سؤال غلبني أجاوبو !

الناس دي ما بتعرف تتناقش بلا شتايم ؟!

بلغت روحنا الحلقوم من كمية الشتايم المبذوله بسبب و بلا سبب ، ما ممكن مع كل كلمتين منطقيات في بوست ما يناقش قضية ما في سبعين شتمه و لفظ بذئ !

هاااك يا حبيــب نموذج وااضح ما فاضح ( ولو عاوز بردم ليك البوست دا بكمية نماذج اخري عشان تآآآمن ) للناس البيجو شايلين عصيهم وحايمين في سودانيز

الواحد يجيك فاتح سدرو وقائل الكتابة مخلوقة عشان الشتم واللكم ..

ورغم انه مافي شئ بيستاهل بس تقول شنو .. الله غالب ..

قصيدة بعنوان (( أه لو تدرى ))

Quote: الناس دي ما بتعرف تتناقش بلا شتايم ؟!

بتعرف .........................

لكن شعارها أنا اشـتـم أنا راجل ومـقـدده ...............

حليل زمن طالعني في المقابر ..............

لا

Quote: بتعرف ......................... لكن شعارها أنا اشـتـم أنا راجل ومـقـدده

والله يا سعادتك الناس دي حيرتنا عديل !
ياخي كمية الشتايم القريتها في سودانيزأونلاين دي في الثانوي العالي ما سمعتها ، بعدين ذي يقولو ليك الديمقراطيه و حقوق الإنسان و الحيوان !

ياعم امين..
الناس على دين ملوكهم.
استمع لخطب ريسنا المحبوب من تلاتين مليون سودانى كما استمع لمستشاره المدعو نافع واقرأ صحيفة (الغفلة) وبعد ده حتتأكد بأنو نحن ماجايبنو من بعيد .

Quote: لا

هارون يا حبيبنا ...
وكت الناس دي ما بتعرف تتفاهم ما تسكت ساي ! الكتابه أم دق دي سببها شنو ؟

Quote: ياعم امين.. الناس على دين ملوكهم. استمع لخطب ريسنا المحبوب من تلاتين مليون سودانى كما استمع لمستشاره المدعو نافع واقرأ صحيفة (الغفلة) وبعد ده حتتأكد بأنو نحن ماجايبنو من بعيد .

يا عم قلقو
إذا كان نحن بنسوي في نفس سوات ناس نافع و صحيفة الغفله ، معارضنهم ليه ؟!
ياخي ما ممكن تكون بتدعو للديمقراطيه و التعدديه الحزبيه و إنت ما قادر تستحمل ليك زول مخالفك في رأي !!

الأخ أمين محمد سليمان
السلام عليكم ورحمة الله
يحمد لك اهتمامك وسعيك للارتقاء بالحوار
يا سيدي قبل أيام كان ضمن العناوين المثبة على ناصية المنبر الآتي
فلانة ذبابة الأسافير

Quote: الأخ أمين محمد سليمان السلام عليكم ورحمة الله يحمد لك اهتمامك وسعيك للارتقاء بالحوار يا سيدي قبل أيام كان ضمن العناوين المثبة على ناصية المنبر الآتي فلانة ذبابة الأسافير

و عليكم السلام و رحمة الله و بركاته يا محمد
والله يا محمد الواحد بقي في المنبر ده كان قال السلام عليكم ينبذو !
تعرف كان بدينا نجيب أمثله ، البوست ده ذاتو ما بقعد للعصر

Quote:
إذا كان نحن بنسوي في نفس سوات ناس نافع و صحيفة الغفله ، معارضنهم ليه ؟!
افحمتنى ياأمين .

Quote: هاااك يا حبيــب نموذج وااضح ما فاضح ( ولو عاوز بردم ليك البوست دا بكمية نماذج اخري عشان تآآآمن ) للناس البيجو شايلين عصيهم وحايمين في سودانيز الواحد يجيك فاتح سدرو وقائل الكتابة مخلوقة عشان الشتم واللكم .. ورغم انه مافي شئ بيستاهل بس تقول شنو .. الله غالب ..

عشان كده يا الطريفي مافي داعي للأمثله ، حا تعمل كوبي بيست للمنبر كلو إلا ما رحم ربي !
بعدين شايف الشتايم بقت تزداد قباحه و سوء و ممكن تصل ناس بيتكم .

Quote: بعدين شايف الشتايم بقت تزداد قباحه و سوء و ممكن تصل ناس بيتكم

ناس البيت يا اميــن دي من زمااان خلاص تاريخاً كنا بنخش فيهو المنبر دا متاوقات ساى
.. هسع بقت تجيك انت في تولاتك ان بقيت راجل وان بقيت مرة

الناس سكتت على الحلة وعلى البيت وقعت ليها في نفسها .. زي قصة جحا الزمان وقت قالوا ليهو العيبة في بلدكم قال برة الحلة .. قالوا ليهو العيبة خشت حلتكم قال برة بيتنا .. خشت بيتهم واتعلقت فيهو..

ودا الحاصل مع سكات الناس او النصح بصوت خافت بقت النوعيــة زاااتها مطورة من الشتم والسب ..

خالنا امين كيفنك ...
يا زول انت عائز زول اتربي علي جفاف القول واغلظه ان يكون حلو المعشر او لينا ؟؟
لا اريد ان اقول ليك انك بتحلم ...

الأخ العوض المسلمي تحياتي
لقد اعترضت من قبل على قولي
إن تشبيه الإنسان بالحيون أدب معترف به في هذا المنبر
ما رأيك الآن بعد أن ثبت أمين المنبر العنوان المشار إليه في
مداخلتي الأولى ؟

أفهم أن نحتد في النقاش ، أن نختلف حتي تفسد مودتنا ، لكني لا أفهم كمية الشتائم و الإساءات و استسهال بذلها علي كل من خالف رأينا !
لسنا في المدينه الفاضله و لكنا قطعا لسنا في ماخور !

Quote: خالنا امين كيفنك ... يا زول انت عائز زول اتربي علي جفاف القول واغلظه ان يكون حلو المعشر او لينا ؟؟ لا اريد ان اقول ليك انك بتحلم ...

العوض حبيبنا
المساله دي شكلها ما عندها علاقه بتربيتنا في البيت ، شكلها حاجه جينيه فينا كشعب ما بيستحمل رأي مخالف .
الناس دي كلها لينة القول و حلوة المعشر ، بس ما تختلف معاها في رأي لانو ممكن تسمع كلام يحيرك أكتر مما يزعلك !

Quote: الناس سكتت على الحلة وعلى البيت وقعت ليها في نفسها .. زي قصة جحا الزمان وقت قالوا ليهو العيبة في بلدكم قال برة الحلة .. قالوا ليهو العيبة خشت حلتكم قال برة بيتنا .. خشت بيتهم واتعلقت فيهو.. ودا الحاصل مع سكات الناس او النصح بصوت خافت بقت النوعيــة زاااتها مطورة من الشتم والسب ..

عشان كده يا الطريفي ما عاد السكوت ممكنا !

أمين سلاام ...

Quote: يا زول انت عائز زول اتربي علي جفاف القول واغلظه ان يكون حلو المعشر او لينا ؟ ...

افتكر العوض تحليلو منطقى وفاقد الشئ لايعطيه ...

أمين صباح الخير ..



المشكلة يا أمين على حسب قرايتي للحاصل أنو الناس بتتصافى ظاهريا وهي لسة محتقنة ..أو بترضخ لكلام

الأجاويد من غير إقتناع حقيقي ..عشان كدة الإنفجار بيحصل في أي شي لاحق ..حتى لو ماكان موجه بشكل

مباشر ..وببقى نوع من الملاحقات وتصدي لمشكلات ما بتخص الطرف المعني بس لأنو عندو إشكال مع "فلان " ..

وبتكون على شاكلة فلان ده خليهو لي بأدبوا ليك ..ويرجعوا الناس من حيث بدأو ..


في إعادة تدوير للمشاكل بين أطراف بعينهم ..والغالب بيكون أسبابا الحرب بالوكالة إن جاز

التعبير ..


الزول لوبقى متصالح مع نفسو وقال أنا ما صافي لفلان أو خلو الموضوع للايام أحسن من

إظهار تسامح ما حقيقي ..


شكلي طولت صاح ؟

الاستاذ الفاضل أمين

لك التحية


يقولون

أبعد من الشر و غنى له


و بقولون البعد و لا البلاد ام سعد


Re: الكشكول السودانى ... يعنى شنو ... ؟ ...و ليه ... !!! ؟؟؟


___________________________

التعديل لتصحيح "غنى"

Quote: افتكر العوض تحليلو منطقى وفاقد الشئ لايعطيه ...

سلام يا ساره
غايتو أنا ما بتفق معاك إنتي و العوض في التحليل ده ، لانو المساله ما ظاهره معزوله عند بعض الناس ، القصه بقت كل الناس إلا ما رحم ربي .
يا ساره لو فتحتي أي بوست بيناقش أي قضيه و فيهو طرفين مختلفين في رأي ، حا تلقي خالتو الشتيمه قاعده و راكزه و ماليه البوست إلا ما رحم ربي ، البوستات الما فيها شتايم بكون أصلا ما فيها إختلاف رأي ! ما ممكن الناس دي كلها تكون إتربت علي جفاف القول ! في تقديري المساله أبعد من كده شويه !

يا صباح الورد يا داليا

Quote: المشكلة يا أمين على حسب قرايتي للحاصل أنو الناس بتتصافى ظاهريا وهي لسة محتقنة ..أو بترضخ لكلام الأجاويد من غير إقتناع حقيقي ..عشان كدة الإنفجار بيحصل في أي شي لاحق ..حتى لو ماكان موجه بشكل مباشر ..وببقى نوع من الملاحقات وتصدي لمشكلات ما بتخص الطرف المعني بس لأنو عندو إشكال مع "فلان " .. وبتكون على شاكلة فلان ده خليهو لي بأدبوا ليك ..ويرجعوا الناس من حيث بدأو .. في إعادة تدوير للمشاكل بين أطراف بعينهم ..والغالب بيكون أسبابا الحرب بالوكالة إن جاز التعبير ..

كلامك سليم جدا يا داليا و تعرفي في نوع من المشاكل مافي زول بيفهم سببها غير (المشتوم ) إن جاز التعبير و ده لانو بكون في زول (صاريها) ليك من مشكله قديمه إنت تكون افتكرت إنها إنتهت و هي بس إتأجلت في إنتظار (دقسه ) منك !
لكن دي ما لب المشكله - في تقديري - في نوع من استسهال و إسترخاص الإساءه للناس بصوره غير مسبوقه تصل لحد البهتان بالواضح الما فاضح !
نسال الله السلامه و الستر لانو كان مافي زول شتمك هنا ، تاني ما أظن تتشتمي طول حياتك !

اولا شكرا اختي سارة علي تدعيم وجهة نظري بالتاكيد عليها ,,
ثانيا القول بالغالبية فيه ظلم واجحاف بحق الوريفين وكثير من المثقفين ...
القول بان من شب علي شاب عليه ,, او كما قيل ...

Quote: البوستات الما فيها شتايم بكون أصلا ما فيها إختلاف رأي ! ما ممكن الناس دي كلها تكون إتربت علي جفاف القول ! في تقديري المساله أبعد من كده شويه !

ارجع ليك تانى يا امين بأنو الانسان أبن بيئتو(ماعارفه كتابته كده صاح ) ودى حقيقة

وزيد عليها أغلب السودانين بحبو المحاكاة انت عملته كده انا اعمل زيك والامثلة

كتيرة ..

تخريمة ...

هناك فرق بين الرجل والرجولة وقس على ذلك مواقف الرجال من الشتم والسب والاهانة ...





.....

اراك يا امين نسبت الامر لجينات الشعب السوداني !!
ليس الامر كما تظن لان الكثيرين يكتبون هنا وهم في الواقع اظرف والطف مما تظن ..
ولكن تعود البعض علي الصراخ والكواريك بالصوت العالي فصاروا لايكتبون الا بهذا الصوت ,,
اما عن قولك الكثيرين في اختلاف وجهة نظرهم تسمع كلام يحيرك فان الكثيرين ايضا يسامحون من اساء اليهم ...
في راي ان قبول الراي الاخر يحتاج لمحو امية سياسية اولا ومن ثم محو امية فكرية ثانيا , ومن بعد ذلك نصل لما نريد بلا رفع صوت او شتم ...

الاخ محمد الحسن تحياتي
اخي اعتراضي ليس لان وصف الانسان بالحيوان غير موجود في المنبر وانما اعتراضي
علي ان هذا الوصف وان ورد وتكرر في عناوين او مداخلات ليس هو ادب هذا المنبر وليس غالبا
علي غيره من المواضيع حتي يعرف بانه ادب المنبر ,,,

Quote: اراك يا امين نسبت الامر لجينات الشعب السوداني !! ليس الامر كما تظن لان الكثيرين يكتبون هنا وهم في الواقع اظرف والطف مما تظن .. ولكن تعود البعض علي الصراخ والكواريك بالصوت العالي فصاروا لايكتبون الا بهذا الصوت ,, اما عن قولك الكثيرين في اختلاف وجهة نظرهم تسمع كلام يحيرك فان الكثيرين ايضا يسامحون من اساء اليهم ... في راي ان قبول الراي الاخر يحتاج لمحو امية سياسية اولا ومن ثم محو امية فكرية ثانيا , ومن بعد ذلك نصل لما نريد بلا رفع صوت او شتم ...

الجينات يا العوض ما مقصوده حرفيا في الكلام ، مقصود بيها واحده من الحاجات المشتركه بينا كشعب . نحن يا العوض ما بنستحمل إختلاف الاراء ، عشان كده الشتايم و الإساءات بتطلع مع أول خلاف في الرأي .
كون الكثير ممن يكتب هنا الطف و اظرف في الحقيقه يعضد وجهة نظري في إنو الشتايم الهنا دي ناتجه من إختلاف الرأي لانو هنا مافي حاجه غير مناقشة أراء ، في حين إنو الواقع أبعد كتير جدا و تحديدا في لقاءات البورداب اللي معظمها بيكون ذات طابع إجتماعي و ليس حواري و بالتالي مافي خلاف أراء ولا شتايم .
عجبني جدا كلامك (ان قبول الراي الاخر يحتاج لمحو امية سياسية اولا ومن ثم محو امية فكرية ثانيا ) لانو فعلا هذا ما نحتاجه و لو البوست ده طلعنا منو بالكلام ده بس لكفى !

Quote: يقولون أبعد من الشر و غنى له

أخونا الطيب
المشكله الشر ده كان بعدت منو برضو ما بخليك ...

سلام يا خال ..
حاقول ليك كلام كتييييييير و اتفلسف ليك لكن عاوز اديك ملخص الحاقولو :
الجمل ما بيشوف عوجة رقبتو.

اجيك للفلسفة :
المشكلة تكمن يا خال في جيناتنا كما قلت لكن من منظور أننا نمتلك الحقيقة المطلقة أضف اليها العقلية التبريرية للذات الطبيعية لدى كل انسان.
فحين اصف شخصا انه تافه يعتبرها هو شتيمة بينما أرى أنها وصف دقيق لحالته.
و ربما استميت في تأكيد ذلك.
دعني اضرب مثال شخصي.
مرة قلت لزميل كلمة فهمها هو انها شتم له بتوصيف حيوان معين. و كنت و مازلت ارى اني لم اشتمه بوصف الحيوان انما اغلظت له في تشبيه النجاسة.
للأمانة لامني اصدقاء و عدوها مني شتيمة .. و تفهمها اخرون من وجهة نظري.
الشاهد أني اقدمت على ما يمكن أن يعد شتيمة .. لكن التبريرية و امتلاك الحقيقة المطلقة مهما جهدت في تنقية الذات منها تلحقني في موقفي هذا.
و حين أقول عن شخص انه كلب فاني اعتقد ان ذلك مبرر لأنه دكتاتور و ظالم و والغ في الدماء.
حين اكتب قائلا :
عمر البشير الكلب الواطي.
لو قلت لي عيب سأسألك : ما رأيك في جرائم الانقاذ ؟
كأن جرائم الانقاذ مبرر لوصف البشير بالكلب و الواطي.
أليس التوصيف الدقيق أنه ظالم أو مجرم ؟
فلماذا كلب و واطي ؟

دعني اخرج من هذا الى جدوى الشتم.
نفتح موضوعا عن شئ ما .. فلنقل موضوع حلايب ..
و لنتفق جدلا أن نقد أخطأ خطأ جسيما ..
فما هي الفائدة التي تعود علينا من نقاش خطأ نقد باسلوب :
نقد الجبان .. نقد الضلالي .. نقد الرعديد .. نقد الذي باع نفسه .. الخ

من هذا دعني اخرج معك ايضا الى ما يضايقني ..
نحن ننتظر فقط بكري ليفعل لنا لوائحه .. بينما نحن نساعد كسر اللوائح في الشتم و نيسر للشاتم الطريق.
حين افتح اشتم احدهم في بوست و يهاجمني احد يقف معي من يتبنون رؤيتي الكلية مدافعين بغض النظر عن الخطأ الذي نحن بصدده.
ثم اذا خرجت و فتحت بوستا عن الكرة تنادي لي الناس من كل صوب كأني لم اشتم منذ لحظة. و يتعامون عن غلطتي بكل أريحية و طيب خاطر.
لماذا لا نحاذر و نتنكب عن من يشتم و يفحش ؟
هل هو نفاق منا ام ضعف ؟

سلام مبذول للجميع

سؤالك ده الاجابة عليهو لا

للاسف ما حتقيف الشتيمة في المبنر ده ولا بين السودانين عارف ليه لانو نحن كسودانيين ما بنقبل نخسر بنحب نكون فايزين على طول يعني مثلا تدخل في نقاش مع واحد حول راى معين تقوم تدحض حجته بحجة مقنعة يقوم يتحول لعدو ليك ويترصدك واول ما يلقى فرصة بفك اخرو

للاسف لم نربي على تقبل الراى الاخر باعتبارو راي لا اكثر ولا اقل لما التعليم عندنا يدرس تلامذة الابتدائي ابجديات الحوار وكيف انو يمكن اكسب باللسان اكتر من اليد والشتائم ممكن تتغير الاجابة على سؤالك اعلاه

لما مدرب الفريق المغلوب يمشي من نفسو يهني مدرب الفريق الفائز ممكن نقول ليك اجابة مختلفة
ممكن لما نتعلم ممكن نعرف معنى الاية (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34). ونعمل بقتضاها مش نصلي بيها بس ممكن يكون في امل في انك تجد اجابة مختلفة على سؤالك ولحد الوكت داك يجي خلى بطانيتك تقيلة وجلدك تخين واستعد لربعين قادمين عصيبات واشير هنا للانتخابات اللي حتكون في ابريل للاشارة انو اغلب الشتيمة الفي المنبر بتكون لاسباب اختلاف سياسي

Quote: ياخي كمية الشتايم القريتها في سودانيزأونلاين دي في الثانوي العالي ما سمعته

ا

كيفك يا أمين
طبعا فطيت الأسطوانة المشهورة فى السايبر* لإنى مابحبها

يا أمين إنت فى الثانوى العالى يظهر ماقاعد تدخل (المستراحات) بتاعة المدرسة..
والمستراح (طال علمك) مكان للراحة التامة ..
وهذه الراحة تاج على رؤوس الأصحاء لا يراه إلا العندهم حبس بول..

فالراحة ياسيد أمين خشم بيوت وكل زول برتاح حسب حاله بما فى ذلك هواية الكتابة مادام لاتوجد كمرات داخل المستراح..
المهمة الأولى نحاول نرسخ مفهوم أن هذا السايبر صالون وليس مستراح, فإذا وصلنا لهذا الإنجاز الباقى كله هين.

* يقولون: هذه أول مرة أتداخل معاك.

اخ امين
ضيق الصدر بقبول الاخر يعكس خلل كبير في البنية العقلية لمعظمنا لذلك اصبحنا الان اكثر دول القارة الافريقية استهلاكا للاسلحة لان اول من نختلف علي قضية او مع فرد لا تبحث عن منصة للحوار وانما نحبث عن غابة وكلاشنكوف للقتال..
.نحن شعب لا نجيد الاستماع للاخر وان استمعنا لن نفهم بعضنا البعض و قبول الرأي الاخر يعد هزيمة وبيع وطابور خامس...
واحسب ان كثرة الشتائم انما تعكس حالة الافلاس والخواء الفكري ...
ومن ثم ضعف الشخص من مقارعة الحجة بالحجة..فالقبة الجوفاء لا ترد الا الصدي..

الاخ أمين سليمان

ياخي ما ممكن تكون بتدعو للديمقراطيه و التعدديه الحزبيه و إنت ما قادر تستحمل ليك زول مخالفك في رأي !!

كدا انتا لخصتا الحايص لي كلو

كدي نبدا بي السمح كزملاء اولا بدون نستعمل زخيرة الشتائم

واهو نعلن هدنة لما وراء الارشفة و بدون دا كدا ودا كدا و نخلي الاستهداف الشخصي و نركز في جوهر

الموضوع .. لانو الشتيمة اسلوب العاجز و الكلام صفت المتكلم.

لانو لو في زول غضبان و انتا قلتا ليهو مثلا صلي علي النبي (صلي الله عليه و سلم ) و ما صلي

أنا بفتكر انتا بتشاركو في الذنب وانتا أحتمال تكون بتضرب تحت الحزام و بتوصلو للحتة دي

قاصد و لا ما قاصد .. ليه تصل حد النبز .. و كمان في منبر عام .. يبقي تاني بتدافع عن شنو ؟؟

و لا كيف يا أخوانا؟؟؟

حمور يا حبيبنا سلام

Quote: المشكلة تكمن يا خال في جيناتنا كما قلت لكن من منظور أننا نمتلك الحقيقة المطلقة أضف اليها العقلية التبريرية للذات الطبيعية لدى كل انسان. فحين اصف شخصا انه تافه يعتبرها هو شتيمة بينما أرى أنها وصف دقيق لحالته. و ربما استميت في تأكيد ذلك.

أها ده بالظبط الحاصل و الذ حاجه إنو ده رد معظم الناس البتشتم : إنو أنا بوصف في حاله و دي ما شتيمه ! مافي زول هنا يا حمور ما عارف الفرق بين الكلام و الشتيمه ، لكن ممكن يتغابو العرفه ! و أحسن و أكرم تشتم ليك زول عديل بدل ما تبرر شتايمك بإنها ما شتيمه !

Quote: نحن ننتظر فقط بكري ليفعل لنا لوائحه .. بينما نحن نساعد كسر اللوائح في الشتم و نيسر للشاتم الطريق.

كلام سليم ، بكري ما حا يقدر يفعل اللوائح إذا كان المنبر كلو - إلا ما رحم ربي - بيشتم عند أول إختلاف للرأي . الأعضاء هنا يفترض فيهم الوعي بما يكتبون ، لكني لا أبرؤه بإعتبر إنو هو من قرر هذه اللوائح و جمدها كمنظر و تبقي اللوائح الحقيقيه البتحكم الناس في هذا المكان هو مزاج بكري و رؤيتو الشخصيه لما يحدث .

Quote: لماذا لا نحاذر و نتنكب عن من يشتم و يفحش ؟ هل هو نفاق منا ام ضعف ؟

نحاذر دي ، في ناس كتار بيعملوها لكن نتنكب دي في معظم الأحوال بتجيب ليك كركبه إنت في غني عنها لانو غير الشتيمه ذاتها ما بتجيب ليك شي .

Quote: نتنكب

يا خال ..
نتنكب دي يعني نزح منو و نفارق طريقه.
يعني نقاطعو يا خال .. ما تحرجنا.

Quote: يعني نقاطعو يا خال .. ما تحرجنا.

غايتو أنا لو كنت خالك كنت جبت الكرباج هههه

دى ما الحاجات البتجيب الشتيمة ذااااااااتا بالذات لو كان المتداخل مين كدا التلب.

محمد يا إبراهيم سلام

Quote: للاسف ما حتقيف الشتيمة في المبنر ده ولا بين السودانين عارف ليه لانو نحن كسودانيين ما بنقبل نخسر بنحب نكون فايزين على طول يعني مثلا تدخل في نقاش مع واحد حول راى معين تقوم تدحض حجته بحجة مقنعة يقوم يتحول لعدو ليك ويترصدك واول ما يلقى فرصة بفك اخرو للاسف لم نربي على تقبل الراى الاخر باعتبارو راي لا اكثر ولا اقل لما التعليم عندنا يدرس تلامذة الابتدائي ابجديات الحوار وكيف انو يمكن اكسب باللسان اكتر من اليد والشتائم ممكن تتغير الاجابة على سؤالك اعلاه

ياخي كتر خيرك و إنت بتضع إصبعك في موضع الجرح .
متفق معاك تماما فيما ذكرت : نحن - كشعب - ما مربين علي الاختلاف في الرأي عشان كده بناخدو بشكل شخصي و بالتالي نبرر لنفسنا الشتايم ..

Quote: اغلب الشتيمة الفي المنبر بتكون لاسباب اختلاف سياسي

و ده يا محمد المحزن أكتر في الموضوع ، الناس الطارحه نفسها سياسيين هم فعلا أكتر الناس بذلا للشتايم في حين إنهم مفروض يكونو قدوه للناس و أمل في غد مشرق يتفق فيه الناس و يختلفون بصوره حضاريه .

Quote: غايتو أنا لو كنت خالك كنت جبت الكرباج هههه

والله يا بله الكرباج ذاتو شويه عليه !

Quote: دى ما الحاجات البتجيب الشتيمة ذااااااااتا بالذات لو كان المتداخل مين كدا التلب.

و الله مين كده التلب ما كان خاتي عليه كلو كلو !

Quote: الناس دي ما بتعرف تتناقش بلا شتايم ؟!

لاااا,,,مابتعرف,,,,
اى زول بيشتم او يتعرض لزول تانى بالاساءة,,سواء كانت الاساءة دى للشخص,,اسرتو,,,,تاريخو,,,قبيلتو,,,دينو,,وظيفتو,,,تعليمو,,
حسب وجهة نظرى ,,,, الشخص الشاتم يعانى من خلل نفسي فى تركبيتو هو بكون بعانى من نفس الاشياء البشتم بيها(اى يمارس الاسقاط)* ,,,,
وممكن يكون مصاب بعقدة النقص (Inferiority complex )*اوالانفصام(Schizophrenia )*,,,,,
وفى الحالة دى مقابلة اخصائى نفسى هى الحل ,,,,

اقسم بالله العظيم النبذ القريتو هنا من الله خلقنى لاسمعتو لا شفتو ولا بقدر ارددو حتى مع نفسى





___________________________________________
هو واحدة من الحيل الدفاعية هو أن ينسب الشخص إلى غيره من الناس دفعاته غير المقبولة ويعزو الليهم رغباته الكريهة
وعيوبه ويلحق بهم أفكاره التى تسبب له الألم وتثير لديه مشاعر الذنب
______________________________________________
شعور الفرد بوجود عيب فيه يُشعره بالضيق والتوتر ونقص في شخصيته مقارنة بالآخرين، مما يدفعه بالتعويض لهذا النقص بشتى طرق
_____________________________________________
مرض الانفصام هو مرض عقلي يتميز بمجموعة من الأمراض النفسية والعقلية مثل الهلوسة والاضطراب بالتفكير ، وتؤدي هذه الأعراض إن لم تعالج في بدء الأمر إلى اضطراب وتدهور في الشخصية والسلوك هذا بشكل علمي بحت أما تعريف الانفصام بشكل مختصر فهو أن تفعل فعل ما ثم تأتي بنقيضه تمام

Quote: و الله مين كده التلب ما كان خاتي عليه كلو كلو !

يا الكائن الخالي ..
ارجع لموضوع شتايمك يكون أحسن.



ـــــــــــ
اتمنى يجيك صديق بجاي عشان تآمن.

Quote: شكلها حاجه جينيه فينا كشعب ما بيستحمل رأي مخالف .

دى بقى ما بتفق معاك فيها,,,,

قبل فترة كانت فى دراسة حول الخيانة الزوجية نشرت على صفحات سودانيز اونلاين
وكان ملخص الدراسة انو الخيانة بالنسبة للرجال موجودة فى جيانتهم..وكان ردى عايرة وادوها صوت,,,,,,

يعنى مسالة الجينات دى بتبرر لمزيد من الانتهاك وليس على المريض حرج بقى,,

اظن القول جينية ده نوع من التقريب يا أميرة.
ممكن نقول للدقة الأكثر :
طبيعة مجتمعية يتم تلقينها و تناولها في الوجدان الجمعي للشعب السوداني.

Quote: اظن القول جينية ده نوع من التقريب يا أميرة. ممكن نقول للدقة الأكثر : طبيعة مجتمعية يتم تلقينها و تناولها في الوجدان الجمعي للشعب السوداني.

حمور,,,سلام وكيفك?,,,عساك طيب,,

شكرا للتوضيح,,,
تعرف مشكلتى دائما متفائلة وابحث عن الحلول لمثل هذه المشاكل ونظرتى ليها بتكون من منظور نفسي فى اغلب الاحايين,,,
لذلك عندما نرجع شئ ما للجينات تصبح الحلول اكثر تعقيدا,,,ويضعنا فى موقف العاجز ,,,

كدى شوفو لينا حاجة غير الجينات دى انت وخالك,,,


تحياتى ,,,

سلام يا بله

Quote: فالراحة ياسيد أمين خشم بيوت وكل زول برتاح حسب حاله بما فى ذلك هواية الكتابة مادام لاتوجد كمرات داخل المستراح.. المهمة الأولى نحاول نرسخ مفهوم أن هذا السايبر صالون وليس مستراح, فإذا وصلنا لهذا الإنجاز الباقى كله هين.

تعرف يا دكتور كان دايرين نقنع الناس دي إنو نحن بنكتب في موقع بشوفو مئات الآلف ما في حيطة حمام ( بلا كميرات كمان ) معناتها نحن Mentally retarded ما محتاجين نصايح ، محتاجين علاج رسمي و شعبي !

Quote: ضيق الصدر بقبول الاخر يعكس خلل كبير في البنية العقلية لمعظمنا لذلك اصبحنا الان اكثر دول القارة الافريقية استهلاكا للاسلحة لان اول من نختلف علي قضية او مع فرد لا تبحث عن منصة للحوار وانما نحبث عن غابة وكلاشنكوف للقتال.. .نحن شعب لا نجيد الاستماع للاخر وان استمعنا لن نفهم بعضنا البعض و قبول الرأي الاخر يعد هزيمة وبيع وطابور خامس... واحسب ان كثرة الشتائم انما تعكس حالة الافلاس والخواء الفكري ... ومن ثم ضعف الشخص من مقارعة الحجة بالحجة..فالقبة الجوفاء لا ترد الا الصدي..

الهادي يا حبيب سلام
ياخي ده والله كلامك كلو صحيح و مؤلم كألم الحقيقه !
الحوار الممزوج بالشتايم و إن شئت قلت الشتايم الممزوجه بالحوار ما ممكن توصل لأي نتيجه مثلها و مثل حوار الطرشان ، لانو مافي زول عندو رغبه أصلا عشان يسمع رأي زول تاني ، خليك من إنو يعقلو ولا يستفيد منو .

Quote: كدي نبدا بي السمح كزملاء اولا بدون نستعمل زخيرة الشتائم واهو نعلن هدنة لما وراء الارشفة و بدون دا كدا ودا كدا و نخلي الاستهداف الشخصي و نركز في جوهر الموضوع .. لانو الشتيمة اسلوب العاجز و الكلام صفت المتكلم. لانو لو في زول غضبان و انتا قلتا ليهو مثلا صلي علي النبي (صلي الله عليه و سلم ) و ما صلي أنا بفتكر انتا بتشاركو في الذنب وانتا أحتمال تكون بتضرب تحت الحزام و بتوصلو للحتة دي قاصد و لا ما قاصد .. ليه تصل حد النبز .. و كمان في منبر عام .. يبقي تاني بتدافع عن شنو ؟؟ و لا كيف يا أخوانا؟؟؟

محمد الفاتح يا حبيب ، سلام
كلامك ده كلو صاح لو الناس دي شايفه إنها بتعمل في حاجه غلط !
الشتيمه في المنبر ده مقننه و مؤسسه و مبذوله بتبريراتها ، اعتدنا عليها حتي صارت (عادي بالزبادي ) . و في كميه من الأعضاء هنا ، لو مداخلاتهم ما مليانة شتايم ، إنت ذاتك تستغرب !
و لحدي ما الناس - كل الناس - تقتنع إنو الشتايم ما مرادفه للحوار بل معوقه له ، ما حا يكون في هدنه و وقف للاستهداف الشخصي والقصه دي حا تستمر إلي أن يرث الله الأرض و من عليها !

Quote: اى زول بيشتم او يتعرض لزول تانى بالاساءة,,سواء كانت الاساءة دى للشخص,,اسرتو,,,,تاريخو,,,قبيلتو,,,دينو,,وظيفتو,,,تعليمو,, حسب وجهة نظرى ,,,, الشخص الشاتم يعانى من خلل نفسي فى تركبيتو هو بكون بعانى من نفس الاشياء البشتم بيها(اى يمارس الاسقاط)* ,,,, وممكن يكون مصاب بعقدة النقص (Inferiority complex )*اوالانفصام(Schizophrenia )*,,,,, وفى الحالة دى مقابلة اخصائى نفسى هى الحل ,,,, اقسم بالله العظيم النبذ القريتو هنا من الله خلقنى لاسمعتو لا شفتو ولا بقدر ارددو حتى مع نفسى ___________________________________________ هو واحدة من الحيل الدفاعية هو أن ينسب الشخص إلى غيره من الناس دفعاته غير المقبولة ويعزو الليهم رغباته الكريهة وعيوبه ويلحق بهم أفكاره التى تسبب له الألم وتثير لديه مشاعر الذنب ______________________________________________ شعور الفرد بوجود عيب فيه يُشعره بالضيق والتوتر ونقص في شخصيته مقارنة بالآخرين، مما يدفعه بالتعويض لهذا النقص بشتى طرق _____________________________________________ مرض الانفصام هو مرض عقلي يتميز بمجموعة من الأمراض النفسية والعقلية مثل الهلوسة والاضطراب بالتفكير ، وتؤدي هذه الأعراض إن لم تعالج في بدء الأمر إلى اضطراب وتدهور في الشخصية والسلوك هذا بشكل علمي بحت أما تعريف الانفصام بشكل مختصر فهو أن تفعل فعل ما ثم تأتي بنقيضه تمام

سبحان من جعلني أتفق مع أميره الشيخ في كل حرف و كلمه و نقطه و شوله و سطر جديد !

تعرف يا أخي أمين...

ده هي مشكلتنا.. وأقل ما توصف به فجور في الخصومة...

والمشكلة لو واحد فتح موضوع فيه رؤية أنت وقفت على النقيض منها...

يا ويلك وسواد ليلك....والمسألة ربما تجر وتتشظى الشتيمة...

وتصل لأهلك وحلتك ونخرتك المعووجة و رقبتك السمينة.. وأوصاف

ما أنزل الله بها من سلطان... والبشتمك ده لو لاقاك في الشارع

ما بيعرفك... أكان جاريتهم وقعت في المحظور.. وكان أتقيت الله

وسكت أنت نعجة جبانة.. والله غايتو الشتيمة دي وحدها ما بنعرفها..

عشان كده تركنا المواضيع البجيب لينا الهواء.. خير شر...

وفي النهاية سؤالك ده ... أديني فيهو إحتمالات...

لأنو غلبني زيك...

تحياتي

السيد امين

البكان دا من جيتو شايف الشتايم مدورة

الليلة اول مرة اتشتم من واحد كدا عامل

فيها (شفت). !!

المهم انا استغربتا في روحي

لانو ما حصل اتشتمتا بي شتائم

زي دي طول عمري

برغم انني لم ارتكتب أي شئ

سوى مخالفة رأي سائد !!


وصلتا لي قناعة بسيطة

ليسمع الناس لك هنا

لابد أن تكون شاتماً بذيئاً

ولربما يعتمد (البعض)

سياسة الشتم كوسيلة

لتخويف و (إسكات) المعارضين لك

في الرأي ، لأن خصمك في الرأي

أمامه أحد حلين أحلاهما مر

إما أن يرد على شتيمتك بشتيمة

مثلها و (قلة الأدب ساهلة)

أو أن يصمت و يترفع عن الشتم

ويكون في هذه الحالة جبان و خواف

و (حميل ساكت) ، و هي امتداد لثقافة

الشارع السوداني و اولاد الحلة المراهقين

القاعدين في المصطبة القدام الدكان

أشتم تكون رجلاً ناضجاً


في تقديري البسيط أن ثقافة (الشتم)

في (البورد) هي تيار سائد لا مفر منه

و هي سمة لا تنفصل عن المجتمع السوداني

ككل فهو مجتمع قائم على العنتريات الوهمية

و سلطة فزاعات الطيور.


هناك نقطة أخرى جديرة بالإنتباه

أنه لا احد سيجرؤ على شتم الآخر لو كان

يقابله وجهاً لوجه في المجتمع الطبيعي

إن فكرة الإختباء خلف شاشة و توجيه

الشتائم عن طريق كيبورد مغرية

لأن الجبن يكبت مكنونات ردود الفعل

الناتجة عن التعصب و صعوبة قبول الإختلاف

في الرأي.


شكراً لك الموضوع دا فشا لي غبينة

لك ودي

_____________

أتمنى ان يسير موضوعك بدون شتم

Quote: تعرف يا دكتور كان دايرين نقنع الناس دي إنو نحن بنكتب في موقع بشوفو مئات الآلف ما في حيطة حمام ( بلا كميرات كمان ) معناتها نحن Mentally retarded ما محتاجين نصايح ، محتاجين علاج رسمي و شعبي !

يا أمين ياخوى مالك عايز تضطرنى أشتمك (شد التاء)..
المفروض ما تختلف معاى وكمان تلمح لى بأنى متخلف عقليا..
دا نموذج وأهم شئ كلمة تضطرنى دى (يعنى الود عامل فيها مابشتم)..

خلينا فى الجد:
يخيل لى مشكلتنا أننا معانا فى المنبر ناس أكبر مننا سنا بعلمونا الألفاظ الماكويسة..
يعنى مثالا لا حصرا واحد من حفروا البحر يعلمك السمرقع أو واحد تانى يقول ليك سليديع...الخ الخ.

Quote: يا أمين ياخوى مالك عايز تضطرنى أشتمك (شد التاء).. المفروض ما تختلف معاى وكمان تلمح لى بأنى متخلف عقليا.. دا نموذج وأهم شئ كلمة تضطرنى دى (يعنى الود عامل فيها مابشتم)..

تعرف يا دكتور ده مثل جميل جدا لواحد من اسباب الشتايم هنا ، يجي زول ما يفهم كلامك و ينداح فيك طوالي ، ده كمان فلم براو !

Quote: يخيل لى مشكلتنا أننا معانا فى المنبر ناس أكبر مننا سنا بعلمونا الألفاظ الماكويسة.. يعنى مثالا لا حصرا واحد من حفروا البحر يعلمك السمرقع أو واحد تانى يقول ليك سليديع...الخ الخ.

والله يا دكتور لو دي الشتايم هنا ، مرحبتين حبابا !
بخصوص الناس الأكبر مننا هنا ، أنا زمان اقترحت لبكري يعمل منبر يسميهو (مسنين أونلاين) يحول فيهو أي زول عمرو أكبر من 43 سنه ..

بس أنا عندي رؤية ثانية للموضوع...

طبعا زي ما عارفين علماء الإجتماع بيقولوا الإنسان أبن بيئته...

طيب.. كدي نرجع للتربية.. ومفردات التأديب والتقريع المستخدمة...

كل أصناف الحيوانات يخلعها الآباء على إبنائهم ساعات الغضب...

والمصيبة إنو بعض عبارات الإستحسان تأتي في قالب شتيمة...

يعني يقول ليك: ده إبن كلب... يعني ذكي أو حريف أو أو..

عشان كده إذا كان الآباء بيشتموا أولادهم عمال على بطال...

تخترن كل تلك الشتائم وتصبح عادية...والواحد يشتم زي

السلام عليكم إلا من رحم ربي...

تحياتي

Quote: تعرف مشكلتى دائما متفائلة وابحث عن الحلول لمثل هذه المشاكل ونظرتى ليها بتكون من منظور نفسي فى اغلب الاحايين,,, لذلك عندما نرجع شئ ما للجينات تصبح الحلول اكثر تعقيدا,,,ويضعنا فى موقف العاجز ,,, كدى شوفو لينا حاجة غير الجينات دى انت وخالك,,,

تعرفي يا أميره الحل الواقعي الشايفو أنا مفروض يجي من الإداره ( كلمة الإداره هنا حنك ساي بإعتبار إنو سيدنا بكري - قدس الله سره - هو الاداره و الإداره هو ) : مفروض تشتم تاخد إنذار ، تكررها تمشي بيتكم ! الناس البتشتم دي كلها بتخاف ما بتختشي و لا بتحترم نفسها ، ما عندها الوازع البخليها توقف من نفسها !
موضوع الجينات دي شرحو ليك الود أب صلعه و لابس نضارات فوق داك (طبيعة مجتمعية يتم تلقينها و تناولها في الوجدان الجمعي للشعب السوداني. ) !








----
بالله يا أميره ما تختلفي معاي في البوست ده ، ما بتصدقي أنا مبسوط كيف بالاتفاق و الذي أرجو أن يمتد لبوستات تانيه !

Quote: بالله يا أميره ما تختلفي معاي في البوست ده ، ما بتصدقي أنا مبسوط كيف بالاتفاق و الذي أرجو أن يمتد لبوستات تانيه !

امين ياخ ما تلخبت الكيمان كلو شئ بدربو,,,,,

كدى بسئ لى ياخ,,

لك التحية أخي أمين محمد سليمان
وقد يكون الشتم ضمناً أو مباشراً
أو تشبيهاً .
تابع ما تناوله في هذا الشأن على
هذا الرابط
نداء لبعض أعضاء المنبر انتبهوا لما تكتبون , فالقلم أبقى أثراً .]

Quote: لماذا لا نحاذر و نتنكب عن من يشتم و يفحش ؟ هل هو نفاق منا ام ضعف ؟

الاتنين

و الزيادة و الاسوأ اننا سودانين خالص
متسامحين مع البلغينا ذاتو !!

لكن ليه نحاذر و نتنكب ؟ اذا فهم منها إيثار السلامة ، كدا دا ما الضعف ذاتو يا حمور ! تكون حرضت عليهو في السطر الاول ، و رجعت تسأل عنو ؟
اما اذا بتصدر عن دعوة لموقف حازم و صارم ، فكدا ح يتسق الكلام ، وعلى كل واحد يأخد نفسو بحزم كافي للإجابة على سؤالك الاخير .

بمناسبة تنكب دي ، انا و الله زي الخال دا واحد . . الكلمة دي جهجهتني خالص . مرات بتستخدم بمعنى إتباع عديل ، و من ناس من الوزن الثقيل في الادب و اللغة كمان ! . . و مرة زميل بوردابي - إمكن هو الاوحى و قرب لي المعنى دا - قال لي تنكبت الطريق في بوست ليهو - فهمتها زي ما شرحتها انت اسي دي ، من وقعها بتديك الاحسس دا - اها و لما حردت ليهو بوستيهو ، اقنعني انو ح يطلعا لي من المعاجم بمعنى " مسكت الدرب مظبوط " !! وانا المؤمن لي يوم الليلة راجيهو ، شفت دقسني كيف ؟ و لم يفعل بالطبع . .


ياخ بمناسبة الحوار الراقي و احترام المحاورين كدي تابع معاي من هنا كتب غريبة و فريدة في التراث الإسلامي

Quote: Quote: ومن المغاربة المتأخرين الذين ساروا في طريق العلامة عبد الصمد بن عبد الله باكثير الحضرمي في الصناعة الشعرية المعقدة الشاعر محمد بن إبراهيم المراكشي الملقب بشاعر الحمراء حيث نظم قصيدة على شكل رقعة الشطرنج تقرأ من جميع الجهات، وهذا الصنيع وإن ظهرت فيه مقدرته اللغوية غير أن فيه تمحلا واعتساف وتنكبا لسبيل الشعر المؤثر الجميل. Quote: بارك الله فيكك ، يا شيخنا الإلغي ، لا حرمنا الله فوائدكم . قولكم :[ وتنكباً لسبيل الشعر المؤثر الجميل.] تنكب الشيء اتباعه ، فتقول تنكبت الطريق إذا اتبعته . و الأصح أن يقال : ( تنكباً عن سبيل الشعر ) لأن التنكب عن الشيء اجتنابه . و لعلكم و مشائخنا اللغويون في الملتقى تتحققون من هذا التفريق ، و تفيدوننا في هذا المعتى . محمد المبارك01-11-06, 04:29 AM Quote: أبو عيسى الإلغي02-11-06, 10:22 AM الحمد لله رب العالمين يقال تنكب الشيء أو الخطر تحاشاه راجع القاموس المحيط، والتنكب التجنب وتنكب الطريق المعوج تجنبه، وفي لسان العرب: تَنَكَّبَه أَي تَجَنَّبَه. ونَكَّبَه الطريقَ، ونَكَّبَ به: عَدَلَ. وطريقٌ يَنْكُوبٌ: على غير قَصْدٍ. والنَّكَبُ، بالتحريك: الـمَيل في الشيء. والله أعلم

-----------

اصبت كبد الحقيقة و من قولة تيت و في استهلال مداخلتك يا حمور . . اسي شوف عمك ( الإلغي ) بعد ( القاموس المحيط ) و ( لسان العرب ) و بعد دا كووووووولو شوفو ختم بشنو ؟ و ما قال لـ ( محاورو ) يا جهلول يا صفتك و يا نعتك !!

الله في

تحياتي لك و للخال ( المحرج )

يا امين الحكاية كلها انو الناس هنا في معظمهم منصبين نفسهم حراس على العقيدة و الوطنية
و المرؤة و الشهامة و الخ و بيعتقدوا انو ده من ضرورات تواجدهم هنا . القصة دي لما تضيف
ليها ارث تليد من عدم احترام الاختلاف , مش بس عدم احترام الاختلاف في الحقيقة عدم الاعتراف
بالاختلاف .اذ لا يحق لسوداني في هذا الاطار أن يحيد حتى و لو قيد انملة عن المتعارف عليه
بين افراد الامة الافتراضية التي اسس لها هؤلاء في خيالهم..الحاجتين ديل مع بعض هم اهم دوافع
الشتم و الحط من قدر الآخر المختلف هنا في هذا المكان الاسفيري .
النجيضة يا قول ود الصايم امش في طريقك و البيشتمك اشتمه دبل .

مجرد مقترحات

امين,,,,

قبل كدا بدينا هنا والبوست دا كان ايام قبل الارشفة وماكملنا زى بوستيك دا برضو حيمشى بعد كم يوم الارشيف,,,

Quote: الحاصل دا ما جا ساى كدا ولا من فراغ اكيد فى اسباب قوية خلتنا نجرى ونسك الضحك والونسة اها ابدا ليك ... اولا المنبر دا بقى بخوف لانو مافى حوار فيهو مشى لقدام بسبب المهاترات والغباين والمساككة فى الفارغة والمليانة .. الاساءة على قفا من يشيل ومن طرف وبتصلك فى اى وقت وفى اى مكان حتى لوكنت موضوعى وعلى حق دا خلو جزء كبير من الناس تمشى وتسيب البورد وخلى ناس تانيين يعاينو من الشباك خوف من الفليق وناس تانيين ماشين جنب الحيطة ياقول انعام عبدالحفيظ ...... اها نبقى فى اهلك وناس بيتكم وجيرانكم وتاريخ اسرتك وشغلك من عدمو؟؟ الضحك والونسة لا بغلطن عليك ولا بجيبن ليك مشاكل ...شان كدا الناس فترت وزهجت من الفارغة والكلام الشين ..

Quote: حتعك فيها بكرة وبعد بكرة والبعدو ... تقيف كيف دا السؤال الماعندو اجابة ,,,,, لانو لائحة البورد صورية وماحلت يوم مشكلةاطلاقا بكرى لو وقف زول ما بنعرف اتوقف ليه ولا غلطو شنو ولا مالو ... نقعد نفتى ونفتى وكمان نطالب بكرى بانو يرجع الشخص الموقوف حتى لو غلطان غلط كبير وشنيع الاساءة ما بتقيف لو كومك كبير حتى لو غلطان مافى زول بقول ليك لا غلط لانو فى ناس بتجى بتفترسك وبتعملك كفتة .. يا لبدت ليك فى اقرب ملف وخلتك تلقط ورق الاساءة ما بتقيف لانها بقت العصاة الممكن تلوح بيها فى وش الاخر المختلف معاك الاساءة ما بتقيف طالما كل زول ملبد ليهو شوالات مسنجرات وعارف انو حيستخدمها يوم ما الاساءة ما بتقيف طالما كل زول مسيف ليهو كراتيين بتاعة كوتات لاخرين مختلف معاهم وممكن ينزل ليهم فى اى بوست ومن غير مناسبة .. الاساءة تقيف كيف ؟؟

ياخ النقل والكوبى بوست دا مابريدو اقرا براااك

Quote: اميرة ..اواصل ومن غير اعتذار كما يحلو لك.. القصة فى نظرى مرتبطة بالشخصية السودانية وبما ان هذا المنبر من حسن الحظ او من سوئه سودانى بحت فان التاثير نحو الايجاب عما هو عليه بعيد المنال وطويل السفر . ارجع واقول بان الشخصية السودانية التى توحى بالمسكنة او الشهامة او المروة تلبس قناعا سميكا ينكشف فجاة قتقلب لك ظهر المجن وتراها على حقيقتها , فالسودانى شرس متوحش يرميك بالاساءة والاقاويل الباطلة لو وقفت موقفا مغايرا او مخالفا حتى فى ابسط الحوارات . هى ثقافة استمدت من التنوع العرقى , القبلى والطائفى من اسوء جوانبه وليس كما عند الاخرين التنوع الثقافى مفخرة وانتاجية وتقدم ورقى لانه استغل استغلالا ايجابيا بعيدا عن النعرات والهمز واالمز واقصاء الاخر وما حال المنبر الا من حال البلد فنحن جزء من كل . الاساءة لن تقف هكذا كما يحلوا للبعض منا ان تقف لان التغيير الثقافى زمنه طويل ولابد له من تفعيلات لان التغيير لا ياتى من فراغ فنحن فى السودان لا نمتثل للنموذج الامثل فنتبعه بل نغوص فى الماضى وما حققناه من نجاحات مع العلم بان عوامل النجاح تلك قد لا تكون هى فى الحاضر او المستقبل ودعينى اعطيك مثالا والبلاد مقبلة على انتخابات هل تحسين بان هناك تغيير ما فى العملية الانتخابية ؟ هل قلد احدهم اوباما فى نهج التغيير ؟ اقول بان اندية ثقافية واجتماعية ناهيك عن بلد طبقت التجربة الاوبامية ( ان جاز لى التعبير ) فى انتخاباتها وكنت هناك شاهد عيان طبعا لا فى السودان ولا دول الخليج ...!!! فالاساءة لن تقف الى ان يشعر الانسان السودانى او الشخصية السودانية بالرضى النفسى والشجاعة المستمدة من تلك الرضالا تزعجها كلمة عابرة فيحتمى بجدار الانا او القبلية او المذهبية والى ما ذلك من اوهام عشعشت فى ادمغتها . تقف الاساءة عندما نسمو ونعلو فوق الطبقية ويكون الاحترام والاحترام المتبادل والمعرفة هو الديدن وتقف الاساءة عندما تعامل الناس كما تريد منهم ان يعاملوك وازيد هنا واقول اذا كانت المقولة الاولى هى الذهبية فان البلاتينيوم بان تعامل الناس كما يحبوا ان يتعاملوا الى ذلك الحين لابد من الصبر والعمل بل العمل والصبر

Quote: ده هي مشكلتنا.. وأقل ما توصف به فجور في الخصومة... والمشكلة لو واحد فتح موضوع فيه رؤية أنت وقفت على النقيض منها... يا ويلك وسواد ليلك....والمسألة ربما تجر وتتشظى الشتيمة... وتصل لأهلك وحلتك ونخرتك المعووجة و رقبتك السمينة.. وأوصاف ما أنزل الله بها من سلطان... والبشتمك ده لو لاقاك في الشارع ما بيعرفك... أكان جاريتهم وقعت في المحظور.. وكان أتقيت الله وسكت أنت نعجة جبانة.. والله غايتو الشتيمة دي وحدها ما بنعرفها.. عشان كده تركنا المواضيع البجيب لينا الهواء.. خير شر... وفي النهاية سؤالك ده ... أديني فيهو إحتمالات... لأنو غلبني زيك...

سلام يا كمال
كلامك كلو صاح والله ! إختلاف راي و من ثم فجور في الخصومه و ترصد مريب و النتيجه إنك تسمع كلام من ما الله خلقك ما تخيلت زول يقولو ليك .
سؤالي ده اتخيل لي لقيت ليه إجابه و هي إنو الناس دي بتعرف تتناقش بدون شتايم ، لكن لانها ما مسؤله (أمنت العقاب فساءت الأدب ) !

Quote: البكان دا من جيتو شايف الشتايم مدورة الليلة اول مرة اتشتم من واحد كدا عامل فيها (شفت). !! المهم انا استغربتا في روحي لانو ما حصل اتشتمتا بي شتائم زي دي طول عمري برغم انني لم ارتكتب أي شئ سوى مخالفة رأي سائد !!

حاتم يا صديق
البكان ده اتولد بشتايمو بدل بسنونو ، لانو نحن البنكتب فيهو سودانيين و عقلنا الجمعي و ثقافتنا لا تعرف معني الاختلاف ...
شفت مخالفة الرأي السايد دي من الموبقات السبعه هنا ! لكن ما أضيق الحياه لولا فسحة الأمل ، الناس العميقه ستظل تكتب بكل أدب و إحترام للنفس و للغير حتي يصبح هذا المكان صالحا للكتابه الادميه !

Quote: وصلتا لي قناعة بسيطة ليسمع الناس لك هنا لابد أن تكون شاتماً بذيئاً ولربما يعتمد (البعض) سياسة الشتم كوسيلة لتخويف و (إسكات) المعارضين لك في الرأي ، لأن خصمك في الرأي أمامه أحد حلين أحلاهما مر إما أن يرد على شتيمتك بشتيمة مثلها و (قلة الأدب ساهلة) أو أن يصمت و يترفع عن الشتم ويكون في هذه الحالة جبان و خواف و (حميل ساكت) ، و هي امتداد لثقافة الشارع السوداني و اولاد الحلة المراهقين القاعدين في المصطبة القدام الدكان أشتم تكون رجلاً ناضجاً في تقديري البسيط أن ثقافة (الشتم) في (البورد) هي تيار سائد لا مفر منه و هي سمة لا تنفصل عن المجتمع السوداني ككل فهو مجتمع قائم على العنتريات الوهمية و سلطة فزاعات الطيور. هناك نقطة أخرى جديرة بالإنتباه أنه لا احد سيجرؤ على شتم الآخر لو كان يقابله وجهاً لوجه في المجتمع الطبيعي إن فكرة الإختباء خلف شاشة و توجيه الشتائم عن طريق كيبورد مغرية لأن الجبن يكبت مكنونات ردود الفعل الناتجة عن التعصب و صعوبة قبول الإختلاف في الرأي. شكراً لك الموضوع دا فشا لي غبينة

أها هنا يا حاتم مختلف معاك !
فاهم كلامك و حسي بيه ، لكن مختلف معاك فيهو تماما ، ياخي زي ما قال الإمام أحمد في محنة خلق القران ( اذا سكت العالم والجاهل يجهل.. فمتى يظهر الحق ؟ ) ، التغيير ده الحا يعملو منو إذا الناس العارفه و مدركه لخطوره الشتايم علي النقاش رفعت يدها و دخلت في الدايره الخبيثه دي .
المسؤليه الأخلاقيه و الفعليه لإ يقاف الشتايم بتقع علي بكري في المقام الأول لانو هو الوحيد العندو حق تفعيل القوانين في ظل إنعدام الوازع للناس البتصحي من نومها تشتم و ما تقيف إلا عند عمل خروج من المنبر !

Quote: عندما تعامل الناس كما تريد منهم ان يعاملوك وازيد هنا واقول اذا كانت المقولة الاولى هى الذهبية فان البلاتينيوم بان تعامل الناس كما يحبوا ان يتعاملوا

ملاحظة عن الإقتباس أعلاه من المداخلة التى إقتبستها أميرة من بوست آخر:

وهى الإضافة البلاتنيمية( تعامل الناس كما يحبوا ان يتعاملوا)..

فهذه المقولة تسوغ تماما الشتيمة إذا أضفنا مداخلة الأخت أميرة وتفسيرها السايكولوجى لمسألة الشتيمة فى المنبر..
فهناك أناس يمكن أن يكونوا ماسوشيين بستمتعوا بأن تشتم سلسفيل الخلفوهم..
فيقوموا يطاردوك من بوست لبوست وشايلين ليك مداخلة استفزازية معتقة من زمن حفروا المنبر ..
وانت تشتغل معاهم بالمستوى الذهبى وبذلك تحرق أعصابهم حتى تصرف لهم من البلاتونيوم فيتنفسوا الصعداء..
ونفس الصرفية البلاتنيمية تصبح رصيد لمطاردتك من أجل متعة أخرى..

طبعا الماسوشية مرض يتلذذ صاحبه أن تمارس معه الإضطهاد.

هذا جانب, أما الجانب الآخر فئة بتتكيف جدا وهى شلة بينهم مباريات فى إخراج أى وقور من وقاره..
فيتلحك واحد منهم حتى تشتمه وبذا يكون حقق مادة دسمة للقعدة اليوم وربما يكون فيها رهان والذى منه..


أما الشئ النحن بنستهجنو دا هو ممارسة بشرية عادية استوجبت (كلكم خطاءون وخير الخطائين التوابون)
واستوجبت أبعد من ذلك (إن لم تخطئوا وتصيبوا سيأتى الله بقوم يخطئون ويصيبون)
وهى طبيعة بشرية منشأها الأنا المغروسة داخل الإنسان منذ خلقه بل هى جزء أصيل من الإنسان وتستمر فى حالة من التطور الحتمى فى عدة مراحل كل مرحلة تحكمها رغبة محددة. ومن ضمن هذه الرغبات بحث الإنسان عن الركوكنشن والذى لتحقيقه يستعمل الإنسان كل الوسائل الوضيعة منها والسامية من الحسد والمنافسة والعلم والسلطة وحتى القتل جسديا ومعنويا.
ومن ضمن القتل المعنوى موضوعنا هذا..
والركوكنشين بحددوا المجتمع يعنى الإنسان دائما يسعى لإرضاء المقاييس التى حددها المجتمع الذى اختاره..
فسودانيزاونلاين مجتمع نحن اخترناه ومر بعدة مراحل حكمت تطلعات كل عضو يسعى لتحقيق وجوده..
حتى وصلنا لمرحلة أن الشاتم مهاب وله أصحاب ولما يجيك داخل فى بوست تلقى الناس التقول ليك شيل شيلتك وخم وصر حتى يلعبوا دور حكامة معتبرة تهدد وجودك فى المنبر كما يهدد الفر وجود الرجل فى القبيلة عند الكر أو حتى البطان (جلد السوط فى الحفلات)..
وهكذا أصبح لسودانيزاونلاين فتواتها وأصول فتونتها مما جعل حتى بعض الأعضاء الجدد جايى وكأن من ثناه أفهمه أن أحسن وسيلة للشهرة هى أن تشتم أى مختلف أو حتى من تعتقد أنه مختلف معك فى ما تكتبه..
وأرجعك هنا لعضو جديد تجده يمدح شخص فى بوست ويشتمه فى بوست آخر والبوستين فى نفس الصفحة الفرق الوحيد هو فهمه لمداخلة المشتوم..
وهنا تجد حكماء كذلك ولكنهم لايتعدون واحد بالمائة ودورهم سيكون غير واضح لكنه مؤثر نوعا ما..
وتجد من ينادى بأبعد عن الشر ومتناسين ولولا دفع الناس بعضهم ببعض..

نهايتو يا سيد أمين واصل دورك ولكن ضع من الآن أنك مستهدف من بعض العابثين الباحثين عن موضوع قعدة وديل ساهلين بس ربك يستر مايكون نصيبك من ماسوشى.

مقترحات لوقف الشتائم او كيفية التعامل مع الشاتمين...

خلونا نبداء بانفسنا,,,,

مانشتم,,,ومانتداخل فى بوستات بتاعة شتيمة اندرانى سيركمستانسس,,,,
ساهلة ,,,,

نحو عام جديد خااااالى من الشتايم...

اى مقترحات اخرى,,,

عليكم الله مافى زول يجيب سيرة بكرى ولوائح البورد,,,

ثمح?

قيقا يا سيد العماقه !

Quote: اسي شوف عمك ( الإلغي ) بعد ( القاموس المحيط ) و ( لسان العرب ) و بعد دا كووووووولو شوفو ختم بشنو ؟ و ما قال لـ ( محاورو ) يا جهلول يا صفتك و يا نعتك !!

ياخي كتر خيرك إنو ما طلعتني جاهل زي ما ود أختي عمل لي !
أخوك فهمو للكلمه دي زي فهم محمد المبارك في كوتك ، و شتيمتي لـحمور بتصلو في التلفون ما عبر الأسافير !
و زي ما قلت شوف عمك الإلغي ده عميق كيف ! يجيب الكلام بادلتو و يختلف بادب و يقول الله أعلم !

Quote: يا امين الحكاية كلها انو الناس هنا في معظمهم منصبين نفسهم حراس على العقيدة و الوطنية و المرؤة و الشهامة و الخ و بيعتقدوا انو ده من ضرورات تواجدهم هنا . القصة دي لما تضيف ليها ارث تليد من عدم احترام الاختلاف , مش بس عدم احترام الاختلاف في الحقيقة عدم الاعتراف بالاختلاف .اذ لا يحق لسوداني في هذا الاطار أن يحيد حتى و لو قيد انملة عن المتعارف عليه بين افراد الامة الافتراضية التي اسس لها هؤلاء في خيالهم..الحاجتين ديل مع بعض هم اهم دوافع الشتم و الحط من قدر الآخر المختلف هنا في هذا المكان الاسفيري .

كلام والله يا أبو السيوف و حقو حتة (اذ لا يحق لسوداني في هذا الاطار أن يحيد حتى و لو قيد انملة عن المتعارف عليه بين افراد الامة الافتراضية التي اسس لها هؤلاء في خيالهم ) نربطو صره في خيت علي قول كيكي لانو وصف حقيقي لما يجري ، و إذا حصل و اختلفت مع الافتراضات دي فانت و هادم الكعبه سواء !

Quote: النجيضة يا قول ود الصايم امش في طريقك و البيشتمك اشتمه دبل .

هنا اختلفنا يا دكتور ، لو عندك الحجه و المنطق البتخليك تعري إنسان شتمك مافي داعي تشتمو ، فضحو بالمنطق و تعريتو بالحجه أكثر إيلاما من الشتيمه !

الأخ العزيز أمين
لك التحية والود ووافر الإحترام
نحن دائماً بين نارين فإما تضخيم الذات أو جلدها،أو الخلط بين الفكرة وصاحبها لذا فنحن لا نعرف أدب الإختلاف. ومسألة أن اختلاف الرأي لا يفسد للود قضيةهي شعار لا نملك أدوات سلوكياته. نحتاج إلى صياغة جديدة تخلص إلى أن في الاختلاف فن ونعمة. شكراً أيها الأخ الصديق فربما كان سؤالك هو الحجر الذي يحرك البرك الراكدو والآسنة معاً.
مع خالص تحياتي
د. صلاح البشير

تحياتي يا حمور
فائدة لغوية

Quote: مرة قلت لزميل كلمة فهمها هو انها شتم له بتوصيف حيوان معين. و كنت و مازلت ارى اني لم اشتمه بوصف الحيوان انما اغلظت له في تشبيه النجاسة.للأمانة لامني اصدقاء و عدوها مني شتيمة .. و تفهمها اخرون من وجهة نظري.

أسوأ عندي من الشتم تخريجك اللغوي الغريب
الذي ساغ على البعض هنا
ولغ يلغ ولوغا (فعل مثال واوه فاؤه)
لغا يلغو لغوا (فعل واوه لامه)
فكيف جاز لك أن تجعل فاء الفعل لامه ؟

Quote: مجرد مقترحات امين,,,, قبل كدا بدينا هنا والبوست دا كان ايام قبل الارشفة وماكملنا زى بوستيك دا برضو حيمشى بعد كم يوم الارشيف

مشيت قريت البوست يا أميره و حقيقي لقيت الناس بتتكلم في نفس موضوعنا هنا و بزوايا أوسع .
عشان النقاش ده يستمر ، إن شاء الله حا أطلب من بكري ينقلو للربع الجاي ، و شكرا علي التنبيه .

Quote: فهذه المقولة تسوغ تماما الشتيمة إذا أضفنا مداخلة الأخت أميرة وتفسيرها السايكولوجى لمسألة الشتيمة فى المنبر.. فهناك أناس يمكن أن يكونوا ماسوشيين بستمتعوا بأن تشتم سلسفيل الخلفوهم.. فيقوموا يطاردوك من بوست لبوست وشايلين ليك مداخلة استفزازية معتقة من زمن حفروا المنبر .. وانت تشتغل معاهم بالمستوى الذهبى وبذلك تحرق أعصابهم حتى تصرف لهم من البلاتونيوم فيتنفسوا الصعداء.. ونفس الصرفية البلاتنيمية تصبح رصيد لمطاردتك من أجل متعة أخرى.. طبعا الماسوشية مرض يتلذذ صاحبه أن تمارس معه الإضطهاد.

يا بله يا أخوي إنت كده صعبت لينا الشغله جدا ، ياخي هو الناس الشديده و بتشتم ما لاقين ليهم حل ، تجيب لينا بتاعين الأمراض النفسيه ؟!

Quote: نهايتو يا سيد أمين واصل دورك ولكن ضع من الآن أنك مستهدف من بعض العابثين الباحثين عن موضوع قعدة وديل ساهلين بس ربك يستر مايكون نصيبك من ماسوشى.

الله يطمنك يا دكتور !

أخى المفضال أمين
سلامات
حبوباتنا بيقولن(قلة حيا وعدم تربايه) وأتفق معهن,قلة الحيا فى التعميم المخل,يعنى x من الناس من جزيرة فيجى مثلا( زول كعب) نقوم نمسك فى كل الفيجيين ,وربما تعدينا ذلك الى إلى كل جزر المحيط حتى أستراليا. ولانجد حياء فى العين بالجوز والنخرة والأضان,أما عدم التربايه,فالحديث عن التربية الديمقراطية وغياب فلسفة إحترام الإختلاف فى الرأى ,وأرجع ذلك للتخصيص المخل,بمعنى أن الأختلاف فى الرأى يحول سريعا إلى خلاف شخصى ويصور الأمر على أنه هجوم على الذات(الافعال هنا مبنية للمجهول).وألخص أعلاه فى التطرف فى التعميم والتخصيص.
هناك عوامل أخرى منها النسبيه والإنطباعية والتنميط وسأعود لها لاحقا.
تحياتى

نزلت رد لبوست تاني هنا ، فعذرا !

Quote: عليكم الله مافى زول يجيب سيرة بكرى ولوائح البورد,,,

والله يا ريت لو بقدر أتفق معاك و ما أجيب سيرة بكري في موضوعنا ده ، خاصة مع بوادر الصحوبيه و اتفاق الاراء الظهر بينا في البوست ده
الناس البتشتم دي أظنك متفقه معاي إنو ما عندهم إحترام لنفسهم أو للناس و ما عندهم وازع يخليهم يقيفو من نفسهم ، بقية الناس ما كلها كوم واحد عشان تقاطعهم ولا تحاصرهم حتي يقلعو ، يعني مافي غير بكري هو الممكن يحد من الحاصل ده .
كونو بكري بفتكر إنو الناس هنا مفروض تكون مسؤله و ما تشتم بعض فده كلام صحيح ، لكن لو الناس بقت ما مسؤله و لا قدر حسن الظن زي ما حاصل هسي الدباره شنو ؟! المنبر ده زيو و زي أي مجتمع مفتوح فيهو الصالح و الطالح والنص نص ، وين في الدنيا في مجتمع مافيهو أسس لتنظيم حياتو عشان ما يكتب ليهو الاستمراريه و النجاح ؟!
كونو بكري فرد و ما حا يقدر يطلع و يقرر في كل ما يكتب هنا ، فدي ذاتها يسأل منها بكري بإعتبار إنو هو من قرر أن يكون الأمر كذلك !
يا أميره بكري و بكري وحده هو المسؤل عن كمية الشتايم الطافحه و مدفقه دي و أرجو إنو يكون بيقرا في كلامي ده عسي أن يستبين النصح قبل ضحي الغد !

كتبت اميـــرة الشيــخ :

Quote: مقترحات لوقف الشتائم او كيفية التعامل مع الشاتمين... خلونا نبداء بانفسنا,,,, مانشتم,,,ومانتداخل فى بوستات بتاعة شتيمة اندرانى سيركمستانسس,,,, ساهلة ,,,, نحو عام جديد خااااالى من الشتايم... اى مقترحات اخرى,,, عليكم الله مافى زول يجيب سيرة بكرى ولوائح البورد,,, ثمح?

ودا كلام جميـــل وبتفق معاك فيـــهو كخطوة عمليــة للحاصل دا ..

انا شخصيــاً كنت قررت قبل فترة - بعد مكالمـة الخال امين إياها
إني اتوقف عن شتم اي شخص اذا شتمني .. رغم اني رددت الشتمية على ناس باقل من عدد اصابع اليد الواحدة هنا ..
لكن سياستي تاني بإذن الله لو ربنا مد ايامنا هنا - يا اضحك في خهزّال وضعف الزول البيشتم
يا اخلي ليهو البوست لو فقد المنطق بمبدأ - سلاما سلاما ..

واعتقد ممكن الناس تحارب الشاتمين والمنبذات باساليب متعددة ...

Quote: دا كلام جميـــل وبتفق معاك فيـــهو كخطوة عمليــة للحاصل دا .. انا شخصيــاً كنت قررت قبل فترة - بعد مكالمـة الخال امين إياها إني اتوقف عن شتم اي شخص اذا شتمني .. رغم اني رددت الشتمية على ناس باقل من عدد اصابع اليد الواحدة هنا .. لكن سياستي تاني بإذن الله لو ربنا مد ايامنا هنا - يا اضحك في خهزّال وضعف الزول البيشتم يا اخلي ليهو البوست لو فقد المنطق بمبدأ - سلاما سلاما .. واعتقد ممكن الناس تحارب الشاتمين والمنبذات باساليب متعددة ...

حيدر الزين,,,سلام,,,

كويس اننا متفقين,,,,
واحيك على قرارك الشجاع بانك حتتوقف عن الشتم(نحن خلفك ونشد من ازرك)
انى زاتى عاصرت ليك بوستات شتيمة وبرضو اتناقشنا وقتها,,,حسب وجه نظرى ونظر ناس تانيين ياحيدر انك زول كتاب جدا
ومحاور بدرجة عالية من الوعى ,,,فالمعرفة العندك عليك الله ماتضيعها لينا,,,نحن هنا ناس قراية ساكت,,,

كدى اقترح لينا حاجة واحدة ممكن نحارب بيها الشتايم والمنابيذ دى

Quote: فحين اصف شخصا انه تافه يعتبرها هو شتيمة بينما أرى أنها وصف دقيق لحالته. و ربما استميت في تأكيد ذلك.

Quote: شوف ياهذا، بشاشا لايشتم قط ولا يحتاج اصلا يشتم اصلا، لانو لايعوذو المنطق ولا تنقصو الحجة. ولكن لن نتردد ان نقول للاعور فكرا، اعور.

______________________________
الأخ قيقراوي
تحياتي
ولغ يلغ ولوغا
لا علاقة لها بلغا يلغو لغوا
كما حاول الأخ حمور أن يخرجها كذلك سابقا
بدليل أنه اليوم أتى على ذكر النجاسة
المفارقة أن مداخلة حمور كانت في بوست معتز ردا على محمد حسبو

امين كيفنك ابوي
فشان الشتايم دي
والكلام اليجيب الضغد داك
مانا قاعدين نمشي نهابش بهنا
يا زول خلنا مع ناس ود الصايم ديل
نسكت نقرقر

Quote: مانشتم,,,ومانتداخل فى بوستات بتاعة شتيمة اندرانى سيركمستانسس,,,, ساهلة ,,,,

الجزء الأول من الكلام صحيح 100% ...

الجزء البختلف فيه معاك ياأختي الكريمة...

حكاية إنها ساهلة...وأنا بقول ساهلة وصعبة

تعرفي ليه؟!!!

لأنو ما خلونا في حالنا.... وقالوا علينا بتاعين ونسة...

وإعتزاليي نضال...يعني برضو هابشننا...وكأن من أدبيات

النضال أن تكون شتاماً عياراً...زفر اللسان...

عشان كده "اندر إني سيركمستناسس" ويل نوت ويرك آت أول آت ليست ويز ستش بيرسونز"

تحياتي

Quote: نحن دائماً بين نارين فإما تضخيم الذات أو جلدها،أو الخلط بين الفكرة وصاحبها لذا فنحن لا نعرف أدب الإختلاف. ومسألة أن اختلاف الرأي لا يفسد للود قضيةهي شعار لا نملك أدوات سلوكياته. نحتاج إلى صياغة جديدة تخلص إلى أن في الاختلاف فن ونعمة. شكراً أيها الأخ الصديق فربما كان سؤالك هو الحجر الذي يحرك البرك الراكدو والآسنة معاً. مع خالص تحياتي

سلام عليكم دكتور صلاح و إن شاء الله أمورك كلها طيبه ...
أدب الاختلاف ده يا دكتور بالنسبه لينا كسودانيين زي الغول و العنقاء ما موجود أصلا في تركيبتنا و سلوكنا ، عشان كده يائس جدا من مسألة إعادة الصياغه ده و لا أعتقد إنو في حل غير ما بكري يردم هذه البرك الراكده و الاسنه !

الأخ العزيز أمين
لك التحية والود ووافر الإحترام
شكراِ لردك الجميل أدناه

Quote: سلام عليكم دكتور صلاح و إن شاء الله أمورك كلها طيبه ... أدب الاختلاف ده يا دكتور بالنسبه لينا كسودانيين زي الغول و العنقاء ما موجود أصلا في تركيبتنا و سلوكنا ، عشان كده يائس جدا من مسألة إعادة الصياغه ده و لا أعتقد إنو في حل غير ما بكري يردم هذه البرك الراكده و الاسنه !

فقط أود أن أنبه لاثنتين:
1. اليأس عدو الإنسان فلا تيأس.
2. الحل الذي ذكرته هو حل غير ديمقراطي، أقبله كوجهة نظر شابها بعض اليأس، آمل أن تعيد النظر فيها وأن تتحفنا بحل جديد فيه كثير من رحابة الصدر وسعته.
شكراً أخي الكريم
مع خالص تحياتي
د. صلاح البشير

Quote: فقط أود أن أنبه لاثنتين: 1. اليأس عدو الإنسان فلا تيأس. 2. الحل الذي ذكرته هو حل غير ديمقراطي، أقبله كوجهة نظر شابها بعض اليأس، آمل أن تعيد النظر فيها وأن تتحفنا بحل جديد فيه كثير من رحابة الصدر وسعته. شكراً أخي الكريم

يا دكتور مسألة الشتايم دي ما جديده في المنبر و لا هي خاصه بالمنبر ده ، الفرق الوحيد إنو المنبر ده - و هو الأكبر و الأشهر - ما فيهو قوانين تردع المسئ (إن شئت الدقه فيهو قوانين و لوائح معلقه للزينه ) . و في عدم وجود فهم لادب الاختلاف صارت الشتيمه أعلي صوتا من صوت الحوار نفسو و استمرا الشتامون شتم الناس و قديما قيل (من أمن العقاب ، ساء الأدب ) .
الديمقراطيه يا دكتور لها أنياب و مخالب حتي تحمي نفسها و تضمن استمراريتها . كل المطلوب من بكري تفعيل القوانين التي ارتضاها لإدارة المنبر لضمان استمرار المنبر و مواصلة لدورو التنويري .
ما في حل غير تطبيق القوانين و اللوائح : تشتم ، تنذر ، تعيد الكره ، تبتر !

الأخ العزيز أمين
لك مني سلام بعطر الصندل (المحلبية لا)
أخي الكريم القانون مطية الديمقراطية، لا شك في ذلك،أوافقك أن تفعيل القانون جيد ولكن القانون وحده"كالحلومر" ولا أزيد. نحتاج إلى مبدعين وأصحاب رؤى وأفكار جديدة يقودونا إلى الأمام يستلهمون من أخطاءنا المتكررة السخيفة معانٍ جديدة، وأظنك "وليس كل الظن أثم" من هؤلاء ، فهلا تقدمت الصفوف، فقط دع اليأس وواملأ نفسك أملاً، نحن بانتظارك.
مع خالص تحياتي
د. صلاح البشير

Quote: حبوباتنا بيقولن(قلة حيا وعدم تربايه) وأتفق معهن,قلة الحيا فى التعميم المخل,يعنى x من الناس من جزيرة فيجى مثلا( زول كعب) نقوم نمسك فى كل الفيجيين ,وربما تعدينا ذلك الى إلى كل جزر المحيط حتى أستراليا. ولانجد حياء فى العين بالجوز والنخرة والأضان,

سلام يا ود المكي
أصلا ما انتبهت للزاويه دي من الموضوع ، لكن والله كلامك ده حاصل تماما هنا ، و كل ما الواحد يفكر في المساله دي أكتر ، يصل لقناعه أكتر بمدي تشعب الموضوع و كتره زوايا الرؤيه و الاتجاهات .
تعميم الشتايم لتصل للمجموعه التي ينتمي لها الفرد أشد وضاعة من فعل الشتيمه نفسو .

Quote: أما عدم التربايه,فالحديث عن التربية الديمقراطية وغياب فلسفة إحترام الإختلاف فى الرأى ,وأرجع ذلك للتخصيص المخل,بمعنى أن الأختلاف فى الرأى يحول سريعا إلى خلاف شخصى ويصور الأمر على أنه هجوم على الذات(الافعال هنا مبنية للمجهول).وألخص أعلاه فى التطرف فى التعميم والتخصيص. هناك عوامل أخرى منها النسبيه والإنطباعية والتنميط وسأعود لها لاحقا. تحياتى

مصداقا لكلامك ده ، الاخ العوض كتب كلام جميل جدا إنو نحن محتاجين لمحو أميه سياسيه و فكريه نتعلم منها إنو إختلاف الرأي لا ينبغي أن يفسد للود قضيه .
و في إنتظار عودتك .

حيدر و كمال و أميره و حبيبنا طارق
اسمحو لي أرد عليكم كلكم مره واحده لتشابه الموقف جزئيا أو كليا
طبعا مسألة إنو الزول البحترم نفسو و الناس ما بشتم ، دي أظن كلنا متفقين عليها .
لكن لو بتفتكرو إنو مقاطعة التداخل مع الشتامين بالمنبر بتحل المساله تبقو غلطانين ، ممكن تقلل فرص إنو الواحد يتشتم . لكن الناس دي حا تكون مدوره عادي ، الشي التاني ممكن يجوك في محلك و يشتموك بلا سبب ، الدباره كيف هنا ؟ تسكت منهم يواصلو ، تشتمهم ، فأنت و هم سواء !
الحل يا أخوانا إنو سيدنا بكري يفعل قوانين و لوائح المنبر المعلقه لاغراض الزينه دي ، و صدقوني الناس المسترخصه و مستسهله شتم الناس مع أول إنذار : زول تاني بشتم مافي !

Quote: و صدقوني الناس المسترخصه و مستسهله شتم الناس مع أول إنذار : زول تاني بشتم مافي !

بسم الله نبدا,,من اخر مداخلة,,,,

انت بجدك يا امين??اول انذار,,,?

ياخ الناس البتشتم دى مش اخدت انذار وبس اتوقفت (ديتيرمينيش) عديل من الكتابة فى المنبر,,,
مرة ومرتين وتلاتة وبرجعو تانى وهم اكثر شراسة وتمادى فى الشتيمة وطولة اللسان,,,كانو فترة التوقيف بثزيد غلهم وتنمى جواهم المشاعر السالبة,,,,
وفى نفس الوقت نحن ديل المعترضين على الشتيمة نجى ونقيف ونسئ لبكرى يابكرى انت ديكتاتور ويابكرى انت بليد
والمنبر دا منبر راى ويجب انك تحترم عقولنا وتطبيل كتير بنعملو شان الزول الشاتم
نقعد نفتح فى البوستات يابكرى رجع فلان ويابكرى ليه وقفت علان والله المرة الجاية نقطعك,,,
حتى بكرى يا امين طالتو الشتايم ونحن السبب,,شان كدا مصرة انو مسئوليتنا كاعضاء تجاه احترام اللوائح اكبر من مسئولية بكرى,,,

ااخ ماعندى كيبورد عربى شان كدا ماقادرة اخد راحتى,,,

نسيت اقول صباح الخير بليل يا شباب البوست,,,

Quote: الأخ قيقراوي تحياتي ولغ يلغ ولوغا لا علاقة لها بلغا يلغو لغوا كما حاول الأخ حمور أن يخرجها كذلك سابقا بدليل أنه اليوم أتى على ذكر النجاسة المفارقة أن مداخلة حمور كانت في بوست معتز ردا على محمد حسبو

الله يحيك يا محمد

اولاً و الله ما تابعت البوست المذكور ، و بالتالي ما تابعت القصة في وقتها و بسياقاتها
لكن - و ارجو ما أكون بارد - ارجو انو تتجاوزوا الماضي ، طالما انو هو ماضي و الاعتذار يجب ما قبله. . و لا كيف ؟

ثم سانياً - اطمنك المرة ثانياً ذاتا - يبدو اننا مختلفين في قراية مداخلة حمور ، انا فهمت - و بديهي و من فضل القول انو حمور في حل من فهمي - فهمت انو حمور اصاب كبد الحقيقة بالجملة دي :

Quote: لكن التبريرية و امتلاك الحقيقة المطلقة مهما جهدت في تنقية الذات منها تلحقني في موقفي هذا.

ديل هن الاذية في وجهة نظري ، و كان مسموح لي ازيد او اشرح التبريرية ما ذاتية بس ! كمان البطانة البتزين الباطل !!

ودي قولة تيت القصدتها :

Quote: الجمل ما بيشوف عوجة رقبتو.

فلو ما غلطان حمور كان بتهكم بـ ( شرح ) ( التبريرية ) و ( امتلاك الحقيقة المطلقة ) و العهدة على كلماتو ( دعني اضرب مثال شخصي ) ، الساقني لقول ما قلت ختام المقتبس دا :
( أليس التوصيف الدقيق أنه ظالم أو مجرم ؟
فلماذا كلب و واطي ؟ )

لو غلطان ارجو تصحيحي ، و ادناه الجزء دا من المداخلة :

Quote: الجمل ما بيشوف عوجة رقبتو. اجيك للفلسفة : المشكلة تكمن يا خال في جيناتنا كما قلت لكن من منظور أننا نمتلك الحقيقة المطلقة أضف اليها العقلية التبريرية للذات الطبيعية لدى كل انسان. فحين اصف شخصا انه تافه يعتبرها هو شتيمة بينما أرى أنها وصف دقيق لحالته. و ربما استميت في تأكيد ذلك. دعني اضرب مثال شخصي. مرة قلت لزميل كلمة فهمها هو انها شتم له بتوصيف حيوان معين. و كنت و مازلت ارى اني لم اشتمه بوصف الحيوان انما اغلظت له في تشبيه النجاسة. للأمانة لامني اصدقاء و عدوها مني شتيمة .. و تفهمها اخرون من وجهة نظري. الشاهد أني اقدمت على ما يمكن أن يعد شتيمة .. لكن التبريرية و امتلاك الحقيقة المطلقة مهما جهدت في تنقية الذات منها تلحقني في موقفي هذا. و حين أقول عن شخص انه كلب فاني اعتقد ان ذلك مبرر لأنه دكتاتور و ظالم و والغ في الدماء. حين اكتب قائلا : عمر البشير الكلب الواطي. لو قلت لي عيب سأسألك : ما رأيك في جرائم الانقاذ ؟ كأن جرائم الانقاذ مبرر لوصف البشير بالكلب و الواطي. أليس التوصيف الدقيق أنه ظالم أو مجرم ؟ فلماذا كلب و واطي ؟

في حتةامتلاك الحقيقة المطلقة ..
لوووووول
مع ثورة المعلومات تم مصرع آخر الرجال الممتازين بإمتياز
ما عادت المعرفة حكر على أحد و ان طالت متاوقاتو للكتب ! . . الكل اصبح شركاء في كل معلومة ، و بأسهل ما يمكن وقت ما يحتاج ، و حسب طاقته مهما تضآلت ، عشان كدا ركزت على نقل الحوار اعلاه ، كدعوة للتواضع . . فوق كل ذي علمٍ عليم

كان ما كدا اسي كان غزينا عودنا في ناقش لغوي بالعلو دا ؟ . . ربنا يخلي لينا عمك قوقل بس .
انا مقتنع بتصريفك للفعل الرجعت ليهو فاؤه ، لكن تصدق انو ما ( ساغ ) لي أي تخريج - بناءاً على فهمي اعلاه - لاني اصلاً ما عندي في اللغة ، و تركيزي كان انو ( مثل ) ، و نقاش المثل في تخصيصو تمييع للحوار الاساسي . . و لا ما كدا ؟

Quote: أسوأ عندي من الشتم تخريجك اللغوي الغريب الذي ساغ على البعض هنا ولغ يلغ ولوغا (فعل مثال واوه فاؤه) لغا يلغو لغوا (فعل واوه لامه) فكيف جاز لك أن تجعل فاء الفعل لامه* ؟

حقك - و ليس فضل من أحد - انو تحدد شنو الاسوأ و الاحسن ليك

------------

* الطريقة دي شائعة و متعارف عليها في تشفير الكلام في لغة " الراندوق " . .
و أسأل العارفين لو ما مصدقني ؟

تحياتي استاذنا
و شكرن لزمنك


يا خال شايفك عفيت نفسك من قيادة الثورة و اتكيت على ( مناشدة ) بكري !! . . كان غيرك اشطر

Quote: يا خال شايفك عفيت نفسك من قيادة الثورة و اتكيت على ( مناشدة ) بكري !! . . كان غيرك اشطر

بالضبط ياقيقا,,,,

شان كدا انا عند رايي مسئوليتنا كاعضاء فى احترام اللوائح اكبر من مسئولية بكرى فى تطبيقها,,


جاك كلامى يا امين??

الأخ / محمد أمين...

طاب وقتك حيثما كنت...

لو وافقتني عنوان البوست كان تشخيصي (داياقونستك)... وأنتهى علاجي (ثيربيوتك)...

بس في إعتقادي أننا لم نتفق على التشخيص...مما يجعل المرض قائمة حتى وإن كان العلاج البتر

والبتر رغم نجاعته إلا أنه آخر الخيارات مثله مثل الكي ودائما ما يترك عاهة مستديمة..

والعاهة هاهنا إجتماعية ستكون وصمة في سماحة هذا الشعب إذا لم نقف على الأساب الحقيقية

بعتقد في مداخلتي الثانية رديت أسباب العلة للبيئة والنشأة.. وفي إعتقادي

هذا هو الواقع... أعيد ما قلت فأوجز أن أغلب السودانيين إلا من رحم الله

نشا وقد نال حظا من الشتائم داخل البيت من الآباء والأخوان الأكبر سنا...

بإسم التربية وهي منها براء... هذه بيئتنا.. ربما لا يتفق معي الأخوان..

ولكن فلنرجع البصر إلى داخل أسرنا ونشوف ما هي أدبيات الزجر والتقريع

في الأسرة...

هذا لا ينفي إتفاقي معك يا أخ محمد في ضرورة تفعيل اللوائح...

لأن بعض الناس تخاف ما تختشيش...

شكرا

Quote: الجزء الأول من الكلام صحيح 100% ... الجزء البختلف فيه معاك ياأختي الكريمة... حكاية إنها ساهلة...وأنا بقول ساهلة وصعبة تعرفي ليه؟!!! لأنو ما خلونا في حالنا.... وقالوا علينا بتاعين ونسة... وإعتزاليي نضال...يعني برضو هابشننا...وكأن من أدبيات النضال أن تكون شتاماً عياراً...زفر اللسان... عشان كده "اندر إني سيركمستناسس" ويل نوت ويرك آت أول آت ليست ويز ستش بيرسونز"

الاخ كمال كرار,,,,,سلام,,,

بتاعين ونسة وضحك دى كلنا طالتنا واى اتهام زى دا ما بنقص مننا شئ ولا يقدح فى انتماءنا ولا فى وطنيتنا,,,
اعرف عشرات الاعضاء هنا فى البورد وهم اكثر عملا وعطاء فى ميدان ,,,السياسي,,,,العام,,,الانسانى,,,الاجتماعى
منهم المنتمين لاحزاب وغير منتمين,,,ماشفت فيهم يوم زول جاء استعرض هنا وعمل فيها هو احسن زول,,
لكن هنا فى ناس منصبين نفسهم اوليا كل شنو والبورد يفترض يسبح بحمدهم,,

شان ماتركز كتير,,,
المقاطعة وعدم التداخل فى البوستات بتاعة الشتائم بكون افيد ,,,
مسألة ندخل بوست ونلعب دور الحجازين وباركوها ياجماعة دا قاعد ينفخ الناس زيادة ,,,
شان كدا قلت ما نتداخل معاهم شان يشعرو بعدم اهمية البسوى فيهو دا,,,

Quote: أها هنا يا حاتم مختلف معاك ! فاهم كلامك و حسي بيه ، لكن مختلف معاك فيهو تماما ، ياخي زي ما قال الإمام أحمد في محنة خلق القران ( اذا سكت العالم والجاهل يجهل.. فمتى يظهر الحق ؟ ) ، التغيير ده الحا يعملو منو إذا الناس العارفه و مدركه لخطوره الشتايم علي النقاش رفعت يدها و دخلت في الدايره الخبيثه دي . المسؤليه الأخلاقيه و الفعليه لإ يقاف الشتايم بتقع علي بكري في المقام الأول لانو هو الوحيد العندو حق تفعيل القوانين في ظل إنعدام الوازع للناس البتصحي من نومها تشتم و ما تقيف إلا عند عمل خروج من المنبر !

انا فاهم كلامك يا امين، لكن صدقني لو بكري فعل القوانين حتلقا كمية مقدرة من الناس البتكتب هنا في السهلة ، و بيني و بينك كدا في بوستات مشهورة بالشتائم و النبذي شعبية مشاهداتا عالية لأنو نحنا شعب فضائحي بالدرجة الأولى ، و الناس الهنا دي تموت في إنها تصبح stars

بالتالي زي ما قالت أميرة الحل انو الناس تقاطع البوستات الفيها شتيمة و الناس البتشتم دي ، و بالتالي اوتوماتيكيا بوستات الشتيمة حاتنزل تحت

انا شخصيا انسان شتام و انسان غير موضوعي و عنيد و سفسطائي ما بضيع زمني معاهو كتير

يعني شنو شتمني في بورد ؟ العارف عزو مستريح ... و في النهاية الناس البتعرفني بتعاملني وفق تصرفاتي و أخلاقي و محتواي المعرفي و الانساني

مش وفق الشتايم البيكتوبها ناس قاعدين ورا كيبوردات و شاشات

المشكلة في ناس كتيرة بتعتبر البورد دا مكان للأستعراض و فرد العضلات و الحصول على النجومية

الله غالب غايتو

أميره و قيقا و حاتم و كمال
مشغول شويه ساعة زمن و اجيكم كان الله هون !

والله يا أمين كل يوم ادخل البوست اقرأ واطلع بخفي حنين ولي هسع مالاقي اجابة.

أميره و قيقا اسمحو لي أرد عليكم بالجوز لتطابق كلامكم

Quote: يا خال شايفك عفيت نفسك من قيادة الثورة و اتكيت على ( مناشدة ) بكري !! . . كان غيرك اشطر

Quote: بالضبط ياقيقا,,,,

الثورة الحرية الحمراء شمسا لا تغيب !!


جرح الشتايم بالمنبر غائر و دمو سائل في العنايه المركزه ! محتاجين عمليه سريعه تضخ الدم في الشعيرات الدمويه و بعداك نعمل ( الثوره ) في فترة النقاهه !
مقاطعة الشتايم في المنبر باديه وماضيه من يوم ميلاد الشتيمه ، الناس العميقه كلها ما بتخش بوستات الشتيمه و ما محتاجه أصلا أمين ولا غيرو يوريها تعمل شنو و تقاطع كيف !! الناس المعترضه و متضرره من الشتايم يا أميره ما بتشارك بحرف في بوستات الشتامين أصلا !
الشتامون - زي ما قلتي يا أميره - (مرة ومرتين وتلاتة وبرجعو تانى وهم اكثر شراسة وتمادى فى الشتيمة وطولة اللسان) فأي مقاطعه تنفع معهم ؟ لا حاجه لنا بمن يشتم الناس !
الناس دي لا تجدي معاها مقاطعه أو رجاء ، يجدي معاها البتر ! تشتم تنذر ، تكررها تطرد ، رجعوك شتمت تاني تطرد بلا رجعه : كده بالبساطه دي ، منو عندو حاجه في البورد ده عند بكري ؟!
متفق معاك يا أميره في ( مسئوليتنا كاعضاء تجاه احترام اللوائح اكبر من مسئولية بكرى ) لكن ده كان في الأول ، في ظل الوضع الحالي و وجود كميه من الأعضاء لا تحترم نفسها و لا باقي الأعضاء بتبقي مسئولية بكرى هي الأكبر و عليه تفعيل ما ارتضاه من لوائح .

جاء في الأثر إن الله ليزع بالسلطان ما لا يزع بالقرآن :
الثوره الحقيقيه يا أميره و قيقا هي أن نضغط علي السلطان بكري حتي يزع بقوانينه ما لا نستطيع أن نزع نحن بالنصح و الموعظه الحسنه !

سؤال غلبني اجاوبو
يا امين انا رأيي الجملة دي بتنفع مطلع لاغنية..
غايتو احتمال كبير بعد كم شهر كده الناس حتستمع بيها شديد في الحافلات .

امين.....

بوستيك دا محتاج تخت فيهو طوبة....(معاى)

داخلة...مارقة برااااى,,,

نسوان البورد ديل مشن وين?

Quote: سؤال غلبني اجاوبو يا امين انا رأيي الجملة دي بتنفع مطلع لاغنية.. غايتو احتمال كبير بعد كم شهر كده الناس حتستمع بيها شديد في الحافلات .

كدي يا سيف عاين دي :

سؤال غلبني اجاوبو
الزول الاسرتني عيونو و كتلتني حواجبو ...

بالله ياخوانا زول يتم لينا الغنيه دي نلحقها السوق !

Quote: نسوان البورد ديل مشن وين?

يا ستهم
كأنّك شمس و(نسوان البورد ) كواكب إذا طلعت لــم يبد منهنّ كــوكب *












------
*بيت المتنبي المحرف ده في إطار حملتي لإصلاح العلاقات قبل الربع الجديد !

سؤال غلبني اجاوبو
الزول الاسرتني عيونو و كتلتني حواجبو ...
و جننتني رموشو و كترت عليا مصايبو

Quote: سؤال غلبني اجاوبو الزول الاسرتني عيونو و كتلتني حواجبو ... و جننتني رموشو و كترت عليا مصايبو

بعد ما الغنيه تكمل ، و تنتشر و نبيعها حا أشكرك جدا يا دكتور ، لكن تعريفه واحده مافي : من هسي كلمتك !

/][/ur


Game over ya shabab ?

Nashatit

Quote: لو وافقتني عنوان البوست كان تشخيصي (داياقونستك)... وأنتهى علاجي (ثيربيوتك)... بس في إعتقادي أننا لم نتفق على التشخيص...مما يجعل المرض قائمة حتى وإن كان العلاج البتر والبتر رغم نجاعته إلا أنه آخر الخيارات مثله مثل الكي ودائما ما يترك عاهة مستديمة..

عنوان بوستي حسبتو (سؤال استنكاري ) ، لم أكن أرمي لبحث سبب الشتايم بقدر ما وددت بحث سبل إيقافها ..
نحن يا كمال في مرحلة آخر الخيارات دي ذاتها ، ياخي والله الليله قريت لي بوستات أول مره و إتحيرت في كمية الشتايم المبذوله بلا تعب دي ، يعني بوست كامل بين نفرين ما فيهو غير كل زول يسب في التاني .

Quote: هذا لا ينفي إتفاقي معك يا أخ محمد في ضرورة تفعيل اللوائح... لأن بعض الناس تخاف ما تختشيش

كل الناس البتشتم دي يا كمال بتخاف و ما بتختشي ، بكري يفعل اللوائح الشتايم لو ما وقفت حا يحد منها بصوره شديده .

Quote: انا فاهم كلامك يا امين، لكن صدقني لو بكري فعل القوانين حتلقا كمية مقدرة من الناس البتكتب هنا في السهلة ، و بيني و بينك كدا في بوستات مشهورة بالشتائم و النبذي شعبية مشاهداتا عالية لأنو نحنا شعب فضائحي بالدرجة الأولى ، و الناس الهنا دي تموت في إنها تصبح stars

سلام يا حاتم
بكري ما ممكن يكون بالسطحيه التخليه يتغاضي عن الإساءات و الشتايم مقابل الكلكات !
بعد شويه ما بكون في منبر ذاتو عشان يعملو فيه كلكات بالشتايم ولا بالمواضيع الجاده ....
الناس العايزه تبقي ستارز من حقها لكن ما علي حساب تلويث المكان بالشتايم و الإساءات و تبقي المسؤليه في هذه المرحله هي مسؤلية بكري ولا أحد غيره !

Quote: سلام يا حاتم بكري ما ممكن يكون بالسطحيه التخليه يتغاضي عن الإساءات و الشتايم مقابل الكلكات !

سلام يا امين

ما عنيته بعبارتي:

Quote: انا فاهم كلامك يا امين، لكن صدقني لو بكري فعل القوانين حتلقا كمية مقدرة من الناس البتكتب هنا في السهلة

ان الشتائم سياسة سائدة و جزء (أصيل) من ثقافة المنبر و سلوكه ، بمعنى أن التفعيل (الفعلي) للوائح سيؤدي الى طرد كم كبير من الأعضاء
فهل حقاً سيقوم (بكري) بطردهم ؟؟؟!!


و ما عنيته هنا

Quote: و بيني و بينك كدا في بوستات مشهورة بالشتائم و النبذي شعبية مشاهداتا عالية لأنو نحنا شعب فضائحي بالدرجة الأولى ، و الناس الهنا دي تموت في إنها تصبح stars

الانسان السوداني يحب الاثارة الرخيصة و قصص الفضائح و الشتيمة ، وراجع أي بوست لا يحتوي شتائم و عدد القراءات

بالتالي المشكلة في تركيبة الانسان السوداني نفسه

وشئ اصبح ثقافة سائدة هنا

من الصعب اقتلاعها

لانني مقتنع ان معظم من يشتمون هنا ينهون اولادهم وبناتهم في البيوت من الشتيمة

لكن في المنبر لكي تكون شخصية (مهابة) يجب ان تكون شاتماً

و بالتالي هي جزء من طريقة الكتابة هنا سيكون من الصعب إقتلاعها

تحياتي

سؤال غلبني اجاوبو
الزول الاسرتني عيونو و كتلتني حواجبو ...
و جننتني رموشو و كترت عليا مصايبو

كيفن ألوموا وهو البينا ما حاسبو
مصهين مضيع واجبو وناسى مثالبو

سلام يا أمين وشكـرا على البوست،

شخصيـا أتوقف عن المداخلة مع اى شخص يعمد الى الإساءات الشخصيـة أو إدعاء الذكاء بتشتست الكورة..
ولكن فى حالات كثيرة لا يكون الدافع شخصيا، حيث أنك لا تعرف الشخص شخصيا ولم تره فى حياتك. وفى
هـذه الحالة فإن الدافع حزبى أو جهوى، والرد يكون بالتى كانت هى الداء، أى بتأكيد الموقف الذى
تسبب فى إرسال الجهات لهـذا الشخص ليشتمك.

الملخص:
إما التجاهل أو ضـرب رأس الحيـة.

من زمان الناس تجاوب
وانت يادوبك بتسال
سيبنا في حالنا القيتو
لم حروفك يلا ارحل
انت اصلك جيت تشاكل
ولا تسأل

عليك الله اسمع الاغنية دي وعاين الطرب الحاصل...

الأعزاء أمين وضيوفه الكرام
ترددت كثيرا في الدخول لهذا البوست، وقلت أقرأ ما يقوله الشباب. ولكن وجدت أنني أختلف مع من ينسبون الشتائم لتربيتنا، وأرى أن ذلك جورا عل شعبنا، وقد عشت في زمن كان السياسيون والمثقفون في لسودان يرفعون شعار إختلاف ال{اي لا يفسد للود قضية، ولقد كانت هناك قفشات ذات طابع شخصي في البرلمانات منذ البرلمان الأول وكان للأستاذ الكبير محمد أحمد محجوب اليدالطول فيها، فمثلا عندما تقدم محمد نورالدين بمشروع قانون بنك الدم، علق المحجوب "كل شخص يبحث عما ينقصه" وخرج الجميع يضحكون في بوفي البرلمان، وفي الجمعية التأسيسية بعد أكتوبر، رد المحجوب على فاطمة أحمد إبراهيم ولم كن قد تزوجت بعد، مناديا لها بالسيدة المحترمة وعندما نبهه عزالدين علي عامر أو حسن الطاهر زروق لأ أتذكر بأنها آنسة، رد المحجوب بصوته الغليظ "آنسة أم سيدة أنتم أدرى بها مني" وضحك الجميع على ذلك ولم ترق الدماء. وهكذا. ويذكر كبار السن أن كاتبا صحفيا كان قد وصف مبارك زروق بالشاب الأنيق المعطر، وقد أستلف ذلك الوصف الأمير نقدالله ليصف محمدالحسن الأمين في الديمقراطية الثالثة. ولكن لم تصل هذه القفشات حد الشتائم والرد عليها، وتعلمنا من ذلك الجيل رغم خلافنا السياسي معه إحترام الآخر ولو كان معاديا وليس فقط مختلفا.
إذا كان الأمر كذلك فمن أين تأتي الشتائم هذه الأيام؟
إنها الديكتاتوريات ودخول العنف في حياتنا السياسية وفي حياتنا الطلابية، وتراكم الغبائن بين الحكام والشعب، وإستعمال الحكام وأجهزة الأمن للغة عنيفة ومسيئة في مخاطبة معارضيها، وأنتقل المرض وسط بعض المعارضين، وأصبح التسامح في العمل السياسي والمناقشات معدوما.
وأرى أننا مطالبين بإستعادة ثقافة الديمقراطية وأن إختلاف الرأي لا يفسد للود قضية، وهذه تحتاج لصبر وطول بال ولا يحلها تطبيق اللوائح، بل يحلها مثل هذه المناقشة في سبيل خلق رأي عام ضد الشتائم في البورد وعدم الرد على الشتائم، والشخص الذي لا يرد على الشتيمة هو أشجع وأكثر وعيا وأكثر إحتراما لنفسه وللآخرين، وإذا أصرينا على هذا السلوك من أغلبيتنا، فسنخلق جوا ستسحيل فيه الشتيمة، ومن يصر على ممارستها، سيجد نفسه وحيدا عندما يطبق عليه اللائحة التي أرى أن نقلل من تطبيقها وأن لا نلجأ لها إلا في الحالات المستعصية على العلاج.
أرى أن إشتراك عدد كبير من الأعضاء في المناقشة وفتح أكثر من بوست حول الموضوع هو بداية طيبة لتكوين الرأي العام الذي أدعو. وهاهو حيدر الزين، أحد الكتاب المتميزين في البورد يتعهد بألا يرد على الشتائم التي توجه له، وقد ظللت أسلك مثل سلوكه منذ إلتحاقي بالبورد.

العزيز امين وزارو
بوست مطلوب مع السنة الجديدة لترسيخ قيم ومبادئ تجذب كمية من البورداب اثروا الابتعاد واسرهم بسبب حدة مداخلات البعض ... كمان للمحافظة على ريادة الموقع بين المواقع العربية,
خلاصة الاراء اعلاه تستصعب مغادرة البوست بسبب الشتم... مع صعوبة مبادلة الشاتمين بذات طريقتهم.
اعمال اللوائح هي مسؤولية الاعضاء وذلك بعدم مخالفتها

اذن اقترح حلا عمليا وهو وضع جملة يتعارف عليها الجميع او ايقونة تدل عند استخدامي لها ضد الشاتم باني لن ابادلك بالمثل وان ذلك لايعني اني خائفا او موافقا على افعالك.

لكن كيف يمكن تنفيذ هكذا ايقونة؟؟

كتيرا مانبه البعض الى خطورة الكلمة المكتوبة هنا والتي من عبرها يرسم لك القاريء شخصية في مخيلته.
وحتى تظهر الصورة بطريقة مشرفة يمكن ان تتم الكتابة على صفحة وورد ثم تنقل كوبي بيست وبهذه الطريقة يمكن للمشارك ان يراجع مداخلته بشكل عملي وسريع.

بوست موفق يازميل رحلة السمك

ملاحظةاعتقد انها مهمة,,,

فى حاجة تانية قاعدين نروج ليها ,,,مثلا زول مالى المنبر شتايم واساءة واحيانا ينسج ويجمع معلوماتة من وحى خيالو وممكن ينزلها ليك...

دى ما المشكلة,,,
المشكة لما يجى زول ويقعد يشكر ليك ويقول كلام سمح عن الشاتم لمن انت تتحير

والله الزول دا على الطبيعة اى فى ارض الواقع طيب شديد واخو اخوان ومهذب وودناس ومحترم,,,.وووووو

ماممكن هنا قليل ادب ولسانك فالت وبرة كويس ومهذب..,,

د ى يفهموها كيف??

ياهو دا الانفصام الانا قاصدة

Quote: المشكة لما يجى زول ويقعد يشكر ليك ويقول كلام سمح عن الشاتم لمن انت تتحير والله الزول دا على الطبيعة اى فى ارض الواقع طيب شديد واخو اخوان ومهذب وودناس ومحترم,,,.وووووو ماممكن هنا قليل ادب ولسانك فالت وبرة كويس ومهذب..,,

و الله الحكاية دي انا بالذات تاعباني تعب شديد خلاس..الزول يشتمني بدون ابداء اي سبب ارد عليهو يجوني ليك الجماعة و يشبكوني ..لكن ما بالغت ..يا خي ده زول راقي..ده زول الابتسامة ما بتفارق محياهو البدري..ده مهذب ..الزول ده صريح لكن اصلا ما بيشتم و لا بيسئ..مع انو ارشيفو يكون تلات ارباعو اساءات للآخرين و تحرش بيهم و حط من قدرهم و سخرية من افكارهم و امالهم و طموحاتهم مع بعد كامل عن اي نقاش او حوار موضوعي . الحمد لله يا اميرة طمنتيني انو في ناس متابعين الحكاية دي و ما برايا ..ما برايا زي ما قال نادر خضر .

Quote: سؤال غلبني اجاوبو الزول الاسرتني عيونو و كتلتني حواجبو ... و جننتني رموشو و كترت عليا مصايبو كيفن ألوموا وهو البينا ما حاسبو مصهين مضيع واجبو وناسى مثالبو

فضل العميق
بالله واصل في الشغله دي ، بعد ما الغنيه تشتهر و تنتشر و أقبض حقها برسل ليك إيميل شكر و تقريظ لكن زيك و زي سيف تعريفه واحده مافي !

Quote: اذن اقترح حلا عمليا وهو وضع جملة يتعارف عليها الجميع او ايقونة تدل عند استخدامي لها ضد الشاتم باني لن ابادلك بالمثل وان ذلك لايعني اني خائفا او موافقا على افعالك. لكن كيف يمكن تنفيذ هكذا ايقونة؟؟

يا كمال ربنا يرحم والديك ، قول آمين ....

Quote: والله يا أمين كل يوم ادخل البوست اقرأ واطلع بخفي حنين ولي هسع مالاقي اجابة.

سيف كامل يا حبيب سلام
الإجابه هي إنو الناس دي بتعرف تتناقش بدون شتايم ، لكن لانها ما مسؤله (أمنت العقاب فساءت الأدب ) !

Quote: الملخص: إما التجاهل أو ضـرب رأس الحيـة.

شكرا يا أبو الريش
ضرب راس الحيه مشروع و مطلوب طالما كان بدون شتايم و إساءات .

Quote: مسألة ندخل بوست ونلعب دور الحجازين وباركوها ياجماعة دا قاعد ينفخ الناس زيادة ,,, شان كدا قلت ما نتداخل معاهم شان يشعرو بعدم اهمية البسوى فيهو دا,,,

أميرة سلام,,,

في دي معاك...وفي بوستات بايرة كثيرة...

Quote: عليك الله اسمع الاغنية دي وعاين الطرب الحاصل...

طرب تقيل يا أبو صلاح ، كتر خيرك ..

حاتم يا حبيب ، سلامات

Quote: ان الشتائم سياسة سائدة و جزء (أصيل) من ثقافة المنبر و سلوكه ، بمعنى أن التفعيل (الفعلي) للوائح سيؤدي الى طرد كم كبير من الأعضاء فهل حقاً سيقوم (بكري) بطردهم ؟؟؟!!

إذا كان تفعيل اللوائح حا يؤدي إلي طرد عدد كبير من الأعضاء ....فليكن !
من ناحيه نظريه تطبيق القانون هو الأساس الذي تستند عليه كل المجتمعات المحترمه و أظن البورد ده مفروض يكون مكان محترم من حق الأعضاء و القراء الاستمتاع و الاستفاده بقراءه خاليه من الشتايم و الألفاظ البذيئه في مكان صالح للكتابه و القراءه الادميه ! من ناحيه عمليه البورد فيهو سته ألف عضو ، يعني شنو لو بكري وقف خمسين ولا ميه - ولا أي عدد - بسبب شتايم متكرره و حفاظا علي حق الآلاف الباقيه البتكتب و مئات الآلاف البتقرا كل يوم !
يا حاتم يا عزيزي ما في مكان في العالم : إسفيري ، علي الأرض أو في السماء ما فيهو قوانين تردع المخالف ، تبعد المسئ و تعيد الحقوق لاصحابها إلا سودانيزأونلاين ، القوانين و اللوائح معلقه للزينه !!

Quote: الانسان السوداني يحب الاثارة الرخيصة و قصص الفضائح و الشتيمة ، وراجع أي بوست لا يحتوي شتائم و عدد القراءات بالتالي المشكلة في تركيبة الانسان السوداني نفسه وشئ اصبح ثقافة سائدة هنا من الصعب اقتلاعها لانني مقتنع ان معظم من يشتمون هنا ينهون اولادهم وبناتهم في البيوت من الشتيمة لكن في المنبر لكي تكون شخصية (مهابة) يجب ان تكون شاتماً و بالتالي هي جزء من طريقة الكتابة هنا سيكون من الصعب إقتلاعها

الاثارة الرخيصة و قصص الفضائح و الشتيمة يا حاتم محبوبه في العالم كلو مافي السودان بس ، يبدو إنها طبيعه بشريه ، لكن أتفق معاك في نفاق الشتامين و نهيهم عنها في بيوتهم و بذلها بسهوله عند أول إختلاف للراي هنا ، عشان كده يجب أن يَُقتَلعْوإن أبو أن يقلعو !

الأخ الكريم أمين والمشاركون الكرام والمشاركات ،

متابع للبوست من بدايته وأثمن مجهوداتك يا أمين في محاولاتك تش عين الضلام بالضو ،

اها انا باعتقد انو مربط الفرس - اشمعني الفرس - هو كلام أميرة دا

Quote: ملاحظةاعتقد انها مهمة,,, فى حاجة تانية قاعدين نروج ليها ,,,مثلا زول مالى المنبر شتايم واساءة واحيانا ينسج ويجمع معلوماتة من وحى خيالو وممكن ينزلها ليك... دى ما المشكلة,,, المشكة لما يجى زول ويقعد يشكر ليك ويقول كلام سمح عن الشاتم لمن انت تتحير والله الزول دا على الطبيعة اى فى ارض الواقع طيب شديد واخو اخوان ومهذب وودناس ومحترم,,,.وووووو ماممكن هنا قليل ادب ولسانك فالت وبرة كويس ومهذب..,, د ى يفهموها كيف?? ياهو دا الانفصام الانا قاصدة

بالنسبة لي يا أمين انا باحدد مداخلاتي مع الناس البافترض فيهم الاحترام لأنفسهم وللاخرين ،

طبعا قبل كده الموضوع هو البيفرض عليك التداخل ،

في موضوعات بيكون عندي رغبة قوية اتداخل فيها لكن لانو كاتبا هو فلان الفاني فانا بامسك قلمي عن الكتابة فيها ،

مع انو الزول دا ممكن في الحالة دي يقول ليك كلام كويس ، لكن الاشياء بالنسبة لي ما بتنفصل !

تلقي الواحد نازل شتيمة واقلال من شأن الناس واول ما يجي واحد صاحبو يقول ليك عنو انو عقد والا عرس والا ولده طهروه تلقي الناس كلها جاية تبارك ! ويعددوا ليك محاسنو واخلاقو العالية !

حاجة تانية انو الناس لسه مازالت بتقدر الكلمة المكتوبة وبتديها بعض القداسة ،

اها القصة دي هي السبب في انو اي واحد اشترك هنا والا في اي منبر تاني طوالي يعتبر نفسو كاتب كبير !

في حالة سودانيزاونلاين دي مثلا الشخص دا بيساوي نفسو ببشري الفاضل ويحيي فضل الله وخطاب حسن احمد علي سبيل الامثلة لا الحصر !

وليه لا ؟ ما كلهم عندهم باسوورد زيو !

اها الزول دا طوالي تلقي جا ووري خطاب انو ما بعرف شعر ويحيي انو ما بيعرف يكتب وكذلك بشري !

اذا رد واحد من الجماعة ديل ايا كانت طبيعة ردو فالكاتب الاول وزمرتو جاهزين بتهم الاستعلاء وشنو كدا ما عارف !

طيب ،

حاجة قريبة من كدا اشار ليها العزيز حمور في واحدة من بوستاتو تعيش الحكومة .. تسقط الحرية

رؤية حمور في البوست دا كانت ثاقبة كغالب كتاباته ،

بالنسبة لي وانا قلت الكلام دا هناك المثير للدهشة وللأسف اكتر انو نفس الناس المستعدين للتضامن مع حمور في حريق منزله هم ذاتهم بيجو هنا بالاراء الفطيرة - اذا اعتبرناها اراء-

يعني واحد يقول ليك اطلقوا سراح عضو البورد فلان الفلاني ويتضامن معاهو وممكن يكتب مداخلات كتيرة عن الموضوع دا بل وبوستات باكملها ،

لكن يجي يقول ليك هو ضد مسيرات المعارضة السلمية وياسر عرمان تافه والصادق المهدي طائفي قذر والميرغني عميل !

طيب انت بتتضامن ضد منو والا هو ساكت كدا بس !


لا نستطيع تربية الناس او اعادة تشكيلهم يا أمين ،

نكتب ما نكتب ونأمل ان يصيب ذلك قلبا نظيفا وعقلا متفتحا كان ذلك من أعضاء المنبر أو من قرائه ،

ان حدث ذلك فقد كسبنا بعض معركتنا في التنوير ،


باكرر مرة تانية انو في ناس هنا ممكن تسمع الكلام البيقولوه دا في الشارع ،

كان ذلك بذاءاتهم اللفظية او اراءهم الغبية ،

اها انت في الشارع ح تسمعهم وتسكت ،

اشمعني هنا يدك او قلمك ياكلك عشان ترد عليهم ؟

بالنسبة لي مسألة القلم ما بزيل بلم اصبحت الكيبورد ما بزيل بلم ،

عشان كده النوع دا تتجاوزوا فقط وتواصل كتابتك وطرح أفكارك ،

كونو انو الواحد بيكتب من خلف كيبورد فدا ما سبب ابدا انك تتوسم فيهو الفهم او الصدقية ،

نظرة واحدة لجرايدنا اغلبها - وخاصة الرياضية - ح تأكد ليك كلامي دا يا أمين .


اها يا عزيزي بالنسبة لسؤالك محور البوست دا

Quote: الناس دي ما بتعرف تتناقش بلا شتايم ؟!

بالنسبة لي الاجابة هي انهم ما بيعرفوا !

النوع دا من الناس دي غاية معرفتهم وحظهم في الحياة هي بذاءتهم والحط من الاخر وللأسف المسألة دي منتشرة في السودان : الحط من الاخر المختلف عرقيا، دينيا ،لغويا ، جهويا و.....!


مودتي .
.

Quote: سؤال غلبني اجاوبو الزول الاسرتني عيونو و كتلتني حواجبو ... و جننتني رموشو و كترت عليا مصايبو كيفن ألوموا وهو البينا ما حاسبو مصهين مضيع واجبو وناسى مثالبو

قاسي عليا دايما وأنا في قساهو بطايبو
المحيرني ياناس

لابريد البشير ...لا بحب أوكامبو

الخال العزيز أمين
زمان في الجامعة كنا بنعمل ميثاق شرف توقع فيهو التنظيمات السياسية لنبذ العنف

الكلام دة مابنفع هنا ؟

الأعزاء أمين وضيوفه الكرام
ترددت كثيرا في الدخول لهذا البوست، وقلت أقرأ ما يقوله الشباب. ولكن وجدت أنني أختلف مع من ينسبون الشتائم لتربيتنا، وأرى أن ذلك جورا عل شعبنا، وقد عشت في زمن كان السياسيون والمثقفون في لسودان يرفعون شعار إختلاف ال{اي لا يفسد للود قضية، ولقد كانت هناك قفشات ذات طابع شخصي في البرلمانات منذ البرلمان الأول وكان للأستاذ الكبير محمد أحمد محجوب اليدالطول فيها، فمثلا عندما تقدم محمد نورالدين بمشروع قانون بنك الدم، علق المحجوب "كل شخص يبحث عما ينقصه" وخرج الجميع يضحكون في بوفي البرلمان، وفي الجمعية التأسيسية بعد أكتوبر، رد المحجوب على فاطمة أحمد إبراهيم ولم كن قد تزوجت بعد، مناديا لها بالسيدة المحترمة وعندما نبهه عزالدين علي عامر أو حسن الطاهر زروق لأ أتذكر بأنها آنسة، رد المحجوب بصوته الغليظ "آنسة أم سيدة أنتم أدرى بها مني" وضحك الجميع على ذلك ولم ترق الدماء. وهكذا. ويذكر كبار السن أن كاتبا صحفيا كان قد وصف مبارك زروق بالشاب الأنيق المعطر، وقد أستلف ذلك الوصف الأمير نقدالله ليصف محمدالحسن الأمين في الديمقراطية الثالثة. ولكن لم تصل هذه القفشات حد الشتائم والرد عليها، وتعلمنا من ذلك الجيل رغم خلافنا السياسي معه إحترام الآخر ولو كان معاديا وليس فقط مختلفا.
إذا كان الأمر كذلك فمن أين تأتي الشتائم هذه الأيام؟
إنها الديكتاتوريات ودخول العنف في حياتنا السياسية وفي حياتنا الطلابية، وتراكم الغبائن بين الحكام والشعب، وإستعمال الحكام وأجهزة الأمن للغة عنيفة ومسيئة في مخاطبة معارضيها، وأنتقل المرض وسط بعض المعارضين، وأصبح التسامح في العمل السياسي والمناقشات معدوما.
وأرى أننا مطالبين بإستعادة ثقافة الديمقراطية وأن إختلاف الرأي لا يفسد للود قضية، وهذه تحتاج لصبر وطول بال ولا يحلها تطبيق اللوائح، بل يحلها مثل هذه المناقشة في سبيل خلق رأي عام ضد الشتائم في البورد وعدم الرد على الشتائم، والشخص الذي لا يرد على الشتيمة هو أشجع وأكثر وعيا وأكثر إحتراما لنفسه وللآخرين، وإذا أصرينا على هذا السلوك من أغلبيتنا، فسنخلق جوا ستسحيل فيه الشتيمة، ومن يصر على ممارستها، سيجد نفسه وحيدا عندما يطبق عليه اللائحة التي أرى أن نقلل من تطبيقها وأن لا نلجأ لها إلا في الحالات المستعصية على العلاج.
أرى أن إشتراك عدد كبير من الأعضاء في المناقشة وفتح أكثر من بوست حول الموضوع هو بداية طيبة لتكوين الرأي العام الذي أدعو. وهاهو حيدر الزين، أحد الكتاب المتميزين في البورد يتعهد بألا يرد على الشتائم التي توجه له، وقد ظللت أسلك مثل سلوكه منذ إلتحاقي بالبورد.

الأخ/ صديق كبلو...

تحياتي..

حقك طبعا في الإختلاف محفوظ.. ولكن أعتقد أننا فعلا إذا نظرنا لأساليب وأدبيات

التربية نرى الكثير من العنف اللفظي... بل البعض من الآباء لا يحلو أن ينادي

أبناءه إلا بعبارة "يا أبن الكلب"... وفي بعض الأحايين العبارة نفسها تكون

للتحبب.. هذا واقع السواد الأعظم من أدبيات التربية في الأسر السودانية,, وهم

لا يلقون بالا لإثارها التراكمية.. والتي تختزنها النفس.. وتتبدى عند ما

تتاح الظروف...

أتفق معك في عدم رد الشتيمة ........ ولكن هناك جانب من الصورة لم

نركز عليه الضوء... هناك شتيمة غير مباشرة... تكتب في موضوع ما .. ويجي

من يسفه رأيك.. تسفيها غير موضوعي.. ويقول لك كما قال المتنبيء في كافور:

"إني رأيتك ذا نعل وإن كنت حافيا"... هذا أيضا يجب أن يتوقف.. حتى لا نثير

اللذين في نفوسهم مرض الشتيمة والسب.. يمكن أن تعرض رأيك بكل إحترام.. وتختلف

بكل موضوعية كما فعلت أنت الآن أخي صديق... ولكن أن يأتي غيرك ويقول إن هذا

الكلام ينم عن جهل وضحالة وما إلى ذلك مثل ذلك الكلام مسئول أيضا أن يمهد الأرضية

الأخلاقية للشتائم... طبعا هذا لا يعني إذا أتي شخص وسفه رايي بأنني سوف أشتمه

أو أسبه حاشا لله ولكن أردت أن أرمي حجرا في بركة محور مهم في القضية..

لك الود ولكل المتداخلين

دكتور الوليد يا حبيب سلام

Quote: في موضوعات بيكون عندي رغبة قوية اتداخل فيها لكن لانو كاتبا هو فلان الفاني فانا بامسك قلمي عن الكتابة فيها ، مع انو الزول دا ممكن في الحالة دي يقول ليك كلام كويس ، لكن الاشياء بالنسبة لي ما بتنفصل ! تلقي الواحد نازل شتيمة واقلال من شأن الناس واول ما يجي واحد صاحبو يقول ليك عنو انو عقد والا عرس والا ولده طهروه تلقي الناس كلها جاية تبارك ! ويعددوا ليك محاسنو واخلاقو العالية !

و ده بلزبط أنا قصدتو لمن قلت لاميره الناس العميقه أساسا ما بدخلو بوستات الشتامين ، المساله ما بتتجزأ زي زي ما تفضلت و نحن علينا بما نقرا هنا و ليس أي شي آخر ....
تشجيع الشتامين - حتي عندما لا يشتمو - بيديهم مفهوم خاطيء إنو الناس موافقه علي شتايمهم .

Quote: حاجة تانية انو الناس لسه مازالت بتقدر الكلمة المكتوبة وبتديها بعض القداسة ، اها القصة دي هي السبب في انو اي واحد اشترك هنا والا في اي منبر تاني طوالي يعتبر نفسو كاتب كبير ! في حالة سودانيزاونلاين دي مثلا الشخص دا بيساوي نفسو ببشري الفاضل ويحيي فضل الله وخطاب حسن احمد علي سبيل الامثلة لا الحصر ! وليه لا ؟ ما كلهم عندهم باسوورد زيو ! اها الزول دا طوالي تلقي جا ووري خطاب انو ما بعرف شعر ويحيي انو ما بيعرف يكتب وكذلك بشري !

والله يا دكتور لو الناس بتنتقد بشري الفاضل ويحيي فضل الله وخطاب حسن احمد بادب و إحترام مافي مشكله طالما الناس دي شخصيات عامه و بتنشر إنتاجها الأدبي هنا ، المشكله لمن تبقي شتايم و منابذه نتيجتها عزوف الكتاب العندهم منتوج حقيقي ينفع الناس .
و لنا فيمن عافي الكتابه هنا و حلق في سماوات اخر خير دليل و شاهد علي ما نقول .

Quote: لا نستطيع تربية الناس او اعادة تشكيلهم يا أمين ، نكتب ما نكتب ونأمل ان يصيب ذلك قلبا نظيفا وعقلا متفتحا كان ذلك من أعضاء المنبر أو من قرائه ، ان حدث ذلك فقد كسبنا بعض معركتنا في التنوير ،

الشتائم و الإساءات يا دكتور بيرد عليها بمزيد من الكتابه الواعيه و في الآخر بيبقي ما ينفع الناس ، لكن ده أصلا ما بيخلي إدارة البورد من مسؤليتها في نظافة هذا المكان .
ولاننا لا نستطيع تربية الناس او اعادة تشكيلهم كما تفضلت ، يجب تفعيل اللوائح التي من شانها أن تجعلهم يقلعو ، فإن لم يقلعو ، يُقلَعْو !

Quote: بالنسبة لي الاجابة هي انهم ما بيعرفوا ! النوع دا من الناس دي غاية معرفتهم وحظهم في الحياة هي بذاءتهم والحط من الاخر وللأسف المسألة دي منتشرة في السودان : الحط من الاخر المختلف عرقيا، دينيا ،لغويا ، جهويا و.....!

أها هنا يا دكتور أنا مختلف معاك ، الناس دي كلها بتعرف تكتب بادب و تختلف بإحترام و بدون شتائم و إساءات ، لكنهم - لسطحيتهم - امنو العقاب فساءو الأدب !

عشاري يا حبيب ، سلامات

Quote: قاسي عليا دايما وأنا في قساهو بطايبو المحيرني ياناس لابريد البشير ...لا بحب أوكامبو

اعتمدنا الجزء الأول و رفضنا الجزء التاني خاصة بتاع ما (بريد البشير ) ده ، ياخي نحن عايزين الغنيه تنتشر و تتباع و نعمل منها قريشات ، بكلامك ده ما بدخلوها السوق ذاتو

Quote: زمان في الجامعة كنا بنعمل ميثاق شرف توقع فيهو التنظيمات السياسية لنبذ العنف الكلام دة مابنفع هنا ؟

بنفع من ناحيه نظريه ، من ناحيه عمليه ما بنفع ، ياخي الكيزان أول ناس مضو علي ( ميثاق الحفاظ علي الديمقراطيه) بعد الانتفاضه ، الشتامين ديل زي الكيزان بيخافو ، ما بيختشو !

Quote: الشتامين ديل زي الكيزان بيخافو ، ما بيختشو !

احترس لا تطلق النار
اسي دا ما فاول يا عمك ؟









-----------------

كامل تضامني مع الكيزان

المبارزة

تنهزم الأفكار ، نعم
لكن بالأفكار
يحتكّ المنطق بالمنطق ،
والحجة بالحجة ،
والبرهان الساطع بالبرهان
نتجادل حتى
ينثلم الرأي الأوهى
في وجه الرأي الأقوى
نختلف كما يختلف الناس،
ولكن يا للخزي ، ويا للعار
إن أفلسنا حتى ضقنا
ذرعا بالرأي الآخر.


نص شعري ....للشاعر عالم عباس محمد نور

يا قيقا بالله اديها صنة..عالم عباس ده شعرا ما عندنا ليهو رقبة كما يقول اوسع امثال س.اونلاين انتشارا ، فعليه ارجو انك تساهم معانا في تكملة اغنية الموسم بتاعة حواجبو و رموشو و سؤال غلبني اجاوبو .

Quote: فعليه ارجو انك تساهم معانا في تكملة اغنية الموسم بتاعة حواجبو و رموشو و سؤال غلبني اجاوبو .

حبيبنا
وين الناس ياخ ؟

دا شِعر ما عندنا ليهو شَعر ذاتو ، و كمان غنيتكم دي جابت ليها أوكامبو
نساعدكم بالصفقة و سب سب يب يب . . . ساي

Quote: وأرى أننا مطالبين بإستعادة ثقافة الديمقراطية وأن إختلاف الرأي لا يفسد للود قضية، وهذه تحتاج لصبر وطول بال ولا يحلها تطبيق اللوائح، بل يحلها مثل هذه المناقشة في سبيل خلق رأي عام ضد الشتائم في البورد وعدم الرد على الشتائم،

الاخ الكريم دكتور صدقي ، سلام
أتفق معاك يا دكتور في كل كلامك ، و معاك تطبيق اللوائح لوحده ما بحل المشكله ، لكنو إجراء ضروري و ضروري جدا للحد من الشتايم و الإساءات التي طفحت حتي صار الاستثناء هو الحوار بالتي هي أحسن .
اللوائح دي يا دكتور وضعها صاحب المنبر نفسو وارتضينا كأعضاء الاحتكام ليها عند حدوث ما يستدعي إستعمالها .
ما يحدث الان في المنبر يدعو للبكاء علي وطن كامل إذا كان ده حال مثقفينو : كل القضايا الحقيقيه بتضيع مع الشتايم و الإساءات و شفتك إنت شخصيا في أكتر من بوست تعزف عن الاستمرار في النقاش بعد علو صوت الشتايم و الإساءات علي الحوار نفسو .
الرأي العام مهما كان قوي لم و لن يستطيع وقف السيل الجارف من الشتايم و الإساءات ، لا بد من تطبيق اللوائح لعزل من يسئ للناس و للحوار .

أمين معليش على الإنصرافية

بس عندي سؤال واقف في حلقي و غلبني أجاوبوا

بوست الياسمين

راح وين ؟

Quote: بس عندي سؤال واقف في حلقي و غلبني أجاوبوا بوست الياسمين راح وين ؟

بوست الياسمين (ارشفو ) بكري مشكورا استجابة لطلبي !













-----
البوست داك كان تاعبني تعب شديد ، يا دوب الواحد إرتاح !

بسم الله الرحمن الرحيم
" مثل الذين حملوا التوراة ثم لم يحملوها كمثل الحمار يحمل اسفارا بئس مثل القوم الذين كذبوا بايات الله والله لا يهدي القوم الظالمين "
صدق الله العلي العظيم
سورة الجمعة - آية 5

قوله تعالى: «مثل الذين حملوا التوراة ثم لم يحملوها كمثل الحمار يحمل أسفارا» إلخ، قال الراغب: السفر - بالفتح فالسكون - كشف الغطاء و يختص ذلك بالأعيان نحو سفر العمامة عن الرأس و الخمار عن الوجه - إلى أن قال - و السفر - بالكسر فالسكون - الكتاب الذي يسفر عن الحقائق قال تعالى: «كمثل الحمار يحمل أسفارا» انتهى.و المراد بتحميل التوراة تعليمها، و المراد بحملها العمل بها على ما يؤيده السياق و يشهد به ما في ذيل الآية من قوله: «بئس مثل القوم الذين كذبوا بآيات الله»، و المراد بالذين حملوا التوراة ثم لم يحملوها اليهود الذين أنزل الله التوراة على رسولهم موسى (عليه السلام) فعلمهم ما فيها من المعارف و الشرائع فتركوها و لم يعملوا بها فحملوها و لم يحملوها فضرب الله لهم مثل الحمار يحمل أسفارا و هو لا يعرف ما فيها من المعارف و الحقائق فلا يبقى له من حملها إلا التعب بتحمل ثقلها.
و وجه اتصال الآية بما قبلها أنه تعالى لما افتتح الكلام بما من به على المسلمين من بعث نبي أمي من بين الأميين يتلو عليهم آيات كتابه و يزكيهم و يعلمهم الكتاب و الحكمة فيخرجهم من ظلمات الضلال إلى نور الهدى و من حضيض الجهل إلى أوج العلم و الحكمة و سيشير تعالى في آخر السورة إشارة عتاب و توبيخ إلى ما صنعوه من الانفضاض و الانسلال إلى اللهو و التجارة و النبي (صلى الله عليه وآله وسلم) قائم يخطبهم يوم الجمعة و هو من الاستهانة بما هو من أعظم المناسك الدينية و يكشف أنهم لم يقدروها حق قدرها و لا نزلوها منزلتها.فاعترض الله سبحانه بهذا المثل و ذكرهم بحال اليهود حيث حملوا التوراة ثم لم يحملوها فكانوا كالحمار يحمل أسفارا و لا ينتفع بما فيها من المعرفة و الحكمة، فعليهم أن يهتموا بأمر الدين و يراقبوا الله في حركاتهم و سكناتهم و يعظموا رسوله (صلى الله عليه وآله وسلم) و يوقروه و لا يستهينوا بما جاء به، و ليحذروا أن يحل بهم من سخطه تعالى ما حل باليهود حيث لم يعملوا بما علموا فعدهم الله جهلة ظالمين و شبههم بالحمار يحمل أسفارا.
و في روح المعاني،: وجه ارتباط الآية بما قبلها تضمنها الإشارة إلى أن ذلك الرسول المبعوث قد بعثه الله تعالى بما نعته به في التوراة و على السنة أنبياء بني إسرائيل كأنه قيل: هو الذي بعث المبشر به في التوراة المنعوت فيها بالنبي الأمي المبعوث إلى أمة أميين، مثل من جاءه نعته فيها و علمه ثم لم يؤمن به مثل الحمار.

منـقول للـفائدة ..

الاخ أمين

شكرا على فتح هذا الموضوع بهذه الكيفية وقد جال بخاطري نفس التساؤلات.

تذكرت الاية الكريمة اعلاه وتفسيرها بعد قرآتي لمداخلة الاخ حمور وردود الاخوين محمد E سليمان
وقيقراوي..مما جعلني اتسآل..

ثم قرأت:




والمثل لغة : صيغة المثل وما يشتق منها تفيد التصوير والتوضيح ، والظهور والحضور والتأثير . فالمثل هو الشيء المضروب الممثل به الذي تتضح به المعاني وهو صفة الشيء أيضاً .


والقرآن الكريم حافل بذكر الأمثال ، وهي كثيرة جداً : فمن ذلك قوله تعالى()َلَمْ تَرَ كَيْفَ ضَرَبَ اللَّهُ مَثَلاً كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ * تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ * وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَا لَهَا مِنْ قَرَارٍ) (ابراهيم )


عن ابن عباس في قوله : ( ألم تر كيف ضرب اله مثلاً كلمة طيبة كشجرة طيبة * يعني بالشجرة الطيبة المؤمن ويعني بالأصل الثابت في الأرض والفرع في السماء يكون المؤمن يعمل ي الأرض ويتكلم فيبلغ قوله وعمله السماء وهو في الأرض .


وفي قوله تعالى في الآية السابقة (وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ)(ابراهيم: من الآية25)) يقول الشوكاني : وفي ضرب الأمثال زيادة تذكير وتفهيم وتصوير للمعاني . ويقول ابن سعدي :فإن في ضرب الأمثال ، تقريباً للمعاني المعقولة ، من الأمثال المحسوسة ، ويتبين المعنى الذي أراده الله ، غاية البي
ان ، ويتضح ،غاية الوضوح ، وهذا من رحمته ، وحسن تعليمه . فلله أتم الحمد وأكمله وأعمه. ويقول أبو بكر الجزائري : بعد هذه الأية ، من هداية الآيات : استحسان ضرب الأمثال لتقريب المعاني إلى الأذهان .

المصدر: http://www.rasoulallah.net/subject2.asp?parent_id=108&sub_id=1362


مدخل ديني لغوي معنوي :(ناس التفسير ما تجوني ناطين والملحدين برضو لان المدخل ده المراد به التوضيح ).:).

مابين (الشتيمة) والتشبيه:

من روائع التشبيه في الاية الكريمة اختيار رب العزة للحمار. فالحمار حيوان اليف من ذوات الحافر
يساعد الانسان في (حمل) نفسه للترحال او حمل الاشياء. لا يأبه لمن او ماذا يحمل فان الله سبحانه وتعالى
قد خلقه لهذا الامر. وياله من تشبيه ليس فيه اي انتقاص للحيوان بل انه الحيوان يفعل تماما ماهو مخلوق له وماهو متوقع منه: فان الله قد خلق للانسان العقل وارسل لهم المعلمين فعلموهم وبالرغم من كل هذا يظلون يحملون العلم ولا يعملون به...وهذه خاصية الفصام والشيزوفرينيا التي تقول
بها أميرة الشيخ..وحاتم علي..زد عليها النفاق الاجتماعي.



واعتقد ان ثقافات الناس واطلاعها يشكل فرقا شاسعا عند تداول التشبيه أو الشتائم والفرق هاهنا
صغير جدا ومن الافضل ان يتخير الانسان لقدمه قبل الخطو موطئها حتى لا نقع فيما وقع فيه حمور.
نشبه الرجل الشجاع بالاسد فنمدحه لان الاسد في ثقافتنا رمز للشجاعة.

ان شبهنا رجلا ما بالكلب: فان (السياغ) المتعارف عليه انها ترسل للزم والهجاء حتى وان كان
المهجوء مطابقا للتشبيه وفي حالة حمور كانت: النجاسة..ان تقول لاحد نجس أخف وطأة من اطلاق كلب:
لان الاسقاط لا يكون كون الكلب نجسا فقط ولكن يكون معها وضاعة الحيوان اللاعاقل وصفاته الحيوانية
التي نترفع عليها نحن البشر بالرغم ما لدى بعض الحيوانات من صفات نتخيرها لتلائم مبتغانا عند التشبيه.


شخصيا أعتقد أن التشبيه الحاد أو/و البذاءة حتى وان وقعا في خانة ترسيخ البيان يقللا من التوقير والهيبة عندالرجال
والتوقير والحياء عندالنساء وليس العكس كما يعتقد الكثيرون.فان قال لي احدكم لما ربطتي الهيبة بالرجال فلان احدهم يقبل على البذاءة من باب الشجاعة والاقدام أما النساء فانهن يقدمن عليها من باب الجرأة
والتحرر من القهر.


...

بجيك صادة..لسه ما قلت شئ.
:).

الحقيقة والواقع:

كيف نتفادى البذاءة ؟؟!.

في الكثير من الاحيان اجد ان بعض الاخوة بالبورد يشتمون من يرون انه اهل لذلك لانه(الاخ المشتوم) قد قام بشتيمة اخت هنا او اخ؟!!.

كيف يا اخ أمين حتقنع الاخ ان لا يبادله الشتائم وهو ان شتم فانما مدافعا عن الاخت والتي لم تفعل
شيئا لشاتمها سوى مخالفته الرأي؟؟!!.

نفس الاخ شاتم شاتم الاخت معروف عنه انه ذو خلق وعفيف اللسان.!!!.

التبرير هو (الوجع الخرافي) للبذاءة.

الهتيفة والمحتفيين لرد الصاع صاعين هم الطامة الكبرى.

وهناك من يشتم بStyle ..ديل الناس البجيبوا ابيات شعر,,, وأمثال,,وكده.

وهناك من يشتم عبر المداخلات يعني باللفة..يعني بالمطاعنة..وهؤلاء هم من يصب الزيت في النار.


اذا اجتمع هؤلاء النفر في مكان واحد هل سيستحون أم سيتناوبون في بذل عطاء الشتائم؟؟!!.

ياخي كيف اكتب لى زول اختلف معاي في رأي انه...(كلب) مثلا..

ولما الاقيه اسلم عليه عادي واعاين ليه في عينه؟؟؟!!!!.

أو حتى كيف الاقي زميل او زميلة لي في البورد وبعين قوية اقعد معاهم اجتماعيا واكون مشهور
اني بذئ القول أو الكتابة؟؟؟!!!!.

مجرد انه هناك تبرير مقنع للبعض لاستخدام العنف اللفظي ما حينتهي.

انا معاك لابد لبكري ان يفعل اللوائح.

اقتراح:

ممكن يعمل لستة او فوروم باسم الخور واي عضو يسئ الكلام يودوه الخور,,,يتلموا على بعض ويكتبوا.:).

مادام ماعايز يفصلوم.

.
.
.

بس في مشكلة...الناس البتقول ليك ده تشبيه ما شتيمة...تقيمون عند بكري شنو؟؟ نفسي اعرف.

وممكن يكون في قائمة بالمفردات الممنوعة..دي صعبة شوية..بس منعا للتبرير...

ممكن كلنا نوقع في بوست واحد ونضغط عليه يفعل اللوائح.. مسيرة سلمية وكده.

:).

شوف يا امين طبعا كل اناء بما فيه ينضح
والبادي اظلم

والله الواحد بطنو طمت من الشوارعية الكترو الايام دي بالمنبر وعطرو البورد بروائعهم التي اذكمت انوفنا

وعلي فكرة هم معروفين

Quote: اقتراح: ممكن يعمل لستة او فوروم باسم الخور واي عضو يسئ الكلام يودوه الخور,,,يتلموا على بعض ويكتبوا.:).

اقتراح جميل يا اميمة نزكيه

Quote: تنهزم الأفكار ، نعم لكن بالأفكار يحتكّ المنطق بالمنطق ، والحجة بالحجة ، والبرهان الساطع بالبرهان نتجادل حتى ينثلم الرأي الأوهى في وجه الرأي الأقوى نختلف كما يختلف الناس، ولكن يا للخزي ، ويا للعار إن أفلسنا حتى ضقنا ذرعا بالرأي الآخر.

تعرف يا قيقا ، لو عالم عباس هسي جانا في البوست ده و قال كلامو ده ما كتبو عن البورد ده ، بقول ليه كضاب ! و قصيدتو دي مفروض يسميها سودانيزأونلاين !

سلام يا أميمه و شكرا جزيلا علي الموضوع المنقول .
باقي كلامك ده :

Quote: شخصيا أعتقد أن التشبيه الحاد أو/و البذاءة حتى وان وقعا في خانة ترسيخ البيان يقللا من التوقير والهيبة عندالرجال والتوقير والحياء عندالنساء وليس العكس كما يعتقد الكثيرون.فان قال لي احدكم لما ربطتي الهيبة بالرجال فلان احدهم يقبل على البذاءة من باب الشجاعة والاقدام أما النساء فانهن يقدمن عليها من باب الجرأة والتحرر من القهر.

Quote: ياخي كيف اكتب لى زول اختلف معاي في رأي انه...(كلب) مثلا.. ولما الاقيه اسلم عليه عادي واعاين ليه في عينه

Quote: أو حتى كيف الاقي زميل او زميلة لي في البورد وبعين قوية اقعد معاهم اجتماعيا واكون مشهور اني بذئ القول أو الكتابة؟؟؟!!!!.

Quote: مجرد انه هناك تبرير مقنع للبعض لاستخدام العنف اللفظي ما حينتهي

مفروض يكتب بماء الذهب و يعلق علي أستار المنبر !

Quote: شوف يا امين طبعا كل اناء بما فيه ينضح والبادي اظلم والله الواحد بطنو طمت من الشوارعية الكترو الايام دي بالمنبر وعطرو البورد بروائعهم التي اذكمت انوفنا

سلام يا بكري
لمن الشتيمه تبقي الأصل و الحوار يبقي الإستثناء ، بينتفي سبب وجود الناس هنا و ده الحا يحصل إذا لم نجد حل لوقف سيل الشتايم دي !

الاخ ايمن سؤالك ذكرني بقصة طريفة

حصلت هنا في مدينة الرياض

كان في مجموعة سودانيين ساكنين مع بعض عزابة

امزجتهم مختلفة في المشاهدة الفضائية لم يتفقوا ابدا
عملوا حل كل واحد ركب رسيقر في غرفته .

تخش الشقة تلقاها زي عربية الدوريات اصوات من كل حدب و صوب
واحد بشاهد في كورة و الثاني مصارعة و الثالث الاخبار
و الرابع تلقاه ماسك اقصي اليسار و شغال فيديوهات ساي

و واحد عاجباه ليك اوبرا خصوصا بعد ما عرف انها غير متزوجة

المهم حلوها مؤقتا ..... لكن الخلاف دب من تاني

كل واحد بقول للتاني وطي صوت التلفزيون بتاعك ده

و كل واحد مصر انه حر مافي جنس مخلوق بيتحكم فيه

المهم كلمة من هنا و كلمة من هناك ... انفعل واحد و كسر تلفزيون الاخر

قامت الدنيا وفي لحظات 5 تلفيونات اتكسرت و هاك يا لبع و كبع

و الابواب كسروها و الشبابيك و الدواليب

حتي الثلاجة و عدة المطبخ ما سلمت


و اتلموا الجيران و جات الشرطة و كتبوهم تعهدات

و غرامات لصاحب البيت ..... و بعد داك كلوا
استمروا في نفس البيت و الميز واحد و الونسة كأنه ما حصل

اي حاجة ,,,,, بالله ما حاجة غريبة و ما لها اي تفسير منطقي

التعديل لتصحيح الاخطاء المطبعية
ادم العمار

Quote: انفعل واحد و كسر تلفزيون اخر قامت الدنيا و 5 تلفيونات اتكسرت و هاك يا لبع و كبع و الابواب كسروها و الشبابيك و الدواليب حتي الثلاجة و عدة المطبخ ما سلمت و اتلموا الجيران و جات الشرطة و كتبوهم تعهدات و غرامات لصاحب البيت ..... و بعد داك كلوا استمروا في نفس البيت و الميز واحد و الونسة كأنه ما حصل اي حاجة ,,,,, بالله ما حاجة غريبة و ما لها اي تفسير منطقي

سلام يا ادم و شكرا علي قصتك المعبره عن الجزء السلبي من شخصيتنا كسودانيين !
هنا يا ادم ما مختلفين في تعدد المواضيع و لا نوعها ، المشكله في الطريقه اللي الناس بتناقش بيها و بتعبر بيها عن ارائها في المواضيع ، كل المطلوب إنو نختلف و نتفق في الرأي بكل أدب و إحترام لنفسنا و للناس .
ما في زول في البورد ده ما بعرف يشتم و يسئ ، لكن الناس العندها إحترام لنفسها و للناس ما ممكن تسئ و تشتم حتي لو وجهو ليها اساءه عشان كده سيد المحل ده مطالب بإنو يحمي الناس المحترمه من الناس الما محترمه طالما الكل ضيوف عندو !

سلام يا أمين

واضح أنك تراهن على فعالية اللائحة فى الحد من الشتايم..
المشكلة الناس بفتكروا بكرى بيقرا كل البوستات وشايف وساكت..
ودا من واقع تجربة فى إحدى المرات قلت لأحد المشتومين أكتب شكوى لبكرى ..
كان رده أن بكرى عارف..

عشان كدا حقو لو فى إمكانية بكرى يضيف أبقونة تبليغ عن مخالفة مع أيقونات رد... تعديل..
وبالنقر عليها تصل الشكوى للإدارة وقد شاهدت هذه الأيقونة فى بعض المنتديات.

عشان أكون واضح أنا شخصيا البشتمنى بفوت ليهو مرة مرتين وبعد داك بجهل فوق جهله وبرجع قرفان من نفسى ومحتمل بعد خطئه أتصل تلفون واعتذر.

ولى رأى آخر أعتقد فيه أن الإستفزاز للآخرين والإساءة من جهة أسماء محددة سياسة عدييييييل كدا ومقصودة وكانت مستعملة فى إعلام الجبهة فى الفترة الديمقراطية.

هنا بعطيك مثال دون ذكر إسم المستفز بس متأكد حاتعرفو براك :
هل إغتصاب النساء فى الحرب فى السودان مرتبط بالغرابى؟

سلام يا بله

Quote: واضح أنك تراهن على فعالية اللائحة فى الحد من الشتايم.. المشكلة الناس بفتكروا بكرى بيقرا كل البوستات وشايف وساكت.. ودا من واقع تجربة فى إحدى المرات قلت لأحد المشتومين أكتب شكوى لبكرى .. كان رده أن بكرى عارف.. عشان كدا حقو لو فى إمكانية بكرى يضيف أبقونة تبليغ عن مخالفة مع أيقونات رد... تعديل.. وبالنقر عليها تصل الشكوى للإدارة وقد شاهدت هذه الأيقونة فى بعض المنتديات.

والله يا دكتور أنا مراهن علي إنو بكري يفعل اللوائح لانو ما شايف لي حل تاني واقعي ، الناس البتشتم دي ما حا تتوقف من نفسها و باقي الأعضاء ما عندهم القدره علي عمل أي شي ، مافي جهه تانيه ممكن تحد من الشتايم و الإساءات غير بكري و أهو إنت بتفتكر أو خاتي احتمال كبير إنو يكون ما بقرا كل ما يكتب ! يبقي فعلا حلك بتاع أيقونة الشكوي حل عملي لمسألة الشكوي و إنو بكري يعرف إنو في تجاوز ، السؤال البحرك بكري شنو بعد داك يا بله عشان يفعل اللائحه ؟!

Quote: عشان أكون واضح أنا شخصيا البشتمنى بفوت ليهو مرة مرتين وبعد داك بجهل فوق جهله وبرجع قرفان من نفسى ومحتمل بعد خطئه أتصل تلفون واعتذر.

لو في لائحه و في قانون يحكم هذا المكان ، ده كلو ما بحصل !

يا أمين
دي مداخلتي في الرد على حمور في الصفحة الأولى من خيطك دا :

Quote: تحياتي يا حمور فائدة لغوية Quote: مرة قلت لزميل كلمة* فهمها هو انها شتم له بتوصيف حيوان معين. و كنت و مازلت ارى اني لم اشتمه بوصف الحيوان انما اغلظت له في تشبيه النجاسة.للأمانة لامني اصدقاء و عدوها مني شتيمة .. و تفهمها اخرون من وجهة نظري. أسوأ عندي من الشتم تخريجك اللغوي الغريب الذي ساغ على البعض هنا ولغ يلغ ولوغا (فعل مثال واوه فاؤه) لغا يلغو لغوا (فعل واوه لامه) فكيف جاز لك أن تجعل فاء الفعل لامه ؟

الزميل المقصود هو أنا http://www.sudaneseonline.com/db/attention/010_Smile.gif[/IMG]
طيب لو عندي مشكلة شخصية مع حمور كما تقول أنت هل يعقل
أن تكون مداخلتي بهذا الشكل وهو يصر على موقفه السابق هنا ؟

عشان خاطر أخينا العوض المسلمي

للأهمية

كتب حمور زيادة

Quote: مرة قلت لزميل كلمة فهمها هو انها شتم له بتوصيف حيوان معين. و كنت و مازلت ارى اني لم اشتمه بوصف الحيوان انما اغلظت له في تشبيه النجاسة.للأمانة لامني اصدقاء و عدوها مني شتيمة .. و تفهمها اخرون من وجهة نظري.

ورد ذلك في بوست معتز أحمد
وقلت له تحتاج إلى غسل البوست سبعا منها مرة بالتراب بعد أن ولغ فيه البعض
لست الآن غاضبا من وصفك لي بذلك
لكني أنكر عليك عبثك بقواعد الصرف واستخفافك بعقول قرائك
عندما تقنعهم بأن ولغ هي من اللغو أو اللغة

تحياتي يا أخانا أمين
سؤال غلبني أجاوبو :بوست الياسمين كيف قدرت ترجعه
الأرشيف بعدما انتقل إلى الربع الحي

Quote: تحياتي يا أخانا أمين سؤال غلبني أجاوبو :بوست الياسمين كيف قدرت ترجعه الأرشيف بعدما انتقل إلى الربع الحي

سلام يا محمد
رغم إنك أبيت تجاوب سؤالي بهناك ، لكن أنا بجوابك :
بوست الياسمين الجديد ما فتحتو أنا ، فتحتو الاخت ساره علي .

Quote: بوست الياسمين الجديد ما فتحتو أنا ، فتحتو الاخت ساره علي

لا لا لا
لا أقصد البوست الجديد
أقصد البوست القديم كان قد انتقل إلى المنبر الجديد
وقد تداخلت فيه أنا بعد انتقاله

Quote: رغم إنك أبيت تجاوب سؤالي بهناك

سؤالك غير موضوعي
فذلك الحمبرة قد رشح نفسه وأصبح شخصية عامة يحق لنا أن نسأل عن مؤهلاته
والحمبرة نفسه فتح أكثر من بوست عناوينها عن درجاتي العلمية
رغم إنو ما ادعيت يوما في هذا المنبر ولا حتى حمل شهادة بكالوريوس

Quote: سؤالك غير موضوعي

فيك الخير يا محمد