Post: #1
Title: الصور الصور الصور ....!!!
Author: أمين محمد سليمان
Date: 12-29-2009, 06:03 PM
Parent: #0
من أكتر ما يميز هذا المنبر قدرتو علي نقلنا من منافينا البعيده إلي قلب الوطن في لحظات . و مع إنتشارالكاميرات و الموبايلات (أمات كميرات) صارت الصور تأتينا طازجه كما قهوة الصباح .
|
Post: #2
Title: Re: الصور الصور الصور ....!!!
Author: أمين محمد سليمان
Date: 12-29-2009, 06:04 PM
Parent: #1
كلنا نحب الصور فرب صورة واحده تغنيك عن الف بوست و يكفي أن تكتب (يوجد صور ) في عنوان بوستك فتضمن نسبة مشاهده عاليه.
|
Post: #3
Title: Re: الصور الصور الصور ....!!!
Author: أمين محمد سليمان
Date: 12-29-2009, 06:05 PM
Parent: #2
أفهم أن يتم تصوير رحله ، حفله أو لقاء لمجموعه من الأعضاء و من ثم نقلها إلي المنبر ، لكني لا أفهم كيف تصور المناسبات الخاصه - و فيها ما فيها من خصوصيه ، و فيها من فيها مِن مَنْ هم ليسو باعضاء في هذا المكان و تنقل الصور إلي منبر يشاهده مئات الآلاف من الناس كل يوم .
أعلم تماما حسن نية أخواننا المصورين و رغبتهم في ربطنا - نحن الغائبون - بما يحدث ، و لكن أوليس في ذلك انتهاك لخصوصية أصحاب هذه الصور ؟!
|
Post: #4
Title: Re: الصور الصور الصور ....!!!
Author: أمين محمد سليمان
Date: 12-29-2009, 06:06 PM
Parent: #3
هذه دعوه للنقاش ، أرجو أن يتسع صدرنا جميعا لكل الاراء ...
|
Post: #5
Title: Re: الصور الصور الصور ....!!!
Author: Amira Elsheikh
Date: 12-29-2009, 10:17 PM
Parent: #4
كل ربع وانت طيب ياامين....
شكلى بقيت زبونة عندك,,,,والله يستر من التطبيع,,,
سبقتنى بشوية كنت عاوزة انزل بوست بموضوع الصور والازعاج البتسببو لكثير من الاعضاء,,,
لكن حاعتبر دا بوستينى لانو بالجد الموضوع بهمنى
موضوع الصور دا عندى فيهو كلاام وتحفظات كتيرة والمسالة ما نقل صور المناسبات وبس.... ,,,
بس زاويتى تانية...
وهى استغلال بعض الاعضاء لكثير من الصور البتنزل بغرض الابتزاز وتشويه صور الاخرين,,,
بجيك بامثلة ونماذج ,,,بس مامحتفظة بكويتشنات ولا بوستات بس متذكرة كويس,,,
|
Post: #6
Title: Re: الصور الصور الصور ....!!!
Author: Amira Elsheikh
Date: 12-29-2009, 10:26 PM
Parent: #5
عايزة اثبت حاجة ,,
انا ماضد انزال الصور بالموقع ولكن ضد التلاعب بصور الناس واقحامها فى خلافات شخصية
متى ماسنحت الفرصة للنيل من المختلفين معانا وابتزازهم ببعض الصور التى التقطت فى لحظات صفاء وفى مناسبات اجتماعية محددة,,,
ضد استغلااااال الصور ,,,,
ضد استغلااااال الصور ,,,,
ضد استغلااااال الصور ,,,,
ضد استغلااااال الصور ,,,,
|
Post: #7
Title: Re: الصور الصور الصور ....!!!
Author: Amira Elsheikh
Date: 12-29-2009, 10:45 PM
Parent: #6
طيب نموذج,,,,
ماتذكرة البوست ولا صاحب البوست(دى مشكلة لانو فى ناس حتطلك كذاب)
فى واحدة من المناسبات الاجتماعية نظمها بورداب الخرطوم تقريبا نزلت صورة لدكتورة نجاة ومحمد حامد جمعة,,,
الصورة بعد فترة طلعت من المناسبة الاجتماعية الاخدت فيها واصبحت وثيقة ادانة ضد دكتورة نجاة
بانها متصورة مع ودجمعة الكوز والامنجى وبتاع الحكومة,,,,ودا بثبت انها كوزة برضو...
انا شخصيا ماشايفة مشكلة تنزل ليك صور مع كوز ولا انصار سنة ودا السودان والاجتماعى فيه مابفرق بين ميول ولا اتجاهات سياسية وفكرية,,,,
دى امثلة ومافى زول يشبى فى حلقى ,,
|
Post: #8
Title: Re: الصور الصور الصور ....!!!
Author: حاتم علي
Date: 12-29-2009, 10:56 PM
Parent: #6
أمين سلامات
شكلي برضو بقيت زبون لي مواضعيك
زي أميرة
أميرة تحياتي
تعرف يا أمين الصور دي مشكلة في السودان ، بالذات صور البنات و النساء في المناسبات العامة و الخاصة
العالم كله تخلص من العقد دي ، إلا نحنا بنتعامل مع الصور دي بي حساسية زايدة و السبب في ذلك
تركيبة مجتمعنا و درجة الوعي فيهو ، و نظرتنا للآخرين خصوصاً المرأة
قبل فترة ظهرت مشكلة في (الفيسبوك) إنو في واحد\ة بتسرق صور البنات البختوها في بروفايلاتهم
وبشوفوها الناس الموجودين في لستة أصحابهم ، تخيل الواحد\ة دي أخذت الصور دي و نشرتها
في مجموعة تعارف في (الفيسبوك) تحت إسم (منحط) جداً ، و بعد شكاوي و بلاغات للفيسبوك
إتقفلت المجموعة و إتلغى حساب الواحد\ة دي ، و كانت من ردود الفعل الجميلة للحادثة دي إنو
صديقنا الجميل ناجي الملك عمل مجموعة سماها (الإستخدام الآمن للفيسبوك) شرح فيها بالتفصيل
خواص الخصوصية في الفيسبوك و كيفية منع مشاركة الصور مع الأشخاص الغرباء
للأسف مع تغير إعدادات الخصوصية في (الفيسبوك) مؤخراٌ و الناس ما منتبهة للحاجة دي
ظهرت تاني شخصية (مريضة) و عملت مجموعة مشابهة للمجموعة الفاتت ديك
وسرقت كمية مقدرة من صور (البنات) و نشرتها فيها ، و لسة الناس بتخوض
في عمليات البلاغات و الريبورتات للفيسبوك عشان تتقفل المجموعة المسيئة دي
و حادثة إنتحال صورة و إسم الاستاذة نادية عثمان ما بعيدة عن الناس و الجميل
إنها إنتهت على خير.
قصدي بالإستراط عن الفيسبوك دا إنو أوضح ليك إنو المشكلة مافي الصور نفسها
أو مكان نشرها بقدر ما هي ثقافة تعاملنا نحنا نفسنا مع الصور
يعني لما تاخد معاك الوعي الجمعي للصور و العقلية الفضائحية للمجتمع السوداني
إضافة لي نظرة التجريم المسبقة للمرأة بمجرد وجود صورتها على الإنترنت
حاتلقها إنو بالجد في مشكلة في فهمنا نحنا ذاتنا و في وعينا
تحياتي
|
Post: #9
Title: Re: الصور الصور الصور ....!!!
Author: ombadda
Date: 12-29-2009, 11:08 PM
Parent: #8
أمين م سليمان
سلام
ظهرت فى الشهور الأخيرة كاميرات من نوع جديد زهيدة الثمن ..كاميرا فى شكل قلم..وبظهور هذا
النوع من الكاميرات أصبح منع التصوير ضربا من الخيال...
بالمناسبة الكاميرا دى ممنوعة فى كثير من الدول العربية..
|
Post: #10
Title: Re: الصور الصور الصور ....!!!
Author: Kamal Karrar
Date: 12-29-2009, 11:09 PM
Parent: #9
أمين سلامات...
هاك الفاصل الإعلاني ده!!!
توعدنا وتبخل بالصورة
يا غنوتنا
يا بهجتنا
ويا مسا عيونا المبهورة
ما نحن بطبعنا ناس طيبين
غلطاتك عندنا مغفورة
يا نسمة في عز الصيف هبت
يا روح الروح
يا آمالا
إن جيت تطلبنا بضي العين
مابنقدر نحن نقول
لا لا
العين مابتعلا على الحاجب
وعزيز الروح مابتعالا
لو نحن بكينا على الصورة
سامح دمعتنا المعذورة
ما نحن بطبعنا ناس طيبين
غلطاتك عندنا مغفورة
الكلمة الحلوة الفي قلبك
وحياتك ماتعاند قولا
خلينا نصابح بيها العيد
نرحل لعوالم مجهولة
لو نحن مقامك ماقدرو
أعذارك عندنا مقبولة
روعة سحر الأسطورة
يا سمحتنا الما بنطولة
لو نحن مقامك ماقدرو
أعذارك عندنا مقبولة
بنحبك نحن وما قادرين
أبدا عن حبك نتخلا
نتخلا عن الوجه البشبه
ضي القمرة الناعس طلا
كل الآمال الله يخليك
ويحرسك من عين الناس الله
|
Post: #11
Title: Re: الصور الصور الصور ....!!!
Author: Amira Elsheikh
Date: 12-29-2009, 11:14 PM
Parent: #8
حاتم,,,سلام وتحياتى كمان,,,
خلينا نفتى لحدى ما امين يجى ولو طلعنا اوف بوينت برضو ما حنشتغل بيهو
اتفقنا??
حاتم,,,ياخ قاليك انزال الصور فى الموقع,,,,,مش الفيس بوك
كدا خوفتنى زيادة وانا قايلة الفيس امن اكتر من هنا,,,يعنى الواحد يمشي يلملم صورو من هناك ولا كيف....?
وزى ماقلت ليك فى بوستك داااك ,,ماعندى علاقة كبيرة بالتكنولجيا دى ..
والله لو ختو صورى فى مزاد علنى هناك ما اظنى اجيب خبر,,,بس ربك يستر,,
مثال,,,
قبل كدا فى عضوة هنا قالت البنات البختو صور فى بروفايلاتهم ديل مافيهم واحدة امها عمرابية,,,بمعنى انهم مااصيلات او شئ من هذا القبيل,,,
اتنقاشنا وقتها وبرضو تناولنا المفاهيم الاجتماعية المعقدة تجاه انزال الصور,,
المشكلة فينا نحن بنتكلم بوعى وممارستنا ماعندها علاقة بكم التنظير الشايلنو..
البورد خير مثال,,
|
Post: #12
Title: Re: الصور الصور الصور ....!!!
Author: حاتم علي
Date: 12-29-2009, 11:45 PM
Parent: #11
أهلاً يا أميرة و حبابك كمان
أمين دا ما تشتغلي بيهو كتير
راس مالو بوست واحد عن (الياسمين)
- بيني و بينك قربتا أعملها -
----------------
فيما يخص الفيسبوك
الموقع عمل تغيير لإعدادات الخصوصية
راجعي Privacy setting - Profile information - Photo Albums
أعملي هناك Edit Setting
لكل ألبوم صور في خيار Who can see this?
إختاري Only Friends
أو أي خيار آخر
في الغالب إعدادات خصوصية الصور القديمة تظل كما هي
الإشكالية الحالية إنو في إعدادت الخصوصية الجديدة
Current Profile Picture
ممكن تتشاف بالنسبة لي Friends of Friends
يعني أصحاب أصحابك غصباً عنك بشوفوها
و الناس هناك في الفيسبوك
محتجة شديد ضد الموضوع دا أٌقري هنا للمزيد :
What Does Facebook's Privacy Transition Mean for You?
Quote: قبل كدا فى عضوة هنا قالت البنات البختو صور فى بروفايلاتهم ديل مافيهم واحدة امها عمرابية,,,بمعنى انهم مااصيلات او شئ من هذا القبيل,,,
اتنقاشنا وقتها وبرضو تناولنا المفاهيم الاجتماعية المعقدة تجاه انزال الصور,,
المشكلة فينا نحن بنتكلم بوعى وممارستنا ماعندها علاقة بكم التنظير الشايلنو..
|
طبعا يا اميرة عبارة (عمرابية) و تفسيرها (ما اصيلة)
دي بتلخص الحكاية كلها في التناقض الشايلاهو الناس و حايمة بيهو
يعني ممكن الواحد\ة ممكن يشبكك كلام عن الوعي و الفهم و الراي
و العنصرية و الجندر و المساوة الخ....
وفي النهاية الموضوع لمن يصل اللحم الحي بيختلف الكلام
السبب شنو ؟
هل هو إنو نحنا بنحاول (نتماهى) مع مجتمعنا و نقبل بي ثوايته و تصنيفاته و ثوابته و حدود (التابو) بتاعته
زي موضوع أمين دا عن الصور (نموذجن) ؟!
أنا شخصياً بعترف إنو أنا كثيراٌ بتماهى مع المجتمع و ما عندي الشجاعة إنو أواجهه بكل قناعتي و بفتكر إنو دي عقلانية مني
رغم كلامي الكتير المكرور عن مفاهيم لا أطبقها شخصياُ و لكن أشجع كل من يقوم بها.
طيب الحل وين ؟!!
|
Post: #13
Title: Re: الصور الصور الصور ....!!!
Author: Amira Elsheikh
Date: 12-30-2009, 00:09 AM
Parent: #12
Quote: هل هو إنو نحنا بنحاول (نتماهى) مع مجتمعنا و نقبل بي ثوايته و تصنيفاته و ثوابته و حدود (التابو) بتاعته
زي موضوع أمين دا عن الصور (نموذجن) ؟!
أنا شخصياً بعترف إنو أنا كثيراٌ بتماهى مع المجتمع و ما عندي الشجاعة إنو أواجهه بكل قناعتي و بفتكر إنو دي عقلانية مني
رغم كلامي الكتير المكرور عن مفاهيم لا أطبقها شخصياُ و لكن أشجع كل من يقوم بها.
طيب الحل وين ؟!! |
حاتم,,,,,
فى تماهى بتم بوعى واخر من غير وعى,,,
طيب بدل مجتمعنا خلينا نقول ثقافتنا ,,ثقافتك هى روحك وهى البتميزك عن الاخر,,
ومع مرور الايام مسالة المتغيرات والانفتاح الحاصل شئنا ام ابينا هناك تغيير حاصل او حيحصل....
السؤال هل نحن مستعدين للتغيير ?هل عندنا القدرة على التعامل معاهو??
بمعنى ما كل التغيير ايجابى ويجب نحن نتماهى معاهو ولا كلو سلبى ويجب الوقوق ضدو,,
على مستوى ثقافتنا ومعتقداتنا حسب وجهة نظرى الايجابى فيها اكثر من السلب
وانا مثلك اتماهى مع كثير من الاشياء فى مجتمعى وبرضى ووعى,,,هذا لايعنى التخلف او عدم المواكبة,,,,
وهناك متشددين من الجانبين,, جانب يرى ان فى ثقافتنا الكثير من التخلف ويجب ان يقف ضدها ودا تحت مسميات مختلفة
وجانب اخر متشدد يرى فى هى كتاب منزل ويجب التقيد باحكامها,
وبرضو ياحاتم نحن جيل الحفرة وماعارفين نمشى وين
|
Post: #14
Title: Re: الصور الصور الصور ....!!!
Author: حاتم علي
Date: 12-30-2009, 00:44 AM
Parent: #13
Quote: حاتم,,,,,
فى تماهى بتم بوعى واخر من غير وعى,,,
طيب بدل مجتمعنا خلينا نقول ثقافتنا ,,ثقافتك هى روحك وهى البتميزك عن الاخر,,
ومع مرور الايام مسالة المتغيرات والانفتاح الحاصل شئنا ام ابينا هناك تغيير حاصل او حيحصل....
السؤال هل نحن مستعدين للتغيير ?هل عندنا القدرة على التعامل معاهو??
بمعنى ما كل التغيير ايجابى ويجب نحن نتماهى معاهو ولا كلو سلبى ويجب الوقوق ضدو,,
على مستوى ثقافتنا ومعتقداتنا حسب وجهة نظرى الايجابى فيها اكثر من السلب
وانا مثلك اتماهى مع كثير من الاشياء فى مجتمعى وبرضى ووعى,,,هذا لايعنى التخلف او عدم المواكبة,,,,
وهناك متشددين من الجانبين,, جانب يرى ان فى ثقافتنا الكثير من التخلف ويجب ان يقف ضدها ودا تحت مسميات مختلفة
وجانب اخر متشدد يرى فى هى كتاب منزل ويجب التقيد باحكامها,
وبرضو ياحاتم نحن جيل الحفرة وماعارفين نمشى وين |
طيب يا أميرة اول حاجة عشان نكون ماشين في نفس ال track
قصدي بالتماهي مع (المجتمع) إنو موقفك و سلوكك الاجتماعي
ليس بالضرورة ان يكون معبراً عن ما أنت (مقتنع) به من أفكار
و مفاهيم بغض النظر عن الظروف الحالية للمجتمع أو التغيرات الحاصلة فيهو
التغير الحاصل في المجتمع تتخيلي ما هو التغيير البتخيلهو الناس كنوع من المجاراة - و ليس التماهي -
مع رياح (العولمة) و تقليد الغرب الخ
أظنك بتقصدي بالتماهي (غير الواعي) التقليد موش ؟
التغير الحاصل - حالياً من وجهة نظري - عكسي نحو المزيد من السلفية و التشدد و النظرة المنغلقة للمرأة و الحريات بصفة عامة
و محاولة نسخ نموذج دول الخليج العربي الاسلامي في مجتمع متباين ثقافياً و اجتماعياً زي مجتمعنا
و البركة طبعاً فيما يسمى بالمشروع الحضاري .
كمثال موضوع (الصور) مثلاً - عشان أمين ما يقول حرفنا ليهو البوست حقو -
بتذكر لمن (خالد الحاج) نزل في (سودانيات) صور النساء السودانيات (مكشوفات الصدر)
لابسات الرحط في عشرينيات القرن الماضي قامت الارض و لم تقعد ، و ناس كثيرين خصوصاً
من (الاجيال الحديثة) اصيبوا بالصدمة ، كنتا مرة بتناقش مع واحد أو واحدة ما بتذكر كان بقول لي
دا (عيب) كبير و (فضيحة) و مفروض ما ننزل صور زي دي ، قلتا ليهو فتش البوم صور قديمة
في الستينات و السبعينات شوف حبوباتنا و اماتنا كان لابسات كيف ؟ ناس جكسا في خط ستة الخ..
بتفق معاك انو نحنا (جيل وسيط) - لكن ما بي فهم التطور و العولمة بس - بي فهم انو نحنا جيل وسيط
بين الاجيال القديمة و الاجيال الحديثة في حتات كتيرة مرتبطة بالوعي و الفهم و بصر على انو الجيل الحديث
مظلوم و حاصل ليهو تغبيش وعي - برغم العولمة و الانترنت - بفضل المشروع الحضاري في السودان
و المد السلفي الوهابي السائد في العالمين العربي و الاسلامي بفضل 11 سبتمبر و ردود فعلها الامريكية
في الشرق الاوسط من جهة ، و انهيار القومية العربية و من قبلها الشيوعية كأفكار حديثة كانت مالية فراغ
فكري كبير من جهة تانية
_____________________
بالمناسبة:
إنتي أمين وين خالينا متفسحين فو بوستيهو دا ؟
|
Post: #15
Title: Re: الصور الصور الصور ....!!!
Author: Amira Elsheikh
Date: 12-30-2009, 01:50 AM
Parent: #14
حاتم,,,,
اسواء 5حاجات فى سودانيز دى
1/تكون داخل من الشغل
2/ماعندك كيبورد عربى وبتكتب بكيبورد بكرى وتبستت(من بست/لصق)
3/تجتهد فى رد طويل ومعقد على مداخلة تستاهل ,,
لاى سبب من الاسباب المداخلة تطير منك وماتلقاها وماتعرف مشت وين,,,داالحاصل لى بالضبط,,,,
____________________________________
بمناسبة امين ياسمين وين شايفاك مشيت تسأل فيهو من البوست بهناك,,
_________________________________
البوست دا بقى حقنا ,,ليهو العضموولينا اللحم
|
Post: #16
Title: Re: الصور الصور الصور ....!!!
Author: حمور زيادة
Date: 12-30-2009, 02:01 AM
Parent: #15
أين أمين محمد سليمان من هذا البوست ؟
|
Post: #17
Title: Re: الصور الصور الصور ....!!!
Author: حاتم علي
Date: 12-30-2009, 02:16 AM
Parent: #16
| Quote: لاى سبب من الاسباب المداخلة تطير منك وماتلقاها وماتعرف مشت وين,,,داالحاصل لى بالضبط,,,, |
عشان جنس دا - و لوايق السايبر - بنعمل copy قبل ما نعمل Submit
____________________________
أمين (الياسمين) لو ما ظهر لحدي بكرة
من حقك إنتي يا أميرة بالذات تفتحي
بوست بعنوان : أين ذهب أمين الياسمين ؟
|
Post: #18
Title: Re: الصور الصور الصور ....!!!
Author: Amira Elsheikh
Date: 12-30-2009, 03:47 AM
Parent: #17
نواصل ولا ننتظر عمك ياسمين ياحاتم,,,,
من مداخلتى الطويلة ديك طارت,,,غلبنى اكتب تانى,,,
|
Post: #19
Title: Re: الصور الصور الصور ....!!!
Author: حاتم علي
Date: 12-30-2009, 04:13 AM
Parent: #18
| Quote: نواصل ولا ننتظر عمك ياسمين ياحاتم,,,,, |
أخير نشوف آخروا عمك يا سمين دا
قالوا الغايب عذروا معاه
___________
خصوصاً بعد ضياع المدخلات
|
Post: #20
Title: Re: الصور الصور الصور ....!!!
Author: أمين محمد سليمان
Date: 12-30-2009, 05:04 AM
Parent: #19
أميره و حاتم
البشوفكم ( مبرطعين ) في البوست ، يقول دافعين معاي حق النت الشهر ده 
جيت من بره هسي من طلعة فجر الرحمن :
تعبان
و جعان
و نعسان
كان ربنا مد في العمر بجيكم الصباح !
|
Post: #21
Title: Re: الصور الصور الصور ....!!!
Author: Yassir Tayfour
Date: 12-30-2009, 05:40 AM
Parent: #20
لهذا البوست وصاحبه الياسمين..
____
والرماد لأميرة !
|
Post: #22
Title: Re: الصور الصور الصور ....!!!
Author: صلاح ليون
Date: 12-30-2009, 06:59 AM
Parent: #21
Quote: لهذا البوست وصاحبه الياسمين..
____
والرماد لأميرة ! |
للأسف يا ياسر ..
شايف الاتنين مع بعض
ياسمين على فل ورياحين
يا امين .. الصور دي كاتبها تلاتة مرات كده
يعني قصدك زي .. النبق النبق النبق (سوداني)
وللا قصدك بيها العنب العنب العنب (مصري)
|
Post: #23
Title: Re: الصور الصور الصور ....!!!
Author: معتصم دفع الله
Date: 12-30-2009, 04:15 PM
Parent: #22
لهذا البوست وصاحبه الياسمين..
ولصاحبي ياسر طيفور ..
____
والرماد لأميرة !
|
Post: #30
Title: Re: الصور الصور الصور ....!!!
Author: Yassir Tayfour
Date: 12-30-2009, 06:49 PM
Parent: #23
معتصم ما مشتاقون وكدا يعلم الله!
تأكيد الرماد لأميرة عجبني شديد وسرّ بالي..
____
يا ليون إنت البوست بتاع الياسمين الأصلي الجابو الربع الجديد منو؟ كل الشكوك تحوم حولّك !
|
Post: #24
Title: Re: الصور الصور الصور ....!!!
Author: أمين محمد سليمان
Date: 12-30-2009, 04:38 PM
Parent: #22
سلام يا أميره Quote: بس زاويتى تانية...
وهى استغلال بعض الاعضاء لكثير من الصور البتنزل بغرض الابتزاز وتشويه صور الاخرين,,,
بجيك بامثلة ونماذج ,,,بس مامحتفظة بكويتشنات ولا بوستات بس متذكرة كويس,,, |
كلامك ده حاصل بكل أسف و زي ما قلتي دي زاويه تانيه للموضوع ، لكنها متفرعه من الموضوع الأصلي و اللي هو تصوير الناس - بكل حسن نيه - في مناسبات خاصه و من ثم عرضها في منبر بشوفوهو مئات ألالاف بدون علمهم و لا معرفتهم خليك من موافقتهم !! و ده بيطرح سؤال تاني : هل الاخ / الاخت عضو/عضوة المنبر عندهم حق الإذن بنشر صور - لناس تانيين - حتي لو هم أقرباء ، أصحاب ، ...الخ كانو متواجدين في مناسبه ما تخص عضو/عضوة المنبر ؟
يعني أنا هسي كان قلت عايز أعرس تاني ، و عملت حفله و جو الأخوان في المنبر أخذو صور للمناسبه و من ضمنها بت جيرانا قاعده هناك - طلعت صورتها لانها في زاوية تصوير العريس (اللي هو أنا ) - بت جيرانا دي لاعندها شغله بسودانيس أونلاين لا عمرها سمعت ببكري أبو بكر و صلعتو ولا عارفه ذاتو إنو في إنترنت بجيبو فيهو صور الناس ، هل بيحق لي أنا الموافقه علي نشر صور مناسبتي في المنبر حتي لو فيها صور ناس تانيين ( بت جيرانا في المثال ) ؟ ده سؤال بفتكرو مهم جدا في موضوع نقاشنا ده ، وفي رأيي الشخصي إجابتو : لا يحق لي أبدا !
| Quote: انا ماضد انزال الصور بالموقع ولكن ضد التلاعب بصور الناس واقحامها فى خلافات شخصية |
طبعا يا أميره مافي زول بيؤيد إستعمال صور الناس باي صوره مشبوهه ، المشكله إنو لمن الصور تنزل في الموقع ، أي بني ادم - عضو في المنبر ولا قارئ - ممكن يحفظها في جهازو و بعداك ما ممكن نتخيل ذاتو الصور دي ممكن يتعمل بيها شنو ، العالم ده فيهو ناس مريضه و ناس معتوهه ، عشان كده في رأيي لازم أي صوره تنزل في المنبر يكون المتصور فيها - عضو ولا لا - موافق علي نشرها ، و ده ما حاصل هسي نتيجه لحسن النيه الزايده من الأعضاء العندهم مناسبات خاصه ، و الأخوان البيصورو المناسبات دي .
|
Post: #25
Title: Re: الصور الصور الصور ....!!!
Author: أمين محمد سليمان
Date: 12-30-2009, 05:00 PM
Parent: #24
سلام يا حاتم Quote: قبل فترة ظهرت مشكلة في (الفيسبوك) إنو في واحد\ة بتسرق صور البنات البختوها في بروفايلاتهم
وبشوفوها الناس الموجودين في لستة أصحابهم ، تخيل الواحد\ة دي أخذت الصور دي و نشرتها
في مجموعة تعارف في (الفيسبوك) تحت إسم (منحط) جداً |
الأخوات في الكارثه دي ختو صورهم في صفحاتهم في الفيس بوك بمحض إرادتهم و شوف حصل ليهم شنو ، يلا عايزك تتخيل لو في أخت كل جريمتها في الدنيا إنها مشت عرس جيرانهم و لقت نفسها في مجموعة التعارف بالإسم المنحط ده !
Quote: إنو المشكلة مافي الصور نفسها
أو مكان نشرها بقدر ما هي ثقافة تعاملنا نحنا نفسنا مع الصور
يعني لما تاخد معاك الوعي الجمعي للصور و العقلية الفضائحية للمجتمع السوداني
إضافة لي نظرة التجريم المسبقة للمرأة بمجرد وجود صورتها على الإنترنت
حاتلقها إنو بالجد في مشكلة في فهمنا نحنا ذاتنا و في وعينا
|
فهمنا كمجتمع لصور البنات في النت ما بينفصل من فهمنا لموضوع البنات ككل و ده فلم براو .
موضوع الصور هنا ما خاص - في تقديري - بالاخوات فقط ، يعني في مثلي الضربتو لاميره ممكن بدل بت جيرانا تخت ود جيرانا و النتيجه نفس النتيجه ، من حق ود جيرانا إنو يعترض علي وجود صورتو في النت ، خليك من ود جيرانا الوهمي ، في أعضاء هنا في منبر بكري ده ما عايزين صورهم تتنشر ، و طبعا من حقهم .
|
Post: #26
Title: Re: الصور الصور الصور ....!!!
Author: أمين محمد سليمان
Date: 12-30-2009, 05:37 PM
Parent: #25
سلام يا امبده ، و كتر خيرك علي المعلومه
|
Post: #27
Title: Re: الصور الصور الصور ....!!!
Author: أمين محمد سليمان
Date: 12-30-2009, 05:43 PM
Parent: #26
كمال يا حبيبنا ، مشكور علي الكلمات .
|
Post: #28
Title: Re: الصور الصور الصور ....!!!
Author: أمين محمد سليمان
Date: 12-30-2009, 05:48 PM
Parent: #27
Quote: لهذا البوست وصاحبه الياسمين..
____
والرماد لأميرة ! |
ياسر أب تفه
لولا التزامي ببنود (تحالف الياسمين ) و خوف من أميره يسكن في الأعماق لعلقنا كلامك هذا علي (أستار المنبر ) !
|
Post: #29
Title: Re: الصور الصور الصور ....!!!
Author: Faisal Elrasheed
Date: 12-30-2009, 06:19 PM
Parent: #28
الاستاذ امين ياسمين ارجو ان لا تنسي الاستاذ انور التكينة الاخصائي في مجال التصوير والسريع كما البرق في الانتشار ,
لانور التكينة مساهمات عظيمة في هذا البورد فقد اجتهد الرجل وانفق من وقته وعرقه وكل غال ونفيس لنقل ما يدور وما يخص الاخوة الزملاء .....
لم يألو جهدا في نقل كل المناسبات السعيدة والتي ادخلت السرور والغبطه لدينا..........
قام بتغطية كل ما يمكن تغطيته هنا..
بدأ من افتتاح فندق فالكون في الربع الماضي وحتي مناسبات الافراح...
ما قام به التكينة تعجز جميع وكالات الانباء عن نقله ونشره بتلك السرعه ..
.حتي رويتر زاته ..
ارجو يا امين ان تنصف الرجل وتعطيه حقه هنا كاملا مكملا فلا تبخلو علي الرجل
|
Post: #31
Title: Re: الصور الصور الصور ....!!!
Author: أمين محمد سليمان
Date: 12-30-2009, 07:50 PM
Parent: #29
Quote: للأسف يا ياسر ..
شايف الاتنين مع بعض
ياسمين على فل ورياحين
|
يا ليون
علاقتي ببت الشيخ محكومه ببنود (تحالف الياسمين ) و اللي بندو الأول بيوجب أعضاء الحلف بالدفاع عن بعضهم البعض حتي الموت !
، فبالله ما تنجهونا
بعدين يا صلاح إن شاء الله تكون متذكر إنو أول مداخله لينا مع بعض كانت في موضوع الصور ده ذاتو و أنا اقترحت نفتح بوست نتناقش فيهو لانو متذكر إنو راينا كان مختلف في الموضوع ، عشان كده رايك مهم هنا .
|
Post: #32
Title: Re: الصور الصور الصور ....!!!
Author: أمين محمد سليمان
Date: 12-30-2009, 09:59 PM
Parent: #31
Quote: لهذا البوست وصاحبه الياسمين..
ولصاحبي ياسر طيفور ..
____
والرماد لأميرة !
|
معتصم يا حبيبنا
بالله ما تعصر علي بت الشيخ دي شديد ، الكلام ده كلو بقع في راسي أنا ده ، و أنا بصراحه راسي بقي ما مستحمل أي شي !
|
Post: #33
Title: Re: الصور الصور الصور ....!!!
Author: Faisal Elrasheed
Date: 12-30-2009, 10:10 PM
Parent: #32
اها انجهونا 
زكرتني نكته كده ما بتتقال هنا 
|
Post: #34
Title: Re: الصور الصور الصور ....!!!
Author: أمين محمد سليمان
Date: 12-30-2009, 10:11 PM
Parent: #32
Quote: الاستاذ امين ياسمين ارجو ان لا تنسي الاستاذ انور التكينة الاخصائي في مجال التصوير والسريع كما البرق في الانتشار ,
لانور التكينة مساهمات عظيمة في هذا البورد فقد اجتهد الرجل وانفق من وقته وعرقه وكل غال ونفيس لنقل ما يدور وما يخص الاخوة الزملاء .....
لم يألو جهدا في نقل كل المناسبات السعيدة والتي ادخلت السرور والغبطه لدينا..........
قام بتغطية كل ما يمكن تغطيته هنا..
|
أبو الفا يا بتاع الفتن ! ما ظهر منها و ما بطن !
ياخي والله البوست ده فكرتو ليها سته و لا سبعه شهور ، وتناقشنا في بوست ما ، أنا و ليون في نفس الموضوع ده قبل سته أو سبعه شهور ، الموضوع ليس موجه ضد أحد بشخصه .
الاخ التكينه و بقية الأخوان البصورو أنا متاكد تماما من حسن نيتهم و تعبهم كلو لنقل الصوره لباقي الأخوان و الأخوات ، لكن في الآخر لا يصح إلا الصحيح ! هل يؤخذ إذن كل من يؤتي أو تؤتي بصورتها لهذا المكان ؟!
|
Post: #35
Title: Re: الصور الصور الصور ....!!!
Author: أمين محمد سليمان
Date: 12-30-2009, 10:16 PM
Parent: #34
| Quote: زكرتني نكته كده ما بتتقال هنا |
طيب ما تقولها في الماسنجر ، هسي في داعي للفضايح دي
|
Post: #36
Title: Re: الصور الصور الصور ....!!!
Author: Amira Elsheikh
Date: 12-31-2009, 00:18 AM
Parent: #35
Quote: معتصم يا حبيبنا
بالله ما تعصر علي بت الشيخ دي شديد ، الكلام ده كلو بقع في راسي أنا ده ، و أنا بصراحه راسي بقي ما مستحمل أي شي |
شوف يا امين لو عايز مسالة التطبيع بينا تستمر,,,ابتفة دا مايجى يعرض فى البوست ومعتصم دفع الله يعتذر,,,
اظر وايس الرماد كال حماد*
معتصم وابتفة,,,,
يعنى ياشينين مالقيتو شئ تقولو فى موضوع الصور الا رمادى دا,,,رمادنا ولابودرة الناس
_______________________________________
حماد فى الرواية الاصلية هو امين صاحب البوست
|
Post: #37
Title: Re: الصور الصور الصور ....!!!
Author: أمين محمد سليمان
Date: 12-31-2009, 02:20 AM
Parent: #36
Quote: شوف يا امين لو عايز مسالة التطبيع بينا تستمر,,,ابتفة دا مايجى يعرض فى البوست ومعتصم دفع الله يعتذر,,,
اظر وايس الرماد كال حماد*
_______________________________________
حماد فى الرواية الاصلية هو امين صاحب البوست |
قال تعالي : (وَلاَ تَزِرُ وَازِرَةٌ وِزْرَ أُخْرَى)
بعدين معتصم ده راجل فاهم و عاقل كان شرحت ليه بفهم لي ، أب تفه بكمية السوء و الشر الفيهو دي ، كان قعدت أشرح ليه ليوم الدين ما حا يفهمني !!
يا أميرتنا :
تحالف الياسمين قائم و ماضي إلي أن تجف الأقلام في هذا المكان !
|
Post: #38
Title: Re: الصور الصور الصور ....!!!
Author: omer osman
Date: 12-31-2009, 07:14 AM
Parent: #37
| Quote: الاخ التكينه و بقية الأخوان البصورو أنا متاكد تماما من حسن نيتهم و تعبهم كلو لنقل الصوره لباقي الأخوان و الأخوات ، لكن في الآخر لا يصح إلا الصحيح ! هل يؤخذ إذن كل من يؤتي أو تؤتي بصورتها لهذا المكان ؟! |
الراجل ده بقول كلام زي الفل ...........
|
Post: #39
Title: Re: الصور الصور الصور ....!!!
Author: Faisal Elrasheed
Date: 12-31-2009, 08:24 AM
Parent: #38
Quote: أبو الفا يا بتاع الفتن ! ما ظهر منها و ما بطن !
ياخي والله البوست ده فكرتو ليها سته و لا سبعه شهور ، وتناقشنا في بوست ما ، أنا و ليون في نفس الموضوع ده قبل سته أو سبعه شهور ، الموضوع ليس موجه ضد أحد بشخصه .
الاخ التكينه و بقية الأخوان البصورو أنا متاكد تماما من حسن نيتهم و تعبهم كلو لنقل الصوره لباقي الأخوان و الأخوات ، لكن في الآخر لا يصح إلا الصحيح ! هل يؤخذ إذن كل من يؤتي أو تؤتي بصورتها لهذا المكان ؟! |
امين ياسمين
كدي نفرتك كلامك الفوق ده بمنظور مسالم
| Quote: البوست ده فكرتو ليها سته و لا سبعه شهور ، وتناقشنا في بوست ما ، أنا و ليون في نفس الموضوع ده قبل سته أو سبعه شهور |
وانا قلته هسه انو الفكرة تاريخه متين ؟ انت يا عمو اب تفه واميره الظاهر جابو ليك استافسكا في النتبروكه والشكبزورب
| Quote: الموضوع ليس موجه ضد أحد بشخصه |
ومنو القال انو الموضوع موجه ضد زول هسه ؟؟ ما تخلي المثل ينطبق عليك (ده واحد تاني برسلو ليك في المسنجر)
| Quote: الاخ التكينه و بقية الأخوان البصورو أنا متاكد تماما من حسن نيتهم و تعبهم كلو لنقل الصوره لباقي الأخوان و الأخوات |
نؤكد علي ذلك
| Quote: هل يؤخذ إذن كل من يؤتي أو تؤتي بصورتها لهذا المكان |
لا اظن ذلك....كثير من الاصدقاء قالو انهم تفاجأوا بالسرعه التي تصل بها الصور الي البورد لدرجه انهم لم يجدو الفرصه للاعتراض ..ياخ في ناس قالو بعدالفلاشات بتاعة الكاميرا جاهم احساس بانهم مشاين جو انفاق ضيييقه ..اعتقد انها دي الاسلاك بتاعت الشبكه وذلك في طريقهم الي العرض
| Quote: لكن في الآخر لا يصح إلا الصحيح |
وهذا هو الاساس
|
Post: #40
Title: Re: الصور الصور الصور ....!!!
Author: انور التكينة
Date: 12-31-2009, 08:46 AM
Parent: #39
فيصل الرشيد
صبحك خير
بطل دغالة و رد على التيلفون !!!
|
Post: #41
Title: Re: الصور الصور الصور ....!!!
Author: أمين محمد سليمان
Date: 12-31-2009, 04:14 PM
Parent: #40
| Quote: الراجل ده بقول كلام زي الفل |
يا سعادتك ، الفل ده ما بنعرفو ، إسمو كلام زي الياسمين !
|
Post: #42
Title: Re: الصور الصور الصور ....!!!
Author: Faisal Elrasheed
Date: 12-31-2009, 04:18 PM
Parent: #41
| Quote: تحالف الياسمين قائم و ماضي إلي أن تجف الأقلام في هذا المكان ! |
طيب ماتعملو مشتل ..
واهو بالمره يكون تحالف واستثمار ..
شغلت التحالفات المافيها كشكوش دي ما بتجيب حقها يا امين عمي ...
عشان كده ركز علي الحته دي وزي ما بقولو اخوانك المصريين ..
بارك الله في من نفع واستنفع ..والرزء يحب الخفية
|
Post: #44
Title: Re: الصور الصور الصور ....!!!
Author: ود الخليفه
Date: 12-31-2009, 04:31 PM
Parent: #42
تحياتي
ادونا رايكم بهناك
وداعا للفيس بوك
|
Post: #43
Title: Re: الصور الصور الصور ....!!!
Author: أمين محمد سليمان
Date: 12-31-2009, 04:30 PM
Parent: #41
سلام يا أبو الفا Quote: ومنو القال انو الموضوع موجه ضد زول هسه ؟؟ ما تخلي المثل ينطبق عليك (ده واحد تاني برسلو ليك في المسنجر)
|
معاك حق ، مافي زول قال إنو الموضوع موجه ضد زول ، لكن لانو أنا كنت متردد في فتح الموضوع أصلا حتي لا يفهم إنو ضد أحد - و بالذات الاخ التكينه - لانو أنا علقت علي موضوع الصور ده في بوست تمبس و التكينه كان من أتي بصور زواج تمبس في البورد ، عشان كده مجرد ذكرك لاسم التكينه أداني إحساس إنو إنت - و بالتالي ناس كتار زيك - حا يكونو فهمو إنو الموضوع ده خاص ببوست التكينه و زواج تمبس .
و الحقيقه إنو أنا بتكلم في موضوع عام ليهو فتره طويله في راسي .
|
Post: #45
Title: Re: الصور الصور الصور ....!!!
Author: أمين محمد سليمان
Date: 01-04-2010, 06:46 PM
Parent: #43
مشينا يا ود الخليفه و اديانك راينا بهناك !
|
Post: #46
Title: Re: الصور الصور الصور ....!!!
Author: العوض المسلمي
Date: 01-04-2010, 06:59 PM
Parent: #45
الخال امين ودي الذي لاتعرف ..
فعلا بعد فتحك لهذا البوست ومناقشته وصلت لقناعة انه اما الاعضاء حل يمكن الالتزام به
وهو انه قبل ان تنشر صورة العضو ايا كان جنسه او رغبته في النشر ارسال الصورة له
واخذ موافقته بالنشر ..
اما الحل التاني وهو لن يعمل بكري منبر خاص يالاعضاء كما في كثير من المنابر لايدخله الا الاعضاء
ومن خلاله يمكن نشر صور الجلسات الاجتماعية دون خوف او ترسقة او ضحك من الاخرين ومن بعض التعليقات
التي تغضب الكثيرين ...
|
Post: #47
Title: Re: الصور الصور الصور ....!!!
Author: أمين محمد سليمان
Date: 01-04-2010, 07:13 PM
Parent: #46
Quote: فعلا بعد فتحك لهذا البوست ومناقشته وصلت لقناعة انه اما الاعضاء حل يمكن الالتزام به
وهو انه قبل ان تنشر صورة العضو ايا كان جنسه او رغبته في النشر ارسال الصورة له
واخذ موافقته بالنشر ..
اما الحل التاني وهو لن يعمل بكري منبر خاص يالاعضاء كما في كثير من المنابر لايدخله الا الاعضاء
ومن خلاله يمكن نشر صور الجلسات الاجتماعية دون خوف او ترسقة او ضحك من الاخرين ومن بعض التعليقات
التي تغضب الكثيرين ... |
والله يا حاج أنا عارف الموضوع ده مافي زول بحلو غيرك !
الاقتراحين وجيهين ، و إذا تناقشت مع بكري و إخترتو أي منهما و الناس وافقت عليو تنل ثواب الدنيا و الأخره !
|
Post: #48
Title: Re: الصور الصور الصور ....!!!
Author: العوض المسلمي
Date: 01-04-2010, 07:17 PM
Parent: #47
الخال امين بكري ديموقراطي وما بقبل زي كلامك ده ..
شوف افتح بوست للتصويت واكيد بكري بلتزم بنتيجة التصويت ,,
ما تجيب لينا هوا ياخال ..
|
Post: #49
Title: Re: الصور الصور الصور ....!!!
Author: أمين محمد سليمان
Date: 01-04-2010, 07:21 PM
Parent: #48
Quote: الخال امين بكري ديموقراطي وما بقبل زي كلامك ده ..
|
يا راااااااااااجل !
|
Post: #50
Title: Re: الصور الصور الصور ....!!!
Author: العوض المسلمي
Date: 01-04-2010, 07:31 PM
Parent: #49
اذا ما مصدق بصحي ليك سيدنا ده يعدل ليك راسك
|
Post: #51
Title: Re: الصور الصور الصور ....!!!
Author: أمين محمد سليمان
Date: 01-05-2010, 05:55 AM
Parent: #50
Quote: فعلا بعد فتحك لهذا البوست ومناقشته وصلت لقناعة انه اما الاعضاء حل يمكن الالتزام به
وهو انه قبل ان تنشر صورة العضو ايا كان جنسه او رغبته في النشر ارسال الصورة له
واخذ موافقته بالنشر ..
اما الحل التاني وهو لن يعمل بكري منبر خاص يالاعضاء كما في كثير من المنابر لايدخله الا الاعضاء
ومن خلاله يمكن نشر صور الجلسات الاجتماعية دون خوف او ترسقة او ضحك من الاخرين ومن بعض التعليقات
التي تغضب الكثيرين ... |
بالله يا أخوانا أدونا رأيكم في إقتراحات العوض ده ، أو أي إقتراحات أخري عمليه لمنع أو علي الأقل التقليل من نشر صور الناس في المنبر بدون إذنها .
|
Post: #52
Title: Re: الصور الصور الصور ....!!!
Author: Amira Elsheikh
Date: 01-18-2010, 11:57 AM
Parent: #51
| Quote: بالله يا أخوانا أدونا رأيكم في إقتراحات العوض ده ، أو أي إقتراحات أخري عمليه لمنع أو علي الأقل التقليل من نشر صور الناس في المنبر بدون إذنها . |
انت ادينا رايك,,,
البوست انت قنعت منو?
|
Post: #53
Title: Re: الصور الصور الصور ....!!!
Author: عفاف الصادق بابكر
Date: 01-18-2010, 12:41 PM
Parent: #52
امين ود محمد سليمان .. نهارك سعيد
| Quote: يا سعادتك ، الفل ده ما بنعرفو ، إسمو كلام زي الياسمين ! |
البوست ده زي الفل ... والكلام زي الياسمين ... واميرة صحبتي زي الورد ..
|
Post: #54
Title: Re: الصور الصور الصور ....!!!
Author: مزمل خيرى
Date: 01-18-2010, 12:47 PM
Parent: #53
Quote: اما الحل التاني وهو لن يعمل بكري منبر خاص يالاعضاء كما في كثير من المنابر لايدخله الا الاعضاء
|
وللخال امين الف تحية على البوست
|
Post: #55
Title: Re: الصور الصور الصور ....!!!
Author: هشام المجمر
Date: 01-18-2010, 12:53 PM
Parent: #53
دى اول صورة فى بوست
الصور الصور الصور....!!!
انا وبدر الدين الامير فى الدوحة و اظن فى حفلة الكتيابى
بدر الدين من غير بدلة كاشوال يعنى وما فينا من زعل
|
Post: #56
Title: Re: الصور الصور الصور ....!!!
Author: أمين محمد سليمان
Date: 01-18-2010, 05:36 PM
أميره العاقله
أنا رايي مع أي اليه تضمن إنو مافي زول تتخت صورتو هنا بدون موافقتو عضو كان بالمنبر أم لا ، ذكرا كان أو أنثي !
|
Post: #57
Title: Re: الصور الصور الصور ....!!!
Author: أمين محمد سليمان
Date: 01-18-2010, 05:46 PM
Parent: #56
| Quote: البوست ده زي الفل ... والكلام زي الياسمين ... واميرة صحبتي زي الورد .. |
الله يسامحك يا عفاف ، عصرت علي الورد والله ! 
|
Post: #59
Title: Re: الصور الصور الصور ....!!!
Author: أمين محمد سليمان
Date: 01-18-2010, 05:53 PM
Parent: #57
| Quote: وللخال امين الف تحية على البوست |
الله يديك العافيه يا مزمل
لكن قصة بورد خاص للأعضاء لمشاهدة الصور ده أنا ما معصور عليها ، لانو الأعضاء ديل ذاتهم ما من حقهم يشوفو صور ناس قد يكونو ما موفقين علي إنو صورهم تشاهد بواسطة الأعضاء ديل .
|
Post: #64
Title: Re: الصور الصور الصور ....!!!
Author: عماد الشبلي
Date: 01-18-2010, 06:16 PM
Parent: #57
امين .. سلام
انا بتاوق من الشباك ..
وبسمعكم بتقطعو في المصورين بتقولو شنو ؟؟
وبمشي اوصل القطيعة للمصورين
غايتو شيلو شيلتكم
الناس ديل عندهم نقابة قوية ..
|
Post: #58
Title: Re: الصور الصور الصور ....!!!
Author: Amira Elsheikh
Date: 01-18-2010, 05:51 PM
Parent: #56
| Quote: أنا رايي مع أي اليه تضمن إنو مافي زول تتخت صورتو هنا بدون موافقتو عضو كان بالمنبر أم لا ، ذكرا كان أو أنثي ! |
قال الية قال ,,,والله دا سابع المستحيلات...
اى مكان فيهو لمة عادى بتلقى زى 10 كاميرات ديل بتعرفهم و15 كاميرا ما بتعرف اصحابهم
اها نفترض انك كلمت ال10 البتعرفهم انهم ما ينزلو وليك صور ... اها ال15 الباقين تسوى ليهم شنو ؟؟
غير تنزيل الصورة بتلقى زى 500 زول محتفظين ليك ب1000 صورة فى مليون بلد ,,,
فى الغالب الناس القريبين منك ممكن تقول ليهم ماتنزلو لى صور لكن مرات بتجيب ليها زعل ,,
انا مع فكرة انك زول ما بتعرفو مافى داعى تصورو من اصلو
والزول البتعرفو تستاذنو وبعدها ممكن تنزل ..
|
Post: #61
Title: Re: الصور الصور الصور ....!!!
Author: أمين محمد سليمان
Date: 01-18-2010, 06:07 PM
Parent: #58
Quote: اى مكان فيهو لمة عادى بتلقى زى 10 كاميرات ديل بتعرفهم و15 كاميرا ما بتعرف اصحابهم
اها نفترض انك كلمت ال10 البتعرفهم انهم ما ينزلو وليك صور ... اها ال15 الباقين تسوى ليهم شنو ؟؟
|
يا ستهم
المسؤليه هنا بتقع علي العضو البنزل الصور في المنبر بغض النظر عن منو الصور الصور دي !
كلامك سليم ، ما بنقدر نتحكم في منو البصور في المناسبات المختلفه ، سواء كانو أعضاء هنا أم لا ، لكن بنعرف منو النزلهم هنا و هو المسؤل مسؤليه تامه .
المشكله الوحيده في أي عملية تنظيم للمساله دي ، إنها بتطلب تدخل الإداره و الإداره - حفظها الله في حلها و ترحالها - ما من مصلحتها عدم نشر الصور حتي لو كانت خاصه لانها بتزيد الكلكات و الكلكات بتجيب الكنجالات و الكنجالات بتجيب أي شي !
|
Post: #63
Title: Re: الصور الصور الصور ....!!!
Author: Amira Elsheikh
Date: 01-18-2010, 06:16 PM
Parent: #61
| Quote: المشكله الوحيده في أي عملية تنظيم للمساله دي ، إنها بتطلب تدخل الإداره و الإداره |
تطير عيشة الادارة يا امين ..
والله انا من بكرى يا ارفدك يا امسكك الادارة دى شان نشوف حتسوى شنو
شابكنا الادارة ..الادارة ,,الادارة
شوف حلول من غيرها
الاساءة والمنابيذ عرفناها انو الادارة ممكن تتدخل
احتمال الناس راضية صورها تنزل .. الادارة تعرف كيف؟
شان كدا انا بقول استشارة الشخص اول,,
تانيا .... فى صور عادية هنا ومافيها شئ بتتنزل بتجى ناس نفوسها ضعيفة بتستغلها
دى النقطة المحرقانى
|
Post: #60
Title: Re: الصور الصور الصور ....!!!
Author: Amira Elsheikh
Date: 01-18-2010, 06:01 PM
Parent: #56
| Quote: البوست ده زي الفل ... والكلام زي الياسمين ... واميرة صحبتي زي الورد .. |
تسلمى ياعفاف ياخ بس الكلام دا بزعل عمك امين ياسمين ..
لانو الياسمين فى الفترة الاخيرة بقى حصرى على امين
عاقلة الشووووووووووية دى ,,,
انت الاعقل ..
دى على وزن انت الاجمل وانت الشنو كدا ماعارفة ديك
|
Post: #62
Title: Re: الصور الصور الصور ....!!!
Author: أمين محمد سليمان
Date: 01-18-2010, 06:11 PM
Parent: #60
Quote: انا وبدر الدين الامير فى الدوحة و اظن فى حفلة الكتيابى
بدر الدين من غير بدلة كاشوال يعنى وما فينا من زعل |
شكرا يا هشام علي الصوره ، و احتمال بدر الدين يرفع فيك قضيه مصورو بالكاجوال !
|
Post: #65
Title: Re: الصور الصور الصور ....!!!
Author: MOHAMMED ELSHEIKH
Date: 01-18-2010, 06:19 PM
Parent: #60
سلام لكل المتداخلين و سيد البوست
وتحية خاصة للمجمر اب شعرا مقمر
يعني يا هشام عشان طولنامنك تقوم تغشنا باللون الأسواااااد دا
اها يا جماعة دا السبب ذاتو البخلينا ننتقد تنزيل الصور و المعالجات التقنية و الفوتوشوب و شنو ماعارف داك
جاييكم
اللون الأحمر عشان خاطر اميرة الحميراء بت الشيخ
|
Post: #66
Title: Re: الصور الصور الصور ....!!!
Author: معاوية عوض الكريم
Date: 01-18-2010, 06:53 PM
Parent: #65
امين
انت مفروض تعتذر للمشاهديـن
|
Post: #67
Title: Re: الصور الصور الصور ....!!!
Author: أمين محمد سليمان
Date: 01-18-2010, 08:56 PM
Parent: #66
Quote: تطير عيشة الادارة يا امين ..
والله انا من بكرى يا ارفدك يا امسكك الادارة دى شان نشوف حتسوى شنو
شابكنا الادارة ..الادارة ,,الادارة
شوف حلول من غيرها
الاساءة والمنابيذ عرفناها انو الادارة ممكن تتدخل
احتمال الناس راضية صورها تنزل .. الادارة تعرف كيف؟
|
أميره يا ستهم
أي إقتراح حا يوافقو عليه الأعضاء لازم يمر بلإداره ، مثلا إقتراح عمل منتدي خاص بالأعضاء فقط لمشاهدة الصور ، الحا يعمل المنتدي ده منو غير بكري بصلعتو الكبيره دى ؟ أي إقتراح مهما كان شكلو : أب بكري لازم يوافق عليهو وحسب ما أري - وقد أكون غلطان - بكري ما حا يشتغل بالموضوع (حتي لو إتفق الأعضاء ) لانو الصور في تقديري أكبر مصدر من مصادر الدخل في دولتنا الإسفيريه !
------
والله بقيت أصدق كلام أب تفه بتاع إنك بتخافي من الإداره أكتر من خوفك علي مستقبلك !
|
Post: #68
Title: Re: الصور الصور الصور ....!!!
Author: معاوية عوض الكريم
Date: 01-18-2010, 09:07 PM
Parent: #67
| Quote: بكري بصلعتو الكبيره دى ؟ |
كلامك دا ما بتنط منو ؟
|
Post: #69
Title: Re: الصور الصور الصور ....!!!
Author: أمين محمد سليمان
Date: 01-18-2010, 09:18 PM
Parent: #68
| Quote: كلامك دا ما بتنط منو ؟ |
لو إضغطه شديد بنط !
|
Post: #70
Title: Re: الصور الصور الصور ....!!!
Author: معاوية عوض الكريم
Date: 01-18-2010, 09:40 PM
Parent: #69
| Quote: لو إضغطه شديد بنط ! |
|
Post: #71
Title: Re: الصور الصور الصور ....!!!
Author: أمين محمد سليمان
Date: 01-18-2010, 10:25 PM
Parent: #70
Quote: امين .. سلام
انا بتاوق من الشباك ..
وبسمعكم بتقطعو في المصورين بتقولو شنو ؟؟
وبمشي اوصل القطيعة للمصورين
غايتو شيلو شيلتكم
الناس ديل عندهم نقابة قوية .. |
يا عماد ناس أميره الشيخ ديل غير القطيعه الإسفيريه ما عندهم أي شي ! الله يهديهم !
بالنسبه للصور ، المشكله ما في جايبنها من وين و منو الصورها و كان عندو إذن للصوره ذاتها ولا لا ، ده موضوع تاني بخص أصحاب المناسبه و الناس الفي الصور نفسهم ، نقاشنا هنا عن نشر الصور في المنبر و أهمية موافقة الناس المتصوره علي نشر صورها هنا .
|
Post: #72
Title: Re: الصور الصور الصور ....!!!
Author: Tabaldina
Date: 01-18-2010, 11:05 PM
Parent: #71
..
.
ما عايز صورتك تنزل ما تشارك
فى النشاطات الاجتماعية للمنبر او ما يتفرع منها من مناسبات
ولقاءات .. لعضويته ونشاطات اعضائه ..
اوان يكون موقفك معروفا وواضحامن الصور التى
تنشر عبر الانترنت _ انعام عبدالحفيظ مثالا _
_______
لكن تحاحى وتشرك دى ..
ما بتجى ..
بجيكم بكره الواحد زى نعسان كدا
|
Post: #73
Title: Re: الصور الصور الصور ....!!!
Author: أمين محمد سليمان
Date: 01-18-2010, 11:10 PM
Parent: #72
Quote: ما عايز صورتك تنزل ما تشارك
فى النشاطات الاجتماعية للمنبر او ما يتفرع منها من مناسبات
ولقاءات .. لعضويته ونشاطات اعضائه ..
|
عليك الله لمن تصحي بكره و تجي هنا ، جيب لينا معاك حل للناس الصورهم - في مناسبات ما عندها علاقه أصلا بالبورد - نازله في البورد و هم ما أعضاء هنا !
|
Post: #76
Title: Re: الصور الصور الصور ....!!!
Author: Tabaldina
Date: 01-19-2010, 11:32 AM
Parent: #73
..
.
أزيكم ..
Quote: عليك الله لمن تصحي بكره و تجي هنا ، جيب لينا معاك حل للناس الصورهم -
في مناسبات ما عندها علاقه أصلا بالبورد - نازله في البورد و هم ما أعضاء هنا ! |
اها انا صحيت يادوب فى المكتب
شنو يا خال .. صارى لى كلامك دا كدى
الواحد بقى بعرف الزول لو كلامو صاريهو ولا لا _ العن ابو االخبرة زاتها _
حسي ..
تعال ورينى
ياتو مناسبة دى ما ليها علاقة ببوردابى او بوردابية
جا واحد لصقها هنا ..
او صور مناسبات ما ليها علاقة بالبورد ؟؟
ديل ما مرت علي ..!!؟
جيب مثال بدون صور ..
وبجيك تانى
_______
لقيتنى مسكين تقعد تنهر فينى
|
Post: #74
Title: Re: الصور الصور الصور ....!!!
Author: Amira Elsheikh
Date: 01-19-2010, 05:19 AM
Parent: #72
| Quote: بجيكم بكره الواحد زى نعسان كدا |
نوم الظالم عبادة ياتبلدينا ,,,,,,,,,
الليلة ووووب,,,,
بالله ركز واقرا تانى طالما نعسان وكدا,,,,
___________________________________
ازيك ياخ وبركة بالشوفة يامشاغب
|
Post: #75
Title: Re: الصور الصور الصور ....!!!
Author: أيمن الطيب
Date: 01-19-2010, 06:44 AM
Parent: #74
سلام يا نوتة,,,
شوف عينى ما كلمنى زول,,
فى رحلة ما,,
الله يطراه بالخير,,
شايل تلاااااااااااااااااااااااتة كاميرات,,,
كاميرا الفيديو فى اليمين,,
والديجيتال SLR فى يدو الشمال,,
وكل شوية بطلع الموبايل لتسجيل اللقطات الفريدة والنادرة وبما إنو الموبايل فيهو فيديو
برضو فممكن نقول أربعة كاميرات وما خفى أعظم..
وصاحبنا لافى صينية جوه الدايرة,,
ضاغط ليك خلق الله ضغط الجن,,
واااااااااحد فتح خشمو مافى
وما تقول لى ليه!!!
لكن حسب فهمى كدا والله أعلم,,
العالم دى كانت هيروشيما,,
ففضلو رقاد القش والإنبطاح,
خوفا مما سوف يحمله الغد,,
تفتح خشمك حا تترش بوست بى صورو,,
وأسأل تبلديكم
بعد شوية اخوك لا حظ إنو الزول دا أول ما يكمل لفتو ويقبّل عليك تانى,,
الجماهير شتاااااااااااااات,,
البعمل فيها ماشى ياكل والماشى يصلى,,
المهم الزول دا ما يلم فيك تانى فى لفتو دى,,
قالو الروب وما نفع,,
أما الشابات فكل واحدة بتشيل تلفونا وتخش الغابةأو تفتش ليها حاجة وقعت منها فى الأرض,,لأنو الصرصرة والمضايرة ما نفعت ,,
يا زول دا شنو البتعمل فيهو دا!!!!!!!
قال دا توثيق!!
للأجيال القادمة,,
تلاتة كاميرات فى يد زول واااااااااااااااااحد!!!!!
القصة دى سوفى تحيرنى ما حييييييييييييييييييييييييت,,
وتوجد صور بعد الرحلة,,,
إنتهاك مبالغ فيهو لقانون الجاذبية
والخسوسية,,
بس ما تنسى إنو فى ناس كان ما صوروهم وجابوهم بجيبو صورهم برااااااااااااااااااهم,,
ولذلك نحن نحترم خيارات الجماهير مع إحتفاظنا بحقوقنا كاااااااااااااااملة أنا وأخوى قمر بوبا,,
زول بموت فى الصور زى بوبا دا إصصصصصصصصصصصصصصصصصصصلو ما لاقانى,
دقيقة بس أجيب ليك صورو وأجى,,
عامل راسو زى لفة المركز الإسلامى,,
إنتظرونا,,
|
Post: #77
Title: Re: الصور الصور الصور ....!!!
Author: ندى عثمان حسن
Date: 01-19-2010, 11:38 AM
Parent: #75
Quote: دقيقة بس أجيب ليك صورو وأجى,,
عامل راسو زى لفة المركز الإسلامى,, |
عليك الله اى وش بيضحك فى المنبر دة ختو لى هنا
|
Post: #78
Title: Re: الصور الصور الصور ....!!!
Author: Amira Elsheikh
Date: 01-19-2010, 12:01 PM
Parent: #77
| Quote: زول بموت فى الصور زى بوبا دا إصصصصصصصصصصصصصصصصصصصلو ما لاقانى, |
اجل اجل
|
Post: #79
Title: Re: الصور الصور الصور ....!!!
Author: GamarBoBa
Date: 01-19-2010, 12:04 PM
Parent: #77
يا جماعة
بالواضح كدة انا البوست ده شفته بدري وكتلت منه ملف لسببين
الاول انو أمين ده طلع قريب حكيم تولا وديل ناس لخباتين جدا وببرمجوا بالزول عادي
التاني انو الزول لو فتح خشمه ممكن يتعوق خاصة انو اميرة الشيخ لاعبة ارتكاز في البوست ده ودي برضو ما مضمونة يعني ممكن تكشح لي كم حاجة هنا وصراحة كدة اميرة دي ماسكة لي كم زلة...هنا ماف طريقة لكن في الفيس بوك ماقاعد اخليها.
المهم جابني ليك ايمن الطيب بمداخلته الجميلة جدا لكن تحت قام شترها
يا ايمن تجوا تشربوا كركدي وسندوتشات سمك وتجوا تبتزونا كدة
عموما انا لو في اي حركة بنكر حطب انو ده ما انا
يا ندي ازيك واخبارك...طيب انتي زوله عاقلة الزول ده قال راسي بشبه لفة المركز الاسلامي ...فانتي كان تعدليه تقولي ليه بشبه لفة ابوحمامة بدل تفتشي وجوه معبرة وضاحكة
امس زرت ليك بوست بيخص صديقنا بوكو(الزول زاتو) متلفزنه خاتي سنارته في اجازته الاسبوعية بالله فلاشة بالجنبة لقطته وهواطول من السنارة ...شابكنا لووووول يكة وكوميديا اسفيرية...لكن ما خليته اديته لفت نظر قلت ليه خذلت الاسماء المستعارة بعملتك دي.
|
Post: #81
Title: Re: الصور الصور الصور ....!!!
Author: ندى عثمان حسن
Date: 01-19-2010, 12:26 PM
Parent: #79
| Quote: لكن ما خليته قلت ليه خذلت الاسماء المستعارة بعملتك دي. |
أنت ذاتك أعمل حسابك , ماتشبكنى عاقلة ولايحزنون
|
Post: #80
Title: Re: الصور الصور الصور ....!!!
Author: GamarBoBa
Date: 01-19-2010, 12:13 PM
Parent: #77
Quote: سلام يا نوتة,,,
شوف عينى ما كلمنى زول,,
فى رحلة ما,,
الله يطراه بالخير,,
شايل تلاااااااااااااااااااااااتة كاميرات,,,
كاميرا الفيديو فى اليمين,,
والديجيتال SLR فى يدو الشمال,,
وكل شوية بطلع الموبايل لتسجيل اللقطات الفريدة والنادرةوبما إنو الموبايل فيهو فيديو
برضو فممكن نقول أربعة كاميرات وما خفى أعظم..
وصاحبنا لافى صينية جوه الدايرة,,
ضاغط ليك خلق الله ضغط الجن,,
واااااااااحد فتح خشمو مافى
وما تقول لى ليه!!!
لكن حسب فهمى كدا والله أعلم,,
العالم دى كانت هيروشيما,,
ففضلو رقاد القش والإنبطاح,
خوفا مما سوف يحمله الغد,,
تفتح خشمك حا تترش بوست بى صورو,,
وأسأل تبلديكم
بعد شوية اخوك لا حظ إنو الزول دا أول ما يكمل لفتو ويقبّل عليك تانى,,
الجماهير شتاااااااااااااات,,
البعمل فيها ماشى ياكل والماشى يصلى,,
المهم الزول دا ما يلم فيك تانى فى لفتو دى,,
قالو الروب وما نفع,,
أما الشابات فكل واحدة بتشيل تلفونا وتخش الغابةأو تفتش ليها حاجة وقعت منها فى الأرض,,لأنو الصرصرة والمضايرة ما نفعت ,,
يا زول دا شنو البتعمل فيهو دا!!!!!!!
قال دا توثيق!!
للأجيال القادمة,,
تلاتة كاميرات فى يد زول واااااااااااااااااحد!!!!!
القصة دى سوفى تحيرنى ما حييييييييييييييييييييييييت,,
وتوجد صور بعد الرحلة,,,
إنتهاك مبالغ فيهو لقانون الجاذبية
والخسوسية,, |
مبالغة والله
ياخي لي زمن الزول ما استمتع في المنبر بالطريقة دي
|
Post: #83
Title: Re: الصور الصور الصور ....!!!
Author: Amira Elsheikh
Date: 01-19-2010, 12:32 PM
Parent: #80
والله ياقمر وياايمن انا البوست دا مشركة بيه ليكم تحديد,,
بركةالجيتو...كدا البوست دا جاب حقو
|
Post: #94
Title: Re: الصور الصور الصور ....!!!
Author: ممدوح أبارو
Date: 01-20-2010, 12:43 PM
Parent: #75
الخال وبت الشيخ والمتداخلين سلامات
Quote: زول بموت فى الصور زى بوبا دا إصصصصصصصصصصصصصصصصصصصلو ما لاقانى,
|
ياحلاوي أخبارك
بتدفع ولا بتعمل ذي المرة الفاتت؟
صاح بوبا وأميرة ديل فردنا.... بس الكاش بقلل النقاش
|
Post: #82
Title: Re: الصور الصور الصور ....!!!
Author: Tabaldina
Date: 01-19-2010, 12:30 PM
Parent: #74
..
.
Quote: نوم الظالم عبادة ياتبلدينا ,,,,,,,,,
الليلة ووووب,,,, |
والله لقيتونى بقيت يتيم
وزول بقى بخاف الله .. بقيتوا تملطشو فينى
انا ظالم ...
الله يسامحك ..
مسامحة اليتيم بتدخل الجنة ..
المحيرنى شايفكم كلمكم
بقتتوا تتعاملو معاى بالرافة
من شرير .. لمشاغب ..
برضو تحسن :)
______
حسي بما انك اصبحت معلومة لدينا ولديهم
ختى صورتك الحقيقية وشيلى صورة بت عمى دى
|
Post: #84
Title: Re: الصور الصور الصور ....!!!
Author: Amira Elsheikh
Date: 01-19-2010, 12:43 PM
Parent: #82
Quote: الحمدلله حمداً كثيرا الواحد فى صحة وعافية
لاشربوت شربنا لاعرقي صفينا ولا بيت اندايا دخلنا
ولاسفة تمباك ضقنا ولا دخان سجائر شمينا
طولت البال عرين الرجال وكسر شوكة الجبناء
كتر خير ودالصائم الضيفنا فى الجنينة
الله يسترنا يا ول قبل ما ندعي ليك بالباطل
قوم لف ودور وقول ماشاءاالله
الصور موجود في الارشيف لليوم التلقى تعرفوا |
اها دا نوع من انواع الابتزاز الانا بتكلم عنو,,,,,
رايكم شنو?
|
Post: #85
Title: Re: الصور الصور الصور ....!!!
Author: Amira Elsheikh
Date: 01-19-2010, 01:34 PM
Parent: #82
Quote: حسي بما انك اصبحت معلومة لدينا ولديهم
ختى صورتك الحقيقية وشيلى صورة بت عمى دى |
قلت لى بقيت معلومة لديكم??
دا حصل متين ماكلمتنى,,,
ياخ دى صورتى ماتشكك الناس ساى,,,,,بطل حسادة
___________________________
والله ياتبلدينا لو الناس دى كلها بقت مسكينة انت لا,,,
|
Post: #86
Title: Re: الصور الصور الصور ....!!!
Author: فايزودالقاضي
Date: 01-19-2010, 02:03 PM
Parent: #85
صورة بت عم اخونا اليتيم تبلدينا يااميرة داخلة في الموضوع ولا بره الحسبة ؟!! وهل هي استغلال لوجه حسن ولا لأ ؟!!
| Quote: ختى صورتك الحقيقية وشيلى صورة بت عمى دى |
ادناه صورة اميرة ياتبلدينا ....
http:// صور
|
Post: #87
Title: Re: الصور الصور الصور ....!!!
Author: احلام وهبي
Date: 01-19-2010, 02:10 PM
Parent: #86
استاذنا امين
تحياتي
الصورة بالف كلمة
وانا اكتر حاجة عاجباني في المنبر ده انو لو في اي صورة بتتجاوز الحدود
دايما بتفقوا الناس على شيلة وبتتشال مهم جدا احترام خصوصيات الناس
لكن هل هناك قانون للصور باشكالها وانواعها
حتى نستفيد ؟؟؟
احتراماتي
|
Post: #88
Title: Re: الصور الصور الصور ....!!!
Author: على محمد على بشير
Date: 01-19-2010, 02:36 PM
Parent: #87
غايتو انا حاسى انو امين فى البوست دا
بيدس السم فى الطحنيه زى الما حصل شئ
|
Post: #89
Title: Re: الصور الصور الصور ....!!!
Author: Amira Elsheikh
Date: 01-19-2010, 02:39 PM
Parent: #86
Quote: ادناه صورة اميرة ياتبلدينا ....
|
لوووووولي يافايز ,,,معانا ولامع الخيانة*
الخيانة ديل تبلدينا
|
Post: #90
Title: Re: الصور الصور الصور ....!!!
Author: فايزودالقاضي
Date: 01-19-2010, 02:46 PM
Parent: #89
| Quote: لوووووولي يافايز ,,,معانا ولامع الخيانة* |
نحن مع اليورينا صور يابت الشيخ ... السعودية عمتنا وضلمت عدساتنا ...وانت وخال حمورة عايزين تحرمونا من الشوفه قبل يومها ياكافي البلا ....
تبلدينا لو مع الخيانة ياني خاين كبير ...
كامل التاضمن مع التصاوير ...
|
Post: #91
Title: Re: الصور الصور الصور ....!!!
Author: Amira Elsheikh
Date: 01-19-2010, 02:58 PM
Parent: #90
| Quote: السعودية عمتنا وضلمت عدساتنا . |
وانااقول فى شنو شنو,,,,,
كدا انازاتى متضامنة معاك خالس خالس طالماانك بتدرس فى السعودية بنين
ياخ صورة بروفايلى دى اكتر من فى شنو??
حتى اسال امين دا,,,
|
Post: #92
Title: Re: الصور الصور الصور ....!!!
Author: فايزودالقاضي
Date: 01-19-2010, 03:11 PM
Parent: #91
| Quote: كدا انازاتى متضامنة معاك خالس خالس طالماانك بتدرس فى السعودية بنين |
لذلك اقترح افراد منتدى خاص لايدخله الا بورداب السعودية تنفيساً لهم.. إياكم ان تحرمونا من ذلك ...
ماده الخلي ود الصايم إنحرف وشرب الشيشة ,,,
| Quote: ياخ صورة البروفايل دى اكتر من فى شنو?? |
بروفايل منو ؟!!
|
Post: #93
Title: Re: الصور الصور الصور ....!!!
Author: Amira Elsheikh
Date: 01-20-2010, 05:14 AM
Parent: #92
me
|
Post: #95
Title: Re: الصور الصور الصور ....!!!
Author: أمين محمد سليمان
Date: 01-20-2010, 07:58 PM
Parent: #93
سلام للجميع و ساعود للرد للجميع إن شاء الله .
|
|