Post: #1
Title: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 01:09 AM
كانت بداية هذا البوست سببها اكلة ملاح ( خالدي )
كما كان يحلو لجدي محمد سعيد القباني تسميته
اكلته ... و راحت مني روحي ... تجول بين ازقة ودأرو ...
و بين زمان ليته يعود ...
كتبت ما احسست به وقتها ...
ولكن اتي اخي بكري و مسح الكلام لظروف فنيه شرحها لي و قبلتها ...
و الان و الحمد لله حلت المشكله ... و لكن ما كتبته راح ... و لا يعود ابدا ما كتب باحساس في وقته ...
|
Post: #2
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: HAYDER GASIM
Date: 11-02-2013, 01:14 AM
Parent: #1
يا الله ... يا ... قباني,
تقديم ملهم لحكاية ... يبدو أنها آثر,
كدي نسمع ... ونجي صادين نتكلم
|
Post: #3
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 01:17 AM
Parent: #2
|
Post: #4
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 01:23 AM
Parent: #3
Quote: يا الله ... يا ... قباني,
تقديم ملهم لحكاية ... يبدو أنها آثر,
كدي نسمع ... ونجي صادين نتكلم |
حيدر يا صديقي ...
جلسة في ( حِجِر ) جدي .. يمسكني بيده اليسري ...
و يطعمني بيمناه كسره معجونة في ملاح الخالدي ...
في حوشه الامامي ... في ودأرو ...
لحظة يا حيدر تسوي الدنيا و ما فيها ...
|
Post: #5
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 01:30 AM
Parent: #4
حينما يعود بي الزمن و اتذكر حبيبات الصبا و الشباب ...
ابتسم ... فكلما جعلت اشحذ في ذاكرتي ... لتفاصيل الكلام ( الدقاقه ) ...
و اترجاها لأتذكر تفاصيل الهوي ...
تخونني ذاكرتي و تأخذني الي هوي آخر ...
فكل حبيباتي الان هو السودان !!!
|
Post: #6
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 01:58 AM
Parent: #5
جلست معها في رملة الشيطة في الجريف ...
كان الجميع يلهو و يلعب ...
منهم يسبح ... و منهم من يركض ...
وكنا انا و هي ...
نرسم علي القيفة ... نرسم قلوباً ... عليها اسهم ...كثيرة ...
كانت تداعبني ... و تكتب اسمي علي راس السهم ...
ثم تكتب اسماء لعدة فتيات ... في الطرف الآخر من السهم ...
و تبدأ باللعب ... و تغمس بنانها بين تلك الاسماء .. قائله ...
يا ايدي ... شيليني .. ختيني ...
لا ادري اين هي الآن ...
و لا اذكر ما هي تلك الاسماء التي كتبتها علي طرف السهم ...
و لكني اعرف تماما ان القلب المرسوم ...
في مخيلتي الآن ... يشبه خارطة السودان ( الكاملة ) ...
|
Post: #7
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: Balla Musa
Date: 11-02-2013, 02:04 AM
Parent: #6
سلام ياباشا
الشجن لما غلبك قلت احسن توزعو على المشتتين في أركان البشيطة؟
|
Post: #8
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 02:21 AM
Parent: #6
اما تلك ...
فهي حكاية غير كل الحكايات ...
كانت حلتنا حلة رجالية ...
لا تري فيها بنات ... الا وقت الذهاب الي المدرسة ...
و كن حينما يخرجن ... يخرجن سوياً ... و كنت اضحك وانا اراهن مسرعات ...
لا ادري ان كانت السرعة ستخفيهن عن اعين المارة ... و لكنه الخجل ..
الي ان اتي ( جيرانا الجداد ) ... و اتت معهم ست الحسان ...
لا انسي تلك العصرية ... ونحن في ميدان الكورة ... اتتنا علي دراجة ...
و هي ترتدي بنطلون جينز !!!!
في حلتنا امرأه ؟؟؟؟
دارت بدراجتها في رحلة استكشافيه للحلة ...
و ذهبت ... وذهب معها 22 قلبا زائدا الاحتياطي !!!
التقيت بها بعد سنين ... و كنا في حفل في الملازمين ..
و كانت كما هي ... جمال و بهاء ...
كنت وقتها اكتب ( مجتهدا ً ) في جريدة الأيام بعد الانتفاضة ...
كتبت موضوعاً عن ايام عمر محمد الطيب و جهاز الامن ...
احدث رواجاً لا بأس به ...
لمحتها بين الجميلات ... وكانت كانها القمر و سط النجوم ...
لم اعرف ان كانت ما زالت تتذكرني ...
لم تنظر الي ... وانا فشلت في ان لا انظر اليها ...
و عند النهاية ... والكل خروج ... قصدت ان اكون قريباً منها ...
لا ادري لماذا ... ربما لكي اشتم من عبيرها ؟
و اذا بكف يدٍ ... حار و حائل ... يمسك بيدي ...
و همست لي في أذني ... قائلة ...
قرأت موضوعك ... ممكن اشوفك لو بتقدر ؟
لم اراها ... حاولت ... ولكني لم اراها ...
احاول الآن ان استرجع ذاكرتي لاشتم ذلك العبير ...
فلا يملأ انفي الا عبق الدعاش ... بعد مطيرة عصرية ...
في حوش جدي فيك يا امدرمان ...
|
Post: #9
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 02:25 AM
Parent: #8
Quote: سلام ياباشا
الشجن لما غلبك قلت احسن توزعو على المشتتين في أركان البشيطة؟ |
بله يا صديقي ...
الشجن لما يوجع القلب ...
بيمرق الكلام ...
و انا حبست كتير ... و ما قادر ...
داير توجع قلبك معاي خليك قريب بس ...
|
Post: #10
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: HAYDER GASIM
Date: 11-02-2013, 02:26 AM
Parent: #5
أمدر ... خاصرة وطن جدير بأن يكون,
في صحفة باكرة من تصاريف السودان على
طريق المدينية, كنا نحن أهل الريف المجاور,
نتطلع إلى أمدر, بإعتبارها قبلة الحضارة ومرتع
الصبا السوداني, ربما لم نكن هناك تحديدا, لكنا
كجل أهل السودان, رموا بخيامهم على تخوم
غرة السودان , أمدرمان, فإنعصر السودان العريض
إلى حيث فوهة الحياة القومية الحديثة, فكان التاريخ
حاضرا, وكانت الجغرافيا بسطا مثيب, وكأن كل القوم
أسرة واحدة , وكأن كل السودان هو أمدرمان. فهي أيام
تغزرت على ظلالها معاني الوصل الطبيعي بين أهل
السودان.
أمدرمان هي رحم السودان, وهي ثديه اللابن العصور
ويا ود أرو ... حقي ما تودرو,
يحي ... واصل حكيك الجميل
|
Post: #11
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 02:42 AM
Parent: #10
Quote: أمدرمان هي رحم السودان, وهي ثديه اللابن العصور
ويا ود أرو ... حقي ما تودرو,
يحي ... واصل حكيك الجميل |
حيدر يا جميل ...
يعطي كل سوداني نفسه الحق ان ينسبها الي منطقة من مناطق السودان ...
فهذا من الجزيره ... وذاك من الغريبه ... وهؤلاء من سنكات ...
و حينما نقول نحن من امدرمان ...
يقولون امدرمان و ( اذاعتها ) فعلت ... و سوت ... و حرمت
امدرمان ... و شعرائها قفلوا الطريق علي ... و علي ...
و انا اقول ... كما قال البديع ابن حي العرب عبدالله محمد زين ...
أنـا أم درمـَــان لِسـَـــان حالـــك أريتــــك تدري بي حـَـــالي
أنـا الــقــــدرت أحــــــــوالــــك و حبــــك بـــــدري أوحالي
أقـــــــوم بـــي أعــــظـم الأدوار و أكــــون الساحة للثـــوار
وأبــقى البقعة للأحــــــــرار و أمثــــــل عــــزة الســودان
سنواصل يا صديقي ...
|
Post: #12
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 03:00 AM
Parent: #11
كشف حالي اسماعيل حسن ...
لما خلي وردي يقول ...
وحياة صمتِك إنتِ و حاة الشامة
الشامة الفوق خدِّك نايمة دليل و علامة
تزيد حُسنِك بهجة .. تزيدُه وسامة
وحياة أجمل ريد في الكون يا حمامة...
شامه في خديدها ...
كنت اخفيها من كل الناس ...
شامة ...سبحان الخالق في من خلق ...
وضعت في مكان ... لو خيروها لما اختارته بهذه الدقة ...
كنت اتحدث عن كل شئ ... و انكر الشامة ...
و كأنها خلقت لي وحدي ...
لو ابتسمت ... تضحك الشامة ...
لو ( عصّبت ) ... وما اجمل العصبية فيها ...
تضحك ( عليها ) الشامة ...
اذا غضبت ... فتنتها الشامة و حدثتني و افشت الخبر ...
كنت اذا اردت التجوال في دواخلها ... تسللت من تلك الشامة ...
و كأنها طاقه يسرها لي المولي لمعرفة اسرارها ...
راحت السنين ... و معها راحت الذكريات ...
تري هل هي في الخد الشمال ؟؟ ... ام اليمين ... ؟
الم اقل لكم ان الذاكرة تعاندني ؟
|
Post: #13
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 04:48 AM
Parent: #12
مريت علي بيتهم ...
انا و اخوها ماشين ندوة .. وليلة شعرية
جاتني طايره ... اخوها كان في الحمام لسه ...
و قالت لي ياخ انت حتفهم متين ...
انت ما عارف انو انا ( بريدك ) ...
قلت ليها و انتي عارفه ريدتي ليك
زي أختي و اكتر ...
قالت لي ( وهي زي زعلانه ) ... قلبك مشغول بي فلانه ... انا عارفه !!
قلت ليها ... فلانه؟ ياخ دي اكتر من أختي !!!
ضحكت و قالت لي و هو انت اصلو عندك كم اخت؟
و قلبك ده يعني مشغول بي شنو و مشغول بي منو ؟
خلاص حب البلد ما خلي فيك فرقه تحبنا بيها ...؟
جننتونا انت و أخوي ...
قلت ليها كدي خليكي من الكلام ده ...
تتذكري و انحنا سُغار ...
كنا انا وانتي و اخوك نسُك ابو الحداد من حفره لي حفره ... ومعانا بكرة خيت
سارقنها من مكنة الخياطة حقة امك ...
نشرك ليهو بالخيت ... وزي العوير يمسك في الخيت و يجي مارق !!!
ضحكت ... و سرحت بعيد ...
قلتليها ... طيب فلانه .. التهمتيني بي ريدتها ... تتذكري انا وهي و اخوانها الاتنين
كنا ندخل بالسرقه لي بيت ناس فلان ... كان عندهم شدر حنة كتير في حوشهم الورا ...
كنا نمسك الكدندار و نربط كرعينوا بالدوباره هو يطير و انحنا طايرين بي وراهو .. ؟
ضحكت و قالت لي اي والله متذكره... ياخ دي ايام رهيبة...
قلت ليها طيب ... الحفرتين الفي دقني ديل متذكراهم؟
قالت لي ... اييييك ياخ ... ما تذكرني ... وشك كان كلو دم ... لما اتكسر بيك سلم الخشب
وانت طالع راس البيت تجيب الكوره الشاتها اخوها !!!!
قلت ليها طيب ... عليك الله كان انتي كان هي ...
انتو عارفين كل الكلام ...
اها لو حبيتكم ... احكي ليكم شنو ؟
|
Post: #14
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: رشا سالم
Date: 11-02-2013, 08:07 AM
Parent: #13
| Quote: اها لو حبيتكم ... احكي ليكم شنو ؟ |
رد دبلوماسي
متابعين ..
|
Post: #15
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 05:17 PM
Parent: #14
Quote: رد دبلوماسي
متابعين .. |
يا دكتورة مشتاقين ...
تعرفي دائماً كنت اقول ان كلمة دبلوماسية جاية من اصل لاتيني ...
و الكلمة العربية المرادفه هي الاستهبال :)
يا دكتورة ... حبيبنا مالو ما سامعين منو بي جاي ..
|
Post: #16
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 05:38 PM
Parent: #15
Quote: Ahmed Elhaj
الاخ الاستاذ يحي سلامات ياخ بي بساطة كدة ليك طلب اخوي ياخي بي كتابتك الطاعمة دي ماتكرب لينا بوست عن الاستاذ الباشمهندس صاحب الصوت الرخيم الانيس هاشم ميرغني
ياريت تمتع قرائك من سكان اقصي خلف المدرجات او الصامتون. اتخيل لي بوستك بتاع امدرمان دة خلاني متأكد من انك اصح زول للمهمة المقدسة دي.
ارقد عافية ياحبيب,,,
* اعذر اخوك لو في اي obtrusion
رد · · منذ 11 ساعة |
اخونا أحمد الحاج ...
وهل يجوز ان اكتب انا عن هاشم ميرغني رحمه الله ...
و العزيز نادر الفضلي بيننا ؟؟؟
لك الوعد يا عزيزي ان استكتب ود الفضلي ...
فهو يعرف الكثير ... ويحمل الكثير من الدرر ...
وانا لن اقصر بيما اعرفه و بما املكه من اعمال ايضاً ...
|
Post: #17
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 06:01 PM
Parent: #16
نزول الامطار له طقوسه في بيتنا في امدر ....
و له مشاكله الكثيرة ... فالارض حجرية ...
و لا تشرب ارضه موية المطر كبقية المناطق ...
التصريف بدائي جداً ...
فيكون الاعتماد علي ( الغرف و الكشح ) وخلافه ...
البيوت حتي ما بُني بالطوب ... فسقوفه ( عقِد ) ...
مراين خشب و طوب و طين ...
احتمال التسريب وارد مع كل مطره ...
لذلك اعمال الترميم لازمة قبل موسم الخريف ...
علي التوازى ... حينما كنا صغاراً ... و عندما تهطل الامطار ...
نكون محصورين داخل البرندات تحسبا لاي مشاكل من هدد .. اوالوقوع داخل بلاعة ...او انهيار ابار و خلافه ...
و يحلو السمر لو كانت المطره من الامطار العنيفة و التي تستمر لساعات و ساعات ...
كانت الوالدة رحمها الله تنشط كثيرا في ذلك الوقت ...
فتراها بدأت في عجن اللقيمات ... وكت العصرية ...
و شدت كفتيرات الشاي ...
كفتيرة للشاي الساده ...
كفتيرة مخصصة لشاي اللبن الخالص ...
ما نلبث ان نبدأ في شرب الشاي مع اللقيمات الحاره ... عسلا كان معها او سكرا لا يهم ...
حتي تبدا الحاجة انار الله قبرها ... في السؤال ...
قائلة يا اولاد ... انا حأجهز عصيدة دخن لي جدكم و للحاج ابوي للعشا ...
اعمل ليكم ولا دايرين شئ تاني ؟ ...
رغم علمها التام اننا من عشاق عصيدة الدخن ... ولكن ديموقراطيتها المعهودة ...
لابد من اعطاءنا الخيار ... رغم ان البديل واحد ... وهو الشعيرية باللبن !!!
كان جدي ووالدي من عشاق اكل عصيدة الدخن... و مديدة التمر ... مع السمن البلدى ...
الآن اتانا زمن الكولسترول ... و الكالوريز .... وووو
قسما برب العزة ... كنا ناكل كورة العصيدة ... مع اللبن و العسل ...
و ترتفع درجة حرارة الجسم .. حتي تكاد تري بوخ حولك ...
لو حسبت كمية السعرات في تلك الكورة ... لوصلت لموسوعة غينيز للأرقام العالمية ....
آآآآه يا امدرمان...
أشواق كتيره الدموع شهـــوده
و للمنام العيـــون زهـــــــــوده
|
Post: #18
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 06:18 PM
Parent: #17
اسماء البنات كانت محدودة زمان ...
الان علي كل لون و كل شكل ... و في اعتقادي زادت جمالاً و تنوعاً ...
ولكن كمان قلة العدد كان له مميزاته ...
زمننا و انحنا شباب ... كنا اذا رأينا بنية جميلة ...
ارتبط اسمها بالجمال ...
و بالتبعية ... لو قيل لك ان هناك ناس فلان بنات خالاتهم جو من مدني او من بحري او خلافه ...
لو عرفت ان اسم واحده منهن فلانه ...
تجزم تماما انها آية من الجمال ... لأرتباط اسمها بتلك الجميلة في حلتكم ...
لو رجعتوا لهذه النظرية ... تجدونها حقيقة ...
انا شخصيا ارتبط اسم ( بدور ) عندى بالجمال ... و لم تصادفنى ( بدور ) واحده اقل جمالاً من البدرِ ...
|
Post: #19
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: وضاحة
Date: 11-02-2013, 07:45 PM
Parent: #18
يا سلاااااااااام يحي
ياريت الزمن الجميل يرجع تانى
|
Post: #20
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-02-2013, 10:52 PM
Parent: #19
Quote: يا سلاااااااااام يحي
ياريت الزمن الجميل يرجع تانى |
انا بخير و لله الحمد يا وضاحة ...
انتي كيف ؟
يا دكتورة الزمن الجميل البرجعو منو ؟
و القبح بقي هو الغالب ...
الناس نفوسها طيبه و جميله ...
لكن ما يرونه امامهم من قبح و قمع ... سرق من عيونهم الجمال ...
|
Post: #21
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-08-2013, 06:17 AM
Parent: #20
|
Post: #22
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-08-2013, 06:20 AM
Parent: #21
يا قطار الشوق ده ليل الغربة فيهو ودار
متين تسرع متين بتكمل المشوار
عشان ما نلقى سيد الناس و نطفى البينا من النار
نشوفو عيونو نعسانة و لونو الزاهى كلو نضار
|
Post: #23
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-08-2013, 06:22 AM
Parent: #22
يا قطار الشوق حبيبنا هناك يحسب فى مسافاتك
و لو تعرف غلاوة الريد كنت نسيت محطاتك
وكان بدرت فى الميعاد و كان قللّــتَ ساعاتك
و كان حنيت على مرة و كان حركت عجلاتك
|
Post: #24
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-08-2013, 06:31 AM
Parent: #23
كم قلب كان يحمل الشاعر الأتبراوى البديع علي محجوب فتح الرحمن ؟
و هل كان يعلم انه سيأتينا زمن نتشرد فيه بالملايين ...
و ان قطار شوقه ... سيجعل قلوبنا تنزف دماً ...
و نحن نتوق لرشفة الماء من نيل البلد ... و لجلسة تحت ظل نيمة وريفه في نهاره الحار ...
كلمات تتحدث بلسان ملايين السودانيين ... فلله درك يا مهندس ...
|
Post: #25
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-08-2013, 06:47 AM
Parent: #24
و نحن في سن الشباب
كنا نفرح ببيوت ( البكيات )... رغم حزن الجميع !!!
فهي الفرصه الوحيدة التي تفتح لنا ابواباً في استراق النظر الي الحسناوات ...
كنا نتنافس في المرسال الي حوش ( النسوان ) لتوصيل صينية قهوة ... او جلب صواني الغداء ...
اما لو كانت لك حبيبة ... و كانت من ملازمي العزاء ... فهي ليلة القدر ...
هي تقصد ان تخرج من باب خلفي علي الزقاق ... لتراك للحظة لا تفوت الدقيقة ...
تلك اللحظة كانت تساوي الدنيا و ما فيها ...
و انت تتحين الفرص لدخول الحوش ( الممنوع ) ... و تري صديقاتها يتغامزن ...
و انت تلبس ثوب الجدية ... و قلبك يرتعد ... و تبحث عنها بحذر ...
راحت الايام ... و راحت اسماء معها ...
و بقي محفور في الذاكرة بعض نظرات ... وبعض لمسات ... و نصف ابتساماتٍ خجوله ...
|
Post: #26
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: Osman Musa
Date: 11-08-2013, 02:20 PM
Parent: #1
ياخ مالك ؟
يعني الا بس الوأحد يطير ويدق الدلجة ؟
..
ربنا يرحمك يا هاشم ويرحمنا
|
Post: #27
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-08-2013, 04:39 PM
Parent: #26
Quote: ياخ مالك ؟
يعني الا بس الوأحد يطير ويدق الدلجة ؟
..
ربنا يرحمك يا هاشم ويرحمنا |
عثمان ياخوي ...
باقي لي كبرنا ... و الجرسة حصلت من كتر البعاد ...
كنت قايل روحي احترفت الهجره و التشرد ...
لكن البلد العجيب داك فيهو شي ما عندو اسم و لا بعرف هو شنو بس بيقعد يزن ليك في راسك كده ...
و يقعد يذكرنا جنس الكلام العجيب القالوهوا اعمامنا و اجدادنا ...
و الله زي ما قلت الله يرحمهم .. ويرحمنا معاهم ...
|
Post: #28
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: محمد أحمد الريح
Date: 11-08-2013, 11:38 PM
Parent: #27
Quote:
لكن البلد العجيب داك فيهو شي ما عندو اسم و لا بعرف هو شنو بس بيقعد يزن ليك في راسك كده ...
|
هى زنزنة وبس !!
لك التحية أخ يحى
|
Post: #29
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-09-2013, 08:09 PM
Parent: #28
Quote: هى زنزنة وبس !!
لك التحية أخ يحى |
يا سعادتك ...
حكومة الهنا دي عامله زي الزول الغريب الجاي يعرس حبيبتك ...
واقف بينك و بينها ... لا هو بيعرفها ... لا بحس بي نبضها ...
|
Post: #30
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-09-2013, 08:14 PM
Parent: #29
Quote: عمر ادريس · الأكثر تعليقا · Philadelphia, Pennsylvania
مين يصدق يا أستاذ يحى أن ماتحكيه بهذا الطعم الامدرمانى اللطيف أصبح ذكريات ؟ هزانى كلامك والله ونحن شرفنا البقعة من الريف وبعد قليل - فى البرهة - لفظتنا البقعة إلى أطرافها ولحسن الحظ اصبنا شيئا ما من ثمر شجرها وبناتها واصبحنا معكم فى الوجد بها ومنها وإليها أنداد . واصل يا أخى دا حديث جميل وأنيق |
عمر ادريس يا جميل ...
زى ماقال صديقي حيدر قاسم ...
وكأن كل السودان هو أمدرمان. فهي أيام
تغزرت على ظلالها معاني الوصل الطبيعي بين أهل
السودان.
أمدرمان هي رحم السودان, وهي ثديه اللابن العصور
فيا صديقي فلنتمسك بما تبقي من ذكريات ... قبل ان ينتهي بنا الزمان ...
|
Post: #31
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-10-2013, 00:44 AM
Parent: #30
لسه بتذكر عمنا اسماعيل خورشيد يجي ماري بالحله ...
بنطلون و قميص ابيض ... و النضاره البيرسول السودا ...
استاذي و صديقي الاستاذ هاشم صديق كان يقول لي كنا لما نجي مارقين
من الاذاعه انا و عبدالكريم قباني و ليلي المغربي ... لو كان قدامنا حسن عبد المجيد و اسماعيل خورشيد
كنا نبطئ المشيه لأنو ما بنتجرأ نمشي قدامهم !!!
بهجة حياتي تلامس الوتر المفرهد !!!
|
Post: #32
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-11-2013, 00:29 AM
Parent: #31
في شبابنا ... كان الغالب التحفظ ... في كل شي ...
اقصي آمالنا نظره ... او ابتسامه ...
ولو بقت كلمة او اتنين ... القلب يوجعك شهرين ...
كنا ... معشر العُشاق ... نتلملم ... لما يغلبنا الشوق ... وتغلبنا الحيله ...
نسرح بالخيال ونقعد ندندن بكلمات عمنا عبيد عبد الرحمن
ولحن الكروان كرومه ونقول ...
القوام معدول ...
الوريد كالدمية والأسيس مسدول
الكتيف مهدول
بعضه نام فوق بعضه تقول حرير مجدول
أجثو ليهو مَثول
علّي أنظر حسنه أقبّل المعسول
|
Post: #33
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: أمير محمد ادريس
Date: 11-11-2013, 00:45 AM
Parent: #32
يشهد الله يا حبيب إن بوستاتك جميله وراقية يا راقي
كل عام وإنت بألف خير يا هندسة
|
Post: #34
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: حسين نوباتيا
Date: 11-11-2013, 05:12 AM
Parent: #33
ياعمدة بوست متعة - قعّدت الكلام ومتعت الجماهير...
ربنا يعجله خفيف على العمدة الكبير:)
Quote:
انا شخصيا ارتبط اسم ( بدور ) عندى بالجمال ... و لم تصادفنى ( بدور ) واحده اقل جمالاً من البدرِ |
احد اصدقائي في الابتدائية كان اسمه جمال وهو شيطان مصور لا توجد في وجهه و لا راسه حتة لا توجد بها علامة ضربة
او حرقة او عاهة . سنونه كانت دائمة غائبة عيونه دائمة الاحمرار ... اتانا استاذ جديد ولسبب ما نده اسم جمال فصاحبا قام على حيله
الاستاذ طلب منه الجلوس ونده مرة اخرى فقام صاحبنا مرة اخرى فاتاه الاستاذ وبدأ يتفحصه ويحرك في وجهه ذات اليمين والشمال
وسأله مرة اخرى انت اسمك جمال؟ فاجابه صديقي بزهو وبصوت عالي نــــعم !! الاستاذ قال ليهو اها دا بمقياسنا نحن البشر ولا مقياس
مخلوقات تانية:)
|
Post: #35
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-11-2013, 05:44 AM
Parent: #34
Quote: يشهد الله يا حبيب إن بوستاتك جميله وراقية يا راقي
كل عام وإنت بألف خير يا هندسة |
امير محمد ادريس ...
مشتاقين يا صديقي ...
و انت واسرتك بألف خير و سلام يا حبيب ...
|
Post: #36
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-11-2013, 05:45 AM
Parent: #35
Quote: ياعمدة بوست متعة - قعّدت الكلام ومتعت الجماهير...
ربنا يعجله خفيف على العمدة الكبير:)
|
نوباتيا يا ملك ...
متّع الله ايامك ... الهنا و الهناك ...
جمال زولكم ده زي كمال سلامه ؟
|
Post: #37
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-11-2013, 06:03 AM
Parent: #36
من بورتسودان .. لي مدني ... لي بحري ...
ثم العوده لأم درمان ... تشوف بس ... ما تلمس ...
والشوف أريتو كان شوف ...
مع عدلة توب ... او وقعته دون قصد ...
روحك معلقه في السمحه ... وانت لا خابرتها .. لا سالمتها ...
بس قلوب و اتلاقت ... فيها تستمر ... فيها تموت بي كمدك ...
مره في أحبه في الخرطوم ... قالو لي انت معزوم الليله حفله في النادي السوري ؟
كنت اول مره ادخل الي ذلك العالم الغريب ...
حفله ... كل اتنين متقالدين ... عادي ... وانا ارجف ... قعدت في ابعد كرسي ... ومسكت في ايدينو ...
و الغنا ما ياهو الغنا الأنا بعرفو ... شي مصري ... وشي سوري ... وشي ما بعرف شنو ...
لغاية ما ظهرت بت الحور ... اي والله ... زي الوصف الفي الكتلوج بالضبط ...
الناس قدّرت الجمال ... و عملو حلقه و خلوها تتني في النص ....
جمال ... و صفاء لون ... كان ما اخاف الكضب ... عيني للدورة الدمويه هديك جاريه لافه جواها ...
الفنان يغني لبناني ...
و انا مدور جوه راسي كلام عمنا ود حي العرب عبيد عبد الرحمن ... و اقول الغبيان البغني ده ...
لو سمع ( وصّيف ) سرور كان بطل الغنا ...
كلما اسمع البديع هاشم يغنيها ... اتذكر بت الحور ...
و ايام الصبا ... و خفقان القلب مع كل هبة نسيم شايله عطر فوّاح ...
نور من جمالك بان
لا نور شموس لا بدور
فقت المعاك فى الجيل
فقت المعاك فى الدور
يا الفى علاك بعيد
وسماك سابع دور
بين القلوب ميزان
صفا وزنها المعبور
قلباً يميله الحب
وقلباً يميل مجبور
انسان عشق انسان
وانسانو ما مخبور
شخص الوفاء المفقود
ولفقده مانى صبور
|
Post: #38
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-12-2013, 01:34 AM
Parent: #37
الزول القاعد يغني ده زاتو كان عارف اني صادق!!
السودان ... واجمل ايامو ...
كنا اطفال ... حبيتها ... وهي رادتني ...
هي اصلاً كانت ريادة ... و رادت يمين و شمال ...
و انا عااارف ... لكن لما قلبك ينقلع و يطير من جواك ...
ماعندك حيله غير تصبر ...
انا احب ... وهي فرحانه بي حبي ... و تريد هنا .. وتريد هناك ...
اطفال ... انا ... وهي ...
ما استوعبت حبي الا بعد ما فات الفوات ...
زوجوها وهي طفله ... لو كانت في بلاد متقدمه ... كان حاكموا العرّسا و الوافق علي عرسها ..!!!
لكننا في افريقيا !!!
لما استوعبت ... كانت الدنيا بنت حاجز ورا حاجز ...
قالت لي ... انت ماقلت انك جادي ؟
قلت ليها انتي عرفتيني يوم غير اني صادق؟
قالت تبته لله ورسوله ...
قلنا تبنا الي الله ... و الله غالب ...
ما اصلوا عمنا عمر البنا ده ... عاش عصره و كل العصور الجايه ...
لما قال :
أنا صادق في حبك
لو قلبي يتصل بي قلبك
هذا مقصودي ...
أنا اقصد ودك ...
وانت تحرمني .. من النظر لي خدّك ...
لأزاي ... أراك ديمه بازل جهدك
مع علمك ... بهواك منذ أيام مهدك ...
إنت مريودي ...
|
Post: #39
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-16-2013, 05:51 AM
Parent: #38
زمن الحب و الريده ...
كان شعر عمنا الجاغريو هو مفتاح الابواب المغلقه !!!
أحمد محمد الشيخ الجاغريو كان سابق زمنو في ( الصياعه ) الشعريه و الغزل الخفيف ...
رغم انو سكن حي السوق في امدرمان ( علي ما اعتقد )
الا انو معظم اشعارو وصفت الخرطوم وصف دقيق ...
لكن ما يُدهش هو ذكره لمدرسة ( اليونتي ) الثانوية بنات ...
و الكانت ملانه ببنات الحور و الحسان ...
في قصيدته اللتي تشبه ( المشاغله ) اكتر من انها قصيده ...
قصيدة ( يا رايع ) ... لما قال
الحب عِتي ... تعال لي ... يا الفي ( اليونتي ) تعال لي ...
ونحن بي أمانه كلنا عشقنا في( اليونتي ) ... و كِتلنا في ( سستر اسكول ) !!!
بالله كلما اسمع يا رائع ... اتذكر ( الخد ) المخملي ... قطيفه بس ...
بعدين عمنا الجاغريو في داعي يقول ...
الخدو لال ... تعال لي ... دقايق قلال ... تعال لي ...
بالله في احلي مشاغله من الأبيات دي ؟؟؟ ما بعرف غايتو عمل شنو في الخد داك !!!
لكن ده كان غنانا و دندنتنا مع ناس اليونتي و السستر ...
وكانت لنا أيام ... مع اللبني و البلو ...
عمنا احمد المصطفي رددها كتير طبعاً ... لكن برضو نخلينا مع هاشم ميرغني ...
|
Post: #40
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-16-2013, 05:53 AM
Parent: #39
|
Post: #41
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-16-2013, 07:21 AM
Parent: #40
في زمن الصبا ...
كان ما اجمل ان تصبر ... و تنتظر كلمة ( أحبك ) ...
وكان كلما طال انتظارها ... كلما صار سماعها يشجي النفوس ...
لن انسي تلك الليله .. والتي اوحاني الله وحده انها الليله الموعوده ...
و كان بيننا الهاتف ...
انا في مكان قصي بمنزلنا ...
و هي في مخزن ( الخزين ) خارج مبني بيتهم ...
و الكلام همس ... و الانفاس تتحدث قبل الحروف ...
كنت صبوراً ... و متزناً رغم صغر سني .. و ( سنها ) ...
و هي كانت علي ( جنونها ) المعتاد ...
و لكني تيقنت انها ( نفسها ) كانت في انتظار تلك الليله ( الليلية ) ...
ما اجمله احساس و انت تسمع كلمة ( بحبك ) من من هو حبيبك اصلاً ...
الآن اتذكر تلك الليله تماماً ...
ولكني اتذكرها كحدث فقط ... و نسمه جميله عبرت ...
و الآن أعترف انني حاولت ان اتذكر الاحساس نفسه ... ولكني فشلت !!!
هل يا تٌري اننا قد كبرنا!!!
ام وقتها كنا صغاراً جداً ...
و هل كان حباً ... ام شئ آخر يماشي تلك السن وذلك الزمن !!
لا أدري ...
|
Post: #42
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: Nasr
Date: 11-16-2013, 12:05 PM
Parent: #41
زمان كان في ود قبانية مذيع
كنت بحسبه أحسن مذيع في هنا أم درمان
وإشتغل معانا ود قبانية "عصام"
كان من أظرف خلق الله
ومرة في أمريكا لميت في ود قبانية
غناي خلاص
وهسع طلع لينا ود قبانية كتاب كتابة طاعمة
لله دركم
وواصل
وخلي قلبك دافئ زي ما هو
لكن تخن جلدك البراني شوية
عشان ما تقرف وتفز مننا سريع
(عندنا خبراء عكننة بمزاج)
|
Post: #43
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: وضاحة
Date: 11-16-2013, 01:53 PM
Parent: #42
يا الله يا يحي بوست متعة رائع حد الروعة
كتير بسال بابا عن الزمن الجميل
وبشوف معاملتوا لى امى فى البيت وحبوا المدفق من عيونوا الرسم عليها الزمن الخطوط رغم كبر حجمها وجمالها
مرات بضحك عليهم واخجل و اقول ليه يا بابا شنو ما خلاص كفاكم كملتوا الحب كلوا معقول لسة
بقوم يحكى لي كيف اتزوجوا وعاشوا قصة حب جميلة زمن جامعة الخرطوم كانت جامعة و كافترياء البركس
وكيف كانوا حافظين جدول بعض وكل واحد بحاول لو من بعيد يسرق نظرة ريد ولحظة جمال
وبحكى كيف الناس كانت نقية وقلوبها صادقة ونظيفة وما بحملوا فيها اى نوع من السوء والخيانة
بحسدن مرات والله يا يحي وبزعل على جيلنا والتغير الحصل في الدنيا
ياريت لو كنا من الجيل الزمنوا كان جميل
|
Post: #44
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-16-2013, 06:28 PM
Parent: #43
Quote: زمان كان في ود قبانية مذيع
كنت بحسبه أحسن مذيع في هنا أم درمان
وإشتغل معانا ود قبانية "عصام"
كان من أظرف خلق الله
ومرة في أمريكا لميت في ود قبانية
غناي خلاص
وهسع طلع لينا ود قبانية كتاب كتابة طاعمة
لله دركم
وواصل
وخلي قلبك دافئ زي ما هو
لكن تخن جلدك البراني شوية
عشان ما تقرف وتفز مننا سريع
(عندنا خبراء عكننة بمزاج) |
Nasr يا جميل ...
المذيع الزمان ده يا عمنا عبدالكريم قباني او اخوه المرحوم احمد قباني ...
تحياتي ليك و علي كلماتك الجميله ...
و التحيه لكل آل قباني في اصقاع الأرض ...
اما خبراء العكننه .. فالله يديهم العافيه ...
انا عشت زمن جميل في سودان اجمل ...
|
Post: #45
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-16-2013, 06:33 PM
Parent: #44
Quote: بقوم يحكى لي كيف اتزوجوا وعاشوا قصة حب جميلة زمن جامعة الخرطوم كانت جامعة و كافترياء البركس
وكيف كانوا حافظين جدول بعض وكل واحد بحاول لو من بعيد يسرق نظرة ريد ولحظة جمال
وبحكى كيف الناس كانت نقية وقلوبها صادقة ونظيفة وما بحملوا فيها اى نوع من السوء والخيانة
بحسدن مرات والله يا يحي وبزعل على جيلنا والتغير الحصل في الدنيا
ياريت لو كنا من الجيل الزمنوا كان جميل |
وضاحه يا بتنا ...
زمنكم زمن ملامحه معكره ...
من كتر الظلم و القمع ... القبح صار هو الأعم ...
الناس جميله ... و لكن الظلم شوه معالم الجمال ...
الله يحفظ ليك والديك ... ويديم المحبه بيناتهم ...
|
Post: #46
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-17-2013, 06:08 AM
Parent: #45
Quote: Mahgoub Mohamed Khair · Toronto, Ontario
لك شكري ومعزتي علي هذا الألق المتدفق يا يحي أعدتنا الي ايام جميلة جمال ام در واهل امدر واختيار ولا اروع للاغاني لانسان صاحب حس وذوق |
احترامي اخي محجوب ...
ايام عشناها .. وباتت محفوره في الذاكره ...
نشتاق اليها ... ولا نعرف كيف المنال ...
|
Post: #47
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-17-2013, 06:27 AM
Parent: #46
تمر علي الانسان لحظات لا ينساها مهما طال عليها الزمن ...
قد يُنسيك الزمنْ بعض تفاصيلها ...
و قد تلهيك الحياه عن الكثير منها ...
ولكنك تتذكرها ...
لا تتذكرها بدقيق تفاصيلها ... ولكنك تتذكرها ... و تبتسم ...
ايضاً بعض الأحاسيس ...
و التي تعيشها ( للمره الأولي ) و انت في مرحلة العنفوان ...
و الانتقال من الطفولة الي الرجوله ...
لا تنساها ابداً ...
و كلنا يتذكر اول من قالت له ( أحبك ) ...
و كلنا يتذكر اول لمسة يد ...!!
اما احساسي الذي لن انساه ما حييت ...
هو ذلك الاحساس ... عندما احتضنتها ...
و لامس صدري ( صدرها ) ...
كنا اطفالاً ... وكان هو ناهِداً لِتوِّهِ ...
احتفظت في دواخلي بذلك الاحساس ( الرهيب ) لسنوات ...
وكنت اخفيه حتي من نفسي ...
ولا يخرج من سجون الذاكره الا حينما اسمع استاذي البديع كابلي
وهو يشدو و يصف احساسي وقتها تماماً و يقول :
الموز روى
قايم سوا
فاطرِك ضوى
أنا يا ناس
بالنار جسمى إنشوى
لسع دُقاقْ و ما استوى
حُرّاسُة مِرتينُن عوى
قطعوله خط الإستوا
كيف بُصرى ...أنا قلبى إنشوى
يا ناس بالنار جسمى إنشوى
|
Post: #48
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-17-2013, 05:02 PM
Parent: #47
Quote: Gaafar Dahis · تلودى الثانوية العليا ام درمان
والله يا يحى انت اجمل واجمل وجمالك لايوصف واضفت كل الجما ل لسودانيز اون لاين |
لك اقصي الود وجل الاحترام يا جعفر ...
|
Post: #49
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-18-2013, 05:18 AM
Parent: #48
ريدنا الزمان كان كلو سرقه ...
تسرق دقايق ... تشوفها مارقه من المدرسه ...
تسرق شوفه سريعه ... وانت مرسلنك تودي ليهم حاجه ..
تسرق كلمتين في التلفون ... قبال ابوها ولا امها يزروها ...
وكانت ماشه بينا الدنيا ... نسرق و نجمع في اللحظات الحلوه ...
سهرنا مره صباحي في مكالمه تلفونيه ...!!!
مكالمه تلفونيه طول الليل ... الحبيبه رقدت استباليه تان يوم ...!!
و المستشفي الكان فوقها الرقاد ... الا تكون زولاً طويل و عريض
و اكتافك تتلامع حتين تخشها ...
لا تلفون ... لا دقيقه ... لا زياره ... لا شوفه ...
ظلم عديل ... حتي سبب الرقاد ما عرفته الا بعد سنوات طويله جداً !!!
عشان كده كلما اسمع عمنا عتيق اضحك و اتذكر ظلم الانسان لأخيه الانسان .....
الفرق انو عمنا عتيق سرق الشوفه و انا غلبني ...
عمنا عتيق قال ...
في غفلة رقيبي رُحت أزور حبيبي لقيتهُ شوية حاسي
ضاجع في سريره . متوسد وثيره . بين طيات حريرهُ
حَييتُه وجلسْتَ . من حُسنُه إختلستَ . في سِحرُه أنغمستَ
و بحديث ( دبلوماسي) قالى نوري ماسي وأحذر إلتماسي
قلتلُيهو في جمالك سحروك ولّا مالك ؟
صار ياحبيبي لونك
فاتر زي عيونك
قال لي عندي حُمّي .
وبىَّ صداع آلمَّ
من أثر إنتكاسي . أتعذر نعاسي . ولي يومين أقاسي
|
Post: #50
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-24-2013, 05:38 AM
Parent: #49
كنت كثيراً كلما حزنت ...
لجأت لسماع اغنيات معينه ...
منها ما ينسيني حزني ...
و منها ما يزيد فيا الأسي و الألم ...
هناك اغنيه ... الجأ اليها حينما يكون ابي رحمه الله في خاطري ...
كان والدي من عشاق تلك الأغنيه ...
كان يحفظ كلماتها و يطرب اليها و يدندن معها ...
اما اكبر شقيقاتي و الأقرب الي ابي ... كانت كلما سمعتها ... تدفقت دموعها شوقاً الي والدي ...
اما انا ... فكلما افقد انسان عزيز ... اتذكر كيف فقدت ابي ... و من بعده احب الناس الي قلبي ...
امي العزيزه ...
و ها انا اسمعها مرة اخري ... و لا ادري ما ستفعل بي ...
ماليا غيرك حياة يا اسمر يا رمز الضياء
انت حياتى ...
يا فاهم يا دارس معنى الحياة
من ادبك ليك حارس من غير رياء
يا باسم يا ناعس يا ملاك يا لابس توب الحياء
انت حياتى ...
|
Post: #51
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-26-2013, 06:04 AM
Parent: #50
من اجمل ما انجزناه ونحن طلبه في جامعة الخرطوم
عمل فصول تدريس مجانيه لطلبة الشهاده السودانيه ...
معي ماجد ادريس ... خيري عبد الرحمن ... مجدي الحكيم
مبارك ابراهيم و غيرهم من اعز الاصدقاء ...
و كانت اول دفعه تاتينا تلك التي كانت من بينها ست الحسان ...
جمال و بهاء ... و حياء ...
ذلك الحياء الذي عرفناه منذ ثلاثين عاما ...
قالت عنه احلام مستغانمي الآن ...
"هو نوع من انواع الاناقه المفقوده ...
شئ من البهاء الغامض الذي ما عاد يُري في وجوه الإناث " ...
اسرتني من اول نظره ... و اي نظره هي ...
فقد كانت فوق كل ذلك صاحبة عيون ... لو رآها ابوصلاح ...
لقدم هذا البيت علي قصيدته بأكملها ...
ليك جوز عين نعسان وكاحل ***** وخصــر يميـــل وصـدر راحــــــــل
وليّ وجــدي اللي جسمي ناحل ***** بحر الشــوق ما ليــه ساحــــــــــل
بيني وبين النـوم مراحـــــــل ***** ووين للطيـــف أنا القي حيلــــــــــة
وكانت لنا ايام .. و ايام بعدها ...
|
Post: #52
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 11-29-2013, 06:23 AM
Parent: #51
وردي قاعد قدام بشير و هو بيعزف مقطوعة يا تري
قال ليهو يا بشير دي غنيه جاهزه ... رأيك شنو نغنيها ...
كدي نخت عليها الكلمات دي ...
يا تري ... حجبوك من عيني ليه
يا تري .. حسدوك في حبي ليه ...
مش قدر حبك ولا ايه ...
بشير عباس قال ليهو لا انا دايرها مقطوعه موسيقيه و بس ...
يقوم احمد المصطفي و كابلي كمان يدندنو بيها ...
عمالقه ... جميعهم ...
مزيكا تسلب القلوب ... وكلمات تتحدث بلسان الملايين ...
الف رحمه ونور تنزل علي الزمن الجميل ...
و ( برضو ) ... ياتري حجبوك من عيني ليه ؟؟؟
|
Post: #53
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-01-2013, 04:08 AM
Parent: #52
اتغيرنا ولا الزمن الاتغير ؟
ولا امكن كبرنا !
كنا نحب ...
نحب كل الناس ...
دون مقابل ...
صحيح إنه الزمن غلّاب
لكن نحنا عشناهُ و مشينا على عذاب
دروبنا تتوه و نحنا نتوه و نفتح للأمل أبواب...
زمان ...
كنا نشيل بعضنا .. جوه حدق العيون ...
نتالم لي ألم بعضنا ...
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
جانا الان زمن ...
نكشف عورات بعضنا بدل السُتره !!!
رحم الله وردي وعمر الدوش ...
ورحمنا جميعاً ...
|
Post: #54
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-02-2013, 05:39 AM
Parent: #53
حينما لا يفهم الكبار ... ان الصغار لهم قلوب تنبض ...
قلوب تحس ... وترتجف ...
تكون النتيجه النصيحة الخاسره لابنهم او بنتهم ...
وان ما هم به ليس الا ( لعب عيال ) ...
و تمر الايام و السنين ... وقلوب هؤلاء الاطفال تظل متعلقه ببعضها البعض ...
فماذا تكون النتيجه ؟ ... حرمان في الأغلب الأعم ...
كم من أب و أم في السودان ... نصحوا بناتهم بأن ذلك الشخص هو الأنسب !!
وكم من البنات لخوفهم او جهلهم ... رضخوا لتلك الضغوط ...
يبتهج الجميع ... ويبقي للمعذبين النواح و النحيب ...
ماذا لو تركو كل حبيب ... يحب و يرتبط بمحبوبته ؟؟
زيدان ابراهيم رحمه الله ... صورها بالواضح في أغنيته في الليله ديك ...
اما عمنا الجاغريو عندما تزوجت معشوقته ...
فكانت حكايته هي التي تشبه حكاياتنا حينما كتب سنة 39 .. معزياً نفسه :
إذاً الوداع يا قلبي و حبيبي ... و اهلاً ضنايَ الحيّر طبيبي
فارقني حبي ارتاح يا رقيبي ... ويا نجوم سعودي اتلاشي غيبي ...
و طار قلبي مني ...
|
Post: #55
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-11-2013, 06:07 AM
Parent: #54
ولما تزعل أبقى باسم
حتى في زعلك معايا
وكأنه يتحدث بلساني ...
رحمك الله يا عميري ..
_________________________________________
يا قمر أنا ما بطولك
اديني من نورك وميض
شان أنوِّر وأبقى طولك
يا قمر ليلك غـــُـــنايا
وليلك أكتر من حكاية
دي فرحة بتطول المدينة
دعوة لي همس الصبايا
ولما تزعل أبقى باسم
حتى في زعلك معايا
شان البلد ... كل البلد
تفرح تقول القمرة جاية
ناوية تحضر لي مثولك
وأصلو ما فيها البطولك
أديني من نورك وميض
شان أنوِّر وأبقى طولك
يا قمر
|
Post: #56
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-14-2013, 03:08 AM
Parent: #55
الزمان : شتاء 1979
المكان : داخليات البركس
كنا نجتمع كثيراً للسمر و الونسه ...
كانت الناس متسامحه ... في كل شئ ...
وكانت الناس تتقبل الغير برحابه و سعة صدر ...
كانت الجلسات بها من يشرب الخمر ...
وبها من يدخن الممنوع ...
وبها من يلعب الميسر ...
وبها من لا تفارق مسبحته يده ...
و بها من يؤدي فروضه الخمس في المسجد ...
و بها الأبيض و الأسمر و الأصفر و الأزرق و الأخدر
كلها مسميات للبشره ... لم نكن نراها ... بل نري من خلالها معادن الرجال الأصيله ...
كانت تلك الأمسية ... بكل الليالي التي سهرناها ...
بدأت بجلسة سمر صغيره ... و كبرت الحلقه ... وبدأ الغناء من اهل ( الشربه ) ...
واجتمعنا ... من امدرمان و الخرطوم ... والعيلفون ... وود مدني ... وكوستي ...
من الأبيض ... والفاشر و كتم ... ونيالا ... والكوه ...وربك ... وكسلا ... و الغريبه ...
و دنقلا ... وطيبه الشيخ عبدالباقي ... و سنار ... و شندي ( فوق ) ...
ولا ادري هل كانت صدفه ... ام جاءت كالقدر ....
بدأنا نغني الذكريات ...
و نغني ... الي ان اتت الأبيات التي تقول :
بالفي الجنوب حي الشمال
ويالفي الشروق ليك شوقنا طال
ويالفي الغروب هاك لحني انا قال
الذكريات نهضت بجيلا
وانا كنت حاديها وديما دليلا
وارتفعت اصواتنا بالغناء و الضحك في تجانس و تناغم ...
و كلنا يفتخر بكلنا ...
وكلنا نحب الوطن ... السودان ...
تُري هل يعود ذاك الزمان ؟؟
|
Post: #57
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-14-2013, 07:26 AM
Parent: #56
لسع دُقاقْ و ما استوى
حُرّاسُة مِرتينُن عوى
في اغنية الموز روي ...
سألني احدهم عن ما المقصود بمرتينن عوي ...
( المرتينه ) هب البندقيه ال Martini زى البندقيه ابو عشره ...
صناعة بريطانية سويسريه ...
فمرتينن عوي ... يعني صوته من الطلقات زي العواء ... يعوي عوي ...
و يا ويله البيقرب من الموز اللسع دقاق و ما استوي ...
اما الزناتي و هلال ... لما قال زينة الزناتي مع هلال ....
هم الزناتي خليفه و ابوزيد الهلالي ( السيره الهلالية ) ...
|
Post: #58
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: BALLAH EL BAKRY
Date: 12-15-2013, 11:02 AM
Parent: #57
Quote: واجتمعنا ... من امدرمان و الخرطوم ... والعيلفون ... وود مدني ... وكوستي ...من الأبيض ... والفاشر و كتم ... ونيالا ... والكوه ...وربك ... وكسلا ... و الغريبه ...و دنقلا ... وطيبه الشيخ عبدالباقي ... و سنار ... و شندي ( فوق ) ...
|
يا سلام عليك يا يحيى؛ تحيا انت وتحية لك..
تعرف ما تتحدث عنه في هذا البوست هو (الوطن). وهو في صحيحه امتداد للأسرة. فبينما كنا نضحك علي بعضنا في الكورة وفي اللعب وخلافه يظل الأحساس
هو أحساس أسري (وطني) صادق لا مراء فيه. هذا ما عشته انت
و(أنا) وآخرين في جامعة الخرطوم. وقد عشنا نحن أبناء الريف
تنوعا ربما أكبر وأوسع في داخليات المدارس الثانوية الكبري
مثل خورطقت وحنتوب والفاشر الثانوية. ذلك سودان
ذلك الزمان الذي تكاد تنعدم فيه النظرة العنصرية
الجهوية الضيقة والتي صارت (بفعل فاعل أثيم) جرثومة للتهميش وازدراء الآخر
مما قاد للنزاع المسلح والبلاوي. وكيف كان الناس يحتفون بالتفوق
والمقدرات القيادية دون الألتفات لعرق او لون. حتي الكيزان كانت كل قياداتهم آنذاك من ما يعرف الآن بالهامش: جار النبي؛ يحي بولاد؛ تجاني ع/القادر؛ بناني ..
رمت بي الصدفة المجردة أن أسكن في البركس في عامي الأول في جامعة الخرطوم في داخلية (مكتب النشر) في عنبر قوامه حوالي عشرة جلهم من (ودمدني) ألا أنا.
لم أشعر بالغربة بينهم بل صار مولانا محي الدين وودسلمان وودالعمدة
ومامون واحمد فضل وعادل سليمان (الذي ذكرته انت في بوست سابق) ومصطفي حسين أصدقاء اشتاق اليهم علي الدوام. زرت ودمدني معهم وانا طالب ودخلت بيوت بعضهم لترحب بي الأمات والأخوات والعمات وكأنني ابنهن. وزرتها وانا رجل مع زوجتي
والتي احبت المكان والناس. هكذا السودان والذي يوشك أن يضيع منا ..
تبكي عليه يا يحي بمعونة قلم رشيق
وأسلوب سهل ممتنع؛ ولكننا (نجعر) عديل كدا
لذات الوطن. فكل شئ يمكن نسيانه
الاّ الوطن!! أكتب فنحن نقرأ ونشاركك الأحساس
شفت كيف يا صديقي!
قيل أن الشيخ البرعي، عليه رحمة الله، كان في الطائرة في طريقه للحج
أهتزت الطائرة بفعل زوابع جوية قوية فاضطرب المكان بالصراخ والحوقلات من الركاب
فوقفت امرأة وصاحت: "يا الشيخ البرعي وأبوك تلحقونا وتفزعونا..)
ولم تكن تدر أن الشيخ يجلس ورائها بمقعد
فقال لها: (أقعدي يا المبروكة وقولي الحي الدائم الشيخ ممكون معاكي سوّا! (والعهدة علي الراوي)
فالشاهد في الموضوع يا يحي يا خوي أنو نحنا ممكونين بحب الوطن معاك سوّا سوّا!!
بس قول يا حي يا دائم!!
|
Post: #59
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: BALLAH EL BAKRY
Date: 12-15-2013, 11:12 AM
Parent: #58
|
Post: #60
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-17-2013, 09:26 PM
Parent: #59
Quote: يا سلام عليك يا يحيى؛ تحيا انت وتحية لك..
تعرف ما تتحدث عنه في هذا البوست هو (الوطن). وهو في صحيحه امتداد للأسرة. فبينما كنا نضحك علي بعضنا في الكورة وفي اللعب وخلافه يظل الأحساس
هو أحساس أسري (وطني) صادق لا مراء فيه. هذا ما عشته انت
و(أنا) وآخرين في جامعة الخرطوم. وقد عشنا نحن أبناء الريف
تنوعا ربما أكبر وأوسع في داخليات المدارس الثانوية الكبري
مثل خورطقت وحنتوب والفاشر الثانوية. ذلك سودان
ذلك الزمان الذي تكاد تنعدم فيه النظرة العنصرية
الجهوية الضيقة والتي صارت (بفعل فاعل أثيم) جرثومة للتهميش وازدراء الآخر
مما قاد للنزاع المسلح والبلاوي. وكيف كان الناس يحتفون بالتفوق
والمقدرات القيادية دون الألتفات لعرق او لون. حتي الكيزان كانت كل قياداتهم آنذاك من ما يعرف الآن بالهامش: جار النبي؛ يحي بولاد؛ تجاني ع/القادر؛ بناني ..
رمت بي الصدفة المجردة أن أسكن في البركس في عامي الأول في جامعة الخرطوم في داخلية (مكتب النشر) في عنبر قوامه حوالي عشرة جلهم من (ودمدني) ألا أنا.
لم أشعر بالغربة بينهم بل صار مولانا محي الدين وودسلمان وودالعمدة
ومامون واحمد فضل وعادل سليمان (الذي ذكرته انت في بوست سابق) ومصطفي حسين أصدقاء اشتاق اليهم علي الدوام. زرت ودمدني معهم وانا طالب ودخلت بيوت بعضهم لترحب بي الأمات والأخوات والعمات وكأنني ابنهن. وزرتها وانا رجل مع زوجتي
والتي احبت المكان والناس. هكذا السودان والذي يوشك أن يضيع منا ..
تبكي عليه يا يحي بمعونة قلم رشيق
وأسلوب سهل ممتنع؛ ولكننا (نجعر) عديل كدا
لذات الوطن. فكل شئ يمكن نسيانه
الاّ الوطن!! أكتب فنحن نقرأ ونشاركك الأحساس
شفت كيف يا صديقي! |
بله يا بله ...
اقول ليك شنو ولا اعيد ليك شنو بس ...
الله يرحم عادل سليمان رحمه واسعه ...
رأيت في بوست آخر احد الاخوة يتحدث عن كناب ثورة شعب وانه رآه آخر مره في مكتبة الفجر للعم محمد سيد أحمد في مدني ...
ضحكت كثيراً ... و حزنت أكثر وانا اتذكر تلك الايام في مدني واول مره ازور فيها المكتبه ... وقابلت العم محمد سيد أحمد ...
وادركت وقتها ان مثل ذلك الرجل لا يأتي من صلبه الا مثل مامون سيداحمد ...
الله يرحم تلك الايام يا بله ...
لا اعلم هل سيكتب لنا ان نجتمع في سودان نقي و معافي كالذي عشناه !!!
لا ادري ...
|
Post: #61
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-23-2013, 02:57 AM
Parent: #60
قالت لي ما اسمك ( الآن ) ...
قلت لها ... الآن ... اسمي صابر ...
و بالأمس كنت صابر ...
و لو شئتي ... سأظل صابر ...
____________________________________
دنيا الغرام ما احلاها ...
جادت علي بي لقاها ...
محبويتي يوم لقاها ...
شافها الفؤاد حيّاها ...
_______________________________________________
جادت ... واسباب سعادتي لقاها ... غناها رمضان حسن الذي سبق عصره ...
ولكني احب اداءها من ( هؤلاء ) ... :)
|
Post: #62
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: احمد الامين احمد
Date: 12-24-2013, 04:35 PM
Parent: #61
تحية الأخ يحي قبانى
طلب خاص لو تكرمت أرجو نقل البوست للربع القادم
وإن عز الطلب أرجو التكرم برابط حفظ أغنية رمضان حسن الأخيرة التى زينت بها البوست
دنيا الغرام ما احلاها ...
جادت علي بي لقاها ...
محبويتي يوم لقاها ...
شافها الفؤاد حيّاها ...
***
دخلت البوست فى الساعات الأخيرة عدة مرات لأسمع الأغنية دى تحديدا وقد سمعتها قبل سنوات بصوت الجقر على العود .
وما أروع غنا رمضان حسن .
تحية وتقدير .
|
Post: #63
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-24-2013, 09:11 PM
Parent: #62
Quote: تحية الأخ يحي قبانى
طلب خاص لو تكرمت أرجو نقل البوست للربع القادم
وإن عز الطلب أرجو التكرم برابط حفظ أغنية رمضان حسن الأخيرة التى زينت بها البوست
دنيا الغرام ما احلاها ...
جادت علي بي لقاها ...
محبويتي يوم لقاها ...
شافها الفؤاد حيّاها ...
***
دخلت البوست فى الساعات الأخيرة عدة مرات لأسمع الأغنية دى تحديدا وقد سمعتها قبل سنوات بصوت الجقر على العود .
وما أروع غنا رمضان حسن .
تحية وتقدير . |
الجميل أحمد الأمين ...
قدمت طلب ( نقل ) لهذا البوست ...
نأمل من أخونا بكري مراعاة ظروف العاشقين ... :)
رمضان حسن يا استاذنا فعلاً سبق عصره ...
خليك قريب ... في كم ( دُرّه) كده جايين في الطريق ...
|
Post: #64
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-28-2013, 07:57 AM
Parent: #63
من اجمل ما سمعت ...
ما قاله شاعر الاغاني المصري ... مرسي جميل عزيز ...
سألوه ماذا كتبت لكوكب الشرق ام كلثوم ...
قال كتبت لها عن بدء الحب ... و عن قمة الحب و عن نهاية الحب ...
بدء الحب ... عند مرسي جميل عزيز هي ( سيرة الحب ) ... ولحنها العبقري بليغ حمدى ...
قمة الحب ... كانت .. ( الف ليله و ليله ) ولحنها ايضاً بليغ حمدي
ثم نهاية الحب ... وهي عند مرسي جميل عزيز ( فات الميعاد ) ... ايضاً من الحان بليغ حمدي ...
وهنا يبقي السؤال ؟
هل ينتهي الحب بدون مقدمات ؟
اولم يكتب مرسي جميل عزيز عن فترة التعود و الخمود قبل انتهاء الحب ؟؟؟
مؤكد ... فلمن يبحث عن العلاقه بين مرسي جميل عزيز و بليغ حمدي ...
لابد من ان يبحث في اغاني ورده الجزائريه ... !!!
وهناك نجد اغنية ورده أكدب عليك ...
والتي تقول اكدب عليك لو قلت بحبك لسه ...
واكدب عليك لو قلت نسيتك همسه
انت حبيبي يعني لسه حبيبي
ولا حبيبي عشان كنت حبيبي ...
________________________________
اختلف هنا مع مرسي جميل عزيز ... فالحب لا ينتهي ...
واؤيد بشده ما كتبه مامون الشناوي حينما غنت الست و قالت ...
كان لك معايا اجمل حكاية فى العمر كله
سنين بحالها ..ما فات جمالها..على حب قبله
سنين ومرت زى الثوانى فى حبك انت
وإن كنت أقدر أحب تانى أحبك انت
_______________________________
ولكن تبقي سيرة الحب اجمل ما غنته ام كلثوم ...
سيرة الحب ... مرسي جميل عزيز و بليغ حمدي ...
|
Post: #65
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: هشام المجمر
Date: 12-28-2013, 09:27 AM
Parent: #64
يا سلام يا يحيى
عادل سليمان وما ادراكما عادل سليمان
قابلته فى العام 93 فى كسلا وكان قد استقر هناك وذهبت انا الى فرز عطاء كان شركته مشاركة فيها و قضينا بعد الانتهاء من العمل وقتا جميلا وكان عادل سليمان هو نفسه الشخص الجميل اللطيف الحبوب صاحب القفشات النادرة و الروح الخفيفة.
هيجت فينا الشجون يا يحيى
بالمناسبة رأيت ردك فى بوست هانى روجيه ولم استطع الرد لآن الكمبيوتر كان بدون كى بورد عربى. اليوم البوست اختفى ..لم اجده ..تمت ارشفته
ارجو ايصال التحية و السلام الحار لهانى ووالديه
لك المودة والتحية وكل سنة وانت طيب
|
Post: #66
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: احمد حمودى
Date: 12-28-2013, 02:20 PM
Parent: #65
Quote: رغم علمها التام اننا من عشاق عصيدة الدخن ... ولكن ديموقراطيتها المعهودة ...
لابد من اعطاءنا الخيار ... رغم ان البديل واحد ... وهو الشعيرية باللبن !!!
كان جدي ووالدي من عشاق اكل عصيدة الدخن... و مديدة التمر ... مع السمن البلدى ...
|
قبانى يارائع رجعتنا الايام الخوالى ربنا يوسدها الباردة الحاجة
|
Post: #67
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: معاوية المدير
Date: 12-28-2013, 02:52 PM
Parent: #66
أحي يا الصقط،
عصرك المطر المتجمد وخلآك تطلّع هذا الدعاش الجميل الذي
أصبتنا برزازه حتي وشوشنا من خلآلة العبير فأنتشينا بهذا
الحكي الطاعم. قبل دخولي هنا إفترعت بوست تقريباً في نفس
الموضوع!!!، يا أخي الصقط دا كعب خلآس.
والله مشتاقين،
لكم وللعازة معاً...
|
Post: #68
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-28-2013, 06:48 PM
Parent: #67
Quote: يا سلام يا يحيى
عادل سليمان وما ادراكما عادل سليمان
قابلته فى العام 93 فى كسلا وكان قد استقر هناك وذهبت انا الى فرز عطاء كان شركته مشاركة فيها و قضينا بعد الانتهاء من العمل وقتا جميلا وكان عادل سليمان هو نفسه الشخص الجميل اللطيف الحبوب صاحب القفشات النادرة و الروح الخفيفة.
هيجت فينا الشجون يا يحيى
|
الله يرحم عادل رحمه واسعه ...
هي ايام لا تنسي يا هشام ...
عشناها طولاً و عرضاً ...
لا اعلم ان كانت ستعود للوطن عافيته التي عرفناها ...
|
Post: #69
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-28-2013, 06:50 PM
Parent: #68
| Quote: قبانى يارائع رجعتنا الايام الخوالى ربنا يوسدها الباردة الحاجة |
تسلم يابو حميد ..
الله يرحم امي و يجعل مقامها في عليين ...
و يجمعها مع ابي و كل من نحب ...
ما اروعها ايام يا حبيبنا ... ليتها تعود ...
|
Post: #70
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-28-2013, 06:55 PM
Parent: #69
Quote: أحي يا الصقط،
عصرك المطر المتجمد وخلآك تطلّع هذا الدعاش الجميل الذي
أصبتنا برزازه حتي وشوشنا من خلآلة العبير فأنتشينا بهذا
الحكي الطاعم. قبل دخولي هنا إفترعت بوست تقريباً في نفس
الموضوع!!!، يا أخي الصقط دا كعب خلآس.
والله مشتاقين،
لكم وللعازة معاً.. |
ود المدير يا جرسه ...
والله اكضب عليك ... العصره اصلها ما خلتنا ...
بس ننسي احيانا ... و احيانا تجيك اشياء تهيج الذكري ...
بالله يا معاويه ... بردا جنس الاحنا فوقوا ده ... ما يستاهل حلة عصيدة دخن كاملة الدسم كده ...
و تكون تحت البطانية الخشنة ديك الزى حقة قطارات السكة حديد زمان ...
ما تمرق راسك من تحتها الا بعد تشم صحن العصيده وصل تربيزة الحديد المطفجة الجنب سريرك ...
تضرب العصيده ... باللبن و العسل .. و جسمك يولع نار بالله زى الساونا ...
تقول لي فريزنج رين !!!
|
Post: #71
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 12-31-2013, 07:37 AM
Parent: #70
سبحان الخالق في من خلق ...
داير تشوف ابداع الخالق ... ... بس تعاين بي عيونك ...
لولا ان عمنا عمر البنا مولود بي 6 عقود قبالها ...
كنت اقول كان بعاين ليها ... وبيكتب في ( الأهيف ) ...
يعني ختاها قدموا و قعد يشف من محيها الكلمات ...
لانها زى ما قال ود البنا ...
هو جسمو سليم وانا جسمى معذب وقليبى كليم
نور محيو الفجر والليل هضليم
له راحة الدنيا وليا التأليم
لو مره نسيم يتمايل غصنك منه مقيسيم
قبل الحاظك ما رأيت يا وسيم
الأعين تفعل فعل المكسيم *
براق الغيم زى بسمك وليك الشادى نغيم
كيف عاشقك يثبت فى وطنه يقيم
* المكسيم ...مدفع قديم طلقاته سريعه و قاتله ...
______________________________
محمد وردي قال لي حسين خوجلي في برنامج اهل القمه ...
تعرف يا حسين ... انتو الزول الاسمو سيد خليفه ده ... ما بتعرفوه زي ما بنعرفو انحنا ...
انحنا قال ليهو ... في جلساتنا الخاصه زول بيغني لينا مافي غير سيد خليفه ...
سيد خليفه ... في قمة امتاعه للبشريه ...
|
Post: #72
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-01-2014, 07:43 AM
Parent: #71
مرت 2013 ...
وجاء عام جديد ...
لا احد يعلم خيره من شره بعد ...
كل ما نعلمه اننا زدنا في العمر عاما ...
وحينما تصل الي عقدك السادس ...
تصبح العمليه الحسابية مقلوبه ...
فتنتهي حكاية الزيادة في العمر الفات ...
و تبدأ حكاية العمر الآخذ في النقصان ...
___________________________
سلام ايتها ( المجنونه ) ...
سلام في عام جديد ...
اهديكي هذه الكلمات ... و هذا الطرب العجيب ...
قلي اوعى تخبي
بهواك شاهد ربي
انا لو غلطت معاك
سامحني واغفر ذنبي
تنساني ما بنساك
تجفاني ما بجفاك
نافر وما هماك
رحماك بي قلبي رحماك
________________________
عبقري يدندن ... بغناء عبقري ...
|
Post: #73
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-03-2014, 07:35 AM
Parent: #72
كم كان السودان جميلاً ...
لم نكن نستحي ان نبرز مشاعرنا ...
كنا لو نحب ... ونعشق ... نبوح بحبنا و عشقنا لا نخفيه ...
كنا نغني للحب ... و للخمر ...
كان الحب حلال ... والمدامه خمرة العشاق ...
سال مقدم البرنامج الاستاذ البديع حسين بازرعه وقال له :
اما آن الاوان يا استاذي ان تبوح لنا بأسم معشوقتك و ملهمتك التي كنت تكتب من أجلها كل ذاك الغناء البديع ...
فقال له بازرعه ... انها قد توفت و اسال الله لها الرحمه ... و ساحتفظ بها في دواخلي الي ان يتم الاجل ...
لم يستسلم مقدم البرنامج ... فسأله ... هل كان هناك اي شخص يعرف من هي ....
فقال له ... لا يوجد ...
و لكني كنت احيانا ابوح لصديقي عثمان حسين ببعض المواقف حينما اقدم له احد القصائد
ابوح له بتلك المواقف ... حتي يحس بما احسست به انا ... فيترجمه لحناً !!!!
اي جمال هذا ... و أي ابداع كان يخرج من هؤلاء العظماء ...
يا لهف قلبي علي السودان ( الجديد )
القُبلة السَكْرَي
أتذكرى فى الدجى الساجى ... مدار حديثنا العذب
وفوق العشب نستلقى .. فنطوى صفحة الغـــيب
وإذ مـــالاح نجم سعد .. نرشف خمـــرة الحـــب
اتذكرى عهد لقيـــانا .. ويوم القبــلة السكـــرى
وقبَّل ثغرى الظامى .. فقــــد لا تنفـــع الذكـــرى
وترقد فى يدى كالطفل .. الثم ثغرك العطـــــرى
وقطرات الندى الرقراق .. تعلو هامـــــة الزهد
والحان الهزار الطلــق .. فـــوق خمـــائل النهر
ولما ينقضى اللـــيل .. وينــعس ساقـــى الخمر
يرف الضوء كالحلم .. يسكــب خمـــرة الفجــــر
اتذكرى قبلتـــى والليـــل .. يــروى طلعـــة البدر
كيف اناملى الحيرى .. تداعب خصلة الشعـــر
وتنعس فى ظلال النور .. تحكم بالهوى العذرى
اتذكرى عهد لقيانا .. ويوم القبلـــة الســــكرى
وقبل ثغـرى الظامى .. فقد لا تنفــع الذكــــرى
______________________________________________________
|
Post: #106
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: د.ماجدة ميرغني
Date: 03-15-2014, 04:03 AM
Parent: #45
الاخ يحي قباني
ان شاء اللة كويسين مع البرد العجيب.
واديك قدرما عايز في الدنيا دي..
واديك قدر جمال البوست بتاعك ده..
واديك قدر ما ادانا من جرعة ازالت عنا ما
استعصى على وصفات الاطباء من
احباط سكن جوانا..
والله نسينا الفرح ..وغلبنا الطرب
شكراً ليك يا جميل على هذا الجمال
استغرب من الذين دسوا في ديننا الحنيف
حرمة الغناء ..
الله لا كسبهم لا في الدنيا ولا في الاخرة
لك تقديري واحترامي
|
Post: #74
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: BALLAH EL BAKRY
Date: 01-10-2014, 03:55 PM
Parent: #37
أيوة لقيتها أخيرا يا يحي! ينعم صباحك خير ويسعد مساك النور! وشكرا لأرجاعي لهذا المكان وعبير ام درمان وأريجها الذي يفوح من جنباته
وشكرا يا يحى مرة أخري علي استراحة أخري لطيفة ظريفة،
أنيقة وريفة تمور بالأدب والفن وذكريات أم درمان
كرش الفيل و (بروتوتايب) الوطن كلو.
لكن بطريقتك دي أمانة ما حتورط معاك ناس كتااار!
من جماهير المشوكشين! كدي شوف:
"النوم يضرّو ضرور" دي حلوة كيفن!
تمعن فيها:
طرفي السهير يا سمير
النوم يضرّو ضرور
وعذابي لو سرّاك
طبعا أكون مسرور
واحد اخونا (فضّل عدم ذكر اسمه) ماخد ليه شاكوش
قبل تلاتين سنة! قال لي كلما يهبش محلتو الكرضمة
موجودة زي ما هِي والوجع في بكانو - ليوم الليلة!
شفت كيف ....
باين عليك داير تضحك علينا بنياتنا ووليداتنا
يا يحيى يا خوي!
اكتب يا صديقي فانت كاتب
ونص وخمسة! والله العظيم!!
|
Post: #75
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-13-2014, 05:23 AM
Parent: #74
Quote: باين عليك داير تضحك علينا بنياتنا ووليداتنا
يا يحيى يا خوي!
اكتب يا صديقي فانت كاتب
ونص وخمسة! والله العظيم!! |
بله يا صديق الزمن الجميل ...
اولا يسعد مساك النور ...
تعرف واحد من اقرب الناس لي هنا قال لي انت حسي لو اولادك قرو الكلام ده !!
قلت ليهو ... يا ريتهم يقروهو و يعملو نصو ...!!
نور من جمالك بان
لا نور شموس لا بدور
فقت المعاك فى الجيل
فقت المعاك فى الدور
يا الفى علاك بعيد
وسماك سابع دور
|
Post: #76
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-13-2014, 05:34 AM
Parent: #75
Quote: Abdelwhab Altom · الأكثر تعليقا · Omdurman Al-ahlia University
الله يرجعنا الى امدر ونعوده انشاء الله وربنا يرفع عننا البلاء الجاسم فى صدر الشعب المسكين سنين عشان العوده تكون كامله يا رب وكل اول ليهو اخرامدر فى قلوبنا ونتمنا العوده
رد · أعجبني · متابعة المنشور · 10 يناير، الساعة 07:03 مساءً |
آمين يا ود التوم ...
اذكر في نهاية تمانينات القرن الماضي ...
كنا شغالين في الرياض يا عبدالوهاب ...
واحد حبيبنا عمل استقدام لي نسيبه و نسيبته ...
عمنا جا و راسو والف سيف ما يقعد ...
قال بس اجي ازوركم و ارجع ...
قلت ليهو يا عم تجاني ... الرياض دى ما سمحه ...
اتذكر كنا قاعدين في كراسي قصيره كده ... وايده ممكن تحصل الواطه ...
قال لي وهو بيكشح في الواطه ...
" كباية شاي قدام بيت محمد اخوي في ابروف بي رياضكم دي كلها ... "
الله يرحمو ربنا اكرمو وتوفي وسط اخوانه في ام در ... ودفن جنب احبابو ...
|
Post: #77
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-13-2014, 07:13 AM
Parent: #76
كل النساء لها عيون ...
و كل النساء لها نظرات ...
ولكنها .. هي ... كحيلة العينين ...
وكان المولي تأني في خلقها ...
لا تلوموني ... فقد اسرت العيون من قبلي شيوخ لها هيبه ...
الم يقل الشاعر
لها مقلة لو انها نظرت بها ....إلى راهب قد صام لله وابتهل
لأصبح مفتونا معنى بحبها .....كأن لم يصم لله يوما ولم يصل
كنت اظن ان مقلتها هي التي وصفها امرئ القيس !!!
و لكن نظرتها ... لا تفتن القلوب و كفي ... بل تبعث في كل نظرة معني و حكايه ...
ايامنا كانت ايام عشق .. وحذر ...
يصدف ان يجمعكما مكان واحد ...
ولا تجرؤ ان تحدثها ...
ولا تجرؤ هي حتي ان تمعن النظر فيك ...
فتنتظرها حتي تبعث لك بنظرتها تلك ... التي بها تطمئن القلوب ...
هي نفس النظره التي حينما احب ان يصفها ابوصلاح ... قال :
اعطف علي يا ريم ... يا نافر الغزلان ...
و عطف الريم ... لمن لا يعلم ... و يريد ان يتألم معنا ...
هي نظرة الريم الي صغيرها ...
سالت اهل الباديه ... فقالو لي ... حينما يذهب الريم الي المرعي ...
تاخذ صغارها معها ... و تخفيها في اكوام من القش بعيده عن مرعاها ...
ولكنها علي مرمي النظر ... لخوفها من هجوم وحشي ... فالريم تقدر علي الهرب
وصغارها لا ...
والريم وهي ترعي ... لا تنظر الي مكان صغارها خوفاً من تحديد مكانها ...
فترمقه بنظره ( جانبيه ) من عيونها ... للإطمئنان ...
لا تلتفِت ... فقط تدير عينها بنظره سريعه و حانية ... حتي لا تكشف مكان صغيرها و حبيبها ...
وهذا هو عطف الريم ...!!
|
Post: #78
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: BALLAH EL BAKRY
Date: 01-13-2014, 03:06 PM
Parent: #77
Quote: و عطف الريم ... لمن لا يعلم ... و يريد ان يتألم معنا ...هي نظرة الريم الي صغيرها ...سالت اهل الباديه ... فقالو لي ... حينما يذهب الريم الي المرعي ...تاخذ صغارها معها ... و تخفيها في اكوام من القش بعيده عن مرعاها ...ولكنها علي مرمي النظر ... لخوفها من هجوم وحشي ... فالريم تقدر علي الهرب وصغارها لا والريم وهي ترعي ... لا تنظر الي مكان صغارها خوفاً من تحديد مكانها فترمقه بنظره ( جانبيه ) من عيونها ... للإطمئنان
وهذا هو عطف الريم !!
|
الله عليك يا يحي يا فنان يا أديب! من أين لك معارف أهل البوادي هذه أن لم تكن سودانيا أصيلا مفطوما بحب البلد ومعبوكا بعقد جلادها! وطالما القصة جرّت لوليداتنا فدعني اشرح لهم قليلا:
الريم هي نوع من الغزلان ويأتي ذكرها كثيرا في اشعار الحب والغزل الشعبي حيث توصف بها المحبوبة لتطابق الصفات الجمالية بصفة عامة. وقد يأتي ذكرها بأسماء كثيرة منها (الديفة) و(المهرة أوالمهيرة) و(العنز) و (ود الأدرع) و (البكيرة) و(الجَفَل) و(البرروبة )!. من صفاتها هي التحنان والحماية لصغارها. انظر قول أحد شعراء الدوبيت واشارته لحماية هذه الريم لصغيرها والتي أشار لها ب (ود الأدرع)
قال:
ود الأدرع المن داب حقب قرقابو
أمّو مدرجاه ومن الكبار تجّابو
نزلتبو العتيق في الهجعة تتكابو
نظرك في الوحوش فرضَة وقليل تيرابو
فنزلوها الماء في هجعة الليل وهي تمشي خلسة هو نوع من الحماية لصغارها والتي تخشي عليها من هجوم وحشي مفاجئ كما ذكرت.
أما في وصف المحبوبة بالمهرة فقد قال الآخر واصفا أياها ب(المهرة):
مهرة دنقلا الفي العرضة ماخدة الزينة
مما قال سلام أنا والمعاي ضلينا
وقد أورد عبيد الطيب (ود المقدم) في بوست له عن وصف المحبوبة ب (الديفة) قول أحدهم:
ديفة الروبزن دخلن كويع الخُشة
أجمل خلقة من صُل الدبيب الوشّة!
وسنكتفي بهذا والذي ما أردت التطرق اليه لولا أعجابي باشارتك البدوية ل(الريم) وفعلها في حماية صغارها؛ فمعذرة أن لم يكن في مسار البوست الرئيس.. ودمت يا صديقي.
|
Post: #79
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-16-2014, 05:58 AM
Parent: #78
Quote: الريم هي نوع من الغزلان ويأتي ذكرها كثيرا في اشعار الحب والغزل الشعبي حيث توصف بها المحبوبة لتطابق الصفات الجمالية بصفة عامة. وقد يأتي ذكرها بأسماء كثيرة منها (الديفة) و(المهرة أوالمهيرة) و(العنز) و (ود الأدرع) و (البكيرة) و(الجَفَل) و(البرروبة )!. من صفاتها هي التحنان والحماية لصغارها. انظر قول أحد شعراء الدوبيت واشارته لحماية هذه الريم لصغيرها والتي أشار لها ب (ود الأدرع)
قال:
ود الأدرع المن داب حقب قرقابو
أمّو مدرجاه ومن الكبار تجّابو
نزلتبو العتيق في الهجعة تتكابو
نظرك في الوحوش فرضَة وقليل تيرابو |
بله البكري يا صديقي ...
امتعتني بكلماتك ...
ارجوك ان تواصل ...
نحتاج للجمال في هذا الزمن الشين ...
|
Post: #80
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-17-2014, 06:16 AM
Parent: #79
سألت الريم عطفه يعطف علينا بيها ...
لكن الريم لما تِغي ...
فتشنا نغني و نشكي ...
و ما لقينا غير زولاً جميل ...
اسمو الامين علي سليمان ... نستو الناس ...
لكن اهل الحب و الغرام ما بنسوهو ...
جرحي و الآمي ...
كلو يا ظالم ... من عيونك دي
في عيونك ديل
لحظك القاتل
الجمال و الذوق ... فيك محيرني
انت يا الفاتن
حبك الساكن
في قلوبنا لهيب .. كيف صبرنا علي
كل الناس تهواك
يا الرفيع معناك
كيف افوز بي رضاك تسعد أيامي
|
Post: #81
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: munswor almophtah
Date: 01-17-2014, 06:24 AM
Parent: #80
قبانى الجمال الفطرى غير المصنوع ياخ هذا جهد جبار أن تجمع
الدرر تحت سقف واحد مع تيمك المكتمل المتجانس ياخ بحثت عن
أغنيه ظبية الثغر الحبيبه شاعرها الطيب العباسى وغناها
فنان توفى فى حادث حركه علها عندكم ياخ
ولك السلام ياخ
|
Post: #82
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-17-2014, 03:00 PM
Parent: #81
Quote: قبانى الجمال الفطرى غير المصنوع ياخ هذا جهد جبار أن تجمع
الدرر تحت سقف واحد مع تيمك المكتمل المتجانس ياخ بحثت عن
أغنيه ظبية الثغر الحبيبه شاعرها الطيب العباسى وغناها
فنان توفى فى حادث حركه علها عندكم ياخ
ولك السلام ياخ |
التحية لمنصور المفتاح ...
تسلم يا جميل علي حلو كلماتك ...
اليوم بمشيئة المولي ناتيك بظًبيّة الثغر الاديبه ...
موجوده في الحفظ و الصون ...
هي و ماجارته في اللحن ...
|
Post: #83
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: BALLAH EL BAKRY
Date: 01-17-2014, 06:47 PM
Parent: #82
لحدي ما تجي مقبل لمنصور ب(ظبية الثغر) أنا داير آخد سندة مع رائعة العم عبيد عبدالرحمن ومع هاشم ميرغني سلطان العاشقين! ومعذرة للتكرار
صفوة جمالك صافى
الماء على البلور
ينعم صباحك خير
ويسعد مساك النور
نور من جمالك بان
لا نور شموس لا بدور
فقت المعاك فى الجيل
فقت المعاك فى الدور
يا الفى علاك بعيد
وسماك سابع دور
ذقت الهلاك يا ملاك
فى هواك هلاكى بدور
يا فرحة المحزون
يا نفثة المصدور
مرآك يزيل الهم
ويمحى الأسى الفى صدور
أسمح لى أتلو سناك
والدور يفاخر الدور
ويفوح نشيدى الفيك
زى نفحة الريفدور
أنا فى شقاى ولهان
يا الفى النعيم مغمور
فرشى القتاد يا جميل
ثم اكتسائى جمور
يرضينى ما يرضيك
والناس أمورها أمور
ومحال أسيبو هواك
اذا السماء تمور
بين القلوب ميزان
صفا وزنها المعبور
قلباً يميله الحب
وقلباً يميل مجبور
انسان عشق انسان
وانسانه ما مخبور
شخص الوفاء المفقود
ولفقده مانى صبور
طرفى السهير يا سمير
للنوم يضره ضرور
وعذابى لو سرك
طبعا أكون مسرور
أوعد جفونى غميض
والطيف يزورنى مرور
أفرح وأقول يا ليل
وأشرح وأحاكى سرور
|
Post: #84
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-18-2014, 06:11 AM
Parent: #83
بله يا صديق الزمن الصادق ...
عذراً ...
اليوم انا فلسطيني ( لبناني ) المزاج الغنائي
سوري المزاج الشعري ...
جلست اليوم اقطف زهرات من هنا و هناك من احدي مجلدات المجموعه الشعريه لنزار قباني ...
تلك المجموعة ذات المجلدات التسعه ... حملتها علي ظهري وانا اركض لاحقاً القطار
في رحله من مونتريـال الي تورنتو منذ سنوات بعيده ...
كم فرحت حينما اتي لي بها ( العم حسن ) صاحب مكتبة الشرق الاوسط في سانت لوران
اتي لي بها من لبنان هي و كتاب لمعروف الرصافي ...
توقفت وانا اقلب في روائع نزار قباني قصيدته التي ابدعت في ادائها ماجده الرومي
كلمات ...
كلمات:نزار قباني
ألحان:إحسان المنذر
يُسمعني.. حـينَ يراقصُني
كلماتٍ ليست كالكلمات
يأخذني من تحـتِ ذراعي
يزرعني في إحدى الغيمات
والمطـرُ الأسـودُ في عيني
يتساقـطُ زخاتٍ.. زخات
يحملـني معـهُ.. يحملـني
لمسـاءٍ ورديِ الشُـرفـات
وأنا.. كالطفلـةِ في يـدهِ
كالريشةِ تحملها النسمـات
يحمـلُ لي سبعـةَ أقمـارٍ
بيديـهِ وحُزمـةَ أغنيـات
يهديني شمسـاً.. يهـديني
صيفاً.. وقطيـعَ سنونوَّات
يخـبرني.. أني تحفتـهُ
وأساوي آلافَ النجمات
و بأنـي كنـزٌ... وبأني
أجملُ ما شاهدَ من لوحات
يروي أشيـاءَ تدوخـني
تنسيني المرقصَ والخطوات
كلماتٍ تقلـبُ تاريخي
تجعلني امرأةً في لحظـات
يبني لي قصـراً من وهـمٍ
لا أسكنُ فيهِ سوى لحظات
وأعودُ.. أعودُ لطـاولـتي
لا شيءَ معي.. إلا كلمات
|
Post: #85
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-21-2014, 07:58 AM
Parent: #84
Quote: Mohamedadam Kjoul
يا سلاااااااااااااااااااااااااام يا قباني بوست متعه وحكي مرتب وسرد جميل عيشتنا في عالم تاني وااااااااااااااااااااااااااااااااااااااااااااااااااصل ياهندسه
رد · أعجبني · متابعة المنشور · 18 يناير، الساعة 04:53 صباحاً |
نموت كمد يابوحميد يعني ...
ما لازم نمرق الجوانا ...
البلد سرقوها ... لكن الجوانا ما قدروا عليهو ....
تسلم يا حبيب ...
|
Post: #86
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-22-2014, 07:31 AM
Parent: #85
قالو الشئ بالشئ يذكر !!!
تعودت إن ذُكر أمامي شئ او موقف ...
اتذكر مواقف و أشياء قديمه تاتي من مخزون الخمسين عاماً و نيف ...
ليس بقاعده عندي ان تكون المواقف مشابهه ...
ولكن مجرد كلمه تذكرني بشي او موقف او اغنيه لها مناسبه ...
اليوم كنت اتحدث مع صديقي حيدر قاسم ...
و في سياق الكلام اتت سيرة مؤتمر اللاءات الثلاثه !!!
لا صلح و لا اعتراف و لا تفاوض ...
مرت ساعات المساء ... و جاءني الهاتف المجنون ...
فتذكرت اغنيه لم ادندن بها منذ زمن ...
وتذكرت لاءات و لاءات أُخر ...
لاءات صالح عبدالسيد ابوصلاح و كرومه ...
تحفه فنيه .. ومدرسة ادبيه متكامله ..
شوف العين قالت ده لا لا
صدت من تيها ودلالا
ريدتك ساكنة الجوف خلالا
و الاعضاء امتزجت خلالا
برّاق سنك شقّ لالا
وسهمك صاب احشاي قلالا
اسباب الغي و العلالا
ضُمرتها والخِصر العلالا
نور في نور ياذا الجلالا
وخدن بالدمعه انجَلالا
في الترنيع ماليك مثالا
علمتي الغصن الرتالا
شوفتك كم عاشق أتالا
وعاد مطعون بسهام قتالا
يا نسام اوصف جمالا
والقامه سيرك همالا
اوصف لي اسباب كمالا
وقول لام خد هاجراني مالا
النسام شال الرسالة
وفي التوضيح روّق رِسالا
ذكرني الرُطب العسالا
وهاج الشوق والدمع سالا
|
Post: #87
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-25-2014, 04:22 AM
Parent: #86
كلما نفقد الأحباب ...
نتذكر غربتنا ...
________________
حليل الناس حليل الناس
حليل البسمة وضَوّ النجمة فوق الكاس
حليلي الليله يايمه انا الفي الغربه مقطوع راس
يجيني الليل مناحة هم لازغروده لاوناس
ماشفتي يايمه الدمعه فوق الدمعه .. يوم يخدِّرْ قليبنا خلاص
اقول ياضيعتي وجعي وبكاي يغلِّـــبْ الحَنَّاس
حليلي الليلة يا يمة انا الفى الغربة مقطوع راس
وكيف الدار وكيف ناساً عُزاز وحُنان
وكيف العيد
صفق النخله ببقى جديد
ومن موية العيون رويان
عليكم عيد .. يجيكم عيد
وانا عيدي فوق دمعي البسيل كملان
تباريح الهوى السهرانه تعذب في قليب سهران
واسال في نسايم الشوق اقول امكن طريتو فلان
حليلي ...
حليلى الليلة يا يمة انا الفى الغربة مقطوع راس
|
Post: #88
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-27-2014, 02:13 AM
Parent: #87
Quote: Salah Hussain · Khertoum sudan
يا قباني ياااخ
اهبط في بوستيك دا
عندك بوستات هكذا جمال -- داير شنو في بوستات اخريات
رد · أعجبني · متابعة المنشور · أمس في الساعة 12:30 صباحاً |
شقاوة بس يا صلاح حسين ...
نعمل شنو ...
كدي النهدي ليك الكلام العجيب ده ...
طلبها حبيبنا عثمان موسي و جبتها ليهو بيغادي ...
وبهديها ليك بي جاي ...
|
Post: #89
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: صديق الموج
Date: 01-27-2014, 03:20 AM
Parent: #88
يحى يا ود قلبا
كما قال المرحوم على المك :
امدرمان حيث تعلمنا كيف يكون العيش صبابة
ياخى مالك داير تخرب علينا كبرنا هداك الله
انت ما سمعت كلام ود ام درمان محمد سعيد العباسى ذلك الفحل اذ يقول:
و قد سلا القلب عن سلمى و جارتها و ربما كنت أدعوه فيعصيني
يا بنت عشرين و الايام مقبلة ماذا تريدين من موعود خمسين
قد كان لي فيك قبل هذا اليوم هوى اطيعه و حديث ذو افانين
نعم كان لنا فى مراسحها قبل اليوم هوى و حديث ذو افانين
الله يسامحك يا شفيف،،،
|
Post: #90
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 01-29-2014, 00:18 AM
Parent: #89
Quote: يحى يا ود قلبا
كما قال المرحوم على المك :
امدرمان حيث تعلمنا كيف يكون العيش صبابة
ياخى مالك داير تخرب علينا كبرنا هداك الله
انت ما سمعت كلام ود ام درمان محمد سعيد العباسى ذلك الفحل اذ يقول:
و قد سلا القلب عن سلمى و جارتها و ربما كنت أدعوه فيعصيني
يا بنت عشرين و الايام مقبلة ماذا تريدين من موعود خمسين
قد كان لي فيك قبل هذا اليوم هوى اطيعه و حديث ذو افانين
نعم كان لنا فى مراسحها قبل اليوم هوى و حديث ذو افانين
الله يسامحك يا شفيف،،، |
موج يا فنان ...
الكبر يا صديق عباره عن ( رقم ) ليس إلا ...
الكلام الاحساس ...
ما تحبس نبضك يا حبيب و اطلق لي دواخلك حريتها ...
آخرها ما اكتر من كوم التراب اياه !!!
تعرف يا صديق كان انا ما سمعت الغنا السمح ده كل يوم و الله اتخنق ...
|
Post: #91
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-03-2014, 05:16 AM
Parent: #90
حينما كنا صغاراً
كانت احلامنا صغيره ...
كنا نحلم بكلمه منها ...
لو قالتها ... عشنا بها دهراً ...
كبرنا قليلاً ... و كبرت معنا احلامنا ...
و حلمنا بالحياة الآتيه ...
خُيّل الينا ان الحياه بين المحبين
ان نفترش الارض و نتلحف بالسماء
و نأكل حُباً ... نشرب حُباً ...
ولكن الحياه طريقها شائك ..
و لكنا مضينا فيها ... رغم العواصف ..ّ
و كم انعشتنا كلمات الشاعر البديع عبد المنعم عبد الحي
حينما قال :
ابني عُشك ياقماري قشه قشه
وعلمينا كيف على الحب دارنا يُنشا
رغم العواصف برضه واقف مافيه رَعشه
علمينا يا قماري سِر المحنة
وكيف بتبني ياقماري من قشة جنة
وكيف تخلي الحب دوام فوق المظنة
وكيف نهلنا على مهلنا وحبنا مافيه غشه
ينتهي الكلام حينما يصدح سيد خليفه !!!
|
Post: #92
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-06-2014, 04:35 AM
Parent: #91
كم غريب هو الانسان ...
تسعده أشياء ... و تحزنه أشياء ...
ليس غرابه في ذلك ...
و لكن الغريب ان الأشياء ( نفسها ) ...
تسعده تارة ... و تحزنه تارة ...
اتينا الي هذه البلاد بعد غربه وجيزه في بلاد العم سعود ...
لم نعرف معني العواصف الثلجيه .. ولكن كنا نتشوق لوصول اولها ...
و كم فرحنا بأننا وسط اكوام الثلوج ... بل تجد لنا صورا كثيرا و نحن فرحين بذلك الاعجاز الرباني ...
وللحق كم هو جميل منظر الثلوج وهي تكسي الأشجار و اقبية المنازل ...
مر بنا الزمان ... و طالت المسافات من وادي المحنه ...
حيث نشأنا .. و عرفنا معني الحريه ...
هي نفس الحريه التي ابعدتنا من ضيم الحاكم ...
رجعت نفس الحريه التي اسعدتنا حينما انطلقنا نضرب في الأرض وراء الرزق و العيش الكريم
رجعت ( تهبشنا ) في دواخلنا حينما تحاصرنا اكوام الثلج ... و يحاصرنا برد الطبيعه و برد ( الإنسان ) ...
لماذا نحن هنا ؟
و هل سننتهي هنا ؟
جلست حبيساً اليوم بعد الغاء كل مواعيدي التي اجبرتني عليها عاصفة ثلجية اتت علي كل شئ ...
و لجأت الي صومعتي في اقصي ركن في منزلي حيث ثروتي من الكتب ... ومن الأغاني ...
ووجدتني ابحث عن اغنية لطالما عشقتها ... و لطالما حكت عن حالي ...
قلنا راح مع الايام
عدى من ايدينا راح
اصلو يا العصفور دا حالك
من ما سويت ليك جناح
يعنى كان صارحت مالك
نحن ما بينا الصراح
كان ضميرنا ارتاح وحاتك
و بقي لومنا عليك سماح
****************
كيف نلوم عصفور حنين
مرة بيقاسى الرياح
و مرة تلقاهو بيغنى
فوق فريعو مع الصباح
و مرة فى وادي المحنة
و مرة فى ابعد بطاح
طاوي حريتو في جناحو
وعمرو ما ملٌ الرَوَاح
***************
اطرا يا عصفور حبابيبك
و انت فوق حلتنا راحل
جايبك الصيف من ديارك
شايلك الشوق للسواحل
فرح ايامنا الحزينة
وبالسلامة تاني واصل
كان نسيت موسمنا ديّا
فى المواسم الجاية حاول
|
Post: #93
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-06-2014, 05:52 AM
Parent: #92
|
Post: #94
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-07-2014, 05:42 AM
Parent: #93
وردي قال العميري ...
شرايينو المليانه فن ... ما اتحملت ...
محمد وردي بغنائه و الحانه وضع نفسه عالياً ...
له هيبه ... و يخاف اهل الفن تقليد اغنياته ...
و من فعل فقد خسر كثيراً ...
الا عبد العزيز العميري ...
ما غني لأحد العمالقه الا وزاد اغانيه حلاوة علي حلاوه ...
____________________________________
غابت سودانيز اون لاين 24 ساعه كامله ...
و عادت ...
ومازالت الناس ممسكه بتلابيب بعضها البعض !!
توقعت ان الغياب ... قد يحد من المشاحنات ...
ولكننا يا بدر لا رحنا و لاجينا ...
_____________________________________
احس ان ما اكتبه في هذا البوست صار كخضراء الدمن ..
ولكني سأكتب ... لعل و عسي من يسترح قليلا من اي معركه ...
يمر من هنا ... وقد يثنيه جمال ما قاله هؤلاء العظماء ...
فيهدأ !!!
قال اسماعيل حسن
بيني و بينَك و الأيام قِصة حب طويلة
شيّدناها بالآمال و العُشرة النبيلة...
قصة حُب رواها للأيام حناني
نبع الريد سقاها و إخضرّت أماني
جار قلبَك نِساها في أيام قليلة...
كانت في خيالي ألحان في شعوري
أسرار المحنَّة بتعذِّب ضميري
حلّفتَك بربَّك لو في الطيف تزوري...
ديمة الناس تفرِّق تمنعنا التلاقى
و جمر البين يحرِّق و يزيد في إشتياقي
يا مسافر مشرِّق وين؟.. أيامكُم حليلها...
إن طالَت ليالي, و إن جارَت علينا
برضَنا نحنا روح واحدة بقينا
و من قول العوازِل سيبَك ما علينا..
ابدع فيها وردي ايما ابداع ...
ولكني احب دندنة العميري بها حباً لا اجادل فيه ...
فلنسمع ذلك ( الفلته ) ... و بيني و بينك و الأيام ...
|
Post: #95
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-10-2014, 05:09 AM
Parent: #94
هيامي بيك يا فاتن مصدره الإنصاف
انصفت حسنك حب وانصفت حبي عفاف
ذوبت روحي معاني دقيقة في الاوصاف
هوّمت نفسي خيال في معبدك طوّاف
سكبت روحي على كاس المحبة سُلاف
هل بعد هذا أكون لسهام نواك أهداف
عبدالرحمن الريح كتب و ابدع ...
لكن المجنون كما رثاه البديع عثمان خالد وقال :
دي عملتها كيف يا شقيق القلب.. مش وعدنا إنك ترثيني!
مش كان الأوقع يا مجنون.. إنو يعزوكا وتنعيني
ذلك المجنون حينما اسمعه في انصاف ...
يصيب جسمي خَدَر ... ولا اقوي علي الكلام ...
ولا اري نفسي الا في جلسة علي رمله بارده علي شاطى النيل ...
جالس بين الاحبه ... ندندن و نتسامر ...
نعد النجوم ... و لا نحسب لها عددا ...
|
Post: #96
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-12-2014, 06:11 AM
Parent: #95
عمنا عتيق قال :
ولو سألك عليّا
قول لي منامُه قلَّ
وأصلُه شكايته علّه
و الحب ليس إلاَّ
ومهما طال فراقي
أو عزَّ التلاقي
أنا على عهدي باقي
_______________________________
قالو زعل الاحبه كما السكته القلبيه المصغره !!!
كم قلوب ( سكتت ) ... وكم حبيب زَعّـــل حبيب ؟
|
Post: #97
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-14-2014, 06:39 AM
Parent: #96
لا أكتب الشعر ...
و لكني احب التأمل فيه ...
كثيراً ما اتوقف عند ابيات و مقاطع ...
و لكن ما كتبه الحسين الحسن في حبيبة قلبي او حبية عمري ...
يدهشك فيه انه يلامس اشياء و اشياء فينا ...
الغريب فيه ... انه حتي ( فَضْح ما بينهما ) ... احتفي به الحسين الحسن في حبيبة عمري ...
حبيبة عُمري ... من الاغنيات التي تلازمني اينما حليت ...
تستوقفني كثيراً هذه الكلمات بالتحديد
فَفِي ذاتِ يومٍ رَقيق النسيمِ
كثيرِ الغيومِ ... قصير العُمر
ذكرتُ مكاناً عَزيزاً عليّ
أنتِ بِه و أنا و الأُخر
ذكرتُ حديثكِ ذاك الخجولَ
و صوتُكِ ينسابُ منه الخَفَــر
حبيبة قلبــــي ...
تقولين ماذا ...تقولين ويحي ...
وهل كُنتُ أفهمُ ...حَرفاً يمُر ...
|
Post: #98
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-17-2014, 06:36 AM
Parent: #97
اتعجب من من لهم عقليه تحكم قبل ان تعرف او تفهم ...
و اتألم ايما الم لمن يحكم علي شخصي بالغربيه ...
و انا العاشق للوطن ... و العاشق لكل ذرة تراب فيه ...
انا الحبيت بنات بلدي ... و اتعلمت الحب و الريده في بلدي ..
يأتي علي زمان ... و يتهمني اي كان في حبي لبلدى و لبنات بلدي ...
واقول له ... انت لا تعرفني ...
و اقول له انحنا بنحب من بلدنا ... سودانية تهوي عاشق ود بلد
التّوب المهبهب فوق أم الضّفائر
والخد المعطّر زي أحلى الأزاهر
والخطوة الأنيقة ترنيمة مشاعر
أنا بيك كل عمري بمشيلها وبسافر
|
Post: #99
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-18-2014, 06:34 AM
Parent: #98
قال نزار قباني ...
حاولتُ أسألُ : ما الأنوثةُ ؟
ثمّ عدتُ عن السؤالْ
فأهمُّ شئِ في الأنوثةِ
أنّها .. ليست تُقَالْ ....
و قال ابو الطيب المتنبي ...
كَم قَتيلٍ كَما قُتِلتُ شَهيدِ" "بِبَياضِ الطُلى وَوَردِ الخُدودِ
وَعُيونِ المَها وَلا كَعُيونٍ" "فَتَكَت بِالمُتَيَّمِ المَعمودِ
دَرَّ دَرُّ الصِبا أَأَيّامَ تَجري" "رِ ذُيولي بِدارِ أَثلَةَ عودي
عَمرَكَ اللهُ هَل رَأَيتَ بُدورًا" "طَلَعَت في بَراقِعٍ وَعُقودِ
فقال الكابلي ...
نور و زهور و عطور واستلم المجال
صوت منساب بنّور و شبه ناس قلال
خفة روح عصفور و إشراقات خيال
خلى قلوبنا طيور و حال أرواحنا حال
|
Post: #100
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 02-24-2014, 03:43 AM
Parent: #99
هل يجوز لي يا تري اقتباس كلمات القدال
حتي اوصف بها حالي .. و حزني ؟
وانا الذي تركت الوطن .. وانا ابن الثامنه و العشرين ...
وكان الامل سنوات قليله ... نعود بعدها الي الاحسن و الافضل ...
و صارت السنوات دهرا ..
انتصفت بنا الخمسينات ... ولا نري نورا و لا امل في العوده !!
سرقوا منا كل شئ ...
سرقوا العمر ... والبسمات و الضحكات ...
اين ايامنا و نحن نلتف حول المبدعين ... عثمان النو و منال و انور و عوض الله و شمت ؟
حتي ذكرياتنا ... يتحدون الزمن ان ينسينا اياها ...
ولكن سنصبر ...
اسمح لي يا قدال .. فانا محتاج لسماع هذه الكلمات ..
ماضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
ونحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
وكنتى فى ليل الخوابى
تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
|
Post: #101
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-08-2014, 01:16 AM
Parent: #100
حينما يفيض ما بدواخلك ...
ويعصرك الم الفراق ..
و تحرقك نار الاشواق ...
اشتهاء جلسة بين الاحباب ... في عصرية خريف ...
الارض رويانه ... و الهمبريب يداعب ...
نروي بيها جوفنا العِطِش و اصلو ما داير يروي !!!
عمنا سليمان عبد الجليل ... واستاذنا حمد الريح ...
مرقوا احن كلمات في الشعر الغنائي السوداني ...
اسمعها ... ازدادُ ألماً ... ولكن احس اني قريب !!!
نَحَمِّــل رسايلنا واشواقنا
لي حبايبنا وللاهل
للقاطعين الرسايل
الاحلى من عسل النحل
لذات الضفاير الطايشة
بين مجلس عشيرة وبين أهل
|
Post: #102
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-09-2014, 08:48 PM
Parent: #101
bad code
|
Post: #103
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-09-2014, 09:22 PM
Parent: #102
..
|
Post: #104
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: بكرى ابوبكر
Date: 03-13-2014, 10:16 PM
Parent: #103
اسفين للازعاج يا استاذ يحيى
تعرف العنوان بتاع صورة الاستاذ كان المشكلة المرجو تغيره بواحد اقل فى URL
|
Post: #105
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-13-2014, 11:04 PM
Parent: #104
Quote: اسفين للازعاج يا استاذ يحيى
تعرف العنوان بتاع صورة الاستاذ كان المشكلة المرجو تغيره بواحد اقل فى URL |
كلام عديل يا هندسه ...
بس البذكرني كلامي الفي اول البوست شنو. ؟
كدي نشرب القهوة و نقعد بي مزاج ...
الرد الاخير انا متذكره حرف حرف ...
و الاولاني بدا بي ملاح الخالدي ...
الله المستعان ...
تحياتي يا هندسة
|
Post: #107
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: د.ماجدة ميرغني
Date: 03-15-2014, 04:16 AM
Parent: #105
الاخ يحي قباني
ان شاء اللة كويسين مع البرد العجيب.
واديك قدرما عايز في الدنيا دي..
واديك قدر جمال البوست بتاعك ده..
واديك قدر ما ادانا من جرعة ازالت عنا ما
استعصى على وصفات الاطباء من
احباط سكن جوانا..
والله نسينا الفرح ..وغلبنا الطرب
شكراً ليك يا جميل على هذا الجمال
استغرب من الذين دسوا في ديننا الحنيف
حرمة الغناء ..
الله لا كسبهم لا في الدنيا ولا في الاخرة
لك تقديري واحترامي
|
Post: #109
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-15-2014, 05:24 AM
Parent: #108
Quote: الاخ يحي قباني
ان شاء اللة كويسين مع البرد العجيب.
واديك قدرما عايز في الدنيا دي..
واديك قدر جمال البوست بتاعك ده..
واديك قدر ما ادانا من جرعة ازالت عنا ما
استعصى على وصفات الاطباء من
احباط سكن جوانا..
والله نسينا الفرح ..وغلبنا الطرب
شكراً ليك يا جميل على هذا الجمال
استغرب من الذين دسوا في ديننا الحنيف
حرمة الغناء ..
الله لا كسبهم لا في الدنيا ولا في الاخرة
لك تقديري واحترامي |
د. ماجده ...
شكراً علي الطله الحلوه في استراحتي دي ..
كلما يزيد الاحباط من الحاصل يا دكتوره ...
اجي اتنفس هنا ...
ما عليك منهم ... اسمعي و روحي عن نفسك ...
____________________________
البرد كتلنا مره واحده السنة دي ...
20 سنه ما شفنا شتا زي دى ...
الحمد لله ... برضنا احسن من غيرنا ..
______________________________
شكرا علي زاهي في خدرو ...
من اجمل ما غني العميد ... وكلمات الصاغ محمود ابوبكر صاحب صه يا كنار ...
|
Post: #110
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-15-2014, 05:34 AM
Parent: #109
يا شَبيهَ البَدْرِ حُسْناً وضياءً ومِثالا
وشَبيهَ الغُصْنِ ليناً وقَواماً واعْتِدالا
أَنْتَ مِثْلُ الوَرْدِ لَوْناً ونَسيماً ومَلالا
زارَنا حَتَّى إِذا ما سَرَّنا بِالقُرْبِ زالا
اربعة ابيات ..
كتبها الشاعر العباسي ابو بكر الخالدى منذ الف عام !!!
و ابدع في ادائها العقد الفريد ... عقد جلادنا الاصيل ...
اربعة ابيات ... جمعت من توصيف الجمال .. وابداع الخالق في من خلق ...
غيره ما استطاع في قصائد كامله ان يأتي بمثلها ...
كل انسان يرتبط بلحن او اغنيه او كلمات تذكره بحبيب او بموقف ...
انا صارت يستوقفني هذا البيت العجيب ...
زارَنا حَتَّى إِذا ما سَرَّنا بِالقُرْبِ زالا
فكل ما اري امي في منامي ( رحمها الله ) ...
و كلما اسعد بلقياها ...
استيقظ ...
و لا اجدها ... في هذه ( الدنيا ) ...
و لكني ميقن ... اني سانام يوماً ... و سيكون اللقاء ...
الي اجمل انسان خلقه ربي ... الي امي الحبيبه ...
|
Post: #111
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-17-2014, 05:19 AM
Parent: #110
ما اجمل ال Social Media
ضحكت كثيراً اليوم ...
ليست لي علاقه نهائياً بالمدعو الفيس بوك ...
ليس جهلا بل لا وقت لدي حتي انزلق في ذلك الفخ ...
ولكن لا اخفي عليكم .. تاتيني رسائل احيانا علي الايميل ... هناك رساله او هناك صوره ...الخ من اشياء الفيس بوك
لا ادري لماذا دخلت اليوم بعد عناء في تذكر الباس وورد ...
و أخذت اقلب الصفحات و انا الغير ( حريف ) بدهاليزه ...
و فجأه وقعت علي صفحة ... اجتمعت فيها ( سيدتين ) ...
كانتا حبيباتي يوماً ما ...
رايت الصور ... و لا اخفي انهن ما زالتا في جمالهن ... ولكن الزمن رسم خيوطه علي تلك الوجوه الباسمه ...
ضحكت كثيراً ... ورجع بي الزمن عشرات السنين ...
ما اعجبه احساس ... ان لا يخفق قلبك الآن .. ولكنك تتذكر كيف كان خفقانه وقتها ...
ما اعجب الميديا ... تربطنا حتي بتاريخنا ...
اهدي احداهن أغنية عمنا عمر البنا ... حتي تشاركني ضحكاتي ...
بصوت نجم الدين الفاضل ...
والذي كنت في ذاك الزمان اردد معه حين يقول هو ( منعوك أهلك ) .. فاقول ( منعول ابو اهلك )
|
Post: #112
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-17-2014, 05:33 AM
Parent: #111
منعوك لكنك ثأرت ... عافي منك ...
|
Post: #113
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-24-2014, 03:44 AM
Parent: #112
صديق الزمن الجميل بله البكري كتب حينما كنا نتحدث عن ( عطف الريم ) في هذا البوست ما يلي :
الريم هي نوع من الغزلان ويأتي ذكرها كثيرا في اشعار الحب والغزل الشعبي حيث توصف بها المحبوبة لتطابق الصفات الجمالية بصفة عامة. وقد يأتي ذكرها بأسماء كثيرة منها (الديفة) و(المهرة أوالمهيرة) و(العنز) و (ود الأدرع) و (البكيرة) و(الجَفَل) و(البرروبة )!. من صفاتها هي التحنان والحماية لصغارها. انظر قول أحد شعراء الدوبيت واشارته لحماية هذه الريم لصغيرها والتي أشار لها ب (ود الأدرع)
قال:
ود الأدرع المن داب حقب قرقابو
أمّو مدرجاه ومن الكبار تجّابو
نزلتبو العتيق في الهجعة تتكابو
نظرك في الوحوش فرضَة وقليل تيرابو
_____________________________________________________
اما انا فسأهديه و أهدي كل محب للجمال ... نفس رمية الدوبيت اعلاه بصوت ابوداؤود ...
كرمية ... يعقبها ابوداؤود بفلق صباح ( الخليل ) ...
من روائع و درر مكتبة الأغنية السودانية ...
لم يكذب الاستاذ علي المك رحمه الله و هو أتٍ الي ( جلسه )
و عند دخوله كان ابو داؤود يغني ( يا عين بتخافي مالك ) ...
قال علي المك حين سؤاله وين تأخرت ... قال ( ما جيت ..عشان أسمع التلاوه دي ) ...
وآآآآخ جلوك يا أمير ... ولا نُمت نهار ..!!!!!
|
Post: #114
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: BALLAH EL BAKRY
Date: 03-24-2014, 03:02 PM
Parent: #113
فووق
وشكرا يا صاحب
دعوتك مجابة ودعني استمع لهذا الأبداع
واجيك راجع
تحياتي
|
Post: #115
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: Osman Musa
Date: 03-24-2014, 03:12 PM
Parent: #114
عزيزنا قباني
سلام
وياخ بارك الله فيك البتخلينا نمرق من الصفحات العنصرية في المنبر
الي ساحات الخدود والتراحم والجمال .
تحياتي وشكري علي ميلانك لتلك النواصي الخالدة والباقية .
|
Post: #116
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: BALLAH EL BAKRY
Date: 03-24-2014, 04:37 PM
Parent: #115
يا سلالالام علي ابو داوود ما اروعه
.
وهاك حكاية قصيرة في حب الحقيبة
العيال كبرت يا يحيى والمدام اصرت قبل فترة لازم نعمل (رنوفيشن)
رئيسي للبيت. ودي طبعا بالنسبة لأي مهندس من المشاريع المعقدة جدا
لأنه ال (كلينت) دائما علي حق! ومرات بكون ديكتاتور عديل!
واذا لاويته شديد ممكن تلقى نفسك في مشكلة من نوع تاني!!
المهم وافقت علي مضض وجبنا ال (لآركتكت وهو نفسو مقاول).
العملية تمت علي افضل ما يكون. عال العال. وبقينا في التخلص
من بعض الأشياء القديمة البتكون مترادمة في البيت
بالسنين ومخزنة في كراتين عتيقة في القراش وفي
ال(أتك) والمخزن وخلافه
وبعد شوية اشوف ليك كراتيني البعرفها الفيها شرائط حقيبة
(في الأذاعة مافي) شايلها واحد من العمال وماشي بيها علي اللوري
بتاع (ربش ترك)! فصحت به:
o تعال تعال يا اخينا هوي دا شنو؟
o دا ربش..
o القال ليك منو دا ربش؟! والله كان ربش ما عارف..
o بس شايفا قديمة ومهلهلة ومليانة غبار و.. .و..قتلتا يمكن ما دايرنها
المهم خلصت كراتيني من (الربش ترك) تحت نظرات الأستغراب من وليداتي وامهم.
ودخلت بيها البيت وبديت انضف الغبار منها..
هكذا الحال يا صديقي في الغربة
مع الدرر النفيسة التي اري أن لك بها شغفا وحبا ودراية
وشايفك عملت ليها مكتبة الكترونية كمان
فلله درك – أنها خدمة عظيمة للوطن وللأجيال
وحاجيكم هناك أسجل فورا..
وبالمناسبة الدوبيت هو المادة الخام (روو ماتريال)
لكل الشعر الشعبي حقيبة ومديح
ونميم وخلافه. وبجيت راجع
لعمر البنا في قوله:
بقي شغلي "نميم"
وشايف ابو داود في الرمية قال ود (الأريل) ودي برضو
من اسامي الدلع للغزال نسيت أذكرها
كدي شوف لينا حاجة فيها:
اريل شام شروق شراكي ما نشابك
وشم نفسك يفوق مسك
العشاري الشابك
جديات العسين قالن لى
احمى رهودنا
عن اسد الشرى
وامنع ضوارى فهودنا
قالن لى لو تحفظ مواثيقنا
وتراعى عهودنا
تتوسد ضفايرنا
وتنام فى نهودنا
ياخي انت فتحت جخانين في الذاكرة يعلم
بيها الله بس... غايتو الله يلزّم الصبر يا يحيى يا اخوي
|
Post: #119
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-24-2014, 10:35 PM
Parent: #115
Quote: عزيزنا قباني
سلام
وياخ بارك الله فيك البتخلينا نمرق من الصفحات العنصرية في المنبر
الي ساحات الخدود والتراحم والجمال .
تحياتي وشكري علي ميلانك لتلك النواصي الخالدة والباقية . |
بركة الجابتك لينا يابو عفان ...
العنصريه بعيد عنك و عن السامعين مرض عضال ... متأصل و متغلغل داخل الكثيرين ...
الله يكفينا شره و ياريت الناس تلتفت بما فيه نفع للبلد و لي رقبتهم ...
و خليك قريب و انت تسمع الغنا السمح ... و الغنا الما سمعتو قبال ده ...
|
Post: #118
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-24-2014, 10:31 PM
Parent: #114
Quote: فووق
وشكرا يا صاحب
دعوتك مجابة ودعني استمع لهذا الأبداع
واجيك راجع
تحياتي |
جاييك للرد علي مداخلتك البعد عثمان موسي الفنانه يا زول يا سمح ...
|
Post: #117
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يوسف محمود
Date: 03-24-2014, 05:33 PM
Parent: #1
استاذ قبانى
اللوحة التحت دى تكفينى فهى تكفى لاعادة برمجتى وتظبيط هذا الفشفاش اللى انهرى من امواج الغربة
Quote:
حيدر يا صديقي ...
جلسة في ( حِجِر ) جدي .. يمسكني بيده اليسري ...
و يطعمني بيمناه كسره معجونة في ملاح الخالدي ...
في حوشه الامامي ... في ودأرو ...
لحظة يا حيدر تسوي الدنيا و ما فيها ... |
|
Post: #120
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-25-2014, 06:18 AM
Parent: #117
Quote: ودخلت بيها البيت وبديت انضف الغبار منها..
هكذا الحال يا صديقي في الغربة
مع الدرر النفيسة التي اري أن لك بها شغفا وحبا ودراية
وشايفك عملت ليها مكتبة الكترونية كمان
فلله درك – أنها خدمة عظيمة للوطن وللأجيال
وحاجيكم هناك أسجل فورا.. |
اول حاجه تعملها التسجيل ده يا جميل ...
تاني شي ... كل نفضة غبار اتذكر معاها تلك اللحظات الجميله ...
كلها ( لحظات باقيه ) كما قال عمنا جماع ...
مهما حاول الجهلاء مسح تاريخنا ... و لكنه باقِ فينا ما حيينا ...
_________________________________________
لي عودة لمداخلتك الدسمه ...
|
Post: #121
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-26-2014, 06:07 AM
Parent: #120
Quote:
استاذ قبانى
اللوحة التحت دى تكفينى فهى تكفى لاعادة برمجتى وتظبيط هذا الفشفاش اللى انهرى من امواج الغربة
Quote:
حيدر يا صديقي ...
جلسة في ( حِجِر ) جدي .. يمسكني بيده اليسري ...
و يطعمني بيمناه كسره معجونة في ملاح الخالدي ...
في حوشه الامامي ... في ودأرو ...
لحظة يا حيدر تسوي الدنيا و ما فيها ...
|
تحياتي اخي يوسف
و شكرًا ليك علي طيب كلماتك ياخي
الغربه شالت مننا و لسه بتشيل يا يوسف
و تجي هنا تقول تونس نفسك و تقرب نفسك من نفس الناس عشان
تشم ريحة البلد ...
تلقي الناس تتصارع و تتغالط و تتغالظ ...
حزين و الله يا يوسف علي حال السودانيين !!
|
Post: #122
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 03-29-2014, 05:29 AM
Parent: #121
أنا برضي عشــــــــــــــــــــــــــــوق
________________________
يا نسايم الليل ... آنسيني ...
في رجوعك ... لا تنسيني ...
بي طيب الحب ... آسيني ...
من بُعدُه الضُر ... ماسيني ...
أنا برضي عشُوق ... مهما جيوش الحب صالو ...
شاعر ( النسايم ) عمنا عمر البنا قال لو للغنا كان في بنك ...
نسايم الليل كان فكوها بألف غنيه !!!
نسايم الليل صالحه لكل زمان و لكل مكان ...
____________________________
كم اشتاق الي ليالي السودان ...
ليل امدر .. لا يشبه ليل الخرطوم ...
ليل كوستي لا يشبه ليل ود مدني ...
كل ليله منهم تنافس اختها في البهاء و الجمال ...
كم نبضت قلوبنا .. وذُرفت دموعنا تحت ليالي السودان ...
كنت جالساً في ليله من تلك الليالي مع مجموعة من الاصدقاء علي ضفاف النيل الازرق ...
ليله قمرها 14 ... و نجومها كالعقد المنضوم ...
لا ادري لماذا كان الدمع ذارفاً ...
ولكني اذكر تماماً كانت ( نسايم الليل ) تجففه في كل مره ينهمر ...
كنا نغني ...
يا نسايم ما بترعيني ...
و ما بفيدني شذاكِ دعيني ...
لو قصدك لي تعيني ...
أرجعي بي دمعة عيني ...
للمعشوق قول ليه ينوح و نومو عصالو...
____________________________
|
Post: #123
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 04-11-2014, 04:34 AM
Parent: #122
بعد محاولات عديده لإيجاد موضوع للقراءه في المنبر ...
و علي قدر المحاولات المستميته لتفادي بوستات الصراعات لما فيها من هم و غم ...
لم يكتفي هؤلاء بمحتويات بوستاتهم .. بل انتقل القبح الي العناوين ...
اعلن الان لجوئي الي السماع فقط ... سماع ما يرجعني الي الزمن الجميل ...
______________________________________________
هل هذا زمن ... و مثل من كتبوا و تغنوا بهذه الدره زمن ؟
كأننا نعيش في قاع الدنيا الان ...
___________________________________
|
Post: #124
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 04-23-2014, 00:56 AM
Parent: #123
كتبها سيد عبد العزيز ...
و لحنها و غناها الحاج محمد احمد سرور
و غناها الفاضل احمد و ابراهيم عبد الجليل و عوض شمبات ...
و غناها بحرفنه شديده حمد الريح ...
ولو دانت لي سلطة الابداع في السودان ...
لفرضتها فرضاً علي المناهج الدراسية ...
و لجعلتها ماده اساسية لطلبة علوم الاجتماع و الشئون الأسريه ...
ياغصون الروض الآمالك النسيم الجاك من شمالك
والا صوت القمري الحنين
قمــرية قالـت للتــانيـة مـالـك إنتي لسه في عز جمالك
لسه حملك في ظهور جمالك ونائمة فوق الخدر الامين
قالت ليها اقسم ياأختــي خايفـه من زماني ومافيه شايفـه
إلا قُلتَ أخيــر أبقـــى عايفـــه عوني شرفي ونعم المعين
قالت ليها شوفي الزهرة في نداها زابلة عابسة أصفرت يداها
هـل هي كانت كده في بداها وكيف مصيرها إن طالوا السنين
حمد الريح ... يا غصون الروض الأمالِك ...
|
Post: #125
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 04-23-2014, 07:47 PM
Parent: #124
أنا مجنون هواك
لكنى أظهر مظهر العاقل
أخاف على حبك أضمضم
أخاف يجد الكلام ناقل
أخيل خدك الآسل
أخاف من لحظك الواقل
يشوفنى ويمضى تأثيره
يسيبنى ويمشى متاقل
***
حبيبي تبين الأخبار
إذا كان يوم يجيك عازل
يريد يوشيك عن امرى
فأفهم أنه مترازل
أقول ليك الكلام الجد
وما أنا فى الكلام هازل
وما أنا للوداد ناسى
ولا عن حبى متنازل
كتبها عبيد عبدالرحمن حينما ( سافرت ) محبوبته ( فجأه ) في تلاتينات القرن الماضي ...
و ما ادراكم و ميتة الفجأه ...
|
Post: #126
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 05-01-2014, 10:48 PM
Parent: #125
حتي هذه الساعة ...
لا ادري لماذا قال العبادي لعتيق ان هذه القصيده ( دايره ليها سمكره ) ؟
هل من حظ خضر بشير ... ام من حظنا ان ( يرميها ) عتيق في دولابه سنيناً عددا ...
حتي يطلب منه خضر بشير قصيده ليغنيها فيخرجها له ...
وتخرج الينا الأوصوفوك ...
الاوصفوك بالبدر او الزهر ... هم ما انصفوك
|
Post: #127
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 05-02-2014, 05:42 AM
Parent: #126
عشقتو من نظرة هو قلبو خالي
كيف الطريقة البيها يتم وصالي
ما أصلو ما ممكن يرد لي سؤالي
كأنوا ما شاعر كيف بشغل بالي
يمر علي كالطيف وتضوي اللآلي
العقل فار واحتار فيك يا غزالي
سألت مين ياناس هذا المثالي
اليانعة وجناتو والخصروا بالي
المحتشم ومهذب وطرفو حالي
هل حور أم أنسان أم شيء خيالي
وفضلت أترقب برقو الموالي
وأمتع النظرات في كل غالي
__________________
لما يكتب ود القرشي و يبدع الشفيع ... و يجود الغنا الكابلي !!!
|
Post: #128
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 06-03-2014, 04:55 AM
Parent: #127
حينما لا نفهم لغة هذا الزمان ...
حينما يعتصرنا الم الحنين الي الزمن الجميل ...
نرجع الي الأصل ...
و الأصل هو الطرب الاصيل الذي ينسينا هذا الحاضر المسخ ...
هذه الحلقة العجيبة التي تم تصويرها و بثها علي الهواء في قناة الجزيرة
ما زالت عالقة بالأذهان ...
فما يميزها ليس فقط الجمع بين رمضان زايد و الكروان خوجلي عثمان ... رحمهما الله ...
و لكن لان الراحل رمضان غني فيها كما لم يغني من قبل ...
ثم فاضات روحه بعدها ب 24 ساعة فقط ... فجع فيها كل السودان لفقده ...
اعاد تلفزيون بثها كثيرا بعدها ...
و ما اروع رمضان زايد و هو يغني رائعة مبارك المغربي انا ليتني زهر ...
أنا ليتني زهر في خده الزاهي
أنا ليتني طير في روضه لاهي
أنا ليتني نهر تنساب أمواهي
يحلو تلاقينا من غير أكدار
ويرف وادينا ويغني مزماري
أنا ليتني عود في صدرك الحاني
دنياي تغريد من عذب ألحاني
والفن محفوظ بقلب فنان
في خفقة القلب
تنساب أوتاري
بالشعر والحب
بالشهد والنار
أنا ليتني أنتي
في عالم الحس
أشتاق في صمت
وأحب في همس
وأعود ان عدتي
للمعبد القدس
حيث الهوى السامي
يسمو بأفكاري
وتطيب أيامي
من نبعه الجاري
|
Post: #129
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 06-03-2014, 05:17 AM
Parent: #128
مساء الخير يا الأمير ...
لها قصة ...
و بداية ...
و شاعرين ...
و فنان مغمور ...
ثم ابوداؤود ... و الابداع الغير محدود ... !!!
و كفي ........
|
Post: #130
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 06-20-2014, 03:46 AM
Parent: #129
يا اجمل الناس ...
لهفة الشوق في سلامك
في كلامك وسر غرامك
ماهو خافي
ارتعاشاتك بتحكي
قصة احلامك معايا
مافي داعي
محمد وردي و محمد عثمان كجراي
مافي داعي تقول مافي
يالربيع في عطرو دافي
لهفة الشوق في سلامك
في كلامك وسر غرامك
ماهو خافي
ارتعاشاتك بتحكي
قصة احلامك معايا
كل خفقة في قلبي نغمة
تحكي ليك شوقي وهوايا
انت في بهجة شبابك
وحبي ليك من غير نهاية
مافي داعي
قلبي اخضر ولسة
في ريعان شبابو
بي حرارة شوقو
بيسطر كتابو
شوقي ليك نشوان
بتتراقص حروفو
كل لحظة شوق
شوق بتتجدد ظروفو
مافي داعي
عشنا في دنيا الصبابة
والسعادة فتحنا بابها
بهجت الدنيا وشبابها
ابتساماتك حبابها ...
|
Post: #131
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 08-15-2014, 04:28 AM
Parent: #130
الخليل ...
الذي يدهشك في معارفه ...
رجل من اقصي شمال السودان ...
لم يعش طويلاً ... و رغم ذلك كتب و لحن اغنيات حفظها التاريخ ...
و لكن اين له من معرفة بواطن كلام اهل السودان جميعاً !!!
و اين له من معرفة عاداتهم و طبائعهم ؟
و اين له من معارف اخري من بلاد العالم ؟
حينما كتب في ابنة العم ( بولس ) صاحب ( خلوة بولس ) بامدرمان ...
و قال حيي زهرة روما و ابكي يا مغروم ...
و ذهب يصف شعرها فقال:
شوف عناقيد ديسها تقول عنب في كروم ؟؟؟
ذلك الوقت حيث لا تلفاز و لا عنب و لا كروم في السودان ...
من اين لاهل السودان معرفة العنب في كرمه .؟
فاتي لهم بكلمة ( ديسها ) ... فعرفوا انه شعرها ...
و يبدوا انها كانت تتبع موضة تسريحة ( ماري انطوانيت ) الشهيره و التي تتدلي فيها خصلات الشعر في شكل دوائر
اما الوصف ... فإنا لله من الخليل ...
وصف بت بولس و ما خلي شي ...
شوف عناقيد ديسها تقول عنب في كروم
و الـوريد المـاثل زي زجـاجـة روم
الـقـوام الـلادن والحـشا المـبروم
و الصـدير الطامح زي خـليج الـروم
خـلي جات متبوعة الصـافـية كالدينار
في القـوام مربوعة و شوفا عالية منار
موضة وآخر موضة هـيفـا غير زنّار
وصف الشعر ...
و صفاء اللون ...
و الصدير الطامح ...
و ما ( تبعها ) من خلفها ...
و الطول الفارع ...
و الخصر الأهيف ...
تاني في شنو ؟
|
Post: #132
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 08-27-2014, 01:41 AM
Parent: #131
حينما تتأمل حولك ...
و تسأل نفسك ...
ماذا اتي بك الي هذه البلاد البعيده؟
كيف طاوعتك نفسك علي قطع كل هذه الاميال ؟
انا الذي كنت حينما اسافر خارج السودان لاكثر من سبعة ايام
يصيبني مرض حامد في عزة ...
كيف اكملت 25 عاما و زياده ؟
كيف و متي ؟
لا اجد الاجابه فاهرب الي ( الغناء ) ليعزيني ...
و اقيم سرادقي اليوم في ( حوش ) سيف الدين الدسوقي ... و البلابل و بشير عباس
_________________________________________
مافي إنسان يحكي ليكم عن دموع الناس وحبات العرق
يروي غربة زول موالف عمره لا راح لا مرق
أصبح الشوق في حروفه نار على صفحة ورق
ما في يا ناس قلب يسأل عن غريق شبعان غرق
***
شفتو لما الليل يروح والفجر يفرد جناحه
والعيون الساهرة تغمد والقلب تهدأ جراحه
نحن يا دوب يومنا يبدأ ما ضروري يطل صباحه
***
انحرمنا من الحبايب وعشنا في الغربة البعيدة
كل موجة حزن تمضي بكره موجة تهل جديدة
لا خطاب يحمل محبة لا وصية بت نريده
لا أمل ينعش قلوبنا ولا خيالاتنا السعيدة
|
Post: #133
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: Hamid Elsawi
Date: 08-31-2014, 01:31 AM
Parent: #132
لتكن هذه النافذة عالياً
عندي قعده مساء اليوم مع هذا الابداع
و شكراً قباني و كل ضيوف البوست
|
Post: #134
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 08-31-2014, 06:45 AM
Parent: #133
Quote: لتكن هذه النافذة عالياً
عندي قعده مساء اليوم مع هذا الابداع
و شكراً قباني و كل ضيوف البوست |
تسلم يا صديقي ...
و في انتظارك ...
|
Post: #135
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 08-31-2014, 07:52 AM
Parent: #134
في شعر الجاغريو ... دائما ما اجد نفسي ...
ذكرت في اكثر من مره ...
حينما كنا صغاراً ..
كانت اشعار الجاغريو لنا ملجأ ...
فعندما ينضب معين ( الحكي ) فينا ...
و حينما يفرغ ( جرابنا ) من كلمات الحب و الهيام ...
لا نجد سواه ... فهو بحق شاعر المحبين ..
قرأت جميع ما كتبه الجاغريو ...
و لكن كان هناك بيت من ابيات قصيدة ( حبيبي انا فرحان )
كانت و ما زالت و ستظل تبعث فيا الحيره ...
لم اري حبيب ... ( يذوب ) و يتلاشي في ( داخل ) حبه للحبيبه !!!
بلاغة لم اشاهدها كثيراً في اشعارنا ...
الجاغريو قال في نهاية القصيدة :
أنا عاشق وَفِـــى ... و في هواك مُختَـفِــــي
وافيك.. ووافيني ... نحَرِس وفانا
_____________________________
انا لله يا ناس ...
ده تشبيه ما عندو مثيل ...
اعتراف ... ووفاء ... و تلاشي و رجاء ...
ما شفت كلام زى ده اصلو ...
_________________________
احب سماعها بخلاف العميد بصوت بنتنا البديعة ( نبوية الملاك ) ...
|
Post: #136
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 08-31-2014, 07:55 AM
Parent: #135
|
Post: #137
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 09-20-2014, 03:25 AM
Parent: #136
لا نعرف مرارة الغربه الا حينما نجلس مع شخص من الزمن الجميل ...
جمعنا احد الاصدقاء منذ ايام ... وكان حضوراً شخص عزيز علي نفسي
بحكم جمال خلقه و تهذيبه ... و بحكم قرابته لاحد احبائي من الزمن الجميل ...
لم نتقايل منذ تمانينات القرن الماضي ..
كانت جلسه قصيرة نوعاً ما ... ضحكنا فيها و تذكرنا فيها و تناوشنا فيها ...
و كم كنت اتمني الا يسألني ذلك السؤال ...
ولكنه سأل : ... الم تنوي بعد لزيارة البلد .؟
25 عاماً ونصف مرت و انا بعيد ...
نظرت اليه و هو لا يدري اني انظر الي داخله ابحث عن صديقي الجميل و الذي لم اراه مذ ذلك الوقت ...
نتحدث هاتفياً فقط ... و في كل مره نضحك كما كنا في تلك الايام ...
كنا نعشق و نحب و نخاطر ...
لا املك و انا هنا سوي ان اهديه و انا مشتاق هذه الكلمات الجميله ... سائلاً ربي ان يجمعنا و تعود ايامنا ...
|
Post: #138
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 09-20-2014, 04:28 AM
Parent: #137
اشتهي جلسة في ميدان الجامعه الغربي ...
بعد زرة في احد المشاريع ...
الضهر انكسر من السردبه علي بورد الرسم ...
الجو بين بارد و هاوي ...
الساعة 2 صباحاً ... الكل نيام ... عدا طلبة المعمار ...
و حولي ابراهيم الكنزي .. وعاطف الزبير ... ومعتصم الهكر ...
و اباصالحاً .. وحمدتو و نصر الدين عبدو ...
بعد النقه في المشروع ... يبدا ابوصالح في الدندنه ...
و نبدا نغني ...
وشوية اشوف زول شايل التي سكوير و جاي زهجان ..
نوقف الغنا و نشاغلوا ... شنو يا علم الدين الهادي ... الزرة ما انتهت ...
و يبدأ في التمتمه الجميلة و الضحكة النقية ...
فأدعو الجميع لتحيته بأغنيته المحبوبه ...
و التي يغنيها و تذهب عنه تمتمته نهائياً ... فيقودنا و نحن من خلفه ...
للقوز ما نسينا .. للقوز ليس نجهل ...
ايام ليتها تعود ... بكل ما فيها ...
|
Post: #139
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: معاوية الزبير
Date: 09-20-2014, 04:46 AM
Parent: #138
قدّس الله سرّك صديقي الاسفيري يحيى قباني
|
Post: #140
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 09-20-2014, 05:45 AM
Parent: #139
| Quote: قدّس الله سرّك صديقي الاسفيري يحيى قباني |
زهجنا ... و اشتقنا يا صديقي ...نعمل شنو؟
هاك عمك بادى قال لو الفنانين داير يغنو الغنا الزى ده لازم يغنوهوا بطريقتة القانونية ...!!
و القانون هو كرومه - سرور - و الامين برهان
ويجب ان يغنوهوا كما ( انزلوهوا ) ...
هاك اوجع قلبك معاي ...
انت قايلني ما حسدتك علي جلابتك و ترمسة الشاي الفي يدك ؟
|
Post: #141
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: معاوية الزبير
Date: 09-20-2014, 06:10 AM
Parent: #140
و انت قايل الجلابية وترمسة الشاي ديل جن بالساهل..ههههها
هوّن عليك يا حبيب، يمين آخرها بوست في سودانيز بكري دا
و.. سوِّد المنبر يا بكري، وما إلى آخِرِهي من التعازي التي لا يكلف كاتبوها
أنفسهم مشقة كتابتها، فياخدونها كت آند بيست.
و دمعة الشوق بكّتنا عدل كدا
|
Post: #142
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 09-20-2014, 03:33 PM
Parent: #141
Quote: انت قايل الجلابية وترمسة الشاي ديل جن بالساهل..ههههها
هوّن عليك يا حبيب، يمين آخرها بوست في سودانيز بكري دا
و.. سوِّد المنبر يا بكري، وما إلى آخِرِهي من التعازي التي لا يكلف كاتبوها
أنفسهم مشقة كتابتها، فياخدونها كت آند بيست.
و دمعة الشوق بكّتنا عدل كدا |
و الله ما قلت الا الحقيقة يا صديقي ...
و حقو الناس تتذكر ... يوم الحساب ما حيسألوهم .. و ماهي ( باسويردك ) ...
|
Post: #143
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: وضاحة
Date: 09-20-2014, 03:46 PM
Parent: #142
|
Post: #144
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 09-21-2014, 05:18 PM
Parent: #143
كامل عبد الماجد ده يا وضاحة لو كتب سيد الاسم و كسر قلمو كانت تكفيهو ...
من القلائل الفضلوا ... الله يديهوا الف عافية ....
اما انا ... فــ 26 كريسماس و عيد ضحية يا وضاحة و انا بره البلد ...
ما رجعت فت يوم ...
خليها في سرك بس يا جميله ...
|
Post: #145
Title: Re: أشوف حبيبتي .. و أنظر خدودها ... عساها ترحم ... تكون ودوده ...
Author: يحي قباني
Date: 09-22-2014, 02:36 AM
Parent: #144
سيد الإسم ... عشانك يا دكتوره ...
|
|