Post: #1
Title: يا دكتور وهبه !!
Author: أمين محمد سليمان
Date: 08-19-2009, 08:00 PM
Parent: #0
الحاله أصبحت وبائيه ، المرض تمدد و تفشي و واحده من الأخوات أصيبت قبل قليل فطفقت تفتح في البوستات الواحد تلو الاخر حتي ظننا أن محمد عادل قد غير اسم دخوله ، أو كما قال ود البشري !
هل هو نفس المرض الذي قضي علي المريخاب في تموز الفائت أم أنه شيئ جديد ؟ أجبنا سيدي فما عاد السكوت ممكنا !!
|
Post: #2
Title: Re: يا دكتور وهبه !!
Author: عبدالوهاب علي الحاج
Date: 08-19-2009, 08:12 PM
Parent: #1
الخال امين
مشتاقين والله ورمضان كريم
كدي بعيدا عن موضوع البوست
الفي الصورة دا انت ؟
لو دا انت حقيقي شكلك عاطفي جدا
|
Post: #3
Title: Re: يا دكتور وهبه !!
Author: طلحة عبدالله
Date: 08-19-2009, 08:19 PM
Parent: #2
Quote:
كدي بعيدا عن موضوع البوست
الفي الصورة دا انت ؟
لو دا انت حقيقي شكلك عاطفي جدا
|
رد مفحم جدا .
|
Post: #4
Title: Re: يا دكتور وهبه !!
Author: أمين محمد سليمان
Date: 08-19-2009, 08:19 PM
Parent: #2
| Quote: لو دا انت حقيقي شكلك عاطفي جدا |
عاطفي ، رومانسي ، ميسور الحال ، أبلغ من العمر تلاته و أربعون سنه ، أرغب في ...
يا وهبه مالك عايز تجهجهنا ؟!
|
Post: #5
Title: Re: يا دكتور وهبه !!
Author: عبدالوهاب علي الحاج
Date: 08-19-2009, 08:38 PM
Parent: #4
| Quote: أبلغ من العمر تلاته و أربعون سنه |
بالله يا خال انت اصغر مني بسنة واحدة 
|
Post: #6
Title: Re: يا دكتور وهبه !!
Author: محمد البشرى الخضر
Date: 08-19-2009, 08:48 PM
Parent: #5
أمين يا خوي (عمو وهبة) زاتو على ما يبدو اتعرض للعدوى
شوف رايو في الموضوع Quote: افتحي بوستات على كيفك انتي اصلو فاتحاهم في خشم بابو
ولا فاتحاهم ببنج .. بالله شوف عليك الله قلة الشغلة |
و هباني يا حليلو كان رفع الكوتة اليومية بتاعتو ينعل خاشو
عمو وهبة لا تضيق - القافية حكمت
|
Post: #7
Title: Re: يا دكتور وهبه !!
Author: أمين محمد سليمان
Date: 08-19-2009, 08:52 PM
Parent: #6
مفحم جنس فحم ! وهبه ده يا طلحه زي الرزق يأتيك من حيث لا تحتسب !!
|
Post: #8
Title: Re: يا دكتور وهبه !!
Author: نصار
Date: 08-19-2009, 08:54 PM
Parent: #6
يا امين اليومين ديل في زرزرة في في موضوع الدكتوراة دا
داير تجيب لوهبة هوا اكاديمي مالك؟
|
Post: #10
Title: Re: يا دكتور وهبه !!
Author: أمين محمد سليمان
Date: 08-19-2009, 09:02 PM
Quote: أمين يا خوي (عمو وهبة) زاتو على ما يبدو اتعرض للعدوى
|
والله ياود البشري ده الكنت خايف منو ذاتو !! كدي عليك الله عاين لردو علي في أول البوست !! حسي عليك الله ده رد نصاح ؟!!
|
Post: #9
Title: Re: يا دكتور وهبه !!
Author: عبدالوهاب علي الحاج
Date: 08-19-2009, 08:56 PM
Parent: #6
Quote: و هباني يا حليلو كان رفع الكوتة اليومية بتاعتو ينعل خاشو
عمو وهبة لا تضيق - القافية حكمت |
جرجيرة يا عمك
هباني دا انا رخيتو زمااااااان
وبعدين هباني برفع 35 ومرات 38
والمسكينة دي فاتحة ليها 3 يعني الفرق بينها وبين هباني حوالي 33 بوست
ما فيها حاجة يعني الـ 3 ما كتيرة ما اهو المريخ ماخد 3 هنا و3 في نيجيريا
وطلحة بتفاصح خليكم عادلين شوية ياجماعة
|
Post: #11
Title: Re: يا دكتور وهبه !!
Author: محمد البشرى الخضر
Date: 08-19-2009, 09:05 PM
Parent: #9
يعني يا عمو وهبة مسموح لغاية كم بوست كدا يعني
عشان نكون في السيف سايد وكدا
|
Post: #12
Title: Re: يا دكتور وهبه !!
Author: محمد البشرى الخضر
Date: 08-19-2009, 09:05 PM
Parent: #9
بِس
|
Post: #13
Title: Re: يا دكتور وهبه !!
Author: عبدالوهاب علي الحاج
Date: 08-19-2009, 09:11 PM
Parent: #12
| Quote: (عدل بواسطة محمد البشرى الخضر on 19-08-2009, 09:06 م) |
عدلت شنو ياعمك ؟
اكتر حاجة بتغيظني في الدنيا دي تعديلات الرهط
يكون رشاك وقبل ما تعرف الحاصل شنو تلقاهو عدل
غايتو يا جرجيرة ما عافي ليك
|
Post: #14
Title: Re: يا دكتور وهبه !!
Author: أمين محمد سليمان
Date: 08-19-2009, 09:16 PM
Parent: #12
Quote: يا امين اليومين ديل في زرزرة في في موضوع الدكتوراة دا
داير تجيب لوهبة هوا اكاديمي مالك؟ |
نصار يا سعادتك !
كدي خلي أي زول في المنبر ده يفتح خشمو يقول دكتور وهبه ما عندو دكتوراه !
يا نصار أفهم إنك تختلف مع وهبه سياسيا ، و أفهم إنك تكون ما بتدورو لله في لله كده ، لكن ما بفهم إنك تحاول تغتال شخصيتو بالطريقه دي لدرجه تشكك في شهاداتو !!
-------------------------------------------------------
أمسحها في وشي يا دكتور ، الضباع الاسفيريه و حزب أعداء النجاح ما خلو لينا جنبه ننقلب عليها !!
|
Post: #15
Title: Re: يا دكتور وهبه !!
Author: أمين محمد سليمان
Date: 08-19-2009, 09:21 PM
Parent: #14
أحمد الله إنك ما شفت الكلام ، كان مشيت ليه بالدرب عديل :
بالله يا محمد البشري إختلف مع دكتور وهبه زي ما داير ، بس ما تغتال شخصيتو ، زي تعليقك السحبتو ده بدخلك السجن عندنا هنا !
أمسحها في وشي يا دكتور !
|
Post: #16
Title: Re: يا دكتور وهبه !!
Author: عبدالوهاب علي الحاج
Date: 08-19-2009, 09:28 PM
Parent: #15
| Quote: أمسحها في وشي يا دكتور ! |
اعتذارك مقبول يا دكتور امين
|
Post: #17
Title: Re: يا دكتور وهبه !!
Author: نصار
Date: 08-19-2009, 09:56 PM
Parent: #15
هو لونه السياسي شنو باقي الضباع عندها عمي الوان بعيد عنك
يكون لونه زي لون اللهو لون زينب و اقعد اشكك فيه ليلي كله
اقوم الصباح ما اعرف ادخل ون من الحرج
و بعدين وهبة لحد قبل شيوية كان كويس ما عنده دكتوراه
و لا ملاريا
|
Post: #18
Title: Re: يا دكتور وهبه !!
Author: محمد البشرى الخضر
Date: 08-20-2009, 06:52 AM
Parent: #17
عمو وهبة يا باسطة بالسمن البلدي Quote: عدلت شنو ياعمك ؟
اكتر حاجة بتغيظني في الدنيا دي تعديلات الرهط
يكون رشاك وقبل ما تعرف الحاصل شنو تلقاهو عدل
غايتو يا جرجيرة ما عافي ليك |
ما مذكرو لكن النطمنك انا كان رشّيت كان ما ضمنت زولي قراه ما بعدّل
كان الأجاويد حلفو علي بجبر بي خاطرهم واعدّل لكن برسّلو ليه مسنجر
|
Post: #19
Title: Re: يا دكتور وهبه !!
Author: أمين محمد سليمان
Date: 08-20-2009, 04:58 PM
Parent: #18
| Quote: اعتذارك مقبول يا دكتور امين |
يا وهبه ما ممكن كلنا نبقي دكاتره !! يا تقبل دكتوراتي الاديتك ليها دي كده لوجه الله و لا كمان أبقي أنا الدكتور و ابتدي أعالج في البلاوي العندك دي !
----------------------------------------------------------
نصار و ود البشري : رجاء للمره الاخيره إختلفو مع الدكتور بشرف و مافي داعي لاغتيال الشخصيه ده !
|
Post: #20
Title: Re: يا دكتور وهبه !!
Author: حمور زيادة
Date: 08-20-2009, 05:20 PM
Parent: #19
ارفعوا اقدامكم المتسخة عن وهبة .. نحن قشينا و مسحنا امبارح
|
Post: #21
Title: Re: يا دكتور وهبه !!
Author: ياسر بيناوي
Date: 08-20-2009, 06:30 PM
Parent: #20
احم احم
ازيكم
| Quote: والله ياود البشري ده الكنت خايف منو ذاتو !! كدي عليك الله عاين لردو علي في أول البوست !! حسي عليك الله ده رد نصاح ؟!! |
الحالة لو استعصت شدييييييييييييييييييييييييد
كلموني نجيب الكرتون .... اقصد الاسعاف
|
Post: #22
Title: Re: يا دكتور وهبه !!
Author: طلحة عبدالله
Date: 08-20-2009, 06:35 PM
Parent: #21
مشكلتك يا أمين انو سؤالك جاء بغير ما تشتهي مزاجات دكتور وهبة
عشان كدا ما تستغرب ابدا انو موضوع البوست دا بقي بندق في بحر
وربما نبلة في محيط بعدما جابت ليها دور جرجير المعروف بود البشري
الجماعة ديل اسألني منهم يا حبيب ..
يسرقوا اللبانة من الخشم ..
ناهيك عن موضوع بوست في الصقيعة الاسفيرية..
قوموا الى صيامكم يرحمكم الله فهو خير الراحمين .
|
Post: #23
Title: Re: يا دكتور وهبه !!
Author: عبدالوهاب علي الحاج
Date: 08-20-2009, 09:27 PM
Parent: #22
ما اهو الريس بكري فتح 3 بوستات في 5 دقائق
كدي النسمع واحد فيكم فتح خشمو
___
عالم تخاف ما تختشيش 
|
Post: #24
Title: Re: يا دكتور وهبه !!
Author: أمين محمد سليمان
Date: 08-20-2009, 10:16 PM
Parent: #23
Quote: الحالة لو استعصت شدييييييييييييييييييييييييد
كلموني نجيب الكرتون .... اقصد الاسعاف |
تعرف يا بيناوي إنت واحد من أهم أسباب وصول وهبه للمرحله دي ، المان ده شغال شوربه قراقير ساي و لمن انضرب بالعدوى ما كان في مقاومه في الجسم ، إنتو الدكتور ده ما عارفين قيمتو ، و أقول ليك سر : نحن في - جمعيه أصدقاء وهبه بأمريكا الشماليه - بنشوف لينا في طريقه نجيبو هنا ! و إنتو مستكترين عليه كرتونه ؟!!!
الحزن يعصر مهجتي كالبرتقاله ! و لا نقول إلا ما يرضي ربنا !
|
Post: #25
Title: Re: يا دكتور وهبه !!
Author: أمين محمد سليمان
Date: 08-21-2009, 03:42 AM
Parent: #24
Quote: مشكلتك يا أمين انو سؤالك جاء بغير ما تشتهي مزاجات دكتور وهبة
عشان كدا ما تستغرب ابدا انو موضوع البوست دا بقي بندق في بحر
وربما نبلة في محيط
|
طلحه يا صديق ، تصدق و تأمن بالله ؟ أنا ما إتذكرت موضوع البوست إلا بعد ما قريت كلامك ده !
بعدين دكتورنا مزاجو رايق طواااااااااالي و ده ذاتو جزء من المشكله ، لكن الله كريم !
المهم يا سعادتك الدكتور إغتال البوست من أول مداخله ، و إلي الله المشتكي !!
|
|