لماذا لا يخرس الشمال ؟!!

منذ الاستقلال و السودان ككل يعاني : كل المناطق بدون إستثناء كانت و ما زالت تعاني مافي ذلك شك ، السؤال : من عاني مثل ما عاني الجنوب ؟!
أكتر من كم و خمسين سنه ‎و الجنوب بلا تنميه و لا خدمات ، بلا مدارس ولا مستشفيات . تهجير و تهميش أخو الموت !!
خمسين سنه و الجيش النظامي في البلد ‎- بإسم النظام و منعا للتمرد و الخروج عن الدوله ‎- بيبيد فيهم و في أهلهم ، حرب قايمه جوه مدنهم و قراهم و بيوتهم . خمسين سنه و الموت ‎- ما غَبَّ منهم يوم ‎- لا خلي زول لا خلي شجره ولا بقره !

منقو ، قل لا عاش من يفصلنا !!!
و منقو لا لقي مدرسه ، لا لقي علاج و لا لقي حياه كريمه في بلدو ؛ منقو مات و بيموت كل يوم ليهو أكتر من خمسين سنه : لا إستنكرنا جهلو و لا إستنكرنا مرضو و لا سألنا حكوماتنا : منقو ده عمل شنو عشان (نجاهد) فيه ؟!!
و لمن بقي عندو الحق يقول يا أخوانا أنا ما داير معكم : كلنا شبينا ليه في حلقو : منقو ، قل لا عاش من يفصلنا !!!

نحن القاعدين نتباكى علي الجنوب العايز ينفصل ده ، كنا وين أكتر من خمسين سنه و الجنوبيين بيتظلمو و بيتكتلو و بيتهجرو من بيوتهم ! كنا وين ما فينا واحد فتح خشمو ساي سأل وين مستشفيات الجنوب و وين مدارس الجنوب و وين ناس الجنوب ؟! خمسين سنه مشاركين حكوماتنا بالخرس تجاه ما يحدث في الجنوب ، فلماذا لا نخرس الان ؟

لماذا لا نخرس و نخلي الجنوبيين يقررو : لو عايزين ينفصلو ولا لا ؟!! لانو نحن ما ممكن نفهم و لا نحس بإحساسهم ! الجنوب ده ما سلفاكير ولا باقان و لا سياسه و سياسيين : الجنوب ده بشر ، ناس عندهم حقوق و عزه و كرامه من حقهم يقررو يعملو شنو و يتصرفو كيف بلا وصايه من أحد و الناس البيدعو أهل الجنوب لعدم الانفصال عشان مصلحة الوطن حقو يسألو نفسهم :
بتين كان السودان وطن للجنوبيين ؟!

سلام علي أخوانا في الجنوب إذا إنفصلو ، سلام عليهم إذا لم ينفصلو و تعسا لوطن ‎- باسم الوطن ‎- يقتل أبنائه ثم ‎- بإسم الوطن‎ - يسألهم العون حتي لا يتمزق !!

كل السودان لم تكن بة تنمية منذ الاستقلال وهذة هى امكانيات بلدنا

خلينا اسالك سؤال هل قمت بزيارة لمناطق السودان الشمالية لترى التردي في كل شي لا توجد تنمية الا في الخرطوم فقط

اذا السودان كله يعانى من عدم التنمية
العسكر حكموا السودان لعقود طويلة اكثر من 80% من عمر السودان بعد الاستقلا تم السيطرة علية عن طريق العسكر حيث لا تنمية

طيب خلينا كان كدة نقسم السودان وكل اقليم يعمل دولة

الجنوب حالة كحال الاقاليم الاخري الا اللهم انه كان في حرب طويلة ولا توجد بة تنمية

ولن تكون بة تنمية حتى لو انفصل لان الجنوبيين انفسهم منقسمين

وانا شخصيا لا اتباكى على انفصال الجنوب بالعكس انا مع الانفصال وياليتهم اعطونا حق التصويت لتري العجب
خليهم ينفصلوا ويبعدو عنا بكل شرورهم ومشاكلهم وحنكون بخير

يا سبحان الله الشمالين بقوا يدافعون عن الجنوبين اكثر من الجنوبين انفسهم
هل هذا من اجل المعارضة ام من اجل ماذا؟

Quote: وانا شخصيا لا اتباكى على انفصال الجنوب بالعكس انا مع الانفصال وياليتهم اعطونا حق التصويت لتري العجب خليهم ينفصلوا ويبعدو عنا بكل شرورهم ومشاكلهم وحنكون بخير

احححي انا من كلام ناس المهاجر الغربيه ديل
ايديهم في المويه ويولعوا النيران في هشيم الصحراء الشماليه .
انت ما اصلك بخير
لكين منو القال ليك ناس الشمال ح يكونوا بخير لو انفصل الجنوبيون ؟؟؟!!
ومن متين الجنوبيون جاؤوكم بشرورهم ؟؟؟ّّ
ما نحن المشينا ليهم بجيوشنا وعدتنا و عتادنا وجهادنا .
الجنوبيون وحدهم وعلي رغم ان الحرب تحصد
فيهم منذ الخمسينات لم يطلقوا رصاصه واحده بالخرطوم .
فاين شرورهم ؟؟
الجنوبيون لم يقولوا سنفعل بسكان الشمال الافاعيل ان دانت لنا .
انصفوهم فهم اناس طيبون في سلمهم وفي حربهم .

Quote: أحترم اخوتي الجنوبيين جداً وأقدرهم ... كما احترم القائد جون قرنق دي مبيور رحمه الله واعتبره رمزاً من رموز السودان لكن رأي الخاص هو أن الجنوبيين يجب أن يجدوا الفرصة لإنشاء وحكم دولتهم الخاصة وتطبيق نموذج للدولة الناجحة يحتذي به الشمال فيما بعد ..... أتمنى من الله أن يصبح هذا الانفصال واقعاً ... لأنه في رأي الخاص السبيل الوحيد لينال إخوتنا الجنوبيون حقوقهم التي حرموا منها طوال فترات متصلة من الاستعمار والاستقلال

هل سيكون هذا هو مستقبل السودان ؟

نعم للانفصال

Quote: احححي انا من كلام ناس المهاجر الغربيه ديل ايديهم في المويه ويولعوا النيران في هشيم الصحراء الشماليه . انت ما اصلك بخير لكين منو القال ليك ناس الشمال ح يكونوا بخير لو انفصل الجنوبيون ؟؟؟!! ومن متين الجنوبيون جاؤوكم بشرورهم ؟؟؟ّّ ما نحن المشينا ليهم بجيوشنا وعدتنا و عتادنا وجهادنا . الجنوبيون وحدهم وعلي رغم ان الحرب تحصد فيهم منذ الخمسينات لم يطلقوا رصاصه واحده بالخرطوم . فاين شرورهم ؟؟ الجنوبيون لم يقولوا سنفعل بسكان الشمال الافاعيل ان دانت لنا . انصفوهم فهم اناس طيبون في سلمهم وفي حربهم .

اسال الشمالين وانت تعرف
من قال لك لم ياتونا بشرورهم يا اخى نحن لم نبدا الحرب هم من بدوا بقتل الابرياء وقتل الشمالين بالجنوب وهم من بدواء بالحروب اتريد من الدولة ان تقف مكتوفة الايدي وهناك حركات تمرد تنمو وتكبر وتقتل في الجنوب
من قال لك انهم لم يطلقوا رصاصة واحدة في الخرطوم الم ترى ماذا حدث بعد وفاة جون قرنق

خليهم هم ينصفوا انفسهم اولا وسننصفهم نحن بعدها لا يغيير الله ما بقوم حتى يغيروا ما بانفسهم
يعنى مشاكل الجنوبين كلها سببها الشمال
لو مات جنوبي بنزلة برد يقولوا ليك الشمال قتلوا اتقوا الله يا ناس

نحن قاتلنا التمرد بالجنوب فقتلوا ما قتلوا منا كما تم قتل جنوبين الحرب بح خلصت الان نحن في سلم
وهم يريدون الانفصال فلهم ذلك لم نقل لا سنقاتلهم وسيكونون غصبا عنهم معنا
لا يا حبيب اذا صوتوا للانفصال فمبروك لهم مقدماً
اذا كان في الانفصال اصلاح لحالهم واستقرار للسودان انا اول من يويد ذلك وابصم بالعشرة

Quote: اسال الشمالين وانت تعرف من قال لك لم ياتونا بشرورهم يا اخى نحن لم نبدا الحرب هم من بدوا بقتل الابرياء وقتل الشمالين بالجنوب وهم من بدواء بالحروب اتريد من الدولة ان تقف مكتوفة الايدي وهناك حركات تمرد تنمو وتكبر وتقتل في الجنوب من قال لك انهم لم يطلقوا رصاصة واحدة في الخرطوم الم ترى ماذا حدث بعد وفاة جون قرنق خليهم هم ينصفوا انفسهم اولا وسننصفهم نحن بعدها لا يغيير الله ما بقوم حتى يغيروا ما بانفسهم يعنى مشاكل الجنوبين كلها سببها الشمال لو مات جنوبي بنزلة برد يقولوا ليك الشمال قتلوا اتقوا الله يا ناس نحن قاتلنا التمرد بالجنوب فقتلوا ما قتلوا منا كما تم قتل جنوبين الحرب بح خلصت الان نحن في سلم وهم يريدون الانفصال فلهم ذلك لم نقل لا سنقاتلهم وسيكونون غصبا عنهم معنا لا يا حبيب اذا صوتوا للانفصال فمبروك لهم مقدماً اذا كان في الانفصال اصلاح لحالهم واستقرار للسودان انا اول من يويد ذلك وابصم بالعشرة

الهم لا نسالك رد القضاء ولكن اللطف فيه.

دا بوست فيهو جلد ذات عجيب يا امين محمد سليمان يا صديقي ..

نعم معك في كل حرف ان الجنوب والجنوبيين عانوا كثيراً وكان اس معاناتهم من النخبة الشمالية
الحاكمة .. منذ عام 1955م والجنوب في حالة حرب يقطعها سلام قصير او هدنة لتعود مرة اخري ..
وحتي عام 1989م بداية الحرب الجهادية الشاملة على الجنوب كان السودان في مجموعه يعاني من سوء
التغذية والتنمية ولا توجد بني تحتية ومصدر الدخل القومي المتمثل في مشروع الجزيرة والحاصلات الزراعة
الاخري اغلبه يذهب وقوداً للحرب .. عندما تولي جماعة الترابي السلطة بليل اصبح الاغلب هو الكل ..
وصارت الدولة ثكنة عسكرية كبيرة تورد تذهب جمبعها لشن الحرب الجهادية المقدسة هناك سواء باسم الدفاع الشعبي أو كشات الخدمة الالزامية او افراد الجيش نفسهم ..
عقلية الكيزان المحبيين للدنيا وشهواتها هي مادفعتهم للجلوس حول مائدة نيفاشا وليس ضغوط دولية او خلافه ودا بعد العشم في استخراج البترول وتوزيع حصصه بين حكومة المركز وبين حكومة الجنوب وجيوب المسئولين والوزراء ...
ما يُسمي الآن ببداية بناء بنى تحتية بالوسط او مثلث حمدي يتم على حساب انسان السودان سواء بهذه المناطق او مناطق الهامش بالغرب والجنوب والشرق .. الطرق والكباري والسدود لا تقدم اي مردود اقتصادي على الانسان في هذه المناطق ولا عائد مجزي له بل تزداد البطالة والمعاناة وينخفض مستوي المعيشة مقارنة بفترة كان الناتج القومي فيها لا يُمثل البترول احد عناصره - وحتي البترول نفسه يظل سعره بالسودان ضمن نطاق اعلي الاسعار للمستهلك في العالم -
ما وددت قوله يا امين ان معاناة الجنوبي والشمالي في السودان متشابهة والاثنان يتعرضون للموت والدمار الممنهج الجنوبي يفوق الشمالي في أن هذا الموت يتم على اراضيه وامام باب بيته لذلك يفقد روحه وممتلكاته وسبل عيشه منذ خمسين عام ..توقيع اتفاق نيفاشا كان بامكانه وضع حد لاغلب هذه المعاناة لو وقع وفق شروط دولة قومية من الاساس وليس شريكي حكم فقط من الحزبين المتقاتلين ..
حكومة قومية يكون همها الاساسي تحقيق التنمية المتوازنة في جميع ارجاء السودان ومناطقه جنوباً وغرباً وشرقا وشمالاً ..وارساء قواعد لديمقراطية وفق حكم ذاتي لك ولاية .. لم يحصل هذا ..
وعاد المؤتمر الوطني لممارسة بشاعاته بالشمال والغرب والشرق .. وفشلت الحركة الشعبية في تحقيق تنمية بالجنوب رغم الدعم الدولي والاقليمي لانها حركة مقاتلة في الاساس وعسكرية تنقصها الخبرة الادارية .
وعانينا نحن من هذا الوضع بقلب من يحب اخوته في الجنوب ويعشق وجودهم معه وعقل من يري ان الوضع بهذه الكيفية سيجر للمزيد من الظلم الواقع عليهم سواء من المؤتمر الوطني او ما سيواجهونه من الحركة الشعبية التي تؤمي للجمع بان يعلوا ما تري ..

ولا انسي يا امين انني كنت من المستبشرين بأن الحركة الشعبية بمقدرورها مناصرة الشمالية على المؤتمر الوطني واضهرنا بيها عديل بعد عودة قرنق للخرطوم .. لكن ذهب القائد التاريخي وذهبت معه كل الآمال في سودان جديد بعد ان وضح ان مصلحة الحركة الشعبية غير مصالح السودان الجديد فلم تسعي لتغيير جدي وكل ما تفعله لا يتعدي التصريح بالانفصال او المشاكسة في الحكومة التي هي جزء منها ..

أمين سلامات ..

Quote: و لمن بقي عندو الحق يقول يا أخوانا أنا ما داير معكم : كلنا شبينا ليه في حلقو : منقو ، قل لا عاش من يفصلنا !!!

والله يا أمين أنا غايتو لا قلت لا حاجة ، والله انا يوم سعدي وهناي يوم ما الجماعة ديل يمشو ، ما عندي مشكلة شخصية معاهم بس الحاصل انو العيشة معاهم في سلام وأمان من سابع المستحيلات لأنو في خلافات متجذرة خاصة في العقيدة ودي ما عندها حل غير الانفصال.

ان شاء الله ينفصلو الليلة قبل بكرة ، قشة ما تعتر ليهم و (منقو قل لا عاش من لا يفصلنا).

Quote: كل السودان لم تكن بة تنمية منذ الاستقلال وهذة هى امكانيات بلدنا خلينا اسالك سؤال هل قمت بزيارة لمناطق السودان الشمالية لترى التردي في كل شي لا توجد تنمية الا في الخرطوم فقط اذا السودان كله يعانى من عدم التنمية العسكر حكموا السودان لعقود طويلة اكثر من 80% من عمر السودان بعد الاستقلا تم السيطرة علية عن طريق العسكر حيث لا تنمية طيب خلينا كان كدة نقسم السودان وكل اقليم يعمل دولة الجنوب حالة كحال الاقاليم الاخري الا اللهم انه كان في حرب طويلة ولا توجد بة تنمية

الشيخ أخونا ، سلام
معاك إنو السودان كلو مهمش و مسجم و مرمد في الخمسين سنه الفاتت ، لكن منو الكانت الحرب جوه بيتو و قريتو و مزرعتو و زريبتو غير الجنوبيين ؟! عدد ضحايا الحرب في الجنوب فاق المليون بني ادم : هل ده حصل في أي جزء تاني من السودان ؟!

Quote: ولن تكون بة تنمية حتى لو انفصل لان الجنوبيين انفسهم منقسمين وانا شخصيا لا اتباكى على انفصال الجنوب بالعكس انا مع الانفصال وياليتهم اعطونا حق التصويت لتري العجب خليهم ينفصلوا ويبعدو عنا بكل شرورهم ومشاكلهم وحنكون بخير يا سبحان الله الشمالين بقوا يدافعون عن الجنوبين اكثر من الجنوبين انفسهم هل هذا من اجل المعارضة ام من اجل ماذا؟

أنا ما قلت خلوهم ينفصلو : أنا قلت خلوهم يقررو : هم عايزين شنو !! ينفصلو أو لا يا الشيخ ما بقررها أنا ولا إنت : يقرروها هم ، ظلم السنين ده كان واقع عليهم هم ، ما علي و عليك !!
والله يا الشيخ يا أخوي إستغربت جدا من كلامك بتاع (الشمالين بقوا يدافعون عن الجنوبين اكثر من الجنوبين انفسهم) يعني أنا شمالي معناتها أنصر أخاك بفهم أولي إبتدائي ولا كيف ؟ ياخي أنا لا بدافع عن جنوب ولا عن شمال أنا بدافع عن ما أراه حقا ! بعدين والله قصه تصنيف الناس البيختلفو معاك في رأي حيرتني أنا ذاتي اتجاهي شنو ! امبارح القريب ده مطلعني كوز و حسي إنت مطلعني مناضل : ارحمونا يرحمكم الله !!

Quote: احححي انا من كلام ناس المهاجر الغربيه ديل ايديهم في المويه ويولعوا النيران في هشيم الصحراء الشماليه . انت ما اصلك بخير لكين منو القال ليك ناس الشمال ح يكونوا بخير لو انفصل الجنوبيون ؟؟؟!! ومن متين الجنوبيون جاؤوكم بشرورهم ؟؟؟ّّ ما نحن المشينا ليهم بجيوشنا وعدتنا و عتادنا وجهادنا . الجنوبيون وحدهم وعلي رغم ان الحرب تحصد فيهم منذ الخمسينات لم يطلقوا رصاصه واحده بالخرطوم . فاين شرورهم ؟؟ الجنوبيون لم يقولوا سنفعل بسكان الشمال الافاعيل ان دانت لنا . انصفوهم فهم اناس طيبون في سلمهم وفي حربهم .

يا خالتو
دي عقليه الوصايه حقتنا علي الجنوبيين ...
والله بتحير يجي زول بجرة قلم يطلع ليك إنو الجنوبيين هم سبب تخلف السودان ! ياخي ده ظلم تنوء عن حمله الجبال والله !
و بدل ما نمشي في جنازة القتيل ‎- الكتلناه ‎- ساكتين ، بنحَمِّل في الجنازه سبب موتنا نحن الحيين !!

سلام يا هاني

Quote: نعم للانفصال

يقرروها هم ، بأمرهم هم ، بلا وصايه أو مزايده !!

أمين ياأمين

سلام حتى مطلع الفجر..

كفاية وصاية على الجنوب والجنوبيين,
كفاية إستعلاء
بعد كل الظلامات والإضطهاد نودهم
أن يقرروا مانريد ونحن من يملى عليهم
مايقولون ومالايجب أن يقال..

كفاية عنتظه وإنتفاخ وزهو بتفوق غير موجود
وإن وجد فإنه تحقق على جثثهم وأحلامهم..

Quote: ما وددت قوله يا امين ان معاناة الجنوبي والشمالي في السودان متشابهة والاثنان يتعرضون للموت والدمار الممنهج الجنوبي يفوق الشمالي في أن هذا الموت يتم على اراضيه وامام باب بيته لذلك يفقد روحه وممتلكاته وسبل عيشه منذ خمسين عام ..توقيع اتفاق نيفاشا كان بامكانه وضع حد لاغلب هذه المعاناة لو وقع وفق شروط دولة قومية من الاساس وليس شريكي حكم فقط من الحزبين المتقاتلين ..

الطريفي يا زول النصيحه ، سلام !!
كلام ميه ميه !! الدمار الممنهج قدام بيت الجنوبي ده يا الطريفي هو البخلي كفة التهميش و الظلم تميل لحدي ما تقع الواطه !! إتفاق نيفاشا إتفاق سياسي بين حزب المؤتمر الوطني ‎- اللي ما مفروض يمثل الشمال ‎ككل- و الحركه الشعبيه ‎- اللي ما مفروض تمثل الجنوب ككل‎- و لانو إتفاق سياسي بتدخل فيهو المصالح و الموازنات .

Quote: وعانينا نحن من هذا الوضع بقلب من يحب اخوته في الجنوب ويعشق وجودهم معه وعقل من يري ان الوضع بهذه الكيفية سيجر للمزيد من الظلم الواقع عليهم سواء من المؤتمر الوطني او ما سيواجهونه من الحركة الشعبية التي تؤمي للجمع بان يعلوا ما تري ..

حبنا لاخوانا الجنوبيين الظهر الليله ده ‎- و هنا بتكلم عننا كمجموع ‎- الجنوبيين لا شافوه و لا حسو بيه و لا سمعوه بيه ذاتو لانو ‎- حتي إن وجد ‎- ما رفع عنهم الظلم مره ! عشان كده يا الطريفي أنا بقول إنو نخلي الجنوبيين يتخذو قرارهم براهم بدون وصايه أو مزايده و نقيف و ندعم خيارهم كان بقي وحده ولا إنفصال !!

Quote: ولا انسي يا امين انني كنت من المستبشرين بأن الحركة الشعبية بمقدرورها مناصرة الشمالية على المؤتمر الوطني واضهرنا بيها عديل بعد عودة قرنق للخرطوم .. لكن ذهب القائد التاريخي وذهبت معه كل الآمال في سودان جديد بعد ان وضح ان مصلحة الحركة الشعبية غير مصالح السودان الجديد فلم تسعي لتغيير جدي وكل ما تفعله لا يتعدي التصريح بالانفصال او المشاكسة في الحكومة التي هي جزء منها ..

غايتو السودان ده علي العليهو ، عندو سوء حظ عجيب ! أول مره يكون عندو زول إتفقو عليهو معظم الناس ، زول كان قادر بالجد يحل مشاكل البلد دي و يوحد الناس ، مات و لا كتلو النتيجه وحده ! الزول ده بقي مافي حسي لكن الله غالب !

Quote: والله يا أمين أنا غايتو لا قلت لا حاجة ، والله انا يوم سعدي وهناي يوم ما الجماعة ديل يمشو ، ما عندي مشكلة شخصية معاهم بس الحاصل انو العيشة معاهم في سلام وأمان من سابع المستحيلات لأنو في خلافات متجذرة خاصة في العقيدة ودي ما عندها حل غير الانفصال. ان شاء الله ينفصلو الليلة قبل بكرة ، قشة ما تعتر ليهم و (منقو قل لا عاش من لا يفصلنا).

محمد عبدالله سلام يا صاحب
من حقك يكون عندك رأي في الحاجه البتحصل في بلدك ، لكن كمان ما من حقك تحمل المظلوم مسؤلية ظلمو و تلوم الضحيه علي أخطاء الجاني ...

Quote: سلام علي أخوانا في الجنوب إذا إنفصلو ، سلام عليهم إذا لم ينفصلو و تعسا لوطن ‎- باسم الوطن ‎- يقتل أبنائه ثم ‎- بإسم الوطن‎ - يسألهم العون حتي لا يتمزق !!

تسلم أنته يا أنسان يا رائع أمين محمد سليمان وتسلم البطن الجابتك


الذين يتحدثون عن جلد الذات عليهم أن يعرفوا أننا محتاجين لأكثر من جلد الذات علنا نصحى .

وأكثر ما يخلي الزول مذهول هو كيف قبل أهل الشمال الطيبين المسالمين ان يمارس كل ذلك بأسمهم تحت سمعهم وبصرهم ولا يحدث منهم شيئ .


الأن الأن والبلد خلاص حتتفرتك وهم ساكنيين لا حس ولا خبر , حتي الأحزاب الشماليه واقفه تتفرج , التقول الشمال ده ما فيهو ناس , ما فيهو رجال يقيفوا مواقف مشرفه ويقولوا بوضوح كفى .

و البيخلى الزول يعضي أيديهو أنو هم زاتهم الشماليين ديل المورست هذه الجريمه المستمره بأسمهم هم ذاتهم مهمشين , والله والله لو لا الخليج والسعوديه الأستوعبت الشمالي ده كان الشماليين ذاتهم أتمردوا .


معقوله في الشمال الكبير ده , الأنجب كثير من عظماء السودان ما فيهو راجل واحد يقوم على المجرمين ديل يقول ليهم كفى !!!


يالله لو ما فيكم راجل يقدر يقول كفى جهزو حالكم , المره دى الحرب ما بين دوله وبعض مواطنيها المتمردين , المره دي الحرب بين دولتين , واحده تخوض حرب ( ترفا) والتانيه تخوض (حرب تحرير) .

الأولى مقاطعه أقتصاديا في العالم وينظر اليها بكثير من الشك ورئيسها متهم بأباده شعبه , والثانيه لديها علاقات دوليه جيده مع الدول المؤثره في العالم .


يعني يا أهلي يا ناس الشمال بالعربي الفصيح كده الحرب تاني لو قامت حتكون في نصكم , والحرب دي أغلبكم ما بيعرفها ولا شافها الا في الأفلام .

والله ناسي البيبكو في المسلسلات ديل لو الحرب جاتهم كلهم يبقوا جنريترات


أنا في تقديري أهل الشمال حانت اللحظه التي يجب فيها أن يقولوا كلمتهم واضحه عما يجري بأسمهم .

أما أن يكونوا موافقين وراضين عن كل ما تم عندهاعليهم تحمل تبعات أفعالهم وأما أن يرفضوا ما تم بأسمهم ويوقفوا ذلك حي ولو بالدم حقنا لدماء كثيره .



أما الصمت فعواقبه وخيمه وخيمه

امين ياحبيب
انت انسان كامل الدسم
مش زي ناس (انسانية) فليفرflavor

Quote: يا خالتو دي عقليه الوصايه حقتنا علي الجنوبيين ..

سلام يا امين يا ابني .
انا ما بتكلم من منطلق وصايه
لاهل الجنوب الحق الكامل في تقرير مصيرهم وانا اول من يتمني انفصالهم عن الدوله الدينيه الشماليه . وكان تعليقي فقط علي هذه الجزئيه من الزول الكتب الكلام دا

Quote: وانا شخصيا لا اتباكى على انفصال الجنوب بالعكس انا مع الانفصال وياليتهم اعطونا حق التصويت لتري العجب خليهم ينفصلوا ويبعدو عنا بكل شرورهم ومشاكلهم وحنكون بخير

فانه يعزز مساندته لانفصالهم ليس من واقع الظلم التاريخي الذي وقع عليهم من الشماليين
بل يريدهم ان يبتعدوا بشرورهم ومشاكلهم عنا ونحن ح نكون بخير
,لذا كان ردي نحن من صدرنا الييهم القتل والدمار في عقر دارهم ولم تطلق رصاصه واحده بالعاصمه او اي مدينه شماليه الي ان تم توقيع اتفاقيه السلام وحق تقرير المصير .

يا أخوانا استميحكم عذرا في الرد علي خالتو دي لانو في سوء فهم !

Quote: سلام يا امين يا ابني . انا ما بتكلم من منطلق وصايه

خالتو يا ست الناس !
أنا كلامي كان تعليق علي منطق أخونا الشيخ علي كلامك ، و كنت قاصد الشيخ البتكلم من منطلق الوصايه في تقديري ما إنت ، أنا جبت ردك عليهو مقتبس و ختيت تعليقي عليهو و فعلا بيوحي إنو الكلام ليك ما للشيخ ، فعذرا ، ود أختك كبر و خرف !!!

لووووووول شكرا امين ولدي انت حاشاك الخرف
الشيخ ابوادريسي دا والله كلامه يحير الما يحتار

Quote: كفاية وصاية على الجنوب والجنوبيين, كفاية إستعلاء بعد كل الظلامات والإضطهاد نودهم أن يقرروا مانريد ونحن من يملى عليهم مايقولون ومالايجب أن يقال.. كفاية عنتظه وإنتفاخ وزهو بتفوق غير موجود وإن وجد فإنه تحقق على جثثهم وأحلامهم

والله يا الجيلي مرات بتخيل لي إنو مشاكلنا كلها سببها ظلمنا لبعضنا البعض حتي سلط الله علينا من لم يخافه فينا و يرحمنا ، حسي عليك الله شوف كلام أخونا الشيخ ده و كتيرين زيو ، البفتكرو إنو الجنوب هو سبب مشاكل السودان !!

Quote: الأن الأن والبلد خلاص حتتفرتك وهم ساكنيين لا حس ولا خبر , حتي الأحزاب الشماليه واقفه تتفرج , التقول الشمال ده ما فيهو ناس , ما فيهو رجال يقيفوا مواقف مشرفه ويقولوا بوضوح كفى . و البيخلى الزول يعضي أيديهو أنو هم زاتهم الشماليين ديل المورست هذه الجريمه المستمره بأسمهم هم ذاتهم مهمشين , والله والله لو لا الخليج والسعوديه الأستوعبت الشمالي ده كان الشماليين ذاتهم أتمردوا . معقوله في الشمال الكبير ده , الأنجب كثير من عظماء السودان ما فيهو راجل واحد يقوم على المجرمين ديل يقول ليهم كفى !!!

كفيت

سلام يا مجدي

Quote: الذين يتحدثون عن جلد الذات عليهم أن يعرفوا أننا محتاجين لأكثر من جلد الذات علنا نصحى . وأكثر ما يخلي الزول مذهول هو كيف قبل أهل الشمال الطيبين المسالمين ان يمارس كل ذلك بأسمهم تحت سمعهم وبصرهم ولا يحدث منهم شيئ .

أول خطوه في طريق الإصلاح إنو نعترف بأخطائنا ! ياخي الجنوبيين ديل ما طالبين أكتر من إننا نسيبهم في حالهم يقررو أحسن ليهم الوحده ولا الانفصال ! و دي ذاتها مستكترنها عليهم !

Quote: أنا في تقديري أهل الشمال حانت اللحظه التي يجب فيها أن يقولوا كلمتهم واضحه عما يجري بأسمهم . أما أن يكونوا موافقين وراضين عن كل ما تم عندهاعليهم تحمل تبعات أفعالهم وأما أن يرفضوا ما تم بأسمهم ويوقفوا ذلك حي ولو بالدم حقنا لدماء كثيره .

اللحظه دي فاتت زمان يا مجدي ، هسي الكلام ده بقي ما مُجدِي للجنوبيين ، لكن عقليتنا دي لازم تتغير و إلا بكره ‎- بعد ما الجنوب ينفصل كان إنفصل ‎- حا تجي مشاكل تانيه ، بعقليتنا دي غير ما حا نزيد مشاكلنا ما حا نعمل حاجه !
ما علقت علي كلامك الفي النص ، لانو شايف أخونا نيوسوداني كفاني التعليق !

ولماذا لا يكف الجنوب عن ابتزاز الشمال حتى بعد الا نفصال ؟؟

أين ذهبت مليارات التنمية ؟ وماذا جنى المواطن الجنوبي من الانفصال المؤقت ؟؟

الظلم والتهميش ( هولوكست جديدة ) يبتز بها الجنوب الشمال حكومة وشعبا ...........

ورغم كل ذلك ( وحدة غير جاذبة خير من انفصال جاذب ) .............
صادق الود

يقول ا الشيخ ابو الادريسي :
أسال الشمالين وانت تعرف
من قال لك لم ياتونا بشرورهم يا اخى نحن لم نبدا الحرب هم من بدوا بقتل الابرياء وقتل الشمالين بالجنوب وهم من بدواء بالحروب اتريد من الدولة ان تقف مكتوفة الايدي وهناك حركات تمرد تنمو وتكبر وتقتل في الجنوب
من قال لك انهم لم يطلقوا رصاصة واحدة في الخرطوم الم ترى ماذا حدث بعد وفاة جون قرنق)انتهي الكوت


ليه اسال الشماليين يا الشيخ ابو ادريسي ؟؟
انا جايه من جزر القمر ؟؟
انا شماليه ميه في الميه و لن اسال احدا لانني شاهد عيان
ومن العدل ان تقول الحقائق وكلامك كله مجاف للحقيقه التي يعرفها كل انسان عنده ضمير واعي .
اقرا ما كتبه امين لتعرف حجم الظلم الذي مورس باسم الشمال منذ الاستقلال وباسم الدين الاسلامي في الحرب الجهاديه الاخيره .
وفي حاله انفصال الجنوب هم من سيرتاحون من شروركم ومشاكلكم وليس العكس .

Quote: امين ياحبيب انت انسان كامل الدسم مش زي ناس (انسانية) فليفرflavor

محجوب يا صديق ،
ياخي والله الحاصل في بلدنا ده ينطِّق الحجر ، و يا ريت لو عندنا شي نقدمو أكتر من كلمه حق في منبر جائر !

Quote: ولماذا لا يكف الجنوب عن ابتزاز الشمال حتى بعد الا نفصال ؟؟ أين ذهبت مليارات التنمية ؟ وماذا جنى المواطن الجنوبي من الانفصال المؤقت ؟؟ الظلم والتهميش ( هولوكست جديدة ) يبتز بها الجنوب الشمال حكومة وشعبا ........... ورغم كل ذلك ( وحدة غير جاذبة خير من انفصال جاذب ) ............. صادق الود

متين ابتزوكم ومتين الانفصال حصل ؟؟
سؤالك دا في الحاضر ولا المستقبل ولا يفهوه كيف ؟؟؟!!!
واين ذهبت المليارات التي لم ياخذ منها الجنوب ولا سنتيما واحدا قبل الاتفاقيه ؟؟؟
اغرب شئ هو كلامك الاخير
لماذا الوحده الغير جاذبه خير من الانفصال ؟؟؟؟!!
بالله تشرحها لينا

أمين


صباح الخير

Quote: ! خمسين سنه مشاركين حكوماتنا بالخرس تجاه ما يحدث في الجنوب ، فلماذا لا نخرس الان ؟

يا أمين البوست ده بعبر عني شديد ..وكان عندي نية طرح الموضوع من زاوية مشابهة ..الشمال هو أزمة


الجنوب الحقيقية ..سياسيا بفعل الحكومات المتتالية ..وشعبيا بالسكوت والتعامل من منطلق النوايا

الطيبة المرسلة بالكلام العاطفي المجافي للواقع ..



ـــــــــــــ


ما مع الإنفصال لكن لو الجنوبين إختاروهو ..مفروض نحترم رغبتهم ونبارك خيارهم ..

Quote: كفاية عنتظه وإنتفاخ وزهو بتفوق غير موجود

سلم لسانك يا الجيلي ..

ازمة السودان الحقيقية أنها فشلت في إنجاب مبشر وثائر إجتماعي يخلل كل المفاهيم ..ينشر الوعي ويحرك


بركة الصمت ، يحدث تغيير



ـــــــــــــــــــــــــــ


د/ جون كان فيهو الملامح أعلاها ولكن ..

امين النوتة

كل السودان مهمش يا صديقي

اذا لم بهطل المطر في القضارف يجوع السودان

والتهميش وقلة التنمية ليس مدعاة للانفصال

كل هذه القضايا يمكن معالجتها

الجنوب ومنذ توقيع الاتفاقية فرز عيشتو
أصبح له علم خاص وعملة خاصة ومؤسسات مدنية وبنوك لا علاقة لها بالمركز
جيش وشرطة لا سلطة للمركز عليها .. وزير خارجية ومكاتب توازي سفارات السودان بالخارج
و وزراء في الحكومة الاتحادية يمثلون الحركة لا السودان في أكبر مهزلة سياسية .. وجواز سفر
خاص .. والكثير من المتناقضات ... ماذا تسمي كل ذلك يا هداك الله ان لم يكن عين الانفصال ؟؟؟؟؟؟؟؟؟

وحدة غير جاذبة خير من انفصال جاذب

أي أنه سيأتي اليوم الذي تصبح فيه الوحدة جاذبة .. اذا لم يتدخل الساسة لان تدخلهم في أمر
الوحدة أثبت فشله وكانت نتيجته عكسية وسلبية ..
الانفصال الجاذب لن يكون كذلك عندما يصير أمرا واقعا .. ولنا في التاريخ القريب والبعيد الكثير
من الشواهد والتجارب ......................
صادق الود

سلام يا منتصر

Quote: ولماذا لا يكف الجنوب عن ابتزاز الشمال حتى بعد الا نفصال ؟؟ أين ذهبت مليارات التنمية ؟ وماذا جنى المواطن الجنوبي من الانفصال المؤقت ؟؟ الظلم والتهميش ( هولوكست جديدة ) يبتز بها الجنوب الشمال حكومة وشعبا ........... ورغم كل ذلك ( وحدة غير جاذبة خير من انفصال جاذب ) ............. صادق الود

Quote: الجنوب ومنذ توقيع الاتفاقية فرز عيشتو أصبح له علم خاص وعملة خاصة ومؤسسات مدنية وبنوك لا علاقة لها بالمركز جيش وشرطة لا سلطة للمركز عليها .. وزير خارجية ومكاتب توازي سفارات السودان بالخارج و وزراء في الحكومة الاتحادية يمثلون الحركة لا السودان في أكبر مهزلة سياسية .. وجواز سفر خاص .. والكثير من المتناقضات ... ماذا تسمي كل ذلك يا هداك الله ان لم يكن عين الانفصال ؟؟؟؟؟؟؟؟؟ وحدة غير جاذبة خير من انفصال جاذب أي أنه سيأتي اليوم الذي تصبح فيه الوحدة جاذبة .. اذا لم يتدخل الساسة لان تدخلهم في أمر الوحدة أثبت فشله وكانت نتيجته عكسية وسلبية .. الانفصال الجاذب لن يكون كذلك عندما يصير أمرا واقعا .. ولنا في التاريخ القريب والبعيد الكثير من الشواهد والتجارب ...................... صادق الود

مشكلتكم يا منتصر إنت و الناس البتتنبي زي رايك ده إنو الجنوب في فهمكم مشكله سياسيه بين حكومة السودان ممثله في الإنقاذ و الحركه الشعبيه بدت قبل خمسه سنين في نيفاشا ! و لمن يذكر اسم الجنوب طوالي يجي في رسينكم سلفاكير و باقان أموم و باقي ناس الحركه الشعبيه !! و تبتدي الإسقاطات: هم سبب مشاكل السودان ، الجنوبيين حراميه ، الفساد في الجنوب و بقيه الكلام الممجوج و المكرور عن ساسة الجنوب !!
الجنوب البنتكلم عنو ده ، ما الناس ديل : الجنوب البنتكلم عنو ده ، ده المواطن الجنوبي اللي إتولد مظلوم ، و بكلامك ده بتزيد من ظلمو لمن تحملو وزر فشل ساستو !
الجنوبيين ديل يا منتصر الناس السود شديد الليهم خمسين سنه و نحن متحالفين ‎- بصمتنا ‎- في إغتيالهم مع حكوماتنا المركزيه !! ناس ميري و دينق القاعدين في قطيه في الجنوب ، سقف أحلامهم بينتهي بإنهم يصبحو الصباح حيين !! ناس غبريال الشغالين خدامين في بيوت الخرطوم بياكلو بعرقهم المغمس في إستعلاءنا و نظرتنا الدونيه ليهم و هم أسياد بلد ! عن بشر ما اخدو فرصه يعاملو كبشر في بلدهم ! و بعد ده كلو بتلوم الجنوبيين لانهم ‎- في نظرك ‎- بيكرسو للإنفصال ؟! يا منتصر كلنا تواطئنا في ظلم الجنوب و الجنوبيين بصمتنا ، فلماذا لا نصمت الان ؟!

أمين وحضوره سلام

أرى أن خلاصة القول هنا أن الحركة الإسلامية ليست هي أزمة السودان وإنما هي نتاج لأزمات سابقة لها وذلك رغما عن كونها تعبير عن الوجه الكالح والمظلم لهذه الأزمة وحين تعترف قوانا السياسية بهذا فحينها يمكن أن تكون هناك وحدة على أسس جديدة وإلا فلا خيار لشعب الجنوب سوى نيل إستقلاله.

Quote: أكتر من كم و خمسين سنه ‎و الجنوب بلا تنميه و لا خدمات ، بلا مدارس ولا مستشفيات . تهجير و تهميش أخو الموت !! خمسين سنه و الجيش النظامي في البلد ‎- بإسم النظام و منعا للتمرد و الخروج عن الدوله ‎- بيبيد فيهم و في أهلهم ، حرب قايمه جوه مدنهم و قراهم و بيوتهم . خمسين سنه و الموت ‎- ما غَبَّ منهم يوم ‎- لا خلي زول لا خلي شجره ولا بقره !

الخال أمين ، سلام
المشكل الحاصل في الجنوب ياأمين ليس من صنع الشماليين فقط ،
الجنوبيين أنفسهم ساهموا في عدم التنمية ، ساهما في تدمير البني التحتية لكل مدن الجنو ،
الحركة الشعبية ممثلة في جيشها هي أحد الأسباب سبب ماوصل إليه الجنوب من دمار وخراب ..
فكما تفعل الأن الحركات المسلحة في دارفور فعل الجيش الشعبي بالجنوب وبإنسان الجنوب .


عليه أري أن تحميل الشمالي أو الحكومية المركزية ذنب دمار الجنوب السوداني هو عزف علي لحن إبتكرته الحركة الشعبية
والسياسيون الجنوبيين .

أنا وإن كنت ضد فكرة تقسيم الوطن إلا إنني لاأري هناك قضاضة في أن ينفصل الجنوب بسلام ويذهب حيث يريد الله به أن يذهب .

والله يا أمين عبرت عني في الكثير. في كل الكلام الاتقال عن الانفصال دا أنا أصلا ما اتداخلت إلا في البوستات الاتكلمت عن موضوع الشريعة عشان أوضح وجهة نظري إنو ما من العدل مطالبة مجموعة بالتنازل عن قيمها لإرضاء مجموعة أخرى و لقناعتي إنو موضوع الشريعة دا أصلا ما حيكون سبب للانفصال. لكن بوستات التباكي على اللبن المسكوب لم أشعر بأنها تمثلني إطلاقا.
المشكلة الحقيقة الناس بتلف و تدور حولها و لن ينصلح حال السودان ما لم يتم الاعتراف بها و مواجهتها هي الكمية الهائلة من المظالم التي وقعت على الجنوب و الجنوبيين. مهما تحدثنا عن التهميش الذي عانى منه الشمال فلا يمكن أن نقارنه بما تم في الجنوب... في الشمال الناس شمت رائحة الحرب و عانت أثارها لكن الجنوبي عاش الحرب و كانت في حوش بيته... أي واحد من الشمال ممكن يتكلم عن ناس بعرفهم فقدهم في الحرب لكن الجنوبي حيكلمك عن أمو و أختو و أخوهو و قطيته الاتحرقت و السنوات العاشها لاجيء أو نازح... إطلاقا مافي مقارنة يا جماعة... هناك كثير من المظالم بدءا بالمواثيق التي نقضت بعد أن صوت الجنوبيون على أساسها لسودان موحد و مستقل مرورا بسودنة الوظائف و عدم إعطاء أجر متساوي على العمل المتساوي و انتهاءا بالتهميش.
شخصيا سأحزن حزنا شديدا لو انفصل الجنوب فالكثيرون من أبناء الجنوب وبناته ممن عرفتهم هم من أنبل و أصدق من عرفت... في نفس الوقت حأكون متفهم تماما و مستوعب لسبب هذا الانفصال... لو كنت في مكان الإخوة الجنوبيين سأتردد مليون مرة قبل أن أقبل بسودان موحد. مسئولية جعل الوحدة جاذبة هي فعلا مسئولية الشمال لأنه هو الذي جعل هذه الوحدة بعبعا مخيفا في أذهان الجنوبيين... ماذا يعرف الكثيرون من الجنوبيين عن الشمال و عن السودان الموحد غير صورة الحروب و القتل و حياة النزوح في أطراف الخرطوم؟ نحن زرعنا هذه الصورة و نحن المسئولون عن تغييرها إذا كنا صادقين و راغبين في وحدة حقيقية.

سنظل نعمل من أجل الوحدة

Quote: الشمال هو أزمة الجنوب الحقيقية ..سياسيا بفعل الحكومات المتتالية ..وشعبيا بالسكوت والتعامل من منطلق النوايا الطيبة المرسلة بالكلام العاطفي المجافي للواقع ..

سلام يا داليا
حكوماتنا المتعاقبه منذ الاستقلال لم تتفق علي شي ، مثل اتفاقها علي ظلم الجنوب و الجنوبيين ! و نحن ‎‎- أكتر ناس بتاعين كلام و تنظير ‎- ما سكتنا علي شي مثل سكوتنا علي ظلم الجنوب و الجنوبيين .
نحن أزمة الجنوب كما تفضلتي !! إغتلنا فيهم الإنسان ثم حملناهم مسؤلية موتهم و موتنا !!

Quote: أرى أن خلاصة القول هنا أن الحركة الإسلامية ليست هي أزمة السودان وإنما هي نتاج لأزمات سابقة لها وذلك رغما عن كونها تعبير عن الوجه الكالح والمظلم لهذه الأزمة وحين تعترف قوانا السياسية بهذا فحينها يمكن أن تكون هناك وحدة على أسس جديدة وإلا فلا خيار لشعب الجنوب سوى نيل إستقلاله.

بشري يا عزيزي سلام
كلام سليم ميه الميه ! الحاصل هسي ده تراكم بتاع أخطاء مستمره منذ الإ ستقلال ، ساهمت فيه الإنقاذ مثلها مثل بقيه الحكومات و بنسبه أكبر لإنتهاجها الحل العسكري كخيار للحل .

عزيزي
أمين

سنصمت اذا كان الصمت خيرا

وسندع قادمات الأيام تجيب على كل تساؤلاتنا الحائرة .........
صادق الود

Quote: المشكلة الحقيقة الناس بتلف و تدور حولها و لن ينصلح حال السودان ما لم يتم الاعتراف بها و مواجهتها هي الكمية الهائلة من المظالم التي وقعت على الجنوب و الجنوبيين. مهما تحدثنا عن التهميش الذي عانى منه الشمال فلا يمكن أن نقارنه بما تم في الجنوب... في الشمال الناس شمت رائحة الحرب و عانت أثارها لكن الجنوبي عاش الحرب و كانت في حوش بيته

الاخ العوض سلام
الذي أشعل نار الحرب هم الجنوبيين أنفسهم ياالعوض أخوي ،
عشان كدة الحديث عن التهميش في الجنوب بجرنا للحديث عن التمرد الذي قام به الجنوبيين ضد الدولة منذ الاستقلال ،
وأثر التمرد علي حياة الجنوبيين وحياة الشماليين لعقود من الزمن

إظهار الإخوة الجنوبيين وكأنهم ضحايا للمواطن الشمالي هو مايسعي السياسيون الجنوبين لللعب به في أروقة السياسة
ولتضليل الراي العام العالمي والمحلي ،
الجنوبيون أنفسهم.. ومايمثلونهم من ساسة هم سبب تدهور السودان عامة والجنوب بشكل خاص ،

Quote: ليه اسال الشماليين يا الشيخ ابو ادريسي ؟؟ انا جايه من جزر القمر ؟؟ انا شماليه ميه في الميه و لن اسال احدا لانني شاهد عيان ومن العدل ان تقول الحقائق وكلامك كله مجاف للحقيقه التي يعرفها كل انسان عنده ضمير واعي . اقرا ما كتبه امين لتعرف حجم الظلم الذي مورس باسم الشمال منذ الاستقلال وباسم الدين الاسلامي في الحرب الجهاديه الاخيره . وفي حاله انفصال الجنوب هم من سيرتاحون من شروركم ومشاكلكم وليس العكس .

Quote: الخال أمين ، سلام المشكل الحاصل في الجنوب ياأمين ليس من صنع الشماليين فقط ، الجنوبيين أنفسهم ساهموا في عدم التنمية ، ساهما في تدمير البني التحتية لكل مدن الجنو ، الحركة الشعبية ممثلة في جيشها هي أحد الأسباب سبب ماوصل إليه الجنوب من دمار وخراب .. فكما تفعل الأن الحركات المسلحة في دارفور فعل الجيش الشعبي بالجنوب وبإنسان الجنوب .

سلام يا سيدنا
الحركه الشعبيه حركه سياسيه لها من الأخطاء ما لكل الأحزاب السياسيه ، تحميلهم وزر مشكلة الجنوب لا يحتمل !
الناس ديل تأسسو في منتصف التمنينات ، و المشكله بعمر السودان نفسو !!
نحن همنا إنسان الجنوب ما سياسييها ! المواطن الجنوبي خلي الحركه الشعبيه ممثل ليهو يا سيدنا ، أقل شي نحترم خيارو ده ! و لو هم حاسين إنو الحركه الشعبيه ظلمتم ، كان إنفصلو كان قعدو بيقدرو يحاسبوها !
لكن نجي نحن و يدنا في المويه نقول ليهم ناسكم ديل ظلموكم فده كلام ما سليم !

Quote: عليه أري أن تحميل الشمالي أو الحكومية المركزية ذنب دمار الجنوب السوداني هو عزف علي لحن إبتكرته الحركة الشعبية والسياسيون الجنوبيين .

يا سيدنا ، زي ما قلت ليك : مشكله الجنوب دي مشكله قديمه قدم السودان نفسو ، إصرارك علي تحميل الحركه الشعبيه وزر المشكله ظلم يضاف إلي ظلمهم كجنوبيين في المقام الأول !

Quote: أنا وإن كنت ضد فكرة تقسيم الوطن إلا إنني لاأري هناك قضاضة في أن ينفصل الجنوب بسلام ويذهب حيث يريد الله به أن يذهب .

أنا و إنت يا سيدنا ما مهم نفتكر شنو : المهم لمن الجنوبيين يقررو هم حا يعملو شنو ،واجبنا الأخلاقي بيحتم علينا نكون معاهم داعمين خيارهم كان وحده أو إنفصال !

Quote: منذ الاستقلال و السودان ككل يعاني : كل المناطق بدون إستثناء كانت و ما زالت تعاني مافي ذلك شك ، السؤال : من عاني مثل ما عاني الجنوب ؟! أكتر من كم و خمسين سنه ‎و الجنوب بلا تنميه و لا خدمات ، بلا مدارس ولا مستشفيات . تهجير و تهميش أخو الموت !! خمسين سنه و الجيش النظامي في البلد ‎- بإسم النظام و منعا للتمرد و الخروج عن الدوله ‎- بيبيد فيهم و في أهلهم ، حرب قايمه جوه مدنهم و قراهم و بيوتهم . خمسين سنه و الموت ‎- ما غَبَّ منهم يوم ‎- لا خلي زول لا خلي شجره ولا بقره !

لك التحية اخي أمين محمد سليمان
اختلف معك في الراي ولم توفق في العنوان
ماذا تعرف عن الشمال حتى تطالبه بأن يخرس
هل مررت على قرى دنقلا وحتى وادي حلفا ؟؟
باعتراف جون قرنق بنفسه بأن ما يعانية الشمال
أكثر مما يعانيه الجنوب
توفقت التنمية في الجنوب كما ذكرت منذ استقلال السودان
ولكن ما عاناه الشمال من قبل الاستقلال ولم يتمردوا يوما
هل تعلم اخي محمد أن في الشمالية قرى هجرها كل شبابها بسبب
الحياة الطاردة
أين التنمية التي تمت في الشمالية ؟؟
اذا كنت تتحدث عن نظام فهذا امر اخر
أما أن تحمل ما جرى في الجنوب من سياسات
على حساب الشمال غلط كبير
عليك الله امشي شوف ناس الشمالية وقري الشمالية
عايشة كيف وتعال اخرس لينا الشمال
وافتكر طرحك لموضوع الجنوب بهذا الشكل
طرح عقيم مثير للأنا
وللمعلومية لست من أبناء الشمالية المقيمين فيها
من الجزيرة
ثم كان الاجدر ان تتحدث عن معناة جميع الاقاليم الشرق كمثال
خصما على تنمية الجنوب وما وقع عليه من ظلم

Quote: الاخ العوض سلام الذي أشعل نار الحرب هم الجنوبيين أنفسهم ياالعوض أخوي ،

الأخ المسلمي
تحياتي
صحيح أن هناك عوامل كثيرة أسهمت في نشوب الحرب منها المخططات الاستعمارية التي هدفت لعزل الشماليين و الجنوبيين عن بعضهم البعض... و صحيح أن الحرب بدأت قبل الاستقلال حتى. لكن هذا لا ينفي أبدا أن هناك مظالم كثيرة قد ارتكبت فيما بعد منها ما هو عسكري و منها ما هو اجتماعي و منها ما هو اقتصادي. تصور نفسك يا أخي نازحا في تخوم عاصمة بلادك لعشرات السنين بعد أن فقدت كل من و ما تملك ثم تأتي لحظة الاستفتاء و تجد نفسك محاصرا ممن شهدوا كل هذا و سكتوا عليه و هم يطالبونك بالتصويت للوحدة... أخشى أنه قد فات الوقت و ساستنا (حكومة و معارضة لا فرق عندي) قد أضاعوا كل الفرص في التحاور و الاتفاق على وحدة مقنعة تعالج جراحات الماضي.

Quote: كل السودان مهمش يا صديقي اذا لم بهطل المطر في القضارف يجوع السودان والتهميش وقلة التنمية ليس مدعاة للانفصال كل هذه القضايا يمكن معالجتها

خلي يا حبيبنا
(كل السودان مهمش) دي زي (لا تقربو الصلاه) ، كل السودان مهمش يا خلي لكن التهميشو كتل أكتر من مليون زول منو غير الجنوبيين يا خليل ؟!!
كل السودان مهمش لكن التهميشو أدي لإنو أهلو و ناسو يرزخو تحت وطأة الجهل و المرض : ساكنين في قطاطي و شغالين خدامين في البيوت ليهم خمسين سنه منو غير الجنوبيين ؟!
تهميش الجنوبيين (غير ) يا خليل ! عشان كده كلامك بتاع (التهميش وقلة التنمية ليس مدعاة للانفصال ) ده كلام ما صاح و إنت و ناس تانيين بتقولو لانو يدكم في المويه ، ما حصل ليكم في عضمتكم ،
عشان كده لن نمل من قولها :
فلنخرس نحن في الشمال و لندع من تواطئنا علي ظلمهم يقررون !!

Quote: الذي أشعل نار الحرب هم الجنوبيين أنفسهم ياالعوض أخوي ، عشان كدة الحديث عن التهميش في الجنوب بجرنا للحديث عن التمرد الذي قام به الجنوبيين ضد الدولة منذ الاستقلال ، وأثر التمرد علي حياة الجنوبيين وحياة الشماليين لعقود من الزمن

السيد سيد


تحياتي

بأفتراض أن الجنوبيين هم من بدأوا الحرب , لماذا بدأوها ؟ .

شنو الخلى الجنوبيين يحاربوا ولى خمسين سنه ؟ ده هو السؤال الذي يطرح نفسه كرد على ما تفضلت به .

وشنو الخلى ناس الشرق والغرب يحاربوا ؟

وشنو الخلى الأحزاب تحارب قبل ما ترجع تستسلم , مع أنهم قالوا سلم تسلم .

يالله هل بترى أنو في أسباب موضوعيه خلت الجنوبيين ديل يبدأوا الحرب ولا لا !

أما مسأله الدوله دي فأناما بتفق معاك لأنو الذي في السودان ليس بدوله بالمعنى الصحيح لكلمه دوله.

السيد مجدي
السيد سيد

Quote: تحياتي بأفتراض أن الجنوبيين هم من بدأوا الحرب , لماذا بدأوها ؟ . شنو الخلى الجنوبيين يحاربوا ولى خمسين سنه ؟ ده هو السؤال الذي يطرح نفسه كرد على ما تفضلت به . وشنو الخلى ناس الشرق والغرب يحاربوا ؟ وشنو الخلى الأحزاب تحارب قبل ما ترجع تستسلم , مع أنهم قالوا سلم تسلم . يالله هل بترى أنو في أسباب موضوعيه خلت الجنوبيين ديل يبدأوا الحرب ولا لا ! أما مسأله الدوله دي فأناما بتفق معاك لأنو الذي في السودان ليس بدوله بالمعنى الصحيح لكلمه دوله.

ياسيدي الجنوبيين هم الذي بدأوا الحرب هذه حقيقة وتمردوا علي القانون ودخلوا الغابة ،
دي كلها حقائق ثابتة ،
المهم هو ماذا سبب لنا هذا التمرد ؟
هل تعلم أن حرب دارفور سببها عدم التنمية وعدم التنمية سببها حرب الجنوب ؟
هل تعلم أن الشرق يغلي وأدروب يثور كل مرة من قلة الخدمات ؟
وقلة الخدمات سببها أولئك المتمردون في الجنوب ،
هل تعلم أن أهل جبال النوبة مازالو يقيمون في أكواخ القش ، ومازالو يواجهون البرد والأمطار وهم عراء ؟
كل ذلك بسبب تمرد الجنوبيين يامجدي .

المتمردين مطالبون بالإعتذار لكل سوداني عن مابدر منهم وعن ماسببوهو له من دمار وتشريد وضياع ،
هل تعلم أن الولاية الشمالية هجرها أهلها بسبب تلكم الحرب اللعينة التي سببها الجنوبيين .

آثار حماقة المتمردين لن تنتهي بإنفصال الجنوب .

Quote: المشكلة الحقيقة الناس بتلف و تدور حولها و لن ينصلح حال السودان ما لم يتم الاعتراف بها و مواجهتها هي الكمية الهائلة من المظالم التي وقعت على الجنوب و الجنوبيين. مهما تحدثنا عن التهميش الذي عانى منه الشمال فلا يمكن أن نقارنه بما تم في الجنوب... في الشمال الناس شمت رائحة الحرب و عانت أثارها لكن الجنوبي عاش الحرب و كانت في حوش بيته... أي واحد من الشمال ممكن يتكلم عن ناس بعرفهم فقدهم في الحرب لكن الجنوبي حيكلمك عن أمو و أختو و أخوهو و قطيته الاتحرقت و السنوات العاشها لاجيء أو نازح... إطلاقا مافي مقارنة يا جماعة... هناك كثير من المظالم بدءا بالمواثيق التي نقضت بعد أن صوت الجنوبيون على أساسها لسودان موحد و مستقل مرورا بسودنة الوظائف و عدم إعطاء أجر متساوي على العمل المتساوي و انتهاءا بالتهميش.

طبت و طاب يومك يا العوض !

إشتغلت في السودان في 2006-2007 ، و كنت بمشي الجنوب كتير جدا ‎(ملكال تحديدا ) ، أول مره مشيت كان أول مره أسأل نفسي : الجنوبيين ديل عملو شنو عشان يحصل ليهم ده كلو ؟! سؤال بسيط و بديهي ما أظن سالناهو لنفسنا قبل كده !
ياخي ملكال دي محاطه بالغام من كل الجهات ! ما قادرين يزيحو الألغام دي لتكلفتها العاليه جدا ، يعني ما بتقدر تمشي بالعربيه في حتات كتيره حولين المدينه ، و حال الناس يدمي القلب والله ، و نجي نحن نقول ليك والله أهلنا في الشماليه و في الغرب و الشرق مهمشين !!!

الاخ سيف اليزل

Quote: وافتكر طرحك لموضوع الجنوب بهذا الشكل طرح عقيم مثير للأنا وللمعلومية لست من أبناء الشمالية المقيمين فيها من الجزيرة

ياخ متابعين البوست دا ومستمتعين جداً فحقو تبتعد من شخصنة الحوار بقدر الإمكان .

Quote: لك التحية اخي أمين محمد سليمان اختلف معك في الراي ولم توفق في العنوان ماذا تعرف عن الشمال حتى تطالبه بأن يخرس هل مررت على قرى دنقلا وحتى وادي حلفا ؟؟ باعتراف جون قرنق بنفسه بأن ما يعانية الشمال أكثر مما يعانيه الجنوب توفقت التنمية في الجنوب كما ذكرت منذ استقلال السودان ولكن ما عاناه الشمال من قبل الاستقلال ولم يتمردوا يوما هل تعلم اخي محمد أن في الشمالية قرى هجرها كل شبابها بسبب الحياة الطاردة أين التنمية التي تمت في الشمالية ؟؟ اذا كنت تتحدث عن نظام فهذا امر اخر أما أن تحمل ما جرى في الجنوب من سياسات على حساب الشمال غلط كبير

سيف اليزل ، سلام يا صاحب
يا سيف : السودان كلو مهمش دي حقيقه لا ينكرها إلا مكابر ! لكن تهميش لتهميش يفرق ، و تهميش الجنوب و الجنوبيين في السودان الشقيق يختلف إختلاف كم وكيف و مقدار عن تهميش بقية المناطق ، عشان كده زي كلامك بتاع كيف في قري في الشماليه هجرها كل شبابها بسبب الحياة الطاردة و إنو مافي تنميه فده قوله حق يراد بها باطل إذا إنت ذاكر الكلام ده هنا عشان تساوي لي تهميش الشمال بالجنوب !!!

Quote: عليك الله امشي شوف ناس الشمالية وقري الشمالية عايشة كيف وتعال اخرس لينا الشمال وافتكر طرحك لموضوع الجنوب بهذا الشكل طرح عقيم مثير للأنا وللمعلومية لست من أبناء الشمالية المقيمين فيها من الجزيرة

لمن أقول الشمال يا سيف فأنا قاصد كل السودان عدا الجنوب !! و السودان ده شفت فيهو جهاتو الاربعه و الموضوع
ما شخصي ، عشان كده لمن أقول فاليخرس الشمال : المقصود بيها نحن كلنا بشخصياتنا الإعتباريه كموطنين سودانيين ما جنوبيين !
(طرح عقيم) ده رايك ، والله يا أبو السيوف نشيلو في راسنا ، لكن (مثير للأنا) دي غلبني أفهمها !

Quote: ثم كان الاجدر ان تتحدث عن معناة جميع الاقاليم الشرق كمثال خصما على تنمية الجنوب وما وقع عليه من ظلم

إن شاء الله يا أبو السيوف البوست الجاي حا يكون عن خطأ الجنوبيين في إنو القروش الاستخدمها الشمال في حربو عليهم ، كان ممكن تستخدم في تنميه منطقه أخري ، فعلا الجنوبيين غلطانين !!

November 17, 2008
http://www.youtube.com/watch?v=m9BPCYb1twU

سلام يا امين
بوست جيد رغم تحفظي على حاجتين فيهو
اول هام عدم ضبطك للمفردات المستخدما ( شمال / شماليين ، جنوبيين )
الجنوب جهة و لا أثنية و لا دين و لا شنو بالضبط ؟
خليني اخلخل ليك الصورة النمطية للجنوبي في الذهن الشمالي المنفصم و ذاتو المنشطرة ، انا يا فردة بعتبر نفسي جنوبي من جذور جعلية ، و الدرسني وحفظني القرآن دينكاوي " شيخ عبد القادر دينق " . . اها شنو ليك ؟
لاخونا مختار القال " مخالفننا في العقيدة " اعد و كرر ! الجنوب فيهو كل الديانات و الغالبية معتنقة " كريم المعتقدات " مش لا دينيين زي ما بتم التمييز ضدهم . اها عندكم قدرة لتفاوض ثقافي و حوار حضارات و لا الناس تكسب زمنا؟ ما في كوار بعد دا .
الشي التاني بتعميمك لإدانة الشمال دا كلام ما صحيح لا تاريخياً و لا أخلاقياً ، ما كل الشمال اتواطأ ، و في كتير من الشواهد التاريخية المضيئة ، كلو موثق خيراً و شراً . . و اكيد مجاهداتهم و مجهوداتهم ما بتروح هدر . و التاريخ افضل محمكة .

اخونا الشيخ
سلام من الله جاك

Quote: الجنوب حالة كحال الاقاليم الاخري الا اللهم انه كان في حرب طويلة ولا توجد بة تنمية ولن تكون بة تنمية حتى لو انفصل لان الجنوبيين انفسهم منقسمين

طيب الجزء الحمرتو ليك دا براهو في نظرك ما كافي ؟!
اما نبوءتك التالية ليهو دي ؟ فما عارف لو فكرت انو في ( الشمال ) - هو ح يفضل فيها شمال ؟ - احتمالات تحققها اضعاف اضعاف ! . . غايتو الا تكون ذاهل عن الحقائق على الارض . . . خلاص يعني ( الشماليين ) كلهم على قلب رجلٍ واحد ؟!
كدي اقرأ المقتبس من Re: من الطيب مصطفى إلى منصور خالد إلى أحمد سليمان (للتوثيق) والشكر لبكرى أب

Quote: عبر عن هؤلاء في مفاوضات ماشاكوس من قال عن هذا الموقف التنازلي للحركة ليس هناك تمييز بين نواب الرئيس فجميع نواب الرئيس متساوون. وعندما سئل عمن هو الذي يحل محل الرئيس، إذن، أن لحق به مكروه يعطله عن العمل، أجاب: "رئيس البرلمان". هل يمكن أن يكون قائل هذا جاداً في البحث عن سلام شجعان؟ وكأن صاحب الرد كان يقرأ نصاً من الدستور الفرنسي لا الدستور الذي تحكم به بلاده، والذي تقضي المادة 42 منه بتولي النائب الأول رئاسة الدولة في حالة تغيب الرئيس جزئياً أو كلياً. هذا ما نعنيه بعدم توفر حسن النية، خاصة وبروتوكول ماشاكوس ينص على أن المواطنة وحدها، لا الدين أو العرق، هي معيار الاختيار للوظائف العامة بما في ذلك وظيفة الرئيس. ذلك موقف يعود بناء إلى 1968 عندما سأل الأب فيليب عباس غبوش الدكتور الترابي: "هل يجيز الدستور الإسلامى لغير المسلم أن يكون رئيساً؟ فرد الشيخ، بعد تلكؤ وبعد أن أصر غبوش على الإجابة بلا أو نعم: "لا يجيز". (محضر الجمعية التاسيسية، عام 1968 ص 16. فرغم المادة من 21 دستور 1995، ورغم النص على المواطنة في بروتوكول ماشاكوس مازالت عقول البعض مشدودة إلى عام 1968، بل إلى 15 ديسمبر 1955 حين ظن آباء الاستقلال أن العهود ما وضعت إلا لتخرق. ولا ريب في أن الذين يستذكرون هذا التاريخ، لن يستكينوا للغة: "وسننظر بعين الاعتبار إلى مطلب "اخواننا" الجنوبيين". الذين لم يبرحوا (مفهومياً ووجدانياً) عامي 1955 و 1968 لا يدعون مجالاً لغير الظن أنهم يحسبون أهل السودان صنفين: صنف ولد وعلى ظهره سرج، وصنف وضع الله على قدميه همازاً يحرك به الآخر متى امتطى صهوته

Quote: وانا شخصيا لا اتباكى على انفصال الجنوب بالعكس انا مع الانفصال وياليتهم اعطونا حق التصويت لتري العجب خليهم ينفصلوا ويبعدو عنا بكل شرورهم ومشاكلهم وحنكون بخير

هل حصل زرت الجنوب ؟ . . بتعرفوا ؟ . . وين شفت الشرور دي ؟
انا مولود وسرتي مدفونة هناك ، وطني هناك و كرمتي و المنتدى ، و اسرتي الكبيرة تاريخها هناك ممتد من قبل 1955 م البتباكوا بيها الشباب الفوق ديل - كان ما بتحبوا كتب التاريخ ؟ اقروا رويات ياخ ؟ مثلاً " مندكورو برق و هلال - د. مروان حامد الرشيد " بدل الذهول عن الحقائق دا ياخ ! . .
اها اعرب لي موقعي من الانفصال دا عليك الله ؟ و نزيد ليك الحبكة شوية ، خلال التاريخ دا اتشبكت اواصر الاسرة و اتجذرت في الجنوب بالزواج و المصاهرة .
او اقول ليك قولة ياخ وكت زعلان كدا ، ياخ ما تنفصل انت براك راجي الاستفتاء ليه ؟

بعدين( نا) منو ديل ؟ اللصقتها بـ " اعطو " ، ما بعطوكم ياخ ! و لا ينبغي ! لانكم ما اصحاب حق ، و جا الوكت انكم تسمعوا في صمت لاصحاب الحق عاوزين يقولوا شنو ؟ لمرة واحدة في حياتكم ، و قد تكون مرة واحدة و أخيرة للأسف !!


----------------

Quote: يا سبحان الله الشمالين بقوا يدافعون عن الجنوبين اكثر من الجنوبين انفسهم هل هذا من اجل المعارضة ام من اجل ماذا؟

بصفتي زول مجهجه لاعارف اني شمالي بدافع عن الجنوبيين ! و لاجنوبي بدافع عن الشماليين ح اختار ( ماذا ) بدل تطلعني ( معارضة ) ساي في صمّة خشمي

بالجمبة كدا : " دومة " دي خالتو ما عمك ياخ ! . . و في رواية مجيدة هي " ماما دومة "
سلام يا ماما دومة

شكرا يا أنور علي الرابط ، سمعتو و متفق معاك في أجزاء و مختلف معاك في أجزاء أخري .

سلام يا أمين وشكراً على الإهتمام...

Quote: و متفق معاك في أجزاء و مختلف معاك في أجزاء أخري .

لنبدأ بالمتفق عليه أولاً ونواصل فيه...أها...أنتظرك

سلام يا قيقراوي

Quote: اول هام عدم ضبطك للمفردات المستخدما ( شمال / شماليين ، جنوبيين ) الجنوب جهة و لا أثنية و لا دين و لا شنو بالضبط ؟

الجنوب أنا قاصد بيهو الإثنيه : و شاء الله إنو أصحاب الإثنيه دي يكونو ساكنين في الجزء الجنوبي من السودان فأصبحت إثنيه جغرافيه إن صح القول .
و الشمال وضحت إنو قاصد بيهو أي مواطن سوداني ما جنوبي .

Quote: الشي التاني بتعميمك لإدانة الشمال دا كلام ما صحيح لا تاريخياً و لا أخلاقياً ، ما كل الشمال اتواطأ ، و في كتير من الشواهد التاريخية المضيئة ، كلو موثق خيراً و شراً . . و اكيد مجاهداتهم و مجهوداتهم ما بتروح هدر . و التاريخ افضل محمكة .

إذن إنت يا قيقراوي ما فهمت مغزي البوست ده أو أنا ما وضحتو كويس :
البوست ده ما لإدانة الشمال ، البوست ده ببساطه إنو الجنوبيين عندهم قضيه و قضيه عادله ، و هم الان علي مفترق طرق بتحدد حياتهم و حياة أحفادهم إلي يوم الدين ، حقو نحن الشماليين نسكت نخليهم هم يقررو ما فيه مصلحتهم ، لأننا ما ممكن نكون عارفين مصلحتهم أكتر منهم ، باعتبار إننا ما تعرضنا للظلم اللي تعرضو ليه .
طالما متفق معاي إنو في ظلم و ظلم بائن وقع في حق الجنوبيين ، معناتها في ظالم : أنا حددت الظالم ده : حكومتنا المتعاقبه منذ الاستقلال و نحن في الشمال اللي سكتنا علي الظلم ده ، اللي ما سكت ما داخل في الكلام ده ، و أنا متأكد إنو في شماليين ما سكتو علي ظلم الجنوبيين لمن كان الكلام مجدي ، حسي الكلام بقي ما مجدي ، عشان كده أحسن نسكت كلنا و نخليهم هم يقررو بلا وصايه .

Quote: احححي انا من كلام ناس المهاجر الغربيه ديل ايديهم في المويه ويولعوا النيران في هشيم الصحراء الشماليه . انت ما اصلك بخير لكين منو القال ليك ناس الشمال ح يكونوا بخير لو انفصل الجنوبيون ؟؟؟!! ومن متين الجنوبيون جاؤوكم بشرورهم ؟؟؟ّّ ما نحن المشينا ليهم بجيوشنا وعدتنا و عتادنا وجهادنا . الجنوبيون وحدهم وعلي رغم ان الحرب تحصد فيهم منذ الخمسينات لم يطلقوا رصاصه واحده بالخرطوم . فاين شرورهم ؟؟ الجنوبيون لم يقولوا سنفعل بسكان الشمال الافاعيل ان دانت لنا . انصفوهم فهم اناس طيبون في سلمهم وفي حربهم

.

كلام في الصميم.....

وابصم على البالاحمر بالعشرة

ما عارف ليه كل ما أقرا تعليق من أحد الاخوان بتحميل الجنوبيين وزر تخلف السودان ، أتذكر رائعه أيمن أبو الشعر (عدالة) و فيها جاء الخنجر يشكو للقاضي ظلم الجثه !!!!!! :

رغم فظاعة المأساة عندي جرَّحوا حسِّي ..
أهانوني..
تصوَّرْ أنت يا مولاي..
تلطخ نصل سكيني !..
فجئت إليك تنصفني..
فأنت الحاكم العادل..
قرار قاطع مقبول..
كحد المدية المصقول..
يُبَرَّأُ خنجر القاتل
.. وتشنق جثة المقتول..

Quote: سلام علي أخوانا في الجنوب إذا إنفصلو ، سلام عليهم إذا لم ينفصلو و تعسا لوطن ‎- باسم الوطن ‎- يقتل أبنائه ثم ‎- بإسم الوطن‎ - يسألهم العون حتي لا يتمزق !!

الأخ الحبيب أمين والأحباب الكرام
أتفق معك في أنه حدث ظلم منا الشماليين على إخواننا الجنوبيين
ولكني أراك قد إخترت الظلم الذي وقع عليهم في جانب جناح البعوضة أي الجانب المادي الدنيوي الذي على أهميته فهو كالقطرة بالنسبة لبحر المظالم الأخروية التي ( حاتودينا في داهية كلنا) إن لم نلحق أنفسنا بتوبة وإستغفار.
لقد إختارنا الله في الشمال مسلمين أبناء مسلمين من غير طلب وجعلنا نواباً عن نبيه ثم كلفنا بحمل رسالته لأهل الجنوب حتي يعبدوا الله وحده ولا يشركوا به شيئا.وذلك بالحكمة والموعظة الحسنة وقال في حقنا قرآناً في أمر تشريفنا وتكليفنا (ثم أورثنا الكتاب الذين إصطفينا من عبادنا فمنهم ظالم لنفسه ومنهم مقتصد ومنهم سابق بالخيرات) ولكن بدلاً عن السبق بالخير إخترنا ظلم النفس و قاتلناهم على جناح البعوضة ولم نلتفت إلى تكليف الله الذي لا شك في أنه سائلنا عنه يوم القيامة.
لن يفيد الآن التباكي على ذهاب التراب والطين فعندنا منه ما يكفي ولكن البكاء الحقيقي يجب أن يكون على التفريط في تكليف الدين وعلى كل جنوبي عاش معنا في وطن واحد ولم نجهد أنفسنا لإدخاله في دين الرحمة ومن ثم جنة عرضها السموات والأرض.
يلزمنا أن نوسع من فكرنا لهؤلاء الناس فما زال الأمر الهام بيدنا وليذهب التراب

أمين..
انا ما بستبعد قيام حرب اهلية تانيةأو بالاصح تالتة..
فهمتني قاصدة شنو؟؟
يعني الخوف الحكومة تتلكك في تنفيذ بنود اتفاقية نيفاشا...
وسياسة العصا والجزرة البتمارسها الحكومة الامريكية ما تجيب حقها ..
ويحصل تسليح ملشيات في الجنوب..
والقيامة تقوم غربا وجنوبا وما مستبعدة شرقا..
يا ود امي دي حكومة ما واعية..صدقني بتعملا..
ـــــــــــــــــــــــــــــــــــ
والبيقولوا انو الجنوبيين هم سبب المشاكل ..يا ريت تفكروا في المواطن السوداني الجنوبي الموجود في قطية هموا كلو ياكل شنو وينوم وين..يعني ما تحاسبوا المواطن البسيط بافعال الآخرين..

Quote: أتفق معك في أنه حدث ظلم منا الشماليين على إخواننا الجنوبيين ولكني أراك قد إخترت الظلم الذي وقع عليهم في جانب جناح البعوضة أي الجانب المادي الدنيوي الذي على أهميته فهو كالقطرة بالنسبة لبحر المظالم الأخروية التي ( حاتودينا في داهية كلنا) إن لم نلحق أنفسنا بتوبة وإستغفار. لقد إختارنا الله في الشمال مسلمين أبناء مسلمين من غير طلب وجعلنا نواباً عن نبيه ثم كلفنا بحمل رسالته لأهل الجنوب حتي يعبدوا الله وحده ولا يشركوا به شيئا.وذلك بالحكمة والموعظة الحسنة وقال في حقنا قرآناً في أمر تشريفنا وتكليفنا (ثم أورثنا الكتاب الذين إصطفينا من عبادنا فمنهم ظالم لنفسه ومنهم مقتصد ومنهم سابق بالخيرات) ولكن بدلاً عن السبق بالخير إخترنا ظلم النفس و قاتلناهم على جناح البعوضة ولم نلتفت إلى تكليف الله الذي لا شك في أنه سائلنا عنه يوم القيامة.

سلام يا عبدالحي
عدلنا مع الجنوبيين كان سيكون أكبر دعوه في سبيل الله .
يا عبد الحي كيف تتبع مله قوم غير الظلم ما شفت منهم شي ؟!

Quote: انا ما بستبعد قيام حرب اهلية تانيةأو بالاصح تالتة.. فهمتني قاصدة شنو؟؟ يعني الخوف الحكومة تتلكك في تنفيذ بنود اتفاقية نيفاشا... وسياسة العصا والجزرة البتمارسها الحكومة الامريكية ما تجيب حقها .. ويحصل تسليح ملشيات في الجنوب.. والقيامة تقوم غربا وجنوبا وما مستبعدة شرقا.. يا ود امي دي حكومة ما واعية..صدقني بتعملا..

ساره الساره ، سلام
نحن قاعدين في بلد محكومه بناس ممكن يعملو أي شي في أي وقت ، لكن ما أظن حا يكون في تلكؤ في موضوع تحديد المصير ده خاصه إذا كانت كل المؤشرات في إتجاه الانفصال و ده الدايره الحكومه .

Quote: والبيقولوا انو الجنوبيين هم سبب المشاكل ..يا ريت تفكروا في المواطن السوداني الجنوبي الموجود في قطية هموا كلو ياكل شنو وينوم وين..يعني ما تحاسبوا المواطن البسيط بافعال الآخرين..

لو كنا بننظر عليهم علي هذا الأساس ، ما كان حا يكون في مشكله أصلا ، عشان كده عقليتنا دي لازم تتغير .

Quote: سلام علي أخوانا في الجنوب إذا إنفصلو ، سلام عليهم إذا لم ينفصلو و تعسا لوطن ‎- باسم الوطن ‎- يقتل أبنائه ثم ‎- بإسم الوطن‎ - يسألهم العون حتي لا يتمزق !!

يا امين اذا حكومة الجنوب انفصلت واصبحت دولة ذات سيادة فهي بالتاكيد حتحتاج لحلفاء علي حدودها الشمالية..وبنفس القدر حكومة الشمال حتحتاج لحلفاء علي حدودها الجنوبية..هل بتتخيل انو بعد الانفصال دة القلوب حتكون صافية؟؟بعد سنين من القتال والخراب والتشريد؟؟
لا سيما وانو الجنوب حيكون مدعوم من الغرب ..
وما تنسي قصة النيل..
في السياسة مافي شئ مضمون..يعني ممكن ناس السودان يصحوا يوم يلقوا ليهم خورر فاضي..
ــــــــــــــــــــــــــــ
من حقهم ينفصلوا ويقرروا مصيرهم ..لكن تبعات الخيار دة حتكون قاسية..

الله يجازي اللي كان السبب..

Quote: يا امين اذا حكومة الجنوب انفصلت واصبحت دولة ذات سيادة فهي بالتاكيد حتحتاج لحلفاء علي حدودها الشمالية..وبنفس القدر حكومة الشمال حتحتاج لحلفاء علي حدودها الجنوبية..هل بتتخيل انو بعد الانفصال دة القلوب حتكون صافية؟؟بعد سنين من القتال والخراب والتشريد؟؟ لا سيما وانو الجنوب حيكون مدعوم من الغرب .. وما تنسي قصة النيل.. في السياسة مافي شئ مضمون..يعني ممكن ناس السودان يصحوا يوم يلقوا ليهم خورر فاضي.. ــــــــــــــــــــــــــــ من حقهم ينفصلوا ويقرروا مصيرهم ..لكن تبعات الخيار دة حتكون قاسية

يا ساره ، كل الإحتمالات مفتوحه ! و الكلام في خطوره الحاصل بقي ما مجدي .
و فعلا ممكن نصحي الصباح و نلقي البلد خور فاضي ، و بدل ما نفكر نغير عقليتنا الوصلتنا للحال ده ، أنا متأكد حا نكون مدلدلين رجلينا في الخور ده نفتش لينا في شماعه نعلق فيها فشلنا و خيبتنا !!
تبعات خيار الانفصال علي الشمال ، يتحمل وزرها الشمال كحكومه بإتباع سياسات فاشله و نحن كشعب بصمتنا عن ما حدث في الخمسين سنه الفاتت !!!

طالما أبوروف هي عاصمة جمهوريه أمدرمان ، و ناس بحري السغله ديل ما معانا ، ما عندي أي مشكله !!
شكرا يا هاني علي الخريطه الألم ، و شر البليه ما يضحك !

حسين و حنين
شكرا علي المرور

Quote: و نحن كشعب بصمتنا عن ما حدث في الخمسين سنه الفاتت !!!

يا اخوي انتا مسئول برااااك
انا برة المسئولية دي..
انا اسألني من العشرين سنة الفاتت..
عمر المشروع الحضاري..
وعمري...
ــــــــــــــــــــ
عارفة انو دة ما وقت وشوش خضرا

Quote: الجنوب أنا قاصد بيهو الإثنيه : و شاء الله إنو أصحاب الإثنيه دي يكونو ساكنين في الجزء الجنوبي من السودان فأصبحت إثنيه جغرافيه إن صح القول . و الشمال وضحت إنو قاصد بيهو أي مواطن سوداني ما جنوبي .

سلام يا امين
شكراً على توضيح وجهة نظرك
لكن لسة اعتقد انو وجهة نظري ما وصلتك
و ما زلت متحفظ على تعريف شمالي و جنوبي
التقسيم دا بذاكرة منو ؟
و وين حدود السجن الوجداني القالو د. منصور خالد ؟

اسمح لي اورد قراءة استاذ / الخاتم عدلان لرواية " مندكورو برق و هلال " هنا ، ممكن تسهل علي اوضح انو انا عاوز اقول شنو ؟

Quote: بطل سوداني أحب الجنوب فقتله الشمال مروان حامد الرشيد في روايته الثانية «مندكورو» يسجل فصولاً من تاريخ السودان الدامي الخاتم عدلان «مندكورو» هي الرواية الثانية للروائي السوداني مروان حامد الرشيد وقد صدرت عام 2001 عن الدار الثقافية للنشر. وكلمة «مندكورو» كلمة سودانية تعني المتاجر بالبضائع. * تدور احداث هذه الرواية على مسرحين: جغرافي هو جنوب السودان، ووجداني هو الذات الشمالية المنشطرة. وكلاهما حقل الغام، تواجهنا صعوبة اقتحامه منذ البداية. نلتقي بمعاوية، المتحدر من رهط الجلابة، والمنتمي للحزب الإسلامي الحاكم، والذي يعمل بمنظمة التكافل الإسلامي. كلفته المنظمة بالذهاب إلى بلدة جوبا بالجنوب وزيارة بعض الاقطار الافريقية المجاورة، لتفقد الاوضاع وسط اللاجئين الجنوبيين واحصاء المسلمين منهم لإغاثتهم ومنعهم من الوقوع في براثن المنظمات النصرانية. ولكن هناك بطبيعة الحال، بندا سريا يتعلق بالقضاء على حركة التمرد بتطويقها إقليميا، وزعزعة هذه النظم نفسها في إطار الإمتداد الإقليمي القاهر «للمشروع الحضاري». منذ همهماته الاولى يدخلنا معاوية الى تناقضاته المتعددة الوجوه. رجل «لحيم» يريد ان يطعم الجوعى، استشهادي يعاني من رهاب السفر بالطائرات، راشد لا يحن إلى طفولته او مراهقته او شبابه. ولذلك فهو غير راغب في الذهاب إلى جوبا، التي عاش فيها طفولته وصباه، ودرس في مدارسها، وباع فيها مع والده واشترى، لانه بالاساس غير راغب في مواجهة الذات التي شهدت انشطاراتها الاولى هناك. ولذلك يلخص حياته هناك بان «ليس فيها شيء يستحق الاستعادة». بمجرد هبوط الطائرة، يجد معاوية الماضي الذي ظل هاربا منه ثلاثين عاما، ماثلا امامه بصورة لا يمكن تفاديها. وندخل منذ هذه اللحظة إلى اعماق معاوية ونتعرف على اغتراباته المتعددة المستويات والوجوه. وربما تكون مصيبته الاولى هي تخطيه الحدود البيولوجية والثقافية الصارمة الفاصلة بين الرجولة والانوثة. ذلك التجاوز للحدود، الذي لا يمكن ان يكون معاوية مسؤولا عنه هو الاصل في اغترابه عن مجتمع اخطا، وما يزال، فهم الجدليات الدقيقة للظاهرات الجنسية، ففصل بينها فصلا مطلقا، تمييزا وتفضيلا. كره معاوية كل النساء، واغترب عن امه روحيا، إذ استولى عليه وهم قاهر بانها تراقبه في الخفاء باستنكار اخفته بصورة محكمة. وما كان يمكن لمعاوية ان يكره كل النساء، دون ان يكره نصيبه هو من الانوثة، متورطا بهذا القدر نفسه في كراهية الذات. معاناة معاوية من هذا (الميل) في الميزان الجيني فصلت بينه وبين محيطه الاجتماعي، جعلته ينسحب انسحابا كاملا الى عالم الاب، بكل ما يعنيه من حماية ودعم، ومن قوة رادعة. وهو امر له إغراءاته الشديدة في حالة معاوية، ولكن له ثمنه الفادح الذي سيدفعه من شخصيته ومن جوهره كانسان، وذلك لما يتطلبه ذلك الانتماء من الطاعة والإذعان ومن لعب ادوار تحددها مسبقا، ثقافة خفيفة الموازين في فهم النفس البشرية، ومجبولة من مواد المخاوف الوجودية الهائلة. ومن خلال هذيان معاوية نتعرف على الآخر، شقيقه ونقيضه و«وسواسه» المسمى عليا. وعلي هذا ممشوق، قوي، شجاع، منتم انتماء كاملا وحميما إلى امه، ومنتم إلى ابيه وفق شروطه هو، والى اشقائه الآخرين، وإلى اصدقائه آل سنداني، وإلى المدينة التي عاش فيها، فصار جزءاً لا يتجزأ من فضائها، من اشجارها وبيوتها وشوارعها، تراه يزرع هذه الشوارع وكأنه يوجد فيها جميعا في نفس الوقت. تعلم لغة الباريا ولغة الدينكا واجاد مع اشقائه وشقيقاته «عربي جوبا». اشترك في الرقص والمصارعة، ولعب للفريق المحلي، ودخل السينما لمشاهدة افلام رعاة البقر، التي كان يدعي لابيه انها افلام عن تاريخ العرب. ولم يكتف بكل ذلك بل شرب المريسة، وخرج مع الطلاب المسيحيين من حصة الدين. ولم يكن ممكنا ان يحدث ذلك دون صدام دائم مع الاب. وفي الحقيقة فإن مشاهد الصدام بين الاب بصرامته ومخاوفه الوجودية، وبين علي بكل ما يمثله من العنفوان الطبيعي والطاقة الحيوية المبدعة، هو من اجمل ما جاء في هذه الرواية التي تؤدي فعلها الروائي على اربع مستويات لغوية، وتخرج منها جميعا اقصى ما تملكه من مقدرات تعبيرية، وهي على هذا المستوى انجاز لغوي قائم بذاته. يصل الصدام بين عوض الله وابنه مراحل كاد الوالد فيها ان يقتل ولده عندما جاء علي مترنحا وثملا، ولكن عليا، المعتبر إبنا عاقا، انقذ اخاه من الموت المحقق غرقا، كما كفى اباه مهانة فادحة، عندما تحرش به، وبمعاوية، شاب جنوبي هو واني، وتواطأت المدينة كلها لتشاهد هذا الاشتباك الذي سيقوم فيه واني بالانتقام من الشيخ الذي يمثل مؤسسة الجلابة. ولكن عليا يظهر من بين غصون الاشجار ومن فوق السطوح لينقذ اباه في لحظة برهن فيها معاوية انه ليس اكثر من سقط متاع. وهنا ينهار القالب التربوي للشيخ عوض الله انهيارا كاملا، فيقسم الا يمد يده بعد اليوم على الإبن. ولكنه يعرف تماما ان ابنه ليس مجبولا من حما العقوق، كما كان يعتقد. وهي جدليات في المظهر والجوهر نجد لها امثلة لا حصر لها في ثنايا الرواية. يتزوج على من ماريا، شقيقة صديق عمره سنداني، من قبيلة الباريا، ويدخل الكلية الحربية، لا ليواصل تاريخ الجيش الذي تفرغ لقهر الشعب، بل ليبدأ مرحلة جديدة من الذود عن الشعب والوطن. ولكن عليا ينتهي الى حبل المشنقة لاشتراكه في انقلاب يساري، ولاتهامه زورا بقتل الضباط المحتجزين في نزل الضباط عندما فشل الإنقلاب. ولا تشك امه في براءته التي ثبتت لها قبل موتها، ولكن ماريا، زوجته تنفذ إلى جوهر الصراع حين تقول عن علي: «احب الجنوب فقتله الشمال». ومن خلال الشخصيتين الرئيسيتين نتعرف على عالم الجلابة، بشخصياته النابضة بالحياة، وبممكناته وحدوده في نفس الوقت. نجد فاعل الخير، مثل عمران، الذي يسميه التجار الآخرون «ابليس» مع انه اسعاهم للخير، ولكن في سرية «حتى لا تعلم شماله ما فعلت يمينه». ونجد عوض الله وهو يمارس ديمقراطية رضيعة لا تمتد إلى اسرته، ونجد «حاج قانون» الذي يهيم بحكم القانون، نجد الصادق الصريح «حاج لخمة»، كما نجد النذل مثل ود الداية، الذي انكر امه وادعى انها امرأة فقدت عقلها. ورغم نواقصها المعروفة، فإن إمكانيات تخطي هذه المؤسسة لذاتها تظهر بوادره بصورة لا تخطئها العين في الجيل الثاني من ابناء التجار، الذين ينتمون انتماء كاملا لهذه المدينة التي لا يعرفون لهم وطنا سواها. ولولا الانقطاعات الدموية لمسيرة التفاعل الإجتماعي في السودان لكان الحال غير الحال. ثم نتعرف على امام المسجد شمس الدين، إبن المؤسسة الدينية والخارج عليها. وقد تخلى شمس الدين عن الإمامة، وذهب يمارس الترجمة في بلد أفريقي، ومن ضمن مشاريعه التي شرع فيها ترجمة القرآن إلى السواحلية بالادوات المقتدرة لمن يجيد اللغتين، ويفهم الإسلام كرابطة راقية بين الشعوب. يلتقي معاوية بشمس الدين ويتعرف على ادلة براءة علي، ويبدأ في السيطرة على عقدته العميقة تجاهه. وتنفتح امامه سبل الخلاص فسيحة من خلال المواجهة الاليمة مع لحظات خزيه الشخصي ومهانته، وخاصة تبرؤه من اخيه الذي اعدم دون محاكمة. وتنتهي الرواية بمعاوية وهو يغير خطة سفره كلها، ويعود إلى جوبا عودة شفته من رهاب الطائرات ومكنته من الوقوف امام تلك الشجرة الضخمة التي حاول عبيد الله، مؤذن الجامع، ان يقضي فيها على نصيبه من الرجولة، لولا اخاه عليا، الذي هبط من اعلى الشجرة ككائن اسطوري وأخذ بتلابيب عبيد الله حتى فقد الرجل صوته وكاد يفقد حياته. إن مواجهة معاوية للحظات الهابطة في تاريخه الشخصي هي التي وضعت حدا لاغترابه عن العلاقات الحميمة والمعاني الإيجابية. ومن الواضح ان مثل هذه المواجهة مطلوبة ايضا في حالة الامم، ومن بين الامم جميعا هي مطلوبة في حالة السودان. وبهذا المعني فان مندكورو رواية سودانية (أي ليست شمالية فحسب) ولكنها تطرح قضايا وصراعات مرتبطة بالإنسان حيثما كان.

--------------
* البعرفو انو " مندكورو " تطلق على كل الشماليين و ليست مقصورة على التجار
" سنداني " كان بنادي " علي " بـ " دينكا تا مندكورو " . . و " علي العّلة " - زي ما كان بتناديهو امو - كان بردها لصديقه و صهره " سنداني " بـ " منِقا تا باريا "
منِقا = مندكورو . . لكن ما تماماً

اها يا أمين يا انسان يا عالي
في بُعد قصدت الفت نظرك ليهو ، متعلق بـ " احفادهم " دي ! ..المسألة ما بالبساطة دي ، في التقسيم لشمال و جنوب !
عبر التاريخ الشمال امتد في الجنوب ، و حفر الجنوب في وجدان بعض الشماليين و انتموا ليهو انتماء حقيقي . و كانت بشريات تخطي مؤسسة الجلابة لذاتها المنشطرة تلوح في أفق البلد المنكوب دا { لولا الانقطاعات الدموية لمسيرة التفاعل الإجتماعي في السودان }

شكراً كتيرن يا أمين
و اعفي لينا ياخ

الاخ|امين

السلام عليكم

كنت متابعك باهتمام لكن عايز اراجع معاك

Quote: طالما أبوروف هي عاصمة جمهوريه أمدرمان ، و ناس بحري السغله ديل ما معانا ، ما عندي أي مشكله !! شكرا يا هاني علي الخريطه الألم ، و شر البليه ما يضحك !

ناس بحري ناس حلوين ...يا امين..رايك شنو في السغله ناس بحري...ادينا رايك

مع كل الاحترام اخ امين

Quote: طالما أبوروف هي عاصمة جمهوريه أمدرمان ، و ناس بحري السغله ديل ما معانا ، ما عندي أي مشكله !!

عيب عليك

Quote: طالما أبوروف هي عاصمة جمهوريه أمدرمان ، و ناس بحري السغله ديل ما معانا ، ما عندي أي مشكله !! شكرا يا هاني علي الخريطه الألم ، و شر البليه ما يضحك !

معتز و عامر سلام
يا أخونا ما تحملو الأمور ما لا تحتمل ، أهلنا و ناسنا و حبايبنا كلهم في بحري و أنا بشاغل فيهم ، و كان كلامي ده زعلكم بالجد أنا آسف و أعفو لينا ....











‎‎‎‎----
قيقا ؛ بجيك برواقه كان الله هون ...

****

Quote: عيب عليك

طوالي تمش تطالب بي حقك في السلطة والثروة ة وتعلنوا انه خالكم امين ده مجرم حرب ومتورط في الابادة الجماعية في بحري حي (الثغلة) وسوقو حيدر الضلالي معاكم شاهد ما شافش حاجه

فيصل الرشيد الظلامي ..

يآخي في بوست رفعتو ليك فوووق امشي اديهو طلة بالله ما يفوتك ..



الركشــــــــــة قالو مكندشـــــــــة

Quote: فيصل الرشيد الظلامي .. يآخي في بوست رفعتو ليك فوووق امشي اديهو طلة بالله ما يفوتك ..

ياخ لكن متعه والله ..
لكن لقيتك خاين لابد بالبيض ونحن ناكل في العدس

Quote: وتعلنوا انه خالكم امين ده مجرم حرب ومتورط في الابادة الجماعية

يعني يا فيصل أنا ناقص ؟!!

Quote: و كان كلامي ده زعلكم بالجد أنا آسف و أعفو لينا ...

تسلم

قيقراوي يا صديق سلام و عذرا علي التأخر في الرد ..

Quote: لكن لسة اعتقد انو وجهة نظري ما وصلتك و ما زلت متحفظ على تعريف شمالي و جنوبي التقسيم دا بذاكرة منو ؟ و وين حدود السجن الوجداني القالو د. منصور خالد ؟

وجهة نظرك وصلتني يا قيقراوي و ما أظننا مختلفين كتير ، خليني أوضح ليك تعريف شمالي / جنوبي للجيل التاني من التجار الجلابه الإنت إتكلمت عنهم ديل :
الجيل التاني من أبناء التجار لو أمهاتهم جنوبيين ، معناتها هم ذاتهم جنوبيين حسب تعريفي لانو بيدخلو في الإثنيه دي و بالتالي بيتعرضو لنفس الظلم الإتعرضو ليهو بقيه الجنوبيين ، لكن لو شماليين أما عن أب ‎- حتي لو وجدانهم و ميولهم جنوبيه و عاشو طيله حياتهم في الجنوب ‎- بيبقو ما داخلين في تعريفي ده .
يا قيقراوي النظره الدونيه حقت معظم الشماليين للجنوبين ، مبنيه علي الإثنيه ، ما علي الميول و الوجدان ، و لا علي الفهم الفي الراس .

Quote: اها يا أمين يا انسان يا عالي في بُعد قصدت الفت نظرك ليهو ، متعلق بـ " احفادهم " دي ! ..المسألة ما بالبساطة دي ، في التقسيم لشمال و جنوب ! عبر التاريخ الشمال امتد في الجنوب ، و حفر الجنوب في وجدان بعض الشماليين و انتموا ليهو انتماء حقيقي . و كانت بشريات تخطي مؤسسة الجلابة لذاتها المنشطرة تلوح في أفق البلد المنكوب دا { لولا الانقطاعات الدموية لمسيرة التفاعل الإجتماعي في السودان }

الناس الإتخطو مؤسسه الجلابه البتتكلم عنهم و إتحفر الجنوب في وجدانهم ديل ما اثرو علي المشكله بأي صوره من الصور ! و الدليل الحاله النحن فيها دي !
الحاله النحن فيها دي كانت بتكون مختلفه لو كان في تزاوج بصوره كبيره بين الشماليين و الجنوبيين عشان ينتجو شريحه تلعب دور في ردم الهوه المفتعله دي .
يعني لو عندك أولاد عمك مثلا أمهم جنوبيه ، نظرتك للجنوبيين كلها حا تتغير ، جزء كبير من الاستعلاء العرقي الفي الشمال ‎- في تقديري ‎- نابع من تصور ‎- غير صحيح ‎- للشخصيه الجنوبيه ، ولانو ما في تداخل حقيقي ‎- لا في الحي ، لا في المدرسه ‎- بين الشماليين و الجنوبيين ، الناس في الشمال بتتعامل مع الجنوبيين بتصورها ده ، ما بحقيقتهم كناس ‎- زيهم و زي الباقين ‎- فيهم الكويس و فيهم الكعب ! المشكله إنك كجنوبي في السودان الشماليين ما بعاينو ليك كزول ‎- ممكن تكون كويس و ممكن تكون كعب ‎- بعاينو ليك كجنوبي تحمل الشخصيه المتصوره عن الجنوبيين في العقل الشمالي ! طبعا ما كل الشماليين عندهم النظره دي ، و لا ممكن يكون القصد إنو كل الشماليين كعبين و عنصريين و كل الجنوبيين كويسين كده علي إطلاقو ، القصد إنو الاغلبيه في الشمال إلا ما رحم ربي !
وقت تحليل مشكلة الجنوب و وضع حلول ليها فات بكل أسف يا قيقراوي ، وقت الكلام و الحلول ضيعناه في الحرب بين أبناء الوطن الواحد ، حرب : الكاتل و المكتول سوداني ! الظالم و المظلوم سوداني ، عشان كده قلنا حقو نحن نسكت و نخلي الجنوبيين يقررو دايرين شنو !
و شكرا ليك يا قيقراوي و علي صبرك علينا ...

الاخ امين,
دعنى اوضح لضيوفك ان كلمة مندوكورو تاتى من مناطق وسط الاستوائية و خاصة من قبائل الباريا و يطلقونها على تجار الشمالين. الكلمة غير معروفة فى الجنوب تقريبا الا فى منطقة الاستوائية الوسطى. هناك جنوبين من اصول شمالية و عددهم كبير جدا و معظم الجنوبين لديهم اقرباء من اصول سمالية و هم جنوبين. قريبى كاربينو كوانين بول من اصول شمالية و تعبان دينق قاى, حاكم ولاية الوحدة جنوبى من اصول شمالية. هناك عشائر بكاملها داخل الجنوب يرجع اصولهم الى الشمال و لكنهم موجودون فى الجنوب منذا قدوم الاتراك الى السودان فى القرن التاسع عشر و حتى بعض هولاء سلاطين. و معظم الجنوبين داخل الحركة من اصول شمالية هم من القومين الجنوبين.

Zakaria Joseph,
Please take a look
November 17, 2008
http://www.youtube.com/watch?v=m9BPCYb1twU

King,
Thanks.
I'm unable to access video links as I'm currently working and using the office computer.
I'll check it as soon as I hit home.

Quote: الاخ امين, دعنى اوضح لضيوفك ان كلمة مندوكورو تاتى من مناطق وسط الاستوائية و خاصة من قبائل الباريا و يطلقونها على تجار الشمالين. الكلمة غير معروفة فى الجنوب تقريبا الا فى منطقة الاستوائية الوسطى. هناك جنوبين من اصول شمالية و عددهم كبير جدا و معظم الجنوبين لديهم اقرباء من اصول سمالية و هم جنوبين. قريبى كاربينو كوانين بول من اصول شمالية و تعبان دينق قاى, حاكم ولاية الوحدة جنوبى من اصول شمالية. هناك عشائر بكاملها داخل الجنوب يرجع اصولهم الى الشمال و لكنهم موجودون فى الجنوب منذا قدوم الاتراك الى السودان فى القرن التاسع عشر و حتى بعض هولاء سلاطين. و معظم الجنوبين داخل الحركة من اصول شمالية هم من القومين الجنوبين.

سلام يا زكريا
كلام مية مية
بس سؤال ( في إطار ضبط المصطلح ؤ كدا ) : موظفي الحكومة ، المعلمين ، . . . الخ الما مارسو ( التجارة ) اصلاً مندكورو و لا لا ؟

سلام تاني

--------------

بالمناسبة يا زكريا انا فتح الرحمن / بيبسي كولا ( سودان )

يا امين بعد السلام و الاحترام
في تقسيم ( شمال / جنوب ) اقترح تخت other
جاييك راجع ان ربنا هون
بس اتحملني امكن ما يهوّن قريب . . سمح ؟
لي وكتها

Quote: لماذا لا يخرس الشمال ؟!!

الشمال هنا الناس اليدها في الموية كووووووووووووولها
خلو الشغلة للناس المكتوية بالنار دي . . سمح ؟

Quote: بس سؤال ( في إطار ضبط المصطلح ؤ كدا ) : موظفي الحكومة ، المعلمين ، . . . الخ الما مارسو ( التجارة ) اصلاً مندكورو و لا لا

؟

يا قيراوى انا جد كلمة مندوكورو ما بعرف معناه غير الوضحته فى المداخلة السابقة. نحن الدينكا بنسمى عرب الشمال جور مثيانق (brown people) و حتى كلمة الجلابة غير شايعة فى الجنوب الا فى المدن طبعا و تقصد بها التجار البجيب البضائع من الشمال باللوارى و اظن ان كلمة مندوكور قد اخذت معنى سياسى ذى معنى كلمة الجلابة اليوم.

Quote: في تقسيم ( شمال / جنوب ) اقترح تخت other

انا اعرف بوجود مشكلة الانتماء لبعض الجنوبين فى الشمال لان المسالة تتحول الى اثنية فى الشمال و لكن فى الجنوب, عندنا قسم كامل للدينكا فى رنك مختلط تماما و لكن كونهم جنوبين شئ لا احد يجرؤ على التفكير فيه. و هولاء فيهم القومى الجنوبى و الوحدوى.

زكريا يا حبيبنا سلامات وشكرا علي معلوماتك القيمه.

يا قيقراوي شوف كلام زكريا ده :

Quote: انا اعرف بوجود مشكلة الانتماء لبعض الجنوبين فى الشمال لان المسالة تتحول الى اثنية فى الشمال و لكن فى الجنوب, عندنا قسم كامل للدينكا فى رنك مختلط تماما و لكن كونهم جنوبين شئ لا احد يجرؤ على التفكير فيه. و هولاء فيهم القومى الجنوبى و الوحدوى.

قال ليك ( قسم كامل للدينكا فى رنك مختلط تماما و لكن كونهم جنوبين شئ لا احد يجرؤ على التفكير فيه)
عشان كده في قصة شمالي و جنوبي دي مافي سكه ل others . و تعال وقت ما الله يهون ليك لانو النقاش معاك دايما ممتع و مفيد .

Quote: قال ليك ( قسم كامل للدينكا فى رنك * مختلط تماما و لكن كونهم جنوبين شئ لا احد يجرؤ على التفكير فيه) عشان كده في قصة شمالي و جنوبي دي مافي سكه ل others . و تعال وقت ما الله يهون ليك لانو النقاش معاك دايما ممتع و مفيد .

سلام يا امين
خلينا نسجل المكاسب دي قبلما يجي واحد اروش يطرطشا لينا
و نواصل مطالبنا العادلة بتصنيف others
ما لاحظتو انكم لي اسي ما جبتوا سيرتنا نحنا ديل ؟
المقتبس اعلاه بتكلم عن شريحة واسعة لكن بغفل وضعنا نحن ديل ! و بالله ادينا شروط موضوعية عشان ننال تصنيف جنوبي عديل يا امين غير حكاية الاختلاط دي ، يعني اسي دي انا اعملا كيف ؟

Quote: الجيل التاني من أبناء التجار لو أمهاتهم جنوبيين ، معناتها هم ذاتهم جنوبيين حسب تعريفي لانو بيدخلو في الإثنيه دي و بالتالي بيتعرضو لنفس الظلم الإتعرضو ليهو بقيه الجنوبيين ، لكن لو شماليين أما عن أب ‎- حتي لو وجدانهم و ميولهم جنوبيه و عاشو طيله حياتهم في الجنوب ‎- بيبقو ما داخلين في تعريفي ده . يا قيقراوي النظره الدونيه حقت معظم الشماليين للجنوبين ، مبنيه علي الإثنيه ، ما علي الميول و الوجدان ، و لا علي الفهم الفي الراس .

كلامك صحيح يا امين . . و عشان كدا طالبنا بـ others

Quote: الناس الإتخطو مؤسسه الجلابه البتتكلم عنهم و إتحفر الجنوب في وجدانهم ديل ما اثرو علي المشكله بأي صوره من الصور ! و الدليل الحاله النحن فيها دي !

يا أمين الثورة الاجتماعية " بروسس " و رتمها بطئ جداً ، ما تتوقع آثارها بين يوم و ليلة ، عشان كدا استاذ / الخاتم قال الجيل الثاني . . . الخ عبارتو ديك .
و برضو كان حاذق جداً في تأشير { لولا الانقطاعات الدموية لمسيرة التفاعل الإجتماعي في السودان }
ليه انت اتجاوزت الاسباب و قفزت للنتيجة المبشرة لمحاكمة الـ others
المهمة كبيرة جداً في تفكيك مؤسسات الجماعة المستعربة و يكفينا شهادة استاذ / الخاتم دي

Quote: ورغم نواقصها المعروفة، فإن إمكانيات تخطي هذه المؤسسة لذاتها تظهر بوادره بصورة لا تخطئها العين ،في الجيل الثاني من ابناء التجار،

يلا انا داير اقول شنو ؟
انو ما كل الشماليين يخرسوا ! قول لي ليه ؟
لانو في ناس اصحاب مصلحة حقيقية في الوحدة ، مش مجرد عواطف ملتهبة و لا ثورية زيادة عن اللزوم لا سمح الله ، لا ياخ ! اها ديل في تقديري مفروض يصنفوا كـ others و هم رصيد حقيقي للوحدة ، و ما اعتقد من حقنا نخرسهم ! و لا كيف ؟
بل العكس مفروض برضو نسمع ليهم ، هم ذاتم - كشهود عصر على اقل تقدير - فليتكلموا الآن او ليصمتوا الى الابد .
و ليت قومي يتبيوا النصح قبل ضحى غد الانفصال ! . . ليتهم يفعلون ؟ . . الانفصال ومهددات الاستقرار: وجهة نظر جنوبية ‏ مقال لـ " د. الطيب زين العابدين " ، اعتقد انو قفكيكو و مناقشتو هنا مفيدة ، و لا رايك شنو ؟

-----------------

* انقر القيقر وين من الرنك دي ؟ . . . الرنك دي ما عاصمتنا ذاتو يا امين ياخ ! اها فرعنا فيها لسة مقيم


سلام يا زكريا
و راجع ليك تعليقاً على الـ " جور مثيانق (brown people) " دي وقعت لي في جرح

Quote: يا قيراوى انا جد كلمة مندوكورو ما بعرف معناه غير الوضحته فى المداخلة السابقة. نحن الدينكا بنسمى عرب الشمال جور مثيانق (brown people) و حتى كلمة الجلابة غير شايعة فى الجنوب الا فى المدن طبعا و تقصد بها التجار البجيب البضائع من الشمال باللوارى و اظن ان كلمة مندوكور قد اخذت معنى سياسى ذى معنى كلمة الجلابة اليوم.

سلام يا زكريا

نبدأ من الآخر و فعلاً مندكور تأريخياً اخدت معنى اجتماعي/ سياسي ما مربوط بالاقتصادي و لا حتى الطبقي . حالياً مندكورو تقال لكل الشماليين ، حتى في " الرواية " اعلاه ، ورادة كوصف للشماليين ، فعلياً بطلنا " عسكري " و ليس تاجر و لا حتى "معاوية " تاجر ( نظرياً ) ، ولا مولانا ( سابقاً ) شمس الدين ، و كثير من شخوص الرواية مهنيين و موظفين و حرفيين .
في فضاء الواقع في مصطلح مشتق من مندوكورو ، كان يطلق على ابناء التجار " عيال مندكورو " و هو اكثر شيوع من " مندكورو ساي " ، بعدين " مندكورو شكل منقة " كان في الغالب للجكس مش ؟ هل كان في " بزنسأُومين " في السودان ؟
بمناسبة " منّْقة " دي " مِنقا " يعني شنو بالضبط في لغة الباريا ؟

الراحل المقيم بروف علي المك قال مرة : " الناس في بلدي ألوانهم بنّية ، و يقولون " سُمرا " تظرُفاً و خوفاً من ذكر الحقيقة " . . احسن الناس تواجه حقيقة " جور مثيانق " دي بدل أخدر و ازرق و كحلي . . البني مالو ؟ ما شكل منقة و لون المنقة ذاتو ياخ ؟

سلام و شكرن كتييير يا زكريا على طولة بالك و المعلومات المفيدة