Post: #1
Title: الاخ بكري الي متي ينتظر اخوتنا الاطباء الباسوووورد!!!
Author: Magdi Ahmed Elsheikh
Date: 05-05-2008, 09:42 AM
الاخ بكرى...
لك التحيه...
لازال العديد من اخوتنا الاطباء ينتظرون الباسوورد للمشاركه في منتدي الذكريات بكلية الطب ج الخرطوم والذي تهدف فكرته
لتجميع كل كفاءتنا الطبيه في حوش واحد وذلك لخدمة اهلنا الطيبين وليس فقط اجترار الذكريات..والحمد لله بدانا التخطيط لذلك
وانك تعلم انه من الصعب الوصول الي الجميع الا من خلال سودانيزاونلاين وناشدناك مرارا لتسهيل ذلك فالعمل الذي نريده كبير
ويحتاج الي الوصول الي اكبر عدد من اخوتنا الاطباء في مختلف انحاء المعموره للمشاركة فيه...
علما باننا الان نعتمد علي الايميلات والتلفونات لمناقشة ما نود القيام به من عمل من اجل اهلنا في السودان..
فهل تفضلتم بسرعة افساح المجال لهم لايصال صوتهم والمشاركه معنامن اجل اهلنا في السودان...ودمتم
|
Post: #6
Title: Re: الاخ بكري الي متي ينتظر اخوتنا الاطباء الباسوووورد!!!
Author: Magdi Ahmed Elsheikh
Date: 05-06-2008, 06:11 AM
Parent: #1
Re: منتدي الذكريات بكلية الطب ج الخرطوم زمان بكرى...
لك التحيه...
لازال العديد من اخوتنا الاطباء ينتظرون الباسوورد للمشاركه في منتدي الذكريات بكلية الطب ج الخرطوم والذي تهدف فكرته
لتجميع كل كفاءتنا الطبيه في حوش واحد وذلك لخدمة اهلنا الطيبين وليس فقط اجترار الذكريات..والحمد لله بدانا التخطيط لذلك
وانك تعلم انه من الصعب الوصول الي الجميع الا من خلال سودانيزاونلاين وناشدناك مرارا لتسهيل ذلك فالعمل الذي نريده كبير
ويحتاج الي الوصول الي اكبر عدد من اخوتنا الاطباء في مختلف انحاء المعموره للمشاركة فيه...
علما باننا الان نعتمد علي الايميلات والتلفونات لمناقشة ما نود القيام به من عمل من اجل اهلنا في السودان..
فهل تفضلتم بسرعة افساح المجال لهم لايصال صوتهم والمشاركه معنامن اجل اهلنا في السودان...ودمتم
|
Post: #7
Title: Re: الاخ بكري الي متي ينتظر اخوتنا الاطباء الباسوووورد!!!
Author: يوسف الولى
Date: 05-06-2008, 06:31 AM
Parent: #1
الاخ مجدى
اسم البوست يوحى انه لاجترار الزكريات
ولا ادرى كيف يكون بوست واحد فقط زى فائده لاهلنا الطيبين
الفكره ممتازه دون شك ..
واعتقد عمل موقع منفصل مع الاشاره اليه فى سودانيز اونلاين سيكون اجدى ويوفر مساحه اكبر للاستشارات الطبيه
و
دمتم
|
Post: #8
Title: Re: الاخ بكري الي متي ينتظر اخوتنا الاطباء الباسوووورد!!!
Author: Magdi Ahmed Elsheikh
Date: 05-06-2008, 07:35 AM
Parent: #7
شكرا اخي يوسف
ولك التحيه
والفكره اكبر من استشارات طبيه....
وقد يوحي العنوان بالذكريات..
لكن ما اصبو ونصبو وبدانا فيه اكبر..
فقط ادعو لنا بالتوفيق وتحقيق ما نصبو اليه..
ولك الود
|
Post: #9
Title: Re: الاخ بكري الي متي ينتظر اخوتنا الاطباء الباسوووورد!!!
Author: اساسي
Date: 05-06-2008, 07:48 AM
Parent: #8
| Quote: الي متي ينتظر اخوتنا الاطباء الباسوووورد!!! |
الي ما شاء مزاج بكري ان يقرر
بعدين وينه المنتدى دا ؟
دا بوست واحد
عشان بوست واحد داير تعملوا لينا البورد كنسلتو؟
بالله طبيبين تلاتة كفاية في البورد دا , البورد ما ناقص حقن
بالله واحد من الشباب ينزل لينا اغنية البنسلين يا تمرجي
وخلوها ترب شوية
يا بكري ما تفتح العيادة دي ياخي الجماعة ديل شكلهم زعلانين امكن يشيلوا سماعاتهم ويشتتوا
اقتراح يا مجدي
انا كنت بتمني انه يكون الدخول الي المنتدي الجامع دا لمجموعة من الاطباء يكون للتفاكر حول موضوعات مثل الاخطاء الطبية التي انتشرت في المستشفيات السودانية ومواضيع مشابهة , وليس التداعي من اجل الوقوف علي اطلال حسيب وحكاية الذكريات التي لا تنفع حتي قائليها
ياخي افتحوا بوست للنصائح الطبية واخر الاكتشافات العلاجية لبعض الامراض المستعصية
|
Post: #10
Title: Re: الاخ بكري الي متي ينتظر اخوتنا الاطباء الباسوووورد!!!
Author: Magdi Ahmed Elsheikh
Date: 05-06-2008, 08:29 AM
Parent: #9
الاخ اساسي تحياتي
لا اطيل عليك هذا ردي..ولو استوعبته لما كتبت ماكتبت...
علي العموم شكرا ليكQuote:
شكرا اخي يوسف
ولك التحيه
والفكره اكبر من استشارات طبيه....
وقد يوحي العنوان بالذكريات..
لكن ما اصبو ونصبو وبدانا فيه اكبر..
فقط ادعو لنا بالتوفيق وتحقيق ما نصبو اليه..
ولك الود |
|
Post: #11
Title: Re: الاخ بكري الي متي ينتظر اخوتنا الاطباء الباسوووورد!!!
Author: Magdi Ahmed Elsheikh
Date: 05-06-2008, 08:37 AM
Parent: #9
Quote: بالله واحد من الشباب ينزل لينا اغنية البنسلين يا تمرجي
وخلوها ترب شوية
يا بكري ما تفتح العيادة دي ياخي الجماعة ديل شكلهم زعلانين امكن يشيلوا سماعاتهم ويشتتوا |
سبحان الله......
|
Post: #12
Title: Re: الاخ بكري الي متي ينتظر اخوتنا الاطباء الباسوووورد!!!
Author: Magdi Ahmed Elsheikh
Date: 05-06-2008, 08:45 AM
Parent: #9
| Quote: ياخي افتحوا بوست للنصائح الطبية واخر الاكتشافات العلاجية لبعض الامراض المستعصية |
>>>>>>>>>>>>>والله نحن عارفين ما نريد ان نفعله ....
وليس
Quote: بالله واحد من الشباب ينزل لينا اغنية البنسلين يا تمرجي
وخلوها ترب شوية |
سبحان الله...
|
Post: #13
Title: Re: الاخ بكري الي متي ينتظر اخوتنا الاطباء الباسوووورد!!!
Author: اساسي
Date: 05-06-2008, 08:56 AM
Parent: #12
ما تضايق يا دكتور
ما سمعمت قبل كدا بمعوقات العمل العام ؟
اها بس انحنا ديل ناس معوقات العمل العام زاتهم
بعدين يا دكتور قلت لي ما اطيل عليك ووقعت تلاتة مداخلات هو الاطالة دي كيف بس وريني
بعدين قلت
| Quote: والله نحن عارفين ما نريد ان نفعله .... |
ياخي للان انتو ما فارزين البوست من الملتقي , ودي اشارة ما كويسة او مطمئنة لأنكم عارفين الحاصل شنو
والمم قالوا المخبر من المنظر او الجواب باين من عنوانه
فعنوانكم بيقول ذكريات وما ادراك ما حليل زمان , نعرف كيف بس انه طموحاتكم كبيرة
او انه عندكم طموحات زاتو ؟
علي العموم شايف اغنية البنسلين يا تمرجي ما عجبتك
نستبدلها باغنة _ دكتور صلاح ضرب السلاح تاح تاح ترااح
يا يا شباب يدكم معانا عشان الدكاترة
وعشان الاغنية كمان
|
Post: #15
Title: Re: الاخ بكري الي متي ينتظر اخوتنا الاطباء الباسوووورد!!!
Author: اساسي
Date: 05-06-2008, 09:40 AM
Parent: #14
والله يا حميدة انتو من حقكم , اولا اولاد الحلة ديل اكتر ناس مهمشين وما عندهم صوت واصل للعالم لانه اصلا مافي واحد من اولاد الحلة عنده شجاعة ادبية يقيف في ملتقي عشان يقول كلمة باسم مهمشي اولاد الحلة , بعدين ذكريات اولاد الحلة ممكن تكتب حولها مجلدات وتنثر بين الصحائف وتعم الافاق فتجربة (الحلال) جديرة بالتوثيق للاجيال القادمة خاصة وانه الركشات قضت علي تجمعات اولاد الحلة باستيعابهم جميعا خلف مقاودها ودعك من الامجاد والهايس التي قضت علي البقيةا لباقية منا لعواطلية والفرغلية بحوادثها الغير مبررة مع وجود الاهمال الطبي المنتشر في السودان ( شفت كيف يا دكتور عندكم علاقة بالموضوع )
ما علينا خلينا في المهم وانه بكري يديكم باسويردات للمشاركة الفاعلة ما دام كل من هب ودب ادوهو باسويرد وعنده البنادي ليه
ياخي صاحبنا دا قرب يفك ميزان الضغط في بكري وهو بتبرم منه في عنوانه
قال ليهو شنو
الي متي يا بكري؟
دافعين معاهو قروش بكري دا انتو؟
بعدين ياخي الدكاترة الفاضين ولاقين وقت قدر دا عشان يقعدوا في المنتديات ديل دكاترة اصدار تايواني ما اصليين
الدكتور كان لقي وقت احسن يطور نفسه في قعاده في الانترنيت ويقرا عن الاكتشافات الكل يوم داوشانا في الميديا
ـــــــــــ
وما دام الكلام جاب الكلام
بالجد يا دكتور لي كم يوم عندي صداع في الجزء الخلفي من الرأس في الجانب الايسر فقط , كنت اعتقد انه من بعض الام الحلق في نفس الجانب
لكن الم الحلق راح والصداع ما زال موجود؟
بالله حلل الراتب البتاخده دا وورينا الحاصل في دماغنا شنو؟ عشان ما يكون قعادك معانا للونسة والوقوف علي الاطلال
|
Post: #16
Title: Re: الاخ بكري الي متي ينتظر اخوتنا الاطباء الباسوووورد!!!
Author: نصر الدين عثمان
Date: 05-06-2008, 11:58 AM
Parent: #15
Quote: ما سمعمت قبل كدا بمعوقات العمل العام ؟
اها بس انحنا ديل ناس معوقات العمل العام زاتهم |
يا أساسي .. (لو قالوا ليك أوصف جمالك تفتكر تقدر تقول الحقيقة)
أما (التعويق) فيذهب جفاء ويبقى ما (ينفع) البوست
سعيكم مشكور
|
|