سودانيزاونلاين ... الإتهام و الدليل !!

هل يجوز إتهام الناس بدون دليل في منبر عام ؟! خاصه إنو الناس دي ما عضوه في المنبر و لا تسطيع حق الرد !! ما نوعيه الدليل اللي بنطالب بيه و مدي واقعيتو ؟!
و هل يجوز ‎- من ناحيه أخلاقيه ‎- الواحد يجي يفتح بوست عن زول و يقول ماذا تعرفون عنه ، و تجي خلق الله تنداح في الزول ؟!

هذا البوست متفرع من بوست الاخ مصطفي قاسم
حالة تدعوا للدراسة الامين الشيخ مصطفى الامين ماذا تعرفون عنه ؟؟؟؟
لا أود بالتأكيد أن أناقش قضيه الأمين الشيخ في البوست أعلاه ، لكن عايز أناقش الاسئله الفوق دي و عايز نصل للخط الفاصل بين مهمه المنبر لكشف الفساد و المفسدين و بين إتهام الناس بالباطل لكل صاحب غرض و مرض ، الحد الفاصل بين الشخصي و العام ، بين الفاسد و الحاسد !

أمين يا عزيز ..

دا موضوع شحمان خاصة وقت يتعلق بشخصية عامة .. وشفنا عينة الاتهامات دي او الكتابة عن الكثيرين ..

حا اعسكر هنا يا حبيب ..

ارمي بياضك وبجيك راجع .. عندي نمااااذج كتيرة بجيبها للاتهمات لمن هم خارج المنبر ..



لك خالص التقدير ،،،

والتأخير لييييه ..

هاك نموذج عن الاستاذة اسماء محمود محمد طه ...

اللــــــــه، اللــــــــــه، اللــــــــــــــــــــه

ما بعرفها لكن ببحث عن دليل علي الكلام المكتوب بالبوست دا ...

الاخ امين

رغم اني لا احب التداخل في البوستات القائمة على موضوع بوست لازال قائماً
لكني اضطررت لذلك من واقع تداخلي في البوست "الام"
كل ما احب ان اشدد عليه هنا هو انني ادين هذا السولك جملة وتفصيلا
اخر بوست وضعت فيه رأيي في هذا الخصوص بوست الاخ ود البشرى " الله الله في اعراض الناس"
اما البوست موضوع النقاش يختلف في كل شيئ
اعتراضي على مطالبة كل فرد - يتناول موضوع مطروح ومعروف من قبل - بابراز الدليل ووو الخ
وضربت مثل ببوست الاخ شوقي ادريس تجده داخل البوست الذي ارفقته انت ، بالاضافة لقضايا التعذيب في بيوت الاشباح
يعني تداخلي لا تحسبه مسانداً للذين ينتهكون اعراض الناس وحاشاي ان اكون كذلك
وهذا فقط للتنويه ولن اعود لهذا البوست مرة اخرى

عزيزنا حيدر حسن ميرغني ...

عوود يآخ انت بالنسبة لينا قدوة .. ورايك جميل خاصة في ما يتعلق بالكتابات ..

ما قلته هناك بالبوست هو شئ عام وانا احب ان اجلس للصديق - وإن ابى - امين محمد سليمان
عشان نعرف ماهو الفرق بين عام وخاص ليتناول ..

فاترك عنك مساءلة اخر مداخلة دي نحتاج تقيييمك الراجح وحقيقي ..

مودتي للجميع

Quote: لا أود بالتأكيد أن أناقش قضيه الأمين الشيخ في البوست أعلاه ، لكن عايز أناقش الاسئله الفوق دي و عايز نصل للخط الفاصل بين مهمه المنبر لكشف الفساد و المفسدين و بين إتهام الناس بالباطل لكل صاحب غرض و مرض ، الحد الفاصل بين الشخصي و العام ، بين الفاسد و الحاسد !

العزيز امين ..تحياتى واحترامى..
هذا موضوع قديم متجدد وقد كثر هنا ..عشرات البوستات التى تتهم او تكيل السباب لاناس هم ليسوا
باعضاء فى المنبر..وبعضها جرت بعض زملاءنا هنا الى المحاكم واضطرت بكرى فى بعض الحالات لفصل البعض
ولكن ما زالت الساقيه مدوره..
لكن انت ذاتك بفتحك لهذا البوست تروج للبوست الاول وتنبه له الآخرين ..ما كان أخير واحد بدل اتنين
وكأنك (جيت تكحلها عميتها)..
ودى وتقديرى ومتفهم لدوافعك الايجابيه...

يا آدم موسي سلاماتي

انا عامل فيها صاحب امين دا لي كم يوم .. وهو بيحتل وبوستاتي وانا بالمقابل ..

ما افهمو من كلام امين عكس ما رجعت ليهو انت ..
امين عاوز يناقش مفهوم عام وليس قصة بوست محدد.. وماجاء به عبارة عن مثال فقط ..

يبقي ما بيروج لا شئ بل بينبه .. ومفروض لو في اعتراض على البوست الاول يُشكر امين
بتسليطه الضوء عبر هذا البوست ..


ـــــــــــــــ..

عفواً يا امين بس الطريفي انت عارفو لازم ينضم في اي شئ هههههه

أظن لا يختلف إثنان إنو سودانيزاونلاين أصبحت من أقوي الوسائل المعرفيه و من أكثرها تأثيرا علي ما يدور في السودان ، و أعتقد إنو بكري أبوبكر جاب احصائيه عن إنو سودانيزاونلاين أكثر المواقع زوارا في جمهوريه السودان الديمقراطيه الشقيقه !
ولا يختلف إثنان ‎- في تقديري ‎- أن الفساد متجذر و متمدد و (متجدع ) في السودان و إن إختلف تقدير الناس لحجم هذا الفساد .
ولا يختلف إثنان ‎- في تقديري ‎- أن أبسط ما يستطيع الفرد تقديمو لوطن يسكننا هو كشف الفساد و المفسدين !
بنفس القدر لا أظننا نختلف في أن سودانيزاونلاين هي أكبر سلخانه بشريه في وطننا الحبيب لسلخ و سحل كل من لا يتفق معنا في رأي سوي داخل أو خارج المنبر !
و حتي لا نرمي الناس بالباطل بقصد أو بدونه أري ‎- من ناحيه أخلاقيه ‎- بعدم جواز إتهام كائنا من كان بدون دليل ، و إن كان هنالك إستثناءات لكلامي هذا !

Quote: عفواً يا امين بس الطريفي انت عارفو لازم ينضم في اي شئ هههههه

إنداح يا دكتور الطريفي لانك بالظبط بتقول كلامي العايز اقولو ! و أسمح لي أرد علي حيدر حسن ميرغني قبل ما أجيك و بقيه الاخوان !

Quote: الاخ امين رغم اني لا احب التداخل في البوستات القائمة على موضوع بوست لازال قائماً لكني اضطررت لذلك من واقع تداخلي في البوست "الام" كل ما احب ان اشدد عليه هنا هو انني ادين هذا السولك جملة وتفصيلا اخر بوست وضعت فيه رأيي في هذا الخصوص بوست الاخ ود البشرى " الله الله في اعراض الناس" اما البوست موضوع النقاش يختلف في كل شيئ اعتراضي على مطالبة كل فرد - يتناول موضوع مطروح ومعروف من قبل - بابراز الدليل ووو الخ وضربت مثل ببوست الاخ شوقي ادريس تجده داخل البوست الذي ارفقته انت ، بالاضافة لقضايا التعذيب في بيوت الاشباح يعني تداخلي لا تحسبه مسانداً للذين ينتهكون اعراض الناس وحاشاي ان اكون كذلك وهذا فقط للتنويه ولن اعود لهذا البوست مرة اخرى

سلام يا حيدر :
أولا : البوست ده ما عندو علاقه ببوست أخونا مصطفي غير إنو أوحي لي بفتح هذا البوست .
بوست مصطفي بيتحدث عن الأمين الشيخ و أنا هنا عايز أتحدث عن قضيه عامه و قلت كلامي ده في أول البوست .
ثانيا : أعرف تماما موقفك العام في معظم إن لم يكن كل القضايا المطروحه في المنبر علي المستوي العام و الشخصي : فحاشاك والله من مسانده من ينتهكون اعراض الناس .
مداخلتك هناك يا حيدر أنا فاهمها تماما و لانها شأن عام ، أنا فتحت البوست ده عشان نتكلم في الشأن العام .
ثالثا : و دي أهم واحده : هذا البوست ليس لمناقشه قضيه الأمين الشيخ ، العايز يناقش الأمين الشيخ يمشي البوست داك ، لانو القضيه هنا عامه ما شخصيه !
رابعا : و دي أهم من ثالثا : والله الذي لا إله غيره ، ما تجي داخل البوست ده تاني يا حيدر أنا ما أكتب فيهو حرف تاني !!!

لا اله الا الله يا زول
ما تاخد كلامي بي ضبانتو كده
دي هضربة سااكت
لك العتبى

Quote: لا اله الا الله يا زول ما تاخد كلامي بي ضبانتو كده دي هضربة سااكت لك العتبى

عارفك والله حا تبر لي قسمي ، الله يديك العافيه يا حيدر .

السلام عليكم
...

Quote: هل يجوز إتهام الناس بدون دليل في منبر عام ؟! خاصه إنو الناس دي ما عضوه في المنبر و لا تسطيع حق الرد !! ما نوعيه الدليل اللي بنطالب بيه و مدي واقعيتو ؟! و هل يجوز ‎- من ناحيه أخلاقيه ‎- الواحد يجي يفتح بوست عن زول و يقول ماذا تعرفون عنه ، و تجي خلق الله تنداح في الزول ؟!

....
وقبل ذلك كله يا ال (أمين)
هل ما يزين به الأخ بكري منبره
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
يكفي لتبرئته لو ذهب أحدهم للمحكمة متهماً الموقع وصاحبه بتشويه سمعته وصورته ومطالباً بتعويض يقدره بحجم إشانة السمعة والضرر الذي تسبب به المنبر
وهذا الأمر يا أمين ليس ببعيد
وأكاد أن أراه في قادم الأيام وقريباً جداً
ونضرب مثل :
الزوول .... جا وفتح بوست في أحد الناس (ليس عضوا في المنبرً) وأفرض انه طبيب أو تاجر مثلاً
وشتمه وأساء الى أسرته واتهمه بكل ما فتح الله عليه من مفردات الشتائم
مثلاً في حالة انه طبيب ، اتهمه بأن شهادته في الطب مزوره وأنه تسبب في قتل عدد من المرضى
وفي حالة انه تاجر اتهمه بالسرقة وعدم الأمانة وانه ياكل قروش الناس البيشاركوه ...الخ
وأفرض كمان ان بكري عجبو البوست وعلقو فوق في العنوانين لعدة أيام
أها البوست ده تسبب في خراب بيت الراجل وخراب سمعته وسط أهله ومعارفه
وابتعاد المرضى عن عيادته لو كان طبيب وهروب المتعاملين من التعامل معه لو كان تاجر
افرض الراجل ده فتح بلاغ ضد سودانيز أون لاين وطالب بتعويض
معقول الجملة الكاتبها عمك أسفل الصفحة
عندها السحر البيطلعو بريء من الموضوع وكأنه ما حصل حاجة؟

....

Quote: ما قلته هناك بالبوست هو شئ عام وانا احب ان اجلس للصديق - وإن ابى - امين محمد سليمان عشان نعرف ماهو الفرق بين عام وخاص ليتناول ..

يا دكتور من ناحيه أنا مابي صحوبتك دي فأنا مابيها : أولاد أمدرمان ما بصاحبو أولاد الأقاليم !
نجي للجد :
المسأله يا الطريفي مش العام و الخاص بس ! المسأله في الاتهامات المجانيه اللي لو سمحنا لأنفسنا تحت ذريعه كشف الفساد و المفسدين إنو نجيبها هنا بدون دليل أو كتاب منير ! من وين نعرف ‎- نحن القراء و البنكتب في المنبر ‎- إنو الاتهامات دي صحيحه و الموضوع ما شخصي ؟!

Quote: لكن انت ذاتك بفتحك لهذا البوست تروج للبوست الاول وتنبه له الآخرين ..ما كان أخير واحد بدل اتنين وكأنك (جيت تكحلها عميتها).. ودى وتقديرى ومتفهم لدوافعك الايجابيه...

شكرا يا أدم و زي ما قال ليك دكتور الطريفي ‎- و في روايه أخري حيدر الزين ‎- و زي ما أوضحت لاخونا حيدر حسن ميرغني إنو أنا هنا بناقش في شأن عام ما عندو علاقه بالأمين الشيخ و لا غيرو ، و حددت ما أود لهذا البوست أن يكون .
أرجو أن لا تحرمنا من سديد رايك و شكرا لتفهم دوافعي

Quote: ونضرب مثل : الزوول .... جا وفتح بوست في أحد الناس (ليس عضوا في المنبرً) وأفرض انه طبيب أو تاجر مثلاً وشتمه وأساء الى أسرته واتهمه بكل ما فتح الله عليه من مفردات الشتائم مثلاً في حالة انه طبيب ، اتهمه بأن شهادته في الطب مزوره وأنه تسبب في قتل عدد من المرضى وفي حالة انه تاجر اتهمه بالسرقة وعدم الأمانة وانه ياكل قروش الناس البيشاركوه ...الخ وأفرض كمان ان بكري عجبو البوست وعلقو فوق في العنوانين لعدة أيام أها البوست ده تسبب في خراب بيت الراجل وخراب سمعته وسط أهله ومعارفه وابتعاد المرضى عن عيادته لو كان طبيب وهروب المتعاملين من التعامل معه لو كان تاجر افرض الراجل ده فتح بلاغ ضد سودانيز أون لاين وطالب بتعويض معقول الجملة الكاتبها عمك أسفل الصفحة عندها السحر البيطلعو بريء من الموضوع وكأنه ما حصل حاجة؟

الزوول يا حبيبنا : سلام عليكم
لا أعتقد إنو هنالك مسؤليه قانونيه لبكري أبوبكر عن ما يكتبه الناس في منبره ‎- طبعا ده رأي ساي ‎- ما من متخصص ، المسؤليه القانونيه تقع علي كاتب الموضوع أو المداخله .
أنا شخصيا أري إنو أي متضرر يجب أن يلجأ للقضاء ، نحن يا الزول يا أخوي بنخاف ما بنختشي !!!

من الاستثناءات في رأيي علي وجود دليل : التعذيب و الاعتقال في بيوت الاشباح و في معتقلات جهاز الأمن !

Quote: من الاستثناءات في رأيي علي وجود دليل : التعذيب و الاعتقال في بيوت الاشباح و في معتقلات جهاز الأمن !

طالما إستثنيت نوع من الإتهام بدون دليل، يبقى إنقلب الأمر عليك عزيزي أمين...

يا خال
إنت ماشي بعيد للناس البرة مالكـ
ما ياهو دا شابكننا أمن وبتاع
وصلونا لحدي العقيد ورجعونا للشاويش
مرة مجاني ومرة بالقروش!

يا شاويش انكنم لغاية ما نشوف قصة الترقية دي ..لوووول


المهم خلينا نتابع مكتبك الجديدة ... ما تزعجنا بقصصك الوشها بيلف دي .. خخخخخخخ

غايتو يا حيدر
الناس دي ما فضل إلا تجيب لينا مسير الرواتب!

(وشوش خدرا بكري لابد بيها!)

يا ود الصائم ...

شكلو كدة الزول دا ملبدها لليوم الاسود ... ( علي خلفية ادروب وسكينه ام ضراع داااااك )

بس نقول شنو ..

اصبر واحتسب مع الاخوان ديل ....


ـــــــــــــــــ..

هو مُش النضال خشم بيوت ... فمثل انك مناضل يآخ هههههههههه

Quote: طالما إستثنيت نوع من الإتهام بدون دليل، يبقى إنقلب الأمر عليك عزيزي أمين

سلام يا الملك
لمن يجينا زول بصوره لضهرو مشحط بسيطان ، و قال إعتقلو و ضربو ناس الأمن : ما ممكن نقول ليه أدينا دليلك إنو الضربوك ديل في الأمن ، لانو عمرو ما حا يكون هناك دليل !
و لمن يختفي زول و الناس تقول الزول ده إعتقلوهو ناس الأمن ، ما ممكن نقول ليهم جيبو لينا دليل إنو الزول ده قبضو ناس الأمن : و بالمناسبه يا أنور المثلين ديل حصلو في المنبر ده ذاتو !
الشي التاني إنشالله تكون مقتنع معاي بضروره وجود دليل قبل إتهام أي شخص داخل أو خارج المنبر .

Quote: يا خال إنت ماشي بعيد للناس البرة مالكـ ما ياهو دا شابكننا أمن وبتاع وصلونا لحدي العقيد ورجعونا للشاويش مرة مجاني ومرة بالقروش!

لانو يا ود الصايم إنتو بتمشو الكلام ده علي أساس هزار و مافيهو مشكله !
المنبر ده علمنا إنو لو سبت حقك مراهنا علي ذكاء الناس : ياهو الحقك راح ! الناس عليها بالبتقرا : إذا كان إنتو بتردو علي الموضوع بإعتبارو هزار ، الناس البقولو الكلام ده بكونو جادين ‎- أو هكذا تبدو إتهاماتهم ! و شويه شويه الكلام يبقي عادي و بعد سنتين تلاته أنا القدامك ده بصدق الكلام ده ، و قديما قال الفراعنه (الزن علي الودان ، أمر من السحر ).
لو كنتو زرزرتو الناس دي و بلعتوها لسانها : ما كان في زول كرر الكلام ده ، لكنكم هنتو علي أنفسكم فهنتو في أعين متهميكم !








‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎------------------------------
لكن بيني و بينك : وهبه شكلو أمنجي !

Quote: عارفك والله حا تبر لي قسمي ، الله يديك العافيه يا حيدر .

كان تجرِبني أنا، عشان تشوف سمِح، وكان تاني دقيتها هنا، شنبي ده يقوم في بجعّة وهبة..
____
أنا يادوب بديت شغُل، بجيكم راجِع يا الأمين و"هدير"، ممكن تدوها لفة لفتين لمان أفضى وأجي أديكم لفة تالتة..
معكما ونشد من ساعدكما..

امين كيفنك
لولا دفع الناس بعضا ببعض ...
طالما في ناس بتنصف تبقي دي
سنة الحياة.. المشكلة لو انه
المكان فقد العاقل الصادح بالحق

الأخ العزيز أمين
تحياتي و سلامي
الموضوع معقد جدا لأنه فيهو مفاضلة أو موازنة بين قيم ممكن تتعارض. من ناحية لا بد من الحذر عند التعامل فيما يتعلق بسمعة الناس و أعراضها. و من ناحية لا بد من تعرية و تحذير الناس من بعض المفسدين. وجهة نظري إنو الأولوية هي حفظ أعراض الناس من إنهم يكونوا عرضة للاتهامات الباطلة و نهبا لتخرصات مرضى القلوب زي ما حصل قريب دا في المنبر لما جا واحد و كتب عن شخص بعينه إنو منحرف و ذكر عنه صفات كافية جدا لإنها تخرب بيتو و ما تخلي أولادو يمشوا في الشارع... و بعد فترة جا قال إنو الكلام دا كلو ما صاح و (اعتذر!!!)... فلازم نحرص من الناحية دي و حتى شرعا إذا أربعة شهدوا على شخص بالزنا و بعد داك واحد من الأربعة إتلكلك الثلاثة التانيين بتجلدوا زي الما حصل حاجة مع إنو كلامهم ممكن يكون صاح و الزول دا فعلا ارتكب كبيرة الزنا... و دا كلو عشان الواحد يفكر ستين مرة في أي موضوع يتعلق بأعراض الناس حتى لو كان حاجة شافها بعينه.
طيب إذا كان الموضوع متعلق بشأن عام و كان هناك فساد الواحد متأكد منو أو حتى شبهة فساد؟ رأيي الشخصي، و قد أكون مخطئا، أن الشخص الذي تصدى للعمل العام عليه أن يكون مستعدا للدفاع عن نفسه و أن يكون عبء اثبات براءته واقعا عليه في حالة أن كان التشكيك مبنيا على بينات معقولة يعني ما بالضرورة وجود دليل مادي لأنه دا في أغلب الأحيان شبه مستحيل.

Quote: و حتي لا نرمي الناس بالباطل بقصد أو بدونه أري ‎- من ناحيه أخلاقيه ‎- بعدم جواز إتهام كائنا من كان بدون دليل ، و إن كان هنالك إستثناءات لكلامي هذا !

حقو نحدد الكائن دا ، سواء كان عضو أو غير عضو لأنو في الحالتين في فرق كبير ياخال
قولي كيف ؟

يعني لما واحد يجي يتهم عضو هنا مثلاً زي حمور زيادة بي جملة بتاعت كلام فارغ وغير مثبت وماعندو دليل ،
هنا ممكن حمور بكل بساطة يرد علي الإتهامات ويثبت للقاري والمتابع إنو دي إدعااءت باطلة ليس إلا .

في الحالة التانية المتهم ماعندو طريقة يدافع بيها عن نفسه ، أو علي الأقل في الوقت المناسب للرد ،
يعني حتي ولو طلب عضوية عشان يرد علي الإتهامات الموجهة ليهو - زي ماحصل هنا قبل كدة - .. يكون الزمن فات والتهمة زي الثبتت عيهو .
والمشكلة كمان مافي قانون مختص ( في السودان ) بعالج المشاكل الإسفيرية ،

Quote: من ناحيه أخلاقيه

ماتركز علي الحتة دي كتير ،

ـــ
سلام وأشواق ياخال .

سعادة العقيد,,

Quote: يا خال إنت ماشي بعيد للناس البرة مالكـ ما ياهو دا شابكننا أمن وبتاع وصلونا لحدي العقيد ورجعونا للشاويش مرة مجاني ومرة بالقروش!

تمام سعادتك,,,
وكمان يتضحك!!!!

فعلا ضحكونكى,,

وقرقراب كمان..

حيدر الزين ,امين نوتة,,
إنتو عاوزين تصلو وين ؟؟؟
كلامكم بقى كتير كترة مبالغ فيها!!!

مشتاقين ياخ,,

Quote: الشي التاني إنشالله تكون مقتنع معاي بضروره وجود دليل قبل إتهام أي شخص داخل أو خارج المنبر .

بالطبع أتفق معاك يا أمين... هذه ليست قابلة للنقاش يا صديقي...

في ناس متخصصين في الشتائم وإلصاق الشبهات والخ في غيرهم...أعاني شخصياً منهم عبر تعليقات البعض في اليوتيوب...
لكن نقول شنو، الزول لو هو أصلاً كدة، باقي ليك في قانون ولا قاعدة بتغير ما بداخلو؟
ربنا يهدي الجميع بس!

تحياتي

Quote: كان تجرِبني أنا، عشان تشوف سمِح، وكان تاني دقيتها هنا، شنبي ده يقوم في بجعّة وهبة..

وأنا كان عوير ليك يا ياسر ؟!
حيدر أنا عارفو ببر لي قسمي ، لكن والله إنت كان لقيتني بحتضر ما تشهدني !











-----------------------------
كامل تضامني مع جسم وهبه ألفي كلو حته منو قايم فيه شعر زول !

Quote: امين كيفنك لولا دفع الناس بعضا ببعض ... طالما في ناس بتنصف تبقي دي سنة الحياة.. المشكلة لو انه المكان فقد العاقل الصادح بالحق

نعم القول و الله يا نصار يا صديقي ! لو كلنا حاسبنا رقبتنا قبل ما نكتب كلامنا و نختو هنا ده : والله عوجه ما بتجينا ! المشكله في إنو أغلبنا و لا عاقلين و لا صادحين بالحق ، ربنا يهدينا أجمعين !

Quote: كامل تضامني مع جسم وهبه ألفي كلو حته منو قايم فيه شعر زول !

لوووووووووووووووول
الاخ الخال امين
من قبيل شايف البوست دا لكن لقيتو جادي شوية
افتح اقرا واتخارج وما داير احرف البوست
لكن شايف بعض اعضاء الرهط دخلوا هنا ياسر طيفور وود الصايم
اها نحتّو ولا كيف ؟





___
وما داير احبط ليك فكرة البوست البتتكلم عنو هنا دا سلوك تيبيكال سودانيزاون لاين
ما بتغير ولا بتحول والطبيعة جبل ياعمك

امين
سلامات

بعيد عن موضوع البوست


ياحيدر

( علي خلفية ادروب وسكينه ام ضراع داااااك )

حسع عليك الله الواحد يقوم
يحكيها من اوله لاخره
وسجن ....سجن ...غرامة ...غرامة
وكااااااااااااااااااكـ

Quote: شنبي ده يقوم في بجعّة وهبة..

يعني بتتحدى دكين ولا شنو يا ياسر طيفور
لكن ما مشكلة البجعات ديل انا عندي جوز
كل واحد يقوم شنبو في فردة
لووووووووووووووووول

صحي والله
تيبيكال سودانيز أون لاين!

السلام عليكم
...

Quote: لا أعتقد إنو هنالك مسؤليه قانونيه لبكري أبوبكر عن ما يكتبه الناس في منبره ‎- طبعا ده رأي ساي ‎- ما من متخصص ، المسؤليه القانونيه تقع علي كاتب الموضوع أو المداخله . أنا شخصيا أري إنو أي متضرر يجب أن يلجأ للقضاء ، نحن يا الزول يا أخوي بنخاف ما بنختشي !!!

حبيبنا الأمين
أظن الكلام ده ما صاح (رأي خاص برضو)
السبب انو أخونا بكري مشارك مشاركة فعلية وحاسمة في البيحصل خيراً كان أو شر
(زي تمريرة كاكا لرونالدو مثلاً .. وأخيراً صاروا يحسبون هذه التمريرات ضمن الأهداف في حساب هداف الموسم)
لأنو التحكم في البوستات من اختصاصو هو فقط
يعني زي ما انت شايف
بوستات بتتحذف بسرعة لدرجة ان من يطلع عليها لا يتجاوزون العشرات
وبوستات تتعلق فوق في حبل الغسيل المربوط في البلكونة للغاشي والماشي
يعني يا الأمين يا خوي
ما ممكن بكري يعلق ليهو بوست شتائم (والحمد لله لم يحدث هذا حتى الآن)
لمدة اسبوع فوق في الواجهة
وعدد قراءه يكمل آلاف وتجي تقول لي انو ما عندو دور في الموضوع
وان المسئولية هي مسؤولية كاتب البوست فقط
....

في انتظار الختم الرسمي!

العوض يا حبيبنا

Quote: الموضوع معقد جدا لأنه فيهو مفاضلة أو موازنة بين قيم ممكن تتعارض. من ناحية لا بد من الحذر عند التعامل فيما يتعلق بسمعة الناس و أعراضها. و من ناحية لا بد من تعرية و تحذير الناس من بعض المفسدين. وجهة نظري إنو الأولوية هي حفظ أعراض الناس من إنهم يكونوا عرضة للاتهامات الباطلة و نهبا لتخرصات مرضى القلوب زي ما حصل قريب دا في المنبر لما جا واحد و كتب عن شخص بعينه إنو منحرف و ذكر عنه صفات كافية جدا لإنها تخرب بيتو و ما تخلي أولادو يمشوا في الشارع... و بعد فترة جا قال إنو الكلام دا كلو ما صاح و (اعتذر!!!)... فلازم نحرص من الناحية دي و حتى شرعا إذا أربعة شهدوا على شخص بالزنا و بعد داك واحد من الأربعة إتلكلك الثلاثة التانيين بتجلدوا زي الما حصل حاجة مع إنو كلامهم ممكن يكون صاح و الزول دا فعلا ارتكب كبيرة الزنا... و دا كلو عشان الواحد يفكر ستين مرة في أي موضوع يتعلق بأعراض الناس حتى لو كان حاجة شافها بعينه.

ولا كلمه تنزاد في كلامك ده .

Quote: طيب إذا كان الموضوع متعلق بشأن عام و كان هناك فساد الواحد متأكد منو أو حتى شبهة فساد؟ رأيي الشخصي، و قد أكون مخطئا، أن الشخص الذي تصدى للعمل العام عليه أن يكون مستعدا للدفاع عن نفسه و أن يكون عبء اثبات براءته واقعا عليه في حالة أن كان التشكيك مبنيا على بينات معقولة يعني ما بالضرورة وجود دليل مادي لأنه دا في أغلب الأحيان شبه مستحيل.

هنا يا العوض أنا مختلف معاك ، البينه مفروض تكون علي من إدعي ، و ما عشان الزول دخل العمل العام معناتها الناس تستبيح عرضو ‎- أنا عارف تماما إنت ما قاصد كده ‎- لكن أصحاب الأغراض و الأمراض ممكن يستغلو المساله دي تحت ستار إنو ده نقد عام لشخصيه عامه و إنو القصد كشف الفساد و المفسدين .
عشان كده ‎- في تقديري ‎- لازم يكون هناك دليل علي أي إتهام يقدم و أن لا تترك المسأله لمصداقيه المُتهِم ، و الدليل ده ممكن يكون بينات معقوله كما تفضلت .

Quote: حقو نحدد الكائن دا ، سواء كان عضو أو غير عضو لأنو في الحالتين في فرق كبير ياخال

أبو السيد سيدنا : مشتاقين والله !
بالتأكيد يا أبو السيد في فرق بين لو إنت عضو أو ما عضو ، لكن في مرات كتيره الناس دي ممكن تجي تبهتك في وشك و شويه شويه تثبت عليك تهمه ملفقه من أولها لاخرها ، المنبر ده شفنا فيه بلاوي يا أبو السيد !











‎‎‎‎‎‎‎‎‎‎‎‎‎‎‎‎‎‎‎‎--------------------
بالله سلم لي علي الطيب .

Quote: حيدر الزين ,امين نوتة,, إنتو عاوزين تصلو وين ؟؟؟ كلامكم بقى كتير كترة مبالغ فيها!!!

يا أبو يمن
نحن ما كلامنا بقى كتير ! نحن كلامنا كتير من يومنا !!

Quote: وما داير احبط ليك فكرة البوست البتتكلم عنو هنا دا سلوك تيبيكال سودانيزاون لاين ما بتغير ولا بتحول والطبيعة جبل ياعمك

يا وهبه
طبيعه الجبل لو قاعده هناك كافيه خيرها شرها ، مافي زول داير يغيرها .
لكن لو الجبل قالي ادبو و بتهم في الناس بالباطل فطبيعتو لازم تتغير !!

Quote: بعيد عن موضوع البوست

سلام يا هارون
بعيد عن موضوع البوست ، قريب عن موضوع البوست : دخلتك البوست ساي تطمن !

Quote: هنا يا العوض أنا مختلف معاك ، البينه مفروض تكون علي من إدعي ، و ما عشان الزول دخل العمل العام معناتها الناس تستبيح عرضو ‎- أنا عارف تماما إنت ما قاصد كده ‎- لكن أصحاب الأغراض و الأمراض ممكن يستغلو المساله دي تحت ستار إنو ده نقد عام لشخصيه عامه و إنو القصد كشف الفساد و المفسدين . عشان كده ‎- في تقديري ‎- لازم يكون هناك دليل علي أي إتهام يقدم و أن لا تترك المسأله لمصداقيه المُتهِم ، و الدليل ده ممكن يكون بينات معقوله كما تفضلت .

العزيز أمين
فعلا ما عشان الزول دخل العمل العام الناس ممكن تستبيح عرضه لكن برضو محتاجين لحل وسط يحفظ حقوق الناس. لأنه مسألة البينة دي مرات شبه مستحيلة فعلى الأقل الناس يكون من حقها التساؤل و تحضرني هنا قصة سيدنا عمر لمن طلع المنبر و طالب الناس بالسمع و الطاعة فواحد من الناس قال ليه لا سمع لك ولا طاعة و تساءل عن طول إزار سيدنا عمر مقارنة بما تم توزيعه على باقي المسلمين... سيدنا عمر تقبل التشكيك دا بصدر رحب و وراهم إنو سيدنا عبد الله بن عمر تبرع ليهو بنصيبه لطوله. غايتو زي ما بقولو ther is no an easy answer لكن لازم يكون في حل وسط يدي الناس الحق في الشفافية و يحفظ أعراض الناس.
بالمناسبة يا أمين.... إنت قلت ود أم درمان و دفعة محمد هاشم في اسكول... ياخي لازم تكون دروبنا اتقاطعت يوما ما.

up



في باقي نضمي لسع يا ايمن الطيب .. لانه الموضوع دا قديم متجدد
وفي الكثيرين البيفتكروا الكتابة دي شئ مجاني طالما الفرد ما عضو في سودانيز ..
بعدين حتي الاعضاء الهنا بتصلهم اتهامات مجانية لكن طالما ما قادرين يردو الاتهام عن نفسهم
ما بيستحقو انه الناس تقيف معاهم .. بس الملاحظة انه اقرب من يرمون الناس بالاتهام بتلقي
منطقهم عاجز وبيناقضو نفسهم بعد كل حرف يتخطّ ..

ـــــــ

احكيها يا هارون دياب احكيها عشان نطلع الاتنين من البلد دي لوووووول

Quote: بوستات بتتحذف بسرعة لدرجة ان من يطلع عليها لا يتجاوزون العشرات وبوستات تتعلق فوق في حبل الغسيل المربوط في البلكونة للغاشي والماشي يعني يا الأمين يا خوي ما ممكن بكري يعلق ليهو بوست شتائم (والحمد لله لم يحدث هذا حتى الآن) لمدة اسبوع فوق في الواجهة وعدد قراءه يكمل آلاف وتجي تقول لي انو ما عندو دور في الموضوع وان المسئولية هي مسؤولية كاتب البوست فقط

لو بكري يا الزوول علق بوست زي ده و ساهم في زياده إنتشارو بكون مشارك ‎- علي الأقل من ناحيه أخلاقيه ‎- لكن زي ما قلت الحمد لله ده ما حصل لحدي حسي و لا أظن بكري في مصلحتو يخش في مشاكل قانونيه أو من أي نوع .
إذا بتتكلم عن طريقه إداره البورد من حذف بوستات و سحب باسويردات ...الخ فده فلم تاني بعرفو سيد بكري ‎- قدس الله سره ‎- براهو !

سلامات

شخصيا تم التهجم علي هنا ونشر كذب عن مصادر رزقنا
في ناس هنا بتحدث السمعة وتعتذر بعد ذلك ولكن من يمسح ما كتب من اذهان الناس؟

والغريبة هناك من يافع عن الكاذبين الافاكين بحجة انهم في خندق سياسي واحد
رغم انه يجب ان يشجب اي كذب..

وعلى العموم كل مناضلين الكيبورد الذي يكتبون هنا لا يروجون الا الاكاذيب

في كم مرة هنا ثبتنا ذلك بالثابتة
والغريبة بكري يفصل الضحايا ايضا
كما حدث لمحمد هاواي الذي ادعى عليه هشام هباني جملة من الاكاذيب
وانه قريب السيدة وداد زوجة البشير رغم ان ابن خالته قال انه محسي قاطع
لكن استمر مسلسل الاكاذيب واحضر فديوهات من ماليزيا قيل انهافي هاواي
ومنع محمد من الكتابة فقط لانه دافع عن نفسه..


غير اكاذيب خطف محمد جمعة للجثمان الذي كذبه اهل المرحوم

كل هذه الاكاذيب تمر ويلوكها الناس

والضحية يسقط في يدها كيف ترد هذا العدوان.. اذا ردت تتربس برة

غالبية ناس الفبركات هنا ينتمون الى اليسار والحزب الشيوعي تحديدا..ز

اتمنى الاخت منال خوجلي تلقى حقها تاني زول بيكضب مافي
لانه الناس دي بتخاف ما بتختشي.

التصنيفات العشوائية والتنميط

سلام يا دكتوره

Quote: والغريبة هناك من يافع عن الكاذبين الافاكين بحجة انهم في خندق سياسي واحد رغم انه يجب ان يشجب اي كذب.. وعلى العموم كل مناضلين الكيبورد الذي يكتبون هنا لا يروجون الا الاكاذيب

أتفق معاك جمله و تفصيلا علي الشق الأول من كلامك ده : الناس هنا بتتخندق مع أصحابها و أحزابها بالحق و الباطل ، بدليل و من دونه . و مافي زول ممكن يشجب أكاذيب زول معاه في نفس الخندق ، لكن ما متفق معاك في مساله إنو السلوك ده فقط حكرا علي البعض ! السلوك ده حقنا كلنا بدون إستثناء ‎- إلا ما رحم ربي ‎- و والله لو قلت لي سمي زول من ناس ما رحم ربي ديل حا أقول ليك ما عارف ، القصه دي مزيج من طبعنا كبشر و أسلوب تربيتنا و ثقافتنا البتعاين للمختلف معاك في الرأي كعدو يجب سحله و إزالتو من الوجود : بالحق ، بالباطل ، بدليل من دونو ، و دي يا دكتوره المسأله الأساسيه الدايره ليها علاج .

Quote: في كم مرة هنا ثبتنا ذلك بالثابتة والغريبة بكري يفصل الضحايا ايضا كما حدث لمحمد هاواي الذي ادعى عليه هشام هباني جملة من الاكاذيب وانه قريب السيدة وداد زوجة البشير رغم ان ابن خالته قال انه محسي قاطع لكن استمر مسلسل الاكاذيب واحضر فديوهات من ماليزيا قيل انهافي هاواي ومنع محمد من الكتابة فقط لانه دافع عن نفسه.. غير اكاذيب خطف محمد جمعة للجثمان الذي كذبه اهل المرحوم كل هذه الاكاذيب تمر ويلوكها الناس

الامثله دي بهديها لابو السيد سيدنا عشان أأكد ليه كلامي بتاع إنو إنت في البورد ده حتي لو عندك عضويه ممكن يتهموك بالباطل و يثبتو عليك ، علي الأقل في أذهان بعض الناس .

Quote: اتمنى الاخت منال خوجلي تلقى حقها تاني زول بيكضب مافي لانه الناس دي بتخاف ما بتختشي.

معك يا دكتوره أتمني أن يلقي من إتهم منال بالباطل جزاءه في الدنيا قبل الاخره ، والله مساله إتهام الناس بالباطل و بدون دليل دي أحط ما يمكن للمرء أن يفعله ، لا فيها مرءوه ولا أخلاق .
و لو نفرين تلاته من من أتهمو عملو زي ما عملت منال ، والله مافي زول يتجرا يتهم الناس بالباطل تاني . عموما منال فتحت للناس الدرب عشان الممارسه المنحطه دي تنتهي مره واحده وللابد !

Quote: إتهام الناس بالباطل و بدون دليل دي أحط ما يمكن للمرء أن يفعله

شكرا يا أمين الحبيب
الحثالة البعملوا كدا ديل أصلا المنبر بتاع الناس اولاد الناس دا ما مكانم ..
مكانم أية زريبة بتاعت خنازير واللا جحر أبو الدرداق واللا أية حفرة أدب خانة لا مؤاخذة ..
وهم كما أتصورهم أنواع :
1- نوع دلاهة ساي ما عارف كوعو من بوعو صادفتو ليلة قدر وبكري اداهو باسوورد عشان يجيء بشخبط
ويلخبط في المنبر دا قدر ما الله أداهو من غباء وسوء طوية وأمراض نفسية .
2- نوع تاني اعتقد والله أعلم أنو ود حرام ومارق للربا والتلاف وما يهمو لو جاء زول إتهمو
في عرضو واللا اخلاقو واللا في نسبو لأنو وببساطة اذا جيت قلت لي أنت (سرقت ابرة)من غير
ما تثبت الكلام دا ح أجىء أرد وأقول ليك أنت (باطل في نفسك) وما ح تقدر تطالبني باثبات .
3- نوع آخر من الكائنات دي ربما يكون مختل عقليا وماش في الدنيا دي أم فكو ساي ودا ما
عليهو حرج والحل الوحيد أنو صاحب المنبر يخموا يرميهو في مكان ما لقاهو .
---------
عايز أقول ليك ياأمين أنو الأسوأ من كدا أنو يجيء واحد من الكائنات بتاعت الجحور دي يتهمك
في اخلاقك وذمتك وأية حاجة عزيزة عندك ولما تجىء تطالبو بالدليل ينط ليك كم واحد من مدعي
الفضيلة ما عشان يقول للعبيط الإتهمك دا الكلام دا عيب لكن عشان يطالبك انت المتهم جورا
بالتعقل ..
والذي بسط الأرض وسقفها بالسماء دا أسوأ انواع النفاق إجتماعيا وأخلاقيا وسلوكيا وأي شىء.

اها بالمناسبة دي أشكرك مرة تانية وتالتة يا أمين وأسمح لي بالمرة أقول ليك
أنو البوست دا عبارة عن ملح اندروس او بيبسي كولا لأي زول (بطنو طامة) من القاعد يحصل
هنا دا ..

up



اصلو ماينوم ...

.

Quote: عايز أقول ليك ياأمين أنو الأسوأ من كدا أنو يجيء واحد من الكائنات بتاعت الجحور دي يتهمك في اخلاقك وذمتك وأية حاجة عزيزة عندك ولما تجىء تطالبو بالدليل ينط ليك كم واحد من مدعي الفضيلة ما عشان يقول للعبيط الإتهمك دا الكلام دا عيب لكن عشان يطالبك انت المتهم جورا بالتعقل ..

طلحه يا صديقي سلام عليكم
الكائنات دي يا طلحه ممكن تتهمك في اخلاقك وذمتك وأية حاجة عزيزة عندك و لو طالبت بدليل بتلاقي مزيد من الاتهامات . و قبل ما يجو مدعي الفضيله بيجو أصحاب الرذيله يقولو ليك أثبت لينا إنو الاتهامات الإتقالت في حقك دي ما صاح ! و الناس دي كلها يا طلحه بتخاف ما بتختشي : عشان كده نوع المشاكل دي ما مفروض يتحل في المنبر بواسطه الأعضاء و بكري و بس ، مفروض يتحل في المحاكم .

Quote: اها بالمناسبة دي أشكرك مرة تانية وتالتة يا أمين وأسمح لي بالمرة أقول ليك أنو البوست دا عبارة عن ملح اندروس او بيبسي كولا لأي زول (بطنو طامة) من القاعد يحصل هنا دا ..

أي إنسان سوي مفروض تكون بطنو طامه من هكذا ممارسات ! المشكله طمه البطن دي يا طلحه لو ما أنتجت رد فعل جمعي من كل الناس ، الممارسات دي حا تتمدد و تتجذر و تبقي جزء من إشكاليتنا اليوميه و بدل ما البورد يبقي مكان آمن لنقاش و حوار يصب في صالح وطن يسكننا ، بيبقي محل لاتهام الناس بالباطل . و بدل ما تحاول أن تتبادل الفكر مع أخوان و أخوات أخرين ، تبقي في رقبتك و دفع الضر عن نفسك من إتهامات لو حكوها ليك حكايه قبل عضويتك هنا ما كان ممكن تصدقها !

يا باشمهندس أبوبكر
ياخي الله يديك العافيه ، والله ما قلت إلا الحق في بوستك .

Quote: مفروض يتحل في المحاكم

دا كلام مية المية يا أمين الحبيب
لكن المشكلة انو بعض هولاء الضحايا المتهمين بالباطل ربما يصطدمون بضغوط ومؤثرات خارجية
تحول بينهم وبين مقاضاة هولاء الأنذال الأفاكين كأن يتدخل أعزاء لا تسطيع أن ترفض لهم طلبا متوسطين
او جازمين أن تصفح وتعفو وتفوض امرك لله أو تحول ظروفك الزمانية والمكانية والعملية مثلا دون أن تشرع في هكذا
أمر .
شخصيا وعندما جاء عبيط أفاك هنا وإتهمني في امانتي وذمتي من دون دليل بدأت خطوات جادة لجرجرته ومرمطته في
المحاكم والحراسات لكن تدخل الاجاويد في اللحظات الأخيرة واوقفوا الموضوع ولكنني أعرف كيف (أمعط ) من هذا الأفاك
حقي مالم يعتذر هنا إعتذارا صريحا وواضحا دون لف أو دوران .

Quote: أي إنسان سوي مفروض تكون بطنو طامه من هكذا ممارسات ! المشكله طمه البطن دي يا طلحه لو ما أنتجت رد فعل جمعي من كل الناس ، الممارسات دي حا تتمدد و تتجذر و تبقي جزء من إشكاليتنا اليوميه و بدل ما البورد يبقي مكان آمن لنقاش و حوار يصب في صالح وطن يسكننا ، بيبقي محل لاتهام الناس بالباطل . و بدل ما تحاول أن تتبادل الفكر مع أخوان و أخوات أخرين ، تبقي في رقبتك و دفع الضر عن نفسك من إتهامات لو حكوها ليك حكايه قبل عضويتك هنا ما كان ممكن تصدقها !

كدا ورونا كيف نتعامل مع هؤلاء الذين لا يستخدمون اسمائهم الحقيقية؟ كيف نعرفهم... ليست المعرفة بشأن
المحاكم لكن على الأقل معرفة المسيئين!!.
اما الذين يستخدمون اسمائهم الحقيقية فالملاحظة ان درجة اساءتهم تكون في شمل تكتلات فكرية ضد من لا يتفقون
معه بغض النظر عرفوا صحة موقفه ام لم يعرفوا.
حسب ملاحظتي فامثال هؤلاء يرمون دائماً إلى تشتيت موضوع النقاش عندما يتطرقون باسئلة مكررة عن موضوع سبق نقاشه
طبعاً ليس سهلاً على من لم يتعود على إطلاق الإتهامات جزافاً مجاراة هؤلاء ولذا فافضل وسيلة هي تجاهل مثل هؤلاء
شكراً على هذا الموضوع الواقعي
قير تور

سلامات يا قير تور
المشكلة ليست إساءات وعباطة بتاعت شتائم فقط لأنو دي أمرها ساهل وممكن أبسط حاجة
تتعامل معاها بالتجاهل كترياق فعال جدا في هكذا مواقف .
القضية هي أفاكين يسعون بين الأعضاء بالنميمة والإفتراء والكذب الرخيص وهتك الأعراض وإشانة السمعة
من دون دليل أو برهان كسلوك قذر جدا لا يصدر إلا من أصحاب نفوس مريضة ودواخل تحتشد بالأحقاد
والأوساخ والصديد .

اللمين اخوي لي زمن بقول البورد دا بقي قليل أدب كمان. يعني غير الاتهامات المجانيه التي توزع شمال وجنوب بقو يجيبو الكلام الشين و الصوره الشينه و المثال المابتعقب و يشيلو و يلصقو في زولا ما بعرفو بس سمعو واحد قال الزول دا صفتو و نعتو و لمان يتعصروا يفتشو درب المرقه والله تلقاهو متلصق ليهو بي جنسية بلدا كتر غايته أنا قلتا امص الليمونه دي و اتخارج

.

البوست دا مالو بقي حجر في بحر كدا (ساعدونا بالوشوش المختصة) ..
فوق لكنس البثور والقشور و..
والقبور ( الجراد).

Quote: المشكلة ليست إساءات وعباطة بتاعت شتائم فقط لأنو دي أمرها ساهل وممكن أبسط حاجة تتعامل معاها بالتجاهل كترياق فعال جدا في هكذا مواقف . القضية هي أفاكين يسعون بين الأعضاء بالنميمة والإفتراء والكذب الرخيص وهتك الأعراض وإشانة السمعة من دون دليل أو برهان كسلوك قذر جدا لا يصدر إلا من أصحاب نفوس مريضة ودواخل تحتشد بالأحقاد والأوساخ والصديد .

الأخ
طلحــة
بعد التحية
كما تفضلت أنت بذكر وجود أفاكين يسعون بالنميمة وهذه لا اظنها مشكلة غير متوقعة بين اي تجمع بشري
...تبقى المشكلةإذن في: لماذا قويت شوكة الساعين بالإفك والنميمة بين الإعضاء ؟.
مع تحياتي
قير تور

Quote: كدا ورونا كيف نتعامل مع هؤلاء الذين لا يستخدمون اسمائهم الحقيقية؟ كيف نعرفهم... ليست المعرفة بشأن المحاكم لكن على الأقل معرفة المسيئين!!. اما الذين يستخدمون اسمائهم الحقيقية فالملاحظة ان درجة اساءتهم تكون في شمل تكتلات فكرية ضد من لا يتفقون معه بغض النظر عرفوا صحة موقفه ام لم يعرفوا.

قيرتور يا حبيبنا ، سلامات
مافي زول من حقو يسئ للناس لو بإسمو الحقيقي ولا بلقبو ، و لو في زول أساء ليك بلقبو ما عليك إلا تدبيج شكوي الي سيدنا بكري ‎- قدس الله سره ‎- عشان يوريك اسم الزول و ممكن ما يوريك حسب مزاجو و حالتو العامه و الخاصه في اليوم داك....
بالنسبه لموضوع التكتلات فده واحد من أسباب غياب العقل في المنبر ، لانك لو لحقت إختلفت ليك في رأي مع أي شخص ، تجيك (كتلة ) الشخص ده و تبدا الاتهامات و تبقي في التخارجك !!

Quote: طبعاً ليس سهلاً على من لم يتعود على إطلاق الإتهامات جزافاً مجاراة هؤلاء ولذا فافضل وسيلة هي تجاهل مثل هؤلاء شكراً على هذا الموضوع الواقعي

صدقني يا قير : أنا متابع المنبر ده من سنه 2001 أسوأ ما يمكن فعله في حق نفسك : إنك تخلي الاتهامات الباطله في حقك إعتمادا علي ذكاء الناس ! و ده مش لانو الناس ما ذكيه ، لكن لانو الناس عليها بالبتقراه و تكرار الاتهامات بدون تصحيح من المتهم حا يثبت التهم علي الناس ! و أسهل شي في المنبر ده إنو زول يختلف معاك في رأي ، ينجر ليك إتهامات تخلي إبليس ذاتو متحير !

Quote: البوست دا مالو بقي حجر في بحر كدا (ساعدونا بالوشوش المختصة) .. فوق لكنس البثور والقشور و.. والقبور ( الجراد).

طلحه يا حبيبنا سلام
شايف موضوعي ده وقع ليك في جرح !
والله يا طلحه مافي زول بيعرف الم الاتهام بالباطل إلا من ضاق مرارتو ، لو كلنا واقفين في موضوع الاتهامات الباطله دي مع بعض ما بتجينا عوجه ، لكن حتي في الحد الأخلاقي الأدني ده : نحن انتقائين ! ندافع عن أصحابنا و معارفنا و الباقيين إنشالله يولعو فيهم ، ما يهمنا ! عشان كده الناس مركزه علي موضوع ( الكتله) أكتر من قوله الحق !

Quote: شخصيا وعندما جاء عبيط أفاك هنا وإتهمني في امانتي وذمتي من دون دليل بدأت خطوات جادة لجرجرته ومرمطته في المحاكم والحراسات لكن تدخل الاجاويد في اللحظات الأخيرة واوقفوا الموضوع ولكنني أعرف كيف (أمعط ) من هذا الأفاك حقي مالم يعتذر هنا إعتذارا صريحا وواضحا دون لف أو دوران .

أها كلامك ده بيأكد كلامي إنو لازم تسك حقك بنفسك حتي تتضح الحقيقه ! تخيل لو سبت الاتهامات في حقك علي أساس إنك فوق الشبهات ‎- و إنت فعلا فوق الشبهات ‎- كان حقك بيروح مع علو صوت الباطل و تكرارو !

Quote: اللمين اخوي لي زمن بقول البورد دا بقي قليل أدب كمان. يعني غير الاتهامات المجانيه التي توزع شمال وجنوب بقو يجيبو الكلام الشين و الصوره الشينه و المثال المابتعقب و يشيلو و يلصقو في زولا ما بعرفو بس سمعو واحد قال الزول دا صفتو و نعتو و لمان يتعصروا يفتشو درب المرقه والله تلقاهو متلصق ليهو بي جنسية بلدا كتر غايته أنا قلتا امص الليمونه دي و اتخارج

عبد الرازق سلامات يا صاحب
والله بسطرين اختصرت الحاصل كلو ، يلا دايرين الحل يا حبيب !
أنا في رأيي في نوع من الاتهامات و قله الأدب ما عندها حل غير في المحاكم !

اخر اتهام لي
ان بن لادن يرسل رسائله عبري ايوة والله
ذي ماقلت ليك بن لادن عديييييييييييييييل كدا

Quote: وليتها قالت لي يا محمد يسين أنا لست بكذا... أنا أعتنق فكر القاعدة لهذة الأسباب دونما تجريح أو بث لسموم أو عدم إحترام لذكرى هي لديها أسلوبها الذي يوازي أسلوب الجاهل والحاقدعلى نفسه... وتجدها حصرت نفسها في كره لأمريكا أرادت أن تصب حممها الطائشة في جبتي.... أنا الصيد السهل (كما إعتقدت) الذي أرادت أن تغتال به كل أمريكا التى قدمت لها الكثير كما أرادت أن ترضي به طموحها الجهادي ليصفق لها زعماء القاعدة الإرهابيين لتنال حظوة بينهم وعندهم فتنال شهادة لبأسها وصمودها وإنتصارها الفكري والأسفيري

Quote: ودونك هؤلاء لتكفيريين الجدد والذين أتوا لمجتمعنا السوداني بأفكار غريبة لعلنة الله تشملهم ولتعلم يا أخي حيدر أنني أعلم منك بأشياء تمنعني ظروف لن أتطرق لها بما يخفى عنك وعن جمهور القراء

Quote: فلتعلم هذة الدكتورة ومن يكتب لها بأنني أحتفظت بحق الرد تأدبا

Quote: يا سيدي ما في فرق بين بن لادن الإنسان وبن لادن الإرهابي وأكيد ما في فرق بين بيان الإنسانة وبيان الإرهابية والمرشحة لنيل شرف الشهادة بقنبلة لتفجر بها هذا المنبر الموقر بعد إن إختارها زعيمها المطارد شخصيا لهذة المهمة الإنسانية البشعة

لماذا إحترم دكتورة نجاة محمود ( د.بيان ) بهذا المنبر ..؟1

Quote: طالما إستثنيت نوع من الإتهام بدون دليل، يبقى إنقلب الأمر عليك عزيزي أمين...

الأخ أنور ...وليس يصح في الأذهان شئ ...إذا إحتاج النهار إلي دليل

أمين موضوع البوست مهم جدا للحوار الجاد والموضوعي
ويدعو للعب علي الكرة وليس الأجسام
مودتي

أعجبني جزء من مداخلة للاخ ابو بكر احببت نقله من هنا : Re: لماذا إحترم دكتورة نجاة محمود ( د.بيان ) بهذا المنبر ..؟1

Quote: معظمنا هنا و باختلاف افكارنا نصبو الي عالم نتعايش يه بالحسني متكاتفيين اقوياء قادريين علي مجابهة هذه الدنيا العصية ومن الضرر ان يكون التنميط والتصنيف العشوائي هو السائد بحيث نستخلص عشوائيا من بعض اسطر اليكترونية ان الاخر هو عدونا وان من لا يوافق علي طرحنا واسلوبنا في مجابهة امر ما هو ضدنا ومن لم يصفق لما نقول هو ضدنا ...المصاعب كثيرة والرحلة طويلة وشاقة الي عدل وعدالة بحيث نقدر علي محاسبة للظالم الفاسد منا ونقصيه وكلنا نحتاج الي رفقه قادرة صالحة فاهمة وليس الي هتيفة ..

Quote: اخر اتهام لي ان بن لادن يرسل رسائله عبري ايوة والله ذي ماقلت ليك بن لادن عديييييييييييييييل كدا

أها شفتي يا دكتوره أنا لو منك بحمد الله إنو ما قالو إنك الرسلتي بن لادن لضرب الابراج !
في سودانيزاونلاين لازم تتعلمي تعايني للجزء الملئ من الكوب

Quote: أمين موضوع البوست مهم جدا للحوار الجاد والموضوعي ويدعو للعب علي الكرة وليس الأجسام مودتي

يا عشاري ياخي أعفي لي عدم ترحيبي بيك : مشكلتك جاي بدرب حمور و أنا حمور ده رافع يدي منو و من ناسو !
المشكله يا عمر إنو معظم الوقت اللعب بقي من دون كوره ، مافي موضوع ذاتو : مشاكل و إتهامات بلا دليل لكل مخالفي الرأي !









-------------------
يا حمور إشتغل بي شويه !

الاخ امين
تسلم ياخى
وده دعوه للارتقاء بالمنبر لمعالى الامور
واليك مثال آخر ؟؟
بالله ماهى فائده هذا الموضوع يا اخى بكرى حتى يستمر على شاشه هذا المنبر؟؟؟

طبيبة بمدينة كوستي تدعي اختطافها واغتصابها والشرطة تكشف حقائق مذهلة

***

وتحياتى لك يا امين
وشكرا

فووووووووووووق


وبإعتباري شريك بالبوست دا من صديقي أمين محمد سليمان ..
يبقي عاوزو فوق للغد ..

لأجهز ربط معه لبوست مدنكل بنموذج حصري عن كيفية الإتهام دون دليل ..

وإقترح له منذ الآن عنوان ( الاتهام والدليل .. في القال والقيل - نموذج حصري ) ..

دعونا نتابع مع تحليلات ( دكتور امين سليمان ) الناضجة وتوليه لناصية الحجة والمنطق بسودانيز ...

ترقبوا البوست بدفوعاته خلال فترة الويك إند ...


ـــــــــــــ
أبصلعة مجري فار خليك قريب وأرفع القزاز يا فردة ..

Quote: بالله ماهى فائده هذا الموضوع يا اخى بكرى حتى يستمر على شاشه هذا المنبر؟؟؟

أخونا شرفي سلام
قريت البوست ده يا شرفي و أتفق معاك إنو فيهو كلام كتير عن أعراض ناس معروفه بدليل الكلام علي إنو الموضوع عامل بلبله في كوستي ، في رأيي طالما الناس بقت بتتكلم عن شخص محدد و بقي و أسرتو معروفين للناس : البوست بيطلع من دائره خبر غريب لدائره رمي الناس في أعراضها كان بالحق ولا بالباطل .
اناشد أخي و صديقي معتصم بقفل البوست لانو أنا متأكد إنو غرضو ما كان التشهير بأحد .

Quote: فووووووووووووق وبإعتباري شريك بالبوست دا من صديقي أمين محمد سليمان .. يبقي عاوزو فوق للغد .. لأجهز ربط معه لبوست مدنكل بنموذج حصري عن كيفية الإتهام دون دليل .. وإقترح له منذ الآن عنوان ( الاتهام والدليل .. في القال والقيل - نموذج حصري ) .. دعونا نتابع مع تحليلات ( دكتور امين سليمان ) الناضجة وتوليه لناصية الحجة والمنطق بسودانيز ... ترقبوا البوست بدفوعاته خلال فترة الويك إند ...

شكرا يا دكتور الطريفي علي إبقاء (بوستك ) عاليا !
منذ بدايه البوست ده : عمدت إنو ما أجيب أمثله و لا أشير لاي بوست أو مدخله بعينها حتي لا ندخل فيما نحاول منع الناس منه ! لكن كلام أخونا محمد يس خليفه عن دكتوره نجاة فات المعقول و المنطقي و المقبول و نقل مساله الاتهام بلا دليل و إغتيال شخصيه الناس لمرحله ما بعد الحداثه و ده المرحله المنها و بيسقط منك التكليف و ممكن بعد داك تسوي الدايرو !
و زي ما قلت هناك في البوست المعني أنا مستني غبار الكركبه الحاصله ده يروق شويه و داير أناقش الموضوع ده بهدوء مع أخونا محمد يس لو ما عندو مانع .






----------------------------------------------

Quote: أبصلعة مجري فار خليك قريب وأرفع القزاز يا فردة ..

حسي عليك الله كلامك بتاع ياسر طيفور ده ما براو إتهام بلا دليل ؟!! أنا ما عندي صلعه دي إسمها جلحات !! الصلعه دي عند وهبه و الأشياء المشابهه !!

أمين محمد سليمان ســـــــلامات

Quote: هل يجوز إتهام الناس بدون دليل في منبر عام ؟! خاصه إنو الناس دي ما عضوه في المنبر و لا تسطيع حق الرد !! ما نوعيه الدليل اللي بنطالب بيه و مدي واقعيتو ؟!

طبعاً لا يجــــوز وموضوعك " مرض مستفحل فى البورد" ...

بالمناسبة مبروك عليك اللقب الجديد( المتحرى الشرطوى قلم المخابرات المستقصى لذمم الناس )!!!!

الناس ديل غائب عليهم أن المعيار الحقيقى هو صحة ما تورده من إتهام .. لأن الدفاع المتاح أمامك فى إيرادك لمثل تلك الإتهامات الإسفيرية هى

أن تُثبت صحـــة ما أوردته ، وبلغة أولاد The Legal Justification/Truth/ Correctness of your allegations

شايف الجماعة بهناك أكلوك حنك فى تفريقهم المُخل بين شهادة الخفير وصاحب الدكتوراة وذى الحسب والنسب وذى الطول ... ناسين أن المعيار فى

كلٍ هو " المصداقية " أو ما يقول عنه أولاد جون : The Credibility of the witness وهو أمر يستوى فيه الجميع.


متابع ولى عودة.

نستشير مولانا



ما هي امكانة رفع قضية على المدعو يس على اتهاماته في الاراضي الامريكية التي يحمل جوازها؟

الكذب والنهديد بالسلطة ودعاء معرفة معلومات

والدعوة لكل القانونين الذين يعيشون في امريكا..

Quote: بالمناسبة مبروك عليك اللقب الجديد( المتحرى الشرطوى قلم المخابرات المستقصى لذمم الناس )!!!! الناس ديل غائب عليهم أن المعيار الحقيقى هو صحة ما تورده من إتهام .. لأن الدفاع المتاح أمامك فى إيرادك لمثل تلك الإتهامات الإسفيرية هى أن تُثبت صحـــة ما أوردته ، وبلغة أولاد The Legal Justification/Truth/ Correctness of your allegations شايف الجماعة بهناك أكلوك حنك فى تفريقهم المُخل بين شهادة الخفير وصاحب الدكتوراة وذى الحسب والنسب وذى الطول ... ناسين أن المعيار فى كلٍ هو " المصداقية " أو ما يقول عنه أولاد جون : The Credibility of the witness وهو أمر يستوى فيه الجميع.

الجلابي أبوبكر أو كما قال سيدنا بشاشا عليه السلام
يا مولانا ياخي أنا لقبي ده حمي خفيفه ، الدكتوره قال ليك معينها أستاذ بن لادن . و بيتبادلو معها الباسويردات !!

الجماعة بهناك كل الطلبناهو منهم إنو ياخي ما تجيبو إتهامات بلا دليل ، الما عندو دليل ما يتهم زول ببساطه كده ! الزول ده كان بقي غفير ولا سفير ما فارقه ، بعدين يا أستاذ الناس دي لو بتفهم جنس كلامكم ده ما بيكونو مواصلين في إتهاماتهم بلا دليل !!!!

الطريفي يا دكتور !
شايف سيدنا بكري ‎- قدس الله سره ‎- سحب البوست ! والله يا الطريفي مرات بتخيل لي اب صلعه ده مفروض يقرو لي قران في راسو ! الله يهديه !

دكتورة نجاة سلامات

أجدعى لىَ إيميلك بالمسنجر.


أمين نوتة سلامات

Quote: الجلابي أبوبكر أو كما قال سيدنا بشاشا عليه السلام

بالله هى وصلت أمريكا ؟

تعرف فى ناس كثيرين فاكنها فى نفسهم وعاملين فيها أربابها وهاك يا وصاية و " قنزحــة " رغم إدعائهم محاربة الإستعلاء المفترض وأنهم هم مخلصو

السودان الجديد ويستعمل ذات الأدوات التى يدعى محاربتها... ويفتكروا إنو يجى مارى فيك ويكتحك بشوية عجاج ويستمر سادراً فى غيه... لكن الجزئية

التى ذكرتهابالتصدى مهمة لنزع ورقة التوت .... وهم يفترضون - لسذاجتهم المفرطة- أن معرفتك وتجربتك فى هذه البسيطة تبدا وتنتهى فى ( حوش بكرى)

أو يقوم يعاين للبروفايل بتاعك ويفتكر إنك حا تعمل رايح ولا " بتتبلَم " ... ركِز على نقطة اضرورة التصدى للإتهامات فهى أحسن وصية.

Quote: شايف سيدنا بكري ‎- قدس الله سره ‎- سحب البوست ! والله يا الطريفي مرات بتخيل لي اب صلعه ده مفروض يقرو لي قران في راسو ! الله يهديه !

دا شنو يا امين .. نتمحن والا نتعجب والا نقول حسبنا الله ونعم الوكيل ..

يآخي بالله عاوز زول عاقل وبيفهم اكتر مني يجي يوقع لي النضم دا .. البوست خالف شنو في اللوائح

لا اله الا الله بس ..!

Quote: دا شنو يا امين .. نتمحن والا نتعجب والا نقول حسبنا الله ونعم الوكيل

تبكو بس يا دكتور !

يبدو الله أعلم إنو بكري عارف الكلام الكتبو أخونا محمد يس ده كلام كبير بيتخطي مساله إتهام الدكتوره لحتات تانيه بكري ذاتو داخل فيها ! يعني تخيل الكلام حسي : أب صلعه ده عندو ويب سايت مرات مرات بيكتب فيهو أستاذ بن لادن ! و أب صلعه ذيو و ذي أخوك ما بيقدر علي جوانتانامو دي !

بوست حلاوة نعناع بس ..
الا بالمناسبة دي يا أمين
حلاوة نعناع لسع بتنعش الخياشيم وتخلي لهات الزول ساااااااااقطة
واللا الزمن غيرا وخلت الحركة القيافة دي ؟؟
أصلي لي فترة منهابت اللذينا.

Quote: الا بالمناسبة دي يا أمين حلاوة نعناع لسع بتنعش الخياشيم وتخلي لهات الزول ساااااااااقطة واللا الزمن غيرا وخلت الحركة القيافة دي ؟؟ أصلي لي فترة منهابت اللذينا.

يا طلحه حلاوه نعناع و أي حاجه سمحه في السودان ماتت لمن الهلال أخد خمسه !!

Quote: أي حاجه سمحه في السودان ماتت لمن الهلال أخد خمسه !!

ما تخاف يا أمين هاك أمسك : حدثني من أثق في كلامه

القبح دا حاصل حتى في جرائدنا
الإنسان مدان حتى يثبت براء ته ..!!

في القانون في حاجة اسمها رد الشرف
لكن للاسف الضحايامابيلجأو للقانون
ودا بيشجع الأنذال على إنتهاك أعراض خلق الله

.......
مشكلتنا في السودان يا امين المواطن مابيعرف حقوقه
ولوعرفها ماحريص لحمايتها والدفاع عنها

Quote: في القانون في حاجة اسمها رد الشرف لكن للاسف الضحايامابيلجأو للقانون ودا بيشجع الأنذال على إنتهاك أعراض خلق الله ....... مشكلتنا في السودان يا امين المواطن مابيعرف حقوقه ولوعرفها ماحريص لحمايتها والدفاع عنها

سلامات يا الطاهر
بنعرف حقوقنا كويس لكن العين بصيرة واليد قصيرة
اسع جنابو الامريكي الاسمةو محمد يس الخليفة آل الجا هنا قال بن لادن بكتب باسمي
ايوا جادي يا الطاهر قال بن لادن بكتب باسمي
صدق او لا تصدق دا الحاصل,


ولمح تليمحات اخلاقية
لو عايزة اقاضيه بقاضيه وين؟

Quote: القبح دا حاصل حتى في جرائدنا الإنسان مدان حتى يثبت براء ته ..!!

القبح ده يا الطاهر يا أخوي حاصل في جرايدنا و مدارسنا و جامعاتنا و جوامعنا ، نحن يا أستاذ شعب ما بيعرف أدب الاختلاف ، و ده أس البلاء و سبب المصايب . السبب الأساسي لإتهام الناس بالباطل هو الاختلاف في رأي لا أكثر لا أقل .

Quote: في القانون في حاجة اسمها رد الشرف لكن للاسف الضحايامابيلجأو للقانون ودا بيشجع الأنذال على إنتهاك أعراض خلق الله ....... مشكلتنا في السودان يا امين المواطن مابيعرف حقوقه ولوعرفها ماحريص لحمايتها والدفاع عنها

المواطن الما عارف حقوقو ده في ذمتنا نحن العارفين و العارف حقوقو و ما حريص عليها يستاهل البحصل ليه .
القاسم المشترك بتاع الناس البتتهم الناس في سمعتها و عرضها بالباطل هو الجبن ، الناس دي بتخاف ما بتختشي عشان كده حلها في المحاكم !

Quote: السبب الأساسي لإتهام الناس بالباطل هو الاختلاف في رأي لا أكثر لا أقل .

والله لو الزول البجى يختلف معاك و يرمي فيك اوساخو دي زول عليهو القيمة
كان ششوية كدا معقولة لكن في الغالب تلقي الزول دا مرمي الله ساي واحتمال كبير اهلو متبرين منو ..
مشكلة المنابر دي يا أمين أخوي انها أحيانا بتلم الهوام زي موية المطرة الدافرة .

Quote: والله لو الزول البجى يختلف معاك و يرمي فيك اوساخو دي زول عليهو القيمة كان ششوية كدا معقولة لكن في الغالب تلقي الزول دا مرمي الله ساي واحتمال كبير اهلو متبرين منو .. مشكلة المنابر دي يا أمين أخوي انها أحيانا بتلم الهوام زي موية المطرة الدافرة .

ولانو يا طلحه من يتهم الناس بالباطل هو في عضمتو هوام زي موية المطرة الدافرة زي ما قلت ، ما عندو سكه يجادلك بالمعرفه و لا بالتي هي احسن او اكعب ، ما عندو نقاش أصلا فالحل ‎- في نظرو ‎- إنو يلصق ليك تهمه هو أعلم الناس ببطلانها ، لكن لانو نحن ما بنسأل زول من دليل إتهامو ، بتبقي إنت‎ - المتهم بالباطل ده - من عليه إثبات بطلان الاتهام ! المعادله مقلوبه لو ما إستعدلناها فلن ينجو أحد !

ان الظن اكذب الحديث

فوق
يا امين

Quote: ان الظن اكذب الحديث

شكرا يا شرفي .

يا تتفق معاى يا اجوط ليك بوستاتكـ !

شايف يا امين رشوك واحد إتهام امنجي برتبة تابع لمحمد حامد جمعة ..

ما تبعد يومين تلاتة تبقي ظلامي .. واسبوع تكون تحت قيادة الظواهري شخشياً..

Quote: شايف يا امين رشوك واحد إتهام امنجي برتبة تابع لمحمد حامد جمعة ..

الطريفي
ما مزعلني الاتهام ، مزعلاني الرتبه !
إذا كان محمد حامد عقيد و أنا تابع ليهو ، معناتها علي أحسن الفروض أخوك مقدم !









‎‎‎‎----
البوست ده نكتو من وين ؟!

ققرقررقر

والله يا امين مشكلتك مشكلة
خلاص بيقت عدو المناضلين حيتعلمو فيك الحجامة..

Quote: والله يا امين مشكلتك مشكلة خلاص بيقت عدو المناضلين حيتعلمو فيك الحجامة

ما يقدرو يا دكتوره ! الناس الرجالتها ناقصه و دايرين يتموها بإتهام الناس بالباطل بنبلعهم لسانهم .
حسي المنحط مصطفي محمود القال الكلام ده ، بلعناه لسانه ، خلي يبقي راجل و يقولو تاني !!
ديل يا دكتوره ممكن يبهتو النسوان ، لكن الرجال ما بيقدرو عليهم !!

*********