Post: #1
Title: حكاية بلد ما عندها وجيع !
Author: أمين محمد سليمان
Date: 10-31-2009, 04:16 AM
كلنا يدعي حب الوطن : الكيزان ، المناضلين ، الامنجيه ، الحركات المسلحه ، جيرانا في الحله ، الاخوه في جبهة الشرق ، الطرق الصوفيه ، الجالية السودانية الاميريكية بمنطقة واشنطن الكبرى ، الناس البتخش كور الفريق القومي ، الاخوان المسلمين جناح أبو نارو ، جمعيه الصحفيين السودانيين بمنطقه الرياض ، حزب الامه الإصلاح و التجديد ، مجموعة عقد الجلاد الغنائية و أعضاء منبر السلام العادل !! كلنا ، كلنا يدعي حب الوطن !!
و يشهد الله ما رأيت شعبا لا يحب وطنه مثلنا !!
|
Post: #2
Title: Re: حكاية بلد ما عندها وجيع !
Author: أمين محمد سليمان
Date: 10-31-2009, 04:17 AM
Parent: #1
انتمائنا لمناطقنا ، لقبائلنا ، لاحزابنا السياسيه ، حتي لفرقنا الرياضيه أكبر من انتمائنا للوطن !
الشكيه من السودان و حرو و قرفو رضّعتها لنا أمهاتنا مع اللبن الحليب ! الانتماء لهذا الوطن يقطع يوم يقطع حبلنا السُري فنولد و حب الوطن مغتالا في الدواخل !
|
Post: #3
Title: Re: حكاية بلد ما عندها وجيع !
Author: أمين محمد سليمان
Date: 10-31-2009, 04:22 AM
Parent: #2
مشاكلنا كلها و قصتنا كلها و حكايتنا كلها : حكاية بلد ما عندها وجيع !
|
Post: #4
Title: Re: حكاية بلد ما عندها وجيع !
Author: الكباشى البكرى
Date: 10-31-2009, 06:01 AM
Parent: #3
| Quote: مشاكلنا كلها و قصتنا كلها و حكايتنا كلها : حكاية بلد ما عندها وجيع ! |
وهنا يكمن الداء يا امين!!!
عاطر التحايا.
|
Post: #5
Title: Re: حكاية بلد ما عندها وجيع !
Author: أمين محمد سليمان
Date: 10-31-2009, 07:03 AM
Parent: #4
Quote: وهنا يكمن الداء يا امين!!!
|
و الدواء شنو يا كباشي ؟!
ياخي نحن في قصه الوطنيه دي محتاجين لإعادة صياغه من أول و جديد !
|
Post: #6
Title: Re: حكاية بلد ما عندها وجيع !
Author: HAIDER ALZAIN
Date: 10-31-2009, 08:35 AM
Parent: #5
الحبيب امين سليمان .. التحايا
وصلنا الحد وقلنا الروووب عديل ..
مشكلتنا ما عارفين بقينا نقبل وين
حكومة : الحال يغنى عن السؤال
معارضة : هههههههههههههه ( ضحكة الم )
الشعب : فقد بوصلتو وليهو 53 سنة يصجوهو ويلجوهو يجي الديمقراطية يلقاها مرتبة مع عساكر
يجو العسكر بتكون مرتبة مع نفس ناس الديمقراطية .. وهكذا من زمن الازهري ..
البلد لحدي هسع مثقفينها جايطين في نوع الهوية نحن عرب افارقة والا افارقة عرب ولا غابة وصحراء
والا شعب الله المختار ..
حدودنا ما قادرين نعرفها من وين لي وين ..
وضع الحدود الهسع منتهكة دي برضو ما عارفين بعد سنتين بتبدأ من وين ولحدي وين ..
بإختصار مُش البلد .. الشعب زاتو ما عندو وجيع ..!
نقول شنو .. نرجي قدر الله ؟ دا استسلام .. نكورك ؟ حسنا بحّ ..
|
Post: #7
Title: Re: حكاية بلد ما عندها وجيع !
Author: Abdelhai Omar
Date: 10-31-2009, 11:23 AM
Parent: #6
الأخ العزيز أمين
السودانيين ديل ربنا جابهم في الدنيا دي لى مقصد كلهم عارفنه وهو عبادة الله وتعبيد الناس لله
وجعل ليهم ضرورات ناس مأكل ومشرب ومسكن ومركب ..إلخ
قاموا تركوا المقصد وإنشغلوا بالضرورات فسلط الله عليهم حوت يونس الذي هو عبارة عن المشاكل الفصلها أخونا حيدر الزين دي.
حا يظلوا قاعدين في بطن الحوت لغايت ما يتوبوا وكل واحد يستغفر ويقول لا إله إلا أنت سبحانك إني كنت من الظالمين , بعد داك حتى ربنا ينجيهم من الغم.
|
Post: #8
Title: Re: حكاية بلد ما عندها وجيع !
Author: khaleel
Date: 10-31-2009, 11:29 AM
Parent: #7
ولدنا النوتة
ازيك
نحتاج لاعادة صياغة واعادة تدريس مادة التربية الوطنية في كل مراحل التعليم
|
Post: #9
Title: Re: حكاية بلد ما عندها وجيع !
Author: عمران حسن صالح
Date: 10-31-2009, 11:46 AM
Parent: #8
| Quote: نحتاج لاعادة صياغة واعادة تدريس مادة التربية الوطنية في كل مراحل التعليم |
إختزلت الحكاية في سطر يا خليل ..!!
إعادة صياغة دي بنتفق عليها .. ما عندكـ مشكلة ..
طبعاً إعادة صياغة للإنسان بالكامل ..
رئيس ولا غفير ..
لكن حكاية تدريس دي ماااااااااا أظن ..
يعني شنو كتب مطبوعة تقول ليكـ حب وطنكـ ..
أحب وطني كيف وروسين البلد أكثر من يبيعوهو لصالح نطاق ضيق لا يتعدى الهتيفة وضاربي الرمل ..
لا تسأل أين أنت !! .. ** ( أنت في الســــــــــــودان ) ..!!
|
Post: #10
Title: Re: حكاية بلد ما عندها وجيع !
Author: داليا الكباشى
Date: 10-31-2009, 11:52 AM
Parent: #9
| Quote: انتمائنا لمناطقنا ، لقبائلنا ، لاحزابنا السياسيه ، حتي لفرقنا الرياضيه أكبر من انتمائنا للوطن ! |
امين يا صاحب .....
الجمله الفوق دي جابت المفيد .... الخلاص.. الزبده .. بالعربي كده (الكنكلوجن)...
تحياتي يا صاحب ...
|
Post: #11
Title: Re: حكاية بلد ما عندها وجيع !
Author: حمور زيادة
Date: 10-31-2009, 12:24 PM
Parent: #10
|
Post: #12
Title: Re: حكاية بلد ما عندها وجيع !
Author: AnwarKing
Date: 10-31-2009, 12:32 PM
Parent: #11
يا أمين لو داير تتباكى تعال هنا
يا ناس معقولة ده حصل\بيحصل في السودان؟ لم أقدر على إكمال المشاهد
لو داير تقول كلام مفيد...كن التغيير الذي تنشده...
كلامك الفوق ده الجميع قاعد يقولوا...لكن بدون نماذج وأمثلة...المطلوب يا سيد الناس أن تحدد المرمى وتشوت في الزاويا...
وليس التباكي ساااي والدخول في مستنقع السياسة الآسن والخروج منه نظيفاً ومعطّراً بدون أي خسائر!
يا عمك تحتاج بلدنا الى شجعان وشجاعات، يشخصوا المرض، يكوهو بالنار، ويواصلوا في مسيرة النهضة...
العويل والنواح يا سيدي ما بيبني بيت...
رأيي أنك تحدد ليك شخصية معينة (حكومة/معارضة/مستقلين/غيرو)، وتبدأ في التفنيد...غير كدة بكون كلامك ده،
زيادة وتكريس للمقولة الشهيرة بتاعة د.حيدر إبراهيم علي:
السوداني مشروع شخصية إكتئابية.
_____
أنا بعتبر نفسي وجيع لوطني السودان...ماذا عنك؟
أمثلة، نماذج لو تفضّلت؟
تحياتي
أنور
|
Post: #13
Title: Re: حكاية بلد ما عندها وجيع !
Author: معاوية المدير
Date: 10-31-2009, 12:51 PM
Parent: #12
Quote: و الدواء شنو يا كباشي ؟!
|
عوافي يا زول...
اللأمين أخوي، لوّك الصبر!
|
Post: #14
Title: Re: حكاية بلد ما عندها وجيع !
Author: السيد المسلمي
Date: 10-31-2009, 01:22 PM
Parent: #13
هون علي نفسك ياصديقي ،
|
Post: #15
Title: Re: حكاية بلد ما عندها وجيع !
Author: أمين محمد سليمان
Date: 10-31-2009, 07:19 PM
Parent: #14
Quote: وصلنا الحد وقلنا الروووب عديل ..
مشكلتنا ما عارفين بقينا نقبل وين
حكومة : الحال يغنى عن السؤال
معارضة : هههههههههههههه ( ضحكة الم )
الشعب : فقد بوصلتو وليهو 53 سنة يصجوهو ويلجوهو يجي الديمقراطية يلقاها مرتبة مع عساكر
يجو العسكر بتكون مرتبة مع نفس ناس الديمقراطية .. وهكذا من زمن الازهري ..
البلد لحدي هسع مثقفينها جايطين في نوع الهوية نحن عرب افارقة والا افارقة عرب ولا غابة وصحراء
والا شعب الله المختار ..
حدودنا ما قادرين نعرفها من وين لي وين ..
وضع الحدود الهسع منتهكة دي برضو ما عارفين بعد سنتين بتبدأ من وين ولحدي وين ..
بإختصار مُش البلد .. الشعب زاتو ما عندو وجيع ..!
|
الطريفي يا حبيبنا سلام
الحكومه و المعارضه بيجو من الشعب ، و لانو مكمن الداء في الشعب البلد تايها ليها ال 53 سنه القلتها دي و حا تظل كذلك ما لم يحصل تغيير جذري في فهمنا للوطنيه و من ثم ينعكس هذا الفهم و يترجم لعمل لصالح الوطن في أي موقع كان : معارضه أو حكومه .
السودان ده يا الطريفي ما مشكلتو الكيزان ، لانو لو الكيزان مشو الليله ، بكره بجو كيزان تانيين - بإسم تاني و شكل تاني و نفس الفعل - و يبدو في عمل نفس ما عمل الكيزان : يعذبو الناس بإسم الحرص علي سلامه الوطن و يرفدو الناس بإسم الصالح العام و ينهبو البلد بإسم تطويرها و تستمر معاناة البلد و الناس و نلف في دائره مفرغه ظاهرها و باطنها العذاب .
دايرين حلول يا الطريفي : كلنا متفقين علي الداء ، السؤال : نعالجو كيف ؟!
|
Post: #16
Title: Re: حكاية بلد ما عندها وجيع !
Author: علاء الدين يوسف علي محمد
Date: 10-31-2009, 07:26 PM
Parent: #15
حبيبنا المالي هِدومو
ممكن إستضافة؟
بيوتنا جاها السيل و اتكسّرنْ و قاعدين بِلا مأوى
|
Post: #17
Title: Re: حكاية بلد ما عندها وجيع !
Author: أمين محمد سليمان
Date: 10-31-2009, 08:03 PM
Parent: #16
Quote: السودانيين ديل ربنا جابهم في الدنيا دي لى مقصد كلهم عارفنه وهو عبادة الله وتعبيد الناس لله
وجعل ليهم ضرورات ناس مأكل ومشرب ومسكن ومركب ..إلخ
قاموا تركوا المقصد وإنشغلوا بالضرورات فسلط الله عليهم حوت يونس الذي هو عبارة عن المشاكل الفصلها أخونا حيدر الزين دي.
حا يظلوا قاعدين في بطن الحوت لغايت ما يتوبوا وكل واحد يستغفر ويقول لا إله إلا أنت سبحانك إني كنت من الظالمين , بعد داك حتى ربنا ينجيهم من الغم. |
أخونا عبد الحي سلام
قال تعالى : ( ولو أن أهل القري أمنوا واتقوا لفتحنا عليهم بركات من السماء والأرض)
أحسب إنو الوطنيه و الانتماء الانا بتكلم عنهم ديل جزء من من التقوي الفي الآيه دي و الفي كلامك العميق ده .
لا خفنا الله في رقبتنا و لا خفناه في بلدنا ، و قديما قيل :
ترجو النجاة و لم تسلك مسالكها إن السفينة لا تجري علي اليبس !!!
و عشان كده سفينة بلدنا باركه في نص الزلط من يوم ما إستقلينا !
|
Post: #18
Title: Re: حكاية بلد ما عندها وجيع !
Author: أمين محمد سليمان
Date: 10-31-2009, 09:01 PM
Parent: #17
Quote: ممكن إستضافة؟
بيوتنا جاها السيل و اتكسّرنْ و قاعدين بِلا مأوى
|
يا أخوانا إستميحونا عذرا بالرد علي علاء ده ، سؤالو عاجل !!
والله يا علاء يا أخوي من أبسط حقوق المواطن علي أخوه المواطن إيواءو عندما يكون بلا مأوي ! لكن يا أخوي إنت و وهبه و الرهط المعاكم غير الكركبه ما بتجيبو أي حاجه : ياخي ساحبين سته بوستات بسببكم ! و ما عايز ده يكون السابع ، فبالله ما أشوفك هنا !!! 
-------
نجي للجد و بعيدا عن موضوع البوست ده : ياخي ربنا يجزيك خير إنت و الشباب علي وقفتكم مع مياده ..
|
Post: #19
Title: Re: حكاية بلد ما عندها وجيع !
Author: علاء الدين يوسف علي محمد
Date: 10-31-2009, 09:17 PM
Parent: #18
| Quote: لكن يا أخوي إنت و وهبه و الرهط المعاكم غير الكركبه ما بتجيبو أي حاجه : ياخي ساحبين سته بوستات بسببكم ! و ما عايز ده يكون السابع ، فبالله ما أشوفك هنا !!! |
راقِب الأولى في واحد كان منسي
واللهِ يا حبيبنا أمين
ذكّرتني حكايات مطاريد الجبل
بقينا شُبهة
و يا قول عادل إمام
داااااا انا طايييييييييييييييييييييييب
بالنسبة للجد ، ما مشحودين
|
Post: #20
Title: Re: حكاية بلد ما عندها وجيع !
Author: أمين محمد سليمان
Date: 10-31-2009, 11:34 PM
Parent: #18
| Quote: نحتاج لاعادة صياغة واعادة تدريس مادة التربية الوطنية في كل مراحل التعليم |
خلي يا حبيبنا
ده ممكن يكون جزء من كسر من الالف من حل المشكله ، الوطنيه ممارسه و فعل عايزه يكون عندك قدوه في البيت و المدرسه و الشغل و ناس الحله و الحكومه و المعارضه !!!
|
Post: #21
Title: Re: حكاية بلد ما عندها وجيع !
Author: أمين محمد سليمان
Date: 11-01-2009, 05:58 AM
Parent: #20
Quote: لكن حكاية تدريس دي ماااااااااا أظن ..
يعني شنو كتب مطبوعة تقول ليكـ حب وطنكـ ..
أحب وطني كيف وروسين البلد أكثر من يبيعوهو لصالح نطاق ضيق لا يتعدى الهتيفة وضاربي الرمل ..
|
الله يفتح عليك يا عمران ،
ياخي ما ممكن تكون الوطنيه ماده تدرس للطلاب دون غيرهم ، في غياب القدوه و البيان بالعمل لا جدوي من حصه نص ساعه في الأسبوع !
|
Post: #22
Title: Re: حكاية بلد ما عندها وجيع !
Author: أمين محمد سليمان
Date: 11-01-2009, 06:05 AM
Parent: #21
Quote: الجمله الفوق دي جابت المفيد .... الخلاص.. الزبده .. بالعربي كده (الكنكلوجن)...
|
داليا سلامات
في واقع معاش يبدو إننا كلنا متفقين عليهو ، السؤال الواقع ده يتغير للاحسن كيف ؟!
يدك معانا يا فرده عشان عيون أطفالنا ما تضوق الهزيمه !!
|
Post: #23
Title: Re: حكاية بلد ما عندها وجيع !
Author: أمين محمد سليمان
Date: 11-01-2009, 06:08 AM
Parent: #21
نبكي بس يا حمور !!
|
Post: #24
Title: Re: حكاية بلد ما عندها وجيع !
Author: haroon diyab
Date: 11-01-2009, 06:32 AM
Parent: #23
وصباحات الوجع ياامين
وانت دائما تضع يدك علي الجرح
ولكن هل لازلنا نملك مشرطا لفتحه ونظافته.....؟
يفيض النيل نحيض نحنا
يظل حال البلد واقف تقع محنة.....!!!!
|
Post: #25
Title: Re: حكاية بلد ما عندها وجيع !
Author: أمين محمد سليمان
Date: 11-01-2009, 07:57 AM
Parent: #24
الملك أنور سلام يا صديق و كتر خيرك علي مداخلتك العميقه دي ...
Quote: يا أمين لو داير تتباكى تعال هنا
يا ناس معقولة ده حصل\بيحصل في السودان؟ لم أقدر على إكمال المشاهد
|
مشيت يا أنور بعد ما إنت نزلت بوستك ده بدقايق و شفت الشريط كلو و لمن ما بكيت تباكيت !!
شريطك الجبتو ده شاهد علي نتيجه عدم الانتماء للوطن و لبعضنا البعض كسودانيين ممكن تكون شنو !!
لو مساوئ عدم الانتماء للوطن كانت بتتمثل في إنو الهلالاب بيشجعو ضد المريخ في مبارياتو الخارجيه و العكس صحيح ، كان مافي مشكله ، لكن نتيجه عدم الانتماء للوطن و عدم إنتماءنا لبعضنا البعض أدت لموت و تهجير ملايين السودانيين في الجنوب و في دارفور . و شريطك ده أكبر دليل علي كده ...
Quote: لو داير تقول كلام مفيد...كن التغيير الذي تنشده...
كلامك الفوق ده الجميع قاعد يقولوا...لكن بدون نماذج وأمثلة...المطلوب يا سيد الناس أن تحدد المرمى وتشوت في الزاويا...
وليس التباكي ساااي والدخول في مستنقع السياسة الآسن والخروج منه نظيفاً ومعطّراً بدون أي خسائر!
يا عمك تحتاج بلدنا الى شجعان وشجاعات، يشخصوا المرض، يكوهو بالنار، ويواصلوا في مسيرة النهضة...
العويل والنواح يا سيدي ما بيبني بيت...
رأيي أنك تحدد ليك شخصية معينة (حكومة/معارضة/مستقلين/غيرو)، وتبدأ في التفنيد...غير كدة بكون كلامك ده،
زيادة وتكريس للمقولة الشهيرة بتاعة د.حيدر إبراهيم علي:
السوداني مشروع شخصية إكتئابية.
_____
أنا بعتبر نفسي وجيع لوطني السودان...ماذا عنك؟
أمثلة، نماذج لو تفضّلت؟
|
كلامك صاح يا أنور ، كلامي في البوست ده كل الناس بتقولو و ممكن تشوف ردود الاخوان و الأخوات علي كلامي ده ، إذا نحن كلنا متفقين علي إنو في مشكله أساسيه عندنا كسودانيين أساسها عدم وطنيتنا و عدم انتمائنا للبلد دي ، متفقين علي إنو عدم الوطنيه و الانتماء للوطن هو أس البلاء ، و بقيه المشاكل ما هي إلا إنعكاس للمشكله دي !
و لو كان عندي حل - و لو نظري - للموضوع ده كان طرحتو من البدايه : المشكله إنو أنا ما عندي حل و ما شايف لي مرمي عشان اشوت في الزاويه زي ما إنت إقترحت ! أنا ذاتي جزء من المشكله دي !!!
فتحت البوست ده عشان أبكي و أنوح علي الحاله النحن فيها دي عشان يجو ناس عندهم حلول - أو تصور لحل - يمرقنا من الحاله دي ، عشان اشخص أس البلاء العايشين فيهو ده .
و كلامك سليم العويل والنواح ما بيبني بيت ، لكن ممكن يجيب ليك اليعلمك كيف تبني البيت . البوست ده يا أنور صرخه في وادي الصمت ،عسي أن يسمعنا من عنده الحل !! لكن لو قلت ليك عندي حل بكون بكضب علي رقبتي قبل ما أكون بكضب عليك و علي الناس البتقرا في كلامي ده !
كلامك بتاع أجيب أمثله و نماذج ده والله ما فهمتو : ياخي غمض عينك و إختار أي سوداني و ممكن يصلح كنموذج ، خليك من ده ، كدي عاين للمنبر ده و شوف الناس دي - و لا أبرئ نفسي - بتسوي في شنو ؟!! شوف كيف كلنا بنصطف مع بعض علي من يختلف معانا في الرأي و نقيم عليهو الحد الإسفيري ، المخالف في الرأي عدو يجب التخلص منو ، مافي حاجه إسمها نتفق و نختلف في مصلحه الوطن ، نحن بنتفق و نختلف في مصالحنا الشخصيه و مصلحه مناطقنا و قبائلنا و أحزابنا و لا عزاء للوطن !! لكن لانو الموضوع ما شخصي الامثله و النماذج ما بتفيد ، ياخي بالتأكيد في ناس همهم علي البلد و حاسين بوجعها - و إنت ذكرت إنك منهم - لكن الناس ديل ما عندهم أي تأثير علي حياتنا بدليل الحاله النحن فيها دي .
إنت إعتبرت إنك وجيع للسودان ده ، تعال ورينا نحن السواد الأعظم من السودانيين اللي عدم الوطنيه و عدم الإنتماء نخر في عضامهم نتعالج كيف ؟!!
|
Post: #26
Title: Re: حكاية بلد ما عندها وجيع !
Author: أمين محمد سليمان
Date: 11-01-2009, 08:09 AM
Parent: #25
Quote: وصباحات الوجع ياامين
وانت دائما تضع يدك علي الجرح
ولكن هل لازلنا نملك مشرطا لفتحه ونظافته.....؟
|
هارون يا حبيبنا
العندنا ده ما جرح ، ده سرطان محتاج ل Chemotherapy و عمليات جراحيه و علاج نفسي عشان نتحمل العلاج ده !!
|
Post: #27
Title: Re: حكاية بلد ما عندها وجيع !
Author: omer osman
Date: 11-01-2009, 08:10 AM
Parent: #25
الاعتراف بوجود مشكلة هو بداية الحل ..... لكن الحل شنو أنا شخصياً ما عارف ؟
|
Post: #28
Title: Re: حكاية بلد ما عندها وجيع !
Author: أمين محمد سليمان
Date: 11-01-2009, 08:25 AM
Parent: #24
| Quote: اللأمين أخوي، لوّك الصبر |
معاويه يا مديرنا سلام
صابرين مما إتولدنا و النتيجه مئات الالاف ماتت و ملايين إتهجرت و القصه ماشه لأسوأ كل يوم ، ادونا حلول يا سعادتك فقد بلغت الروح الحلقوم !!
|
Post: #29
Title: Re: حكاية بلد ما عندها وجيع !
Author: أمين محمد سليمان
Date: 11-01-2009, 07:06 PM
Parent: #28
| Quote: هون علي نفسك ياصديقي ، |
يا سيدنا
يا ريت يا أبو السيد لو كان الهم هم خاص كان الواحد لقي ليه حل عند الاخوان ، لكن المشكله عامه و ما شايف لي ليها حل !!!
|
Post: #30
Title: Re: حكاية بلد ما عندها وجيع !
Author: أمين محمد سليمان
Date: 11-02-2009, 08:08 AM
Parent: #29
من أجمل القصائد في الانتماء للوطن ، رائعه أمل دنقل - أحسن من كتب شعرا في القرن العشرين و القرون المجاوره - مقابلة خاصة مع ابن نوح ..
يقول سيدي أمل :
جاء طوفان نوح !
المدينة تغرق شيئا ... فشيئا
تفر العصافير ،
والماء يعلو ..
على درجات البيوت – الحوانيت – مبنى البريد – البنوك
التماثيل ( أجدادنا الخالدين ) – المعابد – أجولة القمح
مستشفيات الولادة – بوابة السجن – دار الولاية –
أروقة الثكنات الحصينة ..
العصافير تجلو ..
رويدا .. رويدا ..
ويطفو الإوز على الماء
يطفو الأثاث ..
ولعبة طفل ..
وشهقة أم حزينة ..
الصبايا يلوحن فوق السطوح !
جاء طوفان نوح ...
هاهم الحكماء يفرون نحو السفينة
المغنون – سائس خيل الأمير – المرابون – قاضي القضاة ( .. ومملوكه )
حامل السيف – راقصة المعبد ( ابتهجت عندما انتشلت شعرها المستعار )
جباة الضرائب – مستوردو شحنات السلاح
عشيق الأميرة في سمته الأنثوي الصبوح
جاء طوفان نوح !
هاهم الجبناء يفرون نحو السفينة
بينما كنت ..
كان شباب المدينة..
يلجمون جواد المياه الجموح
ينقلون المياه على الكتفين
ويستبقون الزمن
يبتنون سدود الحجارة ...
علهم ينقذون مهاد الصبا والحضارة
علهم ينقذون ... الوطن!
صاح بي سيد الفلك – قبل حلول السكينة - :
’’ انج من بلد ... لم تعد فيه روح ‘‘
قلت :
طوبى لمن طعموا خبزه ..
في الزمان الحسن
وأداروا له الظهر ..
يوم المحن!
ولنا المجد – نحن الذين وقفنا –
( وقد طمس الله أسماءنا )
نتحدى الدمار
ونأوى إلى جبل لا يموت
( يسمونه الشعب! )
نأبى الفرار ..
ونأبى النزوح !
كان قلبي الذي نسجته الجروح ..
كان قلبي الذي لعنته الشُروح ..
يرقد – الآن - فوق بقايا المدينة
وردة من عطن ..
هادئا ...
بعد أن قال ’’ لا ‘‘ للسفينة ..
.. وأحب الوطن !
|
Post: #31
Title: Re: حكاية بلد ما عندها وجيع !
Author: HAIDER ALZAIN
Date: 11-02-2009, 12:52 PM
Parent: #30
| Quote: رأيي أنك تحدد ليك شخصية معينة (حكومة/معارضة/مستقلين/غيرو)، وتبدأ في التفنيد.. |
أنا يا انور بديك شخصية معينة / حكومية بمنصب سيادي وبشوف انها ما عندها وطنية بالتدعك ..
ومثالي دا هو مصطفي عثمان اسماعيل وزير الخارجية الاسبق ومستشار الرئيس الحالي ..!
وعندي بوست عن مشكلة حلايب بعتقده دا التفنيد والتدليل على ضعف الوازع الوطني عنده ..
وراجع معاي هنا :-مصطفي عثمان اسماعيل يقول لا حدود بين مصر والسودان بل هو...الاسكندرية الي نمولي
وبخلص منو وامسك ليك سلفاكير نموذج تاني .. ( مُش برضو بيعتبر مسئول حكومي ومتولي منصب سيادي ؟؟!)
|
Post: #32
Title: Re: حكاية بلد ما عندها وجيع !
Author: عبد الناصر الخطيب
Date: 11-02-2009, 01:02 PM
Parent: #31
Quote: انتمائنا لمناطقنا ، لقبائلنا ، لاحزابنا السياسيه ، حتي لفرقنا الرياضيه أكبر من انتمائنا للوطن !
|
حاصلة يا أمين ومبالغ فيها كمان أى ناس بتلقي عندهم جالية نشطة وفاعلة
إلا نحنه دي رابطة ناس ظل الجرجيرة ودي جمعية ناس كراع البقر
وربك يعين
|
Post: #33
Title: Re: حكاية بلد ما عندها وجيع !
Author: أمين محمد سليمان
Date: 11-02-2009, 05:32 PM
Parent: #32
Quote: حاصلة يا أمين ومبالغ فيها كمان أى ناس بتلقي عندهم جالية نشطة وفاعلة
إلا نحنه دي رابطة ناس ظل الجرجيرة ودي جمعية ناس كراع البقر
وربك يعين |
و الحتات الفيها جاليات سودانيه غير المشاكل ما فيها شي !
نحن يا ناصر محتاجين إعادة صياغه من أول و جديد ، بدءً من المفاهيم الأساسيه لمعني الوطنيه و الانتماء للوطن و ليس إنتهاءً بالاختلاف حبا لهذا الوطن !!
|
Post: #34
Title: Re: حكاية بلد ما عندها وجيع !
Author: أمين محمد سليمان
Date: 11-04-2009, 09:01 PM
Parent: #33
حتي و إن جاء الصقيع ، الشمس تبقي ساخنه !!
لعنايه أنور الملك و أخوانا الباقين العندهم حل أو مقترح حل لمشكله الوطنيه و الانتماء و البلد الما عندها وجيع دي !!
|
|