدحض، أو إن صحّ التعبير يشوفلوا مخارجة،
علماً بأني الغمتة بتكضمني بالحيل...

Post: #36
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-27-2014, 02:18 PM
Parent: #35

محمد عمر الفكي

...

ود الفكي أنا إتصلت بيك ،
مسافة طويلة ،
لمن الآيفون وقع مني ،
وأنا سايق السيارة ،
إنت ما رفعت السماعة ،
قلت إمكن فرق الزمن ،
الإتصال كان الدقش عندكم ،
قال مس كـول ،
قال ،
،،،،،،

...

عزالدين عباس الفحل
ابوظبي
...

Post: #37
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-27-2014, 02:25 PM
Parent: #35

معاوية المدير ،

...

ما راجيني حليفة ،
يا ود المدير ،
أنا سافرت فجاءة ،
الي السودان ،
وقبل ما أسافر إتصلت ،
بالأخ حيدر الزين ،
وخبرته بذلك ،
صدق يا ود المدير ،
السفرة كانت غير متوقعة ،
خالص ،
وكان المفروض أسافر ألمانيا ،
و إتاجلت ،
،،،،،،

...

عزالدين عباس الفحل
ابوظبي
...

Post: #38
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 03-27-2014, 02:33 PM
Parent: #37

HAIDER ALZAIN

...

محمد عمر الفكي ،
متواصل معاي بالواتساب،
WhatsApp
يا حـلاة ،
اليورو،
،،،،،،

...

عزالدين عباس الفحل
ابوظبي
...

Post: #39
Title: رد
Author: محمد عمر الفكي
Date: 03-27-2014, 06:36 PM
Parent: #38

حيدر
يا زول تاني اوعك تجيب لي زول من طرفك، بخسرك بالجد
زولك اللميتني فيهو دا رسل غنية فيديو لخضر بشير الله يرحمو من سنة حفرو البحر
غايتو قريب دا بمسحك انت وياهو من حياتي وود المدير ذاتو بمسحو شايفو الايام دي طاري العمرة

Post: #40
Title: Re: رد
Author: عزالدين عباس الفحل
Date: 03-29-2014, 04:24 PM
Parent: #39

محمد عمر الفكي

...

يا خي ،
أنا بس كتبت ،
ليك عبارة ،
( هــلا ) ،
وإنت إنبرشت ،
،،،،،،

...

عزالدين عباس الفحل
ابوظبي
...

Post: #41
Title: Re: رد
Author: محمد عمر الفكي
Date: 03-30-2014, 07:25 AM
Parent: #40

Quote: والله عندكم بوستات... ذكرتي زمان لمن نخلص الدافوري ونقعد من مسطبة لي مسطبة....وييييو زلقا ليو .. وااااااااي ...اداو جلابية .... أحيييي الرش الرش... المساطب لمن هردت جعباتنا وكملت بناطلينا .... مرة يرشو المسطبة بي موية البلاعة .. ومرة بي زيت الرجوع .. ومرة الكورة كان طارت عندهم يشرطوها ... في النهاية بقوا يرشونا نحن زاتنا بالموية ...

اقعد بس وشوف لك مسطبة زاوية وان كان حيدر الزين شايف انه اللستك احسن لك عشان بديك زاوية مشاهدة كويسة واتفرج في ود الفحل دا بنسوي فيهو شنو.
اهدي الاخ الفحل رائعة الموسيقار دكتور/ طه سليمان "مطار ابوظبي" ، الاغنية مهداة من عواطف لسوسن بمناسبة الخطوبة ومن سعاد لمريم الشجاعة بمناسبة وصول قطر ود الباوقة الجديد كما يهديها ود المدير للبورداب العدول ويهديها حيدر ليك انت شخصياً.
الوليد الشيخ يهديها لحسين ديجول بمناسبة حلاقة الاولاد لشعرهم الاسبوع الماضي وديجول يهديها لود الفحل بمناسبة تأجيل سفره الى المانيا.
Quote: بالخليجية قمنا
كاتلانا المحنة
يا الدايره كتلنا لي مطارنا وصلنا
هدى ورضى

تجى ولانجى بمطار ابوظبى

طيارة يا إيربص ياA3 يا 20
نججز بسودانير .. بالسنت
تجى ولا نجى
بمطار ابوظبى

دى حلمانه يوماتى
دى مجنونة بتهاتى
طيارة عز الليل كابتن اماراتى من ناس ابوظبى
تجى ولا نجى بمطار ابوظبى

Post: #42
Title: Re: رد
Author: معاوية المدير
Date: 03-30-2014, 12:24 PM
Parent: #41

Quote:

محمد عمر الفكي
...
يا خي ،
أنا بس كتبت ،
ليك عبارة ،
( هــلا ) ،
وإنت إنبرشت ،
،،،،،،

Post: #43
Title: Re: رد
Author: محمد عمر الفكي
Date: 03-30-2014, 01:38 PM
Parent: #42

يا مدير
ظاهر عليك صدقتهم
لكن بعد تدردقك وتلصقك دا ما بتلقى حاجة
الزول دا اصلو ما غلطان لمن طنشك في المطار وجلاك
يا يسري
ياخي الدنيا دي فيها شنو، ما نضحك ونتونس ونخلي سيرة طيبة مع انه بيني وبينك التلاتة الفوق ديل ما منهم فائدة
لي سنة عديل ما مشيت محل صيانة جولاات الا لمن ود الفحل عرف الواتساب حقي.

Post: #44
Title: Re: رد
Author: عزالدين عباس الفحل
Date: 03-31-2014, 06:02 AM
Parent: #43

ALWALEED ALSHEIKH

...

إيش حالك ،
من داك التلفون ،
في حضرة ود الزين ،
وود الفكي ،
فاكهة المنبر ،
خلي بااااالك ؟
،،،،،،

...

عزالدين عباس الفحل
ابوظبي
...

Post: #46
Title: Re: رد
Author: ALWALEED ALSHEIKH
Date: 03-31-2014, 04:16 PM
Parent: #44

Quote:
ALWALEED ALSHEIKH

...

إيش حالك ،
من داك التلفون ،
في حضرة ود الزين ،
وود الفكي ،
فاكهة المنبر ،
خلي بااااالك ؟
،،،،،،

...

عزالدين عباس الفحل
ابوظبي
...

تعرف يا مك كلما يأتيني صوتك الكرواني منساباً عبر الآيفون تمر بخاطري أغنية غني يا كروان غني
و عندما تطول الغيبة تمر بخاطري أبيات الرائعة روضة الحاج
واحترت في سر احتدام تذكري
لك بالمطر
ما لاح في الافق البعيد قدومه
الا واعياني التصبر والحذر
تشتد بي حمى ادكارك
كلما غيث اطل او انهمر
تتأزم الافاق ارعادا ....وابراقا
فيوشك بعض هذا القلب
مني ان يفر
ويهزني صوت المطر
فلذلك سواء تحدثت معك أو لم أتحدث معك ففي الحالتين أنا الكسبان.
تخريمة
ذلك اليوم الذي جمعني بودالزين و ود الفكي يعتبر من أسعد أيامي و ليتك كنت معنا و على كل حال نحن موعدين بزيارة من المك ود المدير لما يجئ العمرة و نتمني حضورك معنا و صدقني أنا و ود المدير و ودالزين و ود الفكي سوف نكون في استقبالك بالمطار إنت و الملياردير و الباقي خليهو في سرك لحدي ما نتقابل.

Post: #355
Title: Re: رد
Author: عزالدين عباس الفحل
Date: 05-28-2014, 06:07 AM
Parent: #46

.

Post: #375
Title: Re: رد
Author: عزالدين عباس الفحل
Date: 06-16-2014, 05:43 AM
Parent: #46

.

Post: #45
Title: Re: رد
Author: عزالدين عباس الفحل
Date: 03-31-2014, 06:06 AM
Parent: #43

HAIDER ALZAIN

...

يا شباب الصورة التحت ،
مش صورة أبوحسين ،
الراجل الكلس ،
صاااااااح ،
يا حيدر الزين ،
،،،،،،

...

عزالدين عباس الفحل
ابوظبي
...

Post: #47
Title: Re: رد
Author: عزالدين عباس الفحل
Date: 04-01-2014, 06:09 AM
Parent: #45

Quote:

تعرف يا مك كلما يأتيني صوتك الكرواني منساباً عبر الآيفون تمر بخاطري أغنية غني يا كروان غني
و عندما تطول الغيبة تمر بخاطري أبيات الرائعة روضة الحاج

واحترت في سر احتدام تذكري
لك بالمطر
ما لاح في الافق البعيد قدومه
الا واعياني التصبر والحذر
تشتد بي حمى ادكارك
كلما غيث اطل او انهمر
تتأزم الافاق ارعادا ....وابراقا
فيوشك بعض هذا القلب
مني ان يفر
ويهزني صوت المطر

فلذلك سواء تحدثت معك أو لم أتحدث معك ففي الحالتين أنا الكسبان.
تخريمة
ذلك اليوم الذي جمعني بودالزين و ود الفكي يعتبر من أسعد أيامي و ليتك كنت معنا و على كل حال نحن موعدين بزيارة من المك ود المدير لما يجئ العمرة و نتمني حضورك معنا و صدقني أنا و ود المدير و ودالزين و ود الفكي سوف نكون في استقبالك بالمطار إنت و الملياردير و الباقي خليهو في سرك لحدي ما نتقابل.

31-03-2014, 04:16 PM

ALWALEED ALSHEIKH

...

عزالدين عباس الفحل
ابوظبي
...

Post: #48
Title: Re: رد
Author: محمد عمر الفكي
Date: 04-01-2014, 07:26 AM
Parent: #47

ابو احمد
ياخي والله انا الاسعد بالصدفة التي جمعتني بك وباهلك الكرام وبالاخ عادل عبدالعزيز.
Quote: تعرف يا مك كلما يأتيني صوتك الكرواني منساباً عبر الآيفون تمر بخاطري أغنية غني يا كروان غني

ما تبالغ كمان يا وليد
Quote: و على كل حال نحن موعدين بزيارة من المك ود المدير لما يجئ العمرة و نتمني حضورك معنا و صدقني أنا و ود المدير و ودالزين و ود الفكي سوف نكون في استقبالك بالمطار إنت و الملياردير و الباقي خليهو في سرك لحدي ما نتقابل.

انت وحيدر بطريقتكم ان شاء الله تمشو تعتلوهو من ابوظبي، لكن انا ان الله حيانا في اليوم المشؤم داك بتكون عندي حُمى. ود المدير لو جاء وانتظروا بكون زول ما عنده شغلة ساهي واحتمال استقباله للفحل يضيع عليهو أجر العمرة حقتو.
اخر الاخبار
صلاح غريبة بقى سفير وانا داير اتحندق بعد ما زهجت من اتظار المليونيرات الوهميين.
انت يا الفحل مليونيراتك ديل الغارمين الغارمين دي ما سمعو بيها؟
Quote: http://www.sudaneseonline.com/db/attention/010_Smile.gif[/QUOTE]

Post: #49
Title: Re: رد
Author: معاوية المدير
Date: 04-01-2014, 07:59 AM
Parent: #48

Quote: ود المدير لو جاء وانتظروا بكون زول ما عنده
شغلة ساهي واحتمال استقباله للفحل يضيع عليهو أجر العمرة حقتو.

بعد مروري بدبي رايح جاي !!!؟؟؟.

يحردن ...

Post: #50
Title: Re: رد
Author: محمد عمر الفكي
Date: 04-01-2014, 08:07 AM
Parent: #49

Quote: بعد مروري بدبي رايح جاي

إحقاقاً للحق الزول دا كان مواعدك في مطار ابوظبي

Post: #51
Title: Re: رد
Author: معاوية المدير
Date: 04-01-2014, 08:13 AM
Parent: #50

Quote: صلاح غريبة بقى سفير

إنت النوايا الحسنة يعني شنو ؟؟؟.
قلت قبل ابارك احسن إتنور.
ّ
ما هو الفرق بين النوايا الحسنة وسوادة النية ؟؟؟.

الزول دا سيرة ابو ظبي دي تب ما جابا،
خلي نيتك بيضا، وإتصلّح معانا...

Post: #162
Title: Re: رد
Author: عزالدين عباس الفحل
Date: 04-17-2014, 10:35 AM
Parent: #47

.

Post: #388
Title: Re: رد
Author: عزالدين عباس الفحل
Date: 07-02-2014, 06:28 AM
Parent: #43

.

Post: #52
Title: Re: لعناية حيدر الزين، معاوية المدير والفحل
Author: يوسف محمود
Date: 04-01-2014, 08:28 AM
Parent: #15

Quote:
الاخ الفحل
والله زولك دا اسمو شين خلاص

هههههههههههاهاهاهاههههههههههههى
زى السفير الباكستانى اللى رفضوه العرب

Post: #53
Title: Re: لعناية حيدر الزين، معاوية المدير والفحل
Author: محمد عمر الفكي
Date: 04-01-2014, 08:38 AM
Parent: #52

Quote: إنت النوايا الحسنة يعني شنو ؟؟؟.
قلت قبل ابارك احسن إتنور.
ما هو الفرق بين النوايا الحسنة وسوادة النية ؟؟؟.

يبدو ان قعادك الكتير في كندا الباردة دي خلا مشاعرك باردة زي الهنود والانجليز
زول سوداني واختاروهو سفير للنوايا الحسنة تقوم تبارك ولا تجي تسعالنا جنس سعالاتك دي؟
امش بارك وتعال راجع نوريك الفرق شنو
الزول دا ما تخسرو بقى واصل،ممكن يعرفك بزميلته انجلينا جولي وتشغلك في فيلمها الجاي وتبقى بطل هولييودي تتنازعه الحسانويتصارع عليه المنتجون او بالعدم يعرفك بنانسي تقوم تمسكك الطشت في الكليب الجاي
المحيرني يا مدير
الوقت هسي الدغش في نيويورك، بان كان مون دا صحا من نص نومه عشان يعين غريبة دا ورجع تاني اتدمدم ولا شنو؟

Post: #54
Title: Re: لعناية حيدر الزين، معاوية المدير والفحل
Author: معاوية المدير
Date: 04-01-2014, 09:02 AM
Parent: #53

Quote: Yosri Kami

دا منو يا ود الفكي ؟؟؟.

الليامات ديل أنا بقيت سعااال خلآس،
عليك الله تحملني...

Post: #55
Title: Re: لعناية حيدر الزين، معاوية المدير والفحل
Author: محمد عمر الفكي
Date: 04-01-2014, 09:44 AM
Parent: #54

Quote: Yosri Kami
دا منو يا ود الفكي ؟؟؟.

الليامات ديل أنا بقيت سعااال خلآس،
عليك الله تحملني...

ما بتعرف يسري؟ ياخي حرام عليك
انا والله ما بعرفوا لكن في حاجتين بعرفهن من عائلة كامي دي، واحد مطرب اوبرا وموسيقار مصري اسمه حسن كامي، والحاجة التانية عائلة كامي اسياد صابون كامي
يُسري دا بحسب حسابه على الفيسبوك زول مولود ودرس ويقيم في سويسرا ويعمل في المانيا (يحمل جنسية اكبر دولة فيها بنوك في العالم ويعمل في اقوى دولة اقتصادية في اوربا) فالزول دا احسن نصاحبه
الاخ يسري
بجسب ما انت متابع انا على اقساط عربية
ود المدير دا شغال في كندا وما بحتاج لقروش نهائياً وقطعياً، اما ود الفحل دا فما بصاحب الا المليونيرات وكراهيته وكُجنه في الدنيا دي دي الزول المعلم جورج (المفلس) اما حيدر الزين فهو جعلي ما بقبل العطية والهبة، تحين ان فيك خير سويهو فيني انا دا وشوف شوية خلاص من فُتات الخير (ما يتجاوز 1% باي حال من الاحوال)لاخونا حسين ديقول باقي وشه مغبش تب في صورة اللوتري الخاتيها في البروفايل دي

Post: #56
Title: Re: لعناية حيدر الزين، معاوية المدير والفحل
Author: ALWALEED ALSHEIKH
Date: 04-01-2014, 09:47 AM
Parent: #54

ود المدير لك الشوق قبل التحايا
بمناسبة سعالاتك الكتيرة دى عايزين نعرف تفاصيل ما حدث في مطار أبوظبي خصوصاًً بعد الرد المقتضب للمك الفحل و كمان إنت صراحة ذكرت إنو القروش بتسكتك فهل سكوتك ده سكوت زول حاري و لا متعشي عشان كمان كل الناس تعرف موقعا من الإعراب.
الإمضاء
ود الشيخ مك أصلي ما تايواني

Post: #57
Title: Re: لعناية حيدر الزين، معاوية المدير والفحل
Author: محمد عمر الفكي
Date: 04-01-2014, 09:55 AM
Parent: #56

Quote: ود الشيخ مك أصلي ما تايواني

ممكن توضيح؟

Post: #58
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 04-01-2014, 11:44 AM
Parent: #57

يا شباب ،
وقت ود المدير وصل دبي ،
أنا كنت في السودان ،
والغائب عذرو ،
معاهو ،
،،،،

...

عزالدين عباس الفحل
ابوظبي
...

Post: #59
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 04-01-2014, 12:51 PM
Parent: #58

بعدين الزول ،
العايز يجئ ،
بيكون هناك ،
تنسيق مسبق ،
و الأخ الفاضل معاوية المدير ،
أكيد كنا ،
ح نفرش ليهو ،
الموكيت الأحمر ،
من المطار ابوظبي ،
حتي فندق المريديان ،
وتشرف بلقاء الوجيه ،
صاحب الضحاكات ،
أكيد كان ح يضحك ،
لحدي حسة ،
وتمسكوا ،
أم فريحانة ،
،،،،

...

عزالدين عباس الفحل
ابوظبي
...

Post: #60
Title: Re: لعناية حيدر الزين، معاوية المدير والفحل
Author: ALWALEED ALSHEIKH
Date: 04-01-2014, 03:17 PM
Parent: #59

أغرب حاجة تسأل ود المدير يرد ليك عزالدين الفحل و ود المدير يطنش
هوى يا ود الفكي و ود الزين الموضوع ده فيهو إنّ.
الجماعة ديل مايكون باعوكم ضحى و صار عليكم متل موضوع المنطقتين بعد نيفاشا يعني مشورة شعبية و بيع سمك في موية
غايتو الله يستر

Post: #61
Title: Re: لعناية حيدر الزين، معاوية المدير والفحل
Author: ALWALEED ALSHEIKH
Date: 04-01-2014, 03:24 PM
Parent: #60

Quote:
Quote: ود الشيخ مك أصلي ما تايواني

ممكن توضيح؟

يا ود الفكي الصلاة فيها السر و الجهر
و أهلنا قالوا الفهيم بالرمشة و الغشيم بالكلمة و إنت ما شاءالله زول فهيم
اها داير ليك توضيح أكتر من كدة؟

Post: #62
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 04-01-2014, 05:07 PM
Parent: #61

ALWALEED ALSHEIKH

...

عرفنا الفهيم ،
مين الغشيم ؟
يا،
ALWALEED ALSHEIKH
،،،،،،

...

Quote:

يا ود الفكي الصلاة فيها السر و الجهر
و أهلنا قالوا الفهيم بالرمشة و الغشيم بالكلمة و إنت ما شاءالله زول فهيم
اها داير ليك توضيح أكتر من كدة؟

ALWALEED ALSHEIKH

...

عزالدين عباس الفحل
ابوظبي
...

Post: #63
Title: Re: لعناية حيدر الزين، معاوية المدير والفحل
Author: ALWALEED ALSHEIKH
Date: 04-02-2014, 05:41 AM
Parent: #62

Quote:
ALWALEED ALSHEIKH

عرفنا الفهيم ،
مين الغشيم ؟
يا،
ALWALEED ALSHEIKH
،،،،

لكن يا مك ما عصرت علينا شديد بالسؤال الفوق ده
الواحد يعني لو ذكر ليهو مثل ساي يبقى في سين وجيم وعصر لامن يجيب الزيت
على كل حال الغشماء كتار و في مقدمتهم أنا و ود المدير و ود الزين بس إنت مع مجموعة ود الفكي ما معانا.

Post: #64
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 04-02-2014, 06:18 AM
Parent: #63

ALWALEED ALSHEIKH

...

ههههههههههه ،
ماقصدي والله ،
بمزح معاك ،
يامـك ،
يسعد صباحك ،
،،،،،،

...

Quote:

لكن يا مك ما عصرت علينا شديد بالسؤال الفوق ده
الواحد يعني لو ذكر ليهو مثل ساي يبقى في سين وجيم وعصر لامن يجيب الزيت
على كل حال الغشماء كتار و في مقدمتهم أنا و ود المدير و ود الزين بس إنت مع مجموعة ود الفكي ما معانا.

ALWALEED ALSHEIKH

...

عزالدين عباس الفحل
ابوظبي
...

Post: #65
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 04-02-2014, 06:54 AM
Parent: #64

أها وصلتو وييين يا شباب :)

غايتو قريت لي شعر وحماسة ومكوكية ..

برجع اكملها واجيهم

ـــــــــــــــــ
الفحل ان شاء الله ما رديت للجماعة عن السؤال البالي وبالك.. اوعك تدلي باي تصريحات لغاية ما اجي اشتت ليك الكورة وانت بس عليك تشتيت البنكنوت

Post: #66
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 04-02-2014, 07:22 AM
Parent: #65

Quote: الزول دا اصلو ما غلطان لمن طنشك في المطار وجلاك

( 1 )

.....

Post: #67
Title: Re: لعناية حيدر الزين، معاوية المدير والفحل
Author: محمد عمر الفكي
Date: 04-02-2014, 08:35 AM
Parent: #66

يا ود الزين
حبابك وبركة الشرفت الديار
كدي هسي جلونا من موضوع ود الفحل وانتظر معاوية ولا ما انتظرو، هو ود المدير دا شن نفرو؟ زول عُضامو متلجات دايرين بيهو شنو؟
انا الايام دي مشغول بحاجة تاني خالص
فوق في المنبر دا في واحدة اسمها (كيلي) عاملة اعلان بتاع دردشة، اها كل ما اتصل عليها القى التلفون مشغول، اها عاد امانة عليكم لو فيكم واحد اتصل بها وردت عليهو يقول لها ود الفكي دا قال لك اضربي لي ضروري، باقي مشتهي لي ونسة

Post: #68
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 04-02-2014, 08:43 AM
Parent: #67

انت بتكون بتتصل من نوكيا يا ود الفكي..
كدي جرب اسعى ليك آيفون وشوف كيلي ان ماردت عليك لومني :)

Post: #69
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 04-02-2014, 08:43 AM
Parent: #67

انت بتكون بتتصل من نوكيا يا ود الفكي..
كدي جرب اسعى ليك آيفون وشوف كيلي ان ماردت عليك لومني :)

Post: #70
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 04-02-2014, 09:00 AM
Parent: #69

HAIDER ALZAIN

...

و أهلنا قالوا ،
الفهيم بالرمشة ،
و الغشيم بالكلمة ،
زي ما قال اللخو،
ALWALEED ALSHEIKH
كلي مفهومية ،
الي في بالي ،
في بالك ،
،،،،،،

...

عزالدين عباس الفحل
ابوظبي
...

Post: #72
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 04-02-2014, 09:22 AM
Parent: #70

Quote: الفهيم بالرمشة ،
و الغشيم بالكلمة ،

يا الفحل.. انا وود الفكي بنفهمها طايــرة .. :)

Post: #71
Title: Re: لعناية حيدر الزين، معاوية المدير والفحل
Author: محمد عمر الفكي
Date: 04-02-2014, 09:03 AM
Parent: #69

يا حيدر
ما عندك ايفون زائد ترسلو لي؟
كدي عليك الله شوف الخبر دا ملقوط من بوست مجاور
Quote: واكد أن الفتاة قامت بخلع ملابسها بشكل كامل طالبةً منه القيام بحركات فاضحة معينة، لافتاً الى انه تفاجأ بعد الانتهاء من المحادثة الجنسية باتصال احد الاشخاص المغاربة،يهدده برفع الفيديو الفاضح له على موقع يوتيوب أو يدفع مبلغ (1000) يورو
قابلة للتجديد
عافي منكم

Post: #73
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 04-02-2014, 09:34 AM
Parent: #71

انا متعنصر ومناصر لاهلنا الكوريين وبؤيد الجلاكسي ..
غايتو لو عاوز قول لي لانه امس زي اللمحت لي جلاكسي نوت 3 مرمي تحت كنبة.. شكلو وقت اتسوقنا اشترينا حبة زايدة..

لو بينفع معاك يبقي نشوف لو الملياردير نوى عمرة بقول للفحل يغشاني بي جاي اي وقت وبلقط الجلكسيات الزايدات في كرتونة وارسلهن ليكم ..
بعدين ما تتحسس اصلاً مرات بتسوق بالزايد في الاسمارتات واللابتوبات والعربات.. :)

Quote: كدي عليك الله شوف الخبر دا ملقوط من بوست مجاور

الزول دا اوع يكون وزيـر والا مسئول عندنا..
باقي ناسنا متعودين بالفضائح دي مرة تصوير في مكتب وزارة ومرة واحد قابضنوا مع اربعة نهار رمضان ومرات في الخيران وغايتو..

لو تبعنا قول ليهو ادفع الالف من سكات :)

Post: #74
Title: Re: لعناية حيدر الزين، معاوية المدير والفحل
Author: محمد عمر الفكي
Date: 04-02-2014, 10:03 AM
Parent: #73

Quote: غايتو لو عاوز قول لي لانه امس زي اللمحت لي جلاكسي نوت 3 مرمي تحت كنبة.. شكلو وقت اتسوقنا اشترينا حبة زايدة.. لو بينفع معاك يبقي نشوف لو الملياردير نوى عمرة بقول للفحل يغشاني بي جاي اي وقت وبلقط الجلكسيات الزايدات في كرتونة وارسلهن ليكم .

بالله عليك لو عندك قروش زايدة برضو ادفسهن في الكرتونة جنب العشرة الف حقت ود الفحل
غايتو لومك علي يا حيدر المليونيرات بعد الضاقوها السنة دي العمرة ان بقت في الشارقة ما بمشوها

Post: #75
Title: Re: لعناية حيدر الزين، معاوية المدير والفحل
Author: معاوية المدير
Date: 04-02-2014, 12:37 PM
Parent: #74

Quote: ود المدير دا شغال في كندا وما بحتاج لقروش نهائياً وقطعياً،

القالك مِنو ؟؟؟.

يا جماعة زهير عبد المجيد دا ما راجيكم في السهله،
شنو شريتوهو وسويتوها ونسة ؟؟؟.

غايتو، يتكِل عليكم العدو...

Post: #76
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 04-03-2014, 07:52 AM
Parent: #75

HAIDER ALZAIN

...

يا حيدر ،
ياخي معاوية المدير ،
بعد بيعة مطار دبي ،
زي ماهو ،
فاضحني ع الهواء ،
ظلماُ وبهتاناً ،
وأنا أصلاً ما كنت ،
موجود بالأمارات ،
في ذاك الزمان ،
الزول دا ،
أراضيهوا كيف ؟
واجعني ،
واجعني ،
واجعني ،
،،،،،،

...

عزالدين عباس الفحل
ابوظبي
...

Post: #77
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 04-03-2014, 09:41 AM
Parent: #76

Quote: واجعني ،
واجعني ،
واجعني ،
،،،،،،

Quote: أراضيهوا كيف ؟

انت جادي في سؤالك دا يا عز الدين؟؟؟؟؟
يازول انا عندي ليك حل ما يخرش الموية في كيفية مراضاة ود المدير .. بس انت خليك زول جادي جدادة ...
اها تعال اتعهد وبعد ذلك لا يصير في خاطرك الا طيب.. واكيد خاطر ود المدير حايبقي طيب جداً اذا انت اتبعت الخطوات الموصوفة بدقة ،،،

قول على بركة الله - والمغرضون يمتنعون

Post: #78
Title: رد
Author: محمد عمر الفكي
Date: 04-05-2014, 07:19 PM
Parent: #77

ود الزين
ياخوي ود الفحل دا جلا مداخلتك بتاعة مراضاة المدير مالو؟!!!!
كلنا في الانتظار هههههه

Post: #79
Title: Re: رد
Author: عزالدين عباس الفحل
Date: 04-06-2014, 06:18 AM
Parent: #78

محمد عمر الفكي

...

لا ما جليت ،
مداخلة ود الزين ،
لكن ،
دواعي المشاغل ،
برضو الأخ ،
معاوية المدير ،
ع إتصال دائم ،
تحت الهواء ،
هناك مداولات ،
كـر وفـر ،
،،،،،،

...

عزالدين عباس الفحل
ابوظبي
...

Post: #80
Title: Re: رد
Author: HAIDER ALZAIN
Date: 04-06-2014, 06:34 AM
Parent: #79

Quote: تحت الهواء ،
هناك مداولات ،
كـر وفـر ،

ههههههههههههههههههههههههههههه

Post: #81
Title: Re: رد
Author: محمد عمر الفكي
Date: 04-06-2014, 06:58 AM
Parent: #80

Quote: هناك مداولات ،
كـر وفـر

الشغلة يا ود الفحل داحس والغبراء ولا شنو؟
امرؤ القيس عارف الموضوع دا؟ ولا ما كلمتوهو؟
ود المدير
حفظاً لكرامتك ولما تبقى من ماء وجهك كان فضل فيها باقي، الزول (الجعلي) دا قولو (عفيتك لوجه الله تعالى)

Post: #82
Title: Re: رد
Author: عزالدين عباس الفحل
Date: 04-06-2014, 09:04 AM
Parent: #81

.

عزالدين عباس الفحل
ابوظبي
...
.[/center
.[/center

Post: #83
Title: Re: رد
Author: محمد عمر الفكي
Date: 04-06-2014, 09:34 AM
Parent: #82

الفحل دا شنو دا؟
الزول فقد المنطق يا ناس

Post: #84
Title: Re: رد
Author: معاوية المدير
Date: 04-06-2014, 10:52 AM
Parent: #83

Quote: ود المدير
حفظاً لكرامتك ولما تبقى من ماء وجهك كان فضل فيها باقي، الزول (الجعلي) دا قولو (عفيتك لوجه الله تعالى)

ابيت، والله ما اقولو.

يا اخي جابلو عّذر !!! اخخخخخخخخ يا انا ...

Post: #85
Title: Re: رد
Author: معاوية المدير
Date: 04-06-2014, 11:47 AM
Parent: #84

Quote:

يا شباب ،
وقت ود المدير وصل دبي ،
أنا كنت في السودان ،
والغائب عذرو ،
معاهو ،
،،،،
عزالدين عباس الفحل
ابوظبي

أها، عليكم الله هسّع زي دا يقولوا عليهو شنو ؟؟؟!!!.

يا ربي أنا أكون مشيت كمبوديا، واللآ شنو !!!؟؟؟...

Post: #86
Title: Re: رد
Author: عزالدين عباس الفحل
Date: 04-06-2014, 12:54 PM
Parent: #85

HAIDER ALZAIN

...

يا حيدر ،
ياخي معاوية المدير ،
دا ،
عسل عدييييل ،
تحت الهواء ،
وفووووق ،
ع الهواء ،
فاضحني ،
يحلوها كيف ؟
الخلفة ،
العقدو النية ،
،،،،،،

...

عزالدين عباس الفحل
ابوظبي
...

Post: #87
Title: Re: رد
Author: محمد عمر الفكي
Date: 04-06-2014, 02:25 PM
Parent: #86

Quote: يحلوها كيف ؟
يا الخلفة ،
العقدو النية ،

هسي حاجة في ذمتك دي الخلفاء العقدو النية تاعبهم ومقلق راحتهم للحل؟
ياخي الموضوع دا ابسط من كد كتير زي ما قال لك ود الزين مع انه ما عارف قال لك شنو

كسرة:
تحفظ كامل على نداء الخلفاء الحيين منهم والميتين، اذا لا يجوز الا نداء الله سبحانه وتعالى فقط وما عدا ذلك شرك يا عزالدين فانتبه

Post: #88
Title: Re: رد
Author: عزالدين عباس الفحل
Date: 04-07-2014, 05:40 AM
Parent: #87

محمد عمر الفكي

...

يبدو أن البوست ،
تحول بكامل ،
إرادته ،
تحت الهواء ،
السجال ،
والتنازلات ،
علي الملأ ،
بس ،
تحت الهواء ،
،،،،،،

...

عزالدين عباس الفحل
ابوظبي
...

Post: #89
Title: Re: رد على الهواء مباشرة
Author: HAIDER ALZAIN
Date: 04-07-2014, 06:14 AM
Parent: #88

شنو الكلام كله بقى هواء :)
فوق الهواء .. وتحت الهواء .. وخلف الهواء ..

يا الفحل .. الشئ بيقولوا الكواليس ..
او يقولوا على الهواء مباشرة..

تحت الهواء دا الا يكون غاز كلور... ربنا يحفظك منه يا الفحل ...

بعدين اسمعني انا فوق قلت لك بديك الوصفة وانت ابيتها ومشيت تعوم تحت الهواء براااك ..دحين شيل شيلتك ،،، والله صحي !!

Post: #90
Title: Re: رد على الهواء مباشرة
Author: محمد عمر الفكي
Date: 04-07-2014, 06:36 AM
Parent: #89

مرة واحد صاحبي عزمني عرسه العشرين ولا الخامس والعشرين ما عارف، الزول بتمتم وموكل واحد للعقد، الماذون بقول للوكيل قول وراي كلامه قبلت وما قبلت وانكحها وما ادراك بتاع مراسم العقد، فجاءة زولنا وقف على حيلو وبتمتمتو ديك قال للماذون (وقف وقف في غلط، انكحها انا ما ينكحها هو)
تحين يا حيدر والله تحت الهواء في غلط كبير خلاص

Post: #91
Title: Re: رد على الهواء مباشرة
Author: HAIDER ALZAIN
Date: 04-07-2014, 06:50 AM
Parent: #90

هههههههههههههههههههههههههه

والله انا من تحت الهواء ما قاعد يجيني الا فيديوهات الذبائح وارادب اللحم البيغرفوهو بالكوريك :)
ومرة مرة بلقى لي مدحة ..

كدي ورونا درب المناكحة وين ،،،،

Post: #92
Title: Re: رد على الهواء مباشرة
Author: محمد عمر الفكي
Date: 04-07-2014, 07:08 AM
Parent: #91

Quote: والله انا من تحت الهواء ما قاعد يجيني الا فيديوهات الذبائح وارادب اللحم البيغرفوهو بالكوريك :)
ومرة مرة بلقى لي مدحة

شرحو يا حيدر وان كان امس جاتني نكتة خلتني اتدردق من الضحك
النجيضة عند ود المدير ههههههههههه

Post: #93
Title: Re: رد على الهواء مباشرة
Author: عزالدين عباس الفحل
Date: 04-07-2014, 10:59 AM
Parent: #92

محمد عمر الفكي

...

كلام الليل ،
الساعة الثانية ،
او الواحدة صباحاً ،
خلاني أضحك بشراهة ،
ونمت مبسوط ،
من الضحك ،
خليها مستورة ،
بس ،
،،،،،،

***
ممكن تحكي ،
ليهم النكتة ،

...

عزالدين عباس الفحل
ابوظبي
...

Post: #94
Title: Re: رد على الهواء مباشرة
Author: محمد عمر الفكي
Date: 04-07-2014, 11:19 AM
Parent: #93

Quote: كلام الليل ،
الساعة الثانية ،
او الواحدة صباحاً ،
خلاني أضحك بشراهة ،
ونمت مبسوط ،
من الضحك ،

كلامي ما فيهو حاجة بتضحك، الا يكون الصورة هي الخلتك تضحك وتنوم مبسوط

Post: #95
Title: Re: رد على الهواء مباشرة
Author: معاوية المدير
Date: 04-07-2014, 11:26 AM
Parent: #94

Quote: شرحو يا حيدر وان كان امس جاتني نكتة خلتني اتدردق من الضحك
النجيضة عند ود المدير ههههههههههه

سيّم سيّم.
والله صحي.

بختك يا ود الفكي،
يسعلني الله حسدتك علي النكتة...

Post: #96
Title: Re: رد على الهواء مباشرة
Author: معاوية المدير
Date: 04-07-2014, 11:30 AM
Parent: #95

Quote:
انت جادي في سؤالك دا يا عز الدين؟؟؟؟؟
يازول انا عندي ليك حل ما يخرش الموية في كيفية مراضاة ود المدير .. بس انت خليك زول جادي جدادة ...
اها تعال اتعهد وبعد ذلك لا يصير في خاطرك الا طيب.. واكيد خاطر ود المدير حايبقي طيب جداً اذا انت اتبعت الخطوات الموصوفة بدقة ،،،

قول على بركة الله - والمغرضون يمتنعون

عُمرة يا حيدر الزين، عُمرة،
وحات الله اعفيهو لله والرسول، مع إنو الختاها
رقدت ...

Post: #97
Title: Re: رد على الهواء مباشرة
Author: عزالدين عباس الفحل
Date: 04-07-2014, 11:52 AM
Parent: #96

لحظة يا شباب ،
الأخ زهير عثمان حمد ،
من السودان ،
ع الخط ،

...

عزالدين عباس الفحل
ابوظبي
...

Post: #98
Title: Re: رد على الهواء مباشرة
Author: معاوية المدير
Date: 04-07-2014, 11:53 AM
Parent: #96

Quote:
ود المدير لك الشوق قبل التحايا
بمناسبة سعالاتك الكتيرة دى عايزين نعرف تفاصيل ما حدث في مطار أبوظبي خصوصاًً
بعد الرد المقتضب للمك الفحل و كمان إنت صراحة ذكرت إنو القروش بتسكتك فهل سكوتك
ده سكوت زول حاري و لا متعشي عشان كمان كل الناس تعرف موقعا من الإعراب.
الإمضاء
ود الشيخ مك أصلي ما تايواني

شوقنا بحر يا ود الشيخ.

اسكت،
زولك طلع مطموس جنس طمسة !!!،
لكن فوقي نضر ما اخليهو ...

Post: #99
Title: Re: رد على الهواء مباشرة
Author: عزالدين عباس الفحل
Date: 04-07-2014, 12:16 PM
Parent: #98

معاوية المدير

...

إنت مش عايز حل ،
للمشكلة العويصة دي ،
أولاً :-
وقف الحرب الباردة ،
ثانياً :-
خلي المشاورات ،
بعيدة عن أجهزة الإعلام ،
خاصة الشبكة العنكبوتية ،
ثالثاً:-
أبعد المقرضين ،
أصحاب المصالح ،
رابعاً :-
في زول له ،
تاثير قوي الآن ،
يمتنع عن الدخول ،
ضمن المشاورات ،
هو الآن بيعاين ،
في البوست ،
أنقروا منوا ؟
الجائزة ،
..... ،
،،،،،،

...

عزالدين عباس الفحل
ابوظبي
...

Post: #100
Title: Re: رد على الهواء مباشرة
Author: ALWALEED ALSHEIKH
Date: 04-07-2014, 03:00 PM
Parent: #99

Quote: ثالثاً:-
أبعد المقرضين ،
أصحاب المصالح ،

المقرضين ديل لموني فيهم أنا ود الفكي بتكونوا ماقصرتوا معانا تب

Post: #101
Title: Re: رد على الهواء مباشرة
Author: عزالدين عباس الفحل
Date: 04-08-2014, 05:54 AM
Parent: #100

ALWALEED ALSHEIKH

...

ود الشيخ سلام ،
المشكلة عويصة ،
ومعقدة ،
ومتشابكة ،
الأطراف ،
،،،،،،

...

عزالدين عباس الفحل
ابوظبي
...

Post: #102
Title: Re: رد على الهواء مباشرة
Author: محمد عمر الفكي
Date: 04-08-2014, 06:43 AM
Parent: #101

يا عز الدين
ياخي ما تهول الامور وتحملها اكتر مما تحتمل
الموضوع بسيط خالص خالص
شيخ وليد
ما بلمونا فيهم صدقني، الشغلة جابت ليها خساسات من تحت تحت ههههههههههههههه هي قصدي تحت الهواء
انت يا حيدر الزول الرسلتو لي الفيديو حقو امس دا ود الفحل؟

Post: #103
Title: Re: رد على الهواء مباشرة
Author: HAIDER ALZAIN
Date: 04-08-2014, 06:53 AM
Parent: #102

Quote: انت يا حيدر الزول الرسلتو لي الفيديو حقو امس دا ود الفحل؟

هههههههههههههه

لالا حق امس دا صلاح غريبة وحلوله الناجعة..

بتاع الفحل كان بيحكي فيهو عن سوط جدو

Post: #104
Title: Re: رد على الهواء مباشرة
Author: محمد عمر الفكي
Date: 04-08-2014, 07:09 AM
Parent: #103

Quote: لالا حق امس دا صلاح غريبة وحلوله الناجعة..

اكان كدي عليك الله ود الفحل ما يسمع بالحل الناجع دا ويقوم يقترحو لينا

Post: #105
Title: Re: رد على الهواء مباشرة
Author: عزالدين عباس الفحل
Date: 04-08-2014, 08:03 AM
Parent: #104

محمد عمر الفكي

...

ود الفكي سلام ،
المشكلة العويصة ،
يا خي أنا سافرت السودان ،
فجاءة ،
ود المدير حل بالأمارات ،
من كندا ،
قال ما إهتميت بيهو ،
يعني عـفـصـت ليهو ،
ما إنو في آخر،
مكالمة معاهو ،
قال ح يروح قطر ، الدوحة ،
وعندي شهود عيان ،
وأدلـة دامـغـة،
وصـور ،
أني كنت في السودان ،
آنذاك ،
الراجل زعـل ،
حاولت أراضيهو ،
تحت الهواء ،
فصل ،
يا خي جد ،
المشكلة عويصة ،
مظلووووم ،
،،،،،،

...

عزالدين عباس الفحل
ابوظبي
...

Post: #106
Title: Re: رد على الهواء مباشرة
Author: عزالدين عباس الفحل
Date: 04-09-2014, 06:01 AM
Parent: #105

.

Post: #107
Title: Re: رد على الهواء مباشرة
Author: محمد عمر الفكي
Date: 04-09-2014, 06:47 AM
Parent: #106

Quote: يا خي أنا سافرت السودان ، فجاءة ، وود المدير حل بالأمارات

اول حاجة يا عزالدين، ود المدير دا قبل تلاتة اسابيع من وصوله للامارات اعلن الجميع هنا وقال لهم انا جاي بعد 3 اسابيع. معادلة (1)
ود الفحل يسافر (فجاءة) الى السودان قبل وصول ود المدير بسويعات معادلة (2)
السؤال ماذا تستنتج من المعادلتين؟
بعدين يا فحل انت بتشرح لي ظروفك لشنو؟ تنتظر ود المدير ما تنتظره دي حاجة بتخصك، انا دا لو ود المدير قال لي جاي مطار الملك عبدالعزيز ما بنتظرو وزي ما قت لك قبال كدي هو ود المدير شن نفرو
المهم
حيدر وودالمدير ذاتو وانا موضوعنا معاك ما موضوع تنتظر ود المدير ولا ما تنتظرو، موضوعنا معاك حاجة تانية خالص ابتدات بحج (غايتو ربنا يتقبلو ساهي) لانه فيه اكل حقوق ناس مساكين
ثم ثانياً سفر الفجاءة دا بكون لحدث كبير وضروري وعاجل، لكن سفر فجاءة يركبوا فيهو الدحش ويتصورو فيهو بالايفون والله من الله ما خلقنا ما سمعنا بيهو
سبب النفس الحار في الكتابة دي هي رسالة نصية استلمتها هذا الصباح من شركة عبداللطيف جميل وكلك نظر

Post: #108
Title: Re: رد على الهواء مباشرة
Author: HAIDER ALZAIN
Date: 04-09-2014, 07:01 AM
Parent: #107

Quote: سبب النفس الحار في الكتابة دي هي رسالة نصية استلمتها هذا الصباح من شركة عبداللطيف جميل وكلك نظر

اهااااا بدينا

الفحل المداخلات الفيها حتة زي دي جليها اعمل حميل ميت بس.. :)
الكلام دا بيجيبلك كلام وانا زول صاحبك وبنصحك..المرة الفاتت قلت لك ادفن دقن مشيت اتشالقت ..:)

بس بمناسبة صور الدحش والبعيــر .. ناش كبوشية اتاريهم مثقفين يآخ وانا قايلهم بتاعين ضهاري..بالله بتركبو الدحوش والبعارين ببنطلونات الجينز والتي شيرتات..؟
عارف يا فحل انا احلف لك صادق واتقطع انه ود الفكي ليلة عرسو ما لبس جينز ولا جاء عقدو بالتي شيرت.. وخليهو اليجي يكضبني ويقول لبستهن اليومداك

Post: #109
Title: Re: رد على الهواء مباشرة
Author: محمد عمر الفكي
Date: 04-09-2014, 07:19 AM
Parent: #108

Quote: عارف يا فحل انا احلف لك صادق واتقطع انه ود الفكي ليلة عرسو ما لبس جينز ولا جاء عقدو بالتي شيرت.. وخليهو اليجي يكضبني ويقول لبستهن اليومداك

ياخي تسلم من التقطع
في العقد صدقت لبست جلابية، في العرس صادق ما لبست جينز، لبست بدلة كاملة وحقتي والله ما اتدينتها ولا اجرتها
ملحوظة
البدلة لبستها لانو مناسب لي ناس مدينة ، لو من البلد كنت مشيت ليهم بالسروال والعراقي.
يا حيدر ما تشتت الكورة ياخي وركز على الموضوع ولا ما عندك نية اجازة صيف السنة دي؟

Post: #110
Title: Re: رد على الهواء مباشرة
Author: HAIDER ALZAIN
Date: 04-09-2014, 07:39 AM
Parent: #109

ههههههههههههههههه
بي طريقة الفحل دي .. نصيّف خلف الشاشة بس ؛)

بعدين يآخ ارحموا عزالدين شوية.. هي قولة الروووب كيفنها ..!!

Post: #111
Title: Re: رد على الهواء مباشرة
Author: عزالدين عباس الفحل
Date: 04-09-2014, 08:16 AM
Parent: #110

HAIDER ALZAIN

...

يا ود الزين ،
ببنطلونات الجينز شنو ؟
يا خي ناس كبوشية ديل ،
راقين رقاوة ،
يا خي ديل عندهم ،
أتوس ،

...

عزالدين عباس الفحل
ابوظبي
...

Post: #112
Title: Re: رد على الهواء مباشرة
Author: عزالدين عباس الفحل
Date: 04-09-2014, 08:24 AM
Parent: #111

محمد عمر الفكي

...

هههههههه ،
ود الفكي سلام ،
يا خي شرقت ،
من الضحك ،
يا خي انا ركبت الدحش ،
والبعير ،
وإصورت بالآيفون ،
في كبوشية ،
دار جعل ،
بعد ما خلصت أموري ،
إيش المانع ؟
،،،،،،

...

عزالدين عباس الفحل
ابوظبي
...

Post: #114
Title: Re: رد على الهواء مباشرة
Author: عزالدين عباس الفحل
Date: 04-09-2014, 08:33 AM
Parent: #112

الاخــوة الافـاضـل و الأخـوات الـفـضـلـيـات ،،
،،،،،،،،،

...

سوف احتجب عـن المنبر ،
باذن الله تعالي ،
وذلك لظروف سـفـري الي المملكة العربية السعودية ،
( مـهـمـة عـمـل ) ،
رحـلة عـمـل ،
لبضــع ايام ،
فقد كنت فــرحـــا بكم ،
من خلال هذا البوست ،
واسعد الله ايامكم ،
،،،،،،

...

عزالدين عباس الفحل
ابوظبي
...

Post: #113
Title: Re: رد على الهواء مباشرة
Author: عزالدين عباس الفحل
Date: 04-09-2014, 08:31 AM
Parent: #110

الاخــوة الافـاضـل و الأخـوات الـفـضـلـيـات ،،
،،،،،،،،،

...

سوف احتجب عـن المنبر ،
باذن الله تعالي ،
وذلك لظروف سـفـري الي المملكة العربية السعودية ،
( مـهـمـة عـمـل ) ،
رحـلة عـمـل ،
لبضــع ايام ،
فقد كنت فــرحـــا بكم ،
من خلال هذا البوست ،
واسعد الله ايامكم ،
،،،،،،

...

عزالدين عباس الفحل
ابوظبي
...

Post: #115
Title: Re: رد على الهواء مباشرة
Author: محمد عمر الفكي
Date: 04-09-2014, 09:30 AM
Parent: #113

الاخــوة الافـاضـل و الأخـوات الـفـضـلـيـات ،،
سوف احتجب عـن المنبر باذن الله تعالي وذلك لظروف سـفـري خارج المملكة العربية السعودية
كم كان يسعدني لقاءك اخ عزالدين ولكن نقول شنو في الظروف
على العموم تلفونات حيدر ووليد الشيخ عندك

Post: #116
Title: Re: رد على الهواء مباشرة
Author: معاوية المدير
Date: 04-09-2014, 11:01 AM
Parent: #115

Quote:
لالا حق امس دا صلاح غريبة وحلوله الناجعة..

وحات الله صلاح غريبة دا من عرفناهو
يخسا في الجداد بالنُص،
اما ود الفحل، اليصبر سااااااااكت ...

Post: #117
Title: Re: رد على الهواء مباشرة
Author: معاوية المدير
Date: 04-09-2014, 11:56 AM
Parent: #116

Quote:
والله انا من تحت الهواء ما قاعد يجيني الا فيديوهات الذبائح وارادب اللحم البيغرفوهو بالكوريك :)
ومرة مرة بلقى لي مدحة ..[/QUOTE

غايتو انا سمعت تحت الحزام، تحت العنقريب،
تِحِت تِحِت، وعندنا في البلد التِحتانية، لكن تحت
الهواء دي !!! يطرشني.

كدي يا ود الفكي أكان عندك تفسير
الحقني بيهو.
اصلي اليومين ديل بقيت سعال...

Post: #118
Title: Re: رد على الهواء مباشرة
Author: معاوية المدير
Date: 04-09-2014, 12:00 PM
Parent: #117

Quote: لبست بدلة كاملة وحقتي والله ما اتدينتها ولا اجرتها
ملحوظة
البدلة لبستها لانو مناسب لي ناس مدينة

بدلة !!!،
يلبدلك همباتي يلعن خاشك.
عليكم الله شوفوا البطحاني اب كرعيناً
مشققات دا !!! ...

Post: #119
Title: Re: رد على الهواء مباشرة
Author: محمد عمر الفكي
Date: 04-09-2014, 12:17 PM
Parent: #118

Quote: عليكم الله شوفوا البطحاني اب كرعيناً مشققات دا !!!

اها انا اول واحد تصرفوا لي، على الاقل اشوف لي كريم للتشقق دا
يا مدير
ياخي دا ما وكت الخلافات الداخلية، خلينا هسي نركز على العدو المشترك هههههههه

Post: #120
Title: Re: رد على الهواء مباشرة
Author: HAIDER ALZAIN
Date: 04-09-2014, 12:34 PM
Parent: #119

يااااااا هلا يا هلا اشرقتي الأنوارُ.. وهلت بشائــرنا .. دامْ الفرح.. وشوش النسيم .. تموسقت لياليناااا ..

الأرباب جايي السعوديــة ، وامورنا باسطة وزيزفوناية مشويّة ..؛)

كدي هاك لمن تصلنا بنتم الباقي ..

ــــــ

أها يا الفحل من هسع جايب لي معاك شنو !!

Post: #121
Title: Re: رد على الهواء مباشرة
Author: معاوية المدير
Date: 04-09-2014, 12:46 PM
Parent: #120

Quote:
الاخــوة الافـاضـل و الأخـوات الـفـضـلـيـات ،،
سوف احتجب عـن المنبر باذن الله تعالي وذلك لظروف سـفـري خارج المملكة العربية السعودية
كم كان يسعدني لقاءك اخ عزالدين ولكن نقول شنو في الظروف
على العموم تلفونات حيدر ووليد الشيخ عندك

أها،
في دي أنا معاك تب.
إن شاء الله يجي كندا، عشان
امشي النبال لصاحبي حيدر الطردوهو
من هنا داك، واكون إسديت حقي...

Post: #122
Title: Re: رد على الهواء مباشرة
Author: محمد عمر الفكي
Date: 04-09-2014, 12:49 PM
Parent: #120

يا حيدروف
الزول دا جاي بالطيارة ما بالبر
بختك يا وليد الشيخ اذا جاء جدة، وبخت حسين ديقول اذا جاء الرياض
اذا جاء جدة وجاب لك معاهو حاجة (احتمال معدوم) فقولو يخليها (لي) عند الوليد

Post: #123
Title: Re: رد على الهواء مباشرة
Author: ALWALEED ALSHEIKH
Date: 04-10-2014, 06:02 AM
Parent: #122

ود الزين صباح الخيرلك و لكل الشباب
اها كلو عرفناهو لكن الفار الطالع فوق كديس ود المدير ده منو
و ما تنسى أنا زول غشيم يعني بحتاج لشوية شرح
غايتو يا ود المدير الله يكون في عونك حتى كدايسك ما سلمت من البهدلة.

Post: #124
Title: Re: رد على الهواء مباشرة
Author: HAIDER ALZAIN
Date: 04-10-2014, 07:26 AM
Parent: #123

حبيبنا ود الشيـخ ..
صباحاتك يا مكـ .. حاشاك الغشامة ياسيد المفهومية يا الراكز الماهو ضل دومة..

يا حليك يا الوليد انت من زمن كديسة ود المديــر ؟.. كديسة ود المدير خنقت بعضم سمكة اللت هامور في مطار ابوظبي.. وتم تشييع جثمانها في السيالة والدفن مقابر ود فلاتي ..الصورة زي ما بتقول الجرايد تعبيرية..

نحن يا الوليد هسع مستنفرين كل مجهوداتنا من اجل استقبال السيد الفحل والوفد المرافق له ..

بالمناسبة الليلة السوق السعودي حقق ارتفاع بلغ عشرة تالالاف نقطة .. كما انه الريال السعودي ارتفع بنسبة 10% مقابل الدرهم الامارتي ودا بسبب اطمئنان واستبشار المستثمرين السعوديين والخليجيين لزيارة الملياردير والاموال المتوقع ضخها في السوق السعودي منه ومن الوفد المرافق..

Post: #125
Title: Re: رد على الهواء مباشرة
Author: محمد عمر الفكي
Date: 04-10-2014, 08:26 AM
Parent: #124

Quote: والوفد المرافق له

شايف في المؤشر برضو انه اسعار البطيخ ارتفعت

Post: #126
Title: Re: رد على الهواء مباشرة
Author: معاوية المدير
Date: 04-10-2014, 11:04 AM
Parent: #125

http://www.sudaneseonline.com/board/460/msg/1397123110.html

أها،
إن شاء الله الزول يكون غشاكم ؟؟؟.
بسراعكُم ادوني اللكيدة ...

Post: #127
Title: رد
Author: محمد عمر الفكي
Date: 04-10-2014, 11:17 AM
Parent: #126

Quote: أها، إن شاء الله الزول يكون غشاكم ؟؟؟. بسراعكُم ادوني اللكيدة ...

Mr. Waleed Elsheikh
For your kind information

ود الفحل
الدنيا ام قدود دي زايلة، متن عمرتك تب بعشرة اوكات حاضرة في الحرم وبعد داك مواصلات المدينة جنب الحرم طوالي على زيارة الحبيب المصطفى صلى الله عليه وسلم وفي المدينة هناك في مطار دولي اسمه مطار الامير محمد بن عبدالعزيز ، العديلة معاك

Post: #128
Title: Re: رد على الهواء مباشرة
Author: HAIDER ALZAIN
Date: 04-10-2014, 11:29 AM
Parent: #125

Quote: شايف في المؤشر برضو انه اسعار البطيخ ارتفعت

البطيــخ والا "الحصرم " يا ود الفكي

اصبر في مثل بيقولك :/ اصبر على الحصرم بيصيـر عنب..؛)

وكان ما صبرت بتبقي عليـك البقت على ود المديـر الانطبق عليه المثل البيقول :/

أكل حصرم

Post: #129
Title: Re: رد على الهواء مباشرة
Author: معاوية المدير
Date: 04-10-2014, 11:36 AM
Parent: #128

Quote: أها يا الفحل من هسع جايب لي معاك شنو !!

مِياك كزمت حجر.
هلآ، هلآ، الزول جابلك اصبع ضوّة،
مُو كدي ؟؟؟.

عافي عليهو ...

Post: #130
Title: Re: رد على الهواء مباشرة
Author: محمد عمر الفكي
Date: 04-10-2014, 11:37 AM
Parent: #128

Quote: البطيــخ والا "الحصرم " يا ود الفكي

لو ما فهمتها تكون لياقتك بقت تعبانة، قوم اخد لك جكة وتعال راجع
بفتش في ارشيف بكري عشان اجيب لك ادوات مساعدة ههههههههه

Post: #131
Title: Re: رد على الهواء مباشرة
Author: HAIDER ALZAIN
Date: 04-10-2014, 11:45 AM
Parent: #130

هههههههههههههههههههه

ليقاتنا وقعت من الليلة والا امبارح ..
ادينا ليها سريع

بعدين يآخي انت ما سمعت بشغل تحت الهواء ؛)
كلام زي دا تقولوا لي تحت الهواء ابــقر من ود المدير والفحل شوية

Post: #132
Title: Re: رد على الهواء مباشرة
Author: HAIDER ALZAIN
Date: 04-10-2014, 11:47 AM
Parent: #131

دحين "ابغر" بالغاف ..
والا هي "ابقر" بالقين ؟

سؤال جاااادي ؛)

Post: #133
Title: Re: رد على الهواء مباشرة
Author: ALWALEED ALSHEIKH
Date: 04-10-2014, 01:54 PM
Parent: #132

سلام يا شباب
اتصل علىّ الآن الوجيه عزالدين الفحل بعد أن وصل الى المملكة و طلب مني ابلاغ السلام للجميع مع رغبته الشديدة في مقابلتي أنا و الأخ ود الفكي و أيضاً طلب مني ابلاغكم سلام اللخو الملياردير مع دهشته الكبيرة من كلمة كديسة و حوجته الماسة لشرح المصطلح اها أنا جعولية مني ساكت يا ود الفكي برشحك تقعد مع الملياردير و تشرحه ليهو معنى كلمة كديسة و يمكنك أن تعرّج على موضوع الكدايس الحامياك النوم بالليل.

Post: #134
Title: Re: رد على الهواء مباشرة
Author: HAIDER ALZAIN
Date: 04-10-2014, 02:16 PM
Parent: #133

Quote: سلام يا شباب
اتصل علىّ الآن الوجيه عزالدين الفحل بعد أن وصل الى المملكة و طلب مني ابلاغ السلام للجميع مع رغبته الشديدة في مقابلتي أنا و الأخ ود الفكي و أيضاً طلب مني ابلاغكم سلام اللخو الملياردير مع دهشته الكبيرة من كلمة كديسة و حوجته الماسة لشرح المصطلح اها أنا جعولية مني ساكت يا ود الفكي برشحك تقعد مع الملياردير و تشرحه ليهو معنى كلمة كديسة و يمكنك أن تعرّج على موضوع الكدايس الحامياك النوم بالليل.

والبتيخة علي منو

نحتفظ بالرأي لما بعد التصاوير ؛)

Post: #135
Title: Re: رد على الهواء مباشرة
Author: محمد عمر الفكي
Date: 04-13-2014, 07:17 AM
Parent: #134

يا ناس سلام عليكم
الوصية بتعطش سيدها وانا لي يومين عطشان(ود الفحل ما بجي من طرفه الا العطش)
المهم الزول دا وصاني اسلم عليكم كلكم كتير السلام وان لقيت طريقة اقالدكم كمان لمن دميعاتكن ينزلن فوق اكتافي تف تف
للاسف ما نحن، ود الفحل ما لقى طريقة يقابلنا وان كان الوليد قال لي احتمال يمشي ليهو بس حقيقة ود الفحل قال ما بكون فاضي لحدي الساعة عشرة وبعد عشرة يمكن نمشي ونقابلو في ابراج زمزم.
حسب خبرتي في مجال العمل في فنادق مكة يا وليد وبكل ثقة ممكن اقول لك انه البوفيه المفتوح بتاع العشاء في الفنادق بفقل قبل عشرة
يا حيدر
بالله قالو البطيخ في مكة من شدة ما بقي غالي الهبشة ما بنهبش ههههههههههههه

Post: #136
Title: Re: رد على الهواء مباشرة
Author: ALWALEED ALSHEIKH
Date: 04-13-2014, 09:25 AM
Parent: #135

Quote: للاسف ما نحن، ود الفحل ما لقى طريقة يقابلنا وان كان الوليد قال لي احتمال يمشي ليهو بس حقيقة ود الفحل قال ما بكون فاضي لحدي الساعة عشرة وبعد عشرة يمكن نمشي ونقابلو في ابراج زمزم.

هي أريتا كان عشرة يا ود الفكي الزول بيفضى بعد حداشر بالليل
أم أحمد قالت لى أفو يا ود الشيخ زول أبى يزورك في بيتك تمشي مكة تلاقي في الجوامع
و بعدين هو أخير من ود الزين ود الفكي في شنو ما تراهم أكرمونا و شرفونا بزيارتم في البيت
كلاما ده خلاني اتحمق بلحيل
المهم رجعت اتصلت على الفحل فاعتذر بسبب انو ظروف العمل و قال انو عنده رجعة قريب و انشاءالله بقابلنا.
إعادة
و بعدين هو أخير من ود الزين ود الفكي في شنو
الرد البديهي
أصحابو مليارديرات.

Post: #137
Title: Re: رد على الهواء مباشرة
Author: محمد عمر الفكي
Date: 04-13-2014, 10:02 AM
Parent: #136

Quote: إعادة
و بعدين هو أخير من ود الزين ود الفكي في شنو
الرد البديهي
أصحابو مليارديرات.

ياخي انتو الاستلاب اللعين دا حتتفكو منو متين؟
الرد البديهي الخالي من الإستلاب
صلاح ادريس قريبو
مناسبة اصحابو مليارديرات دي يا وليد
انا يعميني ما شفت حاجة من مليرتهم دي؟ فيكم زول شاف حاجة؟

Post: #138
Title: Re: رد على الهواء مباشرة
Author: معاوية المدير
Date: 04-13-2014, 01:08 PM
Parent: #137

Quote: بعدين هو أخير من ود الزين ود الفكي
في شنو ما تراهم أكرمونا و شرفونا بزيارتم في البيت
كلاما ده خلاني اتحمق بلحيل

هههههههههههههههههههههه،

يعني الزول ابا يجيكم !!! ؟،
بركة علي ود الفكي، عشان دافع عنو
في عدم مقابلتو لي ...

Post: #139
Title: Re: رد على الهواء مباشرة
Author: HAIDER ALZAIN
Date: 04-13-2014, 08:21 PM
Parent: #138

الفحل يحييكم من على متن الطائــرة المتجهة لأبوظبي ..
ويشكركم على الأيــام اللطيــفة التي قضاها بالمملكة العربيـة السعودية في رحلة عمل موفقة ..
كما يشكر إدارة ابراج زمزم وفندق مكة وشئون الحرم المكي الشريف ومقام سيدي خادم الحرمين..
على امل اللقاء بكم قريباً في رحلة أخرى :)

الفحل رسل لي الصورة دي من الطيارة قبل شوية معاها أسمى ايات الشكر والامنيات الطيبة وطبعا التحايا ..

بالنسبة للرعايا في جدة ومكة والبراري الكندية .. يبلغكم سلامه .. وقال لي اطمنكم أبشركم بان هنالك امل للقاء قريباً ..
والله صحي ..

بعدين ما تستعجلو موسم البتيخ ما بدأ كويس.. لانه الفحل قال كان مستمتع بالسفرجل المطبوخ في مطار الرياض الدولى ..

فااااشنو صبراً يبل الآبري يا أخونا :)

ـــــــــــــــــــــــ..
ود المدير برسل لك صورة طيارة ود الفحل تحت الهواء عشان تتبركبها .. :)

Post: #140
Title: Re: رد على الهواء مباشرة
Author: معاوية المدير
Date: 04-13-2014, 08:41 PM
Parent: #139

هههههههههههههههههههههههههه،

يا اخي انا شمتان، والله شمتان.

رايع يا فحل. والله صحي...

Post: #141
Title: Re: رد على الهواء مباشرة
Author: HAIDER ALZAIN
Date: 04-14-2014, 07:37 AM
Parent: #140

Quote: انا يعميني ما شفت حاجة من مليرتهم دي؟ فيكم زول شاف حاجة؟

أيــوة انا شفت لي حاجة ................ ............................. بتيخة :)

الوليد الشيـخ..
يآخ والله الفحل دا فوت اعظم فرصة ليهو عشان يقابل مليارديرات جد جد باخلاقهم وتواضعهم وبي مكوكيتهم كان انت واكان ود الفكي..
الفحل كان ممكن يدخل التـاريـخ و بمقابلتكم لكنه فحّط براهو ،،،

بعدين الغلت غلت ود الفكي.. قول لي كيف !!

Post: #142
Title: Re: رد على الهواء مباشرة
Author: محمد عمر الفكي
Date: 04-14-2014, 08:04 AM
Parent: #141

اللهم يكرمك يا حيدر على كلماتك التي اخجلت تواضعنا
ثم ثانياً
كيف؟
خبر عاجل علي الجزيرة الان :
انخفاض حاد في اسعار البطيخ بعد مغادرة الوفد الزائر للسعودية

Post: #143
Title: Re: رد على الهواء مباشرة
Author: ALWALEED ALSHEIKH
Date: 04-14-2014, 08:07 AM
Parent: #141

Quote: الوليد الشيـخ..
يآخ والله الفحل دا فوت اعظم فرصة ليهو عشان يقابل مليارديرات جد جد باخلاقهم وتواضعهم وبي مكوكيتهم كان انت واكان ود الفكي..
الفحل كان ممكن يدخل التـاريـخ و بمقابلتكم لكنه فحّط براهو ،،،

تشكر كثير أخي حيدر الزين على هذا الإطراء الذي لا أستحقه
بالمناسبة أم أحمد حالفة يمين الفحل بعد عملته دي ما يجي داخل بيتنا إلا يكون معاه سوط و البطان يدور و كان ركز كان بها و إلا ......
Quote:

بعدين الغلت غلت ود الفكي.. قول لي كيف !!

ود الفكي ده أصلو الغلت راكبو من راسو لساسو مما فارق طبايع أهلو بتاعت القلع و النهب و بقى زول حناسة لكن المحيرني يا ود الزين شماتة معاوية في شنو ما عارف نحن على الأقل قاعدين في بيوتنا الجانا حبابو ألف و الماجانا ختوتو عديلة نحمد الله لا اتمرمطنا في مطارات و لا قروشنا راحت في سمك. المهم قلت لي غلت ود الفكي شنو؟

Post: #144
Title: Re: رد على الهواء مباشرة
Author: عزالدين عباس الفحل
Date: 04-14-2014, 08:23 AM
Parent: #143

ســـلام ،
الحمد لله وصلت ،
أمس المغرب ،
مطار أبوظبي ،
قادماً من السعودية ،
في رحلة عمل ،
( مهمة عمل ) ،
مدة ثلاث أيام فقط ،
لم أذق فيها طعمم النوم ،
في رحاب البزنس ،
آسف لعدم التواصل ،
بالهاتف مع بورداب السعودية ،
لدواعي المشاغل ،
والإجتماعات المتواصلة ،
تحياتي للجميع ،
،،،،

...

عزالدين عباس الفحل
ابوظبي
...

Post: #145
Title: Re: رد على الهواء مباشرة
Author: عزالدين عباس الفحل
Date: 04-14-2014, 08:30 AM
Parent: #144

يا جماعة روقوا المنقة ،
لحدي حسة ما قريت المداخلات ،
لكن شايف ود المدير ،
بيضحك ع التفحيطة ،
والله ضحكت ،
رغم الإرهاق الشديد ،
تحياتي للجميع ،
،،،،

...

عزالدين عباس الفحل
ابوظبي
...

Post: #146
Title: Re: رد على الهواء مباشرة
Author: عزالدين عباس الفحل
Date: 04-14-2014, 09:35 AM
Parent: #145

يا جماعة روقوا المنقة ،
ALWALEED ALSHEIKH
الزول السمح دا ،
كان متواصل معاي بالآيفون ،
من ما مرغت من بيتنا ،
وريتو خط السير ،
أنو نازل مدينة الرياض ،
ثم جدة ،
ثم الرياض مرة أخري ،
وريتو أنو ،
الوقت ضيق للغاية ،
ثم مكة كان الله هون ،
والإتصال الهاتفي مع الأخ ،
محمد عمر الفكي ،
لم ينقطع رغم الزنقة ،
وإعتذرت لود الشيخ ،
بمحال المقابلة ،
لكن وريتو أنو وصلت مكة ،
ونازل في برج الساعة ،
تعالوا إنتوا الإثنين ،
ود الفكي ،
ود الشيخ ،
تلقوني قاعد ،
في جناح كامل ،
في برج الساعة ،
وح أعرفكم ،
ع الزول الوجيه ،
الملياردير ،
ود فرصة ،
لا تعوض ،
لكن شنو ،
ما قالوا ،
الرزق مكتوب ،
،،،،

...

عزالدين عباس الفحل
ابوظبي
...

Post: #147
Title: Re: رد على الهواء مباشرة
Author: HAIDER ALZAIN
Date: 04-14-2014, 10:28 AM
Parent: #143

المكوك محمد عمر الفكي والوليد الشيخ..كيفك يا شباب :)

اقولكم كيف..

كدي اتمعنوا في كلام ود الفكي دا وقت سالنا البتيخة على منو؟

Quote: يا حيدر
بالله قالو البطيخ في مكة من شدة ما بقي غالي الهبشة ما بنهبش ههههههههههههه

يآخي دا تهديد شديد اللهجة ..
ود الفكي اصلو ما هون على الملياردير برخص السعر.. ولا كشكر بانه حا يجيب البتيخ..خلاها عايمة كدة زي ود المديـر الطمع في السمك لمن الملياردير قدّ الشبكة :)

دحين ارجو البتيخ اليرخص وبراكم اتخيلو المنظر كدة وخلفكم ساعة مكة اكلو بتيخكم كما أكل ود المديـر السمكـ لوحده ..!

هيييييع عفيت منك يا الحفل

Post: #148
Title: Re: رد على الهواء مباشرة
Author: عزالدين عباس الفحل
Date: 04-14-2014, 11:12 AM
Parent: #147

يا شياب الروقة ،
ود الشيخ قالي لي ،
ح نجيك أنا وود الفكي ،
بالليل الساعة حداشر ،
في محل إقامتك ،
برج الساعة ،
في مكة ،
قلت ليهم أمنقي حاجة ،
لكن ود الفكي لكن الموضوع ،
قالي لي في الآيفون ،
الساعة حداشر بالليل ،
نقاط التفتيش ،
للدخول الي مكة ،
من جدة ،
بتكون صعبة خالص ،
أها ،
يا جماعة الخير ،
ود الفكي دا ،
كاسر إقامة ،
وأنا ما عارف ؟
ليه بيخاف ،
من نقاط التفتيش ؟
،،،،

...

عزالدين عباس الفحل
ابوظبي
...

Post: #149
Title: Re: رد على الهواء مباشرة
Author: HAIDER ALZAIN
Date: 04-14-2014, 01:20 PM
Parent: #148

الفحلما راجيكم يا ناس :)

Post: #150
Title: Re: رد على الهواء مباشرة
Author: عزالدين عباس الفحل
Date: 04-15-2014, 06:53 AM
Parent: #149

قرحطب فور برنقا · طب الفاشر

يا ود الزين ،
ببنطلونات الجينز شنو ؟
يا خي ناس كبوشية ديل ،
راقين رقاوة ،
يا خي ديل عندهم ،
أتوس ،

...

عزالدين عباس الفحل

رد ·
· أمس في الساعة ‏02:45 مساءً‏

Post: #151
Title: Re: رد على الهواء مباشرة
Author: ALWALEED ALSHEIKH
Date: 04-15-2014, 07:48 AM
Parent: #150

وح أعرفكم ،
ع الزول الوجيه ،
الملياردير ،
ود فرصة ،
لا تعوض ،
لكن شنو ،
ما قالوا ،
الرزق مكتوب ،
المكتوب في الجبين لابد تشوفو العين و انشاء الله نشوفك و نتعرف بيك و زى ماقال المرحوم التاج مصطفى
تظلمني و الأيام قد تنصف الإنسان
يشاهد عزالدين عيان و بيان

Post: #152
Title: Re: رد على الهواء مباشرة
Author: HAIDER ALZAIN
Date: 04-15-2014, 08:51 AM
Parent: #151

امانة يا الفحل ما وقعت وماسميت.. دا كلام شنو يا زول ؟

Post: #153
Title: Re: رد على الهواء مباشرة
Author: عزالدين عباس الفحل
Date: 04-15-2014, 08:59 AM
Parent: #151

ALWALEED ALSHEIKH

...

بالعكس كان لي الشرف ،
أنو أتعرف عليك ،
لكن ضيق الوقت هو مانع ،
الناس ملوك بأخلاقهم ،

...

عزالدين عباس الفحل
ابوظبي
...

Post: #154
Title: Re: رد على الهواء مباشرة
Author: عزالدين عباس الفحل
Date: 04-15-2014, 09:05 AM
Parent: #153

لحظة يا شباب ،
الأخ الفاضل تمبس ،
من السعودية ،
ع الخط ،

...

عزالدين عباس الفحل
ابوظبي
...

Post: #155
Title: Re: رد على الهواء مباشرة
Author: ALWALEED ALSHEIKH
Date: 04-15-2014, 09:44 AM
Parent: #154

Quote: أها ،
يا جماعة الخير ،
ود الفكي دا ،
كاسر إقامة ،
وأنا ما عارف ؟
ليه بيخاف ،
من نقاط التفتيش ؟

في انتظار الرد على هذا السؤال و بعد داك نكمل كلامنا

Post: #156
Title: رد
Author: محمد عمر الفكي
Date: 04-15-2014, 06:47 PM
Parent: #155

يا وليد
واصل مواصلاتك ياخوي ولاتلفت لكلام المغرضين بمناسبة المغرضين دي والله لما القى زول كاتبها المقرضين بقرب اضرب لبكري واقول ليهو اديني ادمينستراتيف باسويرد عشان اصلحها
المهم
ياخي ما عندي مشكلة مع نقاط تفتيش او غيرو وما عارف عزالدين دا جاب الكلام دا من وين، لكن بصراحة طريق جدة مكة دا فيهو كميات كاميرات ساهر قاطعة قلبي عديل هههههههه

Post: #157
Title: Re: رد
Author: HAIDER ALZAIN
Date: 04-16-2014, 06:35 AM
Parent: #156

Quote: المكتوب في الجبين لابد تشوفو العين و انشاء الله نشوفك و نتعرف بيك و زى ماقال المرحوم التاج مصطفى
تظلمني و الأيام قد تنصف الإنسان يشاهد عزالدين عيان و بيان

Post: #158
Title: Re: رد
Author: عزالدين عباس الفحل
Date: 04-16-2014, 07:52 AM
Parent: #157

محمد عمر الفكي

...

يا ولدي ،
بالمناسبة كلمة ولدي في السعودية ،
ليست من كلمات الإستهزاء ،
تقال حتي للشيخ الهرم ،
المهم وإنت داخل مكة ،
من جدة بعد حدود الحرم ،
وبعد مجسم المصحف ،
الدوريات شغالة ،
بالليل الساعة إطناشر ،
في مكة المكرمة ،
أنا مشيت العزيزية الشمالية ،
لزيارة بعض الأقارب ،
جوار أسواق العزيزية ،
وسوق مجاز ،
لقيت الكشة ،
لكن عملت فيها جعلي ،
مشيت بجوار العسكري ،
ما قال لي حاجة ،
عـارفني ،
جعلي ،
،،،،،،

...

عزالدين عباس الفحل
ابوظبي
...

Post: #159
Title: Re: رد
Author: محمد عمر الفكي
Date: 04-16-2014, 09:28 AM
Parent: #158

من بوست مجاور كتب المدعو عمر ود الباوقة
Quote: اخي الفحل
المليادير صحتو كيف طمنا عليهو

هوي يا ود الباوقة
ارعى بقيدك قبل ما نمرق السكاكين

Post: #160
Title: Re: رد
Author: ALWALEED ALSHEIKH
Date: 04-16-2014, 10:04 AM
Parent: #159

Quote: لكن عملت فيها جعلي ،
مشيت بجوار العسكري ،
ما قال لي حاجة ،
عـارفني ،
جعلي ،

ما معقول يا عزالدين الفحل ياخ جهجهت باكاتنا
يا خي إنت جعلي و لاعامل فيها جعلي خلينا نرسى لينا على بر.

Post: #161
Title: Re: رد
Author: عزالدين عباس الفحل
Date: 04-16-2014, 10:17 AM
Parent: #160

ALWALEED ALSHEIKH

...

أيوة جعلي ،
من كبوشية ،
حلة السعداب ،
ما شايفني مجدع ،
بركوب الحمير ،
والبعير ،
في آثار البجرواية ،
مش دي أدلة دامغة ،
مش الناس البيخافو ،
من الكشات ،
وعساكر مكة ،
قال شنو ،
قال :-
كميات كاميرات ،
ساهر قاطعة قلبي ،
،،
الكاميرات كمان بتعضي ،
،،،،،،

...

عزالدين عباس الفحل
ابوظبي
...

Post: #163
Title: Re: رد
Author: HAIDER ALZAIN
Date: 04-17-2014, 11:23 AM
Parent: #161

الفحــل ..
بلغني ممن اثق به من المليارديرات انك كبيــت الجرسة والهجولة بعد ان قرأ المليـارديـر طال عمره هذا البوست .. ،
وقال لي محدثي بينما كان الفحل في كرسيه الدوار يرتشف عصيــر النعناع ويشق عباب سودانيز مستأنساً بالنسيم المندفع إذ بالملياردير يدخل حين غفلة ليعرف خبر الكديسة وما صار عليها..
فإذا به يفاجأ بان الكديسة صارت ككو وضنبو يلووي..
فاغشي عليه من هول المفاجأة وطالب بفك ضنب الككو الملولو حتى يفيق وينشده في الحكي..

غايتو الختيتها رقدت يا فحل.. ما قلت انت مك طال عمرك

Post: #164
Title: Re: رد
Author: معاوية المدير
Date: 04-17-2014, 11:26 AM
Parent: #161

Quote:
من بوست مجاور كتب المدعو عمر ود الباوقة

Quote: اخي الفحل
المليادير صحتو كيف طمنا عليهو

هوي يا ود الباوقة
ارعى بقيدك قبل ما نمرق السكاكين

يققققققققققققققطع قلبو،
كدي تاني اللسمعو يسعل من الملياردير،
واللآ من الفحل زاتو ...

Post: #165
Title: Re: رد
Author: محمد عمر الفكي
Date: 04-17-2014, 11:59 AM
Parent: #164

Quote: يققققققققققققققطع قلبو،
كدي تاني اللسمعو يسعل من الملياردير،
واللآ من الفحل زاتو ...

وحياتك يا مدير قلة شغلة وعدم موضوع
مالو ومال صحة الملياردير اطال الله عمره وابقاه وداير بصحتو شنو؟
ود الباوقة دا ايام الله السبعة يصوقر مع الرئيس جينا يوم واحد عفصناهو في رجلو؟
السفارة عملت السفارة سوت، فيكم واحد بالغلط جاب سيرة سفارة في لسانو؟ القطر قام القطر وصل الرقطر الرصاصة جاء من الصين (بالمناسبة القطر الرصاصة كسر ركبة قدام مستشفى الشعب)
تحين يا باوقة اتخارج من هنا سريع سريع، والله الناس المفلسة وزهجانة دي تلم فيك الا تخلي ريحتك طير طير دا كان ما فيهم واحد قطع 400 كيلو وجاك في الرياض خنقك لمن تزبد

Post: #166
Title: Re: رد
Author: عزالدين عباس الفحل
Date: 04-20-2014, 05:34 AM
Parent: #165

يا شباب البوست دا ،
مشاهـد و مرئي ،
Observer
علي مستوي عال ،
ما تـنـبـرشوا ساكت ؟؟؟
رغم أنو أحـرز أعـلي ،
SCORE
10472
بصراحة بوست ،
ناجـح ،
،،،،،،

...

عزالدين عباس الفحل
ابوظبي
...

Post: #167
Title: Re: رد
Author: محمد عمر الفكي
Date: 04-20-2014, 07:19 AM
Parent: #166

Quote: بصراحة بوست ، ناجـح ،

من صاحب البوست الناجح الى المعلق الكريم
سلام عليكم
ثم
عملت لينا شنو؟
بوست ناجح دي اشيلها اخش بيها السوق يعني؟ ولا اجي اتبوبر فيها في سودانيز اون لاين؟

Post: #168
Title: Re: رد
Author: ALWALEED ALSHEIKH
Date: 04-20-2014, 08:40 AM
Parent: #167

Quote: بصراحة بوست ،
ناجـح ،

يا ود الفكي سلام
سين سؤال
العبارة الفوق دي بتقسّم مع ناس عبداللطيف جميل؟

Post: #169
Title: Re: رد
Author: ALWALEED ALSHEIKH
Date: 04-20-2014, 08:58 AM
Parent: #168

Quote: مش الناس البيخافو ،
من الكشات ،
وعساكر مكة ،
قال شنو ،
قال :-
كميات كاميرات ،
ساهر قاطعة قلبي ،
،،
الكاميرات كمان بتعضي ،

الأخ ود الفكي
معليش تقلنا عليك لكن استفسار حول كيفية عض الكاميرات و ياريت تفهمنا.

Post: #170
Title: Re: رد
Author: محمد عمر الفكي
Date: 04-20-2014, 09:04 AM
Parent: #168

وعليكم السلام يا وليد
يا وليد ناس عبداللطيف جميل ديل قعدوني في الواطة وقالوا لي ارسم لنا خريطة موقع البيت وموقع العمل، وبعد داك قدام عيني شالوا المفتاح الاسبير الاصلي حق العربية، تحين النوع دا بتنفع معاهو (بوست ناجح)؟!!!! عالم مستهبلة بس ههههههههه

Post: #171
Title: Re: رد
Author: عزالدين عباس الفحل
Date: 04-20-2014, 10:25 AM
Parent: #170

محمد عمر الفكي

...

تحياتي ،
لعساكر مكة ،
أركز ،
،،،،،،

...

عزالدين عباس الفحل
ابوظبي
...

Post: #172
Title: Re: رد
Author: محمد عمر الفكي
Date: 04-20-2014, 10:58 AM
Parent: #171

يا ود الفحل اااااااااي بخاف من عساكر مكة لانه إقامتي منتهية
اها ارتحت
نرجع لموضوعنا
والله يا وليد الكاميرا البتعضي دي اول مرة اسمع بيها لكن اديني شوية كده اسال ليك وكلاء سانيو ونيكون واديك النجيضة هههههههههههههههه

Post: #173
Title: Re: رد
Author: معاوية المدير
Date: 04-20-2014, 11:02 AM
Parent: #172

Quote: عملت لينا شنو؟

في شنو ؟؟؟.

مُش كفاك نجاح البوست؟،
ما تدونا معاكم فرقة...

Post: #174
Title: Re: رد
Author: عزالدين عباس الفحل
Date: 04-20-2014, 11:09 AM
Parent: #173

محمد عمر الفكي

...

قلت الروب ،
عديييييل كـدا ،
من عساكر مكة ،
أها ،
هاك الآيفون دا ،
،،،،،،

...

عزالدين عباس الفحل
ابوظبي
...

Post: #175
Title: Re: رد
Author: محمد عمر الفكي
Date: 04-20-2014, 12:01 PM
Parent: #174

Quote: قلت الروب ،
عديييييل كـدا ،
من عساكر مكة ،
أها ،
هاك الآيفون دا

تاني اااااي يا عزالدين
اها بترسل الايفون متين؟

ود المدير
ابعد شوية نحن وصلنا مرحلة متقدمة من مباحثات الايفون
انا لو مكانك بعد موقف مطار ابوظبي الحوامة بهنا مابحوم

Post: #176
Title: Re: رد
Author: معاوية المدير
Date: 04-20-2014, 12:14 PM
Parent: #175

Quote: انا لو مكانك بعد موقف مطار ابوظبي الحوامة بهنا مابحوم

غايتو موقف السواد والرماد.
اخير مِنو موقف بحري.

موقف مخزي.
والله صحي...

Post: #177
Title: Re: رد
Author: HAIDER ALZAIN
Date: 04-20-2014, 02:27 PM
Parent: #176

والله جوطتو لينا راسنا براهو لافي..

مافهمت شئ هسع .. الفحل طلع غلطان والا عاضي الكاميرا؟

Post: #178
Title: Re: رد
Author: عزالدين عباس الفحل
Date: 04-21-2014, 05:30 AM
Parent: #177

HAIDER ALZAIN

...

ود الفكي ،
شاف عساكر مكة ،
كب الزوقة ،
وعمل السبب ،
الكاميرات ،
المتلبدة في شارع ،
جدة مكة ،
وسط شجر النيم ،
يا حـليـل زمن الرجال ،
وكـت كشات مكة ،
الكانو بيقولوا ،
أرشــوا ،
،،،،،،

...

عزالدين عباس الفحل
ابوظبي
...

Post: #179
Title: Re: رد
Author: ALWALEED ALSHEIKH
Date: 04-21-2014, 05:58 AM
Parent: #178

Quote: يا حـليـل زمن الرجال ،
وكـت كشات مكة ،
الكانو بيقولوا ،
أرشــوا ،
،،،،،،

...

عزالدين عباس الفحل
ابوظبي
...

باقي ليك يامك ود الفكي ده كان زولك الملياردير ده رشاه بشوية دراهم كان بإمكانو يرش ليك أى زول لكن مسكين عدم الدراهم و كترة الديانة وقفو حالو و بقى ما عندو حيل لأى شئ فكدي انتو رشوهو الباقي هين.

Post: #180
Title: Re: رد
Author: عزالدين عباس الفحل
Date: 04-21-2014, 07:38 AM
Parent: #179

ALWALEED ALSHEIKH

...

ود الشيخ ،
ركز معاي شوية ،
وكت أنا قلت ليكم ،
تعال إنت وود الفكي ،
أبراج الساعة ،
مكة المكرمة ،
وإنت قلت ،
خلاص جايين ،
الساعة حداشر ،
بالليل ،
دا لي شنو ؟
باقي ليك ،
ما عشان ،
الرش زاتو ،
أرشــوا ،
،،،،،،

...

عزالدين عباس الفحل
ابوظبي
...

Post: #182
Title: Re: رد
Author: محمد عمر الفكي
Date: 04-21-2014, 07:54 AM
Parent: #180

Quote: ود الشيخ ،
ركز معاي شوية ،
وكت أنا قلت ليكم ،
تعال إنت وود الفكي ،
أبراج الساعة ،
مكة المكرمة

نظام إستدعاء وكده
والله ياها الفضلت لاشفنا منك اخضر ولا اصفر وبعد دا كمان جايبلك تامر علينا، عجائب
يا مدير
ياخي الزول دا قال لي ود المدير دا بسكتو ليكم تب، اها يا ام العروس ان شاء الله سكتوكي؟

Post: #183
Title: Re: رد
Author: HAIDER ALZAIN
Date: 04-21-2014, 08:01 AM
Parent: #180

جابت لها رش :) :)

Quote: وإنت قلت ،
خلاص جايين ،
الساعة حداشر ،
بالليل ،
دا لي شنو ؟
باقي ليك ،
ما عشان ،
الرش زاتو ،
أرشــوا

الفحل يا مكـ.. يآخي انت عارف انه ود الفكي ماشي بكرعيه وماعندو عربية.. فتر من سواقة العجلات .. وسبق وان ابلغنا حضرتكم وتقدمنا بعريضة لصاحب النيافة ملياردير الحبحب والجح بغرض رفع كراع اخونا ود الفكي في سيكويا ان شاء الله بس 2013م
لكن لم تجد طلباتنا لأروقة اذانكم طريقاً .. فحايجيك الساعة حداشر كيف مع الضلمة ووعورة الطريق ووحشة المسار؟
ثم انت اساساً ما صرحت انه في رش ..كان قلت في رش امة المسلمين الموحدة دي كان جاتك من فيافي كندا وبراري الحسا ومن تخوم اليمامة وهضاب نجد عشان تحضر الرش كما حضرت آخر مرور لمذنب هالي بسماء جدة ذات الغيوم الصافية والرياح العليلة ..

ـــــــــــــــــــ..
غايتو بعد العربي دا كلللو لو طلع رشكم بي طيارات مشروع الجزيرة الواقفة بالحصاحصيا ياني البمشي اشيل سلاح مع مناوي :)

Post: #181
Title: Re: رد
Author: محمد عمر الفكي
Date: 04-21-2014, 07:46 AM
Parent: #179

نصيحةً تخضرك يا وليد
بس كلامك دا ونوع نصيحتك الدوغرية دي هي البتقوم نفس صاحبنا دا ههههههههههههههههههه
ود الزين
سمعت في مكان مجاور انك قادم لزيارة جدة، هل هذا صحيح؟

Post: #184
Title: Re: رد
Author: محمد عمر الفكي
Date: 04-21-2014, 08:24 AM
Parent: #181

والله يا حيدر زعلان منك رسمي
اول تبادي، ما كلمتني قلت لي جاي جدة وكلمت الحلبي عاصم فقيري قبل تكلمني
تاني شئ
ما باركت لي وصول (البوست الناجح) للصفحة خمسة

Post: #185
Title: Re: رد
Author: معاوية المدير
Date: 04-21-2014, 08:35 AM
Parent: #184

Quote:
والله يا حيدر زعلان منك رسمي
اول تبادي، ما كلمتني قلت لي جاي جدة وكلمت الحلبي عاصم فقيري قبل تكلمني
تاني شئ
ما باركت لي وصول (البوست الناجح) للصفحة خمسة

مبروك يا ود الفكي.

يا اخوانا ما تشوفوا لي عُمرة الله يرضى عليكم.

اسمع يا ود الفكي،
عاصم فقيري دا مِنو ؟؟؟...

Post: #186
Title: Re: رد
Author: معاوية المدير
Date: 04-21-2014, 08:40 AM
Parent: #185

Quote: أبواب الغرف ،
تفتح بالكرت الممغنط ،
الإرهاق الشديد ،
جثم علي الأبدان ،
كالفريسة ،

اصلي ما بوريكم جبتها من وين،
اكان كسرتوا رقبتكم...

Post: #187
Title: Re: رد
Author: عزالدين عباس الفحل
Date: 04-22-2014, 06:16 AM
Parent: #186

عزالدين عباس الفحل
ابوظبي
...

Post: #188
Title: Re: رد
Author: ALWALEED ALSHEIKH
Date: 04-22-2014, 06:31 AM
Parent: #187

صباح الخير يا مك
ياخ إنت زول راقي رقاوة شديدة خلاص ورود حمراء من الصباح و فازات و حاجات تفتح النفس و يا ريت كمان لو أتبعتها بإهداء من كلماتك ذات الألق الدري التي تهز الوجدان للإخوة ود المدير و ود الفكي و ود الزين بدل ما يحلموا بالدولارات و البتيخ و غيره من الأشياء المادية.
تشكر كتير كتير يا غالي على هذه الوردة الجميلة يا غالي.

Post: #189
Title: Re: رد مبروك يا ود الفكي
Author: HAIDER ALZAIN
Date: 04-22-2014, 06:56 AM
Parent: #188

الف مبروك يا ود الفكي.. خمسة ربطات وحداشــر الف وسبعمائة وسبعة وسبعون د ولار..

Post: #190
Title: Re: رد مبروك يا ود الفكي
Author: HAIDER ALZAIN
Date: 04-22-2014, 06:59 AM
Parent: #189

اتذكرت..

كما قال الارباب ود المدير ..:
عاصم فقيري دا منو؟

Post: #191
Title: Re: رد مبروك يا ود الفكي
Author: محمد عمر الفكي
Date: 04-22-2014, 08:02 AM
Parent: #190

يا حيدروف
11777 مشاهدة
عدد مشاهدات دا ولا تردد حق نايلسات؟
غايتو يا حيدر زي الشفتك بتتكلم مع عاصم دا في بوست تاني وهو رحب بيك في جدة
اذا كان الكلام دا ما صحيح فالله ينتقم لي منك يا ود الفحل انت وغريبة ، خرفتوا بي في 40 سنة

Post: #192
Title: Re: رد مبروك يا ود الفكي
Author: HAIDER ALZAIN
Date: 04-23-2014, 06:46 AM
Parent: #191

والله النصيحة لي الله.. انت لسع شباب وحاشاك الخرف يا ابو اربعين

هو الكلام من ناحية قلتو قلتو .. لكن ما قايل اضانك خفيفة قدر دا وبتلقطها..فرس انت؟

بالمناسبة ابشركم بخبر.. الفحل ارسل لي رسالة مؤثرة جداً عبر الايفون الي الجلاكسي وهو يشتكي الهجير وحر العشق الممنوع كما ويشكو البوست ابو 13 الف انه لا يظهر لديه الا عبارة عن خطوط خطوط..
ارجو منكم التكرم بحل هذه المشكلة العالقة ..
شاكرين حسن تعاونكم

Post: #193
Title: Re: رد مبروك يا ود الفكي
Author: محمد عمر الفكي
Date: 04-23-2014, 07:43 AM
Parent: #192

ياخي طمنتني ياخي والله لمن دخلني شكك
المهم ود الفحل انا ماشي ليهو عمرة مخصوص عشان ادعي عليهو لو قريشاتي ما جني خلال اسبوع من تاريخه
تاني حاجة
اعتذر عن الغياب اليوم لاني مسافر بعد قليل الى السودان بناءاً على دعوة كريمة من الخبير الوطني صلاح غريبة لحضور مهرجان القراءة للجميع بالساحة الخضراء.
ضربت لامي قلت لها جهزي لي شبطي الابيض وشيلي لي طرادة من ابوي وجهزي لي كتابي حق العربي الاكلت غنماية ناس عمي علي نصه.
حيدر ادينا خبر مسبق عليك الله

Post: #194
Title: Re: رد مبروك يا ود الفكي
Author: معاوية المدير
Date: 04-23-2014, 07:58 AM
Parent: #193

Quote:
اعتذر عن الغياب اليوم لاني مسافر بعد قليل الى السودان بناءاً على دعوة
كريمة من الخبير الوطني صلاح غريبة لحضور مهرجان القراءة للجميع
بالساحة الخضراء.

مبروك إنتماءك لقبيلة المشاهير،
ونبارك لنفسنا صحبتك.
الحكاية ما جابت قروش لكن جابت شهرة.
جيدلينا.

Post: #195
Title: Re: رد مبروك يا ود الفكي
Author: عزالدين عباس الفحل
Date: 04-23-2014, 08:10 AM
Parent: #194

محمد عمر الفكي

...

قلت لي مسافر ،
السودان ،
الأكل الفرش ،
ولمة الأهل ،
والأحباب ،
والأصدقاء الحلوة ،
ســلام ،
يا الـســــودان ،
،،،،،،

...

عزالدين عباس الفحل
ابوظبي
...

Post: #196
Title: Re: رد مبروك يا ود الفكي
Author: محمد عمر الفكي
Date: 04-23-2014, 09:37 AM
Parent: #195

Quote: مبروك إنتماءك لقبيلة المشاهير،
ونبارك لنفسنا صحبتك.
الحكاية ما جابت قروش لكن جابت شهرة.
جيدلينا.

دا ود المدير يا حيدر
Quote: قلت لي مسافر ،
السودان ،
الأكل الفرش ،
ولمة الأهل ،
والأحباب ،
والأصدقاء الحلوة ،
ســلام ،
يا الـســــودان ،

والفوق دا صاحب المليونيرات
هسي يا حيدر في ذمتك لو لميت فيهم زي غريبة بكون غطان؟

Post: #197
Title: Re: رد مبروك يا ود الفكي
Author: HAIDER ALZAIN
Date: 04-23-2014, 12:15 PM
Parent: #196

ياود الفكي .. انا تعبت يآخ..
بباري في بوستات الخبيـر صلاح غريبة عشان اعرف خبر التعيين والدعوة وخلافه وكان في مصاري والا مافي عشان نقدم ورقنا وكدة.. عسى ولعل يصدق الخبير ويعوض علينا شحتفة الملياردير..

لكن بيني وبينك ما لميت في القصة عشان ااترها ..بوستات الخبير اكتر من أيام الفحل وزياراتو لابراج مكة :)

فياخي اكسب فينا الاجر واكفنا شر الشلهتة ..

بعدين اسمعني الفحل معذور يكون لافي في راس الكرسي الدوار إلا ود المدير خلو في غباهو اخيرلو كدة بيكابسنا * في الشطر " الميت " دا ساي ويزيع الخبر

ـــــــــــــــــــــــــ
* النون دي ضمنتها حقي معاك ان بقت مصاري..كما تضمن الشجب والنفي والادانة ان بقت فيها امنجية وعمالة وجداد الكتروني وكدة :)

Post: #198
Title: Re: رد مبروك يا ود الفكي
Author: عزالدين عباس الفحل
Date: 04-24-2014, 05:47 AM
Parent: #197

HAIDER ALZAIN

...

يا ود الزين ،
ما راجيني حليفة ،
إنت كيف عرفتني ،
مدور بالكرسي الدوار ،
غايتو محن ،
الأقمار الصناعية ،
ما ريحت الناس ،
حتي الناس البيدوروا ،
بقوا معروفين ،
طيب الطيارة الماليزية ،
لقيتوها ،
،،،،،،

...

عزالدين عباس الفحل
ابوظبي
...

Post: #199
Title: Re: رد مبروك يا ود الفكي
Author: HAIDER ALZAIN
Date: 04-24-2014, 06:15 AM
Parent: #198

ما اعرفك كيف يآخ .. إنت يا عز الدين مش ضايفني عندك عبر خدمة الـGPS ...وطيب ؟

Post: #200
Title: Re: رد مبروك يا ود الفكي
Author: محمد عمر الفكي
Date: 04-24-2014, 06:24 AM
Parent: #198

يا ود الفحل
ياخي الحق حيدر الزين دا بمعونة عاجلة قبل ما يرتكب جناية في رقبتو، الزول وصل لمراحل خطيرة
بقي يكابس لها عند غريبة
والله حالتك بقت سعبة خلاص

Post: #201
Title: Re: رد مبروك يا ود الفكي
Author: HAIDER ALZAIN
Date: 04-24-2014, 07:01 AM
Parent: #200

نعمل شنو يآخ رمضان وموسم العمرة والحج على الابواب ونحن ناس محمولين والفحل متخن جلدو على الآخــر مقضيها لينا كلها آيـفون وبطيـخ ..

الفحل انت يحسسوك كيف عليك الله ..؟

Post: #202
Title: Re: رد مبروك يا ود الفكي
Author: ALWALEED ALSHEIKH
Date: 04-24-2014, 07:04 AM
Parent: #200

Quote:
HAIDER ALZAIN

...

الفيها النصيب ،
بتصلك ،
إنت عارف رمضان قرب ،
وزكاة الأموال السنة دي ،
باليورو ،
صدق ،
،،،،،،

...

عزالدين عباس الفحل

يا ود الفكي الكلام ده كتبه المك عزالدين الفحل الليلة جبت جواب في الصفحة الأولى لود الزين
يعني القصة بقت باليورو و في رمضان
دحين ود الزين ده ما عنده صبر لرمضان لدرجة أن يكابس هذا الغريبة
فعلاً حالة سعبة شديد خلاس.
تخريمة
المك ده يعذب الواحد في نسخ المداخلة بتاعتو اسم الزول في حتة و الموضوع في حتة و توقيعه في حتة و بينهم صحراء كلهاري أريتو بالعسل الهاري.
المشكلة الواحد يفكر يلغي المسافات الفاضية البين الإسم و التوقيع يقوم يرجع يخاف يكون في كلام مكتوب بالحبر السري و لاّحاجة.
و الأغرب كمان كمية الشولات و النقاط البتكون موجودة في المداخلة لي هسع ما عرفت القصد منها شنو.
جهجهتنا و جهجهت باكتنا و فريقنا كلو و جهجهت سيرفر بكري ذاتو ياخ.

Post: #203
Title: Re: رد مبروك يا ود الفكي
Author: محمد عمر الفكي
Date: 04-24-2014, 07:24 AM
Parent: #202

Quote: يا ود الفكي الكلام ده كتبه المك عزالدين الفحل الليلة جبت جواب في الصفحة الأولى لود الزين
يعني القصة بقت باليورو و في رمضان

انا يا وليد يورو رمضان هدا طرفي منو كفاي ريال جمادى الاخرة دا
اما حيدر الزين بحسب الشايفو دا فلو واصل معانا لحدي نهاية الشهر دا والله يكون بالغ عديل
الحاجة المحيراني اكتر
انت ود الفحل دا طوالي بكون فاتح سودانيز او لاين دا، ما حصل يوم واحد من مليونيراته ديل شافه فاتح البوست دا وسالو ديل منهم وقصتهم شنو وعرف انه الموضوع بخصه؟ ياخي على الاقل من اي باب من ابواب البر اليشوف لنا حاجة
حيدر ومعاوية ديل من ابناء السبيل اما شخصي (الضعيف) فمن ابناء السبيل والغارمين الاتنين علي
يا حيدر
يا جماعة بعد كدا شوفو لينا جماعة الوالي الخضر، مافيهم واحد حائم بهنا؟

Post: #204
Title: Re: رد مبروك يا ود الفكي
Author: عزالدين عباس الفحل
Date: 04-24-2014, 09:24 AM
Parent: #203

محمد عمر الفكي

...

يا ود الفكي ،
أنا جيتك لحدي عندك ،
السعودية ،
قلت ليك تعال إنت ،
ومعاك ود الشيخ ،
أبراج الساعة ،
مكة المكرمة ،
قلتو الساعة حداشر بالليل ،
قلنا تماااام ،
صدقني كان جيت ،
كنت خرجت،
بشوال ريارلات ،
لكن نقول شنو ،
قسمتك ،
،،،،،،

...

عزالدين عباس الفحل
ابوظبي
...

Post: #205
Title: Re: رد مبروك يا ود الفكي
Author: محمد عمر الفكي
Date: 04-24-2014, 11:00 AM
Parent: #204

ود الفحل
ما تخليني ادعي عليك في النهار الحار دا
ردودك بقت زي بوستات غريبة بتفور الدم طوالي

Post: #206
Title: Re: رد مبروك يا ود الفكي
Author: عزالدين عباس الفحل
Date: 04-24-2014, 11:52 AM
Parent: #205

.

***
إهـداء خـاص :-
الي كل محبي،
هـذا البوست ،
الأوسكار ،

...

عزالدين عباس الفحل
ابوظبي
...

Post: #207
Title: Re: رد مبروك يا ود الفكي
Author: عزالدين عباس الفحل
Date: 04-24-2014, 12:06 PM
Parent: #206

***
إهـداء خـاص :-
الي كل محبي،
هـذا البوست ،
الأوسكار ،

...

عزالدين عباس الفحل
ابوظبي
...[/U

Post: #208
Title: Re: رد مبروك يا ود الفكي
Author: معاوية المدير
Date: 04-24-2014, 12:26 PM
Parent: #207

وحات الله كان كدي فايدة مافي...

Post: #377
Title: Re: رد
Author: عزالدين عباس الفحل
Date: 06-22-2014, 10:51 AM
Parent: #179

.

Post: #376
Title: Re: رد على الهواء مباشرة
Author: عزالدين عباس الفحل
Date: 06-19-2014, 05:19 AM
Parent: #134

.

Post: #217
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 05-04-2014, 05:15 AM
Parent: #66

.

Post: #209
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 04-27-2014, 05:45 AM
Parent: #1

.

Post: #210
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 04-28-2014, 01:09 PM
Parent: #209

يا ناس.. انا استسلمت والله ،،،

Post: #211
Title: Re: لعناية حيدر الزين، معاوية المدير والفحل
Author: محمد عمر الفكي
Date: 04-28-2014, 01:33 PM
Parent: #210

عليك الله يا حيدروف ما تقنط وتيأس
الصبر مفتاح الفرج

.
النقطة دي شايفها؟

Post: #212
Title: Re: لعناية حيدر الزين، معاوية المدير والفحل
Author: محمد عمر الفكي
Date: 05-01-2014, 02:10 PM
Parent: #211

الاخ الكريم الباشمهندس عزالدين عباس الفحل
يطيب لي ان اهنئ سعادتكم بصدور حكم براءة صديقكم وقريبكم الرجل الارباب الرجل القامة الوطنية السامقة الارباب الشيخ/ صلاح احمد إدريس.
ارجو منكم نقل خالص تحياتي القلبية لسعادة الشيخ صلاح راجياً منكم ان تدلوني على رقم جواله او منزله لزيارته ومعي اطفالي الاربعة يحملون علم السودان بيدهم اليسرى ومنفلة ود المدير بيدهم اليسرى
الايام دي شركائي عبدالمجيد شومان بتاع البنك العربي ومحمد عبداللطيف جميل بتاع التويوتا قايمين علي شوية
بالله شفت الشغل دا كيف؟ عبدالمجيد وعبداللطيف بدون القاب ورسميات، ما اصحاب نحن
فشنو
الحقني بتلفون او عنوان الارباب سريع قبال اصحابي ديل يسجنوني

Post: #213
Title: Re: لعناية حيدر الزين، معاوية المدير والفحل
Author: HAIDER ALZAIN
Date: 05-01-2014, 02:27 PM
Parent: #212

Quote: يحملون علم السودان بيدهم اليسرى ومنفلة ود المدير بيدهم اليسرى

ولادك يديهم الاتنين لفت ..

أخير انا خايفك بعد دا النقطة ما تلم فيها :)

Post: #214
Title: رد
Author: محمد عمر الفكي
Date: 05-01-2014, 05:14 PM
Parent: #213

اها عليك الله دي حالة زول ما متضايق

Post: #215
Title: Re: رد
Author: عزالدين عباس الفحل
Date: 05-03-2014, 06:45 AM
Parent: #214

محمد عمر الفكي

...

بلا شك ،
كل أطياف السودان ،
فرح ببراءة،
الأرباب الملياردير صلاح إدريس،
الرجل النظيف ،
رجل الأعمال الناجح ،
تسلم دار جعل ،
،،،،،

...

عزالدين عباس الفحل
ابوظبي
...

Post: #216
Title: Re: رد
Author: عزالدين عباس الفحل
Date: 05-03-2014, 06:48 AM
Parent: #214

عزالدين عباس الفحل
ابوظبي
...

Post: #218
Title: Re: رد
Author: عزالدين عباس الفحل
Date: 05-06-2014, 11:01 AM

.

Post: #219
Title: Re: رد
Author: HAIDER ALZAIN
Date: 05-06-2014, 11:06 AM
Parent: #218

الارباب الفحل.. الف مبروك براءة زميلك الارباب صلاح ومزيداً من التقدم والتعاون المثمر..

كما افيدك باني اعاني من وجع ضرس واحباط رهيب..
فرجاءاً قدر حالتي والحالة العامة لبني البشر في هذا الكون المترامي الاطراف الذي انصهرت اعماقه بفعل الجاذبية الارضية وحرارة الغلاف الجوي..

بعدين اين اختفي ود المدير يا عز الدين.. اتبن الراجل دا ما يبقي وقع في تذكرة يانصيب رابحة وقام عمل حمد لبد :)

Post: #220
Title: Re: رد
Author: عزالدين عباس الفحل
Date: 05-06-2014, 11:23 AM
Parent: #219

HAIDER ALZAIN

...

سلامتك يا الحبيب ،
ألم الضرس دا أكيد ،
من تقلبات البورصة ،
أصلوا الدولار هسة منخفض ،
بأرتفاع حرارة الصيف ،
لكن عليك بالسفرجل ،
المضبوخ ع النكهة الشامية ،
براءة الملياردير ،
صلاح إدريس ،
والله كلنا فرحنا ليهو ،
تسلم دار جعل ،
،،،،،

...

عزالدين عباس الفحل
ابوظبي
...

Post: #221
Title: Re: رد
Author: عزالدين عباس الفحل
Date: 05-06-2014, 11:30 AM
Parent: #220

HAIDER ALZAIN

...

إتصلت الحين ،
من الآيفون ،
ع ود المدير ،
فـي كــنــدا ،
والـوقـت عندهم هسة الفجر ،
لقيتو خارج من المسجد الآن ،
صلاة الفجر ،
وقال منتظر ود الفكي ،
عشان العمرة ،
الراجل من الذاكرين ،
مـدد ،
،،،،،

...

عزالدين عباس الفحل
ابوظبي
...

Post: #222
Title: Re: رد
Author: معاوية المدير
Date: 05-07-2014, 08:50 AM
Parent: #221

Quote: إتصلت الحين ،
من الآيفون ،
ع ود المدير ،
فـي كــنــدا ،
والـوقـت عندهم هسة الفجر ،
لقيتو خارج من المسجد الآن ،
صلاة الفجر ،
وقال منتظر ود الفكي ،
عشان العمرة ،
الراجل من الذاكرين ،.
مـدد ،
،،،،،

ههههههههههههههههههههه،
يا اخي بعد كلآمك دا حيدر الزين بيجي يقول،
ود المدير بقى شيوعي. عليك الله ما تعمل سُمعة
في البُكان دا.

تسلم يا ود الفحل علي إتصالك من الآيفون والذي رددت
عليه بالغلآكسي اللِيلِي...

Post: #223
Title: Re: رد
Author: معاوية المدير
Date: 05-07-2014, 08:56 AM
Parent: #222

يا ود الفكي قبل الأرشفة،
عليك الله الزول دا منو ؟؟؟.
Quote: Yosri Kami

اوعك تقول لي صابون ومعجون.
جاوب قبل بكري يلملم كراسي الحفلة...

Post: #224
Title: Re: رد
Author: HAIDER ALZAIN
Date: 05-07-2014, 09:05 AM
Parent: #222

Quote: يا اخي بعد كلآمك دا حيدر الزين بيجي يقول،
ود المدير بقى شيوعي

ما بقول .. اصلها دي عادتكم يا الشيوعيين الماركسيين ..جنكم جوامع وصيام وحج

ما سمعت صاحبي الشيوعي الذي قال الحزب الشيوعي السوداني حزب اسلامي أصيل ومن طين هذه البلد :)

صلي صلاتك هي عطبرة بلا الشيوعيين شن فيها..

مرة في مظاهرات في مدني واحد برلوم من ولادنا ما طلع في المظاهرات ومارق من الداخلية ماشي الدكان وجاء بكسي امن عرفو طالب خماهو ومعاهو رفاقة قايلنهم ماشيين يلحقوا المظاهرة..
قال لي مقعدنهم في نص البكسي والامنجي سالوا انت من وين يازول قالوا انا عطبرة .. قالوا شيوعي مو كدي ؟
قالوا لا والله .. قالوا معناها بعثي .. قالوا والله لا شيوعي لا بعثي انا من القاعة للداخلية للمسجد للدكان ما عندي شغلة بالسياسة ..
قال لي نقرني بالعصاية في راسي وقال لو ما تكضب من عطبرة بي راسك الغليد دا حا تكون شنو يعني غير شيوعي.. هي عطبرة بلا الشيوعيين شن فيها :)

Post: #225
Title: Re: رد
Author: معاوية المدير
Date: 05-07-2014, 09:42 AM
Parent: #224

Quote: قال لي نقرني بالعصاية في راسي وقال لو ما تكضب من عطبرة
بي راسك الغليد دا حا تكون شنو يعني غير شيوعي.. هي عطبرة بلا الشيوعيين شن فيها :)

ههههههههههههههههههههههههه،

عارف،
مرّة قبضونا ليك العساكر من جنب مدرسة الأهلية المصرية، رفعونا
في الكومر وطوالي علي القسم. دخلونا للضابط وكان ود الكنزي، وفي
المكتب قاعد معاهو محمد إسماعيل كان وكتها مدير التلفزيون. أها،
أنا من شفت محمد إسماعيل قلبي قوى. ود الكنزي سعلني، ما لكم
عاملين مظاهرات ؟؟؟. قلت ليهو مظاهرات شنو كمان البيسوها طلبة
الأهلية المصرية ؟؟؟، نحن مدرستنا دي مختلطة، والعساكر ديل
لقونا جنب المدرسة كشونا جابونا هنا. محمد إسماعيل طوالي
إدخّل، قال ليهو، ديل خليهم اليمشو، أها مرقنا مشينا.
صاحبي حسن قال لي، بالغت لكن !!!.
قُتلو، أنا من لقيت ود الكنزي ومحمد إسماعيل مع بعض
عرفت الحكاية فاشلة...

Post: #226
Title: Re: رد
Author: محمد عمر الفكي
Date: 05-07-2014, 09:52 AM
Parent: #224

يا مدير، اسعلتك كترت ياخوي لمن مسختها وزهجتني براي زهجان
بالمناسبة الاسئلة الكتيرة دلالة على الفلس المدقع (اخو الفقر المدقع ود ام وابوهو)
يسري دا زول من نواحي الفيسبوك قال مبسوط من الونسة حقتنا، ربنا يزيدو بسط كمان وكمان.
البعرفو انه مقيم في سويسرا (بلد البنوك) فحقو نفتشو ونتقصى اثاره عسى ولعل.
عاد باقي ليكم زول قاعد في سويسرا بكون مفلس؟ زول قاعد في سويسرا ما بكون عنده فائض قريشات مارقن في سبيل الله؟
يسري ازيك ياخي ولعلك طيب، وان نظريتنا فيك مجلية فقطع شك بتكون بتعرف يوسف ندا، غايتو لو بتعرفو ليك علي افتح لك بوست جديد لنج بعد الارشفة واسميهو لعناية يسري ومنه ليوسف ندا
لاحظ انه مافي غيري في "البوست الناجح" دا زول رحب بيك او اتداخل معاك، فانا لي الاولوية وباقي الخلق دي ادم وحواء ما بلموني فيهم.
انت يا حيدر لو اكلت بطيخة الضرس دا ما كان تاورك
ود الفحل
سلام عليك
بكرة الارشفة، واليوم يوم الرجال (زي ما بقولو اخوانا الكيزان) (واحد قال لي دي بقو يقولوها لمن تكون في منحة او وديعة جاية البلد) اها عندك لينا حلل ولا نتطلب الله؟ وعليك الله ما تكتب لي بخطك الازرق الكبير دا، بطمم بطني وعليك الله ما تقول لي زيزفون وسفرجل (يشهد الله قبال ما اعرف ود الباوقة مابعرفن ولا سمعت بهن) واحذرك من ان ترد علي بيوتيوب اي كان نوعه واياك ثم اياك من النقطة، بتقوم على المصران، رد علي بالعربي واحد زائد واحد يساوي اتنين، ابسطها ليك
في قروش اجابة اولى مافي قروش اجابة تانية، ولوقلبك محدثك خلي عبداللطيف جميل ولا شومان يختوني في حراسة واجي القاك كاتب لك كلمة تعاطف او تضامن واحدة معاي.
كسرة
يا مدير منفلتك بتسلم عليك

Post: #227
Title: Re: رد
Author: عزالدين عباس الفحل
Date: 05-07-2014, 11:57 AM
Parent: #226

بوست نـاجـح ،
مـو نـجاح نصاح ،
بس فاقد السفرجل ،
أنا في الطريق ،
الي دبي ،
مع الوجية ،
فاتح الآيفون ،
وبضحك براي ،
عالم جميل ،
يسلموا الغالين ،
،،،،،

...

عزالدين عباس الفحل
ابوظبي
...

Post: #228
Title: Re: رد
Author: محمد عمر الفكي
Date: 05-07-2014, 12:10 PM
Parent: #227

الوجيه دا ولو من ناحية شمارية ساهي كدا ما سالك بتضحك مالك عشان توريهو قصتنا؟
ياخي ما حذرتك من الكتابة ام صفقاً عراض دي؟

Post: #229
Title: Re: رد
Author: HAIDER ALZAIN
Date: 05-07-2014, 12:17 PM
Parent: #228

Post: #230
Title: Re: رد
Author: محمد عمر الفكي
Date: 05-07-2014, 01:19 PM
Parent: #229

Quote: احلي ناس في المنبر ..ومتمني شوفتكم جد ــ(وليد وودالفكي 1 وود الفكي 2 وحيدر وود المدير) وبمناسبة الزكاة السنة دي باليورو بالله كلمو تابع الملياردير يجينا جااااي لمساعدة فقراء فرنسا ومن جاورهم .... وبنساعدو باعداد الكشوفات اللازمة بحصر المحتاجين وسنقوم ايضا بتكوين لجان لتوزيع مايتبقي من مصروفات تلك اللجان .... وماداير شي غير حق العاملين عليها ..... وبوعدكم نتقاسم ففتي ففتي .....

يا حيدر انت في سطلة البطة ولا في محمد عبدالله بتاع فرنسا الجاي يقاسمنا في السراب دا
والله يا عزالدين اكان خايف السفارة والقنصلية بعد دا يردمننا بضريبة على حس مليونيراتك ديل، يعملو قصة ناس الضرائب مع الزول الحلم بالقروش الكتيرة الجاتو
بعدين يا محمد شايفك كاتب ود الفكي 1 وود الفكي 2 ، يازول قالوا ليك انا خبير استراتيجي؟
دي ما بتفهما لو ما متابع البورد كويس ههههههههههه

Post: #231
Title: Re: رد
Author: معاوية المدير
Date: 05-07-2014, 06:48 PM
Parent: #230

Quote: ياخي ما حذرتك من الكتابة ام صفقاً عراض دي؟

إنت في الكتابة أم صفقاً عُراض، واللآ السفرجل !!!؟؟؟.
قام تاني جاب سيرة البحر. والله صحي.

يا ود الفكي أنا قُتلك فايدة مافي، ابيت تصدقني، أها...

Post: #232
Title: Re: رد
Author: معاوية المدير
Date: 05-07-2014, 06:55 PM
Parent: #231

Quote: بعدين يا محمد شايفك كاتب ود الفكي 1 وود الفكي 2 ،

التانية شولة، ما تفضحنا إنت كمان.

يا محمد حسن إن شاء الله تشوف النبي الخدر،
يا بركة من جعل محمد نبي.

Post: #233
Title: رد
Author: محمد عمر الفكي
Date: 05-07-2014, 07:54 PM
Parent: #232

انا لله وانا اليه راجعون
غايتو يا ود المدير لو شايف ودالفكي 1 وودالفكي 2 شولات امش من دربك دا لدكتور عيون
يا ناس البوست دا انا ودعته الله، لو فيكم زول مغروض فيهو يكلم بكري يشيلو للربع الجاي

Post: #234
Title: Re: رد
Author: HAIDER ALZAIN
Date: 05-08-2014, 06:23 AM
Parent: #233

الله يبارك فيك يا محمد بتاع فرنسا ويغنيك ويغطي عليك ...
إلا اعمل حسابك لا ما تكزم الحجر وانت بتظنه بتيخة.. الفحل دا سرو باااتع وعنده احلى شاي منعنع باليانسون

Post: #235
Title: Re: رد
Author: محمد عمر الفكي
Date: 05-08-2014, 07:53 AM
Parent: #234

يا يوسف ادريس
الكــــــــــــــــــــــــــــــــــــــــــلب ممكن يجازف المواية ويكشحها في الواطة وقبل ما تسوح ممكن يبل لسانو منها.
لكن زولنا دا والله لينا قريب الستة شهور نقلب وندودر فيهو، والنتيجة زي ما شايف، شئ نقط وش حروف كبار التقول قايلنا عمي وشئ الارباب براءة وشئ سفرجل وزيزفون
يعوض علينا الله
والله يا حيدر عندي ليك خبر لو كلمتك بيهو احتمال بكرة ود المدير يكسر لي ركبة قدام البيت ويلقى ود الفحل قدامو

Post: #236
Title: Re: رد
Author: HAIDER ALZAIN
Date: 05-08-2014, 08:32 AM
Parent: #235

أها .. قول بسراع ماعندا قروش طيارة والليلة خميس والننهر العربية قبال طريق جدة ينزحم :)

ان بقت سمينة بالحيل نخاف فيها العين اقع تحت الهواء

Post: #237
Title: Re: رد
Author: محمد عمر الفكي
Date: 05-08-2014, 09:14 AM
Parent: #236

لا لا ما للدرجة دي
بعدين العصر ان الله حيانا بالواتساب

Post: #238
Title: Re: رد
Author: عزالدين عباس الفحل
Date: 05-08-2014, 09:25 AM
Parent: #237

HAIDER ALZAIN

...

ود المدير دا ،
من الذاكرين ،
مـدد ،
عندي إحساس قوي ،
ح يعتمر السنة دي ،
الي بيت الله الحرام ،
بإذن الله تعالي ،
قدر ما أضرب ،
ليهو من الآيفون ،
في كندا ،
بيقول لي هسة ،
أنا طالع من المسجد ،
من صلاة الفجر ،
الزول دا ما ساهل ،
والله صحي ،
،،،،،

...

عزالدين عباس الفحل
ابوظبي
...

Post: #239
Title: Re: رد
Author: محمد عمر الفكي
Date: 05-08-2014, 09:56 AM
Parent: #238

انت البوديك تضرب ليهو الدغش شنو؟ يمكن قاعد يمشي يدعي عليك في حبال الهواء حقتك دي

Post: #240
Title: Re: رد
Author: عزالدين عباس الفحل
Date: 05-08-2014, 10:22 AM
Parent: #239

محمد عمر الفكي

...

يا ود الفكي ،
يا أخـوي هـوي ،
ما تفضحنا ،
ع الهواء ،
ما بتعرف فروق ،
الزمن ،
بين المدن والبحار ،
يا خي إنت ،
بضحك الغنماية ،
خليك مفهومية شوية ،
يا خي ،
،،،،،

...

عزالدين عباس الفحل
ابوظبي
...

Post: #241
Title: Re: رد
Author: محمد عمر الفكي
Date: 05-08-2014, 11:07 AM
Parent: #240

Quote: ستة شهور كان مشيتو مع ياسر بيناوي كان كل واحد طلع ليه بكيلو دهب أقل شيء، متابعين لي حجر الوضو دا

Post: #242
Title: Re: رد
Author: معاوية المدير
Date: 05-08-2014, 11:48 AM
Parent: #241

Quote: والله يا حيدر عندي ليك خبر لو كلمتك بيهو احتمال
بكرة ود المدير يكسر لي ركبة قدام البيت ويلقى ود الفحل قدامو

يا جماعة العمرة في رمضان قالوا بتساوي حجة.

نفسي ازور البيت العتيق. والله صحي...

Post: #243
Title: Re: رد
Author: معاوية المدير
Date: 05-08-2014, 11:52 AM
Parent: #242

Quote: انت البوديك تضرب ليهو الدغش شنو؟
يمكن قاعد يمشي يدعي عليك في حبال الهواء حقتك دي

يا ود الفكي دعواتي وحات الله ماهِن فايتاتني.
ما في طريقة بعزقة...

Post: #244
Title: Re: رد
Author: محمد عمر الفكي
Date: 05-08-2014, 12:56 PM
Parent: #243

Quote: يا جماعة العمرة في رمضان قالوا بتساوي حجة.
نفسي ازور البيت العتيق. والله صحي...

احذرك ثم انذرك وانصحك
البلد فيها كورونا حايمة والناس الفوق ال 65 سنة من الاسلم ليهم انه ما يجو السنة دي ولا البعدها

Post: #245
Title: Re: رد
Author: معاوية المدير
Date: 05-09-2014, 09:42 AM
Parent: #244

Quote: احذرك ثم انذرك وانصحك
البلد فيها كورونا حايمة

إن شاء الله يجيني مرض سمير زاتو،
بس إنتوا شوفوا لي طريقة.
الملياردير هادي طرفي مِنّو...

Post: #246
Title: Re: رد
Author: عزالدين عباس الفحل
Date: 05-11-2014, 06:06 AM
Parent: #245

هلا والله ،
بوست بطعم السفرجل ،
،،،،،

...

عزالدين عباس الفحل
ابوظبي
...

Post: #247
Title: Re: رد
Author: ALWALEED ALSHEIKH
Date: 05-11-2014, 06:53 AM
Parent: #246

Quote:
Quote: احلي ناس في المنبر ..ومتمني شوفتكم جد ــ(وليد وودالفكي 1 وود الفكي 2 وحيدر وود المدير) وبمناسبة الزكاة السنة دي باليورو بالله كلمو تابع الملياردير يجينا جااااي لمساعدة فقراء فرنسا ومن جاورهم .... وبنساعدو باعداد الكشوفات اللازمة بحصر المحتاجين وسنقوم ايضا بتكوين لجان لتوزيع مايتبقي من مصروفات تلك اللجان .... وماداير شي غير حق العاملين عليها ..... وبوعدكم نتقاسم ففتي ففتي .....

الشكر لك أخي محمد حسن على الإتصال و التعزية و الشكر لكل ضيوف البوست على التعزية
لكن يا ود الفكي محمد حسن ده ببالغ شديد قال عايز يتعرف علينا و داير كمان من زكاة رمضان ما معقول يا أخي الصلاة لاتجوز بدون وضوء ذكرت أسامينا كلنا و نسيت تكتب إسم أهم زول المك عزالدين الفحل سليل المك نمر سليل المك العباس بن عبدالمطلب و زي ما قال محمد نجم تذكر دول كلهم و تنسى اللي كان في النص على كل حال أنا أقول ليك عن تجربة حاول إتعرف على المك الفحل أما أنا و ناس ود الفكي و ود المدير و ود الزين ديل عبارة عن شطر ميت. تعرف تلفون زيزفوني واحد من المك الفحل يخليك زى ما قال الكابلي ( يحملني الى حيث لا أمنيات تخيب و لا كائنات تمر) يعني تكون مسطول بس. هسع عليك الله شوف مداخلات معاوية دي ما حالة زول فات الجن بيغادي. على العموم نصيحة أخوية ركّز على السمينة و جلّي ناس الواو ديل وليد و ود المدير و ود الفكي و ود الزين.
سؤال يا ود الزين إنت عزالدين الفحل اسمو ما فيه واو زينّا ليه
و سؤال يا ود الفكي الغبيان النقل البوست المهبب ده للربع الجديد منو
و معاوية طبعاً بعد مطار أبوظبي مرفوع منو القلم ما بنسألو عن أى حاجة أما المك الفحل بنرجع نقول ليه الفهيم بالرمشة و الغشيم بالكلمة و صراحة غشامتك معانا طالت مع إنك زول فهيم لكن ليس أسوأ من الغباء إلا التغابي.

Post: #248
Title: Re: رد
Author: محمد عمر الفكي
Date: 05-11-2014, 07:05 AM
Parent: #246

ربع كامل انقضى وبعد شوية نتم كيلة ووراها شوال وبعدها اردب
والحال ياهو زاتو الحال

Post: #249
Title: Re: رد
Author: محمد عمر الفكي
Date: 05-11-2014, 10:08 AM
Parent: #248

الاخ الفاضل وليد
احسن الله عزاءكم في الوالد وتغمده بواسع مغفرته ونسال الله الا يريكم مكروها في عزيز لديكم ومرحباً بعودتك سالماً غانماً الى ديار المنبر.
اما بخصوصنا فنحن والحمد لله مازلنا نساكك في حجر الوضو دا من ملف لملف ومن زنقة لزنقة والحال في حالو وقد قمت انا زهجاً مني وتقليداً لباقي الناس بالطلب من السيد مدير المنبر ان ينقل البوست للربع الجديد اذ لا يعقل ان تنتقل بوستات فاشلة الى الربع الجديد ولا ينقل معها هذا (البوست الناجح).
اما عن ود المدير فانا اتفق معاك في ضرورة عرضه باقرب فرصة على طبيب نفسي، الزول قعد يهضرب بالحج في رجب
اما حيضر الزين فكفاهو وجع الضرس

Post: #250
Title: Re: رد
Author: عزالدين عباس الفحل
Date: 05-11-2014, 11:08 AM
Parent: #249

ALWALEED ALSHEIKH

...

أحسن الله عزاءكم ،
الأخ وليد ،
في وفاة الوالد ،
تغمده الله بواسع رحمته ،
وأدخلة جنات عدن ،
مغفوراً له باذن الله ،
وحمد الله ،
علي سلامة العودة ،
اليوم من الصباح الباكر ،
والله تذكرتك يا وليد ،
وقلت في نفسي ،
يا أخوانا وليد دا ،
بيكون رجع من السودان ،
وبمجرد فتح البوست ،
وجدتك ،
القلوب شواهد ،
،،،،،

...

عزالدين عباس الفحل
ابوظبي
...

Post: #251
Title: Re: رد
Author: عزالدين عباس الفحل
Date: 05-11-2014, 11:15 AM
Parent: #250

Quote:

Mohamed Hassen Abdallah ·

الأكثر تعليقا ·
Gamal Abdel Nasser High School Khartoum

لا شكر علي واجب يا وليد .... واحسن الله عزاك آخوي ... وبعدين داير تمسكني ضنب الثعلب مش ..(عباس الفحل ) قال ..... وبعدين ود الفكي زاتو ما ساهل شااااايفو في حتة كدا بيفاصل في شيتن غآآآلي كدي .. قال شطر ميت قال .... وعلي العموم ياني حاتل معاكم هنا عشان حببتكم لله في لله وبشكركم علي الردود ..... وسؤال يا جماعة السفرجل دا بيشربو ولآ شيتن يتآكل ؟ عليكم الله وروني اصلو الثعلب مااامضمون ممكن يطلع منو أي شي ــــ

Mohamed Hassen Abdallah ·

...

.

عزالدين عباس الفحل
ابوظبي
...

Post: #252
Title: Re: رد
Author: عزالدين عباس الفحل
Date: 05-11-2014, 11:18 AM
Parent: #250

Quote:

Yousif Idris ·
جامعة جوبا -
كلية دراسات المجتمع والتنمية الريفية

حرم تلحق شحنة جامبو وما تطلع بأضان بعوضة !!
رد · · منذ ‏3‏ ساعات

Yousif Idris ·

...

.

عزالدين عباس الفحل
ابوظبي
...

Post: #253
Title: Re: رد
Author: محمد عمر الفكي
Date: 05-11-2014, 12:05 PM
Parent: #252

Quote: ود الفكي زاتو ما ساهل شااااايفو في حتة كدا بيفاصل في شيتن غآآآلي كدي .. قال شطر ميت قال

اول حاجة يا محمد، احبك الله الذي احببتنا فيه ومشكور على مشاعرك الطيبة.
تاني حاجة بالنسبة للمقتبس واظنك تشير الى موضوع سيكويا ود الصائم، فلعلمك لاهو بائع ولا انا مشتري، هو الكلام بقروش؟
ثالثاً: القصة انه اخونا ود الفحل دا جاء الحج السنة السنة الفاتت بصحبة مليونيرات من دول مجلس التعاون الخليجي ووعد اخونا حيدر الزين بعشرة الف دولار ومثلها لمعاوية، بصراحة اشكر الاخوين لانهم عارفين ظروفي صعبة شوية وهم مقتدرين واحد شغال في عاصمة نفط العالم في الدمام والتاني شغال في ثامن ولا تاسع اغني بلد في العالم فتنازلو لي عن العشرين الف دولار، اها شفت من اليوم داك وانا شغال مساككة وحدي معاهو الحج الجاي، يا جات القروش يا كمان النشوف مليونيراتو ديل حايمين في عرفة
ابلغني اخونا معاوية المدير انه امر بصرف عدد 1 منفلة لك تقديراً لدورك الكبير في هذا (البوست الناجح)
ود الفحل
ياخي خلي عندك شوية دم، فضحتنا قدام ناس شباك الفيسبوك
Quote: حرم تلحق شحنة جامبو وما تطلع بأضان بعوضة !!

والله يا يوسف حسب الشايفنو دا، اضان البعوضة ذاتها مافي

Post: #254
Title: Re: رد
Author: محمد عمر الفكي
Date: 05-11-2014, 02:21 PM
Parent: #253

يا يوسف
قال الشاعر
ما اضيق العيش لولا فسحة الامل
تحين نحن موعودين بهبات باليورو في رمضان، ورمضان ان الله حيانا قرب
الخليجيين والاماراتيين خصوصاً ناس طيبين ولو الناس ديل سمعو بمعانتنا دي زمان اكان اتصرفو، لكن يبدو ان ود الفحل لشئ في نفس يعقوب ما وصل رسالتنا لاعمامنا ديل

Post: #255
Title: Re: رد
Author: عزالدين عباس الفحل
Date: 05-12-2014, 05:18 AM
Parent: #254

Mohamed Hassen Abdallah

...

السفرجل يا أخوي ،
من أطايب الفاكهة ،
لكنه مرات بيطبخ ،
أحلي سفرجل ذقته ،
كان في الأردن ،
علي النكهة الشامية ،
و السفرجل جميل ،
بس ما تسالني تاني ؟
عن الكافيار الإيراني ،
يسعد صباحك ،
،،،،،

...

عزالدين عباس الفحل
ابوظبي
...

Post: #256
Title: Re: رد
Author: محمد عمر الفكي
Date: 05-12-2014, 06:41 AM
Parent: #255

Quote: ود الفكي سلام ~ عارف القصة حكي بس وبمزح معاك وبعدين وحاتك انت أغني من ملياردير صاحبنا~ هو الغِني إلا بالبنكنوت يازول روحك السمحة دي تكفيك ..بالمناسبة متابع القصة من الاول ~ بس كمان مستغرب زيك وما مصدق انو الداهي الملياردير دا ضحك نديمو الفحل الكتير والقهقهة ودوير الكراسي والعجب لم يكون راكب جنبو وفاتح الايفون ويضحك ما يكون لفت نظرو و سألو يوم .... القصة فيها مؤامرة شكلها وبيع بالمغتغت وخاااستن تلفونات الصبح دي فيها إنة .....

الله يكرمك ويبارك فيك يا محمد، لكن ملياردير صاحبنا دا لو بقايض الروح السمحة دي بشوية كاش ما عندي مانع
اما قصة المؤامرة فدي موجودة وانا شايف حيدر الزين ليهو كم يوم مختفي، ربك يستر بس ما يكون قبض وعمل نائم.
Quote: وبرضك ما جاوبتني السفرجل دا شنو ؟

علي بالطلاق يا محمد لو لاقاني ماشي في الشارع دا ما بعرفو يا زول انا بطحاني خلا اسالني من الشية والكبدة وملاح الروب والبكاسي ووقف على كده.IMG]http://www.sudaneseonline.com/db/attention/010_Smile.gif[/IMG]

Post: #257
Title: Re: رد بارك الله فيك يا محمد حسن
Author: HAIDER ALZAIN
Date: 05-12-2014, 06:53 AM
Parent: #256

قبضت الريــح يا قول وردي :)

صراحة انا بعد مقلب الفحل الجاب لي وجع الضرس قلفت تاني اصبر شوية وما انبرش.. هسع قاعد احسب في وضع محمد حسن دا.. الزول دا شكلوا ترياااان وونستو دي ونسة يورو وفرنك .. مش درهم وفلس..إلا يبدو لي فاهم غلط :

Quote: ود الفكي سلام ~ عارف القصة حكي بس وبمزح معاك وبعدين وحاتك انت أغني من ملياردير صاحبنا~ هو الغِني إلا بالبنكنوت يازول روحك السمحة دي تكفيك ..

يا محمد حسن الروح السمحة دي خلي ود الفكي اليمشي يصرفها لعمنا عبد اللطيف جميل عشان يشوف سعر صرفها كم !..

انتو أضان البعوضة يعني شنو ؟
دا تطوير لكلمة شعرة من شنب الأسد..

Post: #258
Title: Re: رد بارك الله فيك يا محمد حسن
Author: عزالدين عباس الفحل
Date: 05-12-2014, 07:15 AM
Parent: #257

HAIDER ALZAIN

...

يا جماعة عليكم الله ،
ما تدخلو لينا ،
كلمات صعبة الترجمة ،
زي ،
أضان البعوض ،
الكديس ،
ضنب الككو ،
في ناس ع مستوي رفيع ،
بتشوف البوست دا ،
و إنت عارف ،
يا الوليد الشيخ ،
خليكم ،
في السفرجل ،
والكافيار الإيراني ،
يسعد صباحكم ،
،،،،،

...

عزالدين عباس الفحل
ابوظبي
...

Post: #259
Title: Re: رد بارك الله فيك يا محمد حسن
Author: HAIDER ALZAIN
Date: 05-12-2014, 07:22 AM
Parent: #258

Quote: في ناس ع مستوي رفيع ،
بتشوف البوست دا ،

يا زول اي رفيــع يشوف البوست دا "ملح " ما بينفع معانا..
هو المستوى دا ما قاعد يسألك يا الفحل من ضنب البعوضة الساكاها الناس هنا دا وانت تلف وتدور في كرسيك وتشفط في عصير القصب ..
انا لو كان عندي مستوى أول شئ كان بمسكك اوديك للوليــد الشيــخ يبر فيك حليفتو بسوط العنج في بطحاء مكة عشان يشفي فيك صدور قومٍ مؤمنيين في براري كندا وسضفاف السيـن واللوار ..

Post: #260
Title: Re: رد بارك الله فيك يا محمد حسن
Author: محمد عمر الفكي
Date: 05-12-2014, 07:25 AM
Parent: #257

Quote: هسع قاعد احسب في وضع محمد حسن دا.. الزول دا شكلوا ترياااان وونستو دي ونسة يورو وفرنك .. مش درهم وفلس..إلا يبدو لي فاهم غلط

والله يا حيدروف نفس الشعور ويمكن ربنا داير يعوض صبرنا بمليونير من نواحي الفيسبوك يحلحل مشاكلنا دي كلها، لقافة مني مشيت على صفحة محمد الحسن دا في الفيسبوك اول حاجة ما شاء الله ومبروك طهور الولد وعقبال الزواج ان شاء الله، بعدين لقيت في واحد هندي ولا باكستاني بكشكر ليهو بصورة ولده مما اعطاني انطباع بانه الزول دا ما هين وعنده ناس بكسرو ليهو التلج وبعدين لقيت ليهو صورة لابس بالطو فخم لايقل عن كم ورقة من الفيها عمك فرانكيلن، المهم اتفاءلت وظنيت خير تب، وفجاءة اشوف ليك في ذات الصفحة صورة المرحوم محجوب شريف وفاطمة احمد ابراهيم واعلان عن طلب نفير الشتاء للفقراء طوالي بطني طمت، لان مالاقاني شيوعي غنيان غير بدر الدين الامير (حالة استثنائية)، بس قريت كويس لقيتو كاتب انه ما شيوعي اتفاءلت تاني وفجاءة اشوف ليك المصيبة، الزول مصاحب مزمل خيري
طوالي قفلت الصفحة وقلت يلا نرجع لحجر الوضوء تاني
يا يوسف
عليك الله ما تكسر مقاديفنا، عندك لينا قروش اهلاً وسهلاً ما عندك حاحي معانا الزول دا كان يحس او يشعر
يا حيدر
عندك فكرة ايجار الباسويرد دا ممكن يكون بكم وبحاسبو عليهو كيف؟ بالبوست ولا بالمداخلة ولا باليوم؟

Post: #261
Title: Re: رد بارك الله فيك يا محمد حسن
Author: HAIDER ALZAIN
Date: 05-12-2014, 07:42 AM
Parent: #260

انت مشيت بس ..انا عملت طلب صحوبية ومعرفة واواصر علاقات عديل .. والأقربون اولى بالمعروف

بس صراحة معرفتو للمقشطين امثال مزمل خيري وطارق جبريل وسامي عبد المطلب وعباس الدسيس بتخوف :) غايتو نستبشر بكشكرة الباكستاني ..

Quote: عندك فكرة ايجار الباسويرد دا ممكن يكون بكم وبحاسبو عليهو كيف؟ بالبوست ولا بالمداخلة ولا باليوم

معقولة لكن يا ود الفكي.. تكون مدير مكتب والناطق الرسمي مشترك لاكبر خبيــر استراتيجي في تأجير الباسووردات والكتابة للغيـر وتجي تسألني انا المسكين دا ؟؟

Post: #262
Title: Re: رد بارك الله فيك يا محمد حسن
Author: محمد عمر الفكي
Date: 05-12-2014, 08:14 AM
Parent: #261

Quote: وطارق جبريل وسامي عبد المطلب وعباس الدسيس

والله يا حيدر انا من البداية لو عارفو مصاحب الناس ديل ما كنت تعبت رقبتي في الحوامة بهناك
عباس دا مش بتاع نكت ناس البنقو؟

Post: #263
Title: Re: رد بارك الله فيك يا محمد حسن
Author: HAIDER ALZAIN
Date: 05-12-2014, 08:52 AM
Parent: #262

Quote: عباس دا مش بتاع نكت ناس البنقو؟

يببب

Post: #264
Title: Re: رد بارك الله فيك يا محمد حسن
Author: محمد عمر الفكي
Date: 05-12-2014, 09:38 AM
Parent: #263

Quote: ناس على مستوى ،، ياتهم ديل أوعى تقول لي المليادير المتصور جمب دولاب الداخلية الظهري داك

والله انا لو محل ود الفحل اكان ادي ود الفكي العشرة الف دولار دي عشان تلحس المكوة الحارة وتبطل اللماضة حقتك دي

Post: #265
Title: Re: رد بارك الله فيك يا محمد حسن
Author: معاوية المدير
Date: 05-12-2014, 10:01 AM
Parent: #264

Quote: في ناس ع مستوي رفيع ،
بتشوف البوست دا ،

اجي،
رفيع دا منو كمان ؟؟؟...

Post: #266
Title: Re: رد بارك الله فيك يا محمد حسن
Author: معاوية المدير
Date: 05-12-2014, 10:25 AM
Parent: #265

Quote: القصة فيها مؤامرة شكلها وبيع بالمغتغت وخاااستن تلفونات الصبح دي فيها إنة .

يا ود الفكي إنت مسعول من الخير
Yousif Idris دا منو ؟؟؟.

عليك الله ما تضايق بدور العِرفة بس...

Post: #267
Title: Re: رد بارك الله فيك يا محمد حسن
Author: محمد عمر الفكي
Date: 05-12-2014, 11:13 AM
Parent: #266

ابيت ما بوريك، داير بيهو شنو؟ دار تناسبو؟

Post: #268
Title: Re: رد بارك الله فيك يا محمد حسن
Author: معاوية المدير
Date: 05-12-2014, 11:38 AM
Parent: #267

Quote:
ابيت ما بوريك، داير بيهو شنو؟ دار تناسبو؟

حاسي بيهو داخل علي طمع.

الله يكضب الشينة...

Post: #269
Title: Re: رد بارك الله فيك يا محمد حسن
Author: محمد عمر الفكي
Date: 05-12-2014, 11:54 AM
Parent: #268

Quote: اطمع في شنو ؟؟ (الشقي بشوف في رقبتو والسعيد بشوف في الآخرين) !!

يا مدير دا ما طمعان، دا شمتان راسو عديل
عليك الله يا ود الفحل دي عملية تسويها فينا؟ تشمت فينا خلق الله؟ هسي ندعي عليك؟

Quote: يا ود الفكي هل تجوز الصدقات للناس أصحابهم عبد اللطيف جميل والتاني داك مين كدا رضا ؟؟

قصدك عبداللطيف جميل وعبدالحميد شومان، وانعم بهم من اصدقاء ورجال ما بخلو حقهم كلو كلو، بالله رسموني خريطة للبيت عشان لو الظروف عصرت يصلوني في البيت
بعدين يا يوسف الشغلة ما صدقات، الشغلة هبة ومنحة اخوية وبيني وبينك حيدر والمدير بحالتهم دي الصدقة زاتها ما عندهم منها مانع، بس عينهم دي التقع فيها وتشوفها من الزول البطوطح فيهم دا
غايتو يا ود الفحل كدي النسمع بمليونيراتك ديل جو الحج ولا العمرة وكدي النشوفك فتحت بوست اروع تلاتة يوم 5 ولا غيرو، عشان اخلي ريحتك طير طير
اما غريبة، ناس ماكلة حق الناس وبعد دا جايبة ليها حج وعبادة

Post: #270
Title: Re: رد بارك الله فيك يا محمد حسن
Author: معاوية المدير
Date: 05-12-2014, 12:20 PM
Parent: #269

Quote: بس صراحة معرفتو للمقشطين امثال مزمل خيري وطارق جبريل وسامي عبد المطلب وعباس الدسيس بتخوف

هههههههههههههههههههههههههههههههه،

دا ما فيهو كدة.
منتهي. والله صحي...

Post: #271
Title: Re: رد بارك الله فيك يا محمد حسن
Author: معاوية المدير
Date: 05-12-2014, 01:00 PM
Parent: #270

Quote: يا يوسف الشغلة ما صدقات، الشغلة هبة ومنحة اخوية وبيني وبينك
حيدر والمدير بحالتهم دي الصدقة زاتها ما عندهم منها مانع، بس عينهم دي التقع
فيها وتشوفها من الزول البطوطح فيهم دا

يا ود الفكي نحن لا تهمنا المسميات والبنود، المهم نقبض إن شاء الله
عطية مزيّن. دعك من الشامتين يا بركة الصالحين يلحسوا المكوة زاتا...

Post: #272
Title: Re: رد بارك الله فيك يا محمد حسن
Author: HAIDER ALZAIN
Date: 05-12-2014, 02:57 PM
Parent: #271

يا جماعة اها ودعتكم الله ..
الكلام بدل التلميح بقى تصريح عديل يا ود الفكي وانا زول عندي وجع ضرس ما بقدر ارد على جنس دا ..:/

Quote: يسقيني الله من زمزم بعد ترسلوا
لي العمرة والتزاكر.

ما تسألني الكلام دا انقال وين.. علا انصدمت تب .. الزول يشوف في المستويات الرفيعة ويجي يسأل مننا نحن الموظفين الفترانيين

Post: #273
Title: رد
Author: محمد عمر الفكي
Date: 05-12-2014, 05:27 PM
Parent: #272

يا حيدر عليك الله كضب علي وقول لي الكلام دا ما قاله ود الفحل عشان عندي نية نومة بدري ما تجيني فيها الكوابيس واب خناق

Post: #274
Title: Re: رد
Author: ALWALEED ALSHEIKH
Date: 05-12-2014, 05:43 PM
Parent: #273

Quote: يا حيدر عليك الله كضب علي وقول لي الكلام دا ما قاله ود الفحل عشان عندي نية نومة بدري ما تجيني فيها الكوابيس واب خناق

ود الفكي سلام
يا أخوى أظنه ده كلام ود المدير لأنو أمبارح كان معاى تحت الهواء و قال كلام زى ده و أنا قلت ليهو المك مش تذكرة طيارة تذكرة بص ما بقطعا ليك بعد ما عملت ليهو إشانة سمعة و وجعته فوق الهواء فدحين يا أخوى نوم نومك و يا ود المدير موية زمزم بطريقتك دي إلا كان نشحنا ليك بالكارقو فدحين يا أخوى حاول صلح علاقتك مع المك فوق الهواء و تحت الهوا لأنو لو واصلت بطريقتك دي تذكرة لبنطون الباوقة ما بتلم فيها.

Post: #275
Title: رد
Author: محمد عمر الفكي
Date: 05-12-2014, 08:10 PM
Parent: #274

والله يا وليد مش لو صلح معاهو علاقتو تحت الهواء وفوق الهواء لو صلحها معاهو في يوم الزينة وان يجمع الناس ضحي ما بديهيو هللة هههههه

Post: #276
Title: Re: رد بارك الله فيك يا محمد حسن
Author: عزالدين عباس الفحل
Date: 05-13-2014, 06:17 AM
Parent: #270

يا شباب الروقة ،
يا حليل زمن الروقة ،
كنت من أمس ،
في دبي ورجعت ابوظبي ،
بالليل خالص ،
وصاحبي الفردة في الأمارات ،
الدكتور عادل المحسي ،
بيسلم عليكم ،
وهو متابع معاكم ،
البوست الجميل دا ،
طبعا لسة ،
ما قريت المداخلات ،
يسعد صباحكم ،
الغاليين ،
،،،،،

...

عزالدين عباس الفحل
ابوظبي
...

Post: #277
Title: Re: رد بارك الله فيك يا محمد حسن
Author: HAIDER ALZAIN
Date: 05-13-2014, 06:25 AM
Parent: #276

سمح يا الفحل اقرأ المداخلات براحتك .. بس بعدين ركز على كلام ود الشيخ العمييق دا :/
Quote: و أنا قلت ليهو المك مش تذكرة طيارة تذكرة بص ما بقطعا ليك

شايف كيف؟
يعني انا بعشم وفي ذكرى السنوية لميلاد الأرباب المك نمر وود خالته حاتم الطائي انك تقطع لسان ود الشيــخ بحركة حركتين،، شيك شيكين ،، تحويلة تحويلتين ،، حركة كدة في شكل وردة يعني وأنت ابو المفهومية .. والفهيم الما بيحتاج كلمة ..

Post: #278
Title: Re: رد بارك الله فيك يا محمد حسن
Author: محمد عمر الفكي
Date: 05-13-2014, 06:42 AM
Parent: #276

يا ناس انا استلسمت ورفعت الراية البيضاء وقنعت
ودعتكم الله

Post: #279
Title: Re: رد بارك الله فيك يا محمد حسن
Author: HAIDER ALZAIN
Date: 05-13-2014, 06:50 AM
Parent: #278

أصبر اصبر .. كدي النشوف دكتور عادل المحسي يبكن عنده شفاعة في هيــك وضع ..

Post: #280
Title: Re: رد بارك الله فيك يا محمد حسن
Author: محمد عمر الفكي
Date: 05-13-2014, 07:01 AM
Parent: #279

المحسي غير التمر والبلح عندو لينا شنو؟ سنون لتمرو الناشف دا ذاتو ما عندنا دا اذا ما كان مسوس
انا والله قنعت يا حيدر قنعاناً ما منو رجعة تب

Post: #281
Title: Re: رد بارك الله فيك يا محمد حسن
Author: HAIDER ALZAIN
Date: 05-13-2014, 07:13 AM
Parent: #280

الليلة عمو جميل وعمو شومان جاردين فواتيـر الشراكة والا شنو؟

اصبر يازول عاين لي ود المدير بعد دفع حق السمك في مطار دبي برضو لي هسع حلمان في التذاكر .. فاااشنو خلي عندك أمل .. وما ضاع حق وراه مطالب

Post: #282
Title: Re: رد بارك الله فيك يا محمد حسن
Author: محمد عمر الفكي
Date: 05-13-2014, 07:32 AM
Parent: #281

انت يا حيدر كان معانا هنا واحد اسمو الخواض، بلدو وين هسي؟

Post: #283
Title: Re: رد بارك الله فيك يا محمد حسن
Author: عزالدين عباس الفحل
Date: 05-13-2014, 07:52 AM
Parent: #282

يا شباب ،
قلتو لي ،
ود المدير رفع ا لراية البيضاء ،
وعايز الصلح ،
أفووووو ،
،،،،،

...

عزالدين عباس الفحل
ابوظبي
...

Post: #284
Title: Re: رد بارك الله فيك يا محمد حسن
Author: عزالدين عباس الفحل
Date: 05-13-2014, 08:13 AM
Parent: #283

Quote:

Mohamed Hassen Abdallah ·
الأكثر تعليقا ·
Gamal Abdel Nasser High School Khartoum

(بس ما تسالني تاني ؟
عن الكافيار الإيراني)
أيوآآآآآآ جيت يا عباس ..... الكافيار ماني سآآألك منو ...وال (السفرجل) مطبوخ شكلو ماحلو لزج لزج كدآ ..... والأهم ثم الأهم الوكت دا كلو ماسألناك ولكن وكت جابت ليها يوروهات ممكن أوصف ليك وقرييييب للمطار اكان شارل ديقول وحتي لابورجي قريب لينا بيجو بيهو الناس الرآيقة ونهآآآئي مابيدورو بالكراسي حتي يقع الآيفون ....المهم في انتظار وفدكم الميمون ع مشارف المدينة و cc للاخ ديقول الذي قـنع قناعة تامة في ما كان يتمنآه ....
رد · · منذ ‏16‏ ساعة

Mohamed Hassen Abdallah ·

...

.

عزالدين عباس الفحل
ابوظبي
...

Post: #285
Title: Re: رد بارك الله فيك يا محمد حسن
Author: معاوية المدير
Date: 05-13-2014, 08:26 AM
Parent: #284

Quote:
يا أخوى أظنه ده كلام ود المدير لأنو أمبارح كان معاى تحت الهواء

هههههههههههههههههههههه،

الذّ حاجة وليد سعلني، الساعة عندك كم ؟؟؟.
قُتلُو، 6 ورُبُع صباحاً.
قال لي، دي المواعيد البيضربلك فيها الفحل يلقاك جاي من صلآة الصبح ؟؟؟.

من يوم الفحل قال كلآمو دا ود الزين تاهمني بالشيوعية...

Post: #287
Title: Re: رد بارك الله فيك يا محمد حسن
Author: معاوية المدير
Date: 05-13-2014, 08:33 AM
Parent: #285

Quote: Yousif Idris · جامعة جوبا - كلية دراسات المجتمع والتنمية الريفية
ناس على مستوى ،، ياتهم ديل أوعى تقول لي المليادير المتصور جمب دولاب الداخلية الظهري داك .. أخخخخخ !!

هههههههههههههههههههه،

يا اخي دي عـاجـبانـي عجب !!!،
كل يوم اقراها وأضحك حتي أتفنقل علي قفاي من
الكرسي الدوار.

يا ود الفكي يوسف دا قديم خلآس، مباري الحكاية من اولآ، بس عيبو
نفسو ضيق وبيستسلم سريع. قولو اقطع وشك ما يسبب لنا إحباط،
وبعد نقبض ماني عافي مِنّك كان عصرتلو شي...

Post: #286
Title: Re: رد بارك الله فيك يا محمد حسن
Author: عزالدين عباس الفحل
Date: 05-13-2014, 08:32 AM
Parent: #284

،،، السفرجل ،،Quince ،،،

...

عزالدين عباس الفحل
ابوظبي
...

Post: #288
Title: Re: رد بارك الله فيك يا محمد حسن
Author: معاوية المدير
Date: 05-13-2014, 08:40 AM
Parent: #286

Quote: Mohamed Hassen Abdallah · الأكثر تعليقا · Gamal Abdel Nasser High School Khartoum
(بس ما تسالني تاني ؟
عن الكافيار الإيراني)
أيوآآآآآآ جيت يا عباس ..... الكافيار ماني سآآألك منو

ههههههههه،

يا محمد قالوا، الملك عبد العزيز في زيارة للصين وآحد من الوفد المرافق
قالو، طال عمرك دا الكفيار.
الملك عبد العزيز، قالوا الكافيار شنو ؟؟؟
قال ليهو، طال عمرك بيض السمك، ويبساعد علي العملية الجنسية.
الملك قالو، يا ولدي العملية الجنسية دي كان ما ساعدك عليها
بيضك، بيض السمك ما بيساعدك...

Post: #289
Title: Re: رد بارك الله فيك يا محمد حسن
Author: معاوية المدير
Date: 05-13-2014, 08:42 AM
Parent: #288

Quote: ،،، السفرجل ،،Quince ،،،

الغبا، يا قول حبوبتي.

وحات الله فايدة مافي...

Post: #290
Title: Re: رد بارك الله فيك يا محمد حسن
Author: عزالدين عباس الفحل
Date: 05-13-2014, 08:44 AM
Parent: #286

معاوية المدير

...

التلفونات بقت ،
تطاقش ساكت معاك ،
من الجماعة ،
تحت الهواء ،
خلاص صافية لبن ،
بعد ما رفعت الراية البيضاء ،
يا زول بعد دا ،
إتكرعت تب ،
بموية زمزم ،
بعدين زول حمامة مسجد ،
وبيمشي صلاة الصبح حاضر ،
يتهموهو بالشيوعية ،
والله محن ،
،،،،،

...

عزالدين عباس الفحل
ابوظبي
...

Post: #291
Title: Re: رد بارك الله فيك يا محمد حسن
Author: معاوية المدير
Date: 05-13-2014, 08:53 AM
Parent: #290

Quote: يا زول بعد دا ،
إتكرعت تب ،
بموية زمزم ،

عافي عليك. أها عاد أكان ضمنت لي دي إياني المِدشي
جداد ساااااااااكت علي حساب ود الشيخ وبقية الإخوة
الأعداء. والله صحي...

Post: #292
Title: Re: رد بارك الله فيك يا محمد حسن
Author: عزالدين عباس الفحل
Date: 05-13-2014, 08:58 AM
Parent: #290

معاوية المدير

...

والله أنا ضحكت ،
جنس ضحك ،
لمن طلعت من المكتب ،
جاري ،
دا كلام شنو ،
يا ود المدير ،
كلام البيض ،
دا ،
،،،،،

...

Quote:

ههههههههه،

يا محمد قالوا، الملك عبد العزيز في زيارة للصين وآحد من الوفد المرافق
قالو، طال عمرك دا الكفيار.
الملك عبد العزيز، قالوا الكافيار شنو ؟؟؟
قال ليهو، طال عمرك بيض السمك، ويبساعد علي العملية الجنسية.
الملك قالو، يا ولدي العملية الجنسية دي كان ما ساعدك عليها
بيضك، بيض السمك ما بيساعدك...

معاوية المدير

...

.

عزالدين عباس الفحل
ابوظبي
...

Post: #293
Title: Re: رد بارك الله فيك يا محمد حسن
Author: ALWALEED ALSHEIKH
Date: 05-14-2014, 06:01 AM
Parent: #292

Quote: يا زول بعد دا ،
إتكرعت تب ،
بموية زمزم ،

يعني نعتبر يا مك كلمتك كلمة رجال و حاترسل التذاكر و نجهز حالنا لاستقبال ود المدير؟
أمي الله يرحما دايماً كانت تردد الصابرات روابح و لو يجن قُماح فدحين نقدر نقول انو ودالمدير صبر و ظفر
الظاء عليها فتحة يا مك ما تمشي تعمل ما فاهم و تقراها بالضمة.
و يا ود الفكي أريتك بفال معاوية.
مع التحية لكل المشاركين و الضيوف في هذا ( البوست الناجح )

Post: #294
Title: Re: رد بارك الله فيك يا محمد حسن
Author: محمد عمر الفكي
Date: 05-14-2014, 06:31 AM
Parent: #293

Quote: (وبعد نقبض ماني عافي مِنّك كان عصرتلو شي...) البسمع كلامك دا يقول واقف قدام الصراف الآلي !!

والله نفس الشعور يا يوسف، شدة ما انفخت قربت اضرب لجميل وشومان والفها مع ناظرهم، خلاص ما قبضت والشراكة حتنتهي
يا وليد
ما ملاحظ انه ود المدير دا هضربتو كترت؟ اكان ذكرني خرف العجائز

Post: #295
Title: Re: رد بارك الله فيك يا محمد حسن
Author: HAIDER ALZAIN
Date: 05-14-2014, 06:51 AM
Parent: #294

يا الفحل..
والله هنا في واحد ميلياردير اسمو صالح كامل مركب كاميرات في اي مكان في السعودية.. أكيد في اواصر علاقة بينه وبين مليارديراتك ،،،
يآخي كلمه يتوسط لنا مع الزول دا نشف ريقنا

طبعاً ما عاوز اقولك الكاميرات اليومين الفاتن ديل هدت حيلنا ونشفت ريقنا و الراتب جت راح فيها وحالنا بقى ما يحتاج سؤالنا و........... "نسكت اعتماداً على مفهوميتك ولبابتك.. "

لكن أهو عايشين

ـــــــــــــــــــ
بالمناسبة دقساتي للكاميرا ما ساي عبثاً .. بل لسرحاني حسادتاً وبغراناً في جداد البيـك وموية زمزم وتذاكر الامارتية الراجيات ود المدير ملح .. :)

Post: #296
Title: Re: رد بارك الله فيك يا محمد حسن
Author: محمد عمر الفكي
Date: 05-14-2014, 07:04 AM
Parent: #295

Quote: والله هنا في واحد ميلياردير اسمو صالح كامل مركب كاميرات في اي مكان في السعودية.. أكيد في اواصر علاقة بينه وبين مليارديراتك ،،، يآخي كلمه يتوسط لنا مع الزول دا نشف ريقنا

حيدر عليك الله في زول كلمك ولا رمية من غير رامي؟ والله مشيت المدينة ومكة والغرامات الجاتني اصله ما بتكلم بها عشان خايف من العين والحسد لكن ما قدامنا غير الدعاء
ان شاء الله يا صفاء يخشن عليك بالساحق والماحق والبلاء المتلاحق، ان شاء الله تصرفيهن على الدكاترة وما تلقى العلاج، ان شاء الله يبقن لك انت وراجلك بسبب فقر يتعوذو منه الناس، ان شاء الله انت وهو تكابسو في براميل الزبالة وما تلقو فيهن باقي رز، ان شاء الله يصفو ممتلكاتكم تصفية الاجهوري وبعدها تنسجنو حتى اكتمال الدفع، ان شاء الله ربنا يقحطها عليك انتي وياهو محل ما تقبلو وتعدمو المليم الاحمر، شاحد ربي وما غلطان عليكم
ما طالبني حليفة يا حيدر من كترت رسائل المخالفات الجاتني من المرور رديت عليهم برسالة قلت لهم خلاص ولا في باقي تاني
اللهم خذه اخذ عزيز مقتدر وارنا فيه قوتك وبطشك هو وصفاء الاتنين سواء

Post: #297
Title: Re: رد بارك الله فيك يا محمد حسن
Author: عزالدين عباس الفحل
Date: 05-14-2014, 09:03 AM
Parent: #296

عزالدين عباس الفحل
ابوظبي
...

Post: #298
Title: Re: رد بارك الله فيك يا محمد حسن
Author: محمد عمر الفكي
Date: 05-14-2014, 09:50 AM
Parent: #297

جايبن لنا اسماء الله الحسنى عشان نحفظها ولا شنو؟ في زول قال لك نحن كفرة؟
يا جماعة اعملو لي صندوق صغير بالجنبة كدا عشان تساهمو معاي في القروش الاكلتهن صفاء دي، تاكل الحمت رمت ان شاء الله

Post: #299
Title: Re: رد بارك الله فيك يا محمد حسن
Author: ALWALEED ALSHEIKH
Date: 05-14-2014, 09:57 AM
Parent: #298

Quote: (تحين نحن موعودين بهبات باليورو في رمضان، ورمضان ان الله حيانا قرب)، هباتك دي إلا تجميع لهبة سبتمبر !!

أخونا يوسف لك السلام
نحن الهبات دي أصلاً قنعانين منّا لكن ياريت تورينا البتاع الرهيب ده البخليكم تقولوا الكلام العجيب ده بتجيبو من وين
يعلم الله أنا ما قاعد استعملو لكن داير لي واحدة شديدة أشرٍبا لود الفحل ده يمكن راسو يجي.

Post: #301
Title: Re: رد بارك الله فيك يا محمد حسن
Author: عزالدين عباس الفحل
Date: 05-14-2014, 10:03 AM
Parent: #299

Quote:

قرحطب فور برنقا
· طب الفاشر

''من يوم الفحل قال كلآمو دا ود الزين تاهمني بالشيوعية...'';سألت واحد صاحبي ؛انتو شطين وين ،،قال ناشر يسار ونلف يمين
رد · · أمس في الساعة ‏12:32 صباحاً‏

قرحطب فور برنقا

...

.

عزالدين عباس الفحل
ابوظبي
...

Post: #302
Title: Re: رد بارك الله فيك يا محمد حسن
Author: عزالدين عباس الفحل
Date: 05-14-2014, 10:05 AM
Parent: #299

Quote:

Mohamed Hassen Abdallah ·
الأكثر تعليقا ·
Gamal Abdel Nasser High School Khartoum

حيدر يا ود الزين حبابك الف ب تمر وفول حجآت ومعاهم يادوب كباية كركدي سآآآآقط لا عندنا سفرجل ولا حتي خبير تستفيد منو وفي الحتة دي بالزآآآآآت ممكن تسأل في نواحي البطحا وكدآ ..... اما إذآ سألت ع احوالنا فنحن ع مايرام لاينقصني شيئ إلآ شوف اليورو واكل السفرجل وشكرن .....
رد · · ‏12 مايو‏، الساعة ‏08:37 صباحاً‏

Mohamed Hassen Abdallah ·

...

.

عزالدين عباس الفحل
ابوظبي
...

Post: #304
Title: Re: رد بارك الله فيك يا محمد حسن
Author: عزالدين عباس الفحل
Date: 05-14-2014, 10:06 AM
Parent: #299

Quote:

Yousif Idris ·

جامعة جوبا -

كلية دراسات المجتمع والتنمية الريفية

يا (أب طيرة) أولاً أنا معاكم بفوق يعني عضو في سودانيز من 2008م نسوي شنو مع طبلة بكري العجيبة.. وتانياً متابع بوستاتكم الظريفة دي من بدري لأنو المنبر بفوق زي سوق (أم دفسو) عكاكيزو واقفة ألف أحمر،، بنفتش زي بوستاتكم شان نفرفش ونضحك على شقاوة الفحل الوقع في صندوق ناس عطبرة إلا يبقى زي عثمان دقنة حتى يقدر يكسر الصندوق .. ربي يديمها نعمة !!
رد · · أمس في الساعة ‏12:40 صباحاً‏

Yousif Idris ·

...

.

عزالدين عباس الفحل
ابوظبي
...

Post: #300
Title: Re: رد بارك الله فيك يا محمد حسن
Author: معاوية المدير
Date: 05-14-2014, 09:58 AM
Parent: #298

Quote: جايبن لنا اسماء الله الحسنى عشان نحفظها ولا شنو؟ في زول قال لك نحن كفرة؟
يا جماعة اعملو لي صندوق صغير بالجنبة كدا عشان تساهمو معاي في القروش الاكلتهن
صفاء دي، تاكل الحمت رمت ان شاء الله

هههههههههههههههههههههههههههه،

يا اخ الليلة دا يوم المتعة العالمي.
والله صحي.

أنا مبسوووووووووط.

لكن وحات الله مُو براهو...

Post: #303
Title: Re: رد بارك الله فيك يا محمد حسن
Author: HAIDER ALZAIN
Date: 05-14-2014, 10:06 AM
Parent: #298

اللهم آآمين يا محمد عمر ربنا يستجيب دعوتك في صفاء ابو السعود وراجلها ..

قشطتو بينا... سامع يا الفحل ويناس المستوى العالي قشطنااااا

Quote: يا جماعة اعملو لي صندوق صغير بالجنبة كدا عشان تساهمو معاي في القروش الاكلتهن صفاء دي، تاكل الحمت رمت ان شاء الله

هن اريتو بالحمت رمت ونحن بنقع باقي الشهر دا السلايــق والوكاييك :)

زميلي بالمكتب قال لي السليقة دايرة لحمة وعضام يا المبروك ..قول الكشاين والسخايـن

Post: #305
Title: Re: رد بارك الله فيك يا محمد حسن
Author: HAIDER ALZAIN
Date: 05-14-2014, 10:10 AM
Parent: #303

Quote: يعلم الله أنا ما قاعد استعملو لكن داير لي واحدة شديدة أشرٍبا لود الفحل ده يمكن راسو يجي.

كما لا يسعني الا الترحيب المفخم بالاخ المتابع العشمان قورحطب .. !

انتو يا اخونا يطراكم الخير أيـن حسين ديقول؟

Post: #306
Title: Re: رد بارك الله فيك يا محمد حسن
Author: HAIDER ALZAIN
Date: 05-14-2014, 10:35 AM
Parent: #305

الفحل بقى من اهل الخطوة يا ناس ..

ثم ..
Quote: 14-05-2014, 10:06 AM

عزالدين عباس الفحل

Quote:

عزالدين عباس الفحل
ابوظبي
...

عشان تبقو عارفيـن وفي كرامات الفحل واثقين .. وما تظنو انه مكة والا البرتا ديل بعيدات من شيخي الفحل ينجدنا ومن ساهر ينقذنا ..

Post: #307
Title: Re: رد بارك الله فيك يا محمد حسن
Author: محمد عمر الفكي
Date: 05-14-2014, 10:52 AM
Parent: #305

ود المدير
باريت فقبضت فانبسطت، مش كده؟
يا حيدر كل ما اتذكر قروش صفاء لو صاحي بتجيني طعنة تحت القلب مباشرة لو نائم بجيني ابو الشهيق، الله يحرقها زي ما حرقت قلبي، ياخي انا اضطريت اعيد جدولة حساباتي من الاول عشان الغرامات ديل اثرن في الميزانية بصورة ما تتخيلها يا ود الفحل.
الوليد
عليك الله خلهن اتنين يمكن انسى
يا حيدر بالنسبة لابن بطوطة دا ما قال لك غشى مكة صلى فيها الضهر؟

Post: #308
Title: Re: رد بارك الله فيك يا محمد حسن
Author: عزالدين عباس الفحل
Date: 05-15-2014, 05:31 AM
Parent: #307

HAIDER ALZAIN

...

دا خطأ إسفيري ،
كنت مشغول شديد ،
وخاشي إجتماع ،
يا ريت لو كنت من أهل الخطوة ،
كنت جيت مكة المكرمة ،
وشلت معاي موية زمزم ،
ووديتها الي كندا ،
للوديع ود المدير ،
يتوضأ بيها لصلاة الفجر ،
ويغتسل كمان ،
من كلام البيض ،
داك ،
هاك الكافيار ،
دا ،
،،،،،

...

عزالدين عباس الفحل
ابوظبي
...

Post: #309
Title: Re: رد بارك الله فيك يا محمد حسن
Author: ALWALEED ALSHEIKH
Date: 05-15-2014, 07:16 AM
Parent: #308

Quote: كنت جيت مكة المكرمة ،
وشلت معاي موية زمزم ،
ووديتها الي كندا ،
للوديع ود المدير ،
يتوضأ بيها لصلاة الفجر ،
ويغتسل كمان ،
من كلام البيض ،
داك ،

يعني ود المدير ده لازم يتحلل
الزول قال عايز تذاكر يعني تيكيت تجي تقول ليهو بيض و أرسل ليك زمزم في كندا
غايتو يا مك بالطريقة دي ما ظنيت ود المدير لمالو في عمرة.

Post: #310
Title: Re: رد بارك الله فيك يا محمد حسن
Author: عزالدين عباس الفحل
Date: 05-15-2014, 08:57 AM
Parent: #309

Quote:

Yousif Idris
· جامعة جوبا - كلية دراسات المجتمع والتنمية الريفية

يا (أب طيرة) أولاً أنا معاكم بفوق يعني عضو في سودانيز من 2008م نسوي شنو مع طبلة بكري العجيبة.. وتانياً متابع بوستاتكم الظريفة دي من بدري لأنو المنبر بفوق زي سوق (أم دفسو) عكاكيزو واقفة ألف أحمر،، بنفتش زي بوستاتكم شان نفرفش ونضحك على شقاوة الفحل الوقع في صندوق ناس عطبرة إلا يبقى زي عثمان دقنة حتى يقدر يكسر الصندوق .. ربي يديمها نعمة !!
رد · · ‏13 مايو‏، الساعة ‏12:40 صباحاً‏
×××× **** ****
Mohamed Hassen Abdallah ·
الأكثر تعليقا ·
Gamal Abdel Nasser High School Khartoum

(بس ما تسالني تاني ؟
عن الكافيار الإيراني)
أيوآآآآآآ جيت يا عباس ..... الكافيار ماني سآآألك منو ...وال (السفرجل) مطبوخ شكلو ماحلو لزج لزج كدآ ..... والأهم ثم الأهم الوكت دا كلو ماسألناك ولكن وكت جابت ليها يوروهات ممكن أوصف ليك وقرييييب للمطار اكان شارل ديقول وحتي لابورجي قريب لينا بيجو بيهو الناس الرآيقة ونهآآآئي مابيدورو بالكراسي حتي يقع الآيفون ....المهم في انتظار وفدكم الميمون ع مشارف المدينة و cc للاخ ديقول الذي قـنع قناعة تامة في ما كان يتمنآه ....
رد · · ‏12 مايو‏، الساعة ‏07:36 صباحاً‏
×××× **** ****
Yousif Idris
· جامعة جوبا -
كلية دراسات المجتمع والتنمية الريفية

قنعتني من عبد اللطيف جميل وشومان حالتي كنت ماشي عليهم داير لي مسامير لكزس كان دي الحالة دا طرف منهم أخير منهم الفحل بطوطحك بس.. وأنا ما شمتان أن شفقان عليكم من التقديف الـ6 شهور والنتيجة ماينص كبير، وكيف ما صدقة دحين دا كلامك انت (تحين نحن موعودين بهبات باليورو في رمضان، ورمضان ان الله حيانا قرب)، هباتك دي إلا تجميع لهبة سبتمبر !!
رد · · ‏12 مايو‏، الساعة ‏04:07 صباحاً‏
×××× **** ****
Yousif Idris ·
جامعة جوبا -
كلية دراسات المجتمع والتنمية الريفية

حباب ود الشيخ بقت عليك (سيد الرايحة فتح خشم البقرة) جزم وحلف الفحل دا كان شرب كيلو (كبتاجون) راسو مو جاي ... استعوضو الله في الـ(7) صفحات ساكت !!
رد · · منذ ‏21‏ ساعة
×××× **** ****
Yousif Idris ·
جامعة جوبا
- كلية دراسات المجتمع والتنمية الريفية

يا فكي أحسن لك تمسك في (عبد اللطيف) هنا ماسك الـ(تويوتا) وفي السودان ماسك الـ(ميتسوبيشي) فدحين ما تورد مويتك على الرهاب سااااكت !!
رد · · ‏13 مايو‏، الساعة ‏10:50 مساءً‏
×××× **** ****
Yousif Idris ·
جامعة جوبا -
كلية دراسات المجتمع والتنمية الريفية

سؤال اجماعة (تحت الهواء وفوق الهواء) دا شنو ؟؟ علم فيزياء، كيمياء، فضاء، فلك، رمي ودع، ما ورائيات ؟ ورونا ينوبكم ثواب !!
رد · · منذ ‏21‏ ساعة
×××× **** ****
Mohamed Hassen Abdallah ·
الأكثر تعليقا ·
Gamal Abdel Nasser High School Khartoum

حيدر يا ود الزين حبابك الف ب تمر وفول حجآت ومعاهم يادوب كباية كركدي سآآآآقط لا عندنا سفرجل ولا حتي خبير تستفيد منو وفي الحتة دي بالزآآآآآت ممكن تسأل في نواحي البطحا وكدآ ..... اما إذآ سألت ع احوالنا فنحن ع مايرام لاينقصني شيئ إلآ شوف اليورو واكل السفرجل وشكرن .....
رد · · ‏12 مايو‏، الساعة ‏08:37 صباحاً‏
×××× **** ****
Mohamed Hassen Abdallah ·
الأكثر تعليقا ·
Gamal Abdel Nasser High School Khartoum

لا شكر علي واجب يا وليد .... واحسن الله عزاك آخوي ... وبعدين داير تمسكني ضنب الثعلب مش ..(عباس الفحل ) قال ..... وبعدين ود الفكي زاتو ما ساهل شااااايفو في حتة كدا بيفاصل في شيتن غآآآلي كدي .. قال شطر ميت قال .... وعلي العموم ياني حاتل معاكم هنا عشان حببتكم لله في لله وبشكركم علي الردود ..... وسؤال يا جماعة السفرجل دا بيشربو ولآ شيتن يتآكل ؟ عليكم الله وروني اصلو الثعلب مااامضمون ممكن يطلع منو أي شي ــــ
رد · · ‏11 مايو‏، الساعة ‏02:55 صباحاً‏
×××× **** ****
Yousif Idris ·
جامعة جوبا
- كلية دراسات المجتمع والتنمية الريفية

يا فكي خليك من (وَيُؤْثِرُونَ عَلى أَنْفُسِهِمْ وَلَوْ كانَ بِهِمْ خَصاصَةٌ) شوف البقدفوا معاك 6 شهور والشغالة ماشة بالماينص !!
رد · · ‏12 مايو‏، الساعة ‏01:52 صباحاً‏
×××× **** ****
Yousif Idris ·
جامعة جوبا -
كلية دراسات المجتمع والتنمية الريفية

يا ود الزين .. ديقول طلع أعقل واحد فيكم عرفو حجر وضو من بدري لملم سفنجاتو وكسح !!
رد · · منذ ‏21‏ ساعة
×××× **** ****
Mohamed Hassen Abdallah ·
الأكثر تعليقا ·
Gamal Abdel Nasser High School Khartoum

ود الفكي سلام ~ عارف القصة حكي بس وبمزح معاك وبعدين وحاتك انت أغني من ملياردير صاحبنا~ هو الغِني إلا بالبنكنوت يازول روحك السمحة دي تكفيك ..بالمناسبة متابع القصة من الاول ~ بس كمان مستغرب زيك وما مصدق انو الداهي الملياردير دا ضحك نديمو الفحل الكتير والقهقهة ودوير الكراسي والعجب لم يكون راكب جنبو وفاتح الايفون ويضحك ما يكون لفت نظرو و سألو يوم .... القصة فيها مؤامرة شكلها وبيع بالمغتغت وخاااستن تلفونات الصبح دي فيها إنة ..... وبرضك ما جاوبتني السفرجل دا شنو ؟
رد · · ‏11 مايو‏، الساعة ‏01:58 مساءً‏
×××× **** ****
Yousif Idris · جامعة جوبا - كلية دراسات المجتمع والتنمية الريفية
(وبعد نقبض ماني عافي مِنّك كان عصرتلو شي...) البسمع كلامك دا يقول واقف قدام الصراف الآلي !!
رد · · ‏13 مايو‏، الساعة ‏01:18 صباحاً‏
×××× **** ****
Yousif Idris ·
جامعة جوبا -
كلية دراسات المجتمع والتنمية الريفية

ناس على مستوى ،، ياتهم ديل أوعى تقول لي المليادير المتصور جمب دولاب الداخلية الظهري داك .. أخخخخخ !!
رد · · ‏12 مايو‏، الساعة ‏01:01 صباحاً‏
×××× **** ****
Yousif Idris ·
جامعة جوبا - كلية دراسات المجتمع والتنمية الريفية

خلاص (أب طيرة) بقى يهضرب .. أنا خايفك بعدا تقعد تدوبي في بطانة كندا (واحدين قالو شفنا الشافو) !!
رد · · ‏12 مايو‏، الساعة ‏07:25 صباحاً‏
×××× **** ****
Yousif Idris ·
جامعة جوبا - كلية دراسات المجتمع والتنمية الريفية

يا ود الفكي هل تجوز الصدقات للناس أصحابهم عبد اللطيف جميل والتاني داك مين كدا رضا ؟؟
رد · · ‏12 مايو‏، الساعة ‏03:32 صباحاً‏
×××× **** ****
Yousif Idris ·
جامعة جوبا -
كلية دراسات المجتمع والتنمية الريفية

وقت قنعت من أضان البعوضة.. طيب (تحللوا) من البوست دا وكفى المؤمنين الله القتال !!
رد · · ‏11 مايو‏، الساعة ‏06:06 صباحاً‏
×××× **** ****
Yousif Idris ·
جامعة جوبا - كلية دراسات المجتمع والتنمية الريفية

اطمع في شنو ؟؟ (الشقي بشوف في رقبتو والسعيد بشوف في الآخرين) !!
رد · · ‏12 مايو‏، الساعة ‏03:45 صباحاً‏

Yousif Idris ·
جامعة جوبا - كلية دراسات المجتمع والتنمية الريفية

يا فكي كان طلعتو بشيء أنا بلحس المكوة وهي حااااارة !!!
رد · · ‏12 مايو‏، الساعة ‏12:49 صباحاً‏

Yousif Idris ·
جامعة جوبا - كلية دراسات المجتمع والتنمية الريفية

يوسف دا البودي قارد الخاص بـ(الفحل النتر) !!
رد · · ‏12 مايو‏، الساعة ‏03:30 صباحاً‏
×××× **** ****
Yousif Idris ·
جامعة جوبا -
كلية دراسات المجتمع والتنمية الريفية

قالوا (المتغطي بالأيام عريان) !!
رد · · ‏11 مايو‏، الساعة ‏06:51 صباحاً‏
×××× **** ****
Yousif Idris
· جامعة جوبا
- كلية دراسات المجتمع والتنمية الريفية

حرم تلحق شحنة جامبو وما تطلع بأضان بعوضة !!
رد · · ‏10 مايو‏، الساعة ‏11:54 مساءً‏
×××× **** ****
قرحطب فور برنقا
· طب الفاشر

''من يوم الفحل قال كلآمو دا ود الزين تاهمني بالشيوعية...'';سألت واحد صاحبي ؛انتو شطين وين ،،قال ناشر يسار ونلف يمين
رد · · ‏13 مايو‏، الساعة ‏12:32 صباحاً‏

...

.

عزالدين عباس الفحل
ابوظبي
...

Post: #311
Title: Re: رد بارك الله فيك يا محمد حسن
Author: عزالدين عباس الفحل
Date: 05-15-2014, 10:13 AM
Parent: #310

ALWALEED ALSHEIKH

...

إنت قريت ،
كلام البيض كويس ،
أها الكلام دا مو ،
أعوج ،
الكافيار دا ،
بيجي في علب ،
زي حقة السعوط ،
لكن سعروا ناااااار ،
خاصة الكافيار الإيراني ،
كدا حسة سعر الكافيار ،
نزل الواطة ،
و دق الدلجة ،
من حديث ،
ود المدير ،
،،،،،

خارج النص :-
ود الشيخ أفتح الواتساب بتاعك ،
عايزك تحت الهواء الطلق ،
تسلم الغالي ،

...

عزالدين عباس الفحل
ابوظبي
...

Post: #312
Title: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-18-2014, 05:08 AM
Parent: #311

.

Post: #313
Title: Re: Re : ،،،،،، الـسـفـرجــل ،،،،،
Author: HAIDER ALZAIN
Date: 05-18-2014, 09:00 AM
Parent: #312

ياااااااااا ود الشيخ .. الزول دا ما راجيك !!!

Post: #314
Title: Re: Re : ،،،،،، الـسـفـرجــل ،،،،،
Author: ALWALEED ALSHEIKH
Date: 05-18-2014, 03:40 PM
Parent: #313

Quote:
خارج النص :-
ود الشيخ أفتح الواتساب بتاعك ،
عايزك تحت الهواء الطلق ،
تسلم الغالي ،

...

عزالدين عباس الفحل
ابوظبي
...

عزالدين عباس الفحل

HAIDER ALZAIN

ياااااااااا ود الشيخ .. الزول دا ما راجيك !!!

و الله يا جماعة أنا تحت الهوا ده بخاف منو عديل كده
بخاف موبايلي يبقى زى حق ود الفكي كل يوم في محل صيانة
و بعدين صراحة فيديوهات خضر بشير دي ما واقعة لي كلو كلو
المهم خلونا في المهم معاوية اتحلل من موضوع الكافيار و لا لسه؟
لأنو بدون تحلل ما أظن يلم في عمرة - العين عليها فتحة أو ضمة سيان و الفهيم بالرمشة -

Post: #315
Title: Re: Re : ،،،،،، الـسـفـرجــل ،،،،،
Author: ALWALEED ALSHEIKH
Date: 05-18-2014, 04:10 PM
Parent: #314

Quote: Yousif Idris · جامعة جوبا - كلية دراسات المجتمع والتنمية الريفية
سؤال اجماعة (تحت الهواء وفوق الهواء) دا شنو ؟؟ علم فيزياء، كيمياء، فضاء، فلك، رمي ودع، ما ورائيات ؟ ورونا ينوبكم ثواب !!

أخونا يوسف سلام
طبعاً تحت الهوا و فوق الهوا ده فتح علمي جديد و رهيب تمكن من ناصيته و برع فيه المك عزالدين الفحل و هو باختصار غير مخل خليط من العلوم المذكورة أعلاه إضافة الى بعض تراث الجعليين و كبوشية نجمة تزين دار جعل و القليل من اللغة الهيروغلوفية و بعض ابداعات الحضارة الفينقيية. ومن المعروف أن مستوى فوق الهوا هو ذاك النوع من العلم العادي الذي يبذله المك على صفحات سودانيز اون لاين مجاناً لكل الناس و لا ينتظر عليه جزاءاً و لاشكورا أما تحت الهوا فهو الدراسات المتقدمة من ابداعات المك و وعوده و هذا النوع من العلم يبذله شيخنا عزالدين في وسائل الاتصال الخاص موبايل واتساب ...الخ أما النوع الأخير و هو علم [نفخ الهوا] فهذا مستوى من التعليم لم أصله بعد و لكن تلاميذ المك النجباء أمثال ود الفكي و ود الزين و ود المدير يمكنهم إعطاءك فكرة وافية و شافية عنه.
يا يوسف أخوى خلينا من فوق الهوا و تحت الهوا ألحقني بفيل عديل للفحل ده و ما تقول لي مافي فايدة أهلنا قالوا الأرضة جربت الحجر.

Post: #316
Title: Re: Re : ،،،،،، الـسـفـرجــل ،،،،،
Author: ALWALEED ALSHEIKH
Date: 05-19-2014, 10:05 AM
Parent: #315

المك عزالدين عباس الفحل
صباحاتك خير
معليش سؤالين على السريع
أمبارح بالليل لما كنت متعشي مع الملياردير في مطعم المأكولات البحرية وبتضحكوا - حتى بانت نواجزكم من الضحك - طريت ليهو موضوع ود الفكي و ود المدير ده و لا عملت نايم.
السؤال التاني عشاكم الما عزمتونا ليهو ده هل تضمن أى كمية و لو كانت بسيطة من الكافيار و لا عشاء مسلمين بس.
معليش في سؤال ثالث و عادي ممكن تجليهو - ياها عادتك - إنت ليي بتكتب اسمك باللون الأحمر الأخ شيوعي و لا حاجة.

Post: #317
Title: Re: Re : ،،،،،، الـسـفـرجــل ،،،،،
Author: محمد عمر الفكي
Date: 05-19-2014, 10:25 AM
Parent: #316

والله يا وليد انا امس متعشي سندوتش طعمية !!!!!! والغداء كسرة ب ام رقيقة، والكسرة ذاتها بايتة جبتها من حمدية بتاعة الكسرة الفي بني مالك يوم السبت
"ولا تحسبن الله غافلا عما يعمل الظالمون"

Post: #318
Title: Re: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-19-2014, 11:36 AM
Parent: #317

ALWALEED ALSHEIKH

...

يا خوي ،
ود الفكي دا ما بتبل نبقة ،
فوق خشمو ،
زي ما بيقول المثل السوداني ،
أنا ما حافظو كويس ،
أنا خسمتو بالرسول ،
موضوع العشاء دا ،
ما يطلع ،
ع الهواء ،
الراجل الظاهر ،
مسكتو جوعة ،
من الماكولات البحرية ،
الموضوع عادي ،
إجتماع + عشاء ،
ع فندق المريديان ،
،،،،،

...

عزالدين عباس الفحل
ابوظبي
...

Post: #319
Title: Re: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-19-2014, 12:03 PM
Parent: #318

ALWALEED ALSHEIKH

...

ود المدير صحي ،
قال ليك إتحلل ،
من موضوع الكافيار ولا لسة ،
غايتو الأقمار الصناعية دي ،
و جهاز الجي بي اس ،
GPS System
بتجيب أي حاجة ،
ما قالوا العالم بقي قرية ،
صباح العولمة ،
صحي ،
إتحلل ؟

...

عزالدين عباس الفحل
ابوظبي
...

Post: #320
Title: Re: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-20-2014, 08:00 AM
Parent: #319

Quote:

Yousif Idris ·

جامعة جوبا

- كلية دراسات المجتمع والتنمية الريفية

سؤال اجماعة (تحت الهواء وفوق الهواء) دا شنو ؟؟ علم فيزياء، كيمياء، فضاء، فلك، رمي ودع، ما ورائيات ؟ ورونا ينوبكم ثواب !!
رد · · ‏14 مايو‏، الساعة ‏03:55 صباحاً‏

Yousif Idris ·

...

.

عزالدين عباس الفحل
ابوظبي
...

Post: #321
Title: Re: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-20-2014, 08:10 AM
Parent: #320

Yousif Idris

...

يا اخوي ،
مش في مثل سوداني ،
بيقول ،
يفتش خشم البقرة ،
أنا ما حافظو كويس ،
لكن في مكالمات ،
هاتفية شغالة ،
بالليل ،
وقت الهجعة ،
ومع ود المدير ،
قبل ما يفرش تبروقتو ،
لصلاة الصبح ،
أها ،
فتحنا ليك ،
خشم البقرة ،
سلام ،

...

عزالدين عباس الفحل
ابوظبي
...

Post: #322
Title: Re: Re : ،،،،،، الـسـفـرجــل ،،،،،
Author: HAIDER ALZAIN
Date: 05-20-2014, 09:45 AM
Parent: #321

Quote:

Yousif Idris · جامعة جوبا - كلية دراسات المجتمع والتنمية الريفية
مقدرة والله تراثك نسيتو هاك (سيد الرايحة فتح خشم البقرة) ما قصرنا معاك يا ود (زايد) !!
رد · أعجبني · متابعة المنشور · منذ حوالي ساعة

يوسف شكلك اتضايقت :)

يا حبيب الفحل يتعاطي مع التراث بشكل عصري ومنفتح وحضاري..
ما شايفو مخلف فوق الدبزاوي بالشيرت والجينز ...

Post: #323
Title: Re: Re : ،،،،،، الـسـفـرجــل ،،،،،
Author: ALWALEED ALSHEIKH
Date: 05-20-2014, 09:51 AM
Parent: #321

Quote:
المك عزالدين عباس الفحل
صباحاتك خير
معليش سؤالين على السريع
أمبارح بالليل لما كنت متعشي مع الملياردير في مطعم المأكولات البحرية وبتضحكوا - حتى بانت نواجزكم من الضحك - طريت ليهو موضوع ود الفكي و ود المدير ده و لا عملت نايم.
السؤال التاني عشاكم الما عزمتونا ليهو ده هل تضمن أى كمية و لو كانت بسيطة من الكافيار و لا عشاء مسلمين بس.
معليش في سؤال ثالث و عادي ممكن تجليهو - ياها عادتك - إنت ليي بتكتب اسمك باللون الأحمر الأخ شيوعي و لا حاجة.

أول مرة في حياتي و في البورد أشوف لي واحد يعمل اقتباس لكلامو غايتو مع المك ده الواحد بيدخل في حتات عمرو الزول ما بيكون متوقعا.
يا مك سألتك طريت للملياردير في العشاء موضوع ود الفكي و ود المدير رجعت تقول لى ود الفكي طلع نبقة و لاهبنقة ما عارف و ده عشاء عادي و مأكولات بحرية وكبرت اللفة.
سألتك العشاء فيهو كافيار زى موضوع معاوية دخلت لي بحمد و مرقت بي بشرفي مش بخوجلي غايتو يا مك الله يديك العافية لكن ناس ود الفكي و ود المدير و حيدر إلا كان يشوفوليهم صرفة تانية لأنو يظهر إنك ما حاسس بمعاناتهم

Post: #324
Title: Re: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-20-2014, 10:29 AM
Parent: #323

HAIDER ALZAIN

...

يا ود الزين ،
Yousif Idris
ود جامعة جوبا ،
عصب ( بالخليجي ) ،
اتضايق ، ( بالسوداني ) ،
يا اللخو التراث دا ،
بحر غريق ،
والامثال السودانية كثيرة ،
كدي خلينا ،
في الكافيار ،
والزعفران ،
تسلم ،

...

عزالدين عباس الفحل
ابوظبي
...

Post: #325
Title: Re: Re : ،،،،،، الـسـفـرجــل ،،،،،
Author: معاوية المدير
Date: 05-20-2014, 10:41 AM
Parent: #324

Quote: Yousif Idris · جامعة جوبا - كلية دراسات المجتمع والتنمية الريفية
يا (أب طيرة) أولاً أنا معاكم بفوق يعني عضو في سودانيز من 2008م نسوي شنو مع طبلة بكري العجيبة..
وتانياً متابع بوستاتكم الظريفة دي من بدري لأنو المنبر بفوق زي سوق (أم دفسو) عكاكيزو واقفة ألف أحمر،،
بنفتش زي بوستاتكم شان نفرفش ونضحك على شقاوة الفحل الوقع في صندوق ناس عطبرة إلا يبقى زي
عثمان دقنة حتى يقدر يكسر الصندوق .. ربي يديمها نعمة !!

يا يوسف إدريس تعالنا فوق،
عشان عندنا معاك كلآم تحت الهوا.

يا جماعة عملتو لي شنو في موضوع الختة ؟؟؟...

Post: #326
Title: Re: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-20-2014, 10:43 AM
Parent: #323

ALWALEED ALSHEIKH

...

يا ود الشيخ ،
حديث العشاء ،
مع الوجيه ،
أنا قلت لود الفكي ،
ما يطلع ع الهواء ،
لكن ،
زي ما بيقول ،
Yousif Idris
ود جامعة جوبا ،
(سيد الرايحة فتح خشم البقرة) ،
معليش لو إستعملت ،
المثل السوداني بالخطأ ،
قصدي المثل ،
بتاع النبقة يبلها ،
ما حافظو كويس ،
قبل ما أدخل البوفيه المفتوح ،
إتصلت ع ود الفكي ،
وريتو موضوع العشاء الدسم ،
يعني إذكرتكم ،
برضو ما قصرت ،
صـاح ،
،،،،،

...

عزالدين عباس الفحل
ابوظبي
...

Post: #327
Title: Re: Re : ،،،،،، الـسـفـرجــل ،،،،،
Author: محمد عمر الفكي
Date: 05-20-2014, 11:13 AM
Parent: #326

.
انت قايل ما بنعرف نكتبها ولا شنو؟
الليلة الزول دا يا جماعة قبل على امثال الحبوبات

Post: #328
Title: Re: Re : ،،،،،، الـسـفـرجــل ،،،،،
Author: HAIDER ALZAIN
Date: 05-20-2014, 11:18 AM
Parent: #327

Quote: برضو ما قصرت ،
صـاح ،

عداك العيب ..

لكن برضو ما وريتنا .. أكان في كافيار والا مافي؟
وإذا في .. جنسو شنو ايراني والا روسي والا صيني ..
وإذا في فبرضو أيش رايك طال عمرك في نصيحة من نصح الملك عبد العزيز ؟
وإذا مافي .. الفي شنو؟

Post: #330
Title: Re: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-20-2014, 11:25 AM
Parent: #328

HAIDER ALZAIN

...

والله يا حيدر ،
أنا ضحكت ،
لمن دمعت ،
هههههههههههه ،
تسلم ،

...

Quote:

عداك العيب ..

لكن برضو ما وريتنا .. أكان في كافيار والا مافي؟
وإذا في .. جنسو شنو ايراني والا روسي والا صيني ..
وإذا في فبرضو أيش رايك طال عمرك في نصيحة من نصح الملك عبد العزيز ؟
وإذا مافي .. الفي شنو؟

HAIDER ALZAIN

...

.

عزالدين عباس الفحل
ابوظبي
...

Post: #329
Title: Re: Re : ،،،،،، الـسـفـرجــل ،،،،،
Author: HAIDER ALZAIN
Date: 05-20-2014, 11:24 AM
Parent: #327

اخوانا ود الشيخ وود الفكي سلامات ...

انا زي السمعت ود المدير بيتكلم وطاري ليهو سيـرة " ختة " . فدحين يا ناس انا الكلام دا عمل لي ارتكاريا في الملاريا ..
يا ادوو الزول دا راسو تاني ما يجيب ليهو سيرة زي دي .. يا ياني المفارقكم ومفارق السعودية ومفارق جنسيتي زاتو..
اعلمتكم .. أهااا

ــــــــــــ
( ختة دي معناها كشف يا الفحل احتمال كبير طبعاً الزيكم انت ما بيعرفها لانكم بتشرطو الورقة وتخمشو وتغنوا سيد الكشف )

Post: #331
Title: Re: Re : ،،،،،، الـسـفـرجــل ،،،،،
Author: محمد عمر الفكي
Date: 05-20-2014, 11:29 AM
Parent: #329

سلامة عقلك يا ود الزين
الختة دي اقترحتها انا وانا موافق عليها، في زول تاني معاك؟ العندو اخوهو ابوهو حبوبتو وعايزين يشتركو ما عندنا مانع، عندنا مانع من حاجة واحدة بس، انه زول ينافسني انه انا الاول، القرعة بتاعتكم دي تبدا من التاني وانت طالع

Post: #332
Title: Re: Re : ،،،،،، الـسـفـرجــل ،،،،،
Author: HAIDER ALZAIN
Date: 05-20-2014, 11:38 AM
Parent: #331

وين الكلام دا واقترحتوهو متين؟

والله كما يقول تمبس بقينا قاعدين هنا ساي

الملياردير واخوهو ود الفحل مشتركين؟

لو مشتركين او يرغبون فانا بقترح انه الختة تكون 10 الف دولار من المشترك.. بعدين الصرفة الاولى و ما بنختلف و بنتفق عليها ..

Post: #333
Title: Re: Re : ،،،،،، الـسـفـرجــل ،،،،،
Author: محمد عمر الفكي
Date: 05-20-2014, 11:55 AM
Parent: #332

Quote: فانا بقترح انه الختة تكون 10 الف دولار من المشترك.. بعدين الصرفة الاولى و ما بنختلف و بنتفق عليها

موافقون موافقون موافقون

Post: #334
Title: Re: Re : ،،،،،، الـسـفـرجــل ،،،،،
Author: معاوية المدير
Date: 05-20-2014, 09:04 PM
Parent: #333

ماشي الدكتور،
دعواتكم بالله...

Post: #335
Title: Re: Re : ،،،،،، الـسـفـرجــل ،،،،،
Author: ALWALEED ALSHEIKH
Date: 05-21-2014, 05:40 AM
Parent: #334

Quote:
ماشي الدكتور،
دعواتكم بالله...

ربنا يشفيك و يعافيك
يا ود الزين سلام
معاوية ده مما جبتو سيرة الختة قال ماشي الدكتور يكون عندو شنو؟

Post: #337
Title: Re: Re : ،،،،،، الـسـفـرجــل ،،،،،
Author: ALWALEED ALSHEIKH
Date: 05-21-2014, 05:46 AM
Parent: #335

Quote: Yousif Idris · جامعة جوبا - كلية دراسات المجتمع والتنمية الريفية
تستاهل يا ود الشيخ عشان ما بتسمع كلامي حرم الفحل دا مراح فيلة ما يجيبو راسو قال فيل قال !!

كان كدي ياهو كلام معاوية ذاتو القال فيهو وحاة الله مافي فايدة أخير الواحد يلملم سفنجاتو و يكسح .

Post: #336
Title: Re: Re : ،،،،،، الـسـفـرجــل ،،،،،
Author: عزالدين عباس الفحل
Date: 05-21-2014, 05:44 AM
Parent: #334

ALWALEED ALSHEIKH

...

يا ود الشيخ ،
أسئلتك مالا صعبة كدا ،
ومعقدة ،
ياخي أصعب من إمتحانات الفيزياء ،
في الشهادة البريطانية ،
ولو ودوها لطلبـة ،
ناس المساحة ،
هندسة جامعة الخرطوم ،
ما ح يقدروا ،
يحلوها ليك ،
خليك زي ود الزين ،
سأل سؤال ،
الكافيار جنسو شنو ؟
ايراني والا روسي والا صيني ؟
سؤال مع خيارات كمان ،
طبعاً ،
الكافيار جنسو إيراني ،
شفت السؤال ،
موية ،
كيف ،
،،،،

...

عزالدين عباس الفحل
ابوظبي
...

Post: #338
Title: Re: Re : ،،،،،، الـسـفـرجــل ،،،،،
Author: HAIDER ALZAIN
Date: 05-21-2014, 09:31 AM
Parent: #336

ربنا يشفيك ويعافيـك يا ود المديـر .. حسنة واجر بإذن الله ..

من ناحيـة تانيـة يا ود الشيخ المرض ابتلاء وكفارات للعبد ، اسأله تعالى يبقى ليهو كفارة من الشيوعيـة الهدّامة المعتنقها ..

آآآآآمين ..

الفحل.. خاشي معانا الختة دي ومعاك ابو الميـم والا عندكم رأي ؟؟

بالله جزاك الله خيـراً عاوزين جواب دايركتلي مختصر وواضح وباللون الاخضر ..

Post: #339
Title: Re: Re : ،،،،،، الـسـفـرجــل ،،،،،
Author: ALWALEED ALSHEIKH
Date: 05-21-2014, 03:20 PM
Parent: #338

Quote: خليك زي ود الزين ،
سأل سؤال ،
الكافيار جنسو شنو ؟
ايراني والا روسي والا صيني ؟
سؤال مع خيارات كمان ،
طبعاً ،
الكافيار جنسو إيراني ،
شفت السؤال ،
موية ،
كيف ،
،،،،

...

عزالدين عباس الفحل
ابوظبي

طيب يامك أسئلتي أنا عفيتك من إجابتا و بعد شكرك لأسئلة حيدر الزين الساهلة و موية دي كدي جاوب سؤاله التحت ده

Quote: الفحل.. خاشي معانا الختة دي ومعاك ابو الميـم والا عندكم رأي ؟؟

بالله جزاك الله خيـراً عاوزين جواب دايركتلي مختصر وواضح وباللون الاخضر ..

Post: #340
Title: وليد، حيدر و معاوية فرجت فرجت
Author: محمد عمر الفكي
Date: 05-21-2014, 04:49 PM
Parent: #339

Quote: لكن ناس ود الفكي و ود المدير و حيدر إلا كان يشوفوليهم صرفة تانية لأنو يظهر إنك ما حاسس بمعاناته

الصرفة لقيناها يا وليد
انا فتحت بوست اسمه ( وليد، حيدر ومعاوية فرجت فرجت) امش شوفو

Post: #341
Title: Re: وليد، حيدر و معاوية فرجت فرجت
Author: عزالدين عباس الفحل
Date: 05-22-2014, 05:30 AM
Parent: #340

ALWALEED ALSHEIKH

...

عندي شمار تقيل وحار ،
أمس من الضحك ،
ما قدرت أنوم ،
رغم سهر الشغل ،
وهسة بعد ساعة،
باذن الله ،
خاشي إجتماع .
باذن الله تعالي،
،،،،

...

عزالدين عباس الفحل
ابوظبي
...

Post: #342
Title: Re: وليد، حيدر و معاوية فرجت فرجت
Author: عزالدين عباس الفحل
Date: 05-22-2014, 05:44 AM
Parent: #340

امبارح بالليل خالص ،
أنا إستخدمت تقنية عالية جدا ،
ثم أخفيت رقمي من الظهور ،
وصلت ثلاثة آيفونات مع بعض ،
وإتصلت من جهاز الآيفون ،
الي ود الفكي ،
رد علي ود الفكي ،
- الو .
= منو معاي ؟
- معاك محمد عمر الفكي .
بعدها عالجت المكالمة بعملية Diversion ،
حولت المكالمة الي صديقي ،
شقيق الرجل الوجيه ( الأماراتي ) .
وكانت المكالمة التالية:-
- مين معي ؟
= يا أخوي انت الضارب مش أنا .
- رقـمـك مبين عندي في الجهاز .
- لا . لا إنت المتصل .
- يا ريال انت المتصل رقمك مبين عندي .
- انت الضارب .
**
وحدث غلاط ومشاداة كلامية وإرتفعت الأصوات .
- أنت الظاهر عليك فاضي .
= يا جماعة انتو الإتصلتو علي ..
- طيب انت من ؟
= انا محمد عمر الفكي .
- من وبن ؟
= من سفارة اليابان في جدة ،
- شو بتشتغل قي سفارة اليابان قي جدة ،
- شغال مترجم ،
- تترجم ايش يعني ؟
= بترجم من اليابانية الي العربية ،
= انت فاضي ونحن مش فاضين لك
- ياجماعة انتو متصلين .
- طيب إنت وين ساكن ؟
= ساكن بجوار مستشفي ........
- طيب عشان أراويك انك ريال فاضي الحين ح أوصلك .
= تصلني .
- أيوة إترياني بس في رمشة عين .
وأرتفع االأصوات و الحشرجة الي الحدة .
فجاءة تناولت المكالمة ،
وغلبني الضحك ،
حتي سقطت علي ماكينة التصوير الرقمية ،
وقلت والضحك :-
يا ود الفكي معاك ،
المهندس عزالدين عباس الفحل ،
- اووووووووو ود الفحل ،
نواصل .
،،،،

...

عزالدين عباس الفحل
ابوظبي
...

Post: #343
Title: Re: وليد، حيدر و معاوية فرجت فرجت
Author: ALWALEED ALSHEIKH
Date: 05-22-2014, 05:58 AM
Parent: #342

Quote: قرحطب فور برنقا · متابعة · طب الفاشر
ربنا يشفيك و يعافيك
يا ALWALEED ALSHEIKH سلام

وعليك السلام أخي قرحطب
شايفك متابع معانا من بوست معاوية بتاع حيدر الزين الفحل قبضّك و لا لسه فيا ريت تشوف لينا دبارة مع الفحل ده قبّال ما نلحق معاوية و نبقى مرضانين زيو

Post: #345
Title: Re: وليد، حيدر و معاوية فرجت فرجت
Author: ALWALEED ALSHEIKH
Date: 05-22-2014, 06:04 AM
Parent: #343

Quote:
امبارح بالليل خالص ،
أنا إستخدمت تقنية عالية جدا ،
ثم أخفيت رقمي من الظهور ،
وإتصلت من جهاز الآيفون ،
الي ود الفكي ،
رد علي ود الفكي ،

غايتو يا مك بطريقتك دي حتودي ود الفكي مستشفى المجانين و كويس إنك خليتو يتكلم مع أخو الملياردير لأنو لو كان الملياردير نفسو كان ود الفكي جاتو هارد اتاك.
راجع كلامي ليك تحت الهوا.

Post: #344
Title: Re: وليد، حيدر و معاوية فرجت فرجت
Author: عزالدين عباس الفحل
Date: 05-22-2014, 06:00 AM
Parent: #340

يا ود الفحل ،
السعودي دا رفع لي نفسي ،
- دا ما سعودي دا شقيق الرجل الوجيه .
= الملياردير .
- ايوة شقيق الملياردير .
= طيب اديني ليهو أعتذر ليهو
- لا الراجل خشة غرفة الاجتماعات .
- مشي وين الملياردير .
- الملياردير هسة طلع .
هاك أتعرف ع المدير العام لاحدي شركات الرجل الوجيه .
الاخ محمد سعيد ( مصري )
***
وتناول الجهاز الاخ محمد سعيد
- الووو يا سعادة البيه .
= مرحب .
- مين معاي
= معاك محمد عمر الفكي من جدة .
- طيب يا بيه قبل إسبوع نحن كنا عندكم في جدة .
= ايوة صاح .
وحدثت ونسة ظريفة بعدها .
نواصل .
،،،،

...

عزالدين عباس الفحل
ابوظبي
...

Post: #346
Title: Re: وليد، حيدر و معاوية فرجت فرجت
Author: HAIDER ALZAIN
Date: 05-22-2014, 06:09 AM
Parent: #344

الفحل.. يعني نفهم من كدة انه ود الفكي قبض أو في طريقه للقبض والا كيف ؟؟؟

جاوب سريع وبإختصار ودايركتلي .. عشان عندي كلام كتبتو في بوست المديح امشي امسحو.. ونفرتق الفرقة ونبيع طارها وطبلها..

أها ؟

Post: #347
Title: Re: وليد، حيدر و معاوية فرجت فرجت
Author: عزالدين عباس الفحل
Date: 05-22-2014, 06:14 AM
Parent: #346

HAIDER ALZAIN

...

ود الفكي امبارح إمبرش ،
وتمطي وتقلص وتملص ،
وفصل عديييييل كدا ،
وكان ح يقبض دقشة كبيرة ،
قال مترجم من اليابانية للعربية ،
والله يا ود الزين ،
أنا لحدي هسة بضحك ،
،،،،

...

عزالدين عباس الفحل
ابوظبي
...

Post: #349
Title: Re: وليد، حيدر و معاوية فرجت فرجت
Author: محمد عمر الفكي
Date: 05-22-2014, 06:33 AM
Parent: #347

صباح الخير يا شباب
ود الفحل راجع المسنجر لما اجيك راجع

Post: #348
Title: Re: وليد، حيدر و معاوية فرجت فرجت
Author: عزالدين عباس الفحل
Date: 05-22-2014, 06:25 AM
Parent: #346

ALWALEED ALSHEIKH

...

صاااااااح البوست دا ،
بعدها ود الفكي ،
ح يودوهو لـ بعشر ،
تخيل قال عايز يعتذر لاخو الملياردير .
شفت الضحاكات بتعمل شنو ،
أها فتكم بعافية ،
خاشي غرفة الإجتماعات ،
وبضحك ،
،،،،

...

عزالدين عباس الفحل
ابوظبي
...

Post: #350
Title: Re: وليد، حيدر و معاوية فرجت فرجت
Author: HAIDER ALZAIN
Date: 05-22-2014, 07:21 AM
Parent: #348

انتو عجلة ابونا آ دم بتاعت جدة صحي غيرو مكانها :) :)

Post: #351
Title: Re: وليد، حيدر و معاوية فرجت فرجت
Author: محمد عمر الفكي
Date: 05-22-2014, 07:23 AM
Parent: #348

يا عز الدين
قبل ما تخش اجتماعك دا يا ريت تشوف المسنجر

Post: #352
Title: Re: وليد، حيدر و معاوية فرجت فرجت
Author: عزالدين عباس الفحل
Date: 05-22-2014, 08:33 AM
Parent: #351

في غرفة الإجتماعات ،
وصلتني مليون مكالمة ،
من كل الجهات ،
حتي قمت بإغلاق ،
الآيفون ،
يسعد صباكم ،
هـاك ،
الـيابانـي ،
دا ،
،،،،

...

عزالدين عباس الفحل
ابوظبي
...

Post: #353
Title: Re: وليد، حيدر و معاوية فرجت فرجت
Author: HAIDER ALZAIN
Date: 05-22-2014, 12:16 PM
Parent: #352

Post: #354
Title: Re: وليد، حيدر و معاوية فرجت فرجت
Author: عزالدين عباس الفحل
Date: 05-24-2014, 10:31 PM
Parent: #353

اليوم من الصباج ،
كان يوم عمل شاق ،
دبي ،
الشارقة ،
عجمان ،
ثم الشارقة ،
شاءت الاقدار أن نصلي ،
صلاة العشاء في مسجد الملك فيصل بالشارقة ،
مسجد الملك فيصل دائماً يذكرني بمسجد الراجحي ـ
بمدينة الرياض بالسعودية ،
وجدت كوكبة من الاخوى السودانيين ،
سلمت عليهم ،
أحدهم عرفني سلم علي بحرارة ،
من نافذة الشهرة .
عرفت بعد ذلك انه من عشاق سودانيز اون لاين ،
قال لي :-
يا ود الفحل سلاح التقنية العالية العندك ،
بهدلت بيهو ود الفكي ،
الراجل يظهر انو فكي عديل ،
قلت ليه الحكاية كلها مزحة ود الفكي ،
من اميز البورداب خلقاً وأخلاقاً ،
شخصية مرحة وطيبة لأبعد الحدود ،
ثم قال :-
- يا خي اليوم داك عشت معاك الأحداث ،
وضحكت لمن مت من الضحك ،
- لكن عندك شعبية يا ود الفحل ،
قلت ليه:-
القبول من الله ،
،،،،

...

عزالدين عباس الفحل
ابوظبي
...

Post: #356
Title: Re: وليد، حيدر و معاوية فرجت فرجت
Author: ALWALEED ALSHEIKH
Date: 05-28-2014, 07:20 AM
Parent: #354

Quote: من نافذة الشهرة .
عرفت بعد ذلك انه من عشاق سودانيز اون لاين ،
قال لي :-
يا ود الفحل سلاح التقنية العالية العندك ،
بهدلت بيهو ود الفكي ،
الراجل يظهر انو فكي عديل ،
قلت ليه الحكاية كلها مزحة ود الفكي ،
من اميز البورداب خلقاً وأخلاقاً ،
شخصية مرحة وطيبة لأبعد الحدود ،

معقول يا مك
تجهجه ود الفكي بالطريقة دي و تخليهو يضرب أخماس في أسداس و يتابع الوسواس الخناس
يعني تديهو دش زى ده و تجي تتبتب عليهو ب[شخصية مرحة وطيبة لأبعد الحدود]
غايتو زى مابقولو ياما تحت السواهي دواهي
و زي ما بتقول حبوبتي و لا حبوبة معاوية الختيتا رقدت
و يا جماعة هوى اعملو حسابكم من المك ده و البوست أحسن تقفلو لحدي هنا بدل ما بكرة نلقى ود الفكي صواميلو حالجة و راكب الظلط

Post: #357
Title: Re: وليد، حيدر و معاوية فرجت فرجت
Author: محمد عمر الفكي
Date: 05-28-2014, 07:32 AM
Parent: #356

يا وليد
شغال معاي بنظرية (الاضينة دقو واتعذر لو)
ودق وين؟ في سودانيز اون لاين
والله كان خايف من الكبشرةظ
يا ربي يا سيدي ابو الحسين اليوم داك يكون نائم ولا اللابتوب خسران

Post: #358
Title: Re: وليد، حيدر و معاوية فرجت فرجت
Author: عزالدين عباس الفحل
Date: 05-28-2014, 08:08 AM
Parent: #357

ALWALEED ALSHEIKH

...

صدق أمس بالليل ،
علي بوفيه العشاء ،
إذكرنا ود الفكي ،
وسألوني :-
الريال الطيب داك ،
مأ إتصل عليك تاني ،
قلت ليهم :-
يا الربع نحن الإتصلنا عليهو ،
ضحك صديقي ،
من السالفة ،
حتي أدمع ،
ود الفكي ،
أصيح ،
من المقربين ،
بس خليهو يرفع السماعة ،
تاني مرة ،
،،،،

...

عزالدين عباس الفحل
ابوظبي
...

Post: #359
Title: Re: وليد، حيدر و معاوية فرجت فرجت
Author: محمد عمر الفكي
Date: 05-28-2014, 08:48 AM
Parent: #358

شوف يا فحل
مليارديرك دا تاني لو ضرب لي وانا عارف انه حيقول لي يا زول دفعنا ليك اقساط شومان وجميل وحليناك من الديون ما برد عليهو.
انا ذاتي اهبل، نادراً ما برد على تلفون ما بعرفو بس قضاء وقدر خلعني الاسم (عز عز) قلت الليلة اكرام بت العز اتذكرتني ولا شنو؟
سؤال بالجنبة كدا
الملياردير دا ياهو بتاع الدولاب الظهري؟

Post: #360
Title: Re: وليد، حيدر و معاوية فرجت فرجت
Author: معاوية المدير
Date: 05-28-2014, 08:57 AM
Parent: #359

Quote:
شغال معاي بنظرية (الاضينة دقو واتعذر لو)

اللِضينة دقوا وإتعضرلو.

صلحا قبل اجيبلك يوسف إدريس فوق.
قوووامك...

Post: #361
Title: Re: وليد، حيدر و معاوية فرجت فرجت
Author: محمد عمر الفكي
Date: 05-28-2014, 09:34 AM
Parent: #360

Quote: اللِضينة دقوا وإتعضرلو.

حاجة في ذمتك دي غيرنا ومعنا شوية رهط هنا البعرف لها اتعضرلو منو؟
ياخي تلقى الناس هسي طقت القواميس والمراجع
هسي الناس اتطورت وانت لسه قاعد لي في كهوف العصر الحجرى
بقى المثل يقول
(الغبي قول له يا غبي وتاني قول ليهو سوري)
المهم طمنا عليك وعلى صحتك وان شاء الله الامور كويسة
شايفك يومداك بتشكي من اطرافك واصابعك وقلت يدك بترجف وحقيقة انا يدك دي محتاجها لمسك الطار

Post: #362
Title: Re: وليد، حيدر و معاوية فرجت فرجت
Author: معاوية المدير
Date: 05-28-2014, 09:39 AM
Parent: #361

Quote: المهم طمنا عليك وعلى صحتك وان شاء الله الامور كويسة
شايفك يومداك بتشكي من اطرافك واصابعك وقلت يدك بترجف وحقيقة انا يدك دي محتاجها لمسك الطار[/QUOTE

الحميدة لله يا قول حبوبتي بت ميدوب،
أنا شديد ولضيض، عِلآ الدكتور قال بيدور يسوي لي
(تست) للقلب والبنكرياس، واللِتنين ديل أنا ظاقي مِنهِن
المِلحة. دعواتكم بس...

Post: #363
Title: Re: وليد، حيدر و معاوية فرجت فرجت
Author: معاوية المدير
Date: 05-28-2014, 10:05 AM
Parent: #362

Quote: Yousif Idris · جامعة جوبا - كلية دراسات المجتمع والتنمية الريفية
أولاً كفارة وسلامتك يا مدير والملياردير كرامتك،، ما تشوف شر، وأبعد من الناس البقولك
يدك محتاجة لمسك طار.. يدك دايرة مسك دولار زي الفي بروفايلي بالله واحد يتبرع
يرفعها فوق عشان خاطر المدير !!

تسلم يا ود إدريس من كل شر وبلاء.

النفر ديل زين بدور اكنكِش فيهِن،
لكن أنا وكت اعشق واترجم في الطار جسمي
دا كولو ما بحسبو.

الملياردير دا أنا كجنّت خلقتو دي.
كرامة شنو كمان بلحمو المافيه طعم دا؟؟؟.
بِئس الرجل الشحيح...

Post: #364
Title: Re: وليد، حيدر و معاوية فرجت فرجت
Author: محمد عمر الفكي
Date: 05-28-2014, 10:28 AM
Parent: #363

يا جماعة شيلو صورة الدولارات دي، مافي داعي للاستفزاز.
واحد قريبي قال لي مرة مشيت لفلان (شخصية معروفة) المهم فلان دا نادى واحد من جماعتو ومرق ربطة بتاعت دولارات، زولي دا حلف لي بالله قال شوفتي للربطة وبدون ما احس لقيت دمعتي تف تف نزلت
قلت له من الله خلقني بعرف اسمهن الضحاكات لكن اول مرة اعرفهن بكايات

Post: #365
Title: Re: وليد، حيدر و معاوية فرجت فرجت
Author: HAIDER ALZAIN
Date: 05-28-2014, 12:21 PM
Parent: #364

انتو بتورجغوا في شنو

مشيت استلمت ضحاكات الشهر دا قبال شوية بعد نضمت مع ود المدير.. عليك امان الله أكان فاضلة فيهن هسع زي 500 ريال..

غايتو عملتها فينا يا الفحل.. نشيل ونتسلف ونقول الويسترن يونين بكرة بتصل ..

المهم ..
ود الشيخ .. يآخي ما تحول لي راتب زولي المعاكم هناك داك هذا الشهر ووقت يسأل قوله السيستم عطلان

Mohamed Hassen Abdallah · مما نضمها في الفرنكات تاني اختفى ..
اما Yousif Idris فالزول البيكفر بتحت دا الله اعلم القي منه سلفة تلاتتالاف دولار.. غايتو اتمناه يخذلني ويقول ابشررررر من ها الخشم

يا جماعة العفو والعافية واعفو مننا ان اتلومنا مع زول ..

Post: #366
Title: Re: وليد، حيدر و معاوية فرجت فرجت
Author: HAIDER ALZAIN
Date: 05-28-2014, 12:28 PM
Parent: #365

اتذكرت ..
هسع كان عملتو الصندوق او الختة القلناها ما كان بقينا في الزي دا..

غايتو اي يوم ما ارتشف فيه زيزفون والا الهط سفرجل مطبوخ او خدمة النت تقطع من الجلاكسي حقي .. بقول شكيتكم على الله أكان عملتو الصندوق ما كان فلسنا ..

Post: #367
Title: Re: وليد، حيدر و معاوية فرجت فرجت
Author: محمد عمر الفكي
Date: 05-28-2014, 01:50 PM
Parent: #366

Quote: اما Yousif Idris فالزول البيكفر بتحت دا الله اعلم القي منه سلفة تلاتتالاف دولار.. غايتو اتمناه يخذلني ويقول ابشررررر من ها الخشم

لمن كنا صغار وواحد فينا يلقى ليهو حاجة واقعة بنكورك ليهو وبدون ما نعرف لقى شنو شريكك شريكك
اها من هسي
شريكك شريكك

Post: #368
Title: Re: وليد، حيدر و معاوية فرجت فرجت
Author: محمد عمر الفكي
Date: 05-28-2014, 02:26 PM
Parent: #367

Quote: يوسف ادريس أكان عندو تلاتة الاف دولار كان جاي يكابس معاكم في حجر الوضو دا !!

عندي احساس انك ممكن تتصرف من جاي لجاي وتغيث اخوانك ديل
ما طلبني حليفة يا يوسف انا املي فيك اكبر من املي في الملياردير ذو الدولاب الازرق

Post: #369
Title: Re: وليد، حيدر و معاوية فرجت فرجت
Author: ALWALEED ALSHEIKH
Date: 05-29-2014, 06:16 AM
Parent: #368

Quote:
مشيت استلمت ضحاكات الشهر دا قبال شوية بعد نضمت مع ود المدير.. عليك امان الله أكان فاضلة فيهن هسع زي 500 ريال..

غايتو عملتها فينا يا الفحل.. نشيل ونتسلف ونقول الويسترن يونين بكرة بتصل ..

المهم ..
ود الشيخ .. يآخي ما تحول لي راتب زولي المعاكم هناك داك هذا الشهر ووقت يسأل قوله السيستم عطلان

سلام يا ود الزين
غايتو زولك المعاى ده أخير منو ملياردير ود الفحل
ياخ ده لمن صرف الراتب أول مرة قلت ليهو بعفوية حاترسل لأمك تضوقا مرتبك قام صرصر و تجهم و بنهرة قال لي أنا أمي خليت ليها مرتب أربعة شهور. يازول على الشفتو منو حمدت ربي مرقني من تكفت فدحين يا أخوى أقنع من زولك ده. و زي مابقولو أهلنا الجعلي بعدي يومو خنق فأنا في رأيي ال 500 ريال الفضلت ليك من المرتب دي تقوم تقطع ليك تذكرة للإمارات و رأساً على المك الفحل و الملياردير طلعت منهم بحاجة كان بها ما طلعت أقع فيهم خنق الإثنين و ريحنا منهم و فش غبينتك و غباينا كلنا.

Post: #370
Title: Re: وليد، حيدر و معاوية فرجت فرجت
Author: ALWALEED ALSHEIKH
Date: 06-01-2014, 07:40 AM
Parent: #369

ود الزين سلام
مشيت الإمارات للمك الفحل و لا لسه؟

Post: #371
Title: Re: وليد، حيدر و معاوية فرجت فرجت
Author: عزالدين عباس الفحل
Date: 06-01-2014, 08:41 AM
Parent: #370

Quote:

Yousif Idris

· جامعة جوبا -

كلية دراسات المجتمع والتنمية الريفية

أولاً كفارة وسلامتك يا مدير والملياردير كرامتك،، ما تشوف شر، وأبعد من الناس البقولك يدك محتاجة لمسك طار.. يدك دايرة مسك دولار زي الفي بروفايلي بالله واحد يتبرع يرفعها فوق عشان خاطر المدير !!

رد · · ‏28 مايو‏، الساعة ‏01:44 صباحاً‏

Yousif Idris ·

...

.

عزالدين عباس الفحل
ابوظبي
...

Post: #372
Title: Re: وليد، حيدر و معاوية فرجت فرجت
Author: عزالدين عباس الفحل
Date: 06-05-2014, 11:49 AM
Parent: #371

الثامنة" يجمع عبدالله خوجلي بوالدته بعد 30 سنة من الفراق،،

...

عزالدين عباس الفحل
ابوظبي
...

Post: #373
Title: Re: وليد، حيدر و معاوية فرجت فرجت
Author: عزالدين عباس الفحل
Date: 06-05-2014, 11:59 AM
Parent: #371

،،لاعب الهلال السعودي عبدالله خوجلي يلتقي بوالدته السودانية لاول مره على الهواء مباشرة ،،

...

عزالدين عباس الفحل
ابوظبي
...

Post: #374
Title: Re: وليد، حيدر و معاوية فرجت فرجت
Author: محمد عمر الفكي
Date: 06-05-2014, 01:49 PM
Parent: #373

Quote: الثامنة" يجمع عبدالله خوجلي بوالدته بعد 30 سنة من الفراق

يا جامع يا رقيب كما جمعت بين عبدالله وامه اجمع بيننا وبين 10 الف دولار الملياردير ذو الدولاب الظهري.
يا ود الفحل عليك الله ما تكون قاصد انه حننتظر 24 سنة زي عبدالله عشان نلم في اماتنا (هي اقصد قريشاتنا).
بالله بلغ زميلك المصري وقول له محمد عمر يبارك فوز المشير السيسي اما اذا ما شفت حبيبنا ابو علاء خارج اسوار السجن فوالله لا اخلي يوم السيسي اغبر ومطين بطينة.

Post: #378
Title: Re: وليد، حيدر و معاوية فرجت فرجت
Author: عزالدين عباس الفحل
Date: 06-23-2014, 05:39 AM
Parent: #374

رمضان قرب ،
و الزكاة باليورو ،
للبكسر ثلج ،
،،،،

...

عزالدين عباس الفحل
ابوظبي
...

Post: #379
Title: Re: وليد، حيدر و معاوية فرجت فرجت
Author: محمد عمر الفكي
Date: 06-23-2014, 06:47 AM
Parent: #378

تكسر تلج اكتر من 9 صفحات نسوي شنو؟

Post: #380
Title: Re: وليد، حيدر و معاوية فرجت فرجت
Author: عزالدين عباس الفحل
Date: 06-24-2014, 06:05 AM
Parent: #379

محمد عمر الفكي

...

يا مك ،
لكن ما ترفع السماعة ،
إنت عارف منو ،
البيضرب ليك تلفون ؟
إنت عايز تكون زي ،
السوداني داك ،
القابل الملياردير ،
الوليد بن طلال ،
في الرياض ،
يا خي أرفع السماعة ،
؟؟؟؟؟؟؟

،،،،

...

عزالدين عباس الفحل
ابوظبي
...

Post: #381
Title: Re: وليد، حيدر و معاوية فرجت فرجت
Author: محمد عمر الفكي
Date: 06-24-2014, 06:51 AM
Parent: #380

ود الفحل
شكلها كدا بدت تنقط
المتصل بي منو؟ ما تخلعني وتقول لي الملياردير ذو الدولاب الظهري؟
عموماً
للاتصال معاك من الساعة 6 مساء الى الواحدة صباحاً بتوقيت ابوظبي، بتوقيت ابوظبي عشان ما تغالطني
ثم ثانياً المليونير دا قول له ود الفكي قال ما بستقبل اي تلفون منك الا اذا اتصلت بعبدالحميد شومان (قطع شك بكون صاحبو، ناس القروش ديل في اي حتة بتعارفو) وقلت له قول لود الفكي اذهبو فانتم الطلقاء
وقول له ود الفكي قال لك لو اديت حيدر ومعاوية قرش لا ايدي لا ايدك وخصوصاً معاوية لانه داير يرفع علي دعوى كيدية سيرفضها القضاء الكندي العادل

Post: #382
Title: Re: وليد، حيدر و معاوية فرجت فرجت
Author: محمد عمر الفكي
Date: 06-24-2014, 07:26 AM
Parent: #381

هاك الابيات دي شيلها وديها بوست الجعليين، اصلكم بتريدو النفخ (كسير التلج) زي عيونكم عسى ولعل انك تزيد من مجهودك مع الملياردير الظهري
ساس العروبه وعزه شندي و متمة دارجعل
صالب السيوف مابحزها شندي ومتمة دار جعل
القال قبيلتي بهزها بلقالو قول في دار جعل
شم الجبال مابلزها قول الشقي الحاسدجعل
....
سحب السحاب وكتين يشيل شاف الكرم في دارجعل
برق البروق وكتين يكيل عاجبو الكرم في دارجعل
مطر المطور وكتين يسيل في الجود يقارب لي جعل
نيل السما البنزل بهيل اجواد وما بلحق جعل
......
اسالني مابسال طفيق من التواريخ في جعل
لوك الصبرماتكون شفيق واسمع غناي فوق دارجعل
سندالرهيف عون الرفيق نعم الارابيب في جعل
أكرم من المطر الدفيق شندي ومتمة دارجعل
.........
أسالني ماتسال بلاي من المتمه و دارجعل
واصبرلي واتصنت غناي فوق المتمه ودار جعل
أهلي وسبب عزي وباني نعم الارابيب في جعل
حاقين تواريخي وثناي شندي ومتمة دارجعل
.......
جبل الضرا القصدو الهميل شندي ومتمة دار جعل
سندالصفوف وكتين تميل شندي ومتمة دارجعل
الدبرح الكرم الشميل شندي ومتمة دار جعل
للباشا ردولو الجميل في شندي فرسان دار جعل
.........
نمر العزيز الما أنكرى مك المكوك في دار جعل
شب الجمر متل الشرا شهدتلو أجمع دار جعل
الباشا بعد الازدرا شاف الوج في دار جعل
لي مصر تلغراف سرا حرقوه فرسان دار جعل
......
الباشا مقطوع الطراما إتمل في عزة جعل
مسخ طلعتو وكترما إتامل العز في جعل
خلفولو فوق بيعتو الشرا في شندي فرسان دار جعل
وروهو معنى الافترا وشمخو الارابيب في جعل
......
نمر النبيه المو بليد مك المكوك في دار جعل
حرقلك الباشا الغليد وطاهو نيران دار جعل
رايو الهميم مو راي وليد عرف البتقصد دار جعل
رحل قبيلتو صبح بعيد سلم عوايل دار جعل
..........
نمر النبيه صاحب العرف يانعمه أرباب دار جعل
رحل قبيلتو من الهرف يانعم أرباب دار جعل
سلم عقاب أهل الشرف يانعم أرباب دارجعل
نمر أب كتلا مو هدد عاجبني أرباب دار جعل
.....
مابرضى بالزله أم قدد عاجبني أرباب دار جعل
إستهوش أب لوتا خدد نمر النمور في دار جعل
ضوق خديوينا الغدد حرقلو كبدو نمر جعل
ضاق الخديوي النار شديد قلبو إنحرق في دار جعل
...........
قال للترك شيلو الحديد ماتخلو زول في دار جعل
كان حرروها الدار جديد قدامهم المك مك جعل
جات الالوف جارة العدد طالباها تار في دار جعل
و إبن القبايل بالمددما تممن سطوة جعل
.......
كان في الديار صابر مدد زي منية الحاسدين جعل
كانت قبيلتو تروح بدد واتهنو حساد دار جعل
نمر الضرا أب كفا بصول أرباب أرابيب دار جعل
عرف الباشا الفصول وراه ليل عزة جعل
......
درس السياسه على الاصول قدر سلامة دار جعل
و الهجره للغالي الرسول جازت وجازت لي جعل
شمس النهار الفي السماء بغرانه من عزة جعل
وصافي الحديد وكتين حما مين البفرتقو غير جعل
.......
بحر الرواالمهل الضما شندي ومتمة دار جعل
جعل جعل الحما و نعم شندي ومتمة دار جعل

Post: #383
Title: Re: وليد، حيدر و معاوية فرجت فرجت
Author: محمد عمر الفكي
Date: 06-24-2014, 07:37 AM
Parent: #382

فطاف عليها طائف من ربك وهم نائمون
نتقدم بخالص التهاني لادارة الموفنبيك على سلامة الصحون
انا غايتو قنعت يا حيدر

Post: #384
Title: Re: وليد، حيدر و معاوية فرجت فرجت
Author: عزالدين عباس الفحل
Date: 06-26-2014, 06:14 AM
Parent: #383

محمد عمر الفكي

...

ود الفكي ،
سلام ،
في الصورة ديك ،
في فندق الموفنبيك ،
مكة المكرمة ،
دا كان الريوق بالخليجي ،
يعني الفطور ،
بلهجتنا ،
ما شايف صحن الكافيار الروسي ،
أيوة الكافيار ،
بعدين أنا كنت مرهق شديد ،
من قلة النوم ،
كدي خلينا في المهم ،
أرفع السماعة ،
،،،،

...

عزالدين عباس الفحل
ابوظبي
...

Post: #385
Title: Re: وليد، حيدر و معاوية فرجت فرجت
Author: HAIDER ALZAIN
Date: 06-26-2014, 06:22 AM
Parent: #384

Quote: ما شايف صحن الكافيار الروسي ،

غايتو انا شايــف علبة المراعي وبيبسي دايــت :)

سلامات يا الفحل واخبارك..

يآخي انت ما تقول لود الفكي دا بالواااضح كدة اقنع.. ما تعذب الراجل يا آخينا يآخ
بعد ما يقنع ويقتنع ويشيل فاسو وحبلو ويطلع الجبل يحتطب تاني تكورك ليهو؟!

الشئ دا اسمو تعذيب ولا يجوز

Post: #386
Title: Re: وليد، حيدر و معاوية فرجت فرجت
Author: محمد عمر الفكي
Date: 06-26-2014, 06:41 AM
Parent: #385

Quote: يآخي انت ما تقول لود الفكي دا بالواااضح كدة اقنع.. ما تعذب الراجل يا آخينا يآخ
بعد ما يقنع ويقتنع ويشيل فاسو وحبلو ويطلع الجبل يحتطب تاني تكورك ليهو؟!
الشئ دا اسمو تعذيب ولا يجوز

ما تستعجل يا حيدر
يمكن المليونير الظهري خلا عندو شوية دم وقال لود الفحل جيب لي رقم حساب الزول دا

Post: #387
Title: Re: وليد، حيدر و معاوية فرجت فرجت
Author: عزالدين عباس الفحل
Date: 06-26-2014, 08:20 AM
Parent: #386

HAIDER ALZAIN

...

سلامة النظر ،
ود الزين ،
ماشايف الكافيار الروسي ،
عامل زي ،
الجُلة ،
،،،،

...

عزالدين عباس الفحل
ابوظبي
...

Post: #389
Title: Re: وليد، حيدر و معاوية فرجت فرجت
Author: عزالدين عباس الفحل
Date: 07-02-2014, 06:39 AM
Parent: #387

الإخوة الأفاضل الكرام ،
،،،،

...

كل عام وأنتم بخير ،
رمضان كريم ،
تقبل الله منا ومنكم ،
صالح الاعمال ،
،،،،

...

عزالدين عباس الفحل
ابوظبي
...

Post: #390
Title: Re: وليد، حيدر و معاوية فرجت فرجت
Author: عزالدين عباس الفحل
Date: 07-02-2014, 11:51 AM
Parent: #389

Quote:

Re: إفطار بورداب الخرطوم ..!!]

كتب الخبير يا ناذر في بوست افطار بورداب الرياض ما يلي
Quote: رمضان كريم شباب.‏‎
حي انا ....
لو كانت ام احمد هنا بالخرطوم ماكان خليت اخونا الرائع ناذر فتح بوست يستشير ..
كان طوالي حافتح بوست واقول فيه : حبوبتي تسلم عليكم وتقول لبورداب الخرطوم فطوركم في منزل صلاح غريبة بحي الفاروق"ابو آدم سابقا".
حي انا ...
ونتمنى عودة أم أحمد والاسرة لأرض الوطن.

الوحوة شنو
المهم
رمضان كريم عليك يا ناذر وعلى بورداب الخرطوم وعلى راسهم الاخ العوض وتقبل الله صيامكم وقيامكم وصالح اعمالكم.
اقتراحي
رسلو تمن التذكرة لام احمد وبتفطرو مجاناً في ابو ادم

محمد عمر الفكي

30-06-2014, 11:17 AM

Re: إفطار بورداب الخرطوم ..!!]
،،،،

...

عزالدين عباس الفحل
ابوظبي
...

Post: #391
Title: Re: وليد، حيدر و معاوية فرجت فرجت
Author: HAIDER ALZAIN
Date: 07-02-2014, 03:47 PM
Parent: #390

وانت بالف خير يا فحل .. ورمضانك كريم

تحياتي لأبو الميم وقول ليه تصوم و تنفق على خير

Post: #392
Title: رد
Author: محمد عمر الفكي
Date: 07-02-2014, 05:43 PM
Parent: #391

تنفق من النفوق يا حيدر ولا من الانفاق
يا حيدر
بتكلم معاك جادي
عندك فكرة عن زيارة البحرين؟ عايز امشي في العيد ان الله حيانا وهل في درب من هناك للامارات؟ وبترفقني؟

Post: #393
Title: Re: رد
Author: HAIDER ALZAIN
Date: 07-03-2014, 07:41 AM
Parent: #392

من الانفاق ..أي توزيع البنكنوت :)
عن أبي هريرة رضي الله عنه أن رسول الله - صلى الله عليه وسلم - قال : ( قال الله : أَنْفِق يا ابن آدم أُنْفِق عليك ) رواه البخاري ومسلم

بالنسبة للبحريـن درب للامارت مافي طيران بس والا عوم ..
بعدين سبحان الله نحن يا اخي محمد عمر الفكي ننتظر رمضان من العام للعام وندعو الله ان نشهد رمضان لنزور بيته العتيق في العشرة الاواخر ثم نختمها بالمعايدة وزيارة قبر الحبيب المصطفى في العيد ، فتأتي لتحدثني عن البحرين؟؟

هداكـ الله .. :)

Post: #394
Title: Re: رد
Author: محمد عمر الفكي
Date: 07-03-2014, 07:53 AM
Parent: #393

Quote: عايز امشي في العيد ان الله حيانا وهل في درب من هناك للامارات؟ وبترفقني؟

قلنا العيد العيد يا حيدر، العشر الاواخر دي انا معسكر في الشميسي
(الشميسي: هي منطقة التفتيش الرئيسي قبل دخول مكة للقادمين من جدة ومن مطارها)

Post: #395
Title: Re: رد
Author: HAIDER ALZAIN
Date: 07-03-2014, 08:04 AM
Parent: #394

كدي قبال انسى .. انت نمت وصحيت متين :)

بفتش في الجلاكسي قبل شوية قمت لقيت صورة طيــارة المليارديـر الرجع بيها الفحل من مكة لأبوظبي..
قلت ولو يا ود الزين ذكر حبيبك ود الفكي انه الموضوع من البحرين للامارات محلول تب.. الو بس منك لابو الميم وتمتطي الطيارة الخاصة الي هناكـ..

أها في الحقيقة كمان عاوز اسألك الضيــب يعني شنو ؟!
امس ما قدرت اسالك عشان ما تقول الزول دا جاهل

Post: #396
Title: Re: رد
Author: محمد عمر الفكي
Date: 07-03-2014, 08:25 AM
Parent: #395

الضيب هو الذئب وعند العرب ذيب فيقال رجال ذيب، اما القبضو منو فدا المالي راسو لكن البطاحين ديل شدايدهم تحير
اما بالنسبة لطيارة الملياردير فما في حوجة ليها بقدر الحوجة للكاش، انا اصلاً بفكر اسوق الاسرة ان الله حيانا بالبر عبر السيارة مروراً بالرياض والبقاء بها لعدة ايام في ضيافة ود الصائم وابو حسين وعمران، ثم الانطلاق شرقاً الى الدمام لزيارتكم ووزيارة ابن عمي هناك قبل ما اقطع الكوبري وبعد ما اجي راجع كمان.
فقلت بدل ما امشي البحرين واجي راجع السعودية تاني عشان اخش الامارات اشوف طريقة بهناك نقل بحري او خلافه عشان اكسب الزمن.
اما اذا كانت طائرة المليونير ما بتختي من امكانية الشحن فياريت يرسلها لي على البحرين لمن اصل

Post: #397
Title: Re: رد
Author: HAIDER ALZAIN
Date: 07-03-2014, 08:43 AM
Parent: #396

Quote: ، ثم الانطلاق شرقاً الى الدمام لزيارتكم ووزيارة ابن عمي هناك قبل ما اقطع الكوبري وبعد ما اجي راجع كمان

في الحقيقة زي ما قلت ليك كدة انا من بعد بار القريبة دي متوجه في رحلة ىطوييييييييلة لشمال ووسط وغرب المملكة حتى بعد العيد .. وبعدين نحن في الشرقية عيدنا بيجي بدري احتمال بكرة

بالنسبة لرجعتك برضي ما ظنيتك تلقاني انا من هسع ولغاية نهاية السنة في إجازة بالسودان ..البركة في ود عمك بس.. وان بقى ود عمك معتمر برضو فانصحك بالعيييري للشقق وجنبهم في مطعم ثريد تقطع اصابعك وراهو

Post: #398
Title: Re: رد
Author: عزالدين عباس الفحل
Date: 07-03-2014, 09:01 AM
Parent: #397

الإخوة الأفاضل الكرام ،
،،،،

...

يا شباب ،
عليكم الله سامحوني ،
لسة ما قريت المداخلات ،
برجع ليكم تاني ،
يس أنا أمبارح ،
ما راجيني حليفة ،
في شهر الغفران ،
أمبارح اخونا ود الفكي ،
ضيع فرصة غايتو ،
تاني ما ح تتكرر ،
ياجماعة أسمعوا كويس ،
أمس إتصلت بأخونا ،
ود الفكي تقريباً ،
الثاعة 2:30 صباحاً ،
بتوقيت ابوظبي ،
حلف ما يرفع السماعة ،
الوجيه قال لي ،
زولك دا ،
تب ما عندو ،
معانا كلام ،
شوف لي زول تاني ،
أها ود الزين ،
خليك قريب ،
،،،،

...

عزالدين عباس الفحل
ابوظبي
...

Post: #399
Title: Re: رد
Author: HAIDER ALZAIN
Date: 07-03-2014, 09:08 AM
Parent: #398

2:30 صباحاً والله اجي اركبكم حطب انت ومليارديرك اب بطيخة دا :)

Post: #400
Title: Re: رد
Author: محمد عمر الفكي
Date: 07-03-2014, 09:18 AM
Parent: #398

Quote: أمبارح اخونا ود الفكي ،
ضيع فرصة غايتو ،
تاني ما ح تتكرر ،
ياجماعة أسمعوا كويس ،
أمس إتصلت بأخونا ،
ود الفكي تقريباً ،
الثاعة 2:30 صباحاً ،
بتوقيت ابوظبي ،
حلف ما يرفع السماعة ،
الوجيه قال لي ،
زولك دا ،
تب ما عندو ،
معانا كلام ،
شوف لي زول تاني ،

غير صحيح على الاطلاق، انا اتنين ونصك دي كنت بتونس مع ود الزين وفي خضم
علا مسعول من الخير، انت والملياردير ضربتو لي بشنو؟ اوعي يكون بالتانجو؟
ما قاعد يشتغل عندي الا مرات مرات وبعض الاوقات ما قاعد اسمع جرسو ذاتو
الملياردير حسب كلامه داير يديني 100 الف دولار، اضربوا لي عديل بالتلفون الواحد دا ولما تجو تحولو اخصمو 10 الف دولار تمن المكاملة
اما انكم ظهريين فعلاً
يا حيدر مداخلتك سبقت، لكن الكيس دا سيم سيم كيس بدر الدين الامير بتاع امبارح

Post: #401
Title: Re: رد
Author: HAIDER ALZAIN
Date: 07-03-2014, 09:22 AM
Parent: #400

Quote: يا حيدر مداخلتك سبقت، لكن الكيس دا سيم سيم كيس بدر الدين الامير بتاع امبارح

ههههههههههههههههههههههههههههههههههههههههههه

عندنا عمنا نحن صغار وقت تسألوا تقول ليهو جبت لي معاك من السوق شنو يقولك .. اصبع ضوة طويل وملوة :)

دحين لو الظهري ولو بدر.. ياهو نصيبك اصبع ضوة

Post: #402
Title: Re: رد
Author: محمد عمر الفكي
Date: 07-03-2014, 10:02 AM
Parent: #401

Quote: في الحقيقة زي ما قلت ليك كدة انا من بعد بار القريبة دي متوجه في رحلة ىطوييييييييلة لشمال ووسط وغرب المملكة حتى بعد العيد .. وبعدين نحن في الشرقية عيدنا بيجي بدري احتمال بكرة

بالنسبة لرجعتك برضي ما ظنيتك تلقاني انا من هسع ولغاية نهاية السنة في إجازة بالسودان ..البركة في ود عمك بس.. وان بقى ود عمك معتمر برضو فانصحك بالعيييري للشقق وجنبهم في مطعم ثريد تقطع اصابعك وراهو

اكتر حاجة هاماني في قصتك الطويلة دي هو موضوع وصولك للغربية، اما الباقي فلا يُعتد به
Quote: أمبارح اخونا ود الفكي ،
ضيع فرصة غايتو ،
تاني ما ح تتكرر ،

خير ان شاء الله الحصل شنو؟ التانجو حظروهو ولا الظهري حلف طلاق، ولا ادوك ياهن واكلتهن ولا قالو ليك ود الفكي في غيبوبة ولا شنو بالضبط عشان نفهم لغتك الجازمة دي مصدرها شنو؟
Quote: اصبع ضوة طويل وملوة

ااي يا حيدر انا عربي، لكن ما للدرجة دي، فممكن الترجمة؟
اسمع
في اخبار من بت سليمان؟

Post: #403
Title: Re: رد
Author: عزالدين عباس الفحل
Date: 07-03-2014, 10:18 AM
Parent: #402

محمد عمر الفكي ،
،،،،

...

ما راجيني حليفة ،
إتصلت بيك بالتانقو ،
مسافة طويلة ،
وكررت المحادثة ،
وكان جمبي الوجيه ،
وبرضو الساعة 3 صباحاً
بتوقيت ابوظبي ،
إتصلت عليك باللاين ،
line
برضو ما رفعت السماعة ،
أنا قلت الزول دا ،
نائم ،
وحلمان ،
يا خي الوجيه ،
كان عايزك ،
يا جماعة ،
سامعين ،
،،،،

...

عزالدين عباس الفحل
ابوظبي
...

Post: #404
Title: Re: رد
Author: محمد عمر الفكي
Date: 07-03-2014, 10:31 AM
Parent: #403

يا اخي انت ووجيهك دا خلو عندكم شوية دم، ضاربين لي الساعة تلاتة دايرين تصحوني للسحور؟ ديكة انتو؟
ثم ثانياً انا ذاتي رقم الحساب في وكت متاخر زي دا ما بكون حافظو وبخاف اغلط اديكم رقم حساب زول محظوظ
بالمناسبة لاين ما عندي ولا حا انزله
ملياردير شنو دا البضرب باللاين والتانجو دا؟

Post: #405
Title: Re: رد
Author: عزالدين عباس الفحل
Date: 07-03-2014, 11:18 AM
Parent: #404

محمد عمر الفكي ،
،،،،

...

يا فردة أنت حيرتنا ،
يا خي في زول ،
قال ليك ليلة القدر ،
بتجي بالنهار ،
يا جماعة ،
يا جماعة ،
التانقو ما شغال ،
اللاين line ما منزلو ،
الفايبر شغال طشاش طشاش ،
أها نسوي ليك ،
شنو ،
،،،،

...

عزالدين عباس الفحل
ابوظبي
...

Post: #406
Title: Re: رد
Author: HAIDER ALZAIN
Date: 07-03-2014, 11:23 AM
Parent: #405

الفحل .. انتو عاوزين ود الفكي في شنو ؟
كدي كلمني وانا بقول ليهو :)

Post: #407
Title: Re: رد
Author: معاوية المدير
Date: 07-03-2014, 11:35 AM
Parent: #405

Quote: الوجيه قال لي ،
زولك دا ،
تب ما عندو ،
معانا كلام ،
شوف لي زول تاني ،

إنت عشان تشوفلك زول دي دايرالآ رفع ضو ؟،
ما نحن مدموسين هنا من سنة حفرو البحر.
سيبك من العربي اب كرعيناً مشققات دا وأنا
رقم حسابي جاهز.
أصلي ما بقنع،
قالوا، جحا الشُفع متلمين فوقو ويكوركوا عاملين ليهو
إزعاج وغلبة. عشان يسيبوهو قالهم، اجرو ناس فِلآن
عندهم وليمة، الشُفع اوووووووور، جرو. بعد شوية
جحا إنطلق وراهم، قال يمكن صُح.
دحين يمكن صُح...

Post: #408
Title: Re: رد
Author: محمد عمر الفكي
Date: 07-03-2014, 12:16 PM
Parent: #407

غايتو يا المدير وحيدر لقيتكم حاسدين حسادة؟ وعلى شنو ما عارف؟
الا عملاً بنظرية يحسدوا الأعمى على كُبر عيونه
هو نحن شفنا حاجة، ما ترانا مطوطحين للصفحة العاشرة مع ود الفحل
احذركم ان مثل هذه التصريحات من ود الفحل هدفها كسر صف وحدتنا ليس الا وتهييج الراي العام بتاع ناس الفيسبوك التحت ديل علينا.
قلت يا الفحل الملياردير قال لك وين الرجال الطيب داك؟
يرجن عضامك انت وياهو بحق من صلى وقال يا الله
ود المدير ذاتو معاكم

Post: #409
Title: Re: رد
Author: HAIDER ALZAIN
Date: 07-03-2014, 12:23 PM
Parent: #408

والله غايتو :)

عاين يا ود المدير .. صاحبك ود الفكي مشي يقابض ليهو في مليونير عريبي ساااي كدة من ناسو ديل في الدوحة ..

Quote: ويدك معانا بالدعاء وليك على نرسل ليك تجى
تحضر نهايات كاس العالم 2022

دا احسن وعد واطلق شئ طلعبها منو .. والله صحي

بالله ما اخير بتيخة الفحل

Post: #410
Title: Re: رد
Author: محمد عمر الفكي
Date: 07-03-2014, 12:49 PM
Parent: #409

اريتو كان كدا بس يا حيدر كمان قال للناس ود الفكي فطرني؟
صدق فطر ب سيكار، بتعرف السيكار ولا اجيب الكتالوج واجي؟
انا الليلة مالي يا حيدر؟
ود الفحل وود الامير الاتنين اتفسحو فيني؟
يكون دا عدم تركيز بسبب الصيام ولا بسبب ناتالي؟

Post: #411
Title: Re: رد
Author: HAIDER ALZAIN
Date: 07-03-2014, 01:07 PM
Parent: #410

لالا صدقني دي ناتالي ... :)

الصيام عمرو ما عمل كدة..

يعني طال عمرو ترجاهو 8 سنة تنطح السنة ..
بالمناسبة انت ماعندك ذنب صاحبك ابسيكار دا ظنيتو فاطر طبيعي

Post: #412
Title: Re: رد
Author: محمد عمر الفكي
Date: 07-03-2014, 01:14 PM
Parent: #411

Quote: بالمناسبة انت ماعندك ذنب صاحبك ابسيكار دا ظنيتو فاطر طبيعي

دا ظني فيهو
بالمناسبة، عينك وقعت في ابوحسين؟ من يوم سؤاله عن الشي دا عيني وعينو ما اتلاقن؟

Post: #413
Title: Re: رد
Author: HAIDER ALZAIN
Date: 07-03-2014, 01:21 PM
Parent: #412

ابو حسين بيكون كسير الاصابعين نشف ريقو :)

بعدين انت قلت عندك رحلة ستستغرق اسابيع بالوسطى والشرقية ودي براها كفيلة بانه الناس دي كلها تفحط من هنا

يىخي ود المدير الفي البرتا من سمعك مسافر اتعوذ واتخارج بقينا نشوفو رهاب رهاب :)

يا الفحل..
اها زولك عاوز من ود الفكي شنو.. لانه احذرك واحذر الملياردير اذا ود الفكي واصل رحلته حتى الامارات - ودي النية - فصدقوني حاتشوفوا شعاع شعاع ..
ولا عذر لكم بحكاية نزلنا السودان او الدولاب وقع من ضهر الكرسي ..

Post: #414
Title: Re: رد
Author: محمد عمر الفكي
Date: 07-03-2014, 01:25 PM
Parent: #413

Quote: بعدين انت قلت عندك رحلة ستستغرق اسابيع بالوسطى والشرقية ودي براها كفيلة بانه الناس دي كلها تفحط من هنا

الشي سيل؟
يا ود الفحل والظهري
كلام حيدر دا اخدوهو على محمل الجد، انا ان وصلت هناك ياني الملحقكم حسين ديقول

Post: #415
Title: Re: رد
Author: معاوية المدير
Date: 07-03-2014, 10:40 PM
Parent: #414

Quote: يىخي ود المدير الفي البرتا من سمعك مسافر اتعوذ واتخارج بقينا نشوفو رهاب رهاب :)

كدي سويتو لي شنو في العمرة ؟.
يا ود الفكي عليك الله خلي التِضِهِب بالضاهري لا تبعزق
القريشات، أنا باقي عليكم تب. كجنت المليارديرات وأصبحت
مؤمن إيمان كامل بأنه يضع سرو في أضعف خلقو.
الوليد الشيخ وين ؟...

Post: #416
Title: رد
Author: محمد عمر الفكي
Date: 07-04-2014, 01:15 AM
Parent: #415

ود المدير
اوعي يكون حاسبني في اضعف خلقو ديل هههههههه
الوليد داير بيهو شنو؟
وليد دا مداح معانا

Post: #417
Title: Re: رد
Author: ALWALEED ALSHEIKH
Date: 07-05-2014, 10:29 PM
Parent: #416

Quote: يا اخي انت ووجيهك دا خلو عندكم شوية دم، ضاربين لي الساعة تلاتة دايرين تصحوني للسحور؟ ديكة انتو؟

أوسكار يا ود الفكي لكن حرام عليك ظلمت الديكة.
Quote:
كدي سويتو لي شنو في العمرة ؟.
الوليد الشيخ وين ؟...

موجود يا مدير تسأل منك العافية إنت بس أقطع تذكرتك و تعال عمرتك و فنادقك و إقامتك في مكة و المدينة و جدة كلها على و كان ماشالتك الواطة أشيلك فوق رأسي.

Post: #418
Title: رد
Author: محمد عمر الفكي
Date: 07-05-2014, 11:06 PM
Parent: #417

يا وليد
عليك الله توضح انه التزامك دا شخصي لا علاقة لنا به من بعيد او قريب.
انا شخصيا مسافر في مهمة عمل تتعاقب فيها طيارتي الراجعة مع طيارة ود المدير المغادرة لمطار الملك عبدالعزيز هههههههه

Post: #419
Title: Re: رد
Author: عزالدين عباس الفحل
Date: 07-06-2014, 09:02 AM
Parent: #418

يا رجالة ،
ود المدير باعوهو ،
حارقو السم ،
بيتغلب ،
،،،،

...

عزالدين عباس الفحل
ابوظبي
...

Post: #420
Title: Re: رد
Author: محمد عمر الفكي
Date: 07-06-2014, 09:30 AM
Parent: #419

Quote: يا رجالة ،
ود المدير باعوهو

ويشهد على ذلك الحمار الاخضر وبنطلون الجينز الازرق

ممكن اغنية مطار ابوظبي للاساتاذ الموسيقار طه سليمان؟

Post: #421
Title: Re: رد
Author: عزالدين عباس الفحل
Date: 07-06-2014, 10:59 AM
Parent: #420

Quote:

قرحطب فور برنقا
· طب الفاشر

ساس العروبه وعزه شندي و متمة دارجعل
صالب السيوف مابحزها شندي ومتمة دار جعل
القال قبيلتي بهزها بلقالو قول في دار جعل
شم الجبال مابلزها قول الشقي الحاسدجعل
....
''سحب السحاب وكتين يشيل شاف الكرم في دارجعل
برق البروق وكتين يكيل عاجبو الكرم في دارجعل
مطر المطور وكتين يسيل في الجود يقارب لي جعل
نيل السما البنزل بهيل اجواد وما بلحق جعل
......
اسالني مابسال طفيق من التواريخ في جعل
لوك الصبرماتكون شفيق واسمع غناي فوق دارجعل
سندالرهيف عون الرفيق نعم الارابيب في جعل
أكرم من المطر الدفيق شندي ومتمة دارجعل

قرحطب فور برنقا
· طب الفاشر
............ مشاهدة المزيد
رد · · ‏24 يونيو‏، الساعة ‏10:17 مساءً‏

...

عزالدين عباس الفحل
ابوظبي
...

Post: #422
Title: Re: رد
Author: عزالدين عباس الفحل
Date: 07-10-2014, 08:43 AM
Parent: #421

يا شباب ،
إتصل بي الآن ،
المهندس الفاتح حبيب ،
أبوظبي ،
وبيسلم عليكم فرداً فرداً ،
وقال ليكم رمضان كريم ،
تصوموا وتفطروا ع خير ،
أها سامع ،
يا حيدر الزين ،
،،،،

...

عزالدين عباس الفحل
ابوظبي
...

Post: #423
Title: Re: رد
Author: HAIDER ALZAIN
Date: 07-10-2014, 09:00 AM
Parent: #422

وعليكم السلام ورحمة الله وبركاته الباشمهندس الفاتح حبيب ورمضان كريم تصوم وتفطر على خير..

وينك مطول الغيبة يا هندسة :)

يا فحل وين قصيدة ود الكابس القلتها لي؟؟
انا بوست بتاع الجعلي الكضاب تاني ما بدخله الا اشوف رد ود الكابس شعراً .. والا بخلي ليك الارباب ناصر احمد الامين ينجضك وينشف ريقك

تحياتي

Post: #424
Title: Re: رد
Author: عزالدين عباس الفحل
Date: 07-10-2014, 09:29 AM
Parent: #423

HAIDER ALZAIN

...

ود الزين ما راجيني حليفة ،
الشاعر الكلس ،
محمد عبدالماجد ود الكابس ،
بقي فردة عديل ،
وأنا متواصل معاهوا ،
بالآيفون ،
ونظم فيك قصيدة ،
ح تكون مفاجاءة الموسم ،
القصيدة خطيرة ،
ما بقدر ،
ما بقدر
ما بقدر ،
أقولها ،
،،،،

...

عزالدين عباس الفحل
ابوظبي
...

Post: #425
Title: Re: رد
Author: ALWALEED ALSHEIKH
Date: 07-10-2014, 01:25 PM
Parent: #424

Quote: الشاعر الكلس ،
محمد عبدالماجد ود الكابس ،
بقي فردة عديل ،
وأنا متواصل معاهوا ،
بالآيفون ،
ونظم فيك قصيدة ،
ح تكون مفاجاءة الموسم ،
القصيدة خطيرة ،

يا مك سلام
لازم تنزل لينا قصيدة ود الكابس هنا على الأقل تاني نقدر نفاخر و نقول عندنا واحد صاحبنا نظم فيهو شاعر الجعليين المشهور ود الكابس قصيدة بس يا مك ما وريتنا القصيدة مدح و لا فخر و لا كيف باقي زى ماعارف حيدر ده جعلي أصلي.

Post: #426
Title: Re: رد
Author: عزالدين عباس الفحل
Date: 07-10-2014, 01:45 PM
Parent: #425

يا مك
ود الشيخ القصيدة بكل آسف هجاء
لكن ود الزين دخل التاريخ من أوسع الأبواب
يعني في كل لقاء فني مع ود الكابس
الناس ح تطلب قصيدة حيدر ود الزين
بعدين بعد إلحاح شديد
دخلوا اسمي في القصيدة
لزوم الشهرة
بيقول المقطع
ود الفحل الساكن ابوظبي
اهدي نحن عارفين العوجة
والعادانا بنسويهو مرقة
لكن ما تقول لي دخل اسم ود المدير
أو ود الفكي
ديل عايزين قصيدة براهم
شكرا يا مك

***
مداخلة من الايفون

عزالدين عباس الفحل
ابوظبي

Post: #427
Title: Re: رد
Author: HAIDER ALZAIN
Date: 07-10-2014, 10:41 PM
Parent: #426

Quote: ود الشيخ القصيدة بكل آسف هجاء

ههههههههههههههه

يا فحل هسع بالله عليـك خاتي وردة تبتبت بي فوق شان تجي تجيبلك خبر شتيمة
انت عارف انه الهجاء يعني شتم والا ماكا عارف ..
وود الكابس مالو بيهجي ويشتم عشان مارضعت معاهو لبن الطيــر والا شان ما ساعدتهم في حراتة السماء..
قولوا خلاص مايزعل وقت يحصد بساعده في ربيــط كواليــق القصب فوق ..
بس أهم شئ يفك صرار ضرعات الطيـر شان غيرهم يرضعوا ..

عاين لي جاي انا مادايروا يدخل ود المدير او ود الفكي وود الشيـخ بس في ذمتك ممكن اهديهو صورة ابو الميم مع الدولاب الظهري او البتيخة يحشرها لينا في صحن مرقـة

Post: #428
Title: Re: رد
Author: معاوية المدير
Date: 07-10-2014, 11:25 PM
Parent: #427

Quote: ***
مداخلة من الايفون

اتاريها ما مكتوبة بالظهري !!!.

الظهري تنقطع عيشتو،
بركة اللآ نام لا أكل الطعام...

Post: #429
Title: Re: رد
Author: سليمان القرشي
Date: 07-11-2014, 02:03 AM
Parent: #428

تدافرو للصفحة العاشرة ومامرق من
ودالفحل يتيما ممسح ها ناس حرم
زمنكم دا كان زرعتو جرير بس كان
لي هسي ايفوناتكم وكراسيكم
الدوارة ماتدي الدرب

Post: #430
Title: Re: رد
Author: عزالدين عباس الفحل
Date: 07-11-2014, 12:13 PM
Parent: #429

ود الزين القصيدة رغم أنها هجاء
لكنها حسنة الديباجة مصقولة جيدا
بصراحة يا ود الزين دخلت التاريخ من أوسع الابواب
انت اول زول في عالم سودانيز اون لايص
ينظمو فيهو قصيدة كاملة
عارفك ح تحس بالفخر والزهور
افتكر ناس كثيرة عرفت القصيدة
شوف الفيس بوك
وانا ذاتي دخلت معاك
بس ناس ود المدير . ود الفكي .ودالشيخ
دايرين بأي طريقة ينزلوا أسماءهم في القصيدة
أكرر شوف الفيس بوك
بعدين يا ود الزين مالك و مال ود الكابس
في زول بخش للأسد في عرينو

***
مداخلة من الايفون

عزالدين عباس الفحل
ابوظبي

Post: #431
Title: Re: رد
Author: محمد عمر الفكي
Date: 07-13-2014, 10:22 AM
Parent: #430

ود القرشي
شكلك ما سمعت بالحزب حقنا

Post: #432
Title: Re: رد
Author: عزالدين عباس الفحل
Date: 07-13-2014, 10:53 AM
Parent: #431

يا مك
ود الشيخ القصيدة بكل آسف هجاء
لكن ود الزين دخل التاريخ من أوسع الأبواب
يعني في كل لقاء فني مع ود الكابس
الناس ح تطلب قصيدة حيدر ود الزين
بعدين بعد إلحاح شديد
دخلوا اسمي في القصيدة
لزوم الشهرة
بيقول المقطع
ود الفحل الساكن ابوظبي
اهدي نحن عارفين العوجة
والعادانا بنسويهو مرقة
لكن ما تقول لي دخل اسم ود المدير
أو ود الفكي
ديل عايزين قصيدة براهم
شكرا يا مك

***
مداخلة من الايفون .

...

عزالدين عباس الفحل
ابوظبي
...

Post: #433
Title: Re: رد
Author: عزالدين عباس الفحل
Date: 07-13-2014, 10:55 AM
Parent: #431

ود الزين القصيدة رغم أنها هجاء
لكنها حسنة الديباجة مصقولة جيدا
بصراحة يا ود الزين دخلت التاريخ من أوسع الابواب
انت اول زول في عالم سودانيز اون لايص
ينظمو فيهو قصيدة كاملة
عارفك ح تحس بالفخر والزهور
افتكر ناس كثيرة عرفت القصيدة
شوف الفيس بوك
وانا ذاتي دخلت معاك
بس ناس ود المدير . ود الفكي .ودالشيخ
دايرين بأي طريقة ينزلوا أسماءهم في القصيدة
أكرر شوف الفيس بوك
بعدين يا ود الزين مالك و مال ود الكابس
في زول بخش للأسد في عرينو

***
مداخلة من الايفون

...

عزالدين عباس الفحل
ابوظبي
...

Post: #434
Title: Re: رد
Author: HAIDER ALZAIN
Date: 07-14-2014, 12:04 PM
Parent: #433

الفحل السنة دي ما جايي مكة انت والمليارديـر والا شنو :)

Quote: أكرر شوف الفيس بوك

يآخي كل مرة بمشي اتاوق في الفيس بوك وما شايف حاجة ..
ما تتعبنا معاك برانا عطشانيين وطفشانيين لو قاصد رقم حوالة الويسترن رسلها من الايفون على الجلاكسي وخلاص

Post: #435
Title: Re: رد
Author: معاوية المدير
Date: 07-14-2014, 12:19 PM
Parent: #434

Quote: يآخي كل مرة بمشي اتاوق في الفيس بوك وما شايف حاجة ..
ما تتعبنا معاك برانا عطشانيين وطفشانيين لو قاصد رقم حوالة الويسترن رسلها من الايفون على الجلاكسي وخلاص

يآخي تاوق، إنت خسران شنو ؟.

كدي خليهو يجيب القصيدة هنا، واللآ لو إنت لقيتا جيبا هنا
عشان أمعطو ليك هو والشاعر بتاعو بوآحدة زي بتاعت
فتاة وادي السيليكون اخلي رويساتُن زي المراوح.
امممممممممأ وا...

Post: #436
Title: Re: رد وين الفيسبوك يا فحل ؟؟
Author: HAIDER ALZAIN
Date: 07-14-2014, 12:24 PM
Parent: #435

ود المدير .. الفحل حِرة رمضان دي مافارقة معاهو... شكلو راكب الكرسي الدوار ويمزمز في السفرجل والحرجل والبنجر .. ويقولك شوف الفيسبوك..

القصيدة دي باقي لي حا تبقى زي دولارات الملياردير..
غايتو كان راجينها عشان بعدين نشوف ابداعاتك المابتغبانا ومربوعيت ود الفكي.. هييييع

Post: #437
Title: Re: رد وين الفيسبوك يا فحل ؟؟
Author: محمد عمر الفكي
Date: 07-14-2014, 12:36 PM
Parent: #436

واحد من كبار شعراء البطانة بتاعين الدوبيت قال لي والله يا ولدي الشاعر لو ما كان مفلس اصلو ما بعرف يغني ولو لقيت لك في جيب غناي 10 جنيه دا اعرفو مدعي غنا ساهي
فشنو
تحسسو جيوبكم

Post: #438
Title: Re: رد وين الفيسبوك يا فحل ؟؟
Author: عزالدين عباس الفحل
Date: 07-15-2014, 10:40 AM
Parent: #437

يا شباب لدواعي كثيرة ،
والأيام دي المنبر مولع نااااار ،
إيش رايكم نحول قصيدة ،
حيدر الزين ،
من هجاء وذم الي مدح وفخر ،
لانو الموضوع إستثماري بحت ،
ممكن نلقي فنان ،
وملحن بارع ،
والقصيدة تدخل عالم الغناء ،
والعداد بيرمي ،
طبعاً لحيدر الزين ،
مش فكرة ،
،،،،

...

عزالدين عباس الفحل
ابوظبي
...

Post: #439
Title: Re: رد وين الفيسبوك يا فحل ؟؟
Author: محمد عمر الفكي
Date: 07-15-2014, 11:33 AM
Parent: #438

Quote: ممكن نلقي فنان ،
وملحن بارع ،
والقصيدة تدخل عالم الغناء ،
والعداد بيرمي ،
طبعاً لحيدر الزين ،
مش فكرة ،

ههههههههههههههههههههههههههههههه ياخي قطعت مصاريني بالضحك
قسماً بالله لف ولف ولف ورجع لمديحي
يا حيدر
مقاس كرعيك كم عشان نشوف لك مركوب
بالمناسبة المقترح اعلاه نعي رسمي لاحلام العشرة الف دولار

Post: #440
Title: Re: رد وين الفيسبوك يا فحل ؟؟
Author: عزالدين عباس الفحل
Date: 07-15-2014, 12:21 PM
Parent: #439

محمد عمر الفكي

...

يا خي إنت بصراحة حيرتني ،
قبل كم يوم مش أنا ضربت ،
ليك تلفون الساعة ثلاثة صباحاً ،
وما رفعت السماعة ،
ورديت علي بمس كولات .
صااااااح .
أعمل ليك شنو ؟
بصراحة بتفوت فرص ذهبية ،
زي كأس العالم ،
وبرضو ضربت في نفس اللحظة ،
لـ ود الزين ،
برضو مارفع السماعة ،
الظاهر عليهو ،
ما قاعد يسحر ،
يا جماعة .
يا جماعة .
ليلة القدر .
ما بتجي بالنهار .
يا ود المدير ،
أفتي ،
يا خي ،

،،،،

...

عزالدين عباس الفحل
ابوظبي
...

Post: #441
Title: Re: رد وين الفيسبوك يا فحل ؟؟
Author: عزالدين عباس الفحل
Date: 07-22-2014, 12:46 PM
Parent: #440

.

Post: #442
Title: Re: رد وين الفيسبوك يا فحل ؟؟
Author: عزالدين عباس الفحل
Date: 07-23-2014, 10:43 AM
Parent: #441

يا شباب ود الزين ،
إستلم هسة القصيدة ،
ع الواتساب ،
وكمان بصوت الشاعر ،
ود الكابس ،
،،،،،،

...

عزالدين عباس الفحل
ابوظبي
...

Post: #443
Title: Re: لعناية حيدر الزين، معاوية المدير والفحل
Author: عزالدين عباس الفحل
Date: 09-21-2014, 04:54 AM
Parent: #1

.