و لاقيت ليكم عصام جبرالله

Post: #1
Title: و لاقيت ليكم عصام جبرالله
Author: Amjed
Date: 08-12-2009, 10:29 PM
Parent: #0

مالو يعني
عيبو لي
ما اوجه من كوجان
زوووووووووووووووووووووووووووووووووول فتح لي هنا بوست مافي
ما برضو بورداب مهجر و اوربا

(ملحوظة: هذا البوست و ما يرد و لا يرد فيه محاولة مكشوفة لدق اسفين بين عصام و ابراهيم خصوصاً بعد شتاراته الالمعية في البوست المعني اعلاخ)

Post: #2
Title: Re: و لاقيت ليكم عصام جبرالله
Author: طارق جبريل
Date: 08-12-2009, 10:33 PM
Parent: #1

دكتور امجد والله بختك كان قابلت الزول دة

Post: #3
Title: Re: و لاقيت ليكم عصام جبرالله
Author: Amjed
Date: 08-12-2009, 10:39 PM
Parent: #2

ما اصلو بختي
حسي عليك الله عاين للنظرة التحت دي
البتستشرف افاق المستقبل و تخطو بحزم نحو ابداعات الانسانية و ترنو الي رفاه بني البشر
بس تاني شنو
عليك الله وريني تاني شنو

Post: #4
Title: Re: و لاقيت ليكم عصام جبرالله
Author: HAIDER ALZAIN
Date: 08-12-2009, 10:42 PM
Parent: #3

يا امجد ..

والله لا بعرفك لا بعرف عصام جبر الله ..

لكن بالجد لو قابلوتو وقابلت خضر حسين خليل ،،،

بختك وإنت من محاظيظ الدنيا الدنيا السبع ..

واللهم لا حسد لكني قابلتك وعرفت خضر ..

وهنئياً لك بعصام ...

Post: #5
Title: Re: و لاقيت ليكم عصام جبرالله
Author: Amjed
Date: 08-12-2009, 10:49 PM
Parent: #4

يا حيدر
تشكرات على النوايا الطيبة
لكن للتنبيه
هذا البوست مخصص لعصام جبرالله و نعدكم بفتح واحد مخصوص ديلفيري لخضر الاسبوع المقبل
و دمتم

Post: #6
Title: Re: و لاقيت ليكم عصام جبرالله
Author: esam gabralla
Date: 08-12-2009, 10:54 PM
Parent: #5

يا طارق و حيدر مشكورين على الكلام الطيب
خضر ده من القلايل النفسي بالجد اقابلو و نفتو لايام و ليالي ...

أما "دكتور" أمجد فمعذور الايام دى .... حالتو صعبة ... نتمنى يتجاوز المرحلة بدون خسائر كبيرة

Post: #7
Title: Re: و لاقيت ليكم عصام جبرالله
Author: خضر حسين خليل
Date: 08-12-2009, 11:04 PM
Parent: #6

كان ليك يا أمجد
بالمناسبة أنا قابلت ليكم أمجد وعمل رايح قلنا ، المهم موعود كان الله سهل في التساهيل بمقابلة
أما عصام جبر الله فاللذي نفس خضر بيده مشتاقين ياصاحب وابقا تعالنا ياخ البلد جرت ومياه كثيرة جفت وحاجات أجارك الله غير ان الثابت انو الناس التمام مالين الدنيا ضجيج .
قبل قليل هاتفني صديق عزيز تخيل ضابحين نصايص الليل
عاملين كرامة وسلامة وغايتوا (حاجة تمام) علي قول ماما سعاد

ـــــ

يا حيدر
ياخ شن اسويلك ياخ ؟
الا سلمت كنور
الا سلمت كنور
الا سلم أبو سامي

Post: #8
Title: Re: و لاقيت ليكم عصام جبرالله
Author: Amjed
Date: 08-12-2009, 11:05 PM
Parent: #6

يا سلام ياخ
انظروا من حضر
الشفيف المؤتلق بعوالم الانسانية السمحاء
المتوهط في في محطات المحبة
(انا ولله ما باعرف اكتب كلام زي دا اكتر من كدا : من فرط تأثري طبعاً و ادعو جميع البورداب الي المشاركة بما شابه لعله يعبر عن مكنون تأثري من فرط ما عارف شنو كدا لحضور عصام)

Post: #9
Title: Re: و لاقيت ليكم عصام جبرالله
Author: إيمان أحمد
Date: 08-12-2009, 11:05 PM
Parent: #6

أمجد
قلت لي رفاه بني البشر
غايتو، نقول شنو....
يضع سره......

...

عصام أنا حسه أقول لاقيتك ولا لأ؟ غايتو في بلدك الله يعلم ويشهد مالاقيتك :)
ياأمجد أنا لاقيت عصام وكوجان في يوم واحد، وبدون أي تخطيط سابق، وكانت أجمل ساعات
المقارنات تمتنع - والشمارات مرفوضة بتاتا :)
لكن برضو رفاه بني البشر ده غايتو مابعرفه :)

إيمان

Post: #10
Title: Re: و لاقيت ليكم عصام جبرالله
Author: Amjed
Date: 08-12-2009, 11:09 PM
Parent: #9

انتا يا خضر تخرص خالص
ما تقول لاقيتني وين و بعد كم و انا حالتي كانت شنو
و لاقيتني داخل ولا مارق
و بعد داك تعال اتكلم
ثم
...
كدا بس اصبر لي
لمن اشوفك الا اعضيك فوق صلعتك دي

Post: #16
Title: Re: و لاقيت ليكم عصام جبرالله
Author: Yassir Tayfour
Date: 08-12-2009, 11:31 PM
Parent: #10

يا أمجد سلام،
الأيامات دي في ظاهرة تُعرف بإنحراف البوستات عن مراميها، فأدينا الضوء الأخضر، عندي رغبة عارمة أجر البوست ده بعيد خالص..

Post: #11
Title: Re: و لاقيت ليكم عصام جبرالله
Author: طارق جبريل
Date: 08-12-2009, 11:09 PM
Parent: #9

بعد عصام وحيدر وخضر وكمان ايمان
البوست دة موعود بكلام غُلاد ومتمسح

Post: #12
Title: Re: و لاقيت ليكم عصام جبرالله
Author: esam gabralla
Date: 08-12-2009, 11:15 PM
Parent: #11

يا إيمان "النوعية" دى بنلاقي فيها مما فتحنا , غير الفقر و الجلا و الكلام الكتير ما عندهم شئ
السنة دى اللقاءات اتحسنت كتير جدآ "نوعيآ" برضو لووول
في فترة قصيرة قابلتك و سلمى و رحاب .... شوفي الفرق ...
خايفك لما تجى تانى تلفون ما تضربي زاتو .... طبعآ عارفه ليه

Post: #13
Title: Re: و لاقيت ليكم عصام جبرالله
Author: إيمان أحمد
Date: 08-12-2009, 11:17 PM
Parent: #11

يا خضر حسين سلام يغشاك وينور دربك انت والمعاك.
طارق جبريل الله يعلم سمح شوفك ، وصورتك المنورة دي ، وخصووووصا الحاجة الزينة دي. تدخل الرحمن في القلب.

سلام علي الجميع

لكن يا أمجد من فضلك اشرح لي رفاه بني المش عارف ايه دي كيف؟ أنا عصام ده لاقيته في جنس مطر، والغريبة برضو في المطر داك جاي بي صلعته. مش حكاية غريبة؟

:)

Post: #15
Title: Re: و لاقيت ليكم عصام جبرالله
Author: إيمان أحمد
Date: 08-12-2009, 11:24 PM
Parent: #13

عصام
الله ينور علي سلمى اللمت الناس بدون سابق مواعيد.
بصراحة أنا جيت راجعة معنوياتي في السما، السنة دي إجازة (أمسك الخشب).

كوجان وصف الحالة البعد اللقاء الماطر ده، وسماها الhang over
Quote: خايفك لما تجى تانى تلفون ما تضربي زاتو .... طبعآ عارفه ليه

Someone is missing in action anyway
:)

Post: #14
Title: Re: و لاقيت ليكم عصام جبرالله
Author: HAIDER ALZAIN
Date: 08-12-2009, 11:23 PM
Parent: #11

يا طارق جبريل ...
انا حا اخرس خالص بعد كدة معاك ومع احبتي ...

ودا انا غلبااان وشوقي مطرررر ...

أذكر عصام يطلعي عصام جبر الله على الخط ..خليني يا عم احسن اشوف السيدح فين !!!

ـــــــــ

حبايبنا لكم لكل الاشواق ولكم ود الساعة وما تليها ونتمني ان تُرام الامور لحين اللقياء..

ويا خضر بالجد الآن وقبل لحظات كنت مدار حديثنا خلال الاجتماع مع ابو سامي وفتحي البحرين
وعرجنا علي عماد سعد الله بتاع الكلاكلة ثم اخيراً جاء ذكرك بمناسبة زكريا الدقير ..
فلا تنسي من يحبونك بإخلاص عمر اللحظة التي يعتبرها الكثيرون فانية وانت خالد بكل تفاصيلها ..

Post: #17
Title: Re: و لاقيت ليكم عصام جبرالله
Author: Amira Elsheikh
Date: 08-12-2009, 11:32 PM
Parent: #14

امجد يامادكتور ازيك....
اسة الشلاقة ليك شنو ..؟ انا كنت حاجزة ملاقاة عصام جبرالله دى لى دشليون سنة
كدا ...
بعدين عصام دا ذنبو شنو تفتح ليهو بوست انت؟... البنات عدمن ولاما بعرفن يكسر تلج؟

غايتو انا لولاقيت عصام دا بعد 50سنة بفتح ليهو بوست..

انشاءالله فى حيطة بيتنا ديك ياامجد....

Post: #18
Title: Re: و لاقيت ليكم عصام جبرالله
Author: heba Elmahi
Date: 08-12-2009, 11:35 PM
Parent: #14

يا أمجد سلام
انا والله لو لاقيت عصام جبرالله دا مش أفتح بوست
أفتح بورد برًاي عديل كدة انت بتهزر ولا شنو !

تحياتي و ودي للجميع

Post: #20
Title: Re: و لاقيت ليكم عصام جبرالله
Author: خضر حسين خليل
Date: 08-12-2009, 11:40 PM
Parent: #14

يا عصام
الا بالمناسبة اخونا خدر وين ؟

Post: #19
Title: Re: و لاقيت ليكم عصام جبرالله
Author: خضر حسين خليل
Date: 08-12-2009, 11:38 PM
Parent: #9

يا ايمان الاحوال كلها
الليلة لميت في نت ولقيت (مخزن مكاتيبك) حاجة تمام وموعودة بقراية تقيلة كان الله سهل
لو جيتي الخرطوم عازمك جبنة وعشرة ونسة .

ــــــ

أمجد
ياخ أنا لاقيتك وبس اين ومتي وكيف خليها لامين يجي (الميعاد)
لقيتك كما تخيلت شايل السودان علي راسك
زح لي شوية النشيل معاك
قال حميد عليه السلام والكلام
قدر اليشيلو الشيلة في
لكن ظروفهم هل تفي ؟

ــــــــــ

طارق جبريل
يازول بطل تدردق في خلايق الله
أكتب لينا ياخ خلينا نقراك
باق الليل طويل يحبوواا
بو بو بو

ــــــــ

يا حيدر
لساكم شايلين حال أبو سامي
والله يا بني ادم مشتاقين لغرفكم الانيقة
ولهشام ادم زاتو
وسؤال هل انت مادي أم مثالي
أخيراً اعلمك يا صاحبي
انني بقيت بتاع كلو وفوق دة كمان
الحالة الاجتماعية متزوج
والله يبعد العارضي تعال
أو كما قال

Post: #21
Title: Re: و لاقيت ليكم عصام جبرالله
Author: Amira Elsheikh
Date: 08-12-2009, 11:42 PM
Parent: #19

Quote: الحالة الاجتماعية متزوج

عجبتنى والله .....مبروك ياصاحب

Post: #22
Title: Re: و لاقيت ليكم عصام جبرالله
Author: خضر حسين خليل
Date: 08-12-2009, 11:56 PM
Parent: #21

أميرة الطماطم
ازيك
عجبني لي انا زاتي والله يا أميرة
عجبني لي شديد
ياخ مشتاقين وتلفونك راح مني

بالمناسبة ذهبت للسوق العربي وما وجدت من خرطومنا القديم شيئاً
السوق العربي بقي مردوم في ميدان جاكسون
والبلاد تحولت لكافتريا كبيرة تذكرني بمدن الملح
غير ان وجوه الغلابة لم يزل يا أميره كما غادرتيهم
اذ هم هم " وَيَبْقَى وَجْهُ رَبِّكَ ذُو الْجَلالِ وَالإكْرَامِ"
ونعم بالله

Post: #24
Title: Re: و لاقيت ليكم عصام جبرالله
Author: Amira Elsheikh
Date: 08-13-2009, 00:03 AM
Parent: #22

Quote: السوق العربي بقي مردوم في ميدان جاكسون

بمناسبة ميدان جاكسون..
ناس بيتنا حكو لى نكتو...

قالو مسطول سالوهو اصعب موقف مرة بيك؟؟
قال ليهم الموقف الجديد*

طبعا الناس ضاقت المرة بسبب تحويل الموقف دا وصاحبتك رجعت الاجازة
الفاتت لقت ليك روحوها مضهبة بين المواقف.. ناس بيتنا اهدونى النكتة دى
والله لاسى بضحك..

متابعة لياليك بالدس ...

_______________
جاكسون

Post: #23
Title: Re: و لاقيت ليكم عصام جبرالله
Author: HAIDER ALZAIN
Date: 08-12-2009, 11:59 PM
Parent: #19

والله يا صاحب .. ما ترد على إتصالاتنا ..

ما تشتغل بينا ا خضر حسين ( ودي مردودة للصاحب الاول )

بس عشقنا ليك لن يخلص ..

وعشقنا لاصحاب احببناهم عن دربك وبدربك هو الباقي يا صاحب ..
لك ان تشكُر أبو سامي او زياد حسب الله وتعرج على هيثم درار ثم تتطلع على قلوب محبتنا
تجدك فيها أنتك الآمر الناهي ( أغيثونا بفيروز يا صحاب ) ..
وهو كذلك .. يا خضر احببناك ولو قال امجد لك مساحة اخري فسنجادله في هذه لمساحة
ولعصام جبر الله مُتُسع من قلوبنا نستكفي ان يسقط فيها حرفه وحبه كما اتيت انت لا تستأذن ان نفتح لك مساحات بها بل إحتليتها بكل ما لك من قوى محبة مأثورة مُدخرة ..

عصام جبر الله ...

نرحب بك وبكل الاحباء لكن هذا التافه خضر حسين خليل واحبائه لن نختطفهم إلا بمثل هذه البوستات الجميلة لنوصل لهم رسائل اهل ( السعوودي ) وعمق افتقادنا لهم ووصايانا لمن يجدوهم امامهم أنّا رمينا لكم بفلذات اكبادنا فراعوا الإله بها وبنا ..

مودتي لك ولأمجد وللكل ...

Post: #25
Title: Re: و لاقيت ليكم عصام جبرالله
Author: esam gabralla
Date: 08-13-2009, 00:08 AM
Parent: #23

يا حيدر اخد راحتك .... شغال لى في حاجة مستعجلة, غير كدة المحل اتملى اعداء - عنهم اميرة و ياسر ما فضل الا يجيى فلان - "التافه" خضر ما عزمنا تقول ما بنعرف نبشر و لا ما بنحفر للصيوان ... اظنو عرس عشان يكتبا في بروفايلو ...
اضربو الونس و لا نامت اعين الاعداء

Post: #28
Title: Re: و لاقيت ليكم عصام جبرالله
Author: Amira Elsheikh
Date: 08-13-2009, 00:16 AM
Parent: #25

والله ياعصام جبرالله شايل حالى ساى...

ياخ امجد دا لوخليناهو اسى بنسى القصة ويشتغل لينا
ديالتيتك والطبقة العاملة وثورة البرولتاريا...
امجد دا انا حافظاهو كويس ....

اخير ليك تركز معانا ....

Post: #26
Title: Re: و لاقيت ليكم عصام جبرالله
Author: خضر حسين خليل
Date: 08-13-2009, 00:09 AM
Parent: #23

في الحقيقة يا حيدر
انا عايز أقول شعر جاهلي وبتصرف علي لسان (أي واحد من ناس قفا نبك من ذكري حبيب ومنزل) ديلاك
شوف يا حيدر
الشوق قنطار قنطار يشهد الله ووالله اني افتقدك يارجل وافتقد ذياد وسري الذي بلغني انه بقي عندوا باس ويرد (طبعاً سري ما عندوا زمن متاوقة) أما الصحاب التانيين فأسكت خليها علي الله .
ياخ البلد ديك بالرغم من وبالرغم من وبالرغم من السيد الكفيل فيها لمة صحاب ما بتتعوض بالله بلغ تحياتي لابو سامي قول ليهو خضر يبلغك التحايا له ولاسرته الصغيرة هؤلاء الناس جملو اماسينا بكل ما هو جميل ولساني الي ابد الدهر سيكون عاجزاً عن شكرهم .
بالمناسبة ياخ ما تفتح لينا بوست تسميهو ولاقيت ليكم ابو سامي
فأبو سامي عامل زي الدعايات البجيبوها في الام بي سي) في رمضان
جودة لا تضاهي وعين لاتنام وفوق ده كلو كمان مواعيدوا مضبوطة

الزول دة بالله ابقوا عليهو عشرة

Post: #27
Title: Re: و لاقيت ليكم عصام جبرالله
Author: خضر حسين خليل
Date: 08-13-2009, 00:15 AM
Parent: #26

بشرت ليك يا عصام صدقني
واتمنيت لو بشرت معاي

بشرك بشرك بشرك
الباء والشاء(شوف) والراء رجل مضمومات بالحيل
وتقرأ هكذا
بشرك

ـــــــ
للناس التانين
بشرك من البشير عفواً من أبشر

Post: #29
Title: Re: و لاقيت ليكم عصام جبرالله
Author: عزاز شامي
Date: 08-13-2009, 00:36 AM
Parent: #1

Quote: الأيامات دي في ظاهرة تُعرف بإنحراف البوستات عن مراميها،
فأدينا الضوء الأخضر، عندي رغبة عارمة أجر البوست ده بعيد خالص..

انت لسه بتستأذن يا ياسر؟
البوست يحمل بذور انحرافه من قولة تيت
أحرفو .. احرفو ... قبال ما هناي يصدق الحنك بتاع الهناي التاني ده ...
اضرب في المليان يخاف الفاضي ...

Post: #30
Title: Re: و لاقيت ليكم عصام جبرالله
Author: محمد الجزولي
Date: 08-13-2009, 03:05 AM
Parent: #29

هو انت (لقيت لينا عصام جبرالله) ولا (لقيت لينا خضر حسين) !!!

معليش التعديل حراق روح ساي

Post: #31
Title: Re: و لاقيت ليكم عصام جبرالله
Author: هواري نمر
Date: 08-13-2009, 09:07 AM
Parent: #30

شكرا يا د\امجد

عصام و خضر و خدر و عماد عبد الله

امنية في البال في مقابلتهم
والتعرف اليهم..
اسمـــــــــــــــــاء لها ايقاع .....فعلا

لك الشكر يا أمجد يا فنان

Post: #32
Title: Re: و لاقيت ليكم عصام جبرالله
Author: Hussein Mallasi
Date: 08-13-2009, 09:14 AM
Parent: #31

سبحان الله .. الدقن ياتا و الراس ياتو ما تعرف!

Post: #33
Title: Re: و لاقيت ليكم عصام جبرالله
Author: esam gabralla
Date: 08-13-2009, 09:28 AM
Parent: #32

و صدقت نبوءته ....

Quote: ما فضل الا يجيى فلان

متحير الخشه حتكون كيف , خفيفة الجات في الراس و الدقن دى ... انت تأمر نغيرن ليك الاتنين
لى بعدين

Post: #34
Title: Re: و لاقيت ليكم عصام جبرالله
Author: Hussein Mallasi
Date: 08-13-2009, 09:36 AM
Parent: #33

لو بتغيرن المصبرك الوكت دا كلو شنو؟!!

Post: #38
Title: Re: و لاقيت ليكم عصام جبرالله
Author: فيصل عباس
Date: 08-13-2009, 10:14 AM
Parent: #34

Quote: لو بتغيرن المصبرك الوكت دا كلو شنو؟!!

واحد بيرد عليك يا ملاسي وبقول ليك :
عشان تشوفن انت وتجي تقول قولك السمح دا.

تحت تحت اظنو (مكجنك) وما عارف سببه معاك شنو؟؟
...

_______________
عصام انت ما لاقيت لينا امجد؟؟
لو حصل قول لينا لقيتو كيف ..
خضر حسين
يبدو ان العرس طهر احوالك وبدل في مفرداتك قليلا
ازيك ياخ ....

Post: #35
Title: Re: و لاقيت ليكم عصام جبرالله
Author: حافظ حسن ابراهيم
Date: 08-13-2009, 09:41 AM
Parent: #33

والله يا أمجد تمام عصام جبرالله طلع ما عندو قرون

Post: #36
Title: Re: و لاقيت ليكم عصام جبرالله
Author: خدر
Date: 08-13-2009, 09:56 AM
Parent: #35

Quote: لكن يا أمجد من فضلك اشرح لي رفاه بني المش عارف ايه دي كيف؟ أنا عصام ده لاقيته في جنس مطر، والغريبة برضو في المطر داك جاي بي صلعته. مش حكاية غريبة؟

kaaaaaaaaaak
you made my day eman

Post: #37
Title: Re: و لاقيت ليكم عصام جبرالله
Author: Yassir Tayfour
Date: 08-13-2009, 10:04 AM
Parent: #36

أقف بصلابة لا تعرف اللين والإنكسار ضد إستهداف "عصومي"..
___
تحسس من حولك يا صديقي، جموع الحاقدين والحاقدات..

Post: #39
Title: Re: و لاقيت ليكم عصام جبرالله
Author: ممدوح أبارو
Date: 08-13-2009, 11:09 AM
Parent: #37

باقة أنبياء* .......

أو قل....

ثلة من الاكرمين

تهني بهم اللقيا

*ليس كل نبي من يأته كلام السماء

Post: #41
Title: Re: و لاقيت ليكم عصام جبرالله
Author: ممدوح أبارو
Date: 08-13-2009, 11:14 AM
Parent: #39

فيما عدا الشيطان أبتفة

Post: #40
Title: Re: و لاقيت ليكم عصام جبرالله
Author: Emad Abdulla
Date: 08-13-2009, 11:09 AM
Parent: #37

حيييي انا يا الباسطة .

.....
إنتو ( حسن شِرِبا ) وين ؟؟

Post: #42
Title: Re: و لاقيت ليكم عصام جبرالله
Author: أبو ساندرا
Date: 08-13-2009, 11:28 AM
Parent: #40

Quote: خايفك لما تجى تانى تلفون ما تضربي زاتو .... طبعآ عارفه ليه

انا برضو عارف ليه

Post: #43
Title: Re: و لاقيت ليكم عصام جبرالله
Author: Siham Elmugammar
Date: 08-13-2009, 11:30 AM
Parent: #40

Quote: و لاقيت ليكم عصام جبرالله

بس (التى تقال للكديسة)
والكديسة تعنى القطة و لاشئ غير القطة
ولا علاقة لخدر بهذا الامر :) :) :)

ولله الحمد من قبل و من بعد

Post: #45
Title: Re: و لاقيت ليكم عصام جبرالله
Author: إيمان أحمد
Date: 08-13-2009, 11:54 AM
Parent: #43

عصام جبرالله حكمتو بااااالغة
أها حسه حسب كلام ملاسي ده، حتقول للحلاق شنو؟
?Upside down

أبو ساندرا
سلامات. شايفاك تبكي ساااكت قبال فترة: رشيدة خلتني براي/ هوي ياناس الله لي/ البنات ساقنها منى هوي الليلة. غايتو بقيت شاعر من الرعيل ال.....

سهام ازيك
يا بت امي اليومين دي خااااايفة عليك من مختار الصحاح البيزورك في المنام ده.
عصام البنية دي ميرودة؟ الله يديك العافية يا بت امي من تلكم الوِردة اللابسة بنطلون، ما نتغفل جاي ولاجاي نلقاك ساقوك محكمة النظام العام في المنام.

هوامش يا سهام: الوِردة تُقرأ بكسر الواو، والله أعلم.

إيمان

Post: #44
Title: Re: و لاقيت ليكم عصام جبرالله
Author: أبو ساندرا
Date: 08-13-2009, 11:32 AM
Parent: #40

Quote: ما فضل الا يجيى فلان

باللاهي يا هو ده فلانك ، حسين ملاصي ؟
انا كنت قايلو ده
Quote: حيييي انا يا الباسطة

الفلانات ما عندك .

Post: #46
Title: Re: و لاقيت ليكم عصام جبرالله
Author: Emad Abdulla
Date: 08-13-2009, 12:04 PM
Parent: #44

إيمان .. أخير ليك .
الواحد يعني ما " يحيي أناهُ " في البلد دي إلا " تفلنوه " ؟؟!!
حتى إحياء الأنا بقت غير متاحه كمان ؟؟ .

.....
أيوه .. عصام " فلناتو " كتار ..
و صلعَتي كان يوم لقى ليهو " هندام " يناسبو .
بعدين معجم عون الشريف ده ما بيشتغل مع ناس سهام ديل ..
إستخدمي الطبقات .

Post: #47
Title: Re: و لاقيت ليكم عصام جبرالله
Author: أبو ساندرا
Date: 08-13-2009, 12:20 PM
Parent: #46

Quote: أبو ساندرا
سلامات. شايفاك تبكي ساااكت قبال فترة: رشيدة خلتني براي/ هوي ياناس الله لي/ البنات ساقنها منى هوي الليلة.
غايتو بقيت شاعر من الرعيل ال.....

تميها يا ايمان
من الرعيل الذي رحل ؟

والله يا ايمان جرسة الجلك و ولولته كعبة شديد
لكن نسوي شنو و المكنة قد خفت

شكرآ على تذكيرنا بالجرسة

اعلاه ، كله بعد السلام والإحترام

Post: #48
Title: Re: و لاقيت ليكم عصام جبرالله
Author: Emad Abdulla
Date: 08-13-2009, 12:44 PM
Parent: #47

Quote: جرسة الجلك و ولولته كعبة شديد لكن نسوي شنو و المكنة قد خفت
المره دي حيييييييييييييييييي انا ..
رقدوا رُز .

.....
ود حلال يلحقنا سريع سريع بمدحة : القبه اليلوح قنديلا ..
أبو كده زاتو .

Post: #49
Title: Re: و لاقيت ليكم عصام جبرالله
Author: خدر
Date: 08-13-2009, 02:00 PM
Parent: #48

Quote: المره دي حيييييييييييييييييي انا ..
رقدوا رُز .

زوووووط ان زووووط اوت

Post: #50
Title: Re: و لاقيت ليكم عصام جبرالله
Author: Siham Elmugammar
Date: 08-13-2009, 02:37 PM
Parent: #44

Quote: سهام ازيك
يا بت امي اليومين دي خااااايفة عليك من مختار الصحاح البيزورك في المنام ده.
عصام البنية دي ميرودة؟ الله يديك العافية يا بت امي من تلكم الوِردة اللابسة بنطلون، ما نتغفل جاي ولاجاي نلقاك ساقوك محكمة النظام العام في المنام.
هوامش يا سهام: الوِردة تُقرأ بكسر الواو، والله أعلم.

ايمان احمد سلامات ياخ
لو بقت على مختار الصحاح كان هين اسكتى ساكت من العلينا و ا لبيناوالوردة
بعدين تعالى يا بت امى عصام شنو؟؟؟ عالم الله ضباب المدينة اثر على عويناتك
اقصد عدساتك :) :)

Post: #51
Title: Re: و لاقيت ليكم عصام جبرالله
Author: elsawi
Date: 08-13-2009, 04:26 PM
Parent: #50

ايامك والله يا عصام
شايف الدنيا بقت ماشة معاك زي الورد اليومين ديل
Quote:
غايتو انا لولاقيت عصام دا بعد 50سنة بفتح ليهو بوست..

انشاءالله فى حيطة بيتنا ديك ياامجد....

واااااااااااااك كاااااااااااااااااااااااك

والله انا خايفك تقومي جارية!!
يا اميرة يا اختي نصيحة كده لوجه الله
نوع عصام ده مابقولو ليهو كلام زي ده
والله بعدين ماتلقي البحلك منو!!
وتبقي في يا اخوانا دي شبكة شنو وياجماعة دي مصيبة شنو؟

وبعدين انتو كلكم ملاقاتو دايرين بيها شنو؟
ياخ ده غير يكمل سجايركم ما حايعمل ليكم حاجة!!

Post: #52
Title: Re: و لاقيت ليكم عصام جبرالله
Author: Rawia
Date: 08-13-2009, 04:55 PM
Parent: #51

على قولة وداد قطبي مع مطة شفايف
مســــــــيخ ومابدورو إصلي

Post: #53
Title: Re: و لاقيت ليكم عصام جبرالله
Author: رأفت ميلاد
Date: 08-13-2009, 06:34 PM

Quote: و لاقيت ليكم عصام جبرالله
يا أمجد عصام ده نحن شارينا ليه صيفين .. كوجان الفى آخر الدنيا لاقيته مره واحده قعدت معاه أكتر من عصام .. جايى أنت تلاقيه بالساهل كده ..
غايتو نصيحة لله عصام ده أخير تلاقيه فى الخلا ما هنا .. عنده شله تبلعك فى ثوانى

أنا غايتو متضامن معاك

Post: #54
Title: Re: و لاقيت ليكم عصام جبرالله
Author: Amjed
Date: 08-30-2009, 04:10 AM
Parent: #53

ورد في الاثر بسند متصل من رواة ثقاة:
(أنه يأتي زمان على الناس يكتب فيه المرء بوسته ثم يذهب مطمئناً فيجد القوم قد اجتمعوا عليه و تكأكو عند مقاصده
يرعونها رعاية الام الرووم لطفلها الرضيع
حتى يعود اليه فيجده كما ابتغاه ما زاغ عن مقصده مقدار شبر)...

Post: #55
Title: Re: و لاقيت ليكم عصام جبرالله
Author: Ahmed Abdallah
Date: 08-30-2009, 04:27 AM
Parent: #54

عصام جبرالله كحلتوا ليكـ مره في البانهوف واحد
صاحبي قال لي الزول ده اسموا عصام جبراللـه
علي بال ما قعدنا ودجبرالله فص ملح و داب
زولا باين انه صباح خير

Post: #56
Title: Re: و لاقيت ليكم عصام جبرالله
Author: Rihab Khalifa
Date: 08-30-2009, 08:27 AM
Parent: #55

Quote: "عصومي"..
Yassir

انتو ما بتتوبو؟ قر قر قر

-------
البوست ده فاتني كيف؟ الجيه بعد الفطور باذنه

Post: #57
Title: Re: و لاقيت ليكم عصام جبرالله
Author: esam gabralla
Date: 08-30-2009, 08:55 AM
Parent: #56

Quote: عصام جبرالله كحلتوا ليكـ مره في البانهوف واحد
صاحبي قال لي الزول ده اسموا عصام جبراللـه
علي بال ما قعدنا ودجبرالله فص ملح و داب
زولا باين انه صباح خير

امك .... بانهوف عديل يا احمد ? كدى بالماسنجر ورينا الحاصل شنو و الجابك هناك شنو و صاحبك ده منو
لما تعرفنى صباح خير دى بتنكرا

Quote: البوست ده فاتني كيف؟ الجيه بعد الفطور باذنه

اللهم اربطهم و اربطهن ... باقي السنة كلها
الاحد يوم الاسرة و كده ...

Post: #58
Title: Re: و لاقيت ليكم عصام جبرالله
Author: دينا خالد
Date: 08-30-2009, 09:03 AM
Parent: #56

Quote: كوجان وصف الحالة البعد اللقاء الماطر ده، وسماها الhang over

Quote: خايفك لما تجى تانى تلفون ما تضربي زاتو .... طبعآ عارفه ليه

Someone is missing in action anyway
:)

هاااى
ياخ دا بوست براهوو شنو الحاشرنو هنا ؟

ههنا يكمن البوست .. من قرا هنا كانما قرا البوست كله ..

ـــــــــــــــــــــــــ
يعنى يا ياسر هو عصام بقصصر او اسمها ناقص ؟

Post: #59
Title: Re: و لاقيت ليكم عصام جبرالله
Author: سارة علي
Date: 08-30-2009, 09:05 AM
Parent: #58

دينا..

انا راجياك ياخ

Post: #60
Title: Re: و لاقيت ليكم عصام جبرالله
Author: Siham Elmugammar
Date: 08-30-2009, 09:27 AM
Parent: #59

يا دينا خالد
سلام رمضانى

الفتنة نائمة لعن الله من ايقظها

عصومى ده كان تخليهو غاتس

لوووووووووووووول

Post: #61
Title: Re: و لاقيت ليكم عصام جبرالله
Author: Amjed
Date: 08-30-2009, 06:32 PM
Parent: #60

نايمة نايمة مين يا سهام

Post: #62
Title: Re: و لاقيت ليكم عصام جبرالله
Author: عادل عبدالعزيز عبد الرحيم
Date: 08-30-2009, 06:48 PM
Parent: #61

سلام وتحيات للصديق القديم عصام جبرالله

سلام وتحيات للاخ امجد

ورمضان كريم

Post: #63
Title: Re: و لاقيت ليكم عصام جبرالله
Author: د.نجاة محمود
Date: 08-30-2009, 06:51 PM
Parent: #61

عصام حصل ليه شنو؟
اي لمة ذي دي الا يكون زول معنوياته في الواطة
عايزة تترفع..

انالاقيتك زمااااان. بس انت عامل رايح..(زول مدردق)