Post: #1
Title: حسي دا كلام يا حمور
Author: Amjed
Date: 08-23-2009, 04:46 PM
؟؟؟
|
Post: #2
Title: Re: حسي دا كلام يا حمور
Author: حمور زيادة
Date: 08-23-2009, 04:49 PM
Parent: #1
الما عارف مفروض طوالي يقول عدس ..
لكن هو ما بيقول عدس .. سغيل خلاص
|
Post: #3
Title: Re: حسي دا كلام يا حمور
Author: Amjed
Date: 08-23-2009, 04:53 PM
Parent: #2
انا عاجباني قصة
من حيث اننا نستطيع و نقدر و لكن
و الكديسة لمن ما تلقى اللبن و غايتو
|
Post: #4
Title: Re: حسي دا كلام يا حمور
Author: حمور زيادة
Date: 08-23-2009, 04:55 PM
Parent: #3
هي مجرد فقاعات صابون ذاتية يا صديقي ..
مجرد فقاعات صابون ..
لا يرضى الانسان ان يحس كم هو تافه و لا يسوى شئ ..
فيحاول ان يصنع حول نفسه هالة .. من فقاعات الصابون.
يا للبؤس.
|
Post: #5
Title: Re: حسي دا كلام يا حمور
Author: Amjed
Date: 08-23-2009, 05:00 PM
Parent: #4
هل المشكلة مشكلة صابون ام مشكلة هيدفون بالاصل يا صديقي
|
Post: #6
Title: Re: حسي دا كلام يا حمور
Author: حمور زيادة
Date: 08-23-2009, 05:03 PM
Parent: #5
المشكلة مشكلة "نا" العظمة.
واضح لنا
كنا نستطيع
و "رجالة " ..
الرجالة ياصديقي .
|
Post: #7
Title: Re: حسي دا كلام يا حمور
Author: Amjed
Date: 08-23-2009, 05:09 PM
Parent: #6
تعرف انا مزعلني العقلية
يعني ما مشكلة كبيرة انو الزول يفكر و يصل لنتيجة غلط و يكون مجرد اضحوكة تدافع عن الباطل و هي لا تدري انه باطل
فذلك في باب حق الناس في الغلط ياخي
يعني هم معصومين ؟؟؟"
انا مزعلني و مطلع د... (الهم اني صائم)
انو الانسان ما يفكر اساساً و يكون متمسكة باكليشهات
هي زاتا غلط
يعني المشكلة تكون في الهيدس ذات نفسها
الهم حوالينا ولا علينا
|
Post: #8
Title: Re: حسي دا كلام يا حمور
Author: الصادق عوض
Date: 08-23-2009, 05:43 PM
Parent: #7
مشكله العقول المغلقة أنها لا تسمع ولو وضعنا عليها "سماعات"
|
Post: #9
Title: Re: حسي دا كلام يا حمور
Author: Gafar Bashir
Date: 08-23-2009, 06:18 PM
Parent: #8
فيحاول ان يصنع حول نفسه هالة .. من فقاعات الصابون.
ودخان السجائر
حلقات حلقات ...
|
Post: #10
Title: Re: حسي دا كلام يا حمور
Author: حمور زيادة
Date: 08-23-2009, 06:34 PM
Parent: #9
جبت الرايحة يا أمجد ..
الأكلشيهات ..
الإسلام هو الحل .. ليه ؟ بس كده ده.
العلمانية و التنوير ضد الهوس .. كيف و يعني شنو ؟ بس كده ده.
تعرف ..
احيانا اغمض عيني و اسرح مهلوسا كالمساطيل ..
اتخيل سوق الاكلشيهات ..
يدخل احدهم يتمشى و ينظر الى الاكلشيهات المعروضة ..
يتناول واحدا و يضعه امام صدره و ينظر الى نفسه في المرايا ..
هممم .. لا .. لا يبدو مناسبا لي هذا الاكلشيه عن الظلاميين و تجار الدين ..
فلأجرب اخر .. يتناول واحدا اخرا و ينظر ..
اه .. انني ابدو وسيما في اكلشيه "اغراض معروفة و عملاء و لا وطنيين ".
خصوصا انه يبرز صدري العريض و لونه يتناسب مع لون بشرتي.
فلاخذ هذا.
يدفع الثمن من روحه و يخرج سعيدا مرتديا الاكلشيه الجميل.
عزيزي لابس الاكلشيهات .. من حقك انت تنطلق من النقاط الخاطئة لتصل الى نتائج خاطئة او صائبة صدفة ..
لكن من حقنا ان نستنشق حوارا نقيا يقوم على اسس و مداخل بعيدا عن اكلشيهاتك. أيا كانت الاكلشيهات.
يا امجد ..
يعجبني منذ القديم أكلشيه اللامنتمي. ما رأيك .. هل لونه يناسب صلعتي هذه ؟
ــــــــــــ
الكهربا قطعت ( لعناية عمر عثمان و محمد فرح ) و رصيدي قطع (لعناية ناس جريدة الاخبار ) اضرب لي نتفاهم.
|
Post: #11
Title: Re: حسي دا كلام يا حمور
Author: عبدالوهاب علي الحاج
Date: 08-23-2009, 07:01 PM
Parent: #10
_____
يقع فيكم العدو
|
Post: #12
Title: Re: حسي دا كلام يا حمور
Author: معتز تروتسكى
Date: 08-23-2009, 10:02 PM
Parent: #11
خالص التحايا
الجميع
هل بامكاننا النقاش اذا سمح سيد البوست بدون صمت ومرور ودون تعليق علي الأحداث بينما الاخرين يصنعوها..
هذه طوبة والعودة متى يسمح الزمن..
ياعزيزي حمور باتفاقي مع السيد امجد اذا صح تفسيري وفهمي في ما اوردته...
اشعر وكانك مذعن للمصير المتوارد فى ارهاصات (الاسلام) ؛وكانها حالة استلامية قصوى تملكك من مبررات ما لايمكن نقيضها من محالة ازالتها..!!!
وبرضو اشعر كانك (اتجاه معاكس) ياولد..
يبقي الملخص (حسي دا كلام يا حمور )
؟!؟!؟؟!
التحايا النواضر...
|
Post: #13
Title: Re: حسي دا كلام يا حمور
Author: حمور زيادة
Date: 08-23-2009, 10:15 PM
Parent: #12
Quote: اشعر وكانك مذعن للمصير المتوارد فى ارهاصات (الاسلام) ؛وكانها حالة استلامية قصوى تملكك من مبررات ما لايمكن نقيضها من محالة ازالتها..!!!
|
هل تعتقد يا أمجد ؟
انا شخصيا لا اعتقد
|
Post: #14
Title: Re: حسي دا كلام يا حمور
Author: Amjed
Date: 08-23-2009, 10:26 PM
Parent: #13
اسمح لي بالاختلاف معك في هذه الجزئية يا عزيزي حمور
فهي زاوية محورية قد يتوقف عليها مستقبل نقاشنا و ما نتطلع جميعاً لخروجنا بفائدة منه
خصوصاً في اطار مايخوض فيه المنبر هذه الايام من الحديث عن كيفية الاصطياد في الماء العكر
من ناحية الاستباط و الاستئناط
فانا يا عزيزي الشفيفي لست (لا أعتقد)
غير اني
ما اعتقدش
و لك ان تبحر طويلاً في دلالات الشين و ما جاورها من احرف
|
Post: #15
Title: Re: حسي دا كلام يا حمور
Author: حمور زيادة
Date: 08-23-2009, 10:36 PM
Parent: #14
و في اطار التشنشن لديك تتلاقى ازمة الوعي العميق اذ تتكون بموجهات الحادثة في صراعات ما بعد الحداثة الناقدة لعجز الفعل المتمظهر في تعلقات الشين بنقاطها.
و فاتك ان الشين هي الشيطان و الشر و الشذوذ و الشعوذة و ملاح الشــرموط و مشتقاته من أكل و نسوة.
امجد ..
تعال الى كلمة سواء أن لا نعتقد ..
و دع عنك ما تعتقدش لأن الشين شينه شديد.
|
Post: #16
Title: Re: حسي دا كلام يا حمور
Author: Amjed
Date: 08-23-2009, 10:43 PM
Parent: #15
انا اصر على ان ما اعتقدش
و عندي قراءات و اسانيد من الادب المعاصر
لولا المشقة لكانت تسلم لك باليد يا صديقي حمور زيادة
|
Post: #17
Title: Re: حسي دا كلام يا حمور
Author: حمور زيادة
Date: 08-23-2009, 10:46 PM
Parent: #16
الموضوع ده ليو علاقة بالكبر و التعالي ؟
يا صديقي الاستاذ امجد من متابعتي لك اكتشفت انك مؤهل لأن لا تعتقد ..
فقط لو قرأت احدى الكلمات التي كتبتها لك اعلاه.
|
Post: #18
Title: Re: حسي دا كلام يا حمور
Author: معتز تروتسكى
Date: 08-23-2009, 10:50 PM
Parent: #16
ازيك ياامجد...
حمور في اعتقادك الذي حولته لامجد ، لدي ما اقوله لاحقا، وانا لازلت بانتظارك وذاك الشاب بخصوص مااخطرتك به...
فقط دعني اكرر
ازيك ياامجد...
|
Post: #19
Title: Re: حسي دا كلام يا حمور
Author: معتز تروتسكى
Date: 08-23-2009, 11:41 PM
Parent: #18
حمور ، ماهو الموضوع بقى زي تقاطع شارع فيهو مليون فرع ، كل زول شايت براهو..
واذا اعتبرنا الخلق البره دي رجل شرطة يبقى اكيد شارع بمحددات زي دي حيتوه الشرطي زي ما اكيد الخلق دي تايه..
لكن عزاء الشارع انو كل سالك عارف طريقو...
عموما حمورابي؛ كانى ارى الهواء المر؛ الوعد يمر من هناك فى حناياه حزمة من دخان الكلام الذى لايشرع فى حقيقتة بحجم حبة القمح عزت على كتف الفم فتوخاه الانــاء....!!!
يبقى (حسي دا كلام يا حمور)...
تايم اف ، ولامن لاقيك الود هلالي وجهاً لوجه ..
خليك فاكر ...(حسي دا كلام يا حمور)...
؟!؟!؟!
التحايا النواضر...
|
Post: #21
Title: Re: حسي دا كلام يا حمور
Author: عبداللطيف حسن علي
Date: 08-24-2009, 00:08 AM
Parent: #20
لاقاك جنس ده يا أمجد ؟
روح واحدة في جسدين !
او طي....ين في لباس واحد!
|
Post: #22
Title: Re: حسي دا كلام يا حمور
Author: معتز تروتسكى
Date: 08-24-2009, 00:12 AM
Parent: #21
نبقى لي جنس ده ؟!!؟
|
Post: #23
Title: Re: حسي دا كلام يا حمور
Author: Mohammed Elhaj
Date: 08-24-2009, 07:13 AM
Parent: #22
هسي كلام الطير في الباقير دا مش كان تتكلمو في الMSN Messenger ولا مسنجر بكري دا زاااتو
ذكرتوني فعلاً لما الأصحاب يكونوا بيتونسو /يتناقشو انت لو ما صاحبهم أحسن تشوف ليك شغلة تانية، ما بتمو جملهم وبيستشهدو بي حاجات تبدو لك اسطورية كدا وتحس انهم هم زاتهم عاجباهم حرجة انك رايح دي، زي شلة محجوب عند الطيب صالح خصوصا في بندرشاه ومريود الطيب صالح نفسو أشار لي انو لو جيت قعدت معاهم ما بتفهم من كلامهم التكتح!!
زي ونستكم دي سلام انا متفكفك من بوستيكم دا :-)
|
Post: #24
Title: Re: حسي دا كلام يا حمور
Author: بخاري عثمان الامين
Date: 08-24-2009, 07:36 AM
Parent: #23
| Quote: هسي كلام الطير في الباقير دا مش كان تتكلمو في الMSN Messenger ولا مسنجر بكري دا زاااتو |
محمد الحاج صباح الخير ... ابدا دا ما كلام طير ولا اي حاجة
دا كلام في التنك .. انت شوف باقي البوستات بتفهم المقصود
بالكلام ... بس الخوف يا حمور وامجد زولكم زاتو ما بكون فاهم
انكم بتكتبوا له هو ...
|
Post: #25
Title: Re: حسي دا كلام يا حمور
Author: omer osman
Date: 08-24-2009, 07:44 AM
Parent: #24
| Quote: الكهربا قطعت ( لعناية عمر عثمان ) |
متحرك الخرطوم 2 الى متحرك الحلفايا : علم ونحن ذاتنا قاطعين ... حــــــول
متحرك الخرطوم 2 الى متحرك الحلفايا : لحدي اسه الساعة 9 صباحا الكهرباء ما جات ... حــــــــــول
متحرك الخرطوم 2 الى متحرك محمد فرح : نقول للناس شنو ؟؟ حــــــــــــــول
|
Post: #26
Title: Re: حسي دا كلام يا حمور
Author: الطيب رحمه قريمان
Date: 08-24-2009, 08:18 AM
Parent: #25
تطرقت الى الشين و جلت من السين شيئا مهملا
فالسين يا أحبى فيها
السمن و هو خلاصة تخرج من اللبن
و السمين و هو البدين و احلى البدانة فى العجول
و السماء و هى دليل العلا و الرفعة
و السمر و فيه كلام البراءة و الاحبة
و السعد و الذى تتفرع منه السعادة
و لا اضمن فى السين
السعر و السكين و السم
رمضان كريم
|
Post: #27
Title: Re: حسي دا كلام يا حمور
Author: محمد يوسف الزين
Date: 08-24-2009, 08:18 AM
Parent: #25
شوف يا تروتسكي
تديني قروشي هسي دا
قروشي يا تروتسكي..
| Quote: اشعر وكانك مذعن للمصير المتوارد فى ارهاصات (الاسلام) ؛وكانها حالة استلامية قصوى تملكك من مبررات ما لايمكن نقيضها من محالة ازالتها..!!! |
دي حالة دي!! ، اللهم اني صائم
_______________
أبي بالتأبّي (على وزن ابني بالتبني) حمور..
رمضان كريم ياخ وكل سنة وانت طيب
|
Post: #28
Title: Re: حسي دا كلام يا حمور
Author: معتز تروتسكى
Date: 08-25-2009, 04:43 PM
Parent: #27
محمد يوسف الزين
يافردة
هي قول بسم الله . .
كُـب نقتك وفحط..
البوست ده كل زول عندو فيهو مأرب ، عايز تشتغل بحث عايز تعمل تيرموتير لدرجة الذكاء والغباء ات قايل البورد ده مافيهو فوائد؟!.غايتو وكت ماتهف ليك تعال متل بوستات هيك وشوت بس اختاني، عشان كده كل زول يخلي لاباسو واسع ...
نرجع تاني لاصاحب الاسطوانة ولو بمشاركة مصرجه..
حسي دا كلام يا حمور
|
|